تجاهل الزوجه لخيانة الزوج؟؟؟ هل يعتبر ضعف ولا حكمة!!!!

[بومحمد المطاوعه]

السلام عليكم ورحمه الله وبركاته ,,

صباحكم ومسائكم ورد جوري
راح ادخل في الموضوع علي طول ,,

https://sites.google.com/site/oxygenma3ali/sad2.jpg

هل
تجاهل الزوجه لخيانة الزوج؟؟؟ هل يعتبر ضعف ولا حكمة!!!!



ماراح احدد مجتمع معين ولا فئه معينه لان موضوعي مايخص مجتمع معين ولا فئه معينه خيانه الزوج صار منتشره في بعض المجالس والعياذ بالله

بشكل غريب والمشكله البعض يجاهر بهذي المعصيه

السؤال الي نبي له اجابه واضحه وابي اعرف رايكم فيه ,,

لما الزوجه تعرف عن خيانه زوجها وتتجاهل عن الموضوع هل
تشوفونه ضعف منها ولا حكمه منها ..؟

والزوج اللي يدري ان زوجته تدري عن موضوع الخيانه ويستمر بخيانته لها

هل هذا عدم اهتمام الزوج ولا ان خلاص دام تدري وساكته انا يالزوج اجي افتح الموضوع ليش ؟

لكن ابي اعرف رايكم بالموضوع
انا مب ضد المراة في هذا الموضوع الخطير اذا زعلت او طالبت بحقها
ولكن ابي اعرف السبب ؟

بعض الناس اللي متفقين على ان لازم تتجاهل الزوجه ابي يذكرون لي السبب ليش تتجاهل ؟

أليس لها الحق بالزعل ..؟
اليس لها كرامه ويجب على الزوج ان يصون زوجته ويحترمها .؟
أليس هي انسان لها احساس ولها قلب ولها حزن وفرح .؟


بارك الله فيكم
انتظر قلمكم الرائع في هذا اليوم والجو الرائع
اسأل الله ان يحفظكم جميعآ
واجازه سعيده ان شاءالله

اخوكم التائب الى الله :
بومحمد المطاوعه :)

[شبح الصمت]

يخونها ولا يجيب وحده على رآسها بالحلال

[بومحمد المطاوعه]

يخونها ولا يجيب وحده على رآسها بالحلال


اكييييييييييييد يجيب وحده بالحلال

ماعتقد ياخوي العفيفه ترضى بخيانه الزوج لها

بترضى بالزواج ولا بالخيانه
ولكن نسأل الله الهدايه للبعض

بالرفض الحلال
ويلجئ الزوج الغافل بالحرام

[Dmy Enabi]

لما الزوجه تعرف عن خيانه زوجها وتتجاهل عن الموضوع هل
تشوفونه ضعف منها ولا حكمه منها ..؟
ضعف وغباء ويؤدي إلى انفجار مستقبلي

والزوج اللي يدري ان زوجته تدري عن موضوع الخيانه ويستمر بخيانته لها

هل هذا عدم اهتمام الزوج ولا ان خلاص دام تدري وساكته انا يالزوج اجي افتح الموضوع ليش ؟
هذا يسمونه قلة ذوق وبقاحه واستهتار وزيرو مسؤولية


أليس لها الحق بالزعل ..؟
اليس لها كرامه ويجب على الزوج ان يصون زوجته ويحترمها .؟
أليس هي انسان لها احساس ولها قلب ولها حزن وفرح .؟

سبب زيادة الخيانة من رجل أو امرأة هو السكوت بحجة التغافل
تخون مع السلامة الله يحفظك
لكن أصبر وأحرق أعصابي بحجة المحافظة على البيت هذا في نظري غير مقبول أبدا
مع السلامة ونكسر وراك أوله

[نوفا91]

صبحك الله بالخير بومحمد


،
بومحمد مافي وحده تعرف ان زوجها يخونها وتسكت حتى لو كانت ضعيفه ، اقلها بتعاتبه ، بتزعل ، والبعض تروح بيت اهلها ، واللي تدخل طرف فالموضوع ، هذي في حالة اكتشفت انه يخونها لاول مره !

لكن عقب ممكن تسكت او تزعل بس مب طبعا مب نفس صدمتها الاولى ، وبتسكت لان الاغلب لماتعرف عن خيانته الاولى ، يوعدها انه اخر مره ، وزله ومن هالكلام السخيف .

عاد انا اعرف وحده تعرف ان زوجها يروح لغيرها ويسافر معاهم بس خلاص عادي عندها تعبت فيه ومب راضي يتغير
:)

[هيلو كيتي]

خيانة الزوج لزوجته ,,, سببه هي
للموضوع ابعاااد كثيره ...

لذلك ليش اتعاتبه ؟؟؟ واي كرامه بين الزوج وزوجته ؟؟؟

اذا تبغيه يتغير ,,,, فلتبدأ بنفسها ,,, ولتعلن مسئوليتهاا ,,, واتشوف الفرق ,,,

( ان الله لايغير مابقوم حتى يغيروا ما بأنفسهم ) هاي الايه عميييييقة جدا ,, وياليييت الكل يفهم أبعادها .

[خبير أسهم]

من الحكمه ان تتجاهل ووووووووووووووووووتنسى
لان دامه تزووووج خلاص
ترضى بالواقع

[نوفا91]

هيلو كيتي ، الحيييين كل خيانات الريال ترجع لزوجته !!

في البعض مقصرات ونقدر نقول انها اهي السبب ، اما اذا مب مقصره بعد اهي السبب
وبعدين مقصره معاه يخونها ! ليش ماخاف من ربه ويتذكر ان اللي يسويه دين وهله بيدفعون هالدين ،

[JN000N]

منهي الي ترضى بخيانة زوجها؟ هه
بس حبيت اوضح نقطه لبعض الازواج الخونه (الزوجة تحاول قد ماتقدر تحسن الظن فيه وماتصدق بس عشان ماتخسر زوجها وبيتها) لكن لو درت هني الغمنده
تعالو قولولي خل تصبر عاد! والا ليش تزعل وتمد البوز وتروح بيت ابوها وهي عندها عيال وعشانهم خلها تصبر يمكن الله يهديه؟
مجتمع تعبان والله

[هيلو كيتي]

عزيزتي نوفا91 ,,

على فكره انا ماقصدت انها هامله نفسها وانها امقصره و و و و ,, هاي اشياء سطحيه ومحد يتكلم فيها ,, لان لا التقصير ولا الاهمال سبب في الخيانه ...

الموضوع طويل ,, ويبغيله شرح كبير ..

لكن تاملي الايه جيدا واتبعيها

هي امور ساكنه في اللاواعي ونحن نجذبها من غير مانعلم ..

[بومحمد المطاوعه]

بارك الله فيكم

راجع لكم ان شاءالله

[دااانة قطر]

يخونها ولا يجيب وحده على رآسها بالحلال

للأسف هالنظرة هي الماااشية عند بعض الحريم متناسين ان الموضوع يمكن يوصل لدمار بيوت وأمراض والعياذ بالله كل همهم ان محد يشاركهم في الحلال والورث هذا عاد اذا عنده شي




هل
تجاهل الزوجه لخيانة الزوج؟؟؟ هل يعتبر ضعف ولا حكمة!!!!

