القطري شموضوعه؟

[المحاميه]

السلام عليكم ورحمة الله وبركاته


(لاتنسون تردون السلام)


أبي أتكلم في هالموضوع عن المواطن القطري ونظرة الأجنبي أو الوافد له

هل هالأجنبي ينظر للقطري نظرة استغفال فـ يستغله؟ بمعنى أن القطري مايفهم وسهل أنصب عليه؟

أو

هل هالوافد بعد ماعاشر هل قطر وعرف طبايعهم وطيبهم فكر يستغلهم لأنهم في النهايه شعب طيب ونيته سليمه فـ مهما سويت راح يتغضى ويسامح؟!!


ش تصنف نفسك

طيب نيتك خيره تظن كل الناس على شاكلتك؟

ولا

مالك بالطويله (ماتبي تعور راسك) فـ يستغلونك أسوء استغلال وانت يا غافلين لكم الله؟




(معاً لتغيير فكر الوافدين عنا) :victory:

[Qt.1]

وعليكم السلام ..

موضوعج مولع على الصبح وشكلج تبين اتسوين اكشن انا خلني متابع :unsure:

[المحاميه]

وعليكم السلام ..

موضوعج مولع على الصبح وشكلج تبين اتسوين اكشن انا خلني متابع :unsure:

هلا

هههه تقريباً


:shy: تابع تابع يمكن تطلعلك بشي

[R 7 A L]

مش مع القطري بس
مع الخليجي بشكل عام
بس زيادة مع القطري لان القطري كريم معطاء طيب زيادة عن اخوانه الخليجيين
وطبيعة اغلب الوافدين أياً كان يمشون على نظام ( اجمع ولا تخسر بأي طريقة كانت )

[حمد 2002]

(( شموضوعه !! )) صياغة العنوان خطأ !!

المهم ماعلينا

أبي اعرف ماهو المقياس الذي اتخذ تيه بان الأجنبي يستغلنا !!

لكي أتمكن من الاجابه على موضوعك ؟


وهل القطري من الممكن أن يستغل الأجنبي أو القطري يستغل القطري ؟

انا أجوف بأن موضوعج فيه نزعه تعصب واضطهاد للأجانب ونحن في بلد لايسمح بتلك التصرفات الطائفية ضد فئة ما .


مع التحية ،،

[حمد بن خالد]

كله بسبب أهلنا

ماربونا عدل وخربونا

( ربونا عالأمانة , والنخوة , والسنع , والكرم )

[المحقق كونان]

و عليكم السلام ورحمة الله وبركاته

بعض المواطنين طيبيين ووبعض الوافديين استغلو هالطيبه لغرض في نفسهم

على المواطن ان يكون حازم ودقيق في امور حياته والمعاملة مع الوافد ومايتنازل عن حقه

[khalid Qtr]

مبدأ الثقة العمياء والطيبة الزائدة يجب إلغاءه كلياً ، أطباع الناس تغيرت ولازم الإنسان يشتغل بحذر ويثبت كل شي في عمله مع الوافد أو القطري

وهذا أصلا توجيه شرعي ، فالله عز وجل أمر بكتابة الدين ( آية الدين في سورة البقرة ) .. فلا ينحرج الانسان من توثيق اي شي يتعلق بعمله ليضمن حقه.

[هيلو كيتي]

وعليكم السلام ورحمة الله وبركاته ,,, هلا وغلا يالمحامية ,,,

شيلوا فكرة الاستغلال من راسكم محد بيستغلكم ,,,

اي واحد امركز على فكره بتتجلى في حياته ,, وعلي فكره ممكن ايركز عليها بوعي أو من غير وعي ,,,,

لذلك خلكم واااعين , وأي شئ ماتبغووونه يتجلى في حياتكم اهملوه ,,

والتركيز ايكون على الأشياء الي تبغونها ,,,

الحين كل الطاقات بتتجمع اهنيه وبيأيدون الفكره والكل بيحاول ايحط حلول , والكل بيقول الغلط من كذا وكذا ,,,

وللأسف ستتكون طاقة البندول الي بتتغذا على طاقتكم ,, وبتترسخ الامور في وعيكم واللاوعي اكثر واكثر ,, وبتشوفون المزيد والمزيد من الاستغلال ..

تقبلوا مروري . :)

[JN000N]

عليج السلام ياللوير


من ناحية استغلال ونصب ؛) بووه حدث ولا حرج روحو جوفو كم اجنبي شارد وتارس جيبه وكم اجنبي ف الابعاد وكم قطري انسجن بسبة بوق الاجانب
اخر شي اخو رفيجتي عليه قضيه شركة رافعينها بسبة واحد عربي متوظف عنده بايق مادري شكثر
فعلا الشعب سهل استغفاله لان تعود على الصدق والامانه تعود يكون طيب وحسن نيه مع الناس وانهم نفس طبعه طيبين مايدري ان الفئه الي جايه من مجاعه متعوده عالاستغلال وحتى لو اكرمته بيتمرد زياده ف ليش تحط ثقتك فيه؟
وايد قصص انكتبت ف الجرايد عن سرقات من جنسيات عربيه ومبالغ طائله

[Rider]

وعليكم السلام ورحمة الله وبركاته
تعبنا وحنا نتكلم عن هؤلاء متى نرتاح منهم

[قطري 777]

اولا /
وعليكم السلام ورحمه الله وبركاته
ثانيا اختي محاميه الاولين ماخلو لنى شي بصراحه الله يرحم ميتهم ويطول بعمر الباقي منهم من خلى نفسه سبوس لعبت به الدجاج , والمثل الثاني حرص ولا تخون , والمال السايب يعلم الناس السرقه , والاجانب بصراحه بحكم تجربتي الخاصه المتواضعه ولا عممها مصالح فالواحد ياخذ حذره ولايكون طيب اكثر من الزوم في هذا الوقت مع الاجنبي ولا غيره وشكرا : ))

[المحاميه]

مش مع القطري بس
مع الخليجي بشكل عام
بس زيادة مع القطري لان القطري كريم معطاء طيب زيادة عن اخوانه الخليجيين
وطبيعة اغلب الوافدين أياً كان يمشون على نظام ( اجمع ولا تخسر بأي طريقة كانت )

اعجبتني الجمله اللي ماشيين عليها

اظاهر صج هذا تفكيرهم والمواقف اللي نتعرض لها شاهده


الله يعيينا عليهم

[المحاميه]

(( شموضوعه !! )) صياغة العنوان خطأ !!

المهم ماعلينا

أبي اعرف ماهو المقياس الذي اتخذ تيه بان الأجنبي يستغلنا !!

لكي أتمكن من الاجابه على موضوعك ؟


وهل القطري من الممكن أن يستغل الأجنبي أو القطري يستغل القطري ؟

انا أجوف بأن موضوعج فيه نزعه تعصب واضطهاد للأجانب ونحن في بلد لايسمح بتلك التصرفات الطائفية ضد فئة ما .


مع التحية ،،


وين السلام؟

الصياغه خطأ وين؟ وشنو الصح؟ وهل عندك خبر انه لفظ عامي؟

المقياس الله يسلمك وايد مواضيع انطرحت في المنتدى وخارج المنتدى واخرتها موضوع اخونا غيث في هالقسم عن أدوية الصيدليه :)

وشخصياً تعرضت لعدة مواقف شي اطوفه وشي ما طوفه لكني مش غافله في كلتا الحالتين

ان شاء الله الحين اتمكن من الاجابه اخ حمد

القطري ممكن يستغل قطري ليش لا كل شي وارد ومش كل الناس ماشيه سيدا

قطري يستغل أجنبي مانقول مافي او مستحيل لكن صعبه واذا انوجدت فهي نسبه بسيطه جدا جدا على عدد لا يذكر من الاشخاص


تعصب واضطهاد؟ وين؟ انا ماشفت اللي تقوله

انا اقول القطري بطبعه طيب ولا مايدري شاللي حوله؟ ولا يدري بس ساكت بكيفه ولا ايش بالضبط ؟
وشنهي نظرة الاجنبي له؟ وليش يفكر يستغله؟

وين الاضطهاد اخ حمد؟


تقهوى وتعال
حياك

[المحاميه]

كله بسبب أهلنا

ماربونا عدل وخربونا

( ربونا عالأمانة , والنخوة , والسنع , والكرم )

بالعكس هذي أفضل الصفات
هم ماخربونا
اللي حولك يبه هم الخربانين
ولا هذي الصفات الصح اللي المفروض يتحلى فيها المسلم
بس هالزمن غير الشي الكثير في النفوس

الله يعيين



و عليكم السلام ورحمة الله وبركاته

بعض المواطنين طيبيين ووبعض الوافديين استغلو هالطيبه لغرض في نفسهم

على المواطن ان يكون حازم ودقيق في امور حياته والمعاملة مع الوافد ومايتنازل عن حقه


صادق أخوي
اشكرك على مشاركتك الطيبه اللي جات في صلب الموضوع


مبدأ الثقة العمياء والطيبة الزائدة يجب إلغاءه كلياً ، أطباع الناس تغيرت ولازم الإنسان يشتغل بحذر ويثبت كل شي في عمله مع الوافد أو القطري

وهذا أصلا توجيه شرعي ، فالله عز وجل أمر بكتابة الدين ( آية الدين في سورة البقرة ) .. فلا ينحرج الانسان من توثيق اي شي يتعلق بعمله ليضمن حقه.


معاك يشتغل بحذر ويثبت كل أموره كلام شرعي وقانوني صحيح ميه بالميه

لكن نلغي مبدأ الثقه كلياً
هذي ماتفق فيها معاك

الناس مش سواسيه
ليش تساوي بين الشخص الاستغلالي اللي مايخاف ربه مع الشخص اللي على نياته ويدور الخير ولا يفكر يضر حد؟

بعدين لو إلغينا الثقه والطيبه شلون بتعامل مع اللي حولك المقربين؟

[المحاميه]

وعليكم السلام ورحمة الله وبركاته ,,, هلا وغلا يالمحامية ,,,

شيلوا فكرة الاستغلال من راسكم محد بيستغلكم ,,,

اي واحد امركز على فكره بتتجلى في حياته ,, وعلي فكره ممكن ايركز عليها بوعي أو من غير وعي ,,,,

لذلك خلكم واااعين , وأي شئ ماتبغووونه يتجلى في حياتكم اهملوه ,,

والتركيز ايكون على الأشياء الي تبغونها ,,,

الحين كل الطاقات بتتجمع اهنيه وبيأيدون الفكره والكل بيحاول ايحط حلول , والكل بيقول الغلط من كذا وكذا ,,,

وللأسف ستتكون طاقة البندول الي بتتغذا على طاقتكم ,, وبتترسخ الامور في وعيكم واللاوعي اكثر واكثر ,, وبتشوفون المزيد والمزيد من الاستغلال ..

تقبلوا مروري . :)


عجبني كلامج فيما يخص الشق الأول ان الواحد يركز على الشي اللي يبيه ويقنع نفسه فيه عشان يوصله ويتحول الخيال لحقيقه

لكن الشق الثاني اختلف فيه معاج لأن فعلاً الغرض من الطرح هو تسليط الضوء على نقطه معينه ومناقشتها وايجاد حلول

فليش اعتبرتيها نقطه سلبيه؟

[المحاميه]

عليج السلام ياللوير


من ناحية استغلال ونصب ؛) بووه حدث ولا حرج روحو جوفو كم اجنبي شارد وتارس جيبه وكم اجنبي ف الابعاد وكم قطري انسجن بسبة بوق الاجانب
اخر شي اخو رفيجتي عليه قضيه شركة رافعينها بسبة واحد عربي متوظف عنده بايق مادري شكثر
فعلا الشعب سهل استغفاله لان تعود على الصدق والامانه تعود يكون طيب وحسن نيه مع الناس وانهم نفس طبعه طيبين مايدري ان الفئه الي جايه من مجاعه متعوده عالاستغلال وحتى لو اكرمته بيتمرد زياده ف ليش تحط ثقتك فيه؟
وايد قصص انكتبت ف الجرايد عن سرقات من جنسيات عربيه ومبالغ طائله

هلا هلا
تو مانور الموضوع

شفتي فيه قصص تشيب الراس

حمد كحل عيونك


المواطن القطري يتعامل بكل شفافيه وبحسن نيه والوافد قد يستغل هالنقطه ويوصل لمآرب أخرى

[المحاميه]

وعليكم السلام ورحمة الله وبركاته
تعبنا وحنا نتكلم عن هؤلاء متى نرتاح منهم

لا أعلم
لكن النفس البشريه منها ما يسول بالشر ومنها مايسول بالطيب والخير

يعني هالشي موجود وماراح ينتهي لكن لابد من الحذر
لازم مانترك لهم مجال عشان يستغلونا
ونحسسهم ان احنا صاحين وفاهمين وامورنا تمام

شكراً عالمداخله



اولا /
وعليكم السلام ورحمه الله وبركاته
ثانيا اختي محاميه الاولين ماخلو لنى شي بصراحه الله يرحم ميتهم ويطول بعمر الباقي منهم من خلى نفسه سبوس لعبت به الدجاج , والمثل الثاني حرص ولا تخون , والمال السايب يعلم الناس السرقه , والاجانب بصراحه بحكم تجربتي الخاصه المتواضعه ولا عممها مصالح فالواحد ياخذ حذره ولايكون طيب اكثر من الزوم في هذا الوقت مع الاجنبي ولا غيره وشكرا : ))

أهلين أخوي
كلامك صحيح وفي محله

وصحيح حرص ولا تأمن
من خاف سلم

[فاهم وساكت]

انا مب فاهم شسالفة كل هالمواضيع الي مالها اي دليل وتتمحور حول العنصريه ؟

شالفرق بين الاجنبي والقطري؟ هل الاجنبي مركبين شريحه براسه ومبرمج على انه ينصب ويستغل وحاقد علينا؟

انا مب فاهم شلون فيه ناس للحين طريقة تفكيرهم تحسسني انهم للحين فالابتدائي

بخصوص الموضوع .. اول شي خل نبدا ونسال هالسؤال .. شنو الفرق بين القطري والاجنبي ككائن بشري ؟ هل تقدرين تثبتين لي بان الاجنبي مبرمج بانه يستغل وينصب ؟

وركزي باني طلبت دليل .. لا تجين وتقولين لي والله اعرف واحد ولا وحده صار لها هالموقف والي استغلهم كان اجنبي < يضحكوني الي يكتبون هالكلام .. يابلفيت انه جايب دليل

[ودي أكون]

انا مب فاهم شسالفة كل هالمواضيع الي مالها اي دليل وتتمحور حول العنصريه ؟

شالفرق بين الاجنبي والقطري؟ هل الاجنبي مركبين شريحه براسه ومبرمج على انه ينصب ويستغل وحاقد علينا؟

انا مب فاهم شلون فيه ناس للحين طريقة تفكيرهم تحسسني انهم للحين فالابتدائي

بخصوص الموضوع .. اول شي خل نبدا ونسال هالسؤال .. شنو الفرق بين القطري والاجنبي ككائن بشري ؟ هل تقدرين تثبتين لي بان الاجنبي مبرمج بانه يستغل وينصب ؟

وركزي باني طلبت دليل .. لا تجين وتقولين لي والله اعرف واحد ولا وحده صار لها هالموقف والي استغلهم كان اجنبي < يضحكوني الي يكتبون هالكلام .. يابلفيت انه جايب دليل

+1 .

