الصيد البري هوايه ام اجرام !!!

[حمد 2002]

السلام عليكم ورحمه الله وبركاته

الصيد البري هوايه ام اجرام !!!


http://up.arabseyes.com/uploads2013/05_11_14141516011575531.jpg (http://up.arabseyes.com/) العاب (http://games.arabseyes.com)


انتشرت بالاونه الاخيره قيام البعض بتصوير صيدهم من الحيوانات البريه وتنزيل تلك الصور بالانستغرام والتباهي بها وغيرها من وسائل التواصل الاجتماعي !!


هل هالصيد فعلا بتاكلونه ولا بس كذا ممم يعني تعالوا جوفوني انا صايد كل هالعدد من الطيور البريه !!


ممم لاحظنا بالفتره الاخيره انتشار ظاهره بيع ام صجمه وغيرها من الاسلحه ببعض المواقع والبرامج القطريه على التلفون وغيرها !!
طيب هل بيع تلك الاسلحه مسموح به قطر ؟ واين الرقابه عليها !!



مع فائق تحياتي العطره الممزوجه بالورد والفل والياسمين :)


ويامرحبا ومسهلا

[R 7 A L]

هل هالصيد فعلا بتاكلونه ولا بس كذا ممم يعني تعالوا جوفوني انا صايد كل هالعدد من الكيور البريه !!

فيه الي يأكلونها وفيه الي يأكلونها لطيورهم



ممم لاحظنا بالفتره الاخيره انتشار ظاهره بيع ام صجمه وغيرها من الاسلحه ببعض المواقع والبرامج القطريه ععلى التلفون وغيرها !!
طيب هل بيع تلك الاسلحه مسموح به قطر ؟ واين الرقابه عليها !!

اعتقد انه ممنوع بالقانون بس نشوفها منتشرة



وزارة البيئة حمد يصبحكم بالخير

[عساس]

اشوف ان بيع ام صكمه والاسلحه الهوائيه مافيه شي بس المشكله فالاسلحه الناريه

واذا عن الصيد مثل ماقال اخوي رحال فيه ناس ياكلونه وناس يعطونه لطيورهم لاكن انا ضد التباهي بكثرة الصيد لانه يعتبر اسراف والاسراف حرام ويقرض الحيونات

[Super Cool]

في مناطق معروفة في قطر لو تروح لها الصباح فالويكند تلاقي طيور محذفة...اللي صادها حتى ما كلف على

نفسه يجمعها!!!! محذفة مثل الزبالة و انتوا بكرامة...للعلم قطر عليها مشاكل دولية من اعمال الصيد الجائر

و من اصطياد طيور نادرة بشكل عشوائي!!!! بتصيد اكل صيدك والا روح اشترك في نادي و ثور في صحون

لا بارك الله فيك و في شكلك

[النظامي]

وعليكم السلام ورحمة الله وبركاته

كل شيء اذا زاد عن حده انقلب ضده

والصيد هوايه لكن بحدود .. اللي بتاكله أو عشا طيرك

والصكمه مهب سلاح ... وغيرها أكيد يكون معها تصريح

تسلم يا حمد على التنبيه .... لأن البعض فعلا فاهم هذي الهوايه غلط

وننتظر منك الاجمل

[يمامـة]

شعرفني يا حمد حدي تصيد تيل ...

بس اميل الى فكرة عدم نشر الفساد في الارض
فاذ االنملة ما يحق لنا نقتلها من غير سبب.. فهل التدريب على هالحيوانات وقتلها
فيه فايدة ؟

ما ادري يا حمد احس اني ضايعة......> من انت؟

[ولد العرب]

:nono:

[راجي الْعفو]

ياهلا بوشهب ..

تذكير سريع :

روى عبدالله بن عمر رضي الله عنه أن رسول الله صلى الله عليه وسلم قال:

( ما من إنسان يقتل عصفوراً فما فوقها بغير حقها إلا سأله الله عنها يوم القيامة قيل : و ما حقها ؟ قال : أن تذبحها فتأكلها و لا تقطع رأسها فترمي بها) . أخرجه النسائي وحسنه الشيخ الألباني


تحياتي المزينة بالورد الوردي ..