والله ضعف
لأنها لو حكمة واللي بتقول مرده بيرد لي ولا اللي يقولون انتي الاصل وهذيك نزوه
طيب لو انها غالية عنده ليش فكر في غيرها
اهم شي هو استانس وعاش حياته عاد شتفيد ردته بعد الخيانة؟؟


ماراح احدد مجتمع معين ولا فئه معينه لان موضوعي مايخص مجتمع معين ولا فئه معينه خيانه الزوج صار منتشره في بعض المجالس والعياذ بالله بشكل غريب والمشكله البعض يجاهر بهذي المعصيه
شكله يبي يثبت انه رجال بكثرة علاقاته ومهمل هله وعياله


السؤال الي نبي له اجابه واضحه وابي اعرف رايكم فيه ,,
لما الزوجه تعرف عن خيانه زوجها وتتجاهل عن الموضوع هل
تشوفونه ضعف منها ولا حكمه منها ..؟
ارجع اقول ضعف


والزوج اللي يدري ان زوجته تدري عن موضوع الخيانه ويستمر بخيانته لها
هل هذا عدم اهتمام الزوج ولا ان خلاص دام تدري وساكته انا يالزوج اجي افتح الموضوع ليش ؟
قمة الأنانية لما اسمع قص خيانات بعض الازواج وتكسر خاطري الزوجه لما تقول حلف لي بيتركها او بيتركهم وانه مافي اكثر من مكالمات وغيره يعني شي بسيط وترضى وتسكت وترد تكتشف من جديد احس العلاقه بين الوزوجين مافيها احترام ولا ود
وهذا انسان مريض وماعندة ذرة رجولة


لكن ابي اعرف رايكم بالموضوع
انا مب ضد المراة في هذا الموضوع الخطير اذا زعلت او طالبت بحقها
ولكن ابي اعرف السبب ؟
في اغلب الحالات اللي مرت علي اشوف الزوجة هي السبب سواء كان اهمال في نفسها او بيتها او اعيالها
او التطنيش اهم شي مايتزوج عليها خله يسوي اللي يسويه انا الزوجة وانا ام عياله فيتمادى
او الثقة والمدح الزايد


بعض الناس اللي متفقين على ان لازم تتجاهل الزوجه ابي يذكرون لي السبب ليش تتجاهل ؟
انا ضد التجاهل خاصة اني سمعت قصص عجيبة غريبه يعني لول بالخش
الحين الموضه الجديده الكافيهات والمطاعم فيها ازواج مع العشيقات تلاقي العيال هم اللي يوصلون الخبر لأمهم شافوا ابوهم مع وحده عاد اما يكون في اكشن او هدوء


أليس لها الحق بالزعل ..؟
من حقها لو جد كان محل ثقه وطاح القناع المزيف


اليس لها كرامه ويجب على الزوج ان يصون زوجته ويحترمها .؟

يعتمد عالبية اللي تربى فيها


أليس هي انسان لها احساس ولها قلب ولها حزن وفرح .؟
في نظر هالفئة من الازواج الزوجه .......



بو محمد تسلم عالطرح الجريء

[بومحمد المطاوعه]

لما الزوجه تعرف عن خيانه زوجها وتتجاهل عن الموضوع هل
تشوفونه ضعف منها ولا حكمه منها ..؟
ضعف وغباء ويؤدي إلى انفجار مستقبلي

والزوج اللي يدري ان زوجته تدري عن موضوع الخيانه ويستمر بخيانته لها

هل هذا عدم اهتمام الزوج ولا ان خلاص دام تدري وساكته انا يالزوج اجي افتح الموضوع ليش ؟
هذا يسمونه قلة ذوق وبقاحه واستهتار وزيرو مسؤولية


أليس لها الحق بالزعل ..؟
اليس لها كرامه ويجب على الزوج ان يصون زوجته ويحترمها .؟
أليس هي انسان لها احساس ولها قلب ولها حزن وفرح .؟

سبب زيادة الخيانة من رجل أو امرأة هو السكوت بحجة التغافل
تخون مع السلامة الله يحفظك
لكن أصبر وأحرق أعصابي بحجة المحافظة على البيت هذا في نظري غير مقبول أبدا
مع السلامة ونكسر وراك أوله


الله يجزاكم خير


بنشوف ردود البقيه

[راجي الْعفو]

وعليكم السلام و رحمة الله و بركاته ..

فقط أحببت أنوه على أمر وهو :

أتمنى أن تتوفر الموضوعية في نقاشنا للموضوع ، أما التحيز فهذا لا فائدة منه ..


مع التحية للجميع ..

[sweet qatar]

في حالة معرفة الزوجة بخيانة زوجها وتجاهلها للموضوع وسكوتها عنه

هذي جريمة ترتكبها في حق نفسها وحق بيتها و حق عيالها


حتي لو المرة سكتت لغرض في نفسها
يمكن إنها مادية همها البيت والفلوس وما تفرق معاها خيانة زوجها
طالما الورث محد بيشاركها فيه
او مظهرها وبرستيجها جدام الناس إنها زوجة فلان بن فلان


الخاين عاصي لازم يرجع و يتوب عن أفعاله ..

مافي اي مبرر في الدنيا للتغافل الا إذا كان القصد منه تأجيل المواجهة ومحاولة البحث عن الحلول والعلاج .. فممكن ومستحب من المرة إنها تصحح الخلل في بيتها


لكن ترضي و تتقبل وعادي !! فحسبي الله ونعم الوكيل فيهم

وفي المجتمع الي يهمه المظهر الإجتماعي أكثر من الدين

[راعي ال VXR]

خيانة الزوج لزوجته ,,, سببه هي
للموضوع ابعاااد كثيره ...

لذلك ليش اتعاتبه ؟؟؟ واي كرامه بين الزوج وزوجته ؟؟؟

اذا تبغيه يتغير ,,,, فلتبدأ بنفسها ,,, ولتعلن مسئوليتهاا ,,, واتشوف الفرق ,,,

( ان الله لايغير مابقوم حتى يغيروا ما بأنفسهم ) هاي الايه عميييييقة جدا ,, وياليييت الكل يفهم أبعادها .


انا مع هذا الراي

[Super Cool]

سؤال

لما المرة تعرف ان زوجها "زاني" اشلون تقدر تبات معاه في سرير واحد؟
اشلون تقدر تطبخ له و تأكله و تغسل ثيابه و و و و؟ احنا نتكلم عن الزنا يعني
شيء مقزز و كله أمراض...فوق ان فاعلها يبين خلل نفسي...قشعرت من الكلام ياخي!!!

[دااانة قطر]

سؤال

لما المرة تعرف ان زوجها "زاني" اشلون تقدر تبات معاه في سرير واحد؟
اشلون تقدر تطبخ له و تأكله و تغسل ثيابه و و و و؟ احنا نتكلم عن الزنا يعني
شيء مقزز و كله أمراض...فوق ان فاعلها يبين خلل نفسي...قشعرت من الكلام ياخي!!!

نفس التساؤل ؟؟!!

[فاهم وساكت]

والله غريبه اشوف الكل متجاهل العقوبه الشرعيه بهالموضوع ههههههههههه حتى بومحمد !!

[qtrose]

هل
تشوفونه ضعف منها ولا حكمه منها ..؟

ممكن يكون ضعف منها، لأنها تحس انها بدون زوج لا حول لها ولا قوة.

حكمة، لا !! إلا غباء ومحد راح ينفعها لما حضرته يجيب لها أمراض.

والزوج اللي يدري ان زوجته تدري عن موضوع الخيانه ويستمر بخيانته لها

هل هذا عدم اهتمام الزوج ولا ان خلاص دام تدري وساكته انا يالزوج اجي افتح الموضوع ليش ؟

هذا ينقال عنه عديم احساس وما عنده دم !

واللي تدري عن زوجها بخيانته تعتبر مب طبيعية لو اسكتت !!!

[qtrose]

والله غريبه اشوف الكل متجاهل العقوبه الشرعيه بهالموضوع ههههههههههه حتى بومحمد !!

طبعا اللي يخاف ربه، ما يتجرأ حتى يفكر بموضوع الخيانة !

[نوفا91]

والله غريبه اشوف الكل متجاهل العقوبه الشرعيه بهالموضوع ههههههههههه حتى بومحمد !!


اخوي مانسينا ، وقلت حتى لو مقصره معاه مب عذر انه يخون ، وين خوفه من الله !

وهذا دين طال العمر والا قصر

[بومحمد المطاوعه]

والله غريبه اشوف الكل متجاهل العقوبه الشرعيه بهالموضوع ههههههههههه حتى بومحمد !!

محد تجاهل يالحبيب

ولاتدخل فالشخصنه الله يجزاك خير

انا تكلمت عن الواقع الي يصير

اذا بتدخل فالدين معروف ان حرام
ولها عقوبه قويه بعد

ولكن تكلمت بغرض ان الزوجه واحساسها في هذا الأمر

تحياتي

[طبيب قطري]

يخونها ولا يجيب وحده على رآسها بالحلال


هذا سؤال ولا اضافه ؟
في زوجات يعتبرون ان اذا جاب واحده على راسها بالحلال خيانه ايضا!!

[QATAR 77]

هذا سؤال ولا اضافه ؟
في زوجات يعتبرون ان اذا جاب واحده على راسها بالحلال خيانه ايضا!!