[Dmy Enabi]

مشكلة الأكثرية يقولك المفروض حسن الظن بالآخرين
حسن ظن مع الأخذ بالأسباب ،أحسن الظن فيه واتخذ الأسباب أخطط أتابع أقيم ،مب حسن الظن عقب أسلمه الخيط والمخيط وأقول سرقني عفوا هذي مش طيبة هذي آنا أجوفها تواكل وغباء
بعد ما أسس مشروعي صح وأعرف كل صغيرة وكبيرة وأتابع بعدها أحسن الظن
لكن حسن الظن بدون تخطيط وتفكير هذا اسمه ضياع للأمانة واحنا محاسبين عليها
المشكلة مب في الأجنبي المشكلة في القطري إلي يبحث عن شماعة ليعلق عليها أعذار إهماله
دمتم برقي وشكرا للموضوع

[JN000N]

انا مب فاهم شسالفة كل هالمواضيع الي مالها اي دليل وتتمحور حول العنصريه ؟

شالفرق بين الاجنبي والقطري؟ هل الاجنبي مركبين شريحه براسه ومبرمج على انه ينصب ويستغل وحاقد علينا؟

انا مب فاهم شلون فيه ناس للحين طريقة تفكيرهم تحسسني انهم للحين فالابتدائي

بخصوص الموضوع .. اول شي خل نبدا ونسال هالسؤال .. شنو الفرق بين القطري والاجنبي ككائن بشري ؟ هل تقدرين تثبتين لي بان الاجنبي مبرمج بانه يستغل وينصب ؟

وركزي باني طلبت دليل .. لا تجين وتقولين لي والله اعرف واحد ولا وحده صار لها هالموقف والي استغلهم كان اجنبي < يضحكوني الي يكتبون هالكلام .. يابلفيت انه جايب دليل

انزين
احنا عنصريين كيفنا

[المحاميه]

انا مب فاهم شسالفة كل هالمواضيع الي مالها اي دليل وتتمحور حول العنصريه ؟

شالفرق بين الاجنبي والقطري؟ هل الاجنبي مركبين شريحه براسه ومبرمج على انه ينصب ويستغل وحاقد علينا؟

انا مب فاهم شلون فيه ناس للحين طريقة تفكيرهم تحسسني انهم للحين فالابتدائي

بخصوص الموضوع .. اول شي خل نبدا ونسال هالسؤال .. شنو الفرق بين القطري والاجنبي ككائن بشري ؟ هل تقدرين تثبتين لي بان الاجنبي مبرمج بانه يستغل وينصب ؟

وركزي باني طلبت دليل .. لا تجين وتقولين لي والله اعرف واحد ولا وحده صار لها هالموقف والي استغلهم كان اجنبي < يضحكوني الي يكتبون هالكلام .. يابلفيت انه جايب دليل

الأجنبي أو الوافد جاي من بيئه ومكان غير عن بيئتنا وطبايعنا تختلف عنه الخ

إضافه إلى ذلك هو ماتغرب إلا لأن وضعه المادي مش ولا بد

وجاي يبحث عن عمل

لما يوصل ويشوف فلان قطري عنده بيت سياره منصب راتب قوي
يقط فلوسه يمين ويسار

اهني يشتغل الطمع - الحسد - ويبدا يخطط عشان ينتفع هو بعد

يقول القطري يقط فلوسه وماهمه 10 ولا 100 خلاص انا اخذ من هذا 100 ومن ذاك 200 ويطلعله فاليوم 1000 وهكذا يحسن دخله


عرفت الفرق الحين؟

انا ماقلت احنا منزهين لكن احنا نروح بلادهم نبوقهم؟ نخطط ونستغلهم؟ نسوي حركات معاهم من تحت لي تحت؟


شخصياً أتعرض لعدة مواقف ولما أرجع أحاسبه يقول اوه خربطت او نسيت
الله يعلم عاد وين الصج

[mersal]

انزين
احنا عنصريين كيفنا

طيب والحل

[aloosh]

مع الاسف اختي القطري هو من يعطي الوافد فرصه للاستغفاله
والثقه المفرطه في الوافد
يجب على كل قطري الحذر من الوافدين مهما بانت طيبته واخلاقه فايكون في حدود العمل فقط ولا يعطيه اكثر من ذلك مثل المثل اللي يقول تمسكن حتى تمكن

ولا تسلم اعمالك لهم مهما بلغت بهم الثقه يجب ان تكون حذر

واعيد واكرر القطري هو سبب نفسه

[Super Cool]

بحكم ان عندي ربع أجانب من خلفيات مختلفة هالسؤال أكرره عليهم دائماً و الجواب دائماً يكون مشابه

أولاً كل شخص يعمل بأصله...يعني الأجنبي اللي ينصب على المواطنن هو فالأساس نصاب في بلاده مب

شي حكر على القطري...فالمقابل نفس الشي ينطبق على المواطن...مب كل مواطن على نياته أو سهل

إستغلاله...بس سبب تركيزنا على هالظاهرة هو أن الأجانب عددهم "في بلادينهم"...أكرر في بلادينهم

فكنسبة و تناسب عدد النصابين بيكون كبير و فرصة وجودهم في قطر كبيرة...بينما عددنا بسيط فكنسبة

و تناسب لازم يكون عدد النصابين قليل و غالباً يكونون معروفين بسرعة
,
,
بس اللي اقدر أقول لك اياه ان وايد يركزون على موضوع اللي يطالع القشور...يعني اللي مركبي اريل

طولة 70 متر تقول يبي يجيب راديو المريخ والا اللي عقاله من كثر ماهو مايل تحسبه شباصة و يعني

هالأشكال الشاذة أساساً بشكل عام تشوه صورة القطري و يستغربون ليش احنا ساكتين عنهم و ما ننتقدهم

[Super Cool]

انزين
احنا عنصريين كيفنا

حلوة كيفنا...عقابها جهنم مب لعب يهال!!!! اذكروا الله لا تقطون كلام على عجالة

[هداف]

انشهددد

الدار دار ابونا ,, والاجانب شاركونا

[فاهم وساكت]

انزين
احنا عنصريين كيفنا

زين انج اختصرتي الموضوع عشان ما اضيع وقتي معاج

[الجـــوديّ]

السلام عليكم ورحمة الله وبركاته


(لاتنسون تردون السلام)


أبي أتكلم في هالموضوع عن المواطن القطري ونظرة الأجنبي أو الوافد له
هل هالأجنبي ينظر للقطري نظرة استغفال فـ يستغله؟ بمعنى أن القطري مايفهم وسهل أنصب عليه؟

أو

هل هالوافد بعد ماعاشر هل قطر وعرف طبايعهم وطيبهم فكر يستغلهم لأنهم في النهايه شعب طيب ونيته سليمه فـ مهما سويت راح يتغضى ويسامح؟!!


ش تصنف نفسك

طيب نيتك خيره تظن كل الناس على شاكلتك؟

ولا

مالك بالطويله (ماتبي تعور راسك) فـ يستغلونك أسوء استغلال وانت يا غافلين لكم الله؟




(معاً لتغيير فكر الوافدين عنا) :victory:



وعليكم السلام ورحمة الله


السبب في هالشي أختي المحامية القطري نفسه .. هو اللي سلم الخيط والمخيط وسمح للغير باستغفاله

وبالنسبة للوافدين هذا وضعهم في بلدانهم ... فطبيعي إنهم يستغفلون اللي مخلي حلاله سبيل

ومش كل الوافدين بهالاخلاق والاسلوب.

وترا فرق كبيييير بين إني أكون طيب وكريم وشهم ...

وبين أكون ساذج أخلي غيري يستغفلني بدون ما أكون حريص على مصلحتي و على اللي يخصني.

[khalid Qtr]

معاك يشتغل بحذر ويثبت كل أموره كلام شرعي وقانوني صحيح ميه بالميه

لكن نلغي مبدأ الثقه كلياً
هذي ماتفق فيها معاك

الناس مش سواسيه
ليش تساوي بين الشخص الاستغلالي اللي مايخاف ربه مع الشخص اللي على نياته ويدور الخير ولا يفكر يضر حد؟

بعدين لو إلغينا الثقه والطيبه شلون بتعامل مع اللي حولك المقربين؟[/quote]

أنا أقصد الثقة ( العمياء ) خاصة مع الغريب مهما قويت علاقتي العملية به ، ولا أقصد إلغاء الثقة كلياً لأن هذا يؤدي إلى كارثة اجتماعية

تحياتي لك

[فاهم وساكت]

المحاميه ..



الأجنبي أو الوافد جاي من بيئه ومكان غير عن بيئتنا وطبايعنا تختلف عنه الخ

اتفق معاج .. فيه اختلاف بس هالشي ماله دخل بالموضوع لا من بعيد ولا من قريب. اختلاف البيئه والطبايع مب دليل على ان الاجنبي بتكون عنده افكار سلبيه اتجاه المواطن القطري او اي شخص من بيئه تختلف عن بيئته .


إضافه إلى ذلك هو ماتغرب إلا لأن وضعه المادي مش ولا بد

وجاي يبحث عن عمل

لما يوصل ويشوف فلان قطري عنده بيت سياره منصب راتب قوي
يقط فلوسه يمين ويسار

اهني يشتغل الطمع - الحسد - ويبدا يخطط عشان ينتفع هو بعد

ممكن تعطيني دليل على الكلام الي بالاحمر؟

يعني الفقير اول مايشوف واحد عنده خير بيصيده هالشعور " طمع، حسد، وبعدها يبدا يخطط عشان ينتفع هو بعد" ؟

ادري انهم يشتغلون لتحسين مستواهم المادي بس هالشي مايثبت بانهم يمرون بهالحاله الي ذكرتيها

الا اذا عندج دليل يثبت هالكلام؟*


انا ماقلت احنا منزهين لكن احنا نروح بلادهم نبوقهم؟ نخطط ونستغلهم؟ نسوي حركات معاهم من تحت لي تحت؟

لو كل اجنبي فكر بنفس طريقتج .. لين تروحين بلادهم اول مايعرف انج اجنبيه بيشوفج بنفس النظره بانج تستغلينهم مب شرط من ناحيه ماديه المهم بيشوفج بطريقه سلبيه " بما انج اجنبيه"

مابتحسين بالظلم ؟ وبتقولين شلون هالشخص يحكم علي وهو مايعرفني ولا اعرفه بس لاني اجنبيه!!

والمواقف الي صارت لج ماتثبت شي تعتبر حالات فرديه .. لحد الحين ماشفت اي دليل يثبت كلامج

اختلاف عاداتهم وطبايعهم مايثبت شي والشعور الي " تقولين بانه يحسون فيه" اول مايشوفون واحد غني يحذف فلوسه يمين يسار ماله اي دليل، صحيح بانه موجود ولكنه موجود في بعض الناس بغض النظر عن بيئته قطري او اجنبي.

[JN000N]

انشهددد

الدار دار ابونا ,, والاجانب شاركونا

لا لا عنصرييين شفييييك خخخخخ

[بوحارب]

اللي ما يحرص على نفسه وفلوسه يتحمل النصب اللي بيجيه

ع العموم الحرامي ينعرف من نوع الكرفتا خخخخخ

[حسن]

وعليكم السلام ورحمة الله


السبب في هالشي أختي المحامية القطري نفسه .. هو اللي سلم الخيط والمخيط وسمح للغير باستغفاله

وبالنسبة للوافدين هذا وضعهم في بلدانهم ... فطبيعي إنهم يستغفلون اللي مخلي حلاله سبيل

ومش كل الوافدين بهالاخلاق والاسلوب.

وترا فرق كبيييير بين إني أكون طيب وكريم وشهم ...

وبين أكون ساذج أخلي غيري يستغفلني بدون ما أكون حريص على مصلحتي و على اللي يخصني.

عجبني هذا الرد ووفر علي الكتابه

احدث استغلال امس وديت شاحن بطاريه للتصليح وبعده اتصلي وقالي خلاص
قلت له الحساب قال 150
قلت له الجهازين سعرهم 200 ريال والشغله كله دايود صغير مايسوى ريالين
مني مناك خلصت على 100
الصراحه بعض الامور اطرش السايق يتفاهم انها له
وهناك عده اسباب اولا ان احنا مانكاسر ونحاسب عدل وثاني لا تنسون
يعرفون عنا كل شي والدوله مهب مقصره في الاعلام
فالجميع ينظر لقطر بكبرها كيكيه ويبي ياكل منها

[طبيب قطري]

(( شموضوعه !! )) صياغة العنوان خطأ !!

المهم ماعلينا

أبي اعرف ماهو المقياس الذي اتخذ تيه بان الأجنبي يستغلنا !!

لكي أتمكن من الاجابه على موضوعك ؟


وهل القطري من الممكن أن يستغل الأجنبي أو القطري يستغل القطري ؟

انا أجوف بأن موضوعج فيه نزعه تعصب واضطهاد للأجانب ونحن في بلد لايسمح بتلك التصرفات الطائفية ضد فئة ما .


مع التحية ،،

عجبتني اسألتك التحليليه قبل التسرع بالاجابه..

[R 7 A L]

بحكم ان عندي ربع أجانب من خلفيات مختلفة هالسؤال أكرره عليهم دائماً و الجواب دائماً يكون مشابه

أولاً كل شخص يعمل بأصله...يعني الأجنبي اللي ينصب على المواطنن هو فالأساس نصاب في بلاده مب

شي حكر على القطري...فالمقابل نفس الشي ينطبق على المواطن...مب كل مواطن على نياته أو سهل

إستغلاله...بس سبب تركيزنا على هالظاهرة هو أن الأجانب عددهم "في بلادينهم"...أكرر في بلادينهم

فكنسبة و تناسب عدد النصابين بيكون كبير و فرصة وجودهم في قطر كبيرة...بينما عددنا بسيط فكنسبة

و تناسب لازم يكون عدد النصابين قليل و غالباً يكونون معروفين بسرعة
,
,
بس اللي اقدر أقول لك اياه ان وايد يركزون على موضوع اللي يطالع القشور...يعني اللي مركبي اريل

طولة 70 متر تقول يبي يجيب راديو المريخ والا اللي عقاله من كثر ماهو مايل تحسبه شباصة و يعني

هالأشكال الشاذة أساساً بشكل عام تشوه صورة القطري و يستغربون ليش احنا ساكتين عنهم و ما ننتقدهم




مازال الضرب تحت الحزام وفوقه شغال

[حسن]

مازال الضرب تحت الحزام وفوقه شغال

هههههههههه


الناس حتئطع بعضيها

[ريم الشمال]

القطري يجب أن يكون حازم جسور وأمين مع إي فرد يتعامل معه
إذا عندي مال بشارك أحد لابد من وضع قواعد لأدارة هذا المال سواء مع الموظفين أو الشركاء إذا كنت موظف مسؤول يجب أن افتح عيني على المسؤولية التي تم تكليفي بها ولا أثق بإحد يقوم بإدارتها ... وهلم جرا
الطيبة تكون مع الضعفاء بالعطاء ،والكرم مع الضيوف ، والنخوة مع المحتاج ،والأمانة في التجارة مطلوبة حتى تستطيع النجاح
يبدوا أن الناس اخلطت الحابل بالنابل بين المبادئ وكيفية التعامل

[المحاميه]

قريت جميع الردود لي عوده باذن الله

[aloosh]

انا مب فاهم شسالفة كل هالمواضيع الي مالها اي دليل وتتمحور حول العنصريه ؟

شالفرق بين الاجنبي والقطري؟ هل الاجنبي مركبين شريحه براسه ومبرمج على انه ينصب ويستغل وحاقد علينا؟

انا مب فاهم شلون فيه ناس للحين طريقة تفكيرهم تحسسني انهم للحين فالابتدائي

بخصوص الموضوع .. اول شي خل نبدا ونسال هالسؤال .. شنو الفرق بين القطري والاجنبي ككائن بشري ؟ هل تقدرين تثبتين لي بان الاجنبي مبرمج بانه يستغل وينصب ؟

