إحـــتــــرام عــــــــلـــــــم قــــــــطــــــــــر ..

[بو الجوري]

السلام عليكـم ورحمة الله وبركاته ..

http://www.alaan.cc/newsimages/original/12_18_2011124536PM_5743401841.jpg

** إحـــتــــرام عــــــــلـــــــم قــــــــطــــــــــر **

الصراحـه الموضوع جا على بالي من كم يوم ، و كل سنه خصوصاً في ذكرى اليوم الوطني

كلنـا نشوف المسيرات فاليوم الوطني و اللي يصير فيهـا ..

ومع إنتهاء اليوم ، تلاقي فالشارع العلم القطري مرمي بأشكال كثيره
سواء أعلام صغيره أو اللي يطلع من الجراخيات اللي فالرونق تنباع ( على شكل أعلام صغيره )
ويتم الدوس عليه ..

الصراحـه هذا الشي غلط ..

وغير الأعلام اللي فوق المباني و المدارس ، لين اليوم تلاقي أعلام متقطعه أو لونهـا رايح ..


أتمنى من الكل المحافظه على العلـم و أتمنى يكون في جهه مختصه تراجع المباني والأعلام اللي عليهـا ..
وتجبر أصحابهـا بالإلتزام على المتابعه بشكل دوري ..

و يتم من قبل هالجهه التفتيش على محلات الألعاب و الزينه و اللي يبيعون أغراض اليوم الوطني ..

وتمنع إستخدام شكل العلم في أي منتج ، ممكن يؤدي إلى إهانة العلم ، حتى لو من غير قصد
ممكن يكتفون بإستخدام ألوان العلم ..


يا ريت الكل يحافظ وينصح :shy:


مع للعلم ، طبعاً الكل يدري إنه الأمير الوالد (أمير البلاد المفدى سابقاً )أصدرقانون رقم 14 لسنة 2012 بخصوص العلم القطري.

ولكـن أغلب المنصوص و اللي يعاقب عليه القانون ، إلى الآن الناس تسويه ولا حد مفتكر !!!

( من أمن العقوبه ، أساء الأدب )

وهذا رابط القانون للي حاب يشوفه

http://www.almeezan.qa/LawPage.aspx?id=4680&language=ar

[عثرة جواد]

سبحان الله توني كنت بنزل الموضوع

كنت واقفه عندالمدرسه والاعلام حول السور كلها مقطعه بطريقه غير طبيعيه ولونها طاير

يعني اشلون اتكون مدرسه اتعلم الطلاب معنى حب الوطن وهي بدون وطنية

لفتة جميله من ااخوووي

[sweet qatar]

هو واجب علي الجميع

وان شالله يعاقب كل من يخالف القانون

يعطيك العافية أخوي

[aloosh]

الحل بسيط اخوي يمنعون المسيارات الحب في القلب والرجال وقت الشدايد

المسيره مضرتها اكبر ترقص وتسكير الشوارع وازعاج الناس


انا معا تمنع المسيرات اللي بيحتفل يروح للعرضات ويقعد معا الرجال مو ترقص في شوارع

[بوحارب]

اتفق معاك علوش ياريت يمنعون المسيرات

مافيها الاترقص ومغازل وقلة أدب وزحححمه


لاهنت بوالجوري عالموضوع الجميل:)

[بومحمد المطاوعه]

بارك الله فيك يالغالي


البعض ولا يبالي

يشوفه طايح ع الأرض ولا ينزل يشيله

للأسف

[aloosh]

اتفق معاك علوش ياريت يمنعون المسيرات

مافيها الاترقص ومغازل وقلة أدب وزحححمه


لاهنت بوالجوري عالموضوع الجميل:)

هلا بو حارب
هذا اللي نطالب به كل مره وانت وغيرك يشوف اللي يصير في المسيرات لدرجه ان دول ثانيه تدخل على خط المسيرات بقصد المغازل عند الاماكن مثل كتارا وغيرها

اتمنى ان المرور يكون متواجد ويمنع التجمعات واي واحد ملصق سيارته تحجز حب البلد يكون في القلب راسخ ليس بشعارات زائفه

[بومحمد المطاوعه]

