إنتشار ظاهرة رمي المخلفات من السيارات بدون خجل في الشوارع

[فــلان]

إنتشرت فالآونه الأخيره مخالفات و تجاوزات من سائقين المركبات للأسف لدرجة تفقد أعصاب الواحد
ومن واقع شهادتي هالسواقين صنفين

الأول و أقولها بكل أسف ناس عقالها على راسها ومب قايل قطري لأن لو قطري فعلا ً ما بيرضى على بلاده ولا على نفسه .. هالفئة هي اللي أكثر شي صارت ترمي المخلفات من السياره و أمام مرئى الجميع وفي الطرق العامه
للأسف وأكثر من مره ما إستحملت و وقفتهم فالشارع ولحد يسألني كيف كنت متمالك أعصابي و أنا أهاوشه لعله يحس على دمه. واحد حذف كيس أشكبره والثاني حذف قلاص كرك متروس و الثالث كلينكس .. أمس واحد بطل الظهر
إفتحت الإشاره خضرا وقطع الجزيره يوتيرن وغترته على راسه ولا إستحى و إنتظر 3 ثواني يلف مع العالم و الثاني ترك مواقف سدره فاضيه وما جازت له الوقفه غير فموقف المعاقين لا وبالعرض شوفوني بوحوضي جديد مثلاً ؟ ..

بالنسبة للأجانب صارت مخالفة التجاوز من اليمين في طريق الخدمات و إنه يدخل عليك و إنت بدريسك ونجومك وبريهتك الشارع كله يشوفها ماعنده مشكله ولا يفتكر فيك ولا يدري عنك يعني فوق شينه قوة عينه مب مثلا ً يخالف وهو مستحي لا مب حولك ولا يهابك كرجل شرطة, ومخالفه ثانيه اللي هي الإنحراف المفاجيء وعدم الإلتزام بخطوط المسارات الأرضية و السواقه بالحد الأدنى من السرعه على يسار الطريق.

أرجوا من إدارة المرور وضع خطة جديدة تواكب الوضع الحالي فضلا ً عن الشلل الدائم لمعظم الطرقات حيث أصبحت جميع الأوقات ذروه الآن

ضروري إستحداث نظام يجعل كل مواطن شريف غيور على هالبلاد بمثابة رجل مرور ويثبت الحاله بنظام سهل وعملي وبسيط معتمد ويرسل المخالفه اللي شاهدها إلى مكتب يتم إستحداثه خاص بهذه الفئة المتطوعه

هذا أمر ضروري ومُلح جدا ً الآن

أعتذر عن الإطاله

سلام عليكم

[Rider]

والله ياخوي فعلا شي يقهر الي ماعنده احساس بس تأكد مثل هالناس اكيد في بيوتهم نفس الحالة تحصل الزبالة في كل مكان وهذا يدل على التربية

[Super Cool]

يا ريال الاجنبي تقول مب بلاده و ما يفتكر لكن تنقهر لما القطري يبطل الدريشة و يفر "أكياس"

مب كيس و اللي يفر اكواب كرك و و و...والله صار الواحد يعرف جنسية الثاني من سواقته ومن

اسلوبه فالشارع ههههههه...قبل فترة رايح الدوام و كالعادة متعود دريولية يتجاوزون من اليمين

فانا بالعمالة اوقق سيارتي فالسيد بطريقة تسد او تضيق الباكات و ما تخلي مجال احد يتجاوز من

اليمين...اشوي والا اسمع هرن والا اشوف واحد قطري شكله فالثلاثينات و هيئته تقول انه ملتزم

و معفي لحيته و يأشر لي اني اوسع...نزلت الدريشة و بدون كلام صورته مع موتره...فتح دريشته

و تم يهذر يقول ليش تصور...قلت له مب مقبولة منك يا مطوع اذكر الله و خلك فالسيد و انت ساكت

تراني شكاي...و بكرة الصورة في تويتر...تدعس وراي و تم فالسيد وهو منقهر ها هااااااااااااااي

[المحقق كونان]

لان مافي تنفيذ للقانون ومافي اصلن دوريات لضبط المخالفييين

يقولك سجل رقمه وروح المركز اشتك ... كم واحد بشتكي عليه؟

[المحاميه]

يا ريال الاجنبي تقول مب بلاده و ما يفتكر لكن تنقهر لما القطري يبطل الدريشة و يفر "أكياس"

مب كيس و اللي يفر اكواب كرك و و و...والله صار الواحد يعرف جنسية الثاني من سواقته ومن

اسلوبه فالشارع ههههههه...قبل فترة رايح الدوام و كالعادة متعود دريولية يتجاوزون من اليمين

فانا بالعمالة اوقق سيارتي فالسيد بطريقة تسد او تضيق الباكات و ما تخلي مجال احد يتجاوز من

اليمين...اشوي والا اسمع هرن والا اشوف واحد قطري شكله فالثلاثينات و هيئته تقول انه ملتزم

و معفي لحيته و يأشر لي اني اوسع...نزلت الدريشة و بدون كلام صورته مع موتره...فتح دريشته

و تم يهذر يقول ليش تصور...قلت له مب مقبولة منك يا مطوع اذكر الله و خلك فالسيد و انت ساكت

تراني شكاي...و بكرة الصورة في تويتر...تدعس وراي و تم فالسيد وهو منقهر ها هااااااااااااااي

حرام عليك
طلعت شرير صج

انزين واذا يعني مطوع؟ لازم يكون ملتزم بقوانين السير 100%؟ مب شرط يمكن مستعيل ولا شي ماتدري بظروف الناس



بخصوص الموضوع الصراحه شي فهمته وشي مافهمته

هو المفروض الواحد يحترم بلاده ومايقط ويوصخ

لكن احيانا انا اقول احيانا الواحد يضطر يقط شي برا السياره
والمفروض ينتبه انه مايقطه مثلا ف شارع رئيسي او ورا سيارات ومايفتكر الخ

عالاقل اذا مضطر قطه ف زاويه او فالرمل الخ

حاسه اني باتسطر بعد هالرد
:shy:

[المحاميه]

لان مافي تنفيذ للقانون ومافي اصلن دوريات لضبط المخالفييين

يقولك سجل رقمه وروح المركز اشتك ... كم واحد بشتكي عليه؟

عادي اخوي
اشتك على ألف واحد دامك تشوف تصرفه غير مقبول
وين المشكله؟

[aloosh]

المفروض الواحد يحط كيس صغير عنده بسياره يرمي مخلفاته فيها
للقضاء على هذي الضواهر لازم تكون المخالفه كبيره حتى يتم الردع

[المحقق كونان]

عادي اخوي
اشتك على ألف واحد دامك تشوف تصرفه غير مقبول
وين المشكله؟

المشكلة بقعد طول يومي رايح وراد على المركز وبستأذن من الدوام

الا اذا بيعطوني دفتر مخالفات واقعد اخالف المخالفين واسلم الدفتر في نهاية الاسبوع .. ماعندي مشكلة :)

[رجل الجزيرة]

إلى أدارة المرور أو أحد يوصل الرسالة للإدارة:

هل أنتم تتصلون في المخالفين للي يطوفون من الجهة اليمين إلي أنا أشوفه كل يوم ويزيد هذا التجاوز؟ فمن يومين طالع من الدوام عند إشارات مجلس الشورى بشارع الريان وأنا رايح لشارع سحيم بن حمد إلا المجاوزين من جهة اليمين بالقوة يدخلون مواترهم لين بغيت أعدم واحد منهم، واهرن وأهاوش ولا فيه فايدة ومطنشين.
فرجاء ردع المخالفين.

[PowerQ]

لاحظ إنه هذه المخالفات يتحملها اشخاص اخرين مثلاً رمي المخلفات يتحملها عامل النظافة المسكين والمارة، التجاوز من اليمين يتحملها الناس اللي صافين بالدور!
أفكر، ومش أفكر إلا شكلي بطلب الاسبوع الجاي كاميرا صغيرة تتركب بالسيارة من الامام مثل الروسيين، حتى كل شيء يتصور من المتجاوزين إلى اللي يرمون المخلفات، ماعندي مانع اسجل كل شيء كل اسبوع لكن وين ممكن أسلمه؟
إذا نجحت فكرتي، راح أطلب كميات من الكاميرا وبعرضها على الأعضاء هنا بسعرها الأصلي بدون فائدة او من اجل ارباح، ودي بصراحة نقضي على هالظاهرة!


