بعد العظم --- المقاول و دفعات بنك التنمية

[عيد بن شاكر]

السلام عليكم

حالياً شغال في التشطيب بروحي و المقاول الرئيسي خلص شغله العظم.

سؤالي يا إخوان ,,, بالنسبة للدفعه من بنك التنمية اشلون اطلبها؟ لازم توقيع المقاول؟ الإستشاري بيختم و يصور و يودي الأوراق الخ بس هل لازم توقيع/ختم المقاول عشان اقدر أطلب الدفعه من بنك التنمية؟

مشكورين

[شموخ دائم]

,

,


مرحبا

موفق ان شاء الله

طبعا اخوي لازم ختم وتوقيع المقاول والاستشاري لكل دفعه هذي امور رسميه مع البنك
اذا عقدك عظم ممكن يطلب فلوس حتى يكمل معاك خاصه الاستشاري

وطبعا الاستشاري يحتاج يزور الموقع لانه مايوقع بدون ما يشوف نوع التشطيب صح او فيه مشاكل او تركيب أي كلام
لانه ( التوقيع ) مسئوليته امام القانون لو حصلت مشكله وهو موقع ( يتوقف ) المكتب
والسنه الي فاتت توقف اكثر من 20 مكتب استشاري في قطر
بدون ذكر اسماء وهم معروفين ودائما اسمايهم كانت تنطرح هنا بالمنتدى


نصيحتي
حط ( افضل ) استشاري ( افضل ) لك وخله يتابع العقود والدفعات مع شركات
الابواب والشبابيك والمطابخ والعازل والكهرياء والبيب فيتر والرخام والسيراميك
ترى فيها امور فنيه ( تصعب ) على الانسان العادي وفي ناس ماعندهم ذمه
الاستشاري بيريحك من امور كثيره وافضل لبيتك
لانه يعرف يتعامل مع هذه الشركات ويعرف يوزع الدفعات بطريقه ( تحميك )


الاستشاري الجيد يحميك ويحمي بيتك


والله يوفقك والله يعينك على هم التشطيب


,

,


اخوك

شموخ دائم

[عيد بن شاكر]

كالعادة سباق للنصيحة الطيبه اخوي و جزاك الله خير

طيب لو كان بيني و بين مقاول العظم مشاكل لين ماسلم لي البيت ... تهقى بيوقع أي أوراق للدفعات؟

[شموخ دائم]

,

,

مرحبا

تسلم

لا تنسى ان في مشكله كبيره قادمه لك وهي شهاده ( اتمام البناء ) و ( كرت الكهرباء ) من البلديه ومن كهرماء
كلها تحتاج توقيع المقاول والاستشاري ايضا

ما اعتقد بيوقع خاصه اذا له باقي فلوس عليها خلاف بينكم

عندك خيارين

1- تجلس معاه جلسه وديه تحل المشاكل كلها وتسوي الامور ويوقع لك كل طلبات الدفعات الباقيه وفورمه اتمام البناء

2- تعمل ( عقد جديد) مع شركه مقاولات تعرفها زين للتشطيب وتاخذ العقد للبلديه تعمل استبدال المقاول او تكمله العقد
ونفس هذا العقد تاخذه بنك التنميه وتخبرهم ان عندك شركه جديده تكمل البيت وهو يوقع لك الدفعات واتمام البناء والكهرباء
يكون عقد على الورق فقط شركه صديق او احد تعرفه وانت تشطب البيت لوحدك اذا هذه رغبتك
او تطلب منه يشطب البيت لك على سبيل المثال انت تشتري سيراميك والقطع وهو عليه التركيب .... الخ

بالتوفيق لك

,

,

اخوك

شموخ دائم

[Qt.1]

والله ياخوي منت بمحتاج استشاري علشان اتركب درايش والاا اتركب سيراميك والاا اتركب عازل مثلا , انت بتروح حق شركات كبيره ومعروفه ولها اسمها , ممكن اتصير اخطاء في التركيب لكن ممكن انك اتعدلها , شوف لك مقاول محترم واتفق معاه تركيب بس وهو بيوقع لك باقي الدفعات لانه هو الي بيركب لك , انت اشتر كل شي وهو عليه التركيب , لتحط لك استشاري تدفع له شهري والا ابالطلعه وتدفع له على شنو ايطل ايشوف ركبو الدرايش والاا لاا مثلا ! شد حيلك اشوي وراكض وشطب بيتك بنفسك , والله يوفقك يارب .

[مضارب دوسري]

الشركه اللي بتشطب لك
تختم لك
عادي يعني
انا مثلا اللي سوالي الالمنيوم هو اللي ختم
واللي سوى البلاط والسيراميك هو اللي ختم
واللي سوا النجاره هو اللي ختم

وهم شركات مختلفه

[مضارب دوسري]

,

,

مرحبا

تسلم

لا تنسى ان في مشكله كبيره قادمه لك وهي شهاده ( اتمام البناء ) و ( كرت الكهرباء ) من البلديه ومن كهرماء
كلها تحتاج توقيع المقاول والاستشاري ايضا

ما اعتقد بيوقع خاصه اذا له باقي فلوس عليها خلاف بينكم

عندك خيارين

1- تجلس معاه جلسه وديه تحل المشاكل كلها وتسوي الامور ويوقع لك كل طلبات الدفعات الباقيه وفورمه اتمام البناء

2- تعمل ( عقد جديد) مع شركه مقاولات تعرفها زين للتشطيب وتاخذ العقد للبلديه تعمل استبدال المقاول او تكمله العقد
ونفس هذا العقد تاخذه بنك التنميه وتخبرهم ان عندك شركه جديده تكمل البيت وهو يوقع لك الدفعات واتمام البناء والكهرباء
يكون عقد على الورق فقط شركه صديق او احد تعرفه وانت تشطب البيت لوحدك اذا هذه رغبتك
او تطلب منه يشطب البيت لك على سبيل المثال انت تشتري سيراميك والقطع وهو عليه التركيب .... الخ

بالتوفيق لك

,

,

اخوك

شموخ دائم

ما يحتاج يروح يسوي عقد للتشطيب اخوي شموخ
انا شركات مختلفه شطبت عندي
وكل واحد قبل يقبض اخر دفعه اخليه يختم
واودي الورقه للاستشاري يختم بعد ما يجي ويصور الشغل