[QTR TV]

ههههههههههههههه ال فاضي يعمل قاضي ههههههههههههههه

[توشيبا]

بالاول الصيد عشان يشبعون جوعهم

الحين صار الصيد هوايه والواحد يصيد واهو متغدي من كنتاكي وشبعان !؟

ارجو من حقوق الحيوان النظر في مسالت الصيد

[حليتان*]

إجرام باختصار

[aloosh]

ها الزمن الصيد جائر
والمقناص معاده مثل قبل الحين تباهي فلان عنده طير الفلاني وفلان صاد 50 فري ولا ياكلهم وبعضهم حتى ما يحب لحم الفري ولا ياكله

الله يرحم مقناص السبعينات اللي كان فيه متعه المقناص

[العقل المدمر]

بالاول الصيد عشان يشبعون جوعهم

الحين صار الصيد هوايه والواحد يصيد واهو متغدي من كنتاكي وشبعان !؟

ارجو من حقوق الحيوان النظر في مسالت الصيد

100% :weeping:

[بوحارب]

صايرين دلوعين شوي خلاص مافيه شي يعجبكم

برب بروح أصيد ضفادع هههههه

[الجـــوديّ]

اجرام واضح ... !

أخبر الصيد يعلم المراجــــل !

[ذيب ازغوى]

كفارة الصيد أكله
الله يهدي المسلمين

[المقاول]

اجرام وقلة وعي ... عندنا في قطر انقرضت
الارانب والصفرد والضب .. والسبب الصيد
الجائر الهمجي .

[الكنج]

بالاول الصيد عشان يشبعون جوعهم

الحين صار الصيد هوايه والواحد يصيد واهو متغدي من كنتاكي وشبعان !؟

ارجو من حقوق الحيوان النظر في مسالت الصيد

نفس الشي أشوفة فالمقناص الواحد قام يقنص واذا صاد (( صورتين للانستقرام )) ولاياكل شي من اللي يصيده ويعتبر هالشي وناسة بالنسبة له ؟!
فالمقابل ايام قبل كانوا يقنصوون (( لسد الجوع )).

هاي غير التكاليف المالية المبالغ فيها للمقناص .

[العلياا]

لا تضيقون على العالم

هذي هواية جميلة واتمنى انها ما تنقرض !!

[هداف]

الاسراف في الصيد شيء غير مقبول

[captin]

ناس فاضية وما عندها شغل

في مجالات كثيرة مفيدة لقضاء الوقت

مثل

الرياضة

فتح نشاط تجاري

اخذ دورات في الكومبيوتر واللغة

تنمية مهارات واخذ دورات تدريبية

المشاركة في المعسكرات التطوعية

المشاركة مع الجمعيات الخيرية

المشاركة بمراكز الشباب

والكثير الكثير من الانشطة .


هاذي طيور مهاجرة من الشمال البارد الى الجنوب الدافىء
كل سنة في هذا الوقت وقتل هاذي الطيور والحيوانات
يسوي خلل في البيئة .

[ابوعلي]

الا اجرام اخوي حمد

وكل من هب ودب تولع وقلد

ولكن ملاحظاتي للجهات المختصه

هل هناك تصاريح خاصة تمنح للراغب بالصيد بعد اجتيازه لدورة تثقيفيه خاصه بالبيئة وايضا الحيوانات والطيور

هل يتم تحديد كمية الصيد في اليوم الواحد مثلا

[رهج السنابك]

ياليت يصيدون قطاوة الفريج ونفتك منهم

[BO.ABDULLA]

السلام عليكم ياشباب
انتو اتكلمون عن الصيد في قطر ولا مناطق ثانية لأن قطر فيها الصيد قليل جدآ جدآ
والصور المنتشرة معضمها من الدول المجاورة