إفتتاح أول سوق نسائي في قطر ................................

[مستثمر رشيد]

http://media.al-sharq.com/PortalImages/News/Large/167822_0.JPG

قالت سيدة الأعمال سهيلة آل حارب صاحبة فكرة إنشاء أول سوق نسائي في قطر بشارع آل شافي التجاري إنّ فكرة إنشاء سوق نسائي جاءت بهدف الحفاظ على خصوصية المرأة القطرية في التسوق، وانتقاء احتياجاتها المنزلية في أجواء من الأريحية، وتعريف الزبونات على عدد من التاجرات القطريات، اللواتيّ يبدأنّ حياتهنّ المهنية لأول مرة في أول خطوة نحو مشروعات صغيرة ومتوسطة.
وأضافت أنّ السوق النسائي يعزز من قدرات التاجرات وصاحبات الأعمال على ابتكار أفكار تسويقية تتناسب مع تجارتهنّ وإنتاجهنّ، ويتيح أمامهنّ أنّ يضعنّ أقدامهنّ على أول الطريق، منوهة بانّ الدعم الذي توليه الدولة للمرأة يمكنها من الوقوف على قدميها في تأسيس مشروعات تنموية.
ويضم السوق النسائي الذي يتوسط شارع آل شافي التجاري أكثر من 34 محلاً، تديره قطريات، يدخلنّ العمل الخاص لأول مرة، ويتنوع نشاطهنّ في العبايات والعطورات والبخور والديكورات وإعداد الأطعمة والضيافة والتجميل وفساتين الأعراس والسهرات وأدوات الزينة.
وتدير هذا المشروع سيدات أعمال قطريات ناشئات يبدأنّ حياتهنّ المهنية بتسويق منتجاتهنّ وتصاميمهنّ وأفكارهنّ الإبداعية في مشروع تنموي رائد يستهدف المرأة القطرية، ويضع أقدامهنّ على سلم المشاريع الخاصة.

[ضوى]

حلووو

حبيت هالمشروع جدا

يارب نزوره قريب ان شاء الله

[العلياا]

شارع آل شافي !!!

هو اصلا فيه مكان اهناك عشان يحطون سوق ؟!!

كفكرة هي ممتازة وفيها تشجيع اهم شي يساعدون التاجرات المبتدئات

[R 7 A L]

http://media.al-sharq.com/PortalImages/News/Large/167822_0.JPG

قالت سيدة الأعمال سهيلة آل حارب صاحبة فكرة إنشاء أول سوق نسائي في قطر بشارع آل شافي التجاري إنّ فكرة إنشاء سوق نسائي جاءت بهدف الحفاظ على خصوصية المرأة القطرية في التسوق، وانتقاء احتياجاتها المنزلية في أجواء من الأريحية، وتعريف الزبونات على عدد من التاجرات القطريات، اللواتيّ يبدأنّ حياتهنّ المهنية لأول مرة في أول خطوة نحو مشروعات صغيرة ومتوسطة.
وأضافت أنّ السوق النسائي يعزز من قدرات التاجرات وصاحبات الأعمال على ابتكار أفكار تسويقية تتناسب مع تجارتهنّ وإنتاجهنّ، ويتيح أمامهنّ أنّ يضعنّ أقدامهنّ على أول الطريق، منوهة بانّ الدعم الذي توليه الدولة للمرأة يمكنها من الوقوف على قدميها في تأسيس مشروعات تنموية.
ويضم السوق النسائي الذي يتوسط شارع آل شافي التجاري أكثر من 34 محلاً، تديره قطريات، يدخلنّ العمل الخاص لأول مرة، ويتنوع نشاطهنّ في العبايات والعطورات والبخور والديكورات وإعداد الأطعمة والضيافة والتجميل وفساتين الأعراس والسهرات وأدوات الزينة.
وتدير هذا المشروع سيدات أعمال قطريات ناشئات يبدأنّ حياتهنّ المهنية بتسويق منتجاتهنّ وتصاميمهنّ وأفكارهنّ الإبداعية في مشروع تنموي رائد يستهدف المرأة القطرية، ويضع أقدامهنّ على سلم المشاريع الخاصة.



هههههههههههههههههههه

هذا اذا ماكانت المحلات محجوزة من الحين لسيدات اعمال قديمات خبرة

[العلياا]

هههههههههههههههههههه

هذا اذا ماكانت المحلات محجوزة من الحين لسيدات اعمال قديمات خبرة

شي طبيعي لان حتى المعارض اللي تقام احين بو يوم يومين صاروا يطلبون من التاجرات قيد منشاه وسجل تجاري

[R 7 A L]

شي طبيعي لان حتى المعارض اللي تقام احين بو يوم يومين صاروا يطلبون من التاجرات قيد منشاه وسجل تجاري


زين ليش يكذبون على الناس ويعطونهم وعود وهميه والامور منتهيه

[العلياا]

زين ليش يكذبون على الناس ويعطونهم وعود وهميه والامور منتهيه

احنا الى الان ما عرفنا شنهي شروط السوق النسائي لذلك نتمنى منهم مساعدة تاجراتنا القطريات المبتدئات
ولا يحطون شروط تعجيزيه اللي تسبب في الفترة الاخيرة بعزوف بعض التاجرات القطريات

[بنـ ابوها ـت]

السوق تم الاعلان عنه من فترة من قبل السماسرة وفي منها محلات ومنها استاندات انا رحت وشفت المكان بنفسي بس اعتقد الحين تأجر بالكامل بس ماناسبني وبالتوفيق للجميع

[مـراحـب]

هههههههههههههههههههه

هذا اذا ماكانت المحلات محجوزة من الحين لسيدات اعمال قديمات خبرة

لا ، ،، معلوماتك خاطئة ، ،، أمس كلموني أنه في محل للتأجير

[R 7 A L]

احنا الى الان ما عرفنا شنهي شروط السوق النسائي لذلك نتمنى منهم مساعدة تاجراتنا القطريات المبتدئات
ولا يحطون شروط تعجيزيه اللي تسبب في الفترة الاخيرة بعزوف بعض التاجرات القطريات


موضوع السجل التجاري من الشروط التعجيزية لدى البعض
اتمنى مايكون من ضمنها

[R 7 A L]

لا ، ،، معلوماتك خاطئة ، ،، أمس كلموني أنه في محل للتأجير


شي طيب

شلون عرفتي عن هالسوق و وين قدمتي ؟

[حمد 2002]

:shy: رحال علمني التجاره ابي اصير تاجر كبيررر :(

[R 7 A L]

:shy: رحال علمني التجاره ابي اصير تاجر كبيررر :(

ماعليه انتظر بس خلنا نشوف منا ولا منا نطلع لنا محل

[حمد 2002]

ماعليه انتظر بس خلنا نشوف منا ولا منا نطلع لنا محل

حتى المكاتب التجاريه اسعارها فوق 8 الاف ريال :weeping::weeping:

حولك مشروع بدون محل ومكتب :shy:

[QATAR 77]

نفس التجربة سوها في السعودية و اثبتت فشلها

[R 7 A L]

حتى المكاتب التجاريه اسعارها فوق 8 الاف ريال :weeping::weeping:

حولك مشروع بدون محل ومكتب :shy:

انت اصبر خلنا نشوف
اذا نجح المشروع النسائي بنطالب بمشروع مثلة الاجارات فيه رمزية نفس سوق واقف

[مـراحـب]

شي طيب

شلون عرفتي عن هالسوق و وين قدمتي ؟

عن طريق وحدة أعرفها ، ، ، هل تبغي محل

[خوي الدرب]

فكرة رائدة
أتمنى لمثل هذه المشاريع التوفيق

[R 7 A L]

عن طريق وحدة أعرفها ، ، ، هل تبغي محل


لا كثر الله خيرج

بس لفائدة العضوات والزائرات



بالتوفيق

[بنـ ابوها ـت]

الاستندات ع 7 و 8 والمحلات من 12 وطالع ع حسب مساحة المحل

[العنيده]

الله ييسرها للجميع ان شاء الله .. وتكون فاتحة خير لهم يارب ..

مانوصيهم هالله هالله بالاسعار لاتصدومنا :)

[sweet qatar]

أتمني يكون التنفيذ بروفيشنال

فعلاً التسوق في جو نسائي بحت مثل المعارض تجربة ثانية

مريحة و جميلة


الله يوفقهم

[توشيبا]

انا كنت من المدعوين في الافتتاح

استمتعت باكل الكيك وعطوني ورد احمر

المكان حلو

[Rider]

الله ييسرها للجميع ان شاء الله .. وتكون فاتحة خير لهم يارب ..