تعتبر خيانة اكبر في نظرهم

[ريم الشمال]

الزوجة ينبغي أن ترفض مبدأ أن يزني زوجها
وإذا ثبت لها بدليل القاطع أنه يزني تفارقه لأنه خبث ووجوده في حياتها سبيل أن الأمراض سواء الصحية أو النفسية ( لأنها دائما سوف تسئل نفسها ما سبب زنا زوجها وقد تدخل في خانة فقدان الثقة في نفسها وغيرها )

الزنا للمحصن = القتل
لماذا ؟؟؟
هذا الأمر هو الذي ينبغي أن يناقش لماذا الإسلام حكم عليه بذلك إذا ثبت عليه الزنا؟

[ريم الشمال]

يخونها ولا يجيب وحده على رآسها بالحلال


لا والله المرأة التي تتميز بالحكمة هي من ترضى أن يتزوج بالحلال ولا يزني ويدخل بيته ونسله ( الذي نسلها ) في دائرة العقوبة الآلهية

[امـ حمد]

تتجاهل الزوجه وتصبر على خيانة زوجها وهي تدري أنه يخونها ويجاهر بالمعصيه أمامها،لعل وعسي ربنا يهديه ويصلح حاله
عشان ماتخسر زوجها وعيالها،وحفاظاً على بيتها ،
نعم الزوجه لها الحق بالزعل والغيره على زوجها ولها كرامه ولها قلب يحزن ويعتصر ألماً بس ماتبي تخرب بيتها ،

[لاجل QT]

ماحكم الشرع في سكوت الزوجة في امر خيانة الزوج لها.؟؟؟

هل يعتبر السكوت اثم عظيم ترتكبة الزوجة...لقول الرسول علية افضل الصلاة والسلام الساكت عن الحق شيطان اخرس

كلنا نعلم ان الزاني المحصن يرجم..معنى ذلك ان الزوجة يجب ان تفترق عن الزوج الخائن

والله اعلم

[JN000N]

للي يقول ان الزوجه هي سبب خيانة الزوج لها
ممكن بس تقنعوني انتو شلون اقتنعتو بهالنقطه؟ يعني حاف مرته عويه يروح يدور بالحرام مثلا مره عدله؟
لا خوش مجتمع ينصر خيانة الرجل :)
والا الزوج يعني ناطر عذر ف مرته عشان يطلع فيها بلا ويروح يخون عيل شوله الشرع محلل 4؟ مايبي يطلقها ياخذ على راسها مره تسد عيوب الزوجه الاولى مب يروح يدور ف الحرام عشان مرته فيها بلا
فكرو شوي مب بس خذوه فغلوه

[ameeer3]

قبل ليفكر ان يخون زوجته المفرووووض انه يعرف انه وراح حساب وعقاب - وكما تدين تدان- والله يرحمنا برحمته ويصلح حال امة محمد صلى الله عليه وسلم

[بشائر]

خيانة الزوج لزوجته ,,, سببه هي
للموضوع ابعاااد كثيره ...

لذلك ليش اتعاتبه ؟؟؟ واي كرامه بين الزوج وزوجته ؟؟؟

اذا تبغيه يتغير ,,,, فلتبدأ بنفسها ,,, ولتعلن مسئوليتهاا ,,, واتشوف الفرق ,,,

( ان الله لايغير مابقوم حتى يغيروا ما بأنفسهم ) هاي الايه عميييييقة جدا ,, وياليييت الكل يفهم أبعادها .

اختي هيلوكاتي .. رأيك جميل واتفق معاج وبقوة لكن في غير موضوع الخيانة ..
لأني اشوفه صعب بصراحة ..
طيب ليش دائما نرمي اللوم على زوجة الخائن ؟َ
يعني لو ماجات زوجته على كيفه يرمي بنفسه للتهلكة؟َ!!
تدرين ذكرني ردج بوحدة من الزميلات اشتكت لي من زوجها على حسب كلامها عينه طويلة
وله علاقات ويسافر وهي مسكينة حسب مانشوفها مقطعة نفسها في البيت والعيال وتدريسهم
وموظفة ومحترمة ومصلية .. لكن هو الفاشل
طيب لو عكسنا الآية وكان الزوج هو اللي مب على هواها هل هذا مبرر لخيانتها له؟

في رأيي الردي ردي ولا له عذر

أما ردي على سؤالك اخوي بومحمد ..
الواقع يقول الزوجة ماتسكت أبدا إإذا خانها زوجها .. وترفضه رفضا باتا .. وش حادها ؟!
ماتدري خيانته وصلت لأي مدى.. والواحد هالوقت يدور لعمره السلامة من كثرة الأمراض ..
وصعب عليها تسامحه أو تنسى وذي طبيعة المرأة حتى وإن تظاهرت يبقى شيء في النفس .. كسر يصعب أن ينجبر ..إلا إن كانت أصلا ماتحبه بس ممشية معاه حياتها لأسباب معينة ..
أو قد تكون يتيمة ليس لها من يسندها فتتجرع الألم برضا وتسكت ..
وقد تكون أسرتها فقيرة لاتستوعبها وأبناءها إن كان لها أبناء فتسكت .. وقس على ذلك ..

لكن سواه عليك ( الحذر) من سكوتها .. إذا رأيت نيوب الليث بارزة ... فلا تظن أن الليث يبتسم :strong3:

[رهج السنابك]

في هالوقت كل الرياييل خونه بدرجات مختلفه : )

[ameeer3]

في هالوقت كل الرياييل خونه بدرجات مختلفه : )

بتتحاسبين على ها الكلمه يوم القيامه - لانج جمعتي كل الرجاجيل وظلمتيهم

[captin]

كل شيء يهون عند الزوجة ولا ان زوجها يتزوج عليها بالحلال

[رهج السنابك]

بتتحاسبين على ها الكلمه يوم القيامه - لانج جمعتي كل الرجاجيل وظلمتيهم

نعم خونه بدرجات مختلفه الا القليل جدا جدا جدا

وتعريفي للخيانه يختلف عن تعريف غيري : )

[دايموند]

ضعف وبقوه بعد ....

[ameeer3]

نعم خونه بدرجات مختلفه الا القليل جدا جدا جدا

وتعريفي للخيانه يختلف عن تعريف غيري : )
انزين ممكن تعرفين لي معنى الخيانه لو سمحتي ؟ بس ارجوا ان معناها او تفسيرها يكون في محور الموضوع المطروح للنقاش

[رهج السنابك]

تعريفي انا للخيانه

اي رجل متزوج يقيم علاقه عابره او مستمره مع بنت/بنات
سواء علاقه عابره في الانترنت
ضايفها على بي بي
ضايفها واتس اب
زميله عمل ويكلمها باي شي خارج العمل
وحده من غير محارمه سواء بنت خالته ولا عمه وبينهم تواصل
يدخل الشات
يستعمل برامج التواصل الاجتماعي في محادثة البنات
يفكر بوحده غير زوجته

كل هاي اعتبرها خيانه

ممكن تقولي كم شخص ماينطبق عليه اعلاه؟



ولاحظ اخر جمله حتى لصاحب الموضوع كاتب التائب الى الله

[رهج السنابك]

بالمختصر الخيانه ليست مقتصره على المفهوم القاصر وهي " الزنا"

[ameeer3]

تعريفي انا للخيانه

اي رجل متزوج يقيم علاقه عابره او مستمره مع بنت/بنات
سواء علاقه عابره في الانترنت
ضايفها على بي بي
ضايفها واتس اب
زميله عمل ويكلمها باي شي خارج العمل
وحده من غير محارمه سواء بنت خالته ولا عمه وبينهم تواصل
يدخل الشات
يستعمل برامج التواصل الاجتماعي في محادثة البنات
يفكر بوحده غير زوجته

كل هاي اعتبرها خيانه

ممكن تقولي كم شخص ماينطبق عليه اعلاه؟



ولاحظ اخر جمله حتى لصاحب الموضوع كاتب التائب الى الله

جواب واااافي وواضح حول محور موضوعنا ، انزين ممكن تقولين لي بناءً على ايش او شنو هو المعيار الي قستي عليه لتحكمين ان كل الرجاجيل خونه حسب تعريفج للخيانه ( بالمختصر هل انتي سويتي بحث على قطر كلها وشاركوا معاج كل الحريم في البحث)

[ameeer3]

بالمختصر الخيانه ليست مقتصره على المفهوم القاصر وهي " الزنا"
محد كان تفكيره قاصر

[<اضرب واشرد>]