الحل بسيط اخوي يمنعون المسيارات الحب في القلب والرجال وقت الشدايد

المسيره مضرتها اكبر ترقص وتسكير الشوارع وازعاج الناس


انا معا تمنع المسيرات اللي بيحتفل يروح للعرضات ويقعد معا الرجال مو ترقص في شوارع

اي والله يالغالي

كفو عليك بارك الله فيك

نتمنى هالشي

اشكرك من كل قلبي

[هيلو كيتي]

كلامك سليم 100% بو الجوري ,,

لأن العلم يعتبرأحد الرموز الوطنية للدولة المستقلة وسيادتها وعنوانها ورايتها الي تمثلها في جميع الأماكن والأزمنة.

ولاحترام هو أحد القيم الحميدة الي يتميز بها الإنسان، ويعبر عنه تجاه كل شيء حوله أو يتعامل معه بكل تقدير وعناية والتزام. فهو تقدير لقيمة ما أو لشيء ما أو لشخص ما، وإحساس بقيمته وتميزه.

ثانكيووووووووووووووووووووو:victory:

[حسن]

انا

اكثر واحد طلب بالغاء المسيرات ومنعها والمنتدي يشهد

:)

لان عاده سئيه ولا تعبر عن الحب النفاقي

هناك احتفالات وعرضات جميله وياريت كان يتجمعون فيها
للاسف
والكثير من الناس بيسافرون الحين حاجزين
خبرك الرواتب الحمدلله عاليه

فناشدت وزير الداخليه ومدير المرور ولكن لم توقف المسيرات
فانا لازلت على هذا المبدا وبلا خرابيط وتصبغ سيارات
وتعطيل الشوارع اغلاقها اكثر ماهي مغلقه

خلونا نفرح بالعروض العسكريه والعرضات واللي بسافر مايشوف شر

:)

[بومحمد المطاوعه]

العام
واحد من الجماعه داش المسيره مع بنته الصغيره وبنته طالعه من الجامه وفي يدها علم بلادي قطر

مرو فالدراجه 2 من جنسيات العربيه التي ضامتهم بلادنا وحاشمتهم

والي قاعد ورى فالدراجه سحب العلم من يد الطفله البريئه

اقسم بالله العظيم ان حراره الغضب اشتعل في قلب ابوها
نزل ولحق الدراجه والحمدلله صادهم

اشتكى عليهم وشلوهم للمركز
وانحجز هذا السفيه قرابه الاسبوعين وطالب ابو البنت بحقه القانوني بخصوص شل العلم من يد الطفله

وطالب بحقه القانوني كمواطن قطري وتصررفه للعلم بهذي التصرف



اتمنى من اي انسان يشوف علم طايح فالشارع
ينزل يشيله

تحياتي

[بو الجوري]

شاكر مداخلاتكم وحرصكـم جميعاً ..

و الله نتمنى الكل يحافظ ، و لو شاف علم ينزل يشيلـه ..


و بخصوص المسيرات ، هذا موضوع ثاني هههههههههههههه
إن شاء الله بنزل موضوع قبل اليوم الوطني ، وكالعاده بنأذن في خرابه :telephone:

و نتمنى الكل يتوجه للعرضات ، و اللي ماعنده عرضه ، حياه الله في عرضتنـا

[عيسى111]

والجرايد اللي فيها اسم الله والشعار الله الوطن الأمير واسم الله والعلم وصور الأمير في الجرايد

تحصل الجرايد مفرش للطعام أو في سلات القمامة أو في حلج عنز جالسة تاكل الجريدة أو تحت الطيور في القفاصة في سوق واقف أو تنداس في كل مكان

واللي ما يصدق يروح سوق الحمام سوق واقف ويشوف قفاصة الطيور ووصاختهم على الجرايد اللي تحتوي على اسم الله وصورة العلم والأمير بل وصور كثير من الوزراء ووجهاء البلد والضيوف القادمين على هذه البلد الطيبة


http://www.youtube.com/watch?feature=player_detailpage&v=c-HSyGTTrs8#t=20

[JN000N]

اتفق معاك علوش ياريت يمنعون المسيرات

مافيها الاترقص ومغازل وقلة أدب وزحححمه


لاهنت بوالجوري عالموضوع الجميل:)

يااااااليييييييييييت والله

[JN000N]

بارك الله فيك يالغالي


البعض ولا يبالي

يشوفه طايح ع الأرض ولا ينزل يشيله

للأسف

يعني وانت ف السياره لين جفته طايح عللارض بتوقف بتشيله
والا لين جفت الاوراق الي عليها علم قطر مالت الجراخيات بتنزل تلمهم
Come on بومحمد!