مانوصيهم هالله هالله بالاسعار لاتصدومنا :)
الاسعار بصراحة غالية الاهل راحو

[ودي أكون]

الاسعار بصراحة غالية الاهل راحو

طبيعي دام التاجرات قطريات :secret:

[ضوى]

طبيعي دام التاجرات قطريات :secret:


اختي ودي اكون ، على الاقل القطريات اذا نهبونا زيتنا في مكبتنا ، بس شتقولين في التاجرات الخليجيات اللي اشكره تقول عن القطرية غبية وتدفع ، واشكره تعترف انها تستغلنا وتضحك علينا ، اقلها القطرية ماضحكت علينا حطت سعرها والسوق عرض وطلب

[بو سالم]

اختي ودي اكون ، على الاقل القطريات اذا نهبونا زيتنا في مكبتنا ، بس شتقولين في التاجرات الخليجيات اللي اشكره تقول عن القطرية غبية وتدفع ، واشكره تعترف انها تستغلنا وتضحك علينا ، اقلها القطرية ماضحكت علينا حطت سعرها والسوق عرض وطلب




كلام في محله

[خزامئ]

ممكن الي راحو يوصفون وين المكان بضبط

[توشيبا]

ممكن الي راحو يوصفون وين المكان بضبط

شارع الشافي

اذا جاي من صوب سوبر ماركت السعودي واشارت الزهراني

تجيك اشاره مسجد الشافي

اول ماتخذها دش يمين

علي يمينك مغسله رتوه

بعدها محلات الجنوبي

بعده مجمع سولي

هذا اهو سوق النسائي اسمه مجمع سولي

[نمر بن عدوان]

اختي ودي اكون ، على الاقل القطريات اذا نهبونا زيتنا في مكبتنا ، بس شتقولين في التاجرات الخليجيات اللي اشكره تقول عن القطرية غبية وتدفع ، واشكره تعترف انها تستغلنا وتضحك علينا ، اقلها القطرية ماضحكت علينا حطت سعرها والسوق عرض وطلب

تبرير غير موفق . اذا قص علي الغريب وستغلني نقول ماعليه شرهه غريب لكن يقص علي اخوي ويستغلني هذي مصيبه والمصيبه الاكبر ابرر له بعد وادور له عذر.

[توشيبا]

تبرير غير موفق . اذا قص علي الغريب وستغلني نقول ماعليه شرهه غريب لكن يقص علي اخوي ويستغلني هذي مصيبه والمصيبه الاكبر ابرر له بعد وادور له عذر.


حتى ولو سوا اخوي ولا غريب

ماحبه يستغلني ولا احب اشوفه يوقع نفسه في النصب وياكل الحرام

[مابدل العادات]

أهم شي الأسعار

الله يستر

[همر]

مشروع فاشل ...

مسيره يسكر ويفتح محل عبايات.. :(

[aloosh]

بقدره قادر بتحصلون الاجانب فيها

لانه معا الاسف لا جات على بنت البلد حط لها شروط تعجيزيه

[أخت الكل]

نجاح المشروع مرتبط بطبيعة المعروض

فإذا كانت البضائع ممتازة ومنوعة فاكيد انه مشروع ناجح

[النهار]

انا كنت من المدعوين في الافتتاح

استمتعت باكل الكيك وعطوني ورد احمر

المكان حلو

رح زين قال كنت مدعو لايكون فاكر نفسك 2002 هههههههههه

[توشيبا]

رح زين قال كنت مدعو لايكون فاكر نفسك 2002 هههههههههه

شوف المشاركه رقم 6014


http://www.qatarshares.com/vb/showthread.php?535896-%E3%E4-%E6%ED%E4-%DE%C7%DA%CF-%CA%DF%CA%C8-%E1%E4%C7-%D1%CF%DF-%DD%ED-%E5%C7%E1%E1%CD%D9%C9-%BF&p=9809493&highlight=#post9809493

وكان اول يوم بتواجد محمد الشافي علي ماعتقد اسمه كذا

وصحفيه من جريده الرايه

وثاني يوم صوري نازله في الجريده

اطال الله في عمري

اذا مقهور عشان عطوني كيك وورد تعال سوق واقف باعطيك ورد ههههههههههههههه

[الواعد]