اذا بتدخل فالدين معروف ان حرام
ولها عقوبه قويه بعد


كذلك من الدين أن الزوجة تفارقه إن تيقنت أنه يزني

((فإن تيقنت من أن زوجك يزني -وهو أمر صعب- فقد أحسنت صنعاً في هجره وذهابك إلى أهلك، وعليك أن تنصحيه وتخوفيه من الله تعالى وعقابه العاجل والآجل، فإن قبل النصح وتاب إلى الله تعالى وأقلع عن ذنبه رجعت إليه، وإلا فلا يجوز لك مقارنة هذا الزاني والبقاء معه، للآية المذكورة، ولقوله سبحانه: (الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ) [النور:26] . ولقوله تعالى: (الزَّانِي لا يَنْكِحُ إِلَّا زَانِيَةً أَوْ مُشْرِكَةً وَالزَّانِيَةُ لا يَنْكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ) [النور:3] .
والله أعلم))

http://fatwa.islamweb.net/fatwa/index.php?page=showfatwa&Option=FatwaId&Id=16706

((أنا امرأة متزوجة وأم لبنتينِ عشت مع زوجي لسنوات في بلد أوروبي ثم رجعت إلى بلدي وتركت زوجي يعمل هناك لأني حريصة على تربية بناتي في بلدهم الإسلامي، ولكني اكتشفت دون أن يفطن بي أنه على علاقة سرية بامرأة أخرى ولا أدري إن كانت هذه العلاقة شرعية أو غير شرعية، ولكن على الأرجح غير شرعية
فضلت الصمت حتى لا تفقد ابنتي والدهن رغم المسافة فهو لا يزورنا إلا مرة في السنة، فأفيدوني كيف أتصرف أطلب الطلاق وتتشرد ابنتي أم أصبر أمام هذه الخيانة كل

الجواب: الحمد لله والصلاة والسلام على رسول الله وعلى آله وصحبه، أما بعـد:

فإذا تيقنت أن لزوجك علاقات غير شرعية فإنه يجب عليك أن تنصحيه وتخوفيه من الله تعالى وعقابه الآجل والعاجل، وينبغي أن تذكري له أنك لا تمانعين في زواجه بثانية تكون معه حيث يعمل لتعفه عن الحرام، لعدم وجودك معه وحاجتك لتربية بناتك في محيط إسلامي عفيف، وحاجته هو إلى من يعفه عن الحرام، فذلك خير لكما من الطلاق وهو ما ننصحك به، وعليك أن تتثبتي أولاً من عدم مشروعية علاقته بمن ذكرت ولو بسؤاله هو.

ولا يجوز لك أن تسأليه الطلاق ما لم تتيقني وقوعه في المعصية وإصراره عليها، لقوله صلى الله عليه وسلم: أيما امرأة سألت زوجها الطلاق من غير ما بأس فحرام عليها رائحة الجنة. حديث صحيح أخرجه أحمد وابن ماجه والدارمي، والصبر عليه مع الموعظة والنصيحة له أولى ولو ثبت يقيناً وقوعه في ذلك.))

http://fatwa.islamweb.net/fatwa/index.php?page=showfatwa&Option=FatwaId&Id=96855

[نفسي عزيزه]

انا اعرف العكس الزوجات يخنون ازواجهم

والله يهدي الطرفيين

[JN000N]

انا اعرف العكس الزوجات يخنون ازواجهم

والله يهدي الطرفيين
زين يوم الخيانه من الريال قالو خل المره تراجع نفسها
زين لو المره خانت ريلها بيقولون نفس الجمله؟ الصبر وخل يراجع نفسه؟

[أخت الكل]

اذا مو مقصره بشي فتقبضه الباب لكن بدون فضايح لانه مو كفو بيت واسرة

[نفسي عزيزه]

زين يوم الخيانه من الريال قالو خل المره تراجع نفسها
زين لو المره خانت ريلها بيقولون نفس الجمله؟ الصبر وخل يراجع نفسه؟

والله ياجنون انا اعتبر هالامور بلاء فأدعي بالهدايه للطرفين لان فعلا شي مؤلم الخيانه والله حتى ماكنت بعلق بالموضوع
الناس تتكلم الا هذي خيانه الا ذاك خاين سهل عندهم الكلام مايدرون بنوع الالم

[MirusS]

زين يوم الخيانه من الريال قالو خل المره تراجع نفسها
زين لو المره خانت ريلها بيقولون نفس الجمله؟ الصبر وخل يراجع نفسه؟

أكيد مابيقولون نفس الجمله .. سمحيلي يعني , خيانة الريال اهوون بوااايد من خيانة المره للريال ، مافي مقارنه اصلا

صح انه فالنهاية الخيانة وحده .. بس اذا خيانة الريال مصيبه ف خيانة المره كااارثة انا اجوف

المهم بالنسبة للموضوع

انا اجوف ان المره الي تعرف ان زوجها يخونها وساكته اعتبرها اغبى مخلوق



ا

[JN000N]

والله ياجنون انا اعتبر هالامور بلاء فأدعي بالهدايه للطرفين لان فعلا شي مؤلم الخيانه والله حتى ماكنت بعلق بالموضوع
الناس تتكلم الا هذي خيانه الا ذاك خاين سهل عندهم الكلام مايدرون بنوع الالم
عارفه وفاهمه
المقصد ان الخيانه من الطرفين نتايجها وحده ومصيبتها وحده

أكيد مابيقولون نفس الجمله .. سمحيلي يعني , خيانة الريال اهوون بوااايد من خيانة المره للريال ، مافي مقارنه اصلا

صح انه فالنهاية الخيانة وحده .. بس اذا خيانة الريال مصيبه ف خيانة المره كااارثة انا اجوف

المهم بالنسبة للموضوع

انا اجوف ان المره الي تعرف ان زوجها يخونها وساكته اعتبرها اغبى مخلوق



ا

نعم؟ يعني ينغفر للريال ماينغفر للمره
مع ان المره هي الي ع قولتكم ناقصه عقل ودين وهي الي مشاعرها تتحكم فيها ف يفترض ان ماعليها شرهه! يعني بنقول معليه سامحوها؟ ليش تقول كارثه
بس الريال الولي العاقل الي مب ناقص لا عقل ولا دين ووصي عالبيت وعياله ع شنو يخون؟ قص عليه الشيطان مسكين :|
الخيانه من الطرفين تتحمل نفس النتايج والعواقب
في شرع الله ماقالو الرجل اخف والمره اكثر :)

[لامار]

‘

الـخيانة بكل حـالاتها قـاسية مـوجـعة وأحـياناً قـاتـلة . .
تـهـز النـفـس بـ عـنـف . .
بـل تـسـحـق أزهـار الـمشـاعـر وتـبـعـثرهـا للـريـح . .
عـند الخيانـة . .كل شـيء يـنهار في لـحـظة . .
ولا أظـن بـ أن الـزوجـة الـمحـبة . .الـمـخـلـصة سـتـغفر لـه . .
بـل سـتضـع حـداً لـ عـذابـها وتـحـفـظ كـرامـتـها. .!

أمـا بأ الـنسـبة لإسـتـمـرار الـزوج في الـخيانة رغـم معرفة الـزوجـة . .!!
فـ هـذا أمـر عـظـيـم . .!
لأنه يـدوس على كـرامتها وجراحها بـكل قـسوة . .ودون إحـساس . .!

فـ هـذا لا يـسـتـحق أن تُبـقي عليه . . وفراقـه حـياةٌ لـها . . والبقـاء معه مـوت . .!

الـغـريـب في مـجتمعنا . .
أنـه يغفر للرجـل رغـم خـياناته الـمتكرره . .ويـذل الـمرأة لو اقترفـت تلك الـخـيـانة . .!

الـخيـانة واحــده . .
ومـرارتـها واحــده إن كـانت للـرجل أو الـمرأة . .
لـ هـذا . .يـجب أن يـكون الـعـقاب واحـد . .
والـصــفـح واحــــــد . .

شـكـراً لـ هـذا الـطــرح . .