[aloosh]

عني لو فاضي بمر على عرضات القبايل قد ما اقدر منها وناسه ورزيف معا قبائل مختلفه ونزيد معرفتنا بعدات كل قبيله

العام انبسطت الصراحه

[نفسي عزيزه]

جزاك الله خير يالذيب معلومات حلوه من القانون ناس وايد ما قرتها

شكرا لك صديقي :shy:

[نفسي عزيزه]

يعني وانت ف السياره لين جفته طايح عللارض بتوقف بتشيله
والا لين جفت الاوراق الي عليها علم قطر مالت الجراخيات بتنزل تلمهم
Come on بومحمد!

ههههههههههه

الحقيقه مره

[قطر love]

اول شي مشكور بوالجوري على الموضوع الي حارق قلب الكل

واحب ازيد على كلامك انه يطلع قانون في كيفيه تنصيب او رسم العلم للاسف بعض المدارس او الجهات ترسم ولا تعلق وتنصب العلم على الاسوار ولا البنايات بالمقلوي وهذا شي يخليني اتنرفز جدا المفروض يكون في ثقافه احترام العلم هذا العلم رمز يرمز لدوله انعم الله عليها من النعم الكثيره ولله الحمد

بس للاسف البعض همه يعلق العلم وخلاص بالمقلوب يمين يسار يسار يمين ما يهم طيب ليش


ثاني شي تاجرات توزيعات اليوم الوطني كلش ماله داعي طالعين السنه ذي بتوزيعات عليها صوره سيدي صاحب السمو الشيخ تميم بن حمد آل ثاني امير البلاد المفدى حفظه الله ورعاه

ماله داعي صوره في كل مكان على قواطي حلويات ولا قواطي شفافه ولا كرتون كلها راح تنرمي وهذي تعتبر صور رسميه وللاستخدام الرسمي وليش للبيع والشراء والتوزيعات والمتاجره الغلط غلط واتمنى الكل ينتبه فالاخير القواطي راح تنرمي بالصور المطبوعه عليها


ثالث شي لازم نعطيك وسام الاستحقاق لانك كل سنه تنزل نفس الموضوع الي بتنزله بعد كم من يوم ومحد يتغير الا الوصاخه تزيد كل مره هههههههه احييك بسنا ياحسين محد مهتم ههههههههه

[Monarch]

بسم الله

اذكر يوم اختاروا طبقه اللون حق العلم, قالوا انه الاعلام ذيك مصنوعه من مواد معينه ضد الاجواء اللي في قطر ( شمس, اتربه, رياح وامطار ) وان المعايير اللي بتنصنع منها الاعلام اللي بتتصدر للوزارات بتكون متساويه
. انا اشوف انه يكون جهه معينه تصنع العلم بمعايير عاليه, مب الخياطيين اللي يصنعون علم اي كلام وبعدها بيومين يتقطع وتحذفه.
وطريقه تركيب العلم عالبيت لازم يحطون لها قواعد, مب اي حد يركب فوق السطح ويربط العلم بحبل او يعلقه بـ (بيب) بلاستيك, في بعض الدول فيه شركات تجيك تركب لك عامود للعلم عالارض او يحطون لك قاعده مائله على الطوفه.

[رجل مثالي]

السلام عليكـم ورحمة الله وبركاته ..

http://www.alaan.cc/newsimages/original/12_18_2011124536PM_5743401841.jpg

** إحـــتــــرام عــــــــلـــــــم قــــــــطــــــــــر **

الصراحـه الموضوع جا على بالي من كم يوم ، و كل سنه خصوصاً في ذكرى اليوم الوطني

كلنـا نشوف المسيرات فاليوم الوطني و اللي يصير فيهـا ..

ومع إنتهاء اليوم ، تلاقي فالشارع العلم القطري مرمي بأشكال كثيره
سواء أعلام صغيره أو اللي يطلع من الجراخيات اللي فالرونق تنباع ( على شكل أعلام صغيره )
ويتم الدوس عليه ..

الصراحـه هذا الشي غلط ..

وغير الأعلام اللي فوق المباني و المدارس ، لين اليوم تلاقي أعلام متقطعه أو لونهـا رايح ..


أتمنى من الكل المحافظه على العلـم و أتمنى يكون في جهه مختصه تراجع المباني والأعلام اللي عليهـا ..
وتجبر أصحابهـا بالإلتزام على المتابعه بشكل دوري ..

و يتم من قبل هالجهه التفتيش على محلات الألعاب و الزينه و اللي يبيعون أغراض اليوم الوطني ..

وتمنع إستخدام شكل العلم في أي منتج ، ممكن يؤدي إلى إهانة العلم ، حتى لو من غير قصد
ممكن يكتفون بإستخدام ألوان العلم ..


يا ريت الكل يحافظ وينصح :shy:


مع للعلم ، طبعاً الكل يدري إنه الأمير الوالد (أمير البلاد المفدى سابقاً )أصدرقانون رقم 14 لسنة 2012 بخصوص العلم القطري.

ولكـن أغلب المنصوص و اللي يعاقب عليه القانون ، إلى الآن الناس تسويه ولا حد مفتكر !!!

( من أمن العقوبه ، أساء الأدب )

وهذا رابط القانون للي حاب يشوفه

http://www.almeezan.qa/LawPage.aspx?id=4680&language=ar

شكرآ على الموضوع كلامك
صحيح أخي العزيز

[حمد بن خالد]

الادعم

http://www.you tube.com/watch?v=NoasxcqY2BM

له بروتوكولات واحترام من الحكومة

وواجبنا احنا نحافظ عليه وماننتظر اي قرارات تحد او تمنع أو تعاقب من يسيء استخدامه

[بومحمد المطاوعه]

يعني وانت ف السياره لين جفته طايح عللارض بتوقف بتشيله
والا لين جفت الاوراق الي عليها علم قطر مالت الجراخيات بتنزل تلمهم
Come on بومحمد!


اي نعم بنزل بشيل العلم
الي اقدر عليه بشيله


ولكن الاوراق الصغيره ماقدر اجمعهم
وايد

بس علم قطر شكبره بنزل وبشله

ليش لا
ووين المشكله .!!
ولا وين العيب

[بومحمد المطاوعه]

ههههههههههه

الحقيقه مره

لا والله يالذيب
الحقيقه مب مره

المره على الي يشوف العلم ومافيه ذرى حيه ينزل يشيله

والي صج صج مب رجال الي يقط العلم على الأرض

[المحاميه]

أنا أشوف إنه يتم معاقبة أي شخص يستهزء ويلعب بالعلم سواء عن قصد أو من غير قصد

لأن العلم له هيبه واحترام وغير مقبول بأي شكل من الأشكال أن يتم تدنيسه

بس اختلف معاك اذا علبه عليها شكل العلم او جراخيه

هذي مجرد صوره او رسمه او طباعه والقوطي هو اللي ينقط وغالباً شكل العلم مش واضح عليها

لكن العلم بشكله المعروف لابد أن يحترم

[النظامي]

الحل بسيط اخوي يمنعون المسيارات الحب في القلب والرجال وقت الشدايد

المسيره مضرتها اكبر ترقص وتسكير الشوارع وازعاج الناس


انا معا تمنع المسيرات اللي بيحتفل يروح للعرضات ويقعد معا الرجال مو ترقص في شوارع


انا مع رأي علوش ..... تعبنا من المصخره الي تصير في المسيرات وقلة الحياء

تسلم يا بو الجوري على الموضوع المهم...... وننتظر منك الاجمل

[بو الجوري]

أسعدني تواجدكـم و الله ، و إهتمامكم وحرصكـم ..

ليت الكل يفهـم :)




قطر لوف

ياخي شفت شلون ، كل سنه نأذن في خرابه :weeping:

[Qatar_9999]

جزاك الله خيرا على التنبيه والتذكير
الله يحفظ قطر

[العلياا]

جزاك الله خير

عندنا فالدوام لما يتوزع العلم على الموظفين البنات وااااايد يشددون على الموظفين خصوصا الاجانب شلون ووين مفروض ينحط
ممنوع حد ياخذه ويحطه او يسدحه ع مكتبه اذا تبيه تعلقه فوق البارتشن

يعطيك العافية

[شبح الصمت]

الله يجزاك خير بوالجوري

وصادق في كل كلمة واتمنى من الكل الوزارات او الهيئات الي رافعه علم قطر

انها تشيك عليها بين فترة وفترة وتغير التالف منها

لانه صدق في اعلام في اماكن كثيرة تالفه وتعور القلب

[JN000N]

اي نعم بنزل بشيل العلم
الي اقدر عليه بشيله


ولكن الاوراق الصغيره ماقدر اجمعهم
وايد

بس علم قطر شكبره بنزل وبشله

ليش لا
ووين المشكله .!!
ولا وين العيب

اصلا العلامه الي تطيح مب كبار واغلبيتهم صغار ومحد ينزل لهم عمري ماجفت حد نازل ياخذ علم طايح
عموما لين جفت علم انت انزل شيله وصور لنا انك شليته

[بومحمد المطاوعه]

اصلا العلامه الي تطيح مب كبار واغلبيتهم صغار ومحد ينزل لهم عمري ماجفت حد نازل ياخذ علم طايح
عموما لين جفت علم انت انزل شيله وصور لنا انك شليته

صحيح صغار ولا كبار

مشكلته الي ماينزل يشيل علم بلاده ويخليه ينداس من تواير السياره

اشفيها لو واحد نزل وشله وقطه ف موتره .؟

واصلآ لو شفت وشليته مب لازم اصور واهايط اني شليت علم بلادي الي كان محذوف ع الارض

انا كلامي بشكل عام والمفروض على كل قطري
يشل علم بلاده

مب يشوفه محذوف ويمشي ولا يهمه

[بريق الحق]

باسم حب الوطن يوسخ البلاد ههههههههه عفيه عليكم
وثاني شي

ونبي ردود شوي معقول ياناس

[بريق الحق]

الصراحه انا اذا جفت ماراح اشل هذي الصراحه واصلن من قال اني اروح هالاحتفالات

[بومحمد المطاوعه]

الصراحه انا اذا جفت ماراح اشل هذي الصراحه واصلن من قال اني اروح هالاحتفالات

ولا انا اروح ياخوي
ولكن لوشفت العلم
ف اي مكان طايح

بشله ولا انحرج ولا شي
ولا عيب ولا فيها اي شيء

[JN000N]

^ محد قال عيب بس بعيد عن المثاليه شوي والتمثيل
احنا مانشيل ولا نتعنى نوقف السياره عشان ننزل نشيل علم وسط ناس يمرون صوبه وزحمه محد مفتكر شبتشيل وشبتخلي؟

[بومحمد المطاوعه]

^ محد قال عيب بس بعيد عن المثاليه شوي والتمثيل
احنا مانشيل ولا نتعنى نوقف السياره عشان ننزل نشيل علم وسط ناس يمرون صوبه وزحمه محد مفتكر شبتشيل وشبتخلي؟

لا مثاليه ولاتمثيل
وشعلي من الناس اذا ماشلوه اروح اقلدهم ؟؟
ليش ننظر لتصرف الناس السلبي ونقلد

بسوي الشي الصح ولا بنظر للخطأ مهما كان السبب

كل واحد عقله ف راسه

في ناس تقط وصاختها من دريشه السياره فالشارع
وفي ناس تقط في حاويه القمامه

عن نفسي انا اذا اقدر اشيل بشيل وطبعآ مب اي شي بوقف له وبشله
واذا ماقدر مب مسبب زحمه ولا عرقله فالشارع

وصح كلامج اذا فالمسيره بتشوفين اعلام بالهبل عالارض
واصلن انا ماروح

لأن في مصخره وايد في هذي المسيرات

الله يستر عليهم ويهديهم

[بومحمد المطاوعه]

وَلَا تَسْتَوِي الْحَسَنَةُ وَلَا السَّيِّئَةُ غڑ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (34)


رب العالمين قال
ادفع بالتي هي احسن

سو خير تكسب اجر من الله

والله غفور رحيم

[فاهم وساكت]

المسيره بصراحه طريقتها غلط في غلط .. الفروض مثلا يخلون شارع النصر حق المسيره ويسكرون الشارع يعني مافيه سيارات تدخل والعالم يصفون مواترهم وينزلون يمشون مب كل واحد بموتره خخخخ شهالملل

[بو الجوري]

جنووووون

خلاص لا تشيلين يـّه :telephone:

صح في ناس ماتفتكر تنزل وتشيله .. لكـن ...

خلي بومحمد بيشيل ، وأنا أدري إنه هالرجال قول وفعل :victory:

[JN000N]

جنووووون

خلاص لا تشيلين يـّه :telephone:

صح في ناس ماتفتكر تنزل وتشيله .. لكـن ...

خلي بومحمد بيشيل ، وأنا أدري إنه هالرجال قول وفعل :victory:

زين شقلت يه لاتدز :sneaky:
خل ينزل ويصور لنا لان هو عادي يصور اي شي يسويه ف مافيها شي لو صور وخلا الناس تتعض من تصرفه يمكن وقتها لين جافو بالنظر يقتنعون احسن من الكلام

[بومحمد المطاوعه]

زين شقلت يه لاتدز :sneaky:
خل ينزل ويصور لنا لان هو عادي يصور اي شي يسويه ف مافيها شي لو صور وخلا الناس تتعض من تصرفه يمكن وقتها لين جافو بالنظر يقتنعون احسن من الكلام


افا عليييج

ان شاءالله بصور وبنزل اذا شفت اي علم طايح
ولا اي شي يضر الناس
بنزل وبشيله

يهمني ربي وديني
مايهموني كلام الناس
والحمدلله مب مقصر فالانستقرام

ولا استحي من اي شي اسويه صح
وخير للمجتمع


تحياتي

[JN000N]

افا عليييج

ان شاءالله بصور وبنزل اذا شفت اي علم طايح
ولا اي شي يضر الناس
بنزل وبشيله

يهمني ربي وديني
مايهموني كلام الناس
والحمدلله مب مقصر فالانستقرام

ولا استحي من اي شي اسويه صح
وخير للمجتمع


تحياتي

ششششكرا جزيلا
وجزاك الله خير يالطيب

[بومحمد المطاوعه]

جنووووون

خلاص لا تشيلين يـّه :telephone:

صح في ناس ماتفتكر تنزل وتشيله .. لكـن ...

خلي بومحمد بيشيل ، وأنا أدري إنه هالرجال قول وفعل :victory:

ههههههه
صدقت والله في ناس ماتفتكر
والعاقل مايقلد هالناس السفهاء
الي لين شافو شي غلط اسكتو عنه


الله يجزاك خير شهاده اعتز فيها يالغالي
رحم الله والديك

[بومحمد المطاوعه]

ششششكرا جزيلا
وجزاك الله خير يالطيب

الشكرلله تعالى
ويجزاكي كل خيررر يالشيخه

[المحاميه]

^ محد قال عيب بس بعيد عن المثاليه شوي والتمثيل
احنا مانشيل ولا نتعنى نوقف السياره عشان ننزل نشيل علم وسط ناس يمرون صوبه وزحمه محد مفتكر شبتشيل وشبتخلي؟

ليش جنون؟

اذا فيه مقدورج انج تشلينه شليه بالعكس هالتصرف صح مش غلط


نقول لا للسلبيه ونحاول نتصرف ولو شوي في مثل هالامور

[MirusS]

منع المسيرات هو الي بيقلل رمي الاعلام ومب بس بيقلل قط الاعلام بيقلل اشياء وايد بعد

ماراح تنحل المشكلة بالتوجيه والنصح .. الحل الامثل منع المسيره الي مامنها فايده وحده :omen2:

[alyaf3i]

اشكر لك تفضلك بطرح هذا الموضوع اخي الكريم
واجدها فرصة للاشارة الى القانون الذي فصل في جوانب كثيرة في العلم منها اللون والحجم وأهمية تفعيل هذا القانون حتى يحظى رمزنا الوطني بقدسيته وقيمته في النفوس وحتى لا تكون هناك الوان واحجام غير مألوفه في العلم القطري ويعاقب كل من يتسبب في تشويه هذا الرمز الغالي او الاساءة اليه في جوانب تم الاشارة اليها من قبل الاخوان .

