++ هل من حق الكفيل تفتيش جوالات الخدم ++

[شبح الصمت]

السلام عليكم ورحمة الله وبركاته ،،،


شدني رد الاخت ضوى في موضوع انه وحده من الخدم نزلت صورة بنت معزبتها في الفيس بوك ..
صدمه للاسرة وللفتاة مسكينه
حسبي الله ونعم الوكيل


وعليه هل لدينا الحق انه انبش في تلفونات الخدم ونحسسه بانهم مراقبين نظراً للتطور السريع في استخدمات الاجهزة الجديدة وغيرها من الالكترونيات ومن البرامج الموجودة بداخلها ..


هل لديك او لديكي الشجاعة للنظر لخصوصيات الخدم !!!


وحياكم الله واتمنى الكل يستفيد من تجارب او من خطط علينا اتخاذها

[ودي أكون]

المفرووض .. لكن للاسف لا نمتلك هاذي الجرأه :weeping:

والمشكله .. ان الخدم احين صاروا يمتلكون اكثر من جوال .. جوال جدامك وجوال من وراك :rolleyes2:

صاروا يتفننون فالغش .. والله المستعان

[العلياا]

بقولك حادثه صارت عندنا

غرفة الخدم عودة امي حاطة كبت فيه مواعين التقديم المذهبة المهم وحدة من الخدم بترجع ديرتها
قبل ما تطلع ولا تسالني شلون خذت كل اللي فالكبت معاها وما انتبهنا الا لما راحت
من عقبها يفتشونهم ووحدة تشرف عليهم اذا راحوا

اما اذا تقصد تفتيش دوري نعم اختي بين فترة وفترة ادش غرفتها وتشوف تلفونها
وهذا حقنا عشان لايقولون جماعة حقوق الخدم أي شي

شكرا

[شبح الصمت]

المفرووض .. لكن للاسف لا نمتلك هاذي الجرأه :weeping:

والمشكله .. ان الخدم احين صاروا يمتلكون اكثر من جوال .. جوال جدامك وجوال من وراك :rolleyes2:

صاروا يتفننون فالغش .. والله المستعان


ليش ما نمتلك الجرأة اختي

من حقنا انه نآمن اهل البيت آمهاتنا وخواتنا

ذي في الاول والاخير غريبه مردها تروح ما راح اتم

بنحسها بالامان باحترامنا لها وتقدرينا وحقها المحفوظ

ولكن في نفس الوقت نبي نحمي انفسنا من بعض النفسيات المريضة


وتدرين شلي صادنا احنا الحين خوف منهم اني نعم خوف والكثير قاموا يخافون من الخدم والسبب يرجع للخدم الثانين الي نسمع كل يوم
جريمة قتل
جريمة سرقة
جريمة سحر
جرائم كثيرة خلتنا على اساسها نخاف منهم

وبالذات التلفونات اخطر شيء لا نعلمه وبسرعه يتم التواصل معه وبسرعة البرق تنتشر الصورة او اي معلومات

[شبح الصمت]

بقولك حادثه صارت عندنا

غرفة الخدم عودة امي حاطة كبت فيه مواعين التقديم المذهبة المهم وحدة من الخدم بترجع ديرتها
قبل ما تطلع ولا تسالني شلون خذت كل اللي فالكبت معاها وما انتبهنا الا لما راحت
من عقبها يفتشونهم ووحدة تشرف عليهم اذا راحوا

اما اذا تقصد تفتيش دوري نعم اختي بين فترة وفترة ادش غرفتها وتشوف تلفونها
وهذا حقنا عشان لايقولون جماعة حقوق الخدم أي شي

شكرا


الحالتين وبالتحديد احنا نتكلم عن التلفونات اختي العليا

هل تقدرين تقولين للخدامه عطيني تلفونك اشوف شلي فيه ..

او هل قبل ما نعطيهم الجوالات في برننامج نقدر انزله واي شيء يرسلونه ينرسل لنا على الايميل من صور من محادثات من إلى اخره

من حقي دامها في حرمة بيتي انها تحترم بيتي واهل بيتي

انا جايبه تشتغل وتخدم مهب جايبها اطلع صور الشوفات ولو في مشاكل فالبيت تنقلها ..

[ودي أكون]

ليش ما نمتلك الجرأة اختي

من حقنا انه نآمن اهل البيت آمهاتنا وخواتنا

ذي في الاول والاخير غريبه مردها تروح ما راح اتم

بنحسها بالامان باحترامنا لها وتقدرينا وحقها المحفوظ

ولكن في نفس الوقت نبي نحمي انفسنا من بعض النفسيات المريضة


وتدرين شلي صادنا احنا الحين خوف منهم اني نعم خوف والكثير قاموا يخافون من الخدم والسبب يرجع للخدم الثانين الي نسمع كل يوم
جريمة قتل
جريمة سرقة
جريمة سحر
جرائم كثيرة خلتنا على اساسها نخاف منهم

وبالذات التلفونات اخطر شيء لا نعلمه وبسرعه يتم التواصل معه وبسرعة البرق تنتشر الصورة او اي معلومات



بالنسبه لي تعددت الاسباب والموت واحد .. لا السحر ولا القتل ينخاف منه كل شيء بيد رب العالمين .. دام الرقابه عالعيال موجوده والتربيه على راعية البيت والاذكار محفوظه، الا اذا كان العكس فالام تتحمل هالشيء

اما السرقه فكل واحد ياخذ تجوري احسن له ..

اما من ناحية التفتيش .. انخاف يزعلون انخاف يتحسسون انخاف يقولون شيء انخاف ان حرام انخاف وانخاف .. هاذي البرءاه اللي عندنا وهم يغدرون فينا ! للاسف

اعترف اني اكون ب هالقوة وافتش جواوويل الخدم .. اعترف ماقدر وما اظن فيوم اقدر الا اذا كانت بتسافر .. والله المستعان

[شبح الصمت]

بالنسبه لي تعددت الاسباب والموت واحد .. لا السحر ولا القتل ينخاف منه كل شيء بيد رب العالمين .. دام الرقابه عالعيال موجوده والتربيه على راعية البيت الا اذا كان العكس فالام تتحمل هالشيء

اما السرقه فكل واحد ياخذ تجوري احسن له ..

اما من ناحية التفتيش .. انخاف يزعلون انخاف يتحسسون انخاف يقولون شيء انخاف ان حرام انخاف وانخاف .. هاذي البرءاه اللي عندنا وهم يغدرون فينا ! للاسف

اعترف اني اكون ب هالقوة وافتش جواوويل الخدم .. اعترف ماقدر وما اظن فيوم اقدر الا اذا كانت بتسافر .. والله المستعان




حاس في ردك وهناك الكثير مثلج لا يستطيعون خوفاً لعدة اسباب

الله يعين

بس لي فات الفوت ما ينفع الصوت اختي ودي ..

والواحد يزهب الدوء قبل الفلعه

[العلياا]

الحالتين وبالتحديد احنا نتكلم عن التلفونات اختي العليا

هل تقدرين تقولين للخدامه عطيني تلفونك اشوف شلي فيه ..

او هل قبل ما نعطيهم الجوالات في برننامج نقدر انزله واي شيء يرسلونه ينرسل لنا على الايميل من صور من محادثات من إلى اخره

من حقي دامها في حرمة بيتي انها تحترم بيتي واهل بيتي

انا جايبه تشتغل وتخدم مهب جايبها اطلع صور الشوفات ولو في مشاكل فالبيت تنقلها ..



اللي اعرفه التفتيش يتم وهم ما يدرون :rolleyes2:
مادري صح والا لا لكن اذا قلت لهم وهم دروا ان في تفتيش ممكن يفكرون بطرق ثانية

[شبح الصمت]

اللي اعرفه التفتيش يتم وهم ما يدرون :rolleyes2:
مادري صح والا لا لكن اذا قلت لهم وهم دروا ان في تفتيش ممكن يفكرون بطرق ثانية



اشلون يعني بتاخذين جوالها منها وبتفتشينه اختي العليا !!

الا بتقولين لها عطيني اشوف شلي فيه ..

لازم بعد نحسسهم بانهم مراقبين لاجل يخافون

بس في نفس الوقت نقول لهم معاملتنا لكم ما راح تتغير دامكم مهب مقصرين في حق من حقوق البيت واهل البيت وما سويتم شيء يضرنا ..

[النظامي]

عني شخصيا .... اخذت منها التلفون بوكاميره و عطيتها تلفون ابوليت وقلت لها لما تسافرين ارده لج

في بدايه الامر وافقت وخشيت التلفون في الكبت ولكن بعد شهر لقيت التلفون بوكاميره معاها !!!

سألتها كيف خذيتي الجوال قالت انها دورت في الكبت وحصلته

طبعا فتشت التلفون وبعدين رديتها للمكتب ... وقلت للمكتب يبدلها لأني ما عاد أثق فيها

والله يكفينا شرهم .... عشان كذا لازم مراقبه الخدم والله يستر على الجميع

تسلم يا شبح على الموضوع ...... ونننتظر منك الاجمل

[شبح الصمت]

عني شخصيا .... اخذت منها التلفون بوكاميره و عطيتها تلفون ابوليت وقلت لها لما تسافرين ارده لج

في بدايه الامر وافقت وخشيت التلفون في الكبت ولكن بعد شهر لقيت التلفون بوكاميره معاها !!!

سألتها كيف خذيتي الجوال قالت انها دورت في الكبت وحصلته

طبعا فتشت التلفون وبعدين رديتها للمكتب ... وقلت للمكتب يبدلها لأني ما عاد أثق فيها

والله يكفينا شرهم .... عشان كذا لازم مراقبه الخدم والله يستر على الجميع

تسلم يا شبح على الموضوع ...... ونننتظر منك الاجمل



الله يسلمك يالغالي والاجمل مروروك واثراء المواضيع المهمه مني او من الاعضاء الكرام ..

طريقتك في سحب التلفون صحيحه ولكن فيها نوع من التملك لهم لانك سلبت منها طريقة تواصل مع اهلها واصدقائها .

لو سايرتها واعطيتها يوم في الاسبوع تسولف معاهم ومن عقبه تسبحه وترد لها التلفون العادي ..

وتقول لها من حقي انا اني افتش دامك فالبيت معاي ...

ندري راح يسبب هالشيء حساسيه بس لو جات من صوب زوجتك او الوالده او حد الحريم فالبيت بطريقة حلوه

لانه في خدم من تسوي معاهم هالشيء يقلبون عليك

ونفس ودي اكون ما تقدر تخاف انها تسويها


فاتوقع انه في برنامج يالنظامي تنزله اول ما تسلمها التلفون وتربطه بتلفونك وتشوف الصور وكل شيء ترسله والفيديوهات الي تفتحها وبهالطريقة تقدر تحكر لها وتشوف شلي تدخل عليه

[Dmy Enabi]

السلام عليكم ورحمة الله وبركاته ،،،


شدني رد الاخت ضوى في موضوع انه وحده من الخدم نزلت صورة بنت معزبتها في الفيس بوك ..
صدمه للاسرة وللفتاة مسكينه
حسبي الله ونعم الوكيل


وعليه هل لدينا الحق انه انبش في تلفونات الخدم ونحسسه بانهم مراقبين نظراً للتطور السريع في استخدمات الاجهزة الجديدة وغيرها من الالكترونيات ومن البرامج الموجودة بداخلها ..


هل لديك او لديكي الشجاعة للنظر لخصوصيات الخدم !!!


وحياكم الله واتمنى الكل يستفيد من تجارب او من خطط علينا اتخاذها

شبح مو من صجك
شكو
omg

[راجي الْعفو]

وعليك و رحمة الله ..

الله يحيك اشبيح ..

اقطع الشر من أوله.. هذي قاعدتي ..

ما نعطيهم تليفونات .. واذا بغوا يتصلون يكون عن طريق تليفون البيت ..

واذا جتنا خدامه و معها جوال خذناه منها و قلنا لها متى ما بغيتي ادقين على هلج خبرينا و بنسلمج اياه ، عقبها ناخذه منها ..

مع التحية ..

[همر]

^^^

#هذا_الرأي_يمثلني :(

[العنيده]

اي من حقنا من عقب مالقينا صور اليهال في الفايسبوك وبرضاهم اهم شي لان بفلوسها ..
بين فتره والثانيه اروح واقول لها عطيني الفون .. وفي قوانين لهم يعرفونها من البدايه ..
مالي خص بصورها بس الاحتياط واجب

[لبيبة]

وعليكم السلام ورحمة الله وبركاته

مسموح لهم بالجوالات بو ليت وربعه، واحنا اللي نعطيهم اياه،

اما جوالات بكاميرا لا

[R 7 A L]

اغلبنا غلط
المفروض اول ماتجي الخدامة ينقال لها وش لها و ويش عليها
و وش الخطوط الحمراء الي لاتقرب صوبها

اغلبنا يجيبها من المكتب وثاني يوم يعطيها مكنسة

[يمامـة]

اقدر افتش جواويلهم .. واقدر ادخل حساباتهم كلها..

لأن حساباتهم مربوطة بايميلي ...

ومع هذا ما افتش الجواويل بشكل مباشر... ولا ادخل حساباتهم ..
وبشكل عام حاطين الجوال في المطبخ على الطاولة..

احس انه مب من حقي افتش.. مع اني بطريقة ملتوية ( :shy: ) افتش لو قالوا لي
"سستر شوفي جوال في مشكلة"..

اما لو شكيت في شي.. ما عندي يحق لي ولا ما يحق لي :shy:

[aloosh]

لو مجرد شك انها صورت اكسره على راسها قبل اسفرها
ومن حقي افتش على جولاتهم لانهم يخدمون في بيتي

ومن الافضل عدم شراء هواتف بكيمرا لهم وريحك نفسك من غثاهم

[المحاميه]

ايه و لا

هو المفروض لا

لكن ايه استثناء اذا كان شاك او خاف على نفسه واهله من شر هالخدم

[المحاميه]

اقدر افتش جواويلهم .. واقدر ادخل حساباتهم كلها..

لأن حساباتهم مربوطة بايميلي ...

ومع هذا ما افتش الجواويل بشكل مباشر... ولا ادخل حساباتهم ..
وبشكل عام حاطين الجوال في المطبخ على الطاولة..

احس انه مب من حقي افتش.. مع اني بطريقة ملتوية ( :shy: ) افتش لو قالوا لي
"سستر شوفي جوال في مشكلة"..

اما لو شكيت في شي.. ما عندي يحق لي ولا ما يحق لي :shy:

يعني شنو
مع ولا ضد
ماذا تريدين
من انتي

:tease:

[الجـــوديّ]

لاول .. كان لي زيارات مباغته .. لغرفتهم .. اشوف اشعندهم ماعندهم
واذا عندهم تليفونات مهربة .. البوم صور .. ملابس مخلة
وطبعا هالزيارة تصير من أشوف تصرفات مب طبيعية على الشغالة .


بس مؤخراً وقفت لما أحد المشايخ قال أنه لايجوز التجسس على الخدم ، وذكر هذا الحديث:

"ولا تحسّسوا ولا تجسّسوا ولا تحاسدوا ولا تباغضوا ولا تدابروا وكونوا عبادَ اللهِ إخواناً كما أمركم الله تبارك وتعالى"

فوقفت تفتيش .. وعيني عليهم و على تصرفاتهم .. مع استوداعي للبيت بمن فيه ومافيه ولا أعور راسي معاهم.


الشارع ما عطانا الحق أخوي شبح الصمت وخاصة مع المسلمين.

أما إذا كان التفتيش بحضورها ووجهاً لوجه .... اعتقد شوي صعبة
خاصة إذا كانت محترمة نفسها وما عندي دليل عليها يخليني افتشها منيه والدرب.

[حمد 2002]

مب من حقك طبعا ،،

انت شرطه ؟

انت مباحث ؟

انت جهه قانونيه ؟

مب من حقك ومن حقهم يشتكون عليك ،،

حتى لو شاك فيهم بعد مب من حقك اتفتشهم !!


وتذكر وتذكر بأنهم بشر من لحم ودم !! وعندهم أحاسيس ومشاعر ولولا الحاجه ماشتغلوا عندك !!

ولو شاك فيهم عندك الشرطه اما انك اتفتشهم لا والف لا :):):)

[فاهم وساكت]

يعني لو انت مدير قسم هل بتفتش تلفونات الموظفين؟ شالفرق بين الخدامه والموظف ؟ ولا لان الخدامه مالها ظهر وتدري ان محد بيكلمك بتطلع عضلاتك عليها؟ تشتغل لك كل يوم طول اليوم وراتبها الشهري .. البزر الي عمره 12 يصرف بالويكند اكثر من راتبها !

اذا الواحد مب قد المسؤوليه بانه يجيب خدامه ويعاملها كانسان حالها حال اي شخص ثاني .. اذا مب قد المسؤوليه لا تجيب خدامه

اما انك تجيبها وتعاملها كانها بسجن تفتيش ومراقبه وانترنت مافيه واذا ضاع شي على طول الكل يقعد يطالعها ويسوي لها تحقيق < هالنوعيه من الناس مريضيين نفسيا وفيهم حقد مايعرفون يطلعونه الا على الخدامه لان يدرون محد بيكلمهم .. تحصل حتى اليهال يسبون الخدم !

للاسف هالحثاله متواجدين بينا ويعاملون الخدم معاملة العبيد واحسن عقوبه لهم تاخذهم وتحطهم بقفص بحديقة الحيوانات لان مكانهم اهناك مب بينا

الخدامه لها خصوصيتها مالك حق تنتهكها .. لا بالتفتيش ولا بانك تسمح لها او ترفض بانها تستخدم الجوال او النت هالاشياء مافيها نقاش واذا انت مب قدها لا تجيب خدامه .. بدون بس يمكن تسوي ويمكن ماتسوي !

[يمامـة]

يعني شنو
مع ولا ضد
ماذا تريدين
من انتي

:tease:

انا صاحبة المعدة الخاوية وابحث عن لقمة تسد جوعي..
اريد فطورا لذيذاً..:shy:

[سارا البدر]

المفروض الخدامات مايكون عندهم تلفون لان اكثر المشاكل بسبة هالتلفونات

واذا كان ضروري التلفون فالافضل يكون بدون كاميرا حتى لو الخدامه قالت تبي بكاميرا وبتاخذه بفلوسها ...

[شبح الصمت]

شبح مو من صجك
شكو
omg


اي من صجي اختي
الاحتياط واجب بس
اسوي الشيء قدامهم

ولازم يوم يتفتش التلفون تفتشه الزوجه او الام او حد الاخوات واكون موجود ..

بس في حالة اني شكيت فيها وفي تصرفاتها اذا عندها الاجهزة الحديثة



وعليك و رحمة الله ..

الله يحيك اشبيح ..

اقطع الشر من أوله.. هذي قاعدتي ..

ما نعطيهم تليفونات .. واذا بغوا يتصلون يكون عن طريق تليفون البيت ..

واذا جتنا خدامه و معها جوال خذناه منها و قلنا لها متى ما بغيتي ادقين على هلج خبرينا و بنسلمج اياه ، عقبها ناخذه منها ..

مع التحية ..



ويحيك ياخوي
وكلامك عدل

اقطع الشر باليقين واعطيها التلفون العادي وفي حالة تبي تتواصل اعطيها الجهاز وعقب اخذه منها





^^^

#هذا_الرأي_يمثلني :(




الله يعطيك العافيه



اي من حقنا من عقب مالقينا صور اليهال في الفايسبوك وبرضاهم اهم شي لان بفلوسها ..
بين فتره والثانيه اروح واقول لها عطيني الفون .. وفي قوانين لهم يعرفونها من البدايه ..
مالي خص بصورها بس الاحتياط واجب


وين الي يقولون ما لنا حق يشوفون ردج اختي
بس اش صار وياها عقب هل تغيرت نفسيتها معاكم وآلا استعدلت







وعليكم السلام ورحمة الله وبركاته

مسموح لهم بالجوالات بو ليت وربعه، واحنا اللي نعطيهم اياه،

اما جوالات بكاميرا لا




بس اختي ما تحسين انه في تملك
يعني تبي تتواصل مع اهلها عبر وسائل الاتصال الجديدة الفيبر وغيره لاجل يشوفونهم لايف

هل تحسين لو كان في وقت بسيط لهم لاجل يسولفون وعقب تسحبونه من افضل ..
وفي الاستعمال الشخصي التلفون العادي افضل




اغلبنا غلط
المفروض اول ماتجي الخدامة ينقال لها وش لها و ويش عليها
و وش الخطوط الحمراء الي لاتقرب صوبها

اغلبنا يجيبها من المكتب وثاني يوم يعطيها مكنسة


صح ينقال لها ونفهما
ونلاحظ حركاتها لانه في البعض يعطيك الوجه الحسن وعقب يقلب


اقدر افتش جواويلهم .. واقدر ادخل حساباتهم كلها..

لأن حساباتهم مربوطة بايميلي ...

ومع هذا ما افتش الجواويل بشكل مباشر... ولا ادخل حساباتهم ..
وبشكل عام حاطين الجوال في المطبخ على الطاولة..

احس انه مب من حقي افتش.. مع اني بطريقة ملتوية ( :shy: ) افتش لو قالوا لي
"سستر شوفي جوال في مشكلة"..

اما لو شكيت في شي.. ما عندي يحق لي ولا ما يحق لي :shy:

ماشاء الله خطيرة
اجراءاتك في السليم

ولا يحسون ولا يدرون شابكتهم مع الايميل وهذا الي اتكلم عنه




لو مجرد شك انها صورت اكسره على راسها قبل اسفرها
ومن حقي افتش على جولاتهم لانهم يخدمون في بيتي

ومن الافضل عدم شراء هواتف بكيمرا لهم وريحك نفسك من غثاهم


بعد الاخ يقول من حقه
يعني الاغلبية يشوفون من حقهم التصوير

لا هنت ياخوي



ايه و لا

هو المفروض لا

لكن ايه استثناء اذا كان شاك او خاف على نفسه واهله من شر هالخدم


يعني شنو
مع ولا ضد
ماذا تريدين
من انتي

:tease:



الله يعطيج العافيه
يعني تشوفين من حقك انج تفتشتين .. !!
عطيتي نفسج الصلاحيات




لاول .. كان لي زيارات مباغته .. لغرفتهم .. اشوف اشعندهم ماعندهم
واذا عندهم تليفونات مهربة .. البوم صور .. ملابس مخلة
وطبعا هالزيارة تصير من أشوف تصرفات مب طبيعية على الشغالة .


بس مؤخراً وقفت لما أحد المشايخ قال أنه لايجوز التجسس على الخدم ، وذكر هذا الحديث:

"ولا تحسّسوا ولا تجسّسوا ولا تحاسدوا ولا تباغضوا ولا تدابروا وكونوا عبادَ اللهِ إخواناً كما أمركم الله تبارك وتعالى"

فوقفت تفتيش .. وعيني عليهم و على تصرفاتهم .. مع استوداعي للبيت بمن فيه ومافيه ولا أعور راسي معاهم.


الشارع ما عطانا الحق أخوي شبح الصمت وخاصة مع المسلمين.

أما إذا كان التفتيش بحضورها ووجهاً لوجه .... اعتقد شوي صعبة
خاصة إذا كانت محترمة نفسها وما عندي دليل عليها يخليني افتشها منيه والدرب.





كلامج منطقي من حيث السؤال والفتوى عن هالامور لاجل الواحد يطلع من الحرج ..
ارحم الله والديج على التنبيه
وبنسال بعد لكي تطمئن النفس




مب من حقك طبعا ،،

انت شرطه ؟

انت مباحث ؟

انت جهه قانونيه ؟

مب من حقك ومن حقهم يشتكون عليك ،،

حتى لو شاك فيهم بعد مب من حقك اتفتشهم !!


وتذكر وتذكر بأنهم بشر من لحم ودم !! وعندهم أحاسيس ومشاعر ولولا الحاجه ماشتغلوا عندك !!

ولو شاك فيهم عندك الشرطه اما انك اتفتشهم لا والف لا :):):)


دامها تحت سقف بيتي وبين عائلتي الكريمة

لي الحق امثل كل الاشياء الي طرحتها

ومنور بوشهاب وخف الريس


يعني لو انت مدير قسم هل بتفتش تلفونات الموظفين؟ شالفرق بين الخدامه والموظف ؟ ولا لان الخدامه مالها ظهر وتدري ان محد بيكلمك بتطلع عضلاتك عليها؟ تشتغل لك كل يوم طول اليوم وراتبها الشهري .. البزر الي عمره 12 يصرف بالويكند اكثر من راتبها !

اذا الواحد مب قد المسؤوليه بانه يجيب خدامه ويعاملها كانسان حالها حال اي شخص ثاني .. اذا مب قد المسؤوليه لا تجيب خدامه

اما انك تجيبها وتعاملها كانها بسجن تفتيش ومراقبه وانترنت مافيه واذا ضاع شي على طول الكل يقعد يطالعها ويسوي لها تحقيق < هالنوعيه من الناس مريضيين نفسيا وفيهم حقد مايعرفون يطلعونه الا على الخدامه لان يدرون محد بيكلمهم .. تحصل حتى اليهال يسبون الخدم !

للاسف هالحثاله متواجدين بينا ويعاملون الخدم معاملة العبيد واحسن عقوبه لهم تاخذهم وتحطهم بقفص بحديقة الحيوانات لان مكانهم اهناك مب بينا

الخدامه لها خصوصيتها مالك حق تنتهكها .. لا بالتفتيش ولا بانك تسمح لها او ترفض بانها تستخدم الجوال او النت هالاشياء مافيها نقاش واذا انت مب قدها لا تجيب خدامه .. بدون بس يمكن تسوي ويمكن ماتسوي !

يالشيخ في اختلاف الموظفين مهب بين عائلتي بين حريمنا امهاتنا وخواتنا ويطلعون كل صغيرة وكبيرة

في فرق والي يسلمك ركز معاي لا تستعجل




انا صاحبة المعدة الخاوية وابحث عن لقمة تسد جوعي..
اريد فطورا لذيذاً..:shy:


نطلب لج من اوبرا
يا زين اسمج ام السعف

رديه له وزنه يمامه مب شي مب حلوو



المفروض الخدامات مايكون عندهم تلفون لان اكثر المشاكل بسبة هالتلفونات

واذا كان ضروري التلفون فالافضل يكون بدون كاميرا حتى لو الخدامه قالت تبي بكاميرا وبتاخذه بفلوسها ...




الافضل يكون كاميرا
بس انتي الحين بتوافقين لو شرت من فلوسها بوكاميرا ..
بس كاستعمال فالبيت
اشوف انه تبي تستخدمه والافضل انه فقط في حجرتها ما يطلع من حرجتها في اروقة البيت

وآلا اش رايكم مب احسن فقط في حجرتها كاستعمال شخصي

[عثرة جواد]

السلام عليكم

ليش يكون عند الخدامه جوال ليش الواحد يفتح عليه ابواب هي جايه تشتغل وتروح

ليش نعامل الخدامه ع انها وحده من اهل البيت صح لها حقوقها وعليها واجبات

بس بحدود الخادمه لحد يفهم غلط بس الله ماشفناه بل عقل عرفناه

خربتو الخدم والدريوليه جوالات سفرات وتلفزون ف غرفته وش بقاء

هم يجون بشنطه فيها لبسه ع شان تشتريلهم كل شي وحنى ماعندنا حسن تدبير

والله مقهوره من الي اشوف روحو المجمعات وشوفو البلاء

موضوعك :anger1:

[Dmy Enabi]

يعني لو انت مدير قسم هل بتفتش تلفونات الموظفين؟ شالفرق بين الخدامه والموظف ؟ ولا لان الخدامه مالها ظهر وتدري ان محد بيكلمك بتطلع عضلاتك عليها؟ تشتغل لك كل يوم طول اليوم وراتبها الشهري .. البزر الي عمره 12 يصرف بالويكند اكثر من راتبها !

اذا الواحد مب قد المسؤوليه بانه يجيب خدامه ويعاملها كانسان حالها حال اي شخص ثاني .. اذا مب قد المسؤوليه لا تجيب خدامه

اما انك تجيبها وتعاملها كانها بسجن تفتيش ومراقبه وانترنت مافيه واذا ضاع شي على طول الكل يقعد يطالعها ويسوي لها تحقيق < هالنوعيه من الناس مريضيين نفسيا وفيهم حقد مايعرفون يطلعونه الا على الخدامه لان يدرون محد بيكلمهم .. تحصل حتى اليهال يسبون الخدم !

للاسف هالحثاله متواجدين بينا ويعاملون الخدم معاملة العبيد واحسن عقوبه لهم تاخذهم وتحطهم بقفص بحديقة الحيوانات لان مكانهم اهناك مب بينا

الخدامه لها خصوصيتها مالك حق تنتهكها .. لا بالتفتيش ولا بانك تسمح لها او ترفض بانها تستخدم الجوال او النت هالاشياء مافيها نقاش واذا انت مب قدها لا تجيب خدامه .. بدون بس يمكن تسوي ويمكن ماتسوي !

أتفق مع هالرأي
بصراحة الناس عبالها إنها تملك الخدم
تخيل مديرك يقولك بافتش جوالك
طبعا مب من حق أي إنسان يفتش
إلي يقرأ بعض الردود يحس إن الخدامة جايه استخبارات ،وإن احنا ملايكه
كلنا عيوب وإن جملنا أنفسنا عندنا خصوصيات ولنا ذنوب تظهر أو تغيب عن الناس
تخيل حد يجي يقولك باجوف جوالك وإنت مسوي شيء غلط
يا جماعة مالنا حق لاشرعا ولاقانونا ولاعرفا
الخدامة جايبها تشتغل مب وحده من هلك ،حتى لو وحده من هلك مالك حق
كل إنسان له خصوصيته كل إنسان مايجوز نفتش حتى لو عرفنا إن في شي غلط
شكيت فيها قبضها الباب أما شغل الاستخبارات والوصاية على المستضعفين غير مقبول أبدا
المشكلة إلي يقول من حقي أفتش الخدامة ،طيب تفتش السايق ولالا ،زين يمكن عنده خرابيط
هم نفسهم يقولون المرأة مالها حق تنبش في جوال زوجها
تناقض ومثالية اعتدنا على سماعها
عن نفسي أستحي أنبش لأنه مالي حق ولأني أكره أجوف شي يعور قلبي ،حتى جواويل عيالي مستحيل
دمتم برقي

[A-Alansari]

ليش يتم تسليم الخدم او السماح لهم بشراء تلفونات فيها كاميرات

تلفون بوليت وخلاص

لاتقولي يبون يكلمون اهلهم في البرامج وخرابيط

حط كمبيوتر وعطها فترة ربع ساعة كل يوم من الكمبيوتر تكلمهم

تقدر تحمي نفسك منهم بدون ماتقعد تفتش تلفوناتهم

تلفون بوليت زين رخيص وقوي

[شبح الصمت]

السلام عليكم

ليش يكون عند الخدامه جوال ليش الواحد يفتح عليه ابواب هي جايه تشتغل وتروح

ليش نعامل الخدامه ع انها وحده من اهل البيت صح لها حقوقها وعليها واجبات

بس بحدود الخادمه لحد يفهم غلط بس الله ماشفناه بل عقل عرفناه

خربتو الخدم والدريوليه جوالات سفرات وتلفزون ف غرفته وش بقاء

هم يجون بشنطه فيها لبسه ع شان تشتريلهم كل شي وحنى ماعندنا حسن تدبير

والله مقهوره من الي اشوف روحو المجمعات وشوفو البلاء

موضوعك :anger1:


هذه نقطة بعد الدلع الزايد لهم والخوف منهم ..
بس بعد من حقهم نعطيهم اشوية حقوق
بس نحاسب لهم ونراقبهم الكل يراقبهم ان شافوا غلط ..

لانه في البيت هذولي يعرفون كل شيء ومحل امانة وسر فليش ما نخاف
..
في ناس يتهاونون ويحسبون انه الخادمه لا ترى ولا تسمع
وهي ترى وتسمع وتنقل البعض منهم اصحاب النفوس المريضة ..
الله يكفينا شرهم




أتفق مع هالرأي
بصراحة الناس عبالها إنها تملك الخدم
تخيل مديرك يقولك بافتش جوالك
طبعا مب من حق أي إنسان يفتش
إلي يقرأ بعض الردود يحس إن الخدامة جايه استخبارات ،وإن احنا ملايكه
كلنا عيوب وإن جملنا أنفسنا عندنا خصوصيات ولنا ذنوب تظهر أو تغيب عن الناس
تخيل حد يجي يقولك باجوف جوالك وإنت مسوي شيء غلط
يا جماعة مالنا حق لاشرعا ولاقانونا ولاعرفا
الخدامة جايبها تشتغل مب وحده من هلك ،حتى لو وحده من هلك مالك حق
كل إنسان له خصوصيته كل إنسان مايجوز نفتش حتى لو عرفنا إن في شي غلط
شكيت فيها قبضها الباب أما شغل الاستخبارات والوصاية على المستضعفين غير مقبول أبدا
المشكلة إلي يقول من حقي أفتش الخدامة ،طيب تفتش السايق ولالا ،زين يمكن عنده خرابيط
هم نفسهم يقولون المرأة مالها حق تنبش في جوال زوجها
تناقض ومثالية اعتدنا على سماعها
عن نفسي أستحي أنبش لأنه مالي حق ولأني أكره أجوف شي يعور قلبي ،حتى جواويل عيالي مستحيل
دمتم برقي


يا ناس يا هو انتي وفاهم الله يهداكم في فرق بين الموظفين الي فوقه مدير
المدير هل الموظفين جالسين في بيته وسط اهله

فكروا في هالنقطة عقب ناقشوها
مع السلامة




ليش يتم تسليم الخدم او السماح لهم بشراء تلفونات فيها كاميرات

تلفون بوليت وخلاص

لاتقولي يبون يكلمون اهلهم في البرامج وخرابيط

حط كمبيوتر وعطها فترة ربع ساعة كل يوم من الكمبيوتر تكلمهم

تقدر تحمي نفسك منهم بدون ماتقعد تفتش تلفوناتهم

تلفون بوليت زين رخيص وقوي


يعطيك العافيه
بعد انت مويد للتلفون العادي وعدم اعطائهم التلفونات الذكية
بس ما تحس انه تملك اشوي لحريتهم

[ضوى]

ما افتش لكن ماعطيها جوال

تبي تكلم اهلها تلفون البيت تحت امرها وانا اللي اعطيها الكرت ، واذا مواقع تواصل اعطيها النت كل يوم ثلث ساعة تتواصل مع اهلها ان شاء الله بالسكايب والا باي وسيلة المهم جدام عيني

خرابيط حقوق الانسان خلوها لاهلها ، قال حقوق قال

[حمد 2002]

ما افتش لكن ماعطيها جوال

تبي تكلم اهلها تلفون البيت تحت امرها وانا اللي اعطيها الكرت ، واذا مواقع تواصل اعطيها النت كل يوم ثلث ساعة تتواصل مع اهلها ان شاء الله بالسكايب والا باي وسيلة المهم جدام عيني

خرابيط حقوق الانسان خلوها لاهلها ، قال حقوق قال

هل تعلمين أن من حق الخادمه تاخذ يوم بالاسبوع اجازه وتطلع برع البيت بروحها ونتي ماتكلمينها !!

ترى الجوال شيء عااادي اختي ضوى !!

وتلومون الخادمات لو شردوا وهم يعانون من الاوضاع الإنسانية تلك والتعرض لضغوط نفسيه شديده من شتى الجوانب .


أطالب بوضع قوانين تحمي الخدم وتوفر لهم بيئة مناسبة للعمل ..


وشكرا ..

[شبح الصمت]

ما افتش لكن ماعطيها جوال

تبي تكلم اهلها تلفون البيت تحت امرها وانا اللي اعطيها الكرت ، واذا مواقع تواصل اعطيها النت كل يوم ثلث ساعة تتواصل مع اهلها ان شاء الله بالسكايب والا باي وسيلة المهم جدام عيني

خرابيط حقوق الانسان خلوها لاهلها ، قال حقوق قال



بس انتهى ما افتش لكن ما عطيها جوال

[ضوى]

هل تعلمين أن من حق الخادمه تاخذ يوم بالاسبوع اجازه وتطلع برع البيت بروحها ونتي ماتكلمينها !!

ترى الجوال شيء عااادي اختي ضوى !!

وتلومون الخادمات لو شردوا وهم يعانون من الاوضاع الإنسانية تلك والتعرض لضغوط نفسيه شديده من شتى الجوانب .


أطالب بوضع قوانين تحمي الخدم وتوفر لهم بيئة مناسبة للعمل ..


وشكرا ..

حقها لما تجيني بعقد ومكتوب فيه هالشي وانا اخليت به ، لكن لما انا احط العقد بشروطي انا وتوافق عليه فانا هنا عداني العيب صح والا لا ؟؟ هذا اللي سويته وقبل لا احجز لهم التذكرة هذي شروطي في العقد موافقة اهلا وسهلا ماوافقت خدمت نفسي وبيتي وعيالي 20 سنة باعييز عنها الحين طبعا نووطبعا انا ضد انها تطلع من البيت كاجازة اسبوعية لا اعطيها الاجازة تروح سوق ساعتين ممكن تريح يوم كامل بغرفتها ابدا مافي اي مانع ، لكن تطلع وتجيني اخر الليل على اساس حق من حقوقها هنا اقول لا والف لا ، جاتنبي بكرة قالت لي البوي فريند يبي يتفرج على غرفتي اقولها حقه تفضلي ودخليه افا عليج هذا حقج ، جاتني بكرة ودبتها جدامها اقولها حقج وانا اللي اولدج واربي عيالج بعد والله كلامكم عليه العوض ومنه العوض ،

[بريق الحق]

ما افتش لكن ماعطيها جوال

تبي تكلم اهلها تلفون البيت تحت امرها وانا اللي اعطيها الكرت ، واذا مواقع تواصل اعطيها النت كل يوم ثلث ساعة تتواصل مع اهلها ان شاء الله بالسكايب والا باي وسيلة المهم جدام عيني

خرابيط حقوق الانسان خلوها لاهلها ، قال حقوق قال

هذا هو الفعل الصحيح

كذبو علينا باسم الحقوق العلمانيه

[ضوى]

هذا هو الفعل الصحيح

كذبو علينا باسم الحقوق العلمانيه

كذبوا الكذبة واول من صدقها اللي طلعها ، حقوق علمانية وتغريب واضح للمفاهيم والاسس السليمة

[بريق الحق]

كذبوا الكذبة واول من صدقها اللي طلعها ، حقوق علمانية وتغريب واضح للمفاهيم والاسس السليمة

غسيل مخ للاسف*
انبهار بزبالة الغرب البعض دخل جحر الضب واندعس فيه

[شبح الصمت]

حقها لما تجيني بعقد ومكتوب فيه هالشي وانا اخليت به ، لكن لما انا احط العقد بشروطي انا وتوافق عليه فانا هنا عداني العيب صح والا لا ؟؟ هذا اللي سويته وقبل لا احجز لهم التذكرة هذي شروطي في العقد موافقة اهلا وسهلا ماوافقت خدمت نفسي وبيتي وعيالي 20 سنة باعييز عنها الحين طبعا نووطبعا انا ضد انها تطلع من البيت كاجازة اسبوعية لا اعطيها الاجازة تروح سوق ساعتين ممكن تريح يوم كامل بغرفتها ابدا مافي اي مانع ، لكن تطلع وتجيني اخر الليل على اساس حق من حقوقها هنا اقول لا والف لا ، جاتنبي بكرة قالت لي البوي فريند يبي يتفرج على غرفتي اقولها حقه تفضلي ودخليه افا عليج هذا حقج ، جاتني بكرة ودبتها جدامها اقولها حقج وانا اللي اولدج واربي عيالج بعد والله كلامكم عليه العوض ومنه العوض ،



لا فض فوك اختي ضوى

هالكلام الصحيح

ما استملاكناهم ولكن حفظنا حقوقنا وحقوهم حسب الاتفاق المبرم بيننا وبينهم ..

واي اضافات اخرى خارجية وخارج عن نطاق بيتي ليس لها اي معنى في نظري

نظرتي ورآيي يبقى والباقي يزووول

لانه محد راح ينفعني لا فات الفوت ما ينفع الصوت

[شبح الصمت]

غسيل مخ للاسف*
انبهار بزبالة الغرب البعض دخل جحر الضب واندعس فيه



الله يرحمنا برحمته

[عثرة جواد]

حقها لما تجيني بعقد ومكتوب فيه هالشي وانا اخليت به ، لكن لما انا احط العقد بشروطي انا وتوافق عليه فانا هنا عداني العيب صح والا لا ؟؟ هذا اللي سويته وقبل لا احجز لهم التذكرة هذي شروطي في العقد موافقة اهلا وسهلا ماوافقت خدمت نفسي وبيتي وعيالي 20 سنة باعييز عنها الحين طبعا نووطبعا انا ضد انها تطلع من البيت كاجازة اسبوعية لا اعطيها الاجازة تروح سوق ساعتين ممكن تريح يوم كامل بغرفتها ابدا مافي اي مانع ، لكن تطلع وتجيني اخر الليل على اساس حق من حقوقها هنا اقول لا والف لا ، جاتنبي بكرة قالت لي البوي فريند يبي يتفرج على غرفتي اقولها حقه تفضلي ودخليه افا عليج هذا حقج ، جاتني بكرة ودبتها جدامها اقولها حقج وانا اللي اولدج واربي عيالج بعد والله كلامكم عليه العوض ومنه العوض ،

تعجبني افكارج ويسعدني انج انثاء تمتلك هاي الفكر والاسلوب

[Dmy Enabi]

شبح الصمت أخوي
أعتقد إن احنا في دولة يحكمها القانون ،مب كل واحد في بيته يحط له قانون على كيفه ،عيل إذا عندي شركة بحط لي قانون على كيفي ،في ناس مب قادره تستوعب إن في قانون يحكمها ، القانون إلي ينحط عالكيف قانون هلك وعيالك ،لكن قانون العمل المطبق في دولتك شنو ؟إذا إنت مب ملتزم فيه مب معناته إنك صح وهم غلط
وبعدين شبح تفتش الدريول ولالا ؟ بعد الدريول ساكن في البيت

[المحاميه]

لاول .. كان لي زيارات مباغته .. لغرفتهم .. اشوف اشعندهم ماعندهم
واذا عندهم تليفونات مهربة .. البوم صور .. ملابس مخلة
وطبعا هالزيارة تصير من أشوف تصرفات مب طبيعية على الشغالة .


بس مؤخراً وقفت لما أحد المشايخ قال أنه لايجوز التجسس على الخدم ، وذكر هذا الحديث:

"ولا تحسّسوا ولا تجسّسوا ولا تحاسدوا ولا تباغضوا ولا تدابروا وكونوا عبادَ اللهِ إخواناً كما أمركم الله تبارك وتعالى"

فوقفت تفتيش .. وعيني عليهم و على تصرفاتهم .. مع استوداعي للبيت بمن فيه ومافيه ولا أعور راسي معاهم.


الشارع ما عطانا الحق أخوي شبح الصمت وخاصة مع المسلمين.

أما إذا كان التفتيش بحضورها ووجهاً لوجه .... اعتقد شوي صعبة
خاصة إذا كانت محترمة نفسها وما عندي دليل عليها يخليني افتشها منيه والدرب.




كلام سليم
هذا هو
انا والله ماحب ادش غرفة الخدامه فجأه بدون استئذان
وماحب افتش جوالها أو أغراضها اخبر مره عطتني جوالها لان مافيه ارسال تقولي شوفيه دشيت على الاعدادات بس وحاولت اعدله لها لكن مارحت افتش فيه مع انها عطتني اياه وراحت
لان هذي خصوصيه والشي اللي ماحبه حق نفسي ليش احبه حق غيري حتى لو خدامه؟ فالنهايه هي انسان
اهي موجوده عشان تخدمني مب عشان استعبدها واحاسبها على كل خطوه
بس المشكله هي عندي في بيتي
وممكن تضرني
الحل الوحيد اعتقد والله اعلم ان الواحد ممكن يفتش لو شك او حس انه بينضر
او قبل لايسفرها يلقي نظره على مافي جعبتها :tease: عشان ماتكون إلهفت شي مني ولا مناك

[دااانة قطر]

ماعندي شغاله فماقدر افيدكم
بس يوم كانت عندي قبل 7 سنين اقل شي كرت وتكلمهم




ما افتش لكن ماعطيها جوال

تبي تكلم اهلها تلفون البيت تحت امرها وانا اللي اعطيها الكرت ، واذا مواقع تواصل اعطيها النت كل يوم ثلث ساعة تتواصل مع اهلها ان شاء الله بالسكايب والا باي وسيلة المهم جدام عيني

خرابيط حقوق الانسان خلوها لاهلها ، قال حقوق قال



كفيتي ووفيتي واحسن طريقة والوالدة الله يحفظها متبعتها في بيتها

[A-Alansari]

هذه نقطة بعد الدلع الزايد لهم والخوف منهم ..
بس بعد من حقهم نعطيهم اشوية حقوق
بس نحاسب لهم ونراقبهم الكل يراقبهم ان شافوا غلط ..

لانه في البيت هذولي يعرفون كل شيء ومحل امانة وسر فليش ما نخاف
..
في ناس يتهاونون ويحسبون انه الخادمه لا ترى ولا تسمع
وهي ترى وتسمع وتنقل البعض منهم اصحاب النفوس المريضة ..
الله يكفينا شرهم






يا ناس يا هو انتي وفاهم الله يهداكم في فرق بين الموظفين الي فوقه مدير
المدير هل الموظفين جالسين في بيته وسط اهله

فكروا في هالنقطة عقب ناقشوها
مع السلامة






يعطيك العافيه
بعد انت مويد للتلفون العادي وعدم اعطائهم التلفونات الذكية
بس ما تحس انه تملك اشوي لحريتهم


انا ماتملك حريتهم انا احمي نفسي وعرضي

في النهايه فكر فيها كعمل

تخيل انك تشتغل في مصنع والكل عارف الجوالات ممنوعه هناك يعني هل المصانع يكون عندها تملك على موظفينها لا طبعا هاذي القوانين انت كموظف تعرف هالقانون ورضيت فيه يوم اشتغلت

الخادمه تعتبر شغل وموظفه عندك وتمشي لها راتب وقوانينك هي الي تمشي

اذا هي مب موافقة على هالشي شوف غيرها

والكمبيوتر متوفر في كل بيت واذا تبي تعطيها خصوصيه اذا عندك ايباد خلها تستعمله تكلم اهلها وقت ماتبي في غرفتتها وبعدها ترجعه لك بعد الوقت الي حددته لها انت بهالطريقة انت ضامن الايباد لانه لك وبنفس الوقت ماقطعت تواصلها مع اهلها

[A-Alansari]

شبح الصمت أخوي
أعتقد إن احنا في دولة يحكمها القانون ،مب كل واحد في بيته يحط له قانون على كيفه ،عيل إذا عندي شركة بحط لي قانون على كيفي ،في ناس مب قادره تستوعب إن في قانون يحكمها ، القانون إلي ينحط عالكيف قانون هلك وعيالك ،لكن قانون العمل المطبق في دولتك شنو ؟إذا إنت مب ملتزم فيه مب معناته إنك صح وهم غلط
وبعدين شبح تفتش الدريول ولالا ؟ بعد الدريول ساكن في البيت

اختي في قوانين عامه وفي قوانين داخلية

حتى الشركات تقدر تفرض قوانين داخليه ماتقدر الدولة تقول لها ماتنفذة اذا ماكان يتعارض مع قوانين الدولة

[فاهم وساكت]

شيخ الصمت


يالشيخ في اختلاف الموظفين مهب بين عائلتي بين حريمنا امهاتنا وخواتنا ويطلعون كل صغيرة وكبيرة

في فرق والي يسلمك ركز معاي لا تستعجل

ياخوي انا فاهم قصدك بس انت عارف بان هالخدامه بتقعد طول اليوم فالبيت السالفه مافيها تدخل البيت 7 ساعات وتخلص وتحرك .. هي بتعيش عندك ويمكن تقضي سنيين بينكم. اذا بتسحب الجوال والنت منها وتعاملونها كانها مجرمه وتفتشونها واذا ضاع شي بتحققون معاها بس لان " يمكن يمكن هي بايقته "

اشوف السالفه فيها استعباد < وبعدها نعصب لين العالم يتكلمون ويقولون احنا نستعبد العماله الوافده !

المفروض العقد بينكم يكون انها تشتغل داخل البيت وانت تدفع لها راتب شهري .. مب تكنسل حياتها الخاصه وتتدخل فيها مهمى كانت الاسباب هي انسانه بالاخير وفيه خطوط حمرا المفروض ماتتعداها< ممكن تحط نفسك مكانها وتتخيل شلون بتكون حياتك ؟

بتقولي والله لو خذت الجوال " يمكن تصور "

والله لو خليتها تستخدم النت " يمكن تنشر"

انزين تعال خلنا نكمل دام ان السالفه فيها " يمكن " خلنا نكمل ونطلع الاشياء الثانيه

دام انها داخل البيت " يمكن تستخدم اي شي حاد كسلاح " وتحاول تذبحنا

دام انها داخل البيت " يمكن تفتح الباب بنص الليل وينباق كل شي فالبيت"

دام انها داخل البيت" يمكن تطبخ وتسوي شي بالاكل "

اقدر اكمل لك لين باجر ...

اذا كنت بتمنعها لان عذرك " يمكن تسوي ... " فليش توقف عند الجوال والانترنت مثلا ؟ ليش ماتكمل لان كل الامثله الي ذكرتها فوق ماتفرق عن الجوال والنت لانه " يمكن " يصير هالشي

وفوق هالشي الي ذكرتهم انا اخطر من الجوال والنت ولو قعدنا نمشي بنفس المنطق .. النتيجه فالاخير بتكون مب جايب خدامه !

[Dmy Enabi]

اختي في قوانين عامه وفي قوانين داخلية

حتى الشركات تقدر تفرض قوانين داخليه ماتقدر الدولة تقول لها ماتنفذة اذا ماكان يتعارض مع قوانين الدولة

القوانين الداخلية لاتتعارض مع قانون العمل
ولايوجد شركة مصرح لها بذك ساعات العمل 8 والباقي تدفع لهم أوفر تايم لساعتين
لهم إجازة أسبوعيا
حسب علمي أكرر لايوجد شي يتعارض مع القانون لكن قد توجد ممارسات خاطئة بالتأكيد

[Dmy Enabi]

انا ماتملك حريتهم انا احمي نفسي وعرضي

في النهايه فكر فيها كعمل

تخيل انك تشتغل في مصنع والكل عارف الجوالات ممنوعه هناك يعني هل المصانع يكون عندها تملك على موظفينها لا طبعا هاذي القوانين انت كموظف تعرف هالقانون ورضيت فيه يوم اشتغلت

الخادمه تعتبر شغل وموظفه عندك وتمشي لها راتب وقوانينك هي الي تمشي

اذا هي مب موافقة على هالشي شوف غيرها

والكمبيوتر متوفر في كل بيت واذا تبي تعطيها خصوصيه اذا عندك ايباد خلها تستعمله تكلم اهلها وقت ماتبي في غرفتتها وبعدها ترجعه لك بعد الوقت الي حددته لها انت بهالطريقة انت ضامن الايباد لانه لك وبنفس الوقت ماقطعت تواصلها مع اهلها

هذا الكلام الصح ،ولكن العقد يفترض أن يكون قبل أن تأتي بحيث تكون على علم
وإن حضرت فيجب أن يكون مكتوبا قبل استلامها من مكتب العمل
أما أروح أجيب خدامة وكل يوم أطلع لها قانون جديد مثل تلبس يونيفرم، عباية ، جوال بوليت بوكيمرة ،تشتغل 24 ساعة ،مافي إجازة مافي راحة وإلي يقهر ييك واحد عمره 5سنوات يصارخ عالخدامة
العقد شريعة المتعاقدين إذا كانت على علم ووقعت بالموافقة محد بيلوم حد
لكن إنه تنحط القوانين على طبايع البيت هذا غير عادل وغير مقبول طيب هي جايه من مجتمع مختلف لها دينها وقيمها وحياتها
تحياتي للجميع أي شي تبي تطبقه على غيرك سواء بنت أو زوجة أو عامل أو خادم اسأل نفسك
هل ترضاه لنفسك
ياجماعة في حديث عن الإحسان إلى الخدم أن الإنسان يبلغ به الجنة بس والله مايحضرني