وركزي باني طلبت دليل .. لا تجين وتقولين لي والله اعرف واحد ولا وحده صار لها هالموقف والي استغلهم كان اجنبي < يضحكوني الي يكتبون هالكلام .. يابلفيت انه جايب دليل

بختصر عليك ان لا اثق بالاجنبي مهما بلغ من الاخلاص والثقه
سلام عليكم السلام فقط

[Aaziz]

عليكم السلام ورحمة الله


حددي هل المقصود في مجالات التعامل التجاري او مجالات العمل (الوظيفة)

[فاهم وساكت]

بختصر عليك ان لا اثق بالاجنبي مهما بلغ من الاخلاص والثقه
سلام عليكم السلام فقط

الاجانب بيكونون متواجدين فالبلاد لفتره طويله واعدادهم اكثر منا .. هل تتوقع العنصريه بتفيدنا؟

الطاقه السلبيه الي تبدا تتكون بين الطرفين لا هي بمصلحة المواطن ولا الوطن .. بعكس الطاقه الايجابيه الي تتشكل يوم تعاملهم بمساواه بتفيد الكل

مثلا تروح بلد وتشوف الشعب فيه يعاملك بطريقه عنصريه الحقد الي بتحس فيه بياثر عليك بطريقه سلبيه وبيخليك تكرهم .. مثلا تروح الدوام بتشتغل بس عشان الفلوس ومابتشتغل وتقدم احسن ما عندك لانك تكرهم اصلن ف ليش تحاول تساعدهم ؟ مثلا الزباله وانت بكرامه بدال ماتحذفها فالمكان الصح .. واذا شفت مافيه حد حولك بتحذفها في اي مكان. هذي الطاقه السلبيه تختلف بين الناس على حسب الظروف الي مرو فيها .. وكانسان يحس بهذي الطاقه بيحاول يطلعها منه او يتماشا معاها عشان يريح ضميره .. وعلى الاغلب افضل طريقه بيشوفها عشان يطلع او يتماشا مع هالشعور .. بانه يبدا يواجهك بنفس السلاح الحقد بالحقد .. يمكن مب بشكل مباشر بس مثل ماقلت بالدوام مثثلا مايشتغل عدل او بامور ثانيه .. طبعا هالكلام ممكن يصير بين افراد العيله ومب شرط يكون اجنبي ، بس بشكل عام النتيجه بتكون سلبيه للطرفين

عكس الشعور الي تحس فيه يوم تشوف قدامك ناس طيبه ويعاملونك احسن معامله صعب بان هالشخص يتصرف بطريقه سلبيه اتجاهم < طبعا لكل قاعده شواذ وبتحصل دوم بعض الناس بغض النظر اجنبي او قطري مهمى سويت له بيتم حاقد عليك

هالكلام من تجربه شخصيه لين تسافر وتشوف فرق المعامله بين الشعوب بتحس بهالشعور ايجابي او سلبي .

فكر فيها التفكير السلبي ضد اي شخص مستحيل يطلع من وراه شي ايجابي، بعكس التفكير الايجابي الي على الاغلب بتكون نتيجته ايجابيه

واقرب مثال لين تروح تخلص لك شغله وتحصل الشخص الي مقابلك مخيسها او يكلمك بدون نفس .. هالطاقه السلبيه الي فيه على الاغلب بتاثر عليك وبتحس بهالشعور السلبي ويمكن تقعد تسبه طول اليوم

فما بالك يوم تمارس هالشي على عدد كبير من الناس ؟

[Super Cool]

بختصر عليك ان لا اثق بالاجنبي مهما بلغ من الاخلاص والثقه
سلام عليكم السلام فقط

و انا اقول لك انا و وايد ناس مثلي لما نشوف اي قطري يتصرف هالتصرف

نتبرا من تصرفاته بشكل علني و غالباً اذا مب من الأهل حتى السلام عليكم

ما بيلاقي منا من بعد هالحادثة

"لا يدخل الجنة من كان في قلبة مثقال حبة خردلٍ من كبر"

[بوغانم995]

المحاميه حماك الله من كل شر ..القطري أيش موضوعه ....ويش جاب لجاب ...السلام عام لكل المسلمين بارك الله لكم اجمعين .
السلام تحية من صدق النيه من قلب صادق وحياة القلوب وبقاء الألفة بين أهل الإسلام بإفشاء السلام وبذل السلامة من بعضهم لبعض على الدوام وأمان لذمتنا أي يشعر بأمانك لمن سلمت عليه ووفاء بعهد الإسلام وضمانه الذي عاهدت عليه وهو بالإجماع من يده ولسانه .
وكان تحية من قبلنا السجود لمن يلقونه فحرم علينا السجود لغير الله وأعطينا مكانه السلام فهو من خصوصياتنا أي خص به المسلمون.
ألا تعلمون ان من عادة العرب قبل الإسلام إذا لقي بعضهم بعضا أن يقولوا حياك الله واشتقاقه من الحياة كأنه يدعو له بالحياة فلما جاء الإسلام أبدل الله ذلك بالسلام .
عَنْ أَبِي هُرَيْرَةَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : " خَلَقَ اللَّهُ آدَمَ عَلَى صُورَتِهِ طُولُهُ سِتُّونَ ذِرَاعًا فَلَمَّا خَلَقَهُ قَالَ اذْهَبْ فَسَلِّمْ عَلَى أُولَئِكَ النَّفَرِ مِنْ الْمَلَائِكَةِ جُلُوسٌ فَاسْتَمِعْ مَا يُحَيُّونَكَ فَإِنَّهَا تَحِيَّتُكَ وَتَحِيَّةُ ذُرِّيَّتِكَ فَقَالَ السَّلَامُ عَلَيْكُمْ فَقَالُوا السَّلَامُ عَلَيْكَ وَرَحْمَةُ اللَّهِ فَزَادُوهُ وَرَحْمَةُ اللَّهِ فَكُلُّ مَنْ يَدْخُلُ الْجَنَّةَ عَلَى صُورَةِ آدَمَ فَلَمْ يَزَلْ الْخَلْقُ يَنْقُصُ بَعْدُ حَتَّى الْآنَ " [ رواه البخاري ] .
قال ابن حجر رحمه الله تعالى : قوله (تحيتك وتحية ذريتك) أي من جهة الشرع، أو المراد بالذرية بعضهم وهم المسلمون، وقد أخرج البخاري في ” الأدب المفرد ” وابن ماجة وصححه ابن خزيمة من طريق سهيل بن أبي صالح عن أبيه عن عائشة مرفوعا ” ما حسدتكم اليهود على شيء ما حسدوكم على السلام والتأمين ” وهو يدل على أنه شرع لهذه الأمة دونهم ، وأخرج الطبراني والبيهقي في ” الشعب ” من حديث أبي أمامة رفعه ” جعل الله السلام تحية لأمتنا وأماناً لأهل ذمتنا ” وعند أبي داود من حديث عمران بن حصين ” كنا نقول في الجاهلية : أنعم بك عينا، وأنعم صباحا ” فلما جاء الإسلام نهينا عن ذلك ورجاله ثقات، لكنه منقطع، وأخرج ابن أبي حاتم عن مقاتل بن حيان قال ” كانوا في الجاهلية يقولون: حييت مساء، حييت صباحا، فغير الله ذلك بالسلام”.
وانا أشاطرك الرأي اليوم يمر الانسان جنب اخيه فلا يسلم و يدخل معك الأسنسير وهو رجل لابس أقطري بس لسانه مربوط ع ن أفشاء السلام ...وهذا من علامات الساعه : -
التسليم على الخاصة ، وهو أنْ لا يُلقِي الرجل السلام إلا على مَنْ يعرفه، ويدع السلام على مَنْ لا يعرف.
فذكر عن النبي صلى الله عليه وسلم: "إن بين يدي الساعة تسليم الخاصة، وفشوَ التجار؛ حتى تعين المرأة زوجها على التجارة، وقطع الأرحام، وشهادة الزور، وكتمان شهادة الحق، وظهور القلم".
"لقى عبدَ الله رجلٌ، فقال: السلام عليك يا بن مسعود، فقال عبد الله: صدق الله ورسوله، سمعت رسول الله صلى الله عليه وسلم يقول: إن من أشراط الساعة، أن يمرَّ الرجلُ فى المسجد لا
"إن من أشراط الساعة: أن يُسلِّم الرجلُ على الرجلِ لا يُسلِّم عليه إلا للمعرفة"
وعند الطبراني: "لا تكون الساعة حتى يكونَ السلامُ على المعرفة"، والتسليم على المعرفة فقط خلاف السُّنَّة، التي دعت إلى إفشاء السلام وإلقائه على مَنْ عرفت ومَنْ لم تعرف.

ففي "الصحيحين": "أن رجلاً سأل النبى صلى الله عليه وسلم: أيُّ الإسلام خير؟ قال: تُطْعِم الطعام، وتقرأ السلام على مَنْ عرفت ومَنْ لم تعرف".و السلام عليكم اجمعين وبسسسسسس

[بوثاني الريان]

اصابع يدك ماهي وحدة وكل ديرة فيها مقبرة (( الخير في امتي الى يوم القيامة )) مانقدر نعمم على الجميع في وفي ونفس الشي من صوبنا في وفي

[راعي الكورفت]

الأجنبي أو الوافد جاي من بيئه ومكان غير عن بيئتنا وطبايعنا تختلف عنه الخ

إضافه إلى ذلك هو ماتغرب إلا لأن وضعه المادي مش ولا بد

وجاي يبحث عن عمل

لما يوصل ويشوف فلان قطري عنده بيت سياره منصب راتب قوي
يقط فلوسه يمين ويسار

اهني يشتغل الطمع - الحسد - ويبدا يخطط عشان ينتفع هو بعد

يقول القطري يقط فلوسه وماهمه 10 ولا 100 خلاص انا اخذ من هذا 100 ومن ذاك 200 ويطلعله فاليوم 1000 وهكذا يحسن دخله


عرفت الفرق الحين؟


انا ماقلت احنا منزهين لكن احنا نروح بلادهم نبوقهم؟ نخطط ونستغلهم؟ نسوي حركات معاهم من تحت لي تحت؟



شخصياً أتعرض لعدة مواقف ولما أرجع أحاسبه يقول اوه خربطت او نسيت
الله يعلم عاد وين الصج

مافرقت هنا او هناك ..

حتى نروح بلادهم سياحه بعد ينصبون علينا اكثر واكثر .

انا رحت على اسطنبول وانواع النصب خاصة على الخليجيين وايضا دول الشام كالاردن ولبنان ايضا مصر النصب عندهم كبير للغايه والخليجي بشكل عام هو الفريسه المفضله لهم ومفكرين الخليجي بنك متحرك .

[المحاميه]

مشكلة الأكثرية يقولك المفروض حسن الظن بالآخرين
حسن ظن مع الأخذ بالأسباب ،أحسن الظن فيه واتخذ الأسباب أخطط أتابع أقيم ،مب حسن الظن عقب أسلمه الخيط والمخيط وأقول سرقني عفوا هذي مش طيبة هذي آنا أجوفها تواكل وغباء
بعد ما أسس مشروعي صح وأعرف كل صغيرة وكبيرة وأتابع بعدها أحسن الظن
لكن حسن الظن بدون تخطيط وتفكير هذا اسمه ضياع للأمانة واحنا محاسبين عليها
المشكلة مب في الأجنبي المشكلة في القطري إلي يبحث عن شماعة ليعلق عليها أعذار إهماله
دمتم برقي وشكرا للموضوع

اشكرج أختي على ردج العميق :victory:






انزين
احنا عنصريين كيفنا


:nono:




مع الاسف اختي القطري هو من يعطي الوافد فرصه للاستغفاله
والثقه المفرطه في الوافد
يجب على كل قطري الحذر من الوافدين مهما بانت طيبته واخلاقه فايكون في حدود العمل فقط ولا يعطيه اكثر من ذلك مثل المثل اللي يقول تمسكن حتى تمكن

ولا تسلم اعمالك لهم مهما بلغت بهم الثقه يجب ان تكون حذر

واعيد واكرر القطري هو سبب نفسه


صادق ياخوي

صح بعضهم يتمسكن لين يتمكن

المفروض الواحد يحرص عشان لا ينصدم عقب

[المحاميه]

بحكم ان عندي ربع أجانب من خلفيات مختلفة هالسؤال أكرره عليهم دائماً و الجواب دائماً يكون مشابه

أولاً كل شخص يعمل بأصله...يعني الأجنبي اللي ينصب على المواطنن هو فالأساس نصاب في بلاده مب

شي حكر على القطري...فالمقابل نفس الشي ينطبق على المواطن...مب كل مواطن على نياته أو سهل

إستغلاله...بس سبب تركيزنا على هالظاهرة هو أن الأجانب عددهم "في بلادينهم"...أكرر في بلادينهم

فكنسبة و تناسب عدد النصابين بيكون كبير و فرصة وجودهم في قطر كبيرة...بينما عددنا بسيط فكنسبة

و تناسب لازم يكون عدد النصابين قليل و غالباً يكونون معروفين بسرعة
,
,
بس اللي اقدر أقول لك اياه ان وايد يركزون على موضوع اللي يطالع القشور...يعني اللي مركبي اريل

طولة 70 متر تقول يبي يجيب راديو المريخ والا اللي عقاله من كثر ماهو مايل تحسبه شباصة و يعني

هالأشكال الشاذة أساساً بشكل عام تشوه صورة القطري و يستغربون ليش احنا ساكتين عنهم و ما ننتقدهم

مرحبا أخوي

اتفق معاك ان كلن يعمل بأصله
لكن ماتعتقد إن المغريات تلعب دور
وإن الفلوس تغير النفوس؟


وبخصوص الشق الثاني
شدخل هالكلام ف موضوعي الحين؟
انا ماقلتلك عطنا مواصفات القطري الصيه :nice:



انشهددد

الدار دار ابونا ,, والاجانب شاركونا

شنسوي
هذا الواقع المر
وزيد عليها انهبوا حقوقنا
:weeping:


زين انج اختصرتي الموضوع عشان ما اضيع وقتي معاج


عفواً أخوي بس ش هالأسلوب؟

[المحاميه]

وعليكم السلام ورحمة الله


السبب في هالشي أختي المحامية القطري نفسه .. هو اللي سلم الخيط والمخيط وسمح للغير باستغفاله

وبالنسبة للوافدين هذا وضعهم في بلدانهم ... فطبيعي إنهم يستغفلون اللي مخلي حلاله سبيل

ومش كل الوافدين بهالاخلاق والاسلوب.

وترا فرق كبيييير بين إني أكون طيب وكريم وشهم ...

وبين أكون ساذج أخلي غيري يستغفلني بدون ما أكون حريص على مصلحتي و على اللي يخصني.


أكيد اختي ما نعمم على الجميع
يعني تعتقدين الموضوع موضوع سذاجه ومب طيب أو ثقه

شكراً لج وتقريباً لخصتي أهم النقاط


معاك يشتغل بحذر ويثبت كل أموره كلام شرعي وقانوني صحيح ميه بالميه

لكن نلغي مبدأ الثقه كلياً
هذي ماتفق فيها معاك

الناس مش سواسيه
ليش تساوي بين الشخص الاستغلالي اللي مايخاف ربه مع الشخص اللي على نياته ويدور الخير ولا يفكر يضر حد؟

بعدين لو إلغينا الثقه والطيبه شلون بتعامل مع اللي حولك المقربين؟

أنا أقصد الثقة ( العمياء ) خاصة مع الغريب مهما قويت علاقتي العملية به ، ولا أقصد إلغاء الثقة كلياً لأن هذا يؤدي إلى كارثة اجتماعية

تحياتي لك[/quote]


شكراُ عالتوضيح




اللي ما يحرص على نفسه وفلوسه يتحمل النصب اللي بيجيه

ع العموم الحرامي ينعرف من نوع الكرفتا خخخخخ


شكلك خبره فالموضوع
نورنا :)

[المحاميه]

المحاميه ..




اتفق معاج .. فيه اختلاف بس هالشي ماله دخل بالموضوع لا من بعيد ولا من قريب. اختلاف البيئه والطبايع مب دليل على ان الاجنبي بتكون عنده افكار سلبيه اتجاه المواطن القطري او اي شخص من بيئه تختلف عن بيئته .



ممكن تعطيني دليل على الكلام الي بالاحمر؟

يعني الفقير اول مايشوف واحد عنده خير بيصيده هالشعور " طمع، حسد، وبعدها يبدا يخطط عشان ينتفع هو بعد" ؟

ادري انهم يشتغلون لتحسين مستواهم المادي بس هالشي مايثبت بانهم يمرون بهالحاله الي ذكرتيها

الا اذا عندج دليل يثبت هالكلام؟*



لو كل اجنبي فكر بنفس طريقتج .. لين تروحين بلادهم اول مايعرف انج اجنبيه بيشوفج بنفس النظره بانج تستغلينهم مب شرط من ناحيه ماديه المهم بيشوفج بطريقه سلبيه " بما انج اجنبيه"

مابتحسين بالظلم ؟ وبتقولين شلون هالشخص يحكم علي وهو مايعرفني ولا اعرفه بس لاني اجنبيه!!

والمواقف الي صارت لج ماتثبت شي تعتبر حالات فرديه .. لحد الحين ماشفت اي دليل يثبت كلامج

اختلاف عاداتهم وطبايعهم مايثبت شي والشعور الي " تقولين بانه يحسون فيه" اول مايشوفون واحد غني يحذف فلوسه يمين يسار ماله اي دليل، صحيح بانه موجود ولكنه موجود في بعض الناس بغض النظر عن بيئته قطري او اجنبي.


اممم
شكلك أخوي تحب تجادل وتلف وتدور حول نفس النقاط

اول شي الكلام اللي قلته واقوله مانعممه على الكل (أجنبي - فقير) فيه ناس عافه كافه وفيه ناس يالله سترك

وحضرتك تقول تبي أدله ضربتلك كذا دليل وقاعد تشوف أدله جدام عيونك بس ترد تنفي وتقول هذي ماتعتبر أدله وكلام يضحك وحاله فرديه

زين انت عطني دليل على أن الأجنبي شايف خير وجاي يفيدنا ومايستغلنا ولا يفكر يحسن من وضعه؟

تفضل ياأستاذ أفلاطون
ومابعد كلامك كلام

[المحاميه]

عجبني هذا الرد ووفر علي الكتابه

احدث استغلال امس وديت شاحن بطاريه للتصليح وبعده اتصلي وقالي خلاص
قلت له الحساب قال 150
قلت له الجهازين سعرهم 200 ريال والشغله كله دايود صغير مايسوى ريالين
مني مناك خلصت على 100
الصراحه بعض الامور اطرش السايق يتفاهم انها له
وهناك عده اسباب اولا ان احنا مانكاسر ونحاسب عدل وثاني لا تنسون
يعرفون عنا كل شي والدوله مهب مقصره في الاعلام
فالجميع ينظر لقطر بكبرها كيكيه ويبي ياكل منها


الحين بيقتبس كلامك وبيقول هذا مش دليل
وهذي حاله فرديه
وكلامك يخلو من الصحه
والأجنبي شايف خير وعايش زي الفل

[المحاميه]

عجبتني اسألتك التحليليه قبل التسرع بالاجابه..

هذي طريقته فالرد على أغلب المواضيع
ورديت على أسئلته لكن ماشفت منه رد مادري شالسبب :)





القطري يجب أن يكون حازم جسور وأمين مع إي فرد يتعامل معه
إذا عندي مال بشارك أحد لابد من وضع قواعد لأدارة هذا المال سواء مع الموظفين أو الشركاء إذا كنت موظف مسؤول يجب أن افتح عيني على المسؤولية التي تم تكليفي بها ولا أثق بإحد يقوم بإدارتها ... وهلم جرا
الطيبة تكون مع الضعفاء بالعطاء ،والكرم مع الضيوف ، والنخوة مع المحتاج ،والأمانة في التجارة مطلوبة حتى تستطيع النجاح
يبدوا أن الناس اخلطت الحابل بالنابل بين المبادئ وكيفية التعامل

صادقه
اشكرج على هالاثراء الطيب

[المحاميه]

عليكم السلام ورحمة الله


حددي هل المقصود في مجالات التعامل التجاري او مجالات العمل (الوظيفة)

في المجالين أخوي



بختصر عليك ان لا اثق بالاجنبي مهما بلغ من الاخلاص والثقه
سلام عليكم السلام فقط

شغلك عدل
تدرون ليش
لان من خاف سلم
وحرص ولاتخون



و انا اقول لك انا و وايد ناس مثلي لما نشوف اي قطري يتصرف هالتصرف

نتبرا من تصرفاته بشكل علني و غالباً اذا مب من الأهل حتى السلام عليكم

ما بيلاقي منا من بعد هالحادثة

"لا يدخل الجنة من كان في قلبة مثقال حبة خردلٍ من كبر"

شدعوه؟

[المحاميه]

المحاميه حماك الله من كل شر ..القطري أيش موضوعه ....ويش جاب لجاب ...السلام عام لكل المسلمين بارك الله لكم اجمعين .
السلام تحية من صدق النيه من قلب صادق وحياة القلوب وبقاء الألفة بين أهل الإسلام بإفشاء السلام وبذل السلامة من بعضهم لبعض على الدوام وأمان لذمتنا أي يشعر بأمانك لمن سلمت عليه ووفاء بعهد الإسلام وضمانه الذي عاهدت عليه وهو بالإجماع من يده ولسانه .
وكان تحية من قبلنا السجود لمن يلقونه فحرم علينا السجود لغير الله وأعطينا مكانه السلام فهو من خصوصياتنا أي خص به المسلمون.
ألا تعلمون ان من عادة العرب قبل الإسلام إذا لقي بعضهم بعضا أن يقولوا حياك الله واشتقاقه من الحياة كأنه يدعو له بالحياة فلما جاء الإسلام أبدل الله ذلك بالسلام .
عَنْ أَبِي هُرَيْرَةَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : " خَلَقَ اللَّهُ آدَمَ عَلَى صُورَتِهِ طُولُهُ سِتُّونَ ذِرَاعًا فَلَمَّا خَلَقَهُ قَالَ اذْهَبْ فَسَلِّمْ عَلَى أُولَئِكَ النَّفَرِ مِنْ الْمَلَائِكَةِ جُلُوسٌ فَاسْتَمِعْ مَا يُحَيُّونَكَ فَإِنَّهَا تَحِيَّتُكَ وَتَحِيَّةُ ذُرِّيَّتِكَ فَقَالَ السَّلَامُ عَلَيْكُمْ فَقَالُوا السَّلَامُ عَلَيْكَ وَرَحْمَةُ اللَّهِ فَزَادُوهُ وَرَحْمَةُ اللَّهِ فَكُلُّ مَنْ يَدْخُلُ الْجَنَّةَ عَلَى صُورَةِ آدَمَ فَلَمْ يَزَلْ الْخَلْقُ يَنْقُصُ بَعْدُ حَتَّى الْآنَ " [ رواه البخاري ] .
قال ابن حجر رحمه الله تعالى : قوله (تحيتك وتحية ذريتك) أي من جهة الشرع، أو المراد بالذرية بعضهم وهم المسلمون، وقد أخرج البخاري في ” الأدب المفرد ” وابن ماجة وصححه ابن خزيمة من طريق سهيل بن أبي صالح عن أبيه عن عائشة مرفوعا ” ما حسدتكم اليهود على شيء ما حسدوكم على السلام والتأمين ” وهو يدل على أنه شرع لهذه الأمة دونهم ، وأخرج الطبراني والبيهقي في ” الشعب ” من حديث أبي أمامة رفعه ” جعل الله السلام تحية لأمتنا وأماناً لأهل ذمتنا ” وعند أبي داود من حديث عمران بن حصين ” كنا نقول في الجاهلية : أنعم بك عينا، وأنعم صباحا ” فلما جاء الإسلام نهينا عن ذلك ورجاله ثقات، لكنه منقطع، وأخرج ابن أبي حاتم عن مقاتل بن حيان قال ” كانوا في الجاهلية يقولون: حييت مساء، حييت صباحا، فغير الله ذلك بالسلام”.
وانا أشاطرك الرأي اليوم يمر الانسان جنب اخيه فلا يسلم و يدخل معك الأسنسير وهو رجل لابس أقطري بس لسانه مربوط ع ن أفشاء السلام ...وهذا من علامات الساعه : -
التسليم على الخاصة ، وهو أنْ لا يُلقِي الرجل السلام إلا على مَنْ يعرفه، ويدع السلام على مَنْ لا يعرف.
فذكر عن النبي صلى الله عليه وسلم: "إن بين يدي الساعة تسليم الخاصة، وفشوَ التجار؛ حتى تعين المرأة زوجها على التجارة، وقطع الأرحام، وشهادة الزور، وكتمان شهادة الحق، وظهور القلم".
"لقى عبدَ الله رجلٌ، فقال: السلام عليك يا بن مسعود، فقال عبد الله: صدق الله ورسوله، سمعت رسول الله صلى الله عليه وسلم يقول: إن من أشراط الساعة، أن يمرَّ الرجلُ فى المسجد لا
"إن من أشراط الساعة: أن يُسلِّم الرجلُ على الرجلِ لا يُسلِّم عليه إلا للمعرفة"
وعند الطبراني: "لا تكون الساعة حتى يكونَ السلامُ على المعرفة"، والتسليم على المعرفة فقط خلاف السُّنَّة، التي دعت إلى إفشاء السلام وإلقائه على مَنْ عرفت ومَنْ لم تعرف.

ففي "الصحيحين": "أن رجلاً سأل النبى صلى الله عليه وسلم: أيُّ الإسلام خير؟ قال: تُطْعِم الطعام، وتقرأ السلام على مَنْ عرفت ومَنْ لم تعرف".و السلام عليكم اجمعين وبسسسسسس


مرحباً أخوي بوغانم

بس شكلك صادك لبس ومافهمت موضوعي عدل
وأظن إنك اكتفيت بأول جملتين من الموضوع

أتمنى تقرا موضوعي مره ثانيه
لأني أتكلم عن نظرة الأجنبي الوافد للقطري

:)

[المحاميه]

اصابع يدك ماهي وحدة وكل ديرة فيها مقبرة (( الخير في امتي الى يوم القيامة )) مانقدر نعمم على الجميع في وفي ونفس الشي من صوبنا في وفي

كلامك صحيح
وأكيد أنا ماعمم
بس النفس البشريه مشكله




مافرقت هنا او هناك ..

حتى نروح بلادهم سياحه بعد ينصبون علينا اكثر واكثر .

انا رحت على اسطنبول وانواع النصب خاصة على الخليجيين وايضا دول الشام كالاردن ولبنان ايضا مصر النصب عندهم كبير للغايه والخليجي بشكل عام هو الفريسه المفضله لهم ومفكرين الخليجي بنك متحرك .


شفت كيف
هذا اللي أقوله
شكراً عالتوضيح أخوي بومحمد
ومثل ماقلت هم شغالين عالخليجين وبالفعل احنا مستهدفين
ليش؟
لأن فكرتهم عنا إن إحنا ندفع - سهل استغلالنا - فينا طيبه - مانحاسب وايد - وبنك متنقل :( :weeping:

[Super Cool]

ليش اشدعوة؟

واحد يحكم على شخص مب بناء على تصرفاته ولا على مبادئة بل على شكله

اي عقل اللي يقول لك ان هالتقييم بيكون صحيح؟ على كذا في ارهابيين يلبسون

غتر فأي واحد من شيباننا سافر وهو لابس غترة لازم ينسجن او يتعاملون معاه

كإرهابي!!!! ليش في امثالنا نقول الرجال مخابر ماهي مناظر...وبعدين نجي نطبق

العكس؟؟؟؟؟

[المحاميه]

الحرص والحذر واجب بعدين لاتقول قصوا علي

[حسن]

الصراحه موضوعك في مبالغه كبيره وتجني خطير يامحاميه الحق
:)

مهب لهذه الدرجه ننظر لهم والنفس الاماره لسؤ في جميع الجنسيات
احسن ان موضوعك في ضلم كبير وبين

الاستغلال يحصل حتى من اقرب الناس
من اب ولا ابن ولا ام ولا اخ
يعني مهب محصوره في فئه معينه
بالنسبه لي اشوف الاوروبيين اكثر نزاعه وعدم الاستغلال
في دولهم للغير
عكسنا
وقيسي على الخدم عندك تحرمينهم حتى من النت وهو مبعثر في الجو

تناقض

:(

[المحاميه]

الصراحه موضوعك في مبالغه كبيره وتجني خطير يامحاميه الحق
:)

مهب لهذه الدرجه ننظر لهم والنفس الاماره لسؤ في جميع الجنسيات
احسن ان موضوعك في ضلم كبير وبين

الاستغلال يحصل حتى من اقرب الناس
من اب ولا ابن ولا ام ولا اخ
يعني مهب محصوره في فئه معينه
بالنسبه لي اشوف الاوروبيين اكثر نزاعه وعدم الاستغلال
في دولهم للغير
عكسنا
وقيسي على الخدم عندك تحرمينهم حتى من النت وهو مبعثر في الجو

تناقض

:(

شكلك ماقمت تقبض

تراك راد مرتين من قبل

سبحان الله قبل كنت مع والحين صرت ضد

عجيب أمرك :)

[بومحمد المطاوعه]

شكلك ماقمت تقبض

تراك راد مرتين من قبل

سبحان الله قبل كنت مع والحين صرت ضد

عجيب أمرك :)


هههههههههه

سددت له :tease:

[Super Cool]

اختي المحامية

هل انتي فعلاً قاعدة تطلبين منا ان نحكم على شخص "من شكلة"!!!!

صج والله جد ولا مزح؟

[فاهم وساكت]

اممم
شكلك أخوي تحب تجادل وتلف وتدور حول نفس النقاط

اول شي الكلام اللي قلته واقوله مانعممه على الكل (أجنبي - فقير) فيه ناس عافه كافه وفيه ناس يالله سترك

وحضرتك تقول تبي أدله ضربتلك كذا دليل وقاعد تشوف أدله جدام عيونك بس ترد تنفي وتقول هذي ماتعتبر أدله وكلام يضحك وحاله فرديه

زين انت عطني دليل على أن الأجنبي شايف خير وجاي يفيدنا ومايستغلنا ولا يفكر يحسن من وضعه؟

تفضل ياأستاذ أفلاطون
ومابعد كلامك كلام

تقولين اغلب الكلام مانعممه " اجنبي ، فقير" وانتي موضوعج بكبره عن الاجنبي وهل انت تثق فيه او لا !

اغلب المواضيع الي من هالنوع احاول اتجاهلهم ، بس شفت الي كاتبه الموضوع محاميه فقلت اكيد مابترد علي بكلام انشائي لا يودي ولا يجيب ، بس للاسف ..

[بوغانم995]

لك كل الحق ومن واجبنا الأعتذار نعم ((
بس شكلك صادك لبس ومافهمت موضوعي عدل
وأظن إنك اكتفيت بأول جملتين من الموضوع )) ..........أما بالنسيه لموضوعك فاطيور على أشكالها تقع ......والمثل يقول وأن أنته أكرمت الأيم تمردا ....طيبة أهل قطر شهاده متوارثه من الجداد بس مع الذي يستاهل أما اليوم فاحدث ولا حرج ....وبسسسسس