ولكنني هنا احب اضيف شي اذا ممكن ان يتعاطى معاه المسؤولين وهو مدلول العلم القطري

لو تلاحظون في كتب الطلاب في المدارس هناك نبذه بسيطه عن مدلول العلم القطري - و هناك بعض المعلومات المشابهه في موقع وزارة الخارجية هذه هي


علم دولة قطر
العلم الوطني لدولة قطر لونه عنابي وأبيض، وبه تسعة رؤوس تنفذ في الجزء العنابي اللون.

دلالة رموز العلم:

الأبيض : يرمز للسلام.
الإرجواني: يرمز إلى الدم الذي أريق أو الدم المتخثر، ويذكر أن قطر قدمت دماء كثيرة في حروبها التي خاضتها.
الرؤوس التسعة الموجودة في العلم: ترمز إلى أن دولة قطر هي العضو التاسع في (الإمارات المتصالحة) في دول الخليج العربي.

http://www.mofa.gov.qa/ar/Qatar/Pages/GeneralInformation.aspx

وهناك معلومات تاريخيه تم نشرها حول العلم ا لقطري في العام قبل الماضي عندما اختير شعار الادعم كشعار لليوم الوطني - وهناك معلومات كافيه في هذا الجانب في موقع الاحتفال باليوم الوطني وايضا فلم تسجيلي عن تاريخ لون علم قطر وايضا مدلول اللون .

وكوننا نعمل مع فئة الطلاب في تعزيز قيمة العلم - فاننا نحاول ان نشير الى ا لمعلومات الجديدة والتي تمت الاشارة اليها ونشرها في موقع الاحتفال باليوم الوطني , ولكن ما نراه هو معرفة الطلاب بالمعلومات الموثقة في صفحة الغلاف في كتبهم المدرسية .

فهل ما نقوم به يسبب تشتيت لمعلومات الطلاب ؟ ام تعريفهم بواقع تاريخي اثبته الخبراء والباحثين المكلفين بدراسة تاريخ الادعم ؟

وهل يمكن الطلب من المجلس الاعلى للتعليم بوضع المعلومات الحديثه عوضا عن المعلومات القديمة ؟

افيدونا في هذا الامر ....
وهذا رابط موقع اليوم الوطني
http://www.qatar.qa/arabic/Qatar/Pages/Al-Adaam.aspx

[بو الجوري]

شاكر مداخلاتكـم ..


أخوي alyaf3i

أسعدتني مداخلتك وحرصك على إدخال المعلومات الجديده في ذهون الطلاب
بدل المعلومات البسيطه المتعارف عليهـا ..

أتوقع لو توجه كتاب رسمي للمجلس الأعلى ، بخصوص تحديث المعلومات في المناهج
والموضوع مب صعب ، خصوصاً للمدارس المستقله ..

وهذا لا يمنع مقابلة أحد المسؤولين في المجلس الأعلى ..


أتمنى حد يفيدك بالشخص المسؤول ..


شاكر مداخلتك مره ثانيه

[الماريّة]

.
.
.

يعطيك العافية اخوي بوالجوري

موضوع جدا ممتاز وتنبيه للاغلبيه

والمصيبة الاكبر لما يجونك بعض الاخوات يخيطون ملابسهم بشكل العلم

ياليت هالنقطه ينبهون عليها الخياييط ويمنعون اي فستان نسائي بشكل علم قطر

والله يحفظ بلادي قطر ودوم مرفوعه الراس

:)

[بو الجوري]

صحيح إختي الماريه ..

يا ريت يتم التنبيه على المحلات و الخياييط ،

إنه لا مانع من إستخدام ألوان العلم ، و ليس شكل العلـم ..

:)