السوق دخوله للحريم فقط ؟ ممكن اوقات عمله صباح ومساء

[سليمان احمد]

كيف مكان وسوق نسائي مخصص وصاحبه المشروع تقول خصوصيه النساء

وهي اول من اانتهكت خصوصيته وجلبت رجال يفتتحونه

كلام فاضي وتناقض وبكره راح يتلاشى وبنشوف البائعين في السوق

يعني هذي اسلوب دعائي بحت راح يوضح مع الايام وبتتذكرون كلامي

[نوفا91]

تاجرات وقطريات ، عيل سلموا ع الاسعار اكيد فووووووق

اذا الكب كيك ، يحسسونك مخترعين الذره

بس بنمر ونشوف
:)

[حياة]

صراحه اسعار بعض القطريات نااااااار

[حسن]

الصراحه

بعض الردود فيها تحطيم وبعضها نقد بدون حقيقه وبعضها مع الخيل ياشقرا
هذا عيب النكات الحقيقه مفقوده

على العموم بالتوفيق لهم واللي يبي يشتري يشتري واللي مايبي يتفرج

[شيخ الديرة]

بعد أن قرأت المشاركات تغيرت فكرتي عن السوق. كان ممكن يكون سوق حاله حال كل الأسواق الأخرى ما عدا أن الدخول او العمل فيه غير مسموح للرجال. ولكن اذا كانت الفكرة ان المتاجر يجب أن يكون ملاكها نساء كذلك, يوم يومين تتغير المزاجات وتتحول الى محلين فقط ..

[بشائر]

فكرة جيدة إن شاء الله تستمر ..




حتى المكاتب التجاريه اسعارها فوق 8 الاف ريال :weeping::weeping:

حولك مشروع بدون محل ومكتب :shy:


أي حمد ذكرتني بالأفلام المصرية القديمة كله يعرضون واحد بيده صندوق متوسط معلقه على رقبته
ويدور فيه على السيارات عند الإشارات يبيع حلوى وزقاير وفل مشروع مربح الحق على باقي الدورات
قبل يحولونها لاشارات واستفيد من الزحمة ..:)

[JN000N]

ليش تقولون القطريات اسعارهم نار؟
انتو عن من تشترون ابي اعرف بس!
على كثر ما اعرف مصممات قطريات ماشوف عندهم غلا الا ف القطع الي تستاهل
والحلويات وكيك اسعارهم حدا مناسبه وهم نفسهم الي ف انستقرام نفسهم ف المعارض
اذا انتو بس ترددون كلام الناس غالي وغالي
ف احنا نشتري ونروح ونشوف. ونعرف اسعارهم
وانا ماتكلم عن الكل بس الاغلب

[نفسي عزيزه]

يبيله تجربه قريبا ان شاء الله

[نظرة شجاع]

اهم شي مايكون فيه زلمات بحجة المساعده في البيع ويقولون نسائي

[بو خليفه 123]

اهم شي يكون الطاقم عاملات نساء

[مـراحـب]

اهم شي يكون الطاقم عاملات نساء

نسائي بحت

[رجل مثالي]

http://media.al-sharq.com/PortalImages/News/Large/167822_0.JPG

قالت سيدة الأعمال سهيلة آل حارب صاحبة فكرة إنشاء أول سوق نسائي في قطر بشارع آل شافي التجاري إنّ فكرة إنشاء سوق نسائي جاءت بهدف الحفاظ على خصوصية المرأة القطرية في التسوق، وانتقاء احتياجاتها المنزلية في أجواء من الأريحية، وتعريف الزبونات على عدد من التاجرات القطريات، اللواتيّ يبدأنّ حياتهنّ المهنية لأول مرة في أول خطوة نحو مشروعات صغيرة ومتوسطة.
وأضافت أنّ السوق النسائي يعزز من قدرات التاجرات وصاحبات الأعمال على ابتكار أفكار تسويقية تتناسب مع تجارتهنّ وإنتاجهنّ، ويتيح أمامهنّ أنّ يضعنّ أقدامهنّ على أول الطريق، منوهة بانّ الدعم الذي توليه الدولة للمرأة يمكنها من الوقوف على قدميها في تأسيس مشروعات تنموية.
ويضم السوق النسائي الذي يتوسط شارع آل شافي التجاري أكثر من 34 محلاً، تديره قطريات، يدخلنّ العمل الخاص لأول مرة، ويتنوع نشاطهنّ في العبايات والعطورات والبخور والديكورات وإعداد الأطعمة والضيافة والتجميل وفساتين الأعراس والسهرات وأدوات الزينة.
وتدير هذا المشروع سيدات أعمال قطريات ناشئات يبدأنّ حياتهنّ المهنية بتسويق منتجاتهنّ وتصاميمهنّ وأفكارهنّ الإبداعية في مشروع تنموي رائد يستهدف المرأة القطرية، ويضع أقدامهنّ على سلم المشاريع الخاصة.