لكن احيانا انا اقول احيانا الواحد يضطر يقط شي برا السياره
والمفروض ينتبه انه مايقطه مثلا ف شارع رئيسي او ورا سيارات ومايفتكر الخ

عالاقل اذا مضطر قطه ف زاويه او فالرمل الخ

الزاوية والشارع والرمل كلهم نفس الشيء، مرافق عامة.. اماكن ماتملكينها ولا انا املكها فبالتالي مايحق لج تقطين..
أنصحج تحطين كيس صغير داخل السيارة وتلمين الوصخ فالكيس، وإن رجعتي البيت او شفتي زبالة الله يكرمج بطريقج احذفي الكيس فيه وانتهينا :)

[LSBU]

هي ان دل يدل على تربية الشخص المفروض الواحد يكون عندة فاين بالسيارة وينظف نفسة فية ولما يقرب من اقرب زبالة يحط الزبالة في الزبالة الدولة ماقصرت حطت درمات زبالة شكبر في الشوارع

اما بخصوص الي يتجاوز من يمين افضل حل هو وضع كاميرات في الطرق للمتجاوزين وكل يوم تسجل الكاميرات المتجاوزين ويتم مخالفتهم اتحداء اي واحد يتجاوز يمين وتكون مخالفتها 500 ريال مثل الرادار

[ثابت]

امس حدث امامي هذا الموقف و اعتقد هذي ثقافة عندهم البصق في الطريق متعودين عليها عادي

طلع راسة زين ماطب من السيارة وعطها سحبة بصوت قوي ونزل شلال من حلجة والمشكلة عند اشارة وزحمة لا حشم ولا استحى اعتقد هو متعود على هالثقافة والحمدلله الدولة مو مقصرة اشوفها توعيهم بكل مكان

[Super Cool]

حرام عليك
طلعت شرير صج

انزين واذا يعني مطوع؟ لازم يكون ملتزم بقوانين السير 100%؟ مب شرط يمكن مستعيل ولا شي ماتدري بظروف الناس



بخصوص الموضوع الصراحه شي فهمته وشي مافهمته

هو المفروض الواحد يحترم بلاده ومايقط ويوصخ

لكن احيانا انا اقول احيانا الواحد يضطر يقط شي برا السياره
والمفروض ينتبه انه مايقطه مثلا ف شارع رئيسي او ورا سيارات ومايفتكر الخ

عالاقل اذا مضطر قطه ف زاويه او فالرمل الخ

حاسه اني باتسطر بعد هالرد
:shy:

المطوّع أول شخص يخاف الله و آخر شخص يفكر يسلب حق غيره أو يتعدى على حقهم

دائماً تلاقيهم ملتزمين بالطوابير بشوشين وجودهم يفتح النفس...فكانت مفارقة غريبة

ان مطوّع يقوم بفعل شخصياً أعتبره خسيس و دنيء...و أعترف أنه أكثر شي ينرفزني

في حياتي كلها لما شخص يتجاوزني في أي طابور

اختي المحامية بعد مب مقبول توصخ في بر أو خرابة ترى في أشياء لو ما تمت معالجتها

بشكل معين تسبب أضرار شبه دائمة و أحياناً أمراض...مافي شي اسمه مضطر يقط الوصخ

برى الموتر الا اذا واحد بيزوع أو شي...حط لك كيس و قط الوصخ فيه...بل بقول لك وصخ

سيارتك ملكك و كيفك...ليش الملك العام محد يفتكر فيه؟ موترك لو قطيت الوصاخة فيه

عادي تلاقي فيه فيران فما بالك بالشارع...على قولتهم ياكل و يمش فالطوفة ههههههه

[رجل الجزيرة]

المطوّع أول شخص يخاف الله و آخر شخص يفكر يسلب حق غيره أو يتعدى على حقهم

دائماً تلاقيهم ملتزمين بالطوابير بشوشين وجودهم يفتح النفس...فكانت مفارقة غريبة

ان مطوّع يقوم بفعل شخصياً أعتبره خسيس و دنيء...و أعترف أنه أكثر شي ينرفزني
في حياتي كلها لما شخص يتجاوزني في أي طابور

