تقسيم الفلل وتاجيرها للعوائل !!!!

[Qt.1]

السلام عليكم ,,,

موضوع التقسيم وتاجير الفلل زاد عن حده ياجماعه السالفه مصخت , بيت ابوي انا في الدفنه والله تدخل الدفنه اتقول داخل دوار ناشيونال يوم الجمعه من الهنود ! والله الهنود اكثر من القطريين هل الفريج , قبل تدخل الفريج ماتحصل هندي واحد كلهم جيرانا واعيال عرب , اللحين تدخل اتحصل تجمعات 40 هندي قاعد عند الزاويه اتقول مسويين اجتماع , وعند الجمعيه والله اتحس انك في السوق مب في فريج من كثرهم , مأساه بمعنى الكلمه احس حتى الناس صارت اتخاف قبل بيبان ابيوتنا مانسكرها اللحين الناس قامت اتخاف من هالعدد الكبير , وغير الزحمه بصراحه , عند كل بيت اتحصل 60 سياره وحزات ايوقفون في نص الشارع من الزحمه والله تأذينا منهم بصراحه , مايسوى علينا هالتقسيم والتاجير الي صار , حسيت اني في الهند , اللحين ماقالو بيطبقون القرار وبتصير حملات متى ترى زهقنا والله .

[Azizuk]

الشرهه على مالك العقار يضر جيرانه وجماعته

وخاصة اذا يدري ان الفيلا راح تتقسم

من أشوف بيت في سيارات وايد واقفه برا هوندا سفك وكرولا وسني اعرف انهم هنود

لأنهم يأخذون بدل السكن قول 10 ريال من الشركات ويسكن في تقسيم فيلا ب 4 ريال او اقل

الفيلا تطلع عليهم ب 12 الف في الشهر او 14 بالكثير

ومقسمة على 6 عوائل او اكثر

[ANONYMOUS]

جميعنا يقر بوجود هذي المشكله

بس


قبل اتخاذ قرار يزيد من سقف المشكله

يجب البحث عن حلول

و ع المدى الطويل

[توشيبا]

اذا البيت بكبره اجاره عشر الالف

ويتقسم علي اربع عوائل وكل عايله تدفع الفين وخمس ميه

اذا ممنوع التقسيم انا يصاحب العقار برفع اجار البيت من عشره الالف الى عشرين الف

لي ان فيه اربع عوائل لازم وحده من هالعيله تسكن فيه


المشكله الحين يان صاحب العقار ينزل من اجاره او الحكومه يعطون بدل سكن او يرفعون رواتب الاجانب

[توشيبا]

المشكله الثانيه اشلون الجوازات تعطي اقامه او زياره لي اي اجنبي بدون ميتاكدون عنده سكن يمكن سكن فله مقسمه وهذا ممنوع وراتبه فوق سته الالف

بالاخص العوائل الهنديه والفلبينيه

[شموخ دائم]

,

,


مرحبا

مشكلتنا منا وفينا واتفق معاك انها اصبحت مشكله مزعجه بالفرجان

اصحاب العقار ( يعرفون ) انه بيقسمه ويعاد تاجيره خاصه المباني القديمه
وموافقين

الان الحمدالله في قانون وضوابط ولو حد ( رفع ) شكوى راح يتم اخلاء العقار

ولكن هذا ما يحل المشكله نهائيا ولكن يحد منها

المشكله ان سوق العقار يحتاج توافر وحدات سكنيه بسعر ال 3000 الاف ريال وسعر 2500

وهذا غير موجود في الشقق اكثر الشقق الاسعار بحدود ال 5000 الى 6000 ريال حسب عدد الغرف

المطلوب

ان الدوله تسمح بعمل ارتفاعات في مناطق جديده بحدود ال 4 طوابق بدل الطابقين والتخطيط يسمح بعمل ( ستوديو ) في هذه المناطق

دائما الاستوديو عليه طلب لان الاسر الاجنبيه عاده تتكون من زوج وزوجه وابن او ابناء اثنين بالكثير
ويكفيه غرفه وصاله ومنافعهم وسعره ما يتجاوز ال 3000 ريال بالكثير

