دكتور عظام او عيادة تسوي رنين مغناطيسي

[partyQtr]

الوالدة تعبانه صارلها اكثر من شهرين يصيدها الم في نهاية ظهرها ويزل لين ريلها ماتقدر

تتحرك ولى تمشي خير شر ولين وقفت تصارخ من الألم وديناها طواري مركز الغرافه عطوها ابره

وحنيت عالدكتور عطانا تحويل لطواري حمد رحنا وتنقعنا ساعتين وهي مسكينة ماتقدر تقعد وعقبها

دخلت عالدكتور وعقب قسم الدخول وعقب 4 ساعات جافها الدكتور عطاها بعد ابره مسكن اقوى وقال لها

مااقدر اسويلج شئ لازم احولج دكتور عظام وتسوين رنين والحين صارلنا شهرين ننطر يتصلون عشان الموعد

ولى حد اتصل وامي كاسره خاطره لاتقدر تمشي ولى تحرك :weeping: ماتركنا مسكن ولى مرهم في الصيدليه

ولى شئ فاد ، ابي تدلوني على دكتور عظام في عيادة خاصه او عيادة تسوي لها الرنين ولو في حد مر بنفس

هالحاله (بعيد الشر) فيدوني من وشو ممكن يكون مع العلم انه ماعندها دسك توقعته دسك في البدايه بس على كلام

الدكتور الم الدسك ينزل لين نهاية الريل ولو شد عضلي مستحيل يتم طول هالفترة مع انها في هالشهرين اسبوع كامل

راح عنها الالم والحين رد لها مرة ثانيه

[ضوى]

فيه رنين في مجمع ايكون الطبي وفيه في مستشفى الدوحة هاي اللي انا متاكدة منهم ، ايكون ممتاز دكتور العظام هناك ممتاز اعتقد اسمه دكتور عمرو

[PowerQ]

كيف شهرين؟ المفروض دخلتوا على دكتور العظام ثم من عنده تطلبون فحص mri وبيعطونك موعد للفحص بعدها بيومين ثم تنتظر يوم حتى النتيجة تطلع وبعدها تزور الدكتور مجددا مع النتيجة.. هذا الإجراء المتعارف عليه..
انا شخصياً رحت عيادة الدوحة لكن أنتبهوا تروحون دكتور هيثم، عندكم الدكتور الثاني محمود او محمد "غرفة 3" ادخلوا عليه وخل يشوف ويطلبلكم رنين مغناطيسي..

نصيحتي كالتالي:
فحص رنين مغناطيسي + زيارة إستشاري عظام لتحليل النتيجة + زيارة إستشاري اعصاب لتحليل النتيجة..
واحذر من قبول اي تشخيص على الطاير او ابر او عمليات غريبة عجيبة، تأكد اولاً لإنه اغلب اللي عندنا سباكين مش دكاترة..


ان شاء الله الاعضاء يعطونك عيادات جيدة للعظام.. والله يقوم الوالدة بالسلامة

[باراكودا]

خذ البطاقة الصحية واوراق التحويل وروح قسم المواعيد بالعيادات الخارجية بمستشفى حمد فورا وأطلب موعد للوالدة عند دكتور العظام وبعدين الدكتور يقرر أذا محتاجة أشعة الرنين وممكن تطلب موعد في العيادات المسائية .
على العموم قسم الرنين المغناطيسي والمشهور باسم mri بمستشفى حمد أفضل الموجود في الدولة
حديث ومتطور عكس الموجود في مستشفى الخور قديم ويسبب ضيق في التنفس
أتمنى للوالدة الشفاء العاجل .

[Chanel]

اجر وعافيه أن شاء الله جربو الحجامه عسى تخفف عليها الألم
وشوف دكتور أشرف في عيادة التحرير صوب المناصير

[رشدان]

مستشفى ألأهلي

[بصمة قطرية]

مجمع الشفاء الطبي
دكتور العظام ممتاز
و يسوون رنين معناطيسي ..