اختي المحامية بعد مب مقبول توصخ في بر أو خرابة ترى في أشياء لو ما تمت معالجتها

بشكل معين تسبب أضرار شبه دائمة و أحياناً أمراض...مافي شي اسمه مضطر يقط الوصخ

برى الموتر الا اذا واحد بيزوع أو شي...حط لك كيس و قط الوصخ فيه...بل بقول لك وصخ

سيارتك ملكك و كيفك...ليش الملك العام محد يفتكر فيه؟ موترك لو قطيت الوصاخة فيه

عادي تلاقي فيه فيران فما بالك بالشارع...على قولتهم ياكل و يمش فالطوفة ههههههه

بس المطوع ماهوب كامل والكامل وجه الله ولا مهوب ملك ولا برسول وهو في النهاية إنسان عادي، فالمفروض تعامله مثل ما تعامل الإنسان العادي.

[نوفا91]

بصراحه انا احتقر هالشخص اللي يقط فالشارع ويمشي ،
اسلوب مب حضاري كلش ،
وهالشي يعكس اذا نظيف في بيته او لا !
والاهم دينا دين رحمه ، لو كل واحد بيتم يقط وصاخته ، محد بياكلها غير هالعمال اللي بعضهم بكبر ابوي وابوك !


احترم تحترم
،
،

[R 7 A L]

يا ريال الاجنبي تقول مب بلاده و ما يفتكر لكن تنقهر لما القطري يبطل الدريشة و يفر "أكياس"

مب كيس و اللي يفر اكواب كرك و و و...والله صار الواحد يعرف جنسية الثاني من سواقته ومن

اسلوبه فالشارع ههههههه...قبل فترة رايح الدوام و كالعادة متعود دريولية يتجاوزون من اليمين

فانا بالعمالة اوقق سيارتي فالسيد بطريقة تسد او تضيق الباكات و ما تخلي مجال احد يتجاوز من

اليمين...اشوي والا اسمع هرن والا اشوف واحد قطري شكله فالثلاثينات و هيئته تقول انه ملتزم

و معفي لحيته و يأشر لي اني اوسع...نزلت الدريشة و بدون كلام صورته مع موتره...فتح دريشته

و تم يهذر يقول ليش تصور...قلت له مب مقبولة منك يا مطوع اذكر الله و خلك فالسيد و انت ساكت

تراني شكاي...و بكرة الصورة في تويتر...تدعس وراي و تم فالسيد وهو منقهر ها هااااااااااااااي



ياخي
ليش كل ردودك ضد القطريين؟

[بومحمد المطاوعه]

بارك الله فيكم


الصراحه هالأمر غير حضاري

البصق فالشارع
ورمي القمامه من النافذه
حتى لو كان قطعه من الفاين

لأن في عامل ينظف وبيلحق الي قطيته بس علشان يشيله

[بومحمد المطاوعه]

Super Cool


يالغالي
مب كل ماشفت شخص مربي لحيته

قلت عنه مطوع


التطوع بالقلب والاخلاق والعامل

اما الشكل حتى الهندوسي ملتحي

هل بنقول عنه مطوع .,.!

[7llo]

ههه الوالده الله يهداها جي , كله تقط برا كل ماتركب معاي اصكر اللوك مال الدريشه عشان ماتقط شي , حتى ربعي كلهم يقطون براااا كله اتهاوش معاهم عشان يقطون برا بالنسبه لي مستحيل اقط برا كله اقط على الكرسي الي جنبي ولا وراي وكل اسبوع اغسل موتري في المغسله وينظيفون ويقطوون برا القواطي

[OREO]

كون ادارة المرور و الدوريات و البلدية راضية عن هالشي .. انا كمواطن ماعندي مشاكل لان مالي حق اوقف العالم على وساختهم و تجاوزاتهم للقوانين ..

فلذا من رائي الشخصي ادارة المرور و الدوريات و وزارة البلدية هم المسؤولين عن ضبط الامور هذه لانهم هم اصحاب الضبط القضائي وليس المواطن المسكين اللي يحترق قلبه على بلاده ..

