رسالة الى من يقول قطر ملل وحر ورطوبة وقطر مافيها اماكن ترفيه

[قطري2022]

الى من يكرر هالعبارة ، ترى مافي شي كامل ، هذي سنة الحياة ، و حكمة ربك سبحانه ، لا تنسى ان القناعة كنز لايفنى ، و لا تنسى ان الايمان بالقدر ركن من اركان الايمان ، يعني اكتفي بللي عندك و لا تطمع بالاكثر ، في دول ثانية عندها الاماكن الترفيهية وجوها حلو و طبيعة خلابة ، لكن اغلب شعوبها مب قادرين يروحون هالاماكن لانهم ماعندهم القدرة المادية ، وهالشعوب يتمنون لو كانو قطريين او خليجيين علشان يعيشون في الحر و الرطوبة و في الملل على قولة بعض الناس ، بس تكون عندهم القدرة المادية و الرفاهية والحمدلله على النعمة والله يرزق الكل انشالله ، لكن اهني عندنا القدرة المادية لكن ما عندنا الاماكان الترفيهية الكثيرة مثل الي عندهم ، وغير نعمة الامن والامان ونعمة الحكومة الرشيدة الي تهمها راحة شعبها ، ولا تنسى انك اذا انت انتقدت وغيرك الاف انتقدو البلد ترى يمكن تحل علينا عقوبة من الله لاقدر الله تخليك تندم على جحودك لكتبة الله و نعمته عليك وعقبها تتحسر على ايام الرطوبة و الرفاهية ، وبتقول ليتني تحملت الملل و الرطوبة و الحر لكن اعيش مرتاح واقدر اكل و اشستري الي ابيه ، لاتنسى غيرك ينامون من غير عشى علشان يوفرون مبلغ للغدى ، او لانه ماعندهم فلوس يشترون فيه عشى او غدى حتى ، و في ناس غداهم او عشاهم عبارة عن خبز وبس ، وفي ناس قبل لا يطلع منهم اي مبلغ لازم يفكرون الف مرة قبل لا يطلعونه ، بعكسك انت ، واهني ودي اذكركم بعدم التبذير ، لانكم اكيد عارفين ان التبذير حرام ، وقبل لا تبذر تذكر الشعوب الي تنام من غير عشى ، و قبل لا تبذر في الماي و الكهربا ، تذكر ان في دول تفرض رسوم على الكهربا و الماي وكل قطرة ماي و كل دقيقة كهربا يحسبون لهم الف حساب قبل لا يستخدمونهم ، الحمدلله على النعمة الف مرة والحمدلله على حكومتنا و حكامنا ، وطبعا الكلام موجه للمقيم كذلك ، ويتذكر ان مافي شي كامل ، اللهم احفظهم و احفظ نعمك علينا وعلى غيرنا و ارزقهم كما رزقتنا يا ارحم الراحمين .

[عثرة جواد]

مافهمت ؟؟؟؟؟؟؟؟؟؟؟؟؟؟؟

[aloosh]

لازم الواحد يكيف نفسه على المكان الذي يعيش فيه
انا الحمدلله لا احس بالملل مشطوب من القاموس عندي

بالعكس الصيف اروح البحر اتسلى اما حداق او رياضه بحريه في سبل ترفيه كثيره الحمدلله

اما اللي يقول ملل هذا تحصله ما ينزل من سياره كله يفتر وماسك نمط واحد ما يغيره

اسواق وعندنا دور سينما وعندنا كفيهات وعندنا امان تمشيه عندنا وكل شي متوفر الحمدلله

استغرب من اللي يقلون ملل

[المحاميه]

اتمنى الكل تكون عنده قناعه ويرضى بالمكتوب له ويسعى للأفضل
ولازم يكون عنده يقين إن اللي يتعرضله خيره ويمكن اختبار من رب العالمين فالواجب علينا الصبر والحمد وعدم السخط