‘

[MirusS]

عارفه وفاهمه
المقصد ان الخيانه من الطرفين نتايجها وحده ومصيبتها وحده


نعم؟ يعني ينغفر للريال ماينغفر للمره
مع ان المره هي الي ع قولتكم ناقصه عقل ودين وهي الي مشاعرها تتحكم فيها ف يفترض ان ماعليها شرهه! يعني بنقول معليه سامحوها؟ ليش تقول كارثه
بس الريال الولي العاقل الي مب ناقص لا عقل ولا دين ووصي عالبيت وعياله ع شنو يخون؟ قص عليه الشيطان مسكين :|
الخيانه من الطرفين تتحمل نفس النتايج والعواقب
في شرع الله ماقالو الرجل اخف والمره اكثر :)

أول شي نتايج الخيانة مب وحده مثل ماقلتي للاخ نفسي عزيزة

خيانة المره نتايجها اكبر وأشد ، خيانت الريال يقدر يتحمل اغلاطها واضرارها بنفسه وتشوه سمعته هو بروحه مثل مايقولون شايل عيبه

اما خيانت المره تشوه سمعة الاسره وتدمرها ، والمره هي اساس الاسره هي الي تربي وتحمل و .. الخ ،

وبالنسبه ان الريال عاقل ومادري شنو ترا كل بني ادم يغلط وثاني شي ليش الله حلله اربع ؟ لأنه ممكن يطيح فالحرام لو كانت وحده

أما المره مالها الا ريل واحد بدال ماتحافظ عليه وعلى عيالها تروح تخون ليييش ؟ اهني السؤال ..

انا ماقول نغفر للريال ذنبوبه وخياناته ولا ابريه لكن انا الي ابي اوصلج اياه اختي جنون انه صح هاي خيانه وذيج خيانه لكن مب نفس الاضرار والنتايج

مع انه الدين مافرق بينهم ولهم نفس العقاب لكن اضرار خيانة المراة اكبررر بوااايد ولا مجال للمقارنه

سووري بو محمد خلينا الموضوع مقارنه التمس منك العذر

[شموخ دائم]

,

,

مرحبا

عذرا للمداخله ولكن للتوضيح

(الساكتُ عن الحقِّ شيطان أخرس)

هذا ليس كلام الرسوم صلى الله عليه وسلم ولا كلام الصحابه ولا التابعين ولم يرد عنهم

هذه مقوله منسوبه الى احد ( الصوفيه )

للتوضيح فقط

,

,


اخوك


شموخ دائم

[JN000N]

أول شي نتايج الخيانة مب وحده مثل ماقلتي للاخ نفسي عزيزة

خيانة المره نتايجها اكبر وأشد ، خيانت الريال يقدر يتحمل اغلاطها واضرارها بنفسه وتشوه سمعته هو بروحه مثل مايقولون شايل عيبه

اما خيانت المره تشوه سمعة الاسره وتدمرها ، والمره هي اساس الاسره هي الي تربي وتحمل و .. الخ ،

وبالنسبه ان الريال عاقل ومادري شنو ترا كل بني ادم يغلط وثاني شي ليش الله حلله اربع ؟ لأنه ممكن يطيح فالحرام لو كانت وحده

أما المره مالها الا ريل واحد بدال ماتحافظ عليه وعلى عيالها تروح تخون ليييش ؟ اهني السؤال ..

انا ماقول نغفر للريال ذنبوبه وخياناته ولا ابريه لكن انا الي ابي اوصلج اياه اختي جنون انه صح هاي خيانه وذيج خيانه لكن مب نفس الاضرار والنتايج

مع انه الدين مافرق بينهم ولهم نفس العقاب لكن اضرار خيانة المراة اكبررر بوااايد ولا مجال للمقارنه

سووري بو محمد خلينا الموضوع مقارنه التمس منك العذر

انت تناقض نفسك وايد !
ردك بروحه متناقض
شنو الريال شايل عيبه عسى ماشر في اي عصر عايش
لا سلامتك الريال مايشيل عيبه حاله حال البنت اثنينهم مسودين الويه
ودام الريال الله محلل له 4 يروح يتنقز لنا عند الحرام شله؟ قول المره مالها الا ريل واحد الريال عنده اربع شله يروح ف الحرام
اضرار خيانة المراه بالضبط نفس اضرار خيانة الرجل ومافي فرق
مابي ادخل بتفاصيل واقولك هذي يمكن يصير معاها حذي وهو يمكن يصير معاه جذي
مال امه داعي التفاصيل اذا العنوان واحد
حرام في حرام للطرفين ومافي شي هذا اهون من الثاني
ما ودا لمجتمع ف داهيه وخلا الشباب يزيدون والبنات يناحسونهم الا سالفة الريال شايل عيبه ف جيبه
بصراحة مادري شلون تفكرون تهونون شي ع طرف وتهولونه عالطرف الثاني

[MirusS]

انت تناقض نفسك وايد !
ردك بروحه متناقض
شنو الريال شايل عيبه عسى ماشر في اي عصر عايش
لا سلامتك الريال مايشيل عيبه حاله حال البنت اثنينهم مسودين الويه
ودام الريال الله محلل له 4 يروح يتنقز لنا عند الحرام شله؟ قول المره مالها الا ريل واحد الريال عنده اربع شله يروح ف الحرام
اضرار خيانة المراه بالضبط نفس اضرار خيانة الرجل ومافي فرق
مابي ادخل بتفاصيل واقولك هذي يمكن يصير معاها حذي وهو يمكن يصير معاه جذي
مال امه داعي التفاصيل اذا العنوان واحد
حرام في حرام للطرفين ومافي شي هذا اهون من الثاني
ما ودا لمجتمع ف داهيه وخلا الشباب يزيدون والبنات يناحسونهم الا سالفة الريال شايل عيبه ف جيبه
بصراحة مادري شلون تفكرون تهونون شي ع طرف وتهولونه عالطرف الثاني

سلامتج يبه محد ناقض نفسه .. اذا انتي مب قادره تفهمين قصدي مالي خص انا

وانا قلتلج الله حلله 4 مب وحده ولا ثنتين ، كم حلله ؟ اربببعه ! ليش الله قال اربعه طالعمرج ؟ عشان يحصن نفسه ولأنه معرض للحرام والزنا اكثر من المره

انا مابي اعيد كلامي مره ثانيه ومابي ادش فتفاصيل .. ترا فيه مليون الف نوع من الخيانه ومستحيل انه كل الخيانات متساويه لمجرد انها مشتركه فالاسم

ولو فكرتي 3 دقايق عن سلبيات واضرار نتايج الخيانتين بتجوفين الفرق .. المره لو خانت بتكون عار على اهلها وزوجها وعيالها وفذاك الوقت الكل بيتبرى منهاا مب بس الزوج

ياابنت الناس اصلا الريال بكبره مختلف عن المره اشلووون بتكون خيانته متساويه مع المره ؟؟ !

خيانه عن خيانه تفرق .. ومثل ماقلتلج خيانه المره اقوى من خيانه الريال بالف مره وهاي مب بس رايي انا رايي المجتمع وراي اغلب الناس مابقول كل الناس

لانج انتي نظرتج مختلفه عن المجتمع مشالله عليج ..

[رهج السنابك]

جنون هو يقصد من ناحية المجتمع وليس الشرع
فعلا المجتمع لا يرحم المرأة مجتمعنا ذكوري تربى على ان الرجل افضل من المرأه
تربى على ان للمرأة عذرية والرجل ليس له عذرية
تربى على ان المرأة ياويلها ان طالعت يمين ويسار بينما حلالا مباحا للرجل البصبصه
نعم مجتمعنا وموروثاتنا تضع الرجل في خانه ياحليله معذور يغلط مسكين ويتوب وينستر
لكن البنت هي ملكة الاغواء والشر وان غلطت مالها الا قص الرقبة

هذا هو مجتمعنا الشرقي ويبي له سنين على ما تتغير المفاهيم

[فاهم وساكت]

جنون هو يقصد من ناحية المجتمع وليس الشرع
فعلا المجتمع لا يرحم المرأة مجتمعنا ذكوري تربى على ان الرجل افضل من المرأه
تربى على ان للمرأة عذرية والرجل ليس له عذرية
تربى على ان المرأة ياويلها ان طالعت يمين ويسار بينما حلالا مباحا للرجل البصبصه
نعم مجتمعنا وموروثاتنا تضع الرجل في خانه ياحليله معذور يغلط مسكين ويتوب وينستر
لكن البنت هي ملكة الاغواء والشر وان غلطت مالها الا قص الرقبة

هذا هو مجتمعنا الشرقي ويبي له سنين على ما تتغير المفاهيم


+1

اتفق معاج100%

[JN000N]

جنون هو يقصد من ناحية المجتمع وليس الشرع
فعلا المجتمع لا يرحم المرأة مجتمعنا ذكوري تربى على ان الرجل افضل من المرأه
تربى على ان للمرأة عذرية والرجل ليس له عذرية
تربى على ان المرأة ياويلها ان طالعت يمين ويسار بينما حلالا مباحا للرجل البصبصه
نعم مجتمعنا وموروثاتنا تضع الرجل في خانه ياحليله معذور يغلط مسكين ويتوب وينستر
لكن البنت هي ملكة الاغواء والشر وان غلطت مالها الا قص الرقبة