[بوحارب]

الله كريم ياخوي المرور مب ملحقين من كثرة العالم :)

[حسن]

يارجل لي موضوع صورت مره تقط زباله سيارتها عند مجمع اللولو

استغربت من بعض المعاقين من يقولك ليش تصور

للاسف الثقافه عندنا شبه معدومه

يبيلني تاهيل على مستوى جميع الوزارات والهيئات والمدارس
وحملات مكثفه بجميع اللغات

تصدق في كيرلا ماتلقى عود جبريت طايح فيها
انا اؤيد استخدام التصوير وطرش

[المحاميه]

عاد فيران ف سيارة واحد عشان قط اكل

ورا الفيران ليكون تنزرع ؟

كلام غير منطقي

[المحقق كونان]

يا ريال الاجنبي تقول مب بلاده و ما يفتكر لكن تنقهر لما القطري يبطل الدريشة و يفر "أكياس"

مب كيس و اللي يفر اكواب كرك و و و...والله صار الواحد يعرف جنسية الثاني من سواقته ومن

اسلوبه فالشارع ههههههه...قبل فترة رايح الدوام و كالعادة متعود دريولية يتجاوزون من اليمين

فانا بالعمالة اوقق سيارتي فالسيد بطريقة تسد او تضيق الباكات و ما تخلي مجال احد يتجاوز من

اليمين...اشوي والا اسمع هرن والا اشوف واحد قطري شكله فالثلاثينات و هيئته تقول انه ملتزم

و معفي لحيته و يأشر لي اني اوسع...نزلت الدريشة و بدون كلام صورته مع موتره...فتح دريشته

و تم يهذر يقول ليش تصور...قلت له مب مقبولة منك يا مطوع اذكر الله و خلك فالسيد و انت ساكت

تراني شكاي...و بكرة الصورة في تويتر...تدعس وراي و تم فالسيد وهو منقهر ها هااااااااااااااي

مالك حق تضيق الطريق يمكن عسكري بيتجاوز او اسعاف او تحريات او يمكن واحد بيلف يمين

[الاعرابي]

كون ادارة المرور و الدوريات و البلدية راضية عن هالشي .. انا كمواطن ماعندي مشاكل لان مالي حق اوقف العالم على وساختهم و تجاوزاتهم للقوانين ..

فلذا من رائي الشخصي ادارة المرور و الدوريات و وزارة البلدية هم المسؤولين عن ضبط الامور هذه لانهم هم اصحاب الضبط القضائي وليس المواطن المسكين اللي يحترق قلبه على بلاده ..

هذا أفضل رد

اذا مافيه قانون والكل يوصخ ؟ ليش انا اكون نظيف؟
تحياتي لكم

[مشـــــاعر]

[FONT="Arial"][COLOR="Black"][SIZE="3"]
لان مافي تنفيذ للقانون ومافي اصلن دوريات لضبط المخالفييين

يقولك سجل رقمه وروح المركز اشتك ... كم واحد بشتكي عليه؟

عيل ياخذون رواتب على شنو :anger1:؟؟
وشنو وظيفته دام مايسوي شي ويبيك إنت إللي تشتكي ؟؟

[شبح الصمت]

مع احترامي للي يقط ترضى احد يقط شيء في بيتكم ..


الدولة ما قصرت ياخي وفرت درامات زبالة يكرم الحاضرين في كل مكان كل ما تمشي اشوي تحصل


بس في ناس ثقافة النظافة عندها في التررلي

تحصل واحد مرتز حده وكاشخ ويبين عليه زقرتي بس في هالامور عادي عنده يبطل الجامه ويفر القلاص او الزقارة او اي شيء مضايقه

اهم شيء موتره يتم نظيف

انزين اشفيها لو حطيت لك كيس صغير فالموتر وكل الوصاخه تجمعها فيها وعقب اقرب درام قطها ..

[Rashid554]

الحمدالله ماعمري قطيت شي من السيارة دايماً اجمع بالكيسه لين ما القى درام زباله او اوصل البيت لكن هذه الظاهره منتشره للأسف ونتمنى زوالها حتى لو تم وضع غرامات عالية

[المحقق كونان]

• المادة 397
مع عدم الإخلال بأي عقوبة أشد ينص عليها قانون آخر، يُعاقب بالغرامة التي لا تجاوز خمسمائة ريال، كل من:
1- رمى أحجاراً أو أشياءَ صلبة أخرى، أو قاذورات، على أشخاص أو عربات أو سيارات أو بيوت أو مبانِ أو بساتين أو حظائر مملوكة للغير.