وكلامك صحيح
الواحد لازم يحمد ربه ويشكره على هالنعمه
الحمدلله احنا عايشين في أحسن دوله من جميع النواحي
وهذي بروحها نعمه تستوجب الشكر والحمد ألف مره

والله إني لي سافرت لأي دوله كانت أوروبيه ولا شرقيه أتذكر بلادي وأقول الحمدلله والشكر اني عايشه ف نعيم ووسط ناس طيبه
ابتداءً من سمو الأمير وانتهاءً بأصغر شخص موجود على أرض الدوله

الله يديم علينا نعمة الأمن والأمان ويبعد عنا شر كل حاقد وحاسد

[قطري2022]

مافهمت ؟؟؟؟؟؟؟؟؟؟؟؟؟؟؟

يا هلا عثرة
اقصد الي يقول ان الدوحة ملل ومافيها شي ، ابيه يحمد ربه على النعمة وعلى حكامنا ، وينسى موضوع الملل والرطوبة ونقص اماكن الترفيه لان مافي شي كامل ، يعني مابيه يكون جاحد لنعممة الله ويعترض على كتبة الله

[المحاميه]

لازم الواحد يكيف نفسه على المكان الذي يعيش فيه
انا الحمدلله لا احس بالملل مشطوب من القاموس عندي

بالعكس الصيف اروح البحر اتسلى اما حداق او رياضه بحريه في سبل ترفيه كثيره الحمدلله

اما اللي يقول ملل هذا تحصله ما ينزل من سياره كله يفتر وماسك نمط واحد ما يغيره

اسواق وعندنا دور سينما وعندنا كفيهات وعندنا امان تمشيه عندنا وكل شي متوفر الحمدلله

استغرب من اللي يقلون ملل


والله انك صادق
فعلا انا لما اطلع اجازه او مثلا اجازه العيد الخ مب شرط اسافر لكن اعرف اشلون اسويلي جدول وازور الأماكن وارفه عن نفسي
الحمدلله كل شي متوفر
بس الناس ماندري شيبون ولا شنو اللي يرضيهم
وعلى قولتك يجابلون أربع اطوف ويقولون ملل ووين نروح
حلوه وين نروح
كل هالأماكن وبعد وين نروح؟ لا حول ولا قوة الا بالله

[ameeer3]

اجمل بلاد في العالم قطر واهلها الطيبين - ويكفي ان الله انعم على بلادنا الامن والسلام فهذا بحد ذاته مقياس لا يقااااااس

[عثرة جواد]

يا هلا عثرة
اقصد الي يقول ان الدوحة ملل ومافيها شي ، ابيه يحمد ربه على النعمة وعلى حكامنا ، وينسى موضوع الملل والرطوبة ونقص اماكن الترفيه لان مافي شي كامل ، يعني مابيه يكون جاحد لنعممة الله ويعترض على كتبة الله

بطبيعة البشريه يتمنى الانسان الكمال وب عيب بل عكس محمود قال الله تعالى (( وَفِي ذَلِكَ فَلْيَتَنَافَسِ الْمُتَنَافِسُونَ))

فتنافس ف كل شي مطلوب لذالك دولتنا الحبيبه تسعى الي القمه تسعى لان تكون افضل الدوال وافضل الشعوب

انا اشوف انه الانسان دايما لايقف عند حد بل يسعى ف كل مجالات الحياة

[قطري2022]

بطبيعة البشريه يتمنى الانسان الكمال وب عيب بل عكس محمود قال الله تعالى (( وَفِي ذَلِكَ فَلْيَتَنَافَسِ الْمُتَنَافِسُونَ))

فتنافس ف كل شي مطلوب لذالك دولتنا الحبيبه تسعى الي القمه تسعى لان تكون افضل الدوال وافضل الشعوب

انا اشوف انه الانسان دايما لايقف عند حد بل يسعى ف كل مجالات الحياة

اي بس اذا الدولة ماوصلت لمرحلة الجو الحلو والطبيعة الخلابة والاماكن الترفيهية الكثيرة والعالمية ، هل من حق الانسان يقول ملل وينتقد الدوالة وينسى افضالها عليه وعلى هله وعلى الشعب ؟

[بـوصـالـح]

اهاا يعني بدال ما نطرح حلول للملل

نحمد الله ان عندنا ملل ؟

[ثابت]

فديت قطر وجعلني افداء ترابها وحرها وبردها احلى ارض و احلى بلد والحمدلله اني قطري

[عثرة جواد]

اي بس اذا الدولة ماوصلت لمرحلة الجو الحلو والطبيعة الخلابة والاماكن الترفيهية الكثيرة والعالمية ، هل من حق الانسان يقول ملل وينتقد الدوالة وينسى افضالها عليه وعلى هله وعلى الشعب ؟

اخوي العزيز الانتقاد شي... والسعي وراء الافضل شي اخر....

احنا نقول الدوله ماقصرت عطتنا الي نحتاجه

بس في بعض القصور الي نتمنى تتوفر ف البلاد

[قطري2022]

اهاا يعني بدال ما نطرح حلول للملل

نحمد الله ان عندنا ملل ؟
هلا اخوي
قبل لا تتذكر الملل تذكر نعم الله عليك وعلى هالبلد الي ناكل ونلبس من خيراتها ، في شعوب مستعدة تتحمل الملل والرطوبة والحر بس تاكل اكل حلو وتلبس لبس حلو ، وهذي حكمة ربك بان مافي شي كامل ، لو خيروك تكون فطري او مواطن في دولة نامية فيها اماكن ترفيهية حلوة واكلك شربك محسوبين بالملي ؟

[راجي الْعفو]

يازين قطر ..

والله لا تعوضها الدول السياحية ..

لمن تمعن جيدا !

[قطري2022]

اخوي العزيز الانتقاد شي... والسعي وراء الافضل شي اخر....

احنا نقول الدوله ماقصرت عطتنا الي نحتاجه

بس في بعض القصور الي نتمنى تتوفر ف البلاد

طيب انا ماقصد الي يسعون للافضل ، اقصد الي ينتقدون باستمرار والي مب عاجبهم شي

[بـوصـالـح]

هلا اخوي
قبل لا تتذكر الملل تذكر نعم الله عليك وعلى هالبلد الي ناكل ونلبس من خيراتها ، في شعوب مستعدة تتحمل الملل والرطوبة والحر بس تاكل اكل حلو وتلبس لبس حلو ، وهذي حكمة ربك بان مافي شي كامل ، لو خيروك تكون فطري او مواطن في دولة نامية فيها اماكن ترفيهية حلوة واكلك شربك محسوبين بالملي ؟

يعطيك العافيه يالغالي

ولكن لين الحين قاعد احاول اربط الموضوعين في بعض ، والجواب يطلعلي دايما ( اشدخل )

عموما .. الحمدلله على كل حال

[قطري2022]

يعطيك العافيه يالغالي

ولكن لين الحين قاعد احاول اربط الموضوعين في بعض ، ولكن الجواب يطلعلي دايما ( اشدخل )

عموما .. الحمدلله على كل حال

الله يعافيك اخري ، طيب لو خيروك بين الخيارين اش بتختار ؟��

[PowerQ]

الملل مايجي إلا من الإحساس بالأمان، غالباً مابتلقى "متمللين" بوسط الدول اللي تتعرض لحروب ومجاعات..
أتمنى محد يهاجم الحكومة لإنه "متملل" وماعنده مكان يروح له، قطر الآن في نمو مستمر.. فيه اولويات مثل الطرق، المستشفيات الخ.. بالتالي الحكومة ابداً ماهي فاضية تلتفت للأمور الترفيهية..
الأمور الترفيهية تقبع على عاتق الجهات التجارية، اللي عنده رأس مال محترم ممكن يجيب وكالة ملاهي من الخارج لقطر بس طبعاً بتكلفه ملايين ولازم يكون بينه وبين الحكومة إتفاقات بخصوص الأرض وغيره..