كل المحاسبين والمهندسين والموظفين العاديين في بدايه عملهم بالشركات رواتبهم بحدود ال 5 الاف ريال ( متوسط )

المشكله واضحه والحل الى طلعوه ( السماسره ) هو ( تقسيم ) الفلل القديمه لحل هذا الاشكال

كان المفروض ( الدوله ) تطلع الحل وتقدمه للسوق ولا تترك السوق ( يعالج ) المشاكل لوحده

الان احنا في مشكله اكبر وهو ( الازعاج ) في المناطق السكنيه والمشاكل الاجتماعيه الكثيره الي طلعت
مثل السرقات والاعتدائات والانحرافات من تواجد اكثر من عائله في بيت واحد للاسف

الوضع يحتاج حل ( جذري ) من الدوله بالسماح بعمل ارتفاعت اكثر في المناطق السكنيه الي فيها الارتفاع فقط ( طابقين ) والسماح بعمل ( اربعه ) ادوار

من المهم مراقبه السوق وايجاد الحل

في السنوات السابقه كان اكثر الطلب على ( الملحق ) وهذا كان مؤشر على وجود مشكله بسعر الايجارات وهناك فئه
تبحث عن سكن وسعر مناسب غير موجود بالسوق العقاري ولقله عدد الملاحق انتقل الوضع الى تقسيم الفلل والبيوت القديمه

هذا خلل واضح يحتاج علاج

الخلاصه

هناك ( فئه ) تحتاج الى سكن بسعر مناسب

يجب ان نوجد البديل لهم والحل بتوفير سكن بسعر مناسب

هم مجبرين على هذا الوضع من يحب يعيش في بيت فيه 4 عوائل !!!
لو كان هناك استوديو مرتب وسعره معقول ويكفل حياه كريمه لهم ويحفظ خصوصيتهم
ما سكنوا في هذه البيوت المقسمه !!



,

,

اخوك

شموخ دائم

[نفسي عزيزه]

بوت مشكل

[MirusS]

صح كلامك أنا ساكن فالدفنه وفريجناا مترووس هنود

أنا ضد التقسيم وبقوة لازم يسوون قرار ضد هالشي زهقققنا والله

[مضارب دوسري]

لو كان هناك توفر لشقق باسعار رخيصه كان اختفت هذي الظاهره

[راجي الْعفو]

وعليك و رحمة الله ..

معك حق يا بوعبدالله ..

جميل لو يصدر قرار بمنع بيع اوتاجير الفلل للعزاب في المناطق العائلية ..

لك التحية ..

[R 7 A L]

المشكلة سياراتهم ماخذة كل مساحات الفرجان


تحصلون بين وقدامة عشر سيارات

[Qt.1]

اشكر تفاعلكم شباب , فعلا موضوع متعب ومزعج بصراحه , ندري الااجارات غاليه ومش الكل يقدر يدفع اجار بيت كبير لحاله لكن احنى شنو ذنبنا كعوائل قطريه شنو ذنبنا انعيش بين اهنود وزحمه مالها داعي طول عمرنا عايشين بهدوء بين جيرانا ومرتاحين من الاازعاج اللحين الوضع بصراحه صار مايطمن , اتمنى ايتم اصدار قرار سريع ويحل هالمشكله الي متعبتنا .

[وليف الشوق]