[Super Cool]

مالك حق تضيق الطريق يمكن عسكري بيتجاوز او اسعاف او تحريات او يمكن واحد بيلف يمين

"باركنات" يالطيب...اللي يسوق فيها مخالف حتى لو بيلف يمين

ولو دورية شغلت الرماق كلنا بنوسع بشكل أو بآخر محد بيتم مكانه

[Super Cool]

ياخي
ليش كل ردودك ضد القطريين؟

وانت ليش كل ما أحد ذكر أي عيب في أي قطري شككت في أصله و فصله؟ شايفنا أنبياء انت؟؟؟؟
,
,
يهمني غلط المواطن ضعف غلط الأجنبي...انت لو لقيت لك بيت ممتاز و قررت تشتريه بس اكتشفت

ان جارك مؤذي...لو أجنبي بتشتري لأن مرده بيذلف لكن لو مواطن...بتفكر الف مرة لأنه ممكن يتم

جارك طول عمرك...انا ماحب ادفن راسي فالرمل....اذا شفت غلط أذكره...و لو كان من قطري أحاسبه

الدبل لأن هو أولى بهالبلد من الغريب

[R 7 A L]

وانت ليش كل ما أحد ذكر أي عيب في أي قطري شككت في أصله و فصله؟ شايفنا أنبياء انت؟؟؟؟
,
,
يهمني غلط المواطن ضعف غلط الأجنبي...انت لو لقيت لك بيت ممتاز و قررت تشتريه بس اكتشفت

ان جارك مؤذي...لو أجنبي بتشتري لأن مرده بيذلف لكن لو مواطن...بتفكر الف مرة لأنه ممكن يتم

جارك طول عمرك...انا ماحب ادفن راسي فالرمل....اذا شفت غلط أذكره...و لو كان من قطري أحاسبه

الدبل لأن هو أولى بهالبلد من الغريب



انت شككت في اصل وفصل ؟
متأكد انه انا ؟
لا ياخوي غلطان
اتحداك تجيب لي رد اني مشكك في اصل اوفصل احد


ماقلنا شي انتقد المواطن الغلطان بس لاتنسى الوافد الاجنبي الي حتى مايسوى بيزة في ديرته

[المحقق كونان]

"باركنات" يالطيب...اللي يسوق فيها مخالف حتى لو بيلف يمين

ولو دورية شغلت الرماق كلنا بنوسع بشكل أو بآخر محد بيتم مكانه

انت مالك سلطة الضبط القضائي عشان تسكر البركنات او الطريق .. مب شرط دورية يمكن تحريات وعسكري باللبس المدني انت مالك خص بالمتجاوزين خذ رقمه وروح اشتك عليه فالمركز

[Super Cool]

انت شككت في اصل وفصل ؟
متأكد انه انا ؟
لا ياخوي غلطان
اتحداك تجيب لي رد اني مشكك في اصل اوفصل احد


ماقلنا شي انتقد المواطن الغلطان بس لاتنسى الوافد الاجنبي الي حتى مايسوى بيزة في ديرته

ردود سابقة لك اخوي على بعض الأعضاء راجع ردودك

طيب طلما الاجنبي ما يسوى بيزه اضيع وقتي معاه ليش؟
علمته الأدب و بعدين ذلف و جاني واحد ثاني بعد بعلمه
الأدب و نفس الشي بيذلف...ما بنخلص اعلم المواطن مرة
و خلاص

[Super Cool]

انت مالك سلطة الضبط القضائي عشان تسكر البركنات او الطريق .. مب شرط دورية يمكن تحريات وعسكري باللبس المدني انت مالك خص بالمتجاوزين خذ رقمه وروح اشتك عليه فالمركز

أنا ما ضبطته ولا عاقبته انا حفظت حقي...و هذا بند من بنود الدستور القطري عزيزي

القانون يكفل لكل مواطن انه يحمي نفسه و حقوقه بدون استخدام القوة القاهرة...و انا

حميت دوري و وفرت وقتي....اذا خالفوه و انا ما رجع لي وقتي ولا رجعلي دوري فالسيد

شستفدت انا وقتها...واحد جاي يستهبل علي بستهبل عليه و خله يستحمل

[R 7 A L]

ردود سابقة لك اخوي على بعض الأعضاء راجع ردودك

طيب طلما الاجنبي ما يسوى بيزه اضيع وقتي معاه ليش؟
علمته الأدب و بعدين ذلف و جاني واحد ثاني بعد بعلمه
الأدب و نفس الشي بيذلف...ما بنخلص اعلم المواطن مرة
و خلاص

لا يا اخوي غلطان
الظاهر اختلطت عليك الاسامي
واذا حصلت لي اي رد اقتبسة ولا عليك امر خل الاعضاء يشفون



المهم
الاجنبي الي مايسوى بيزة مارضى اني اشوفه يخالف او يسئ لدولتي في اي شي

[بومحمد المطاوعه]

لا يا اخوي غلطان
الظاهر اختلطت عليك الاسامي
واذا حصلت لي اي رد اقتبسة ولا عليك امر خل الاعضاء يشفون



المهم
الاجنبي الي مايسوى بيزة مارضى اني اشوفه يخالف او يسئ لدولتي في اي شي

بارك الله فيك يالغالي
ورايتك بيضه ياخوي

ماعمري شفت رد من ردودك تظلم احد

ردودك كلها تتكلم بالحق

بارك الله فيك

[المحقق كونان]

أنا ما ضبطته ولا عاقبته انا حفظت حقي...و هذا بند من بنود الدستور القطري عزيزي

القانون يكفل لكل مواطن انه يحمي نفسه و حقوقه بدون استخدام القوة القاهرة...و انا

حميت دوري و وفرت وقتي....اذا خالفوه و انا ما رجع لي وقتي ولا رجعلي دوري فالسيد

شستفدت انا وقتها...واحد جاي يستهبل علي بستهبل عليه و خله يستحمل

اوكي احمي دورك

بس ماتسكر طريق الخدمة او البركنات

[NeverLand]

انا اذا بغيت احذف شي من السياره امر صوب اقرب منطقه سكنيه واوقف عند اقرب زباله اشوفها واحذف الاشياء فيها

اكره ماعندي اشوف مواطن يوصخ شوارع ديرته .. على طول اقول بقلبي اكيد هو عايش بنفس هالدرجة من الوصاخه بالبيت

[R 7 A L]

انا اذا بغيت احذف شي من السياره امر صوب اقرب منطقه سكنيه واوقف عند اقرب زباله اشوفها واحذف الاشياء فيها

اكره ماعندي اشوف مواطن يوصخ شوارع ديرته .. على طول اقول بقلبي اكيد هو عايش بنفس هالدرجة من الوصاخه بالبيت



تأكد قبل لا ترمي شي
دق هرن ولا عط ريس لا يفاجأك شي من ماحصل لي ههههههههههههه

[Super Cool]

اوكي احمي دورك

بس ماتسكر طريق الخدمة او البركنات

انا ما سكرته انا ضيقته على "المخالف" فقط....اللي يبي يصف ما بيأثر بشي

...للعلم آنا أتكلم عن "الباركنات" مب طريق الخدمات ممنوع تسد شارع مهما كان

هذا مسار مخصص للوقوف مب طريق ولا شارع خدمات...و مب من حق أي شخص

يطوف منه أساساً فليش أفتح المجال حق أي أحد...بل يحق لي أصف الموتر فيه

و اطفيه و أقعد أطالع و أتطمش على اللي وراي...موقف عام و صفيت فيه

[فــلان]

من خلال مروري على جميع من شارك برأيه مشكورا ً في الموضوع لاحظت مصيبه قصدي شي وهو عباره عن وباء فكري منتشر وصايد البعض للأسف ...

مجموعه من الأعضاء بارك الله فيهم مداخلتهم بنائه و أضافوا مقترحات جيده كبادره منهم للقضاء على هذه التجاوزات

ومجموعه عبرت عن إستيائها ومحاولة الحد من هذه الظاهره بمحاوله ذاتيه لمنع المتجاوزين و المخالفين وهذي ردة فعل
فطريه لكل من نشأ في بيئه سويه ومتعوب عليها فضلا ً عن غيرته على ما يحصل في بلاده

ومجموعه قامت تهاجم المجموعه اللي فوق و تجادل لمجرد المجادله بعداً كل البعد عن التعاون وهذه فئة من وجهة نظري تتسم بالسلبية وعدم الإنتاجية

ومجموعه إنتقت هوامش المفردات و أدارت المشاركه بشكل شخصي وتبادل الإتهامات!!

وفيه البعض طبعا ً "نبعترثحخهقفىتر" هذيلا مب عارف حتى أوصفهم برد الله يعفوا عنا وعنهم

-----------------------------------------------------

الهدف من طرح هذه الظاهره هي وضع المقترحات بشكل عملي إن وجدت لعل أحد المسؤولين أن يشاهدها و يأخذ فيها إجراء أو يوصي بأخذ إجراء.
وشي آخر وهو الإستماع لقصص الأخوان الأعضاء لدعم الشكوى

فريق الإتجاه المعاكس يهدي شوي لأن إحنا هنيه أمام فوضى مروريه كبيره واضحه للعيان ولا يلام كل من إستاء من ذلك وعبر بطريقته
عن غضبه وعدم رضاه بطريقه حضاريه و إنسانيه

[بوثاني الريان]

رمي المخلفات والزقاير وكل شي داخل الموتر غير مرغوب فيه صار في الشارع للاسف

[فيصل99]

الحين بتجيك فئة بتدور لك عذر بقولون لك يمكن الريال عنده حالة طارئة فالموتر وبقط الزبالة برع هههههه كل مخالفة بحطون لك حالة طارئة

والنتيجة مخالفات بالجملة سببها حالات طارئة

انا اشوف لردع الفئة المستهترة بالقانون انه تشكل لجنة تستقبل الشكاوي المصورة لتكون دليل اثبات ضد المخالف او يفتحون باب التطوع للمواطنين له الحق يخالف بالتصوير .

[رجل مثالي]

إنتشرت فالآونه الأخيره مخالفات و تجاوزات من سائقين المركبات للأسف لدرجة تفقد أعصاب الواحد
ومن واقع شهادتي هالسواقين صنفين

الأول و أقولها بكل أسف ناس عقالها على راسها ومب قايل قطري لأن لو قطري فعلا ً ما بيرضى على بلاده ولا على نفسه .. هالفئة هي اللي أكثر شي صارت ترمي المخلفات من السياره و أمام مرئى الجميع وفي الطرق العامه
للأسف وأكثر من مره ما إستحملت و وقفتهم فالشارع ولحد يسألني كيف كنت متمالك أعصابي و أنا أهاوشه لعله يحس على دمه. واحد حذف كيس أشكبره والثاني حذف قلاص كرك متروس و الثالث كلينكس .. أمس واحد بطل الظهر
إفتحت الإشاره خضرا وقطع الجزيره يوتيرن وغترته على راسه ولا إستحى و إنتظر 3 ثواني يلف مع العالم و الثاني ترك مواقف سدره فاضيه وما جازت له الوقفه غير فموقف المعاقين لا وبالعرض شوفوني بوحوضي جديد مثلاً ؟ ..

بالنسبة للأجانب صارت مخالفة التجاوز من اليمين في طريق الخدمات و إنه يدخل عليك و إنت بدريسك ونجومك وبريهتك الشارع كله يشوفها ماعنده مشكله ولا يفتكر فيك ولا يدري عنك يعني فوق شينه قوة عينه مب مثلا ً يخالف وهو مستحي لا مب حولك ولا يهابك كرجل شرطة, ومخالفه ثانيه اللي هي الإنحراف المفاجيء وعدم الإلتزام بخطوط المسارات الأرضية و السواقه بالحد الأدنى من السرعه على يسار الطريق.

أرجوا من إدارة المرور وضع خطة جديدة تواكب الوضع الحالي فضلا ً عن الشلل الدائم لمعظم الطرقات حيث أصبحت جميع الأوقات ذروه الآن

ضروري إستحداث نظام يجعل كل مواطن شريف غيور على هالبلاد بمثابة رجل مرور ويثبت الحاله بنظام سهل وعملي وبسيط معتمد ويرسل المخالفه اللي شاهدها إلى مكتب يتم إستحداثه خاص بهذه الفئة المتطوعه

هذا أمر ضروري ومُلح جدا ً الآن

أعتذر عن الإطاله

سلام عليكم




رمي القمامة خارج السيارة في جميع الدول يعتبر مخالفة صريحة
ويعاقب عليها من قبل المرور في ذاك البلد بسرعة دون تردد
لانه يشوه الصورة والمنظر العام للمجتمع