حالياً، كشخص بسيط متملل وماتعرف شتسوي، أنصحك تتطوع، او تسجل بنادي رياضي، او تكتسب هواية جديدة وتنضم لنادي محترف لها او تسوي نادي إذا ماكان لها نادي..
عندك البحر ممكن تأجر لك/تشتري جتسكي.. عندك البر، إذا ماكان فيه شي حولك يمّتعك.. اصنع إنت هالشيء..

[بو الجوري]

و الله ياخوي إنك صادق .. صحيح إن القناعه كنز لا يفنى ،
لكـن حالنـا الحمدلله أفضل من غيرنـا بمراحل ..

أتحدى أي قطري يمدح دبي مثلا ، وإنها وناسه .. يروح يقعد 3 شهور هناك ..
وعقب يقول رايه ، هل للحين وناسه وإلا تملل خلاص ..


دايماً الواحد يذم اللي عنده ( حتى لو زوجه ) :secret: ، ويبغي الجديد وهذا مب غلط ..
لكـن لا تحسسني إنه بلادك الأسوء ..

[asadfg]

مع احترامي لصاحب الموضوع دخل كل شي في بعض

يقولون له السعي للافضل يقول انا اقصد الي ينتقدون وعقب يقول شنو تختار انك تقول الحمدالله او السعي للافضل!

لم توفق في فكره الطرح

[عثرة جواد]

حبيت اسلوبك الحواري والواعي المتفهم
:victory:

[قطري2022]

مع احترامي لصاحب الموضوع دخل كل شي في بعض

يقولون له السعي للافضل يقول انا اقصد الي ينتقدون وعقب يقول شنو تختار انك تقول الحمدالله او السعي للافضل!

لم توفق في فكره الطرح

متى قلت شنو تختار تقول الحمدلله ولا السعي للافضل ؟
وبعدين اشلون لم اوفق في فكرة الطرح وفي قريب خمس اشخاص ايدوني ؟

[قطري2022]

حبيت اسلوبك الحواري والواعي المتفهم
:victory:

اشكرج ، شهادتج هذي وسام اعلقه على جبهتي ��

[sweet qatar]

أتمني رسالتك توصل للي سندرونا بهالكلمة "ملل و الدوحة مافيها شي ! "

يعطيك العافية


بس في شي ما فهمته من بعض الردود

الحين لو حد قالكم أحمدوا ربكم علي النعم الي حولكم ومب حاسين فيها

معناها ما يبي يطور أو يسد النقص؟

تحمد ربك وتشكر فضله إنك قطري أو مقيم في قطر
و تسعي أو تطلب الي ينقصك

مب شرط تحندون وتعذربون في دوحتنا الجميلة :o

[قطري2022]

لازم الواحد يكيف نفسه على المكان الذي يعيش فيه
انا الحمدلله لا احس بالملل مشطوب من القاموس عندي

بالعكس الصيف اروح البحر اتسلى اما حداق او رياضه بحريه في سبل ترفيه كثيره الحمدلله

اما اللي يقول ملل هذا تحصله ما ينزل من سياره كله يفتر وماسك نمط واحد ما يغيره

اسواق وعندنا دور سينما وعندنا كفيهات وعندنا امان تمشيه عندنا وكل شي متوفر الحمدلله

استغرب من اللي يقلون ملل

صح لسانك اخوي ونورت

[قطري2022]

اتمنى الكل تكون عنده قناعه ويرضى بالمكتوب له ويسعى للأفضل
ولازم يكون عنده يقين إن اللي يتعرضله خيره ويمكن اختبار من رب العالمين فالواجب علينا الصبر والحمد وعدم السخط