ماراح ازيد على كلام اخوي (( شموخ دائم )) قبل لا تنتقدون حسوا باللي قاعد يصير من ارتفاع شاهق للعقارات وايجارات الفلل والشقق اللي المقيم يتكبد معاناة الايجار وموضوع غلاء ايجار العقارات بانواعها راح تترك اشياء سلبيه منها تقسيم الفلل وتاجيرها !! اذا المواطن قاعد يتكبد الايجار فما بالك بالمقيم اللي راتبه بالكاد يكفي لمعيشته داخل قطر ولما يسافر بلاده ماراح يتدخر شي للزمن لكن قبل لا ننتقد السلبيات لازم نحاول نحاربها والكل تتظافر جهوده من صاحب العقار والجش والطمع اللي فيه واللي لازم يعمل على تخفيض الايجار بنسبة من 50 الى 65%
الوزارات التي تأجر وتساعد المالك بسعر الايجار ويجب على كل وزارة عدم قبول الايجار اكثر من 45% او 50% والكل تتظافر جهوده لحل هذه المشكله .
ايضا وضع شروط بسيطه لمن يرغب في بناء مجمع فلل او شقق والحصول على تسهيلات حتى يقوم بالمساهمه من خفض قيمه العقار وحصوله على ارض بسعر رمزي من ادارة الاراضي !! باختصار كلنا لازم تتظافر جهودنا لحل تلك المشكله والتي صار حديث الشارع ومشكله كبيرة اعتقد ماراح تنحل الا بعد 15 سنه من الان

[رجل مثالي]

جريدة الراية وتقسيم الفلل

http://t.co/rQa4DUP5eD

[Qt.1]

جريدة الراية وتقسيم الفلل

http://t.co/rQa4DUP5eD

محد حولك وكأنك اتاذن في خرابه .

[رجل مثالي]

محد حولك وكأنك اتاذن في خرابه .

نعم أخي العزيز ولكن هل يوجد حل لجميع
الأطراف في موضوع التقسيم ممكن البعض
يحتاج لهذا التقسيم في مساعدته في أمور
الحياة اليومية لأن الحين كل شئ غالي
وحتى الخدم والسائق يلعوزك كل
أسبوع يبي زيادة في الراتب
كأن الواحد ما عليه ألتزامات
كثيرة من أسرة وديون ومصاريف
عائلية والتزامات كثيرة الله المعين
أن شاءالله

[حسن]

اي نعم الحل هو مثل دبي

النظام والخطط الحقيقيه

يعني تروح صوب التنين في العوير تلقى عمارات مرتبه سكن للعزاب للبتان
تخيل بتاني ساكن في عماره
شغل مرتب
اراضي قطر صحراء جرداء وكلها شبوك لا البلديه تسمح ولا يوجد مناطق مخصصه
ليش مايسون حل او هم مايبون الحل يتخبطون بالقرارات والقوانين والناس تصفق مع الخيل ياشقرا

خل تبني بروه ولا كروه ولا اي اسم
المهم يسون مناطق سكنيه عمارات مخصصه وتوزع على الدوحه يعني عندك في السد البر فاضي وهو وسط العاصمه
عندك من دوار التلفزيون يمين بر فاضى وانت في العاصمه
عندك في الدوحه صوب فريج اسحاق بر فاضي وسط الدوحه
المناطق الفاضيييه كثيره وكبيره
مساكين هل المقمين ملاحقينهم حتى في خرايب قطر

[مليونيرة مفلسة]

زين انتا عندك بيت العوايل الفقيرة وين تروح؟

[النظامي]

المشكه ان البلدية اصدروا قانون يعاقب اللي يقسم الفيلا أو البيت على عوائل

وكان من المفروض ايجاد حلول للمشكلة وبعدين اصدار القانون

وصراااحه هذي المشكله تتأثر منها كثير من المناطق

تسلم يا Qt.1 على الموضوع المهم .... وننتظر منك الاجمل

[Qt.1]

للاسف الناس للحين مش فاهمه المقصد من الموضوع , محد قال اطردوهم من بيوتهم والاا خل يرقدون في الشارع كل الي نبيه اشوية نظام , مايسوى علينا عايشين بين اهنود وزحمة هنود والله الواحد كأنه في الهند والسيارات مسكره الشارع , طبعا في ناس مب حاسه بلي اقوله لانهم مايمرون بالمعاناه الي انمر فيها كل يوم , كل الي الواحد يبيه اشوية ترتيب مايصير بيت عنده 60 سياره مسكره الشارع ومسويه زحمه , مايصير تجمعات الهنود في الفريج في كل زاويه هالشي ممكن ايسبب خطر والواحد صار مايحس بالاأمان , اتمنى ايتم اتخاذ اجراء ضروري وبسرعه علشان الناس ترتاح .