أبي محل قهوة عربي

[hola]

السلام عليكم ورحمة الله

شو أفضل أنواع القهوة العربية ، ووين أحصلها

ياليت لو أحد عنده رقم تلفون محل أو شخص يبيع قهوة عربية ممتازة ..

ربي يجزاكم الجنة ،،،

[ابوعلي]

وعليكم السلام ورحمة الله وبركاته

محلات الجنوب ولهم فرعين

فرع في شارع ال شافي

وفرع في محطة البترول الي مقابلة بوابة حديقة الحيوان

[hola]

مشكور بو علي

لكن شنو أفضل أنواع القهوة أبيها سادة بدون إضافات

[توشيبا]

سوق واقف

ومحلات الجنوبي


افضل قهوه بالنسبه لي اطال الله في عمري


نوع هراري والبرية

خولاني غاليه
مشكلتها يبيلها طبخة رايقه ومب كل يعرفها وتطول علي النار لين تستوي
بس اذا ضبطت طبختها وعرفت وزنها عز الله قهوة كايفه وتجيب الراس

[توشيبا]

واذا بتاخذ هراري ولا بريه لا تاخذ لونها غامقه ولاشقرا خذها وسط

[hola]

سوق واقف

ومحلات الجنوبي


افضل قهوه بالنسبه لي اطال الله في عمري


نوع هراري والبرية

خولاني غاليه
مشكلتها يبيلها طبخة رايقه ومب كل يعرفها وتطول علي النار لين تستوي
بس اذا ضبطت طبختها وعرفت وزنها عز الله قهوة كايفه وتجيب الراس

وين نحصلها الخولاني إلي عليها الكلام ، كلهم مايصدقونك القول

[توشيبا]

وين نحصلها الخولاني إلي عليها الكلام ، كلهم مايصدقونك القول

في قطر ماعرف ماقد شفت حد يبيعها اجيبها من جنوب السعوديه

او روح سوق واقف محلات اليمينين اللي اهناك يمكن حد يجيبها لك من اليمن


الخولاني يعتبر افضل انواع البن له نكهة لذيذة ورائحة زكية ومصدره اليمن وهو درجات افضلها رقم 1
يجي بعده البري
ثم الهرري
وبعدين بقية الانواع مثل لقمتي

[ولد العلي]

جزاكم الله خير

[للصبر اخر]

انا اخذ قهوتي من بن سعدون في سوق واقف
او المحل اللي بسوق العلي

[وحيد-الشوق]

محل الجنوب جربوا القهوة الملكية ممتازة

في تاجرة في انستغرام عندها قهوة يمدحونها الناس اسمها ام محمد بحاول اجيب الرقم

[قطري vip]

قهوة عاهد بن علي اشرايكم فيها اللي بسوق واقف

[غرِيبهـ]

وعليكم السلام ورحمة الله وبركاته

محلات الجنوب ولهم فرعين

فرع في شارع ال شافي

وفرع في محطة البترول الي مقابلة بوابة حديقة الحيوان


و فرع في شارع أم الدوم

[مشـــــاعر]

وعليكم السلام ورحمة الله وبركاته

محلات الجنوب ولهم فرعين

فرع في شارع ال شافي

وفرع في محطة البترول الي مقابلة بوابة حديقة الحيوان

وفرع في أم صلآإل محمد . .


أفضل الأنواع (هراري) وعلى ضمانتي :shy::shy:
أبوي يجيبها من سوق وآإقف بس ماعرف شسم آإلمحل . .

[الأصيلة]

أكيد القهوة اليمنية أفضل أنواع القهوة
القهوة البرية
أما بالنسبة للقهوة الخولاني ياترى ممكن نحصلها في محل الجنوب ؟

[قلم صادق]

انا شريت قهوه اسمها الديوان عن طريق الانستغرام ..

يقول نفس طعم قهوه الديوان بس لونها احمر زياده مادري حاط لون فيها ( مب لون الزعفران )

حد جربها

[hola]

شكرا جزيلاً لتفاعلكم ..


انا شريت قهوه اسمها الديوان عن طريق الانستغرام ..

يقول نفس طعم قهوه الديوان بس لونها احمر زياده مادري حاط لون فيها ( مب لون الزعفران )

حد جربها

أخوي هذا حاط عليها لون صناعي يسمونه عصفر ، وهم نصابين مو عصفر طبيعي ، أنتبه من هذي الألوان يمكن تسبب تصبغات و مشاكل في الكلى لاسمح الله ..

[قلم صادق]

تسلم اخوي والله خوفتني ورميت باقي الكميه ..
والله يحفظ الجميع

[مسمس12]

افضل البريه احلى شي والناس اذواق

ويمدحون محل صلاله عندة قهوة هراري مخلوطة او يخلطها حسب رغبتك

[ولد العرب]

قهوة عاهد اجمل قهوة حاليا في قطر

[الأصيلة]

قهوة عاهد بن علي اشرايكم فيها اللي بسوق واقف

أي صوب بسوق واقف ؟
أول مرة أسمع بها ...

[R 7 A L]

هل الكيف
او اهل الكيف
عنده قهوه مخلوطة بكميات مناسبة جداً مطحونه واحد ونص
طبعاً تعتمد على من يسويها شخص عن شخص تفرق

[بوعلاوي]

محل الصولان في سوق خميس وجمعه