هذا هو مجتمعنا الشرقي ويبي له سنين على ما تتغير المفاهيم

عشان جي الي ابي اوصله له ان المجتمع تفكيره تعبان ومازال تعبان
اذا الدين حط قصاص واحد وحكم واحد على الجنسين
شلون احنا نغفر لجنس دون الاخر؟
هاي كل مقصدي ان احنا وصلنا لمرحلة وعينا اكثر ولازم مثل مااستكبرناه عالبنت نستكبره عالولد ومانخفف منه ونقول ريال شايل عيبه
المجتمع لازم يمشي على الشرع لان هاي الخلل في المجتمع خلى الرجال يتساهلون ف هالامور من ناحية شايل عيبه ناسي ان الدين محرمة وعليه حكم كبير وما اقول ان الي فات لازم يتغير انا اتكلم من الحين ورايح هالتفكير لازم يتغير

[JN000N]

سلامتج يبه محد ناقض نفسه .. اذا انتي مب قادره تفهمين قصدي مالي خص انا

وانا قلتلج الله حلله 4 مب وحده ولا ثنتين ، كم حلله ؟ اربببعه ! ليش الله قال اربعه طالعمرج ؟ عشان يحصن نفسه ولأنه معرض للحرام والزنا اكثر من المره

انا مابي اعيد كلامي مره ثانيه ومابي ادش فتفاصيل .. ترا فيه مليون الف نوع من الخيانه ومستحيل انه كل الخيانات متساويه لمجرد انها مشتركه فالاسم

ولو فكرتي 3 دقايق عن سلبيات واضرار نتايج الخيانتين بتجوفين الفرق .. المره لو خانت بتكون عار على اهلها وزوجها وعيالها وفذاك الوقت الكل بيتبرى منهاا مب بس الزوج

ياابنت الناس اصلا الريال بكبره مختلف عن المره اشلووون بتكون خيانته متساويه مع المره ؟؟ !

خيانه عن خيانه تفرق .. ومثل ماقلتلج خيانه المره اقوى من خيانه الريال بالف مره وهاي مب بس رايي انا رايي المجتمع وراي اغلب الناس مابقول كل الناس

لانج انتي نظرتج مختلفه عن المجتمع مشالله عليج ..

لانك انت تفكر فالمجتمع الي احنا خالصين من تفكيرهم من زمان
فاهمين ان ف نظرة المجتمع البنت تندفن لو سوتها والريال ينسكت عنه
هاي كله انا اعرفه وفاهمته
لكن انا اتكلم من ناحية الشرع والدين وحاليا العقل
يعني اقول للرجل الخاين الله حلل لك 4 لان وحده احتمال ماتكفيك لكن بالحلال مب بالحرام ف ليش تطامر بين الحرام؟ روح تزوج مثنى وثلاث ورباع روح خذ لك مسيار روح خذ بالحلال وحصن نفسك فالنهايه انت يالخاين لو سويت شي بالحرام (لو المجتمع سكت عنك وقال عيبه فجيبه) بتندفن وحسابك عسير
هذا كل قصدي
اتمنى انك فهمتني

[راجي الْعفو]

بارك الله في الجميع .. الخيانة مرفوضة من الطرفين .. صغيرة كانت هذه الخيانة او كبيره ، كما تفضلت به الاخت الأرستقراطية ، وخاصة مع تطور وسائل الاتصال ..

- وأرى أن من أعظم الخيانة و تفريط الأمانة : الاختلاط - ..هذا أمر واضح ..


ولكن تعقيب سريع اقول : الحمد لله محد سنع النساء و حشمهم و حفظ لهم كرامتهم الا المجتمع الشرقي اللي يدندن عليه البعض .. ولا شفنا الحريم في الشوارع كما هو حال الغرب ، يتلقطهم كل شارد و وارد !

الرجل أفضل من المرأة ؟ نعم هو في العموم أفضل من المرأة في شرع الله ، أما عند الغرب و المتأثرين به فهم متساوين

الرجل يمنع المرأة من التلفت يمنة و يسرى و يراها ملكة في الإغواء و نحو ذلك ؟

نعم يحق للرجل فعل ذلك بشكل معقول دون مبالغه ، لان المرأة في شرع الله فتنتها أضر على الرجال من كل فتنه ، والرجل سيسأل عن نسائه هل منع اسباب الفتنة عنهن ام لا ؟ ثم المرأة جانب الحياء فيها أكثر من الرجال ، فالتي تتلفت يمنة و يسرى ، ينقص ذلك الفعل من حيائها بقدرتلفتها ، وكما هو معلوم ان الحياء من الايمان

ولا يفهم من كلامي هذا تبريرا للرجل ، بل هو ملام أيضاً على ما يصدر منه ، ويجب ان يوضع حدا لمن يتجرأ منهم ..

فالمفاهيم لا تغير لانها من ارقى المفاهيم ، ولكن نقول : تعدل و توضع في موضعها المناسب وفي المسار الصحيح


مع التحية ..

[kuwari]

الحرمه مجاهده بهذي الزمن تعرف خيانه زوجها وتسكت علشان ما تخرب بيتها مع ان الزوج اللي يخرب والعكس صحيح

[ameeer3]

الشرع حللك يا ايها الرجل اربع زوجات ، فلماذا تذهب او تفكر بالحرام ، واذا زوجتك الساااابقه ترفض ان تتزوج عليها واطلبت منك الطلاق اذا تزوجت عليها ، فخلك مع المثل الي يقول (الباااااااااب يوووووووسع جمل ) يعني طلقها ولا تلجئ الى الحرام ، لان الاهم عندك هو رضاء الله سبحانه وهو الابتعاد عن الحرااام والخيانه

[نفسي عزيزه]

شوفو الاخبار في العربيه والجزيره افضل من الخيانه

شكلي بانطرد فمان الله :telephone:

[بريق الحق]

ايوووووه

سوال ياجماعه الي يقلون الرجال عيبه فيه وفي مخباه ومادري وشو ونظرة المجتمع والكلام العلماني والخرابيط
هل نحن المسلمين السنه ( اما غير السنه شوف لكم منتدى ثاني ) يحكمنا شرع الله ام كلام المجتمع ؟
استغفرالله العظيم تقارنون كلام المجتمع ورب العالمين مافرق بين حكم الزاني والزانيه
الي يسمع كلام المجتمع ويقدمه على حكم الله ويقعد يقول الرجال عيبه فيه والبنت مادري وشو هذا كلام انسان تافهه مع احترامي

عجيب الرجال يزني ويشبع عادي لانه عيبه فيه اما البنت لا ياسلام عليكم ياناس
رب العالمين كلف المراة والرجل بنفس التكاليف ونفس الحكم وانتو لا الرجال عيبه في نفسه
البعض يبيله غسيل مخ
الله يصلح حالكم بس

[بريق الحق]

احنا كامسلمين نتهتم بالشرع مب بكلام المجتمع التافه

[بريق الحق]

حبيت اذكر الي عنده اقتباس على ردي
اذا كان مقياسه كلام الشرع فحياه الله
واذا كان كلام المجتمع فانا ادوس على كلام المجتمع

[MirusS]

لانك انت تفكر فالمجتمع الي احنا خالصين من تفكيرهم من زمان
فاهمين ان ف نظرة المجتمع البنت تندفن لو سوتها والريال ينسكت عنه
هاي كله انا اعرفه وفاهمته
لكن انا اتكلم من ناحية الشرع والدين وحاليا العقل
يعني اقول للرجل الخاين الله حلل لك 4 لان وحده احتمال ماتكفيك لكن بالحلال مب بالحرام ف ليش تطامر بين الحرام؟ روح تزوج مثنى وثلاث ورباع روح خذ لك مسيار روح خذ بالحلال وحصن نفسك فالنهايه انت يالخاين لو سويت شي بالحرام (لو المجتمع سكت عنك وقال عيبه فجيبه) بتندفن وحسابك عسير
هذا كل قصدي
اتمنى انك فهمتني

هالكلام مال أووول .. المره تندفن وتنقص ارقبتها على قولت ارستقراطيه مجتمع ماقبل الاسلام وقبل الجاهليه يمكن بعد

الحين المره فهالزمن ماخذه حقوقها وحريتها بزياده بعد .. بس انا اتكلم عن زمننا الحين مايبت سيره قبل الاسلام والفراعنه مادري الاغريق ..

خلونا من نظرة المجتمع ..

انا قضيتي الحين ان خيانة المراة اضرارها ونتايجها سلبيه اكثر من الرجل وبمرااحل هاي الي اقصدده والي اتكلم عنه

وكلامي صح وانا مقتنع فيه وماقلت ان الريال ذنبه اقل من الناحيه الدينيه أنا اتكلم عن الاضراااااار والسلبيات الي بتصير فالاسره بعد خيانتهاااا

[بريق الحق]

هالكلام مال أووول .. المره تندفن وتنقص ارقبتها على قولت ارستقراطيه مجتمع ماقبل الاسلام وقبل الجاهليه يمكن بعد

الحين المره فهالزمن ماخذه حقوقها وحريتها بزياده بعد .. بس انا اتكلم عن زمننا الحين مايبت سيره قبل الاسلام والفراعنه مادري الاغريق ..

خلونا من نظرة المجتمع ..

انا قضيتي الحين ان خيانة المراة اضرارها ونتايجها سلبيه اكثر من الرجل وبمرااحل هاي الي اقصدده والي اتكلم عنه

وكلامي صح وانا مقتنع فيه وماقلت ان الريال ذنبه اقل من الناحيه الدينيه أنا اتكلم عن الاضراااااار والسلبيات الي بتصير فالاسره بعد خيانتهاااا

الدين هو الاساس وهو ادرى فالمصلحه والاضرار فاذا كان ضرر المراة فكان حكمها اش واغلظ
اما الحكم نفسه للرجل والمراة

[MirusS]

ايوووووه

سوال ياجماعه الي يقلون الرجال عيبه فيه وفي مخباه ومادري وشو ونظرة المجتمع والكلام العلماني والخرابيط
هل نحن المسلمين السنه ( اما غير السنه شوف لكم منتدى ثاني ) يحكمنا شرع الله ام كلام المجتمع ؟
استغفرالله العظيم تقارنون كلام المجتمع ورب العالمين مافرق بين حكم الزاني والزانيه
الي يسمع كلام المجتمع ويقدمه على حكم الله ويقعد يقول الرجال عيبه فيه والبنت مادري وشو هذا كلام انسان تافهه مع احترامي

عجيب الرجال يزني ويشبع عادي لانه عيبه فيه اما البنت لا ياسلام عليكم ياناس
رب العالمين كلف المراة والرجل بنفس التكاليف ونفس الحكم وانتو لا الرجال عيبه في نفسه
البعض يبيله غسيل مخ
الله يصلح حالكم بس


سلاامت قلبك أخوي محد قارن كلام الدين بكلام المجتمع

أنا تكلمت عن الاضرار الي بتصير بعد خيانه كل طرف للثاني ومنو اضراره اكبر .. ولما قلت شايل عيبه قصدي شايل سمعته يعني سواد الويه الي سواه وحسابه بينه وبين ربه اكيد ..

واقرا اول رد لي قلت ان الدين مافرق بين الريال والمره فالعقاب .. وثاني شي منو الي قدم كلام المجتمع عن الدين ؟ ؟ !

[بريق الحق]

سلاامت قلبك أخوي محد قارن كلام الدين بكلام المجتمع

أنا تكلمت عن الاضرار الي بتصير بعد خيانه كل طرف للثاني ومنو اضراره اكبر .. ولما قلت شايل عيبه قصدي شايل سمعته يعني سواد الويه الي سواه وحسابه بينه وبين ربه اكيد ..

واقرا اول رد لي قلت ان الدين مافرق بين الريال والمره فالعقاب .. وثاني شي منو الي قدم كلام المجتمع عن الدين ؟ ؟ !

الاثنين نفس الشي مافي رجال شايل عيبه ومحد بكلمه والمراة الكل بقوم عليها

كلهم فالحكم سوء وفالمفسده سوء و الاسم زاني وزانيه

[MirusS]

الاثنين نفس الشي مافي رجال شايل عيبه ومحد بكلمه والمراة الكل بقوم عليها

كلهم فالحكم سوء وفالمفسده سوء و الاسم زاني وزانيه

ياخوي افهمني انا مااتكلم عن الدين الله يبارك فيك .. الدين حدد العقوبة

واتفق وياك انه الدين الاساس الي لازم نمشي عليه ..

بس اختلف وياك من ناحية نفس الضرر لا اخوي مب نفس الضرر .. المره لازم تحافظ على شرفهاا وسمعتها اهي سمعة اهلها

[بريق الحق]

ياخوي افهمني انا مااتكلم عن الدين الله يبارك فيك .. الدين حدد العقوبة

واتفق وياك انه الدين الاساس الي لازم نمشي عليه ..

بس اختلف وياك من ناحية نفس الضرر لا اخوي مب نفس الضرر .. المره لازم تحافظ على شرفهاا وسمعتها اهي سمعة اهلها
كلهم نفس الضرر اذا كان ضرر المراة اكثر لكن حكمها الشرعي اشد واغلظ هي والرجل فالحكم سوء والرجال ماعنده شرف وسمعه ؟ عجيب الصراحه
يوم يقلون ولد فلان زاني عادي عندك ؟
ركز يالغالي

[MirusS]

كلهم نفس الضرر اذا كان ضرر المراة اكثر لكن حكمها الشرعي اشد واغلظ هي والرجل فالحكم سوء والرجال ماعنده شرف وسمعه ؟ عجيب الصراحه
يوم يقلون ولد فلان زاني عادي عندك ؟
ركز يالغالي

انزين ولو قالو فلان امه زانية او اخته او زوجته شنو أكثر تاثرااا ؟؟

اكيد الزانيه اكثر تاثراا وهالشي ملحوظ على ارض الواقع .. لأن الممراة هي الفرسيهه

+

انا اتاسف للجميع ول بومحمد المطاوعه خاصه لأن الموضوع اخترب بسبتي وصار عكس الموضوع المطرووح

هاي اخر رد لي فهالموضوع اتمنى انكم تصكروون السالفه وترجعون لموضوع تجاهل الزوجه ..

مشش تهرربااا من المناقشة بل احترامااا لكاتب الموضوع

[بريق الحق]

انزين ولو قالو فلان امه زانية او اخته او زوجته شنو أكثر تاثرااا ؟؟

اكيد الزانيه اكثر تاثراا وهالشي ملحوظ على ارض الواقع .. لأن الممراة هي الفرسيهه

+

انا اتاسف للجميع ول بومحمد المطاوعه خاصه لأن الموضوع اخترب بسبتي وصار عكس الموضوع المطرووح

هاي اخر رد لي فهالموضوع اتمنى انكم تصكروون السالفه وترجعون لموضوع تجاهل الزوجه ..

نفس شي مافي فرق بين الرجال والمراة
الي يشوف ان كلام المجتمع اكثر على المراة خلص يفصل له نظاره ويمشي على الشرع ولا يهتم في كلام المجتمع

[هيلو كيتي]

للعلم ,,,

اذا كل وحده طبقت كلامها يابنات , فاتوقع نسبة الطلاق بتكون كبيره ,,
أولا ,,

قاعده فقهيه ( الأصل في الأمور براءة الذمة)
قاعده فقهيه أخرى ( اليقين لايزول بالشك)

قوله تعالى ( ومايتبع اكثرهم الا ظنا ,, ان الظن لايغني من الحق شيئا)

مع الأسف كلها ظنون وشكوك وشبهات حول خيانة الزوج ,,, والادهي والاعظم من يتهمه بالزنا , لان الزنا يثبت بشهادة 4 رجال عدول , أو بالاقرار من الزاني نفسه , والشرع عقد امور اثبات الزنا ب4 شهود ورجال وثقات وعدول بالاضافه ان يكونوا رأوا الجريمه بنفس الوقت ورووها بنفس الأحداث,,, وحكم اتهامه بالزنا محرم مالم يكن فيه شهادة شهور او اقرار .

هذا بالنسبه للشرع...

بالنسبه للقانون ..

قانون الاجراءات الجزائيه نص على ( ان المتهم برئ حتى تثبت ادانته ) وطبعا اثباتها بالطرق الي ذكرتها سابقا ,,

وكذلك نص ( ان الشك يفسر لمصلحة المتهم ) وغيرها وغيرها,,,

طيب اذا الشرع والقانون منعنا حتى من مجرد الشك لان الاصل كله براءة ذمه ,,, ليش انعقد الامور ويا الزوج ونهدم حياه عائليه ايكون لها ثمرات من أطفال وغيره ,,,, وهل انتي يازوجه متأكده وتجزمين انه خانج أو أو أو ؟؟؟؟ وان تطلقتي بسبب الظنون والأوهام ,,, ماراح يسألج رب العباد عن ذلك يوم القيامه؟؟؟

بعدين ان ناقشنا الامور من ناحيه اخرى..

اولا القران الكريم قال..


( الطيبون للطيبات) ووو

( الخبيثون للخبيثات ) في سورة النور... فهمتوا ,,

انرد على الايه الي فيها اسرار عظيمه وكبيره ( ان الله لايغير مابقوم حتى يغيروا مابانفسهم ) هالايه تحمل مسئولية الفرد تجاه اي حدث هو موب عاجبنه ,,, يعني يوم قلت انا أن سبب خيانة الزوج لزوجته ,,,, هي ؟؟؟؟ الاغلبيه ماعجبهم الكلام ..

يعني ماعاجبكم كلام القران ولا القواعد الفقهيه ولا القانون ,,, والجدل كله ايدور فقط فوق السطح ,,, هل تعمقتم بالاسباب؟؟؟ ولا بس ناخذها على ظواهرها,,,,, أي خلل في حياتج ويا ريلج ,,, كوني شجاعه واعلني مسئوليتج عنه ,,,, الايه دلت ان نحن المسئولين عن واقعنا واذا اردنا استبداله فلنعلن مسئوليتنا عنه ونبدأ نحن نتغير حتي يتغير واقعنا ,,, الايه ذكرت ( حتى يغيروا مابانفسهم ) ماقالت حتى يتغيروا من هم حولهم ؟؟؟؟

ابحثي عن الخلل اولا ,,, شو علاقتج وياه؟؟ تعاملج؟؟؟ اهتمامج؟؟؟ كله اوكيه , تمام

تعمقي ...

هل عندج اي قناعات داخليه او برمجات سلبيه عن الزواج او الرجال بشكل عام ؟؟؟مثلا هل عندج برمجه او قناعه ان كل الرياييل خونه؟؟ او الريال من يتزوج يتغير ,, أو من مرتاح من الزواااج؟؟؟

ثالثا هل من معيقات داخليه عندج؟؟

رابعا:: شوفي علاقتج بوالدج ,, اغلب علاقاتنا مع الزوج مشابهه لعلاقتنا بالاصل مع الوالد ونظرتنا له ,

وبالنهايه كل شي بايدج انتي ,, وانتي حره .

[المهاجر]

لايخون الرجل الا بسبب احتياج يبحث عنه لم يجده بزوجته وبسبب غفله منه وقلة عقل

إعتقد انه سيجد هذا الإحتياج بخيانته لزوجته مع إمرأه أخرى بالحرام كونه لايمتلك الشجاعه الكافيه

ليتزوج من زوجه ثانيه ليشبع إحتياجه بالحلال وذلك بسبب ان زوجته لاتقبل بزواجه من اخرى

او بسبب خوفه من خوض تجربة زواج ثاني يكون مصيره الفشل او بسبب خداع إمرأه له بأنها

هي من ستعوضه ذلك الإحتياج فإنساق وراء كلامها المعسول ومكرها في التفنن بأنها ستعوضه

عن كل ما يحتاج اليه غير أنه في النهايه سيكون هو الخسران

كذلك حال الزوجه التي تخون زوجها فإما أن تكون تبحث عن احتياج ترغب في الحصول عليه

فتلجأ لإقامة علاقه مع شخص آخر غير زوجها لتشبع رغباتها بالحرام

بخصوص قبول الزوجه بخيانة زوجها رغم علمها بأنه يخونها فهذا قد يكون سببه خوفها

من القدوم على اي خطوه قد تخسر فيه بيتها او أنها لاتريد أن يتشمت فيها الناس ويقولون ما خانها

الا لأنها شينه وفيها اشياء شينه ووووو من هالكلام اللي ممكن ينقال عنها

او لأنها صابره وتحتسب الأجر عند الله وترجوا ان يعود لصوابه وعقله حفاظاً على الأبناء

وعدم هدم البيت وضياعهم

وممكن تشوف ان هي السبب في خيانته لها بسبب تقصيرها معه او اهمالها له في فتره من الفترات

نتج عن ذلك خيانته لها وحبت انها تصبر مع محاولتها من اصلاح ذلك الخطأ لتعيده اليها من جديد

الزوج اللي يخون زوجته بغرض الخيانه ويكرر خيانته مع وحده وثنتين وثلاث هذا لايستحق ان يكون

زوج من الاساس

قد يخطىء الزوج ويخون بسبب غفله مرت عليه بفتره من فترات حياته واستغلتها إمرأه ماكره خبيثه

اقتحمت عليه حياته واغرته بكلامها المعسول ومكرت له فتوهم انه سيجد عندها الحب والصدق والوفاء

ولكنه هذا الزوج المغفل سيكتشف انه كان مغفل في خيانته لزوجته وتصديقه لمن تخون نفسها معه

فمن يخون لا يستحق ان يمنح الثقه

الزوج اللي يبحث عن احتياج ينقصه عليه ان يتزوج بالحلال حتى لو زوجته الأولى كانت ترفض ذلك

وان طلبت الطلاق واصرت عليه فهي حره في ذلك

[حسن]

لايخون الرجل الا بسبب احتياج يبحث عنه لم يجده بزوجته وبسبب غفله منه وقلة عقل

إعتقد انه سيجد هذا الإحتياج بخيانته لزوجته مع إمرأه أخرى بالحرام كونه لايمتلك الشجاعه الكافيه

ليتزوج من زوجه ثانيه ليشبع إحتياجه بالحلال وذلك بسبب ان زوجته لاتقبل بزواجه من اخرى

او بسبب خوفه من خوض تجربة زواج ثاني يكون مصيره الفشل او بسبب خداع إمرأه له بأنها

هي من ستعوضه ذلك الإحتياج فإنساق وراء كلامها المعسول ومكرها في التفنن بأنها ستعوضه

عن كل ما يحتاج اليه غير أنه في النهايه سيكون هو الخسران

كذلك حال الزوجه التي تخون زوجها فإما أن تكون تبحث عن احتياج ترغب في الحصول عليه

فتلجأ لإقامة علاقه مع شخص آخر غير زوجها لتشبع رغباتها بالحرام

بخصوص قبول الزوجه بخيانة زوجها رغم علمها بأنه يخونها فهذا قد يكون سببه خوفها

من القدوم على اي خطوه قد تخسر فيه بيتها او أنها لاتريد أن يتشمت فيها الناس ويقولون ما خانها

الا لأنها شينه وفيها اشياء شينه ووووو من هالكلام اللي ممكن ينقال عنها

او لأنها صابره وتحتسب الأجر عند الله وترجوا ان يعود لصوابه وعقله حفاظاً على الأبناء

وعدم هدم البيت وضياعهم

وممكن تشوف ان هي السبب في خيانته لها بسبب تقصيرها معه او اهمالها له في فتره من الفترات

نتج عن ذلك خيانته لها وحبت انها تصبر مع محاولتها من اصلاح ذلك الخطأ لتعيده اليها من جديد

الزوج اللي يخون زوجته بغرض الخيانه ويكرر خيانته مع وحده وثنتين وثلاث هذا لايستحق ان يكون

زوج من الاساس

قد يخطىء الزوج ويخون بسبب غفله مرت عليه بفتره من فترات حياته واستغلتها إمرأه ماكره خبيثه

اقتحمت عليه حياته واغرته بكلامها المعسول ومكرت له فتوهم انه سيجد عندها الحب والصدق والوفاء

ولكنه هذا الزوج المغفل سيكتشف انه كان مغفل في خيانته لزوجته وتصديقه لمن تخون نفسها معه

فمن يخون لا يستحق ان يمنح الثقه

الزوج اللي يبحث عن احتياج ينقصه عليه ان يتزوج بالحلال حتى لو زوجته الأولى كانت ترفض ذلك

وان طلبت الطلاق واصرت عليه فهي حره في ذلك


ردك يستحق القراءه

وزيد عليه ظلم المجتمع بتصوير الحلال
كانه جريمه زينى

اقصد قضيه التعدد والحق الذي كفل للرجل

يبيلي عوده اقراء الموضوع من الاول اشوف بومحمد وشسالفته هل الايام

:)