وكلامك صحيح
الواحد لازم يحمد ربه ويشكره على هالنعمه
الحمدلله احنا عايشين في أحسن دوله من جميع النواحي
وهذي بروحها نعمه تستوجب الشكر والحمد ألف مره

والله إني لي سافرت لأي دوله كانت أوروبيه ولا شرقيه أتذكر بلادي وأقول الحمدلله والشكر اني عايشه ف نعيم ووسط ناس طيبه
ابتداءً من سمو الأمير وانتهاءً بأصغر شخص موجود على أرض الدوله

الله يديم علينا نعمة الأمن والأمان ويبعد عنا شر كل حاقد وحاسد

امين وابدعتي وكفيتي ووفيتي ياالمحامية الفذة وصح لسانج

[قطري2022]

اجمل بلاد في العالم قطر واهلها الطيبين - ويكفي ان الله انعم على بلادنا الامن والسلام فهذا بحد ذاته مقياس لا يقااااااس
ابدعت يا امير
تسلم اخوي

[قطري2022]

فديت قطر وجعلني افداء ترابها وحرها وبردها احلى ارض و احلى بلد والحمدلله اني قطري
اي والله فديت بلادنا الله يحميها وحفظها ويحفظ اميرنا وابونا بومشعل الامير الوالد وابونا خليفة بن حمد الله يطول في اعمارهم

[قطري2022]

يازين قطر ..

والله لا تعوضها الدول السياحية ..

لمن تمعن جيدا !

ابدعت

[قطري2022]

الملل مايجي إلا من الإحساس بالأمان، غالباً مابتلقى "متمللين" بوسط الدول اللي تتعرض لحروب ومجاعات..
أتمنى محد يهاجم الحكومة لإنه "متملل" وماعنده مكان يروح له، قطر الآن في نمو مستمر.. فيه اولويات مثل الطرق، المستشفيات الخ.. بالتالي الحكومة ابداً ماهي فاضية تلتفت للأمور الترفيهية..
الأمور الترفيهية تقبع على عاتق الجهات التجارية، اللي عنده رأس مال محترم ممكن يجيب وكالة ملاهي من الخارج لقطر بس طبعاً بتكلفه ملايين ولازم يكون بينه وبين الحكومة إتفاقات بخصوص الأرض وغيره..

حالياً، كشخص بسيط متملل وماتعرف شتسوي، أنصحك تتطوع، او تسجل بنادي رياضي، او تكتسب هواية جديدة وتنضم لنادي محترف لها او تسوي نادي إذا ماكان لها نادي..
عندك البحر ممكن تأجر لك/تشتري جتسكي.. عندك البر، إذا ماكان فيه شي حولك يمّتعك.. اصنع إنت هالشيء..
اشكرك وابدعت اخوي

[قطري2022]

و الله ياخوي إنك صادق .. صحيح إن القناعه كنز لا يفنى ،
لكـن حالنـا الحمدلله أفضل من غيرنـا بمراحل ..

أتحدى أي قطري يمدح دبي مثلا ، وإنها وناسه .. يروح يقعد 3 شهور هناك ..
وعقب يقول رايه ، هل للحين وناسه وإلا تملل خلاص ..


دايماً الواحد يذم اللي عنده ( حتى لو زوجه ) :secret: ، ويبغي الجديد وهذا مب غلط ..
لكـن لا تحسسني إنه بلادك الأسوء ..

احسنت يابوالجوري شاكر لك

[قطري2022]

أتمني رسالتك توصل للي سندرونا بهالكلمة "ملل و الدوحة مافيها شي ! "

يعطيك العافية


بس في شي ما فهمته من بعض الردود

الحين لو حد قالكم أحمدوا ربكم علي النعم الي حولكم ومب حاسين فيها

معناها ما يبي يطور أو يسد النقص؟

تحمد ربك وتشكر فضله إنك قطري أو مقيم في قطر
و تسعي أو تطلب الي ينقصك

مب شرط تحندون وتعذربون في دوحتنا الجميلة :o

وانتي صاجة
فعلا دوحتنا جميلة وقمر
وكلامج سديد

[نوفا91]

اهاا يعني بدال ما نطرح حلول للملل

نحمد الله ان عندنا ملل ؟

ههههههههههههههههههههه

،

قطري صح الواحد يحمد ربه على نعمة الامن والامان والاستقرار وعلى حكومتنا الرشيده ، بس لما الدوله يكون عندها استعداد تبني وتسوي هنيه السؤال ليش ماتسوي ؟ شوف دبي العالم كلها تروح لها ، وعقب يقولون ليش هل الدوحه كله مسافرين مايتمون فالديره ، خلك صريح وواقعي الدوحه تفتقر الكثييييييير من الترفيهه ،
يعني مدينة العاب نفس باقي الدول ماعندنا غير اكوابارك واللي الكل معارض ان هله يروحون لها

:)

[وحيد-الشوق]

انا كل شيء يهون عندي الا الزحمة :(

والحمدلله على كل حال

[قطري2022]

ههههههههههههههههههههه

،

قطري صح الواحد يحمد ربه على نعمة الامن والامان والاستقرار وعلى حكومتنا الرشيده ، بس لما الدوله يكون عندها استعداد تبني وتسوي هنيه السؤال ليش ماتسوي ؟ شوف دبي العالم كلها تروح لها ، وعقب يقولون ليش هل الدوحه كله مسافرين مايتمون فالديره ، خلك صريح وواقعي الدوحه تفتقر الكثييييييير من الترفيهه ،
يعني مدينة العاب نفس باقي الدول ماعندنا غير اكوابارك واللي الكل معارض ان هله يروحون لها

:)

الواضح ان قلبج متروسة مثل ماقال داوود حسين في المسرحية ��
انا معاج ان نسعى لتطور البلد ، لكن في نفس الوقت لانجحد ونقول قطر ملل ومافيها شي ، نفس ناس اسالهم ، بتسافرون في الصيف ، يقولون طبعا شيقعدنا في الدوحة ، يعني هالرد معناه ان بلاده مملة ومب عاجبته ، نسى ان بلاده هي الي رزته وعطته من خيراتها وخلته يركب احسن السيارات ويلبس احسن لبس وهي الي عطته فلوس السفرات كل سنة من خلال الراتب واعطاءه فرصة للتجارة ، يعني نفس هالجملة اتضايق لما اسمعها ، كان ممكن يكتفي بكلمة اي انشالله بسافر بدل ما يذم بلاده

[7llo]

يازين الشيشه كنت قبل كله دواره في الشوارع الحين في الويك اند بحر وسيلين وفي الايام العاديه شيشه جنب البيت وارجع البيت يازين هل الجدول كل يوم شيشه

[امـ حمد]

الحمد لله على النعم الذي لاتعد ولا تحصي
اللهم أنعم علينا بنعمة الأمن والإيمان

[بـوصـالـح]

الله يعافيك اخري ، طيب لو خيروك بين الخيارين اش بتختار ؟ï؟½ï؟½

انا ما قلت اني متملل علشان اختار

انا نقطتي كانت .. ربطك للموضوعين كان خطآ مع احترامي لك

مثلآ : حضرة ندوه .. ( والنقاش عن كيفية القضاء على الملل )

الجواب ( احمد ربك عندنا امن وامان والحمدلله معاشاتنا طيبه لا تقول ملل )

اشرايك انت بالجواب ؟

[نمر بن عدوان]

اتفق معاك وفعلا البلد امن وامان وخير ولايوجد ملل اي ملل هذا الي نتكلم عنه وعندنا المنتزهات والبحر والبر والعنن والعزب والاسواق والمجمعات .الملل يخلقه الانسان نفسه بأسلوب حياته والي موجود عند غيرنا موجود عندنا بل نحن افضل منهم بكثير ونتمتع بنعم لايتمتع بها غيرنا والحمدلله

[حسن]

طيب انا ماقصد الي يسعون للافضل ، اقصد الي ينتقدون باستمرار والي مب عاجبهم شي

اللي مهب عاجبه يدور بلاد غيرها ولا عليه زياره الدكتور عكاشه
والحبه الورديه واموره بتسير زي الفل

عمري ماحسيت بقطر ملل نهائي ولله الحمد مرتاحين معززين ومكرمين
والكهرب بلاش والماي بلاش
والبحر من 3 اتجهات

[المحاميه]

اللي مهب عاجبه يدور بلاد غيرها ولا عليه زياره الدكتور عكاشه
والحبه الورديه واموره بتسير زي الفل

عمري ماحسيت بقطر ملل نهائي ولله الحمد مرتاحين معززين ومكرمين
والكهرب بلاش والماي بلاش
والبحر من 3 اتجهات

يمكن السبب هو زيادة الرواتب؟

[ya3coub]

كلامك صحيح أخوي

الملل من الأشخاص انفسهم و عادة التحلطم للأسف

صارلي 3 شهور بلندن من اول اسبوع مشتاق للدوحة حسيت بنعمة الحرارة و الشمس و جمالية الشمس الي عندنا مقارنه بأغلب اماكن العالم

الجو هنا جميل للسياحة بحيث انه الأشخاص يغيرون جو لمدة شهر بالكثير و لكن لا يصلح للعمل تحس بخمول و ظلمة و الساعه 7 ونص الصبح

بقطر وين الساعه 6 الشمس طالعه و تعطيك نشاط تصحصح.


الترفيه ان شاء الله الدولة بتبني و وزارة السياحة قاعده تحاول بس ايضا في اولويات ثانية توفر السكن و الفنادق و الشوارع.
احنا صرنا نحفظ اجازات أخوانا بالخليج من الزحمة
و اصلن بدونهم بعد زحمة
ما اتوقع انه هالشي محد يعرفه الكل يعرفه و الكل يبي يسوي شي طيب و مشروع محترم خصوصا بالملاهي. بس بالأوضاع الحالية ما منها فايدة اتوقع الأولويات للبنية التحتية الشوارع المتروالسكن و الملاعب و من بعدها الملاهي بحيث انها تكون جديدة و اخر ما توصل له.

[JN000N]

وووو عذروب خلي حسنه الفتااان :shy:

يازين الدوحه ومحلا عذروبها

[Purple]

الحمدلله اني قطري وهذا يكفي


والله لا سافرت كم يوم برع اشتاق لبلادي فيها شي ولا مافيها شي قطر انولدنا فيها وعشنا فيها وكلنا فيها وجدودنا حاربو فيها هذا يكفي


فديت ترابج يا قطر

[طلعة الروح]

الواحد ما يرتاح الا بلاده حتى لو كانت صحراء قاحلة

[لاجل QT]

مو مهم الجو حار او بارد

اهم شي في حياه الانسان العيش بسلام وامان حتى لو فقراء احمدو ربكم بعد

انا من اشوف اللى يسونة داعش في الابرياء قطع الرقاب اسهل من شرب الماء.. اكرة الدنيا اقول ليش هذا كلة

اي معتقد يعتنقونة هؤلاء ...شنهو الفرق بيهم وبين عبدة الشيطان

اللهم لك الحمدالله على نعمة الدين والامن والامان

[mr.hamouda]

الفاضي يعمل قاضي :)

[aloosh]

هل تعلمون اني تميت 20 سنه لم اخرج من بلادي الحبيبه والله مو من قله مال بس اعرف نفسي اسافر توحشني دوحه ارجع
فديت ترابها اللي احس فيها براحه والسعاده

[قطري2022]

بيض الله وجيهكم وكفيتو ووفيتو يالاصيلين والله يحفظ بلادنا من كل شر ، شي يفرح ان الواحد يشوف عيال بلاده اوفيا لبلادهم ومايرضون عليها