شئ جميل ومشروع يعطي للمرأة خصوصية كاملة

[أم محمد 90]

هههههههههههههههههههه

هذا اذا ماكانت المحلات محجوزة من الحين لسيدات اعمال قديمات خبرة

وزد عليها العطورات المخلطة الرخيصة مالت حميد وتبيعها ب500 و 600
والعبي مالت سوق العسيري تنباع ع 3 الاف و 5 الاف !

ننطر ونشوف بس........

[أم محمد 90]

ماعليه انتظر بس خلنا نشوف منا ولا منا نطلع لنا محل

انا عندي بضاعة فالبيت وتعبت من امور التوصيل واخذ الطلبات ودي افتح محل بس كل اجار يقص الظهر ياليت لو يفتحون سوق ويخلون الاجارات رمزية حق البنات اللي عندهم بزنس !
يعني وايد البنات الصغار عندهم فكار وودهم بمحلات ، مافيها شي احس بيكون شي حلو
اقل ااجار لقيته ب 13 الف ريال ويمكن يرتفع كل شهر !؟

[دايموند]

ليش تقولون القطريات اسعارهم نار؟
انتو عن من تشترون ابي اعرف بس!
على كثر ما اعرف مصممات قطريات ماشوف عندهم غلا الا ف القطع الي تستاهل
والحلويات وكيك اسعارهم حدا مناسبه وهم نفسهم الي ف انستقرام نفسهم ف المعارض
اذا انتو بس ترددون كلام الناس غالي وغالي
ف احنا نشتري ونروح ونشوف. ونعرف اسعارهم
وانا ماتكلم عن الكل بس الاغلب
اسمحي لي جنون لا اتفق معاج

للاسف اي شي صنع محلي ونسائي يكون سعره دبلااات السعر الحقيقي

من دلال والفناجين الى الكيك والكب كيك والعبي والفساتين. وحتى اذا مطعم محلي صاحبته قطرية. لازم سعرها نار

طب ليش؟كرهتونا ببضايع القطريات والله انا للاسف الشديد اتعامل مع تاجرات سعوديات افضل لي لانهم ارخص من القطريات بدفعاااااات

[JN000N]

اسمحي لي جنون لا اتفق معاج

للاسف اي شي صنع محلي ونسائي يكون سعره دبلااات السعر الحقيقي

من دلال والفناجين الى الكيك والكب كيك والعبي والفساتين. وحتى اذا مطعم محلي صاحبته قطرية. لازم سعرها نار

طب ليش؟كرهتونا ببضايع القطريات والله انا للاسف الشديد اتعامل مع تاجرات سعوديات افضل لي لانهم ارخص من القطريات بدفعاااااات

السعوديات ارخص!
اسمله عليج
السعوديات اييبون لج عبايات المعارض مالتنا من محلات هناك ماتكلفها 350 او 400 واذا كلش كلش فيها شغل 600 ريال وتبيع من 2000 وطالع
جلابيات شماطيط وارخص انواع القماش من النوع الي غسله وحده وينزل اللون ويخرب الجلابيه او الدراعه من 800 وطالع وهو كله كله يمكن ماكلفها 200
انا اعرف مصممات جلابيات وعبايات واعرف اسعارهم واعرف شنو الي مغلي بعض اسعار بضاعتهم خاصه المشغوله يدويا
مب تعال ركب قطع ع بعض وبيع بغالي وقول تصميمي
وحتى الحلويات اسعارهم واااايد معقوله وزينه وفمتناول الكل
لاتشووهون سمعة التجارات القطريات وتطلعون الي ايون من الخليج احسن
لان الي هني اجود وارقى واسعار افضل

[رجل مثالي]

http://media.al-sharq.com/PortalImages/News/Large/167822_0.JPG

قالت سيدة الأعمال سهيلة آل حارب صاحبة فكرة إنشاء أول سوق نسائي في قطر بشارع آل شافي التجاري إنّ فكرة إنشاء سوق نسائي جاءت بهدف الحفاظ على خصوصية المرأة القطرية في التسوق، وانتقاء احتياجاتها المنزلية في أجواء من الأريحية، وتعريف الزبونات على عدد من التاجرات القطريات، اللواتيّ يبدأنّ حياتهنّ المهنية لأول مرة في أول خطوة نحو مشروعات صغيرة ومتوسطة.
وأضافت أنّ السوق النسائي يعزز من قدرات التاجرات وصاحبات الأعمال على ابتكار أفكار تسويقية تتناسب مع تجارتهنّ وإنتاجهنّ، ويتيح أمامهنّ أنّ يضعنّ أقدامهنّ على أول الطريق، منوهة بانّ الدعم الذي توليه الدولة للمرأة يمكنها من الوقوف على قدميها في تأسيس مشروعات تنموية.
ويضم السوق النسائي الذي يتوسط شارع آل شافي التجاري أكثر من 34 محلاً، تديره قطريات، يدخلنّ العمل الخاص لأول مرة، ويتنوع نشاطهنّ في العبايات والعطورات والبخور والديكورات وإعداد الأطعمة والضيافة والتجميل وفساتين الأعراس والسهرات وأدوات الزينة.
وتدير هذا المشروع سيدات أعمال قطريات ناشئات يبدأنّ حياتهنّ المهنية بتسويق منتجاتهنّ وتصاميمهنّ وأفكارهنّ الإبداعية في مشروع تنموي رائد يستهدف المرأة القطرية، ويضع أقدامهنّ على سلم المشاريع الخاصة.


نعم انا مع هذا المشروع الجيد وجميع المشاريع التي تفيد العائلات الخليجية

[دايموند]

السعوديات ارخص!
اسمله عليج
السعوديات اييبون لج عبايات المعارض مالتنا من محلات هناك ماتكلفها 350 او 400 واذا كلش كلش فيها شغل 600 ريال وتبيع من 2000 وطالع
جلابيات شماطيط وارخص انواع القماش من النوع الي غسله وحده وينزل اللون ويخرب الجلابيه او الدراعه من 800 وطالع وهو كله كله يمكن ماكلفها 200
انا اعرف مصممات جلابيات وعبايات واعرف اسعارهم واعرف شنو الي مغلي بعض اسعار بضاعتهم خاصه المشغوله يدويا
مب تعال ركب قطع ع بعض وبيع بغالي وقول تصميمي
وحتى الحلويات اسعارهم واااايد معقوله وزينه وفمتناول الكل
لاتشووهون سمعة التجارات القطريات وتطلعون الي ايون من الخليج احسن
لان الي هني اجود وارقى واسعار افضل
معليش جنون لا تزعلين بس هذا الواقع اسعار التاجرات القطريات صارت تنافس الماركات

اخبر لما بغيت اشتري طقم ملابس للمواليد من تاجره اقطريه طلع لي بمبلغ وقدره
وشفت نفسه بالدول المجاوره بنصف السعر بالضبط

وحتى ان سعرها كان نفس سعر الماركات العالميه ليش؟!!!!

في وايد امثله لمنتجات بس مايحضرني حاليا غير محل ايس كريم صاحبته قطريه تبيع الايس كريم اغلى حتى من باسكن روبنز اشحقه ؟!

جست فلافل و وفلافل ايلاند مادري من اصاحبها اشدعوه الفلافل ب 12 ريال والبتراء يبيعه ب 4 ريالات!!

الكيك اشوفه عند تاجره ب 350 واقدر اخلي البتيل يسونه لي ب 180 ريال و ب200 ريال

الكاب كيك وصل سعره 15 ريال اشدعوه وحتى 12 ريال بعد واايد

لولي بوب نفس الشي ب 12 ريال وحبه صغييييره جدا ليش!!!


وااايد أشياء. مبالغ فيها عندنا للاسف لكن مايحضرني حاليا غير الي ذكرته

[مهرة]

احنا الى الان ما عرفنا شنهي شروط السوق النسائي لذلك نتمنى منهم مساعدة تاجراتنا القطريات المبتدئات
ولا يحطون شروط تعجيزيه اللي تسبب في الفترة الاخيرة بعزوف بعض التاجرات القطريات


خبر جميل بس زحمة ذيك المنطقة .. ايه والله صادقة العليا الحينه وين اودي دهوني وبخوري وبلاليطي ..!

[العلياا]

خبر جميل بس زحمة ذيك المنطقة .. ايه والله صادقة العليا الحينه وين اودي دهوني وبخوري وبلاليطي ..!

تأخرتي وااايد يالمهرة ماظن باقي محلات :(
بس البلاليط ممكن اصرفها لج :secret:

[مهرة]

معليش جنون لا تزعلين بس هذا الواقع اسعار التاجرات القطريات صارت تنافس الماركات

اخبر لما بغيت اشتري طقم ملابس للمواليد من تاجره اقطريه طلع لي بمبلغ وقدره
وشفت نفسه بالدول المجاوره بنصف السعر بالضبط

وحتى ان سعرها كان نفس سعر الماركات العالميه ليش؟!!!!

في وايد امثله لمنتجات بس مايحضرني حاليا غير محل ايس كريم صاحبته قطريه تبيع الايس كريم اغلى حتى من باسكن روبنز اشحقه ؟!

جست فلافل و وفلافل ايلاند مادري من اصاحبها اشدعوه الفلافل ب 12 ريال والبتراء يبيعه ب 4 ريالات!!

الكيك اشوفه عند تاجره ب 350 واقدر اخلي البتيل يسونه لي ب 180 ريال و ب200 ريال

الكاب كيك وصل سعره 15 ريال اشدعوه وحتى 12 ريال بعد واايد

لولي بوب نفس الشي ب 12 ريال وحبه صغييييره جدا ليش!!!


وااايد أشياء. مبالغ فيها عندنا للاسف لكن مايحضرني حاليا غير الي ذكرته

هلا دايموند ,,

صادقة اختي اسعارهم خيالية وشغلهم ان كان أكل الله يعز النعمة وان كان ملابس او شغلات ثانية كوالتي تعباااااان

وتقولج فلانة شرت والشيخة شرت والسفيرة شرت والوزيرة جات والفنانة حضرت وكلن يشتري ويازين الزين وخواتها مدري بنات عمها يسوون لها دعاية وهم كلهم يدرون بين بعضهم انه لا ذمة ولا ضمير ولا بضاعة ومواد زينة .. أستغفر الله وتبي الرزق الحلال واهم شي الأذكار والبوستات الدينية واعليه تبي تتوفق ..!

( واااااااو رهيب اينننن سندويش خنفروش بالبيض والزعتر) :con2:

كلهم يهونووون الا مصممات العبايات ومن صجها مسمية عمرها مصممة ,,عبي ماتنلبس وماتنشاف :rolleyes2:

[Rider]

بما اني متردد على شارع ال شافي للاسف سوقهم دائما فاضي ماعندهم ناس

[ودي أكون]

معليش جنون لا تزعلين بس هذا الواقع اسعار التاجرات القطريات صارت تنافس الماركات

اخبر لما بغيت اشتري طقم ملابس للمواليد من تاجره اقطريه طلع لي بمبلغ وقدره
وشفت نفسه بالدول المجاوره بنصف السعر بالضبط

وحتى ان سعرها كان نفس سعر الماركات العالميه ليش؟!!!!

في وايد امثله لمنتجات بس مايحضرني حاليا غير محل ايس كريم صاحبته قطريه تبيع الايس كريم اغلى حتى من باسكن روبنز اشحقه ؟!

جست فلافل و وفلافل ايلاند مادري من اصاحبها اشدعوه الفلافل ب 12 ريال والبتراء يبيعه ب 4 ريالات!!

الكيك اشوفه عند تاجره ب 350 واقدر اخلي البتيل يسونه لي ب 180 ريال و ب200 ريال

الكاب كيك وصل سعره 15 ريال اشدعوه وحتى 12 ريال بعد واايد

لولي بوب نفس الشي ب 12 ريال وحبه صغييييره جدا ليش!!!


وااايد أشياء. مبالغ فيها عندنا للاسف لكن مايحضرني حاليا غير الي ذكرته

اتفق معاج ان بعض القطريات او الاغلب منهم فيهم طمع والله اعلم والله المستعان

عن تجربه مع اكثر من تاجره ..

[بوحارب]

الله يوفق البايعه والمشتريه :yes: