+ لهدرجة ابنائنا سلعة رخيصة +

[شبح الصمت]

السلام عليكم ورحمة الله وبركاته ،،

الموضوع اليوم عن الابناء وبالتحديد الشباب الصغار جيل المستقبل الي كل أب وأم بنو عليهم آمالهم في الحياة وبالذرة الصالحة الي راح نخرجها للمجتمع ..


موقف شدني وآلمني صراحة لانه واضح انه بعلم الوالدين ...


كنت رايح مع رفيجي ناخذ اغراض لسياراته محل تزويد .

وصلنا وقفت شدني على يميني موتر واقف كروزر فاتحين بانته وقاعدين يركبون له فلتر ريس

فلتر الريس عبارة عن قطعة تركب فالمكينه تعطي باور اشوي للسيارة واطلع صوت ..
اطالع احسب اني راح اشوف واحد كبير اشوي الا اشوف راس صبي عمره ما تجاوز الـ 15 سنه اتوقع ويالس يطالعني وخايف اشوي اشوف نزل من الموتر دريول .. !!! :eek5:

والله انه الدريول يتحلطم اقوله شنو يسوي يقولي مافي معلوم ويآشر بيده يعني مهب عاجبه الووووضع كلش

شافني البزر اكلمه قام وتشجع وتبسم ناديته قله لت له حركات فلتر ريس وبوالين عندك ليسن قالي لا قلت له اشله مركب هالسوالف بيجرونك مع الدريول ..

قال لا لا انا اصلا باخذ تست فالموتر بجربه عقب بخلي الدريول يسووووق !!!


اشدعوه يالاب واشدعوة يالام لهدرجة الولد رخيص عندكم وعااادي ..

وامثله كثيرة
صوب الغرافة يهال على لكزس فرويل الجديدة بوالين مريوس ويدعم موتر ما فيه احد يهالوووه بعد ما طافو الـ 15 سنة

ييبون يحركون ودق لهم هرن وقفوا نزل واحد قلت له حد فيكم عنده ليسن قالووا لا قلت وموتر الرجال اش موضوعه قال بخلي الدريول قلت له لا تحركون واتصلوا للدريول خلووه يجي ترى في ذمتكم وانتم اشلون تسوووقون ..


لا تقولون لي دور المرور الله يخليكم هالدور كله على الوالدين الاب والام الي لاهين ولا يدرون عنهم..

ولا بس هياط ولدي اخليه يسوووق وتوه ما طلع من بذرته

وعقب لي صادهم شيء تقعد تصيح ولدي راح وولدي راح

خافو على عيالكم تحملوا فيهم تراهم امانة ..

الله يغفر لنا ويرحمنا ويقدرنا على تربيتهم التربية الصالحة ..

[R 7 A L]

المشكلة ياخوي شبح
لو كلمت اولياء امور مثل الي في موضوعك بيأكلك وبيقول لك ( شدخلك )

[شبح الصمت]

المشكلة ياخوي شبح
لو كلمت اولياء امور مثل الي في موضوعك بيأكلك وبيقول لك ( شدخلك )



اي صدقت تكلمه ويرد عليك هالرد الي يشق جبهتك

[qtr qtr]

المشكلة ياخوي شبح
لو كلمت اولياء امور مثل الي في موضوعك بيأكلك وبيقول لك ( شدخلك )

كلامك صح ولكن مب من حقه يخلي عياله يذبح العالم اللي ماسك طريقه

ترى والله ان ابوهم وامهم ما يدرون بالسالفه عن ولدهم وين يروح ويش قاعد يسوي .. كل واحد فيهم لااهي بدنياااه وقاطين الهم والتربيه على الدريواال والخدم

[ثابت]

للاسف نعم نعم الدور الاساسي لحل هذي الظاهرة هم الوالدين المرور مش مقصرين ابدا والحكومة ما قصرت في التوعية لكن للاسف الدور الاساسي هو الوالدين لمحاربة هذي الظاهرة الخطرة

انا جلست في المجلس مع اخوي الكبير ولدة عمرة 15 دش المجلس علينا يسلم شفت راسة ملفوف قلت لة عسى ماشر سكت ونزل راسة وطالعت ابوة الي هو اخوي الكبير طالعني با ابتسمة وقال لي لا هو جاني امس بعد المدرسة قال يبة ابي سيارة اسوق اروح فيها المدرسة وشلخت راسة بفجال قلت لة لما راسك يتحمل الفجل ما ينشلخ بعدين عادي بيتحمل الحديد لا يشلخة

[شبح الصمت]

كلامك صح ولكن مب من حقه يخلي عياله يذبح العالم اللي ماسك طريقه

ترى والله ان ابوهم وامهم ما يدرون بالسالفه عن ولدهم وين يروح ويش قاعد يسوي .. كل واحد فيهم لااهي بدنياااه وقاطين الهم والتربيه على الدريواال والخدم



الدريول جاي يترزق الله ويطلب الرزق الزود

والبزر تحصله يعطيه يعبي له كروت فيسكته

إلا من رحم ربي من الدريوله الشقرديه الي ما يرضى في هالسوالف وشخصيته قويه

اما تجيب له واحد توه صغير دريول وفيه الطربه راح يطربه هالبزر

[شبح الصمت]

للاسف نعم نعم الدور الاساسي لحل هذي الظاهرة هم الوالدين المرور مش مقصرين ابدا والحكومة ما قصرت في التوعية لكن للاسف الدور الاساسي هو الوالدين لمحاربة هذي الظاهرة الخطرة

انا جلست في المجلس مع اخوي الكبير ولدة عمرة 15 دش المجلس علينا يسلم شفت راسة ملفوف قلت لة عسى ماشر سكت ونزل راسة وطالعت ابوة الي هو اخوي الكبير طالعني با ابتسمة وقال لي لا هو جاني امس بعد المدرسة قال يبة ابي سيارة اسوق اروح فيها المدرسة وشلخت راسة بفجال قلت لة لما راسك يتحمل الفجل ما ينشلخ بعدين عادي بيتحمل الحديد لا يشلخة



الله يجزاه خير اخوك بس كسر راسه قويه

ههههاي

الله يبلغه فيهم

[MirusS]

صار الموضوع عادي جدا ومايحتاج انه الواحد ينصدم

امس رحت مدرسة اعدادية عشان اقط اخوي الا وحصل ياهل قاعد يصف موتره وداش المدرسه انا مانصدمت كان عادي بالنسبه لي :nice:

وألا اخوي يقولي هاي ابووه ضابط :eek5: .. يعني بصراحة اهمال موب طبيعي

يعني ممكن بعض الاولاد يكونون عاقلين ومالهم بسوالف الاستعراض والتزويد نفس الحالة الي انت شفتها بس حتى لو ماعطيه موتر وعمره 14 او 15 !

انا مادري هالابااء مستبعدين ان عيالهم ممكن يموتون ولا عادي عندهم ولا شسالفتهم ها بخصوص الي راضي ان ولده يسوق .. اما الي مهمل عياله ولاهو داري عنهم هايي فرقبته لو صار فيهم شي

[النظامي]

وعليكم السلام ورحمة الله وبركاته

والله يا اخوي شبح مصيبه ... الاب والام لهم الدور المهم والاساسي في متابعة الابناء

ما ادري ليش هالوقت الاب يقط المسؤولية على الام وعلى الدريول

والام تقط المسؤولية على الاب وعلى الخدامه

واخر شيء نقول عيالنا عاقين ولا ضاعوا مع اصدقاء السوء

الله يحفظ عيالنا وعيال المسلمين ..... والرقابة و المتابعة و تحسيس الاولاد انك موجود معهم في كل وقت مهم مهم جدا

تسلم يا شبح على الموضوع المهم ...... وننتظر منك الاجمل

[شبح الصمت]

صار الموضوع عادي جدا ومايحتاج انه الواحد ينصدم

امس رحت مدرسة اعدادية عشان اقط اخوي الا وحصل ياهل قاعد يصف موتره وداش المدرسه انا مانصدمت كان عادي بالنسبه لي :nice:

وألا اخوي يقولي هاي ابووه ضابط :eek5: .. يعني بصراحة اهمال موب طبيعي

يعني ممكن بعض الاولاد يكونون عاقلين ومالهم بسوالف الاستعراض والتزويد نفس الحالة الي انت شفتها بس حتى لو ماعطيه موتر وعمره 14 او 15 !

انا مادري هالابااء مستبعدين ان عيالهم ممكن يموتون ولا عادي عندهم ولا شسالفتهم ها بخصوص الي راضي ان ولده يسوق .. اما الي مهمل عياله ولاهو داري عنهم هايي فرقبته لو صار فيهم شي


يلا اخذ ابوه ضابط ويعرف القوانين زين ما زين
واسطه يا حبيبي واسطه

اذا الوالد كان يعلم فتلك مصيبه وإذا كان لا يعلم فالمصيبه اعظم


ذاك اليوم صوب مدرسة خليفة الثانويه للبنين واحد مستعرض وداعم له ثلاث مواتر ونزل من الموتر وشرد ..


ياهل ما عنده ليسن .. !!!

لو صادهم شيء هاليهال من المحاسب
صراحة انا ما الوم الشرطه الوووم الوالدين والوم الدريول لانه بعضهم يخضعون للخوف من اليهال والتهديد او الرشاوي الي تنعطى لهم لاجل يسكتون ..

[شبح الصمت]

وعليكم السلام ورحمة الله وبركاته

والله يا اخوي شبح مصيبه ... الاب والام لهم الدور المهم والاساسي في متابعة الابناء

ما ادري ليش هالوقت الاب يقط المسؤولية على الام وعلى الدريول

والام تقط المسؤولية على الاب وعلى الخدامه

واخر شيء نقول عيالنا عاقين ولا ضاعوا مع اصدقاء السوء

الله يحفظ عيالنا وعيال المسلمين ..... والرقابة و المتابعة و تحسيس الاولاد انك موجود معهم في كل وقت مهم مهم جدا

تسلم يا شبح على الموضوع المهم ...... وننتظر منك الاجمل



يا هلا ومرحبا باخوي النظامي
ياخي لو شفت الياهل اشلون يتكلم بثقة يوم يقولي بجرب الموتر تقول لا يبه معطينه الخيط والمخيط ..

ومشكلة الدريول يتحلطم على الموضوع ..

الاب لازم يراقب وبدوره يوعي الدريول انه ما يعطيه السيارة لو شنو والمفاتيح تنخش ولا تسلم له ..
اعجبه الولد اعجبه ما اعجبه العقال ينطررره فالبيت والