شراء الذهب

[اشراقة الشمس]

السلام عليكم
عندي سؤالين : أنا أتابع سعر الذهب على النت ليش يفرق سعر الغرام عيار 22 بالمحلات عن النت ؟
(على النت 122 ريال في المحلات 133 ريال بدون مصنعية )
تاني سؤال : من وين تنصحوني اشتري أبغى محل ما تكون مصنعيته غالية
و جزاكم الله خيرا

[بصمة قطرية]

من يومين رحت شريت ذهب
السعر كان 120
مع المصنعية قريب الـ 180
على اي اساس يعتبر الذهب نازل اذا كنا نشتريه
بسعر المصنعية ..!!
هل السبايك تنباه بدون المصنعية ..
يا ليت أهل الذهب يفيدونا
وينك يالنهار :)

[جادووور]

انا خديت من البحرين الغرام ب154 مع المصنعية ،مادري لية هنا رافعين الاسعار بكل شي عندنا يختلف السعر

[النهار]

من يومين رحت شريت ذهب
السعر كان 120
مع المصنعية قريب الـ 180
على اي اساس يعتبر الذهب نازل اذا كنا نشتريه
بسعر المصنعية ..!!
هل السبايك تنباه بدون المصنعية ..
يا ليت أهل الذهب يفيدونا
وينك يالنهار :)

الذهب الي اشتريتيه عيار 21 الصايغ اعطاج ألسعر الحقيقي بس رفع عليج سعر المصنعيه بلغة الصاغه يسمونها ( الدقه )
لان معظم الصاغه في الوقت الحالي يريدون يطلعون خسائرهم عن طريق رفع قيمة المصنعيه و60 ريال زياده على سعر الذهب يعتبر مبالغ فيه بشكل كبير جدا
في احسن الاحوال كانوا يأخذن من 15 الي 20 ريال للمصنعيه للجرام ولكن بعد نزول الذهب يريدون يعوضون خسائرهم لانهم شرو الذهب بسعر اكبر قبل مده
وبالنسبه للسبائك هناك هامش ربحي للجرام من 3 الي 5 ريال لان التاجر يريد يربح ايظا في السبائك لايوجد شي اسمه المصنعيه للسبائك

هذالرابط مفيد ومتجدد على مدار الساعه سعر الجرام لعيار 21 ...... 117 ريال ليوم الخميس
http://www.gold-price-today.com/gold-prices-in-qatar.php

[النهار]

انا خديت من البحرين الغرام ب154 مع المصنعية ،مادري لية هنا رافعين الاسعار بكل شي عندنا يختلف السعر

ممكن اعرف تاريخ الشراء لو سمحتي

[بصمة قطرية]

المشكلة يالنهار مريت تقريباً ست محلات
كلهم حسبوا لي نفس السعر مع المصنعية ..!!

[النهار]

المشكلة يالنهار مريت تقريباً ست محلات
كلهم حسبوا لي نفس السعر مع المصنعية ..!!

انا رحت يوم الاربعاء سوق الذهب اقسم بالله دشيت كم محل شفت الهم والحزن على وجوههم
كان عندي عقد ذهب ابيض رحت انظفه قبل ما انظفه تنظيف عن طريق الليزر قلت شوفي لي كم سعره الحين ههههههههه الفقير قال لي تحمل تبيع الحين
السعر نازل وبتخسر فيه كثير قلت له لا بس ابي اعرف كم قيمته واصل الحين
مثل ماتعرفين هذول عصابه كلهم يتفقون على سعر معين ماحد فيهم يبيع اقل من الثاني يطلعون خسائرهم بطريقه التفافيه
ومع هذا تراهم خسرانين في الوقت الحاضر
الذهب الي شريتيه روحي بكره رجعيه بيشتريه منج بسعر الذهب ويشيل قيمة المصنعيه لوقلتي له انا شريته منك من يومين احسن
رد عنده بيقول لج انا اسيحه واصبه من جديد تحصلينه بعد ماتروحين يعرضه للبيع من جديد

[بصمة قطرية]

صادق النهار
هاي اللي يصير معانا دوم ..
شالحل ..!
شنسوي اذا هم مثل ما ذكرت عصابات
و متفقين على السعر ..!!

[اشراقة الشمس]

شكرا على ردودكم
ما تعرفون اسماء محلات تبيع و مصنعيتها مقبولة؟

[بريق الحق]

جوفي المحلات الي اجرها رخيص

[بـن عدوان]

شنو يعني المصنعية؟

ممكن حد يفهمنا السالفه من البداية ؟

[اشراقة الشمس]

المصنعية يعني أجرة الصياغة يعني المبلغ يلي يربحه صاحب المحل من مبيع كل قطعة

[طموحي عالي]

دام الذهب داق وواصل الجرام 118.5
لعيار 21

بروح اليوم اتشرى

والا تتوقعون ينزل زود ؟؟؟

[الزعفراني]

السعر يفرق لان المحلات تبي تربح .. لذلك دايما تلقى الذهب ينباع في صرافة الفردان وصرافة الخليج في قطر بسعر ارخص من السوق .. هذا اذا كنت تبي تضارب في الذهب مش للزينة او الكنز ..

اذا تبي تشتري الذهب عندك صرافة الفردان هم يبيعون ويشترون لك الذهب .. على شكل سبايك وحسب سعر السوق وحسب فلوسك اللي عندك .. وياخذون عمولة ريالين اظن

وعندك هالتطبيق للايفون تقدر من خلاله تتابع اسعار الذهب يوميا و 24 ساعه اظن .. ماعدى السبت والاحد اجازة مافي تداول


kitco

[الزعفراني]

دام الذهب داق وواصل الجرام 118.5
لعيار 21

بروح اليوم اتشرى

والا تتوقعون ينزل زود ؟؟؟

الذهب هالايام يتعرض لتقلبات محد يضمن النزول ومحد يضمن الارتفاع .. لكن سعره اليوم مقارنه مع الارتفاع اللي كان وصل له الذهب يعتبر مناسب

الاونصه كانت في الفترة السابقة 1600 دولار تقريبا .. ونزل سعرها لين وصل الى 1130 دولار ..

[الزعفراني]

انا خديت من البحرين الغرام ب154 مع المصنعية ،مادري لية هنا رافعين الاسعار بكل شي عندنا يختلف السعر

انا شريت يوم السبت من الدوحة حسب لي سعر الغرام 155 مع المصنعيه .. سندرتني ام العيال واضطريت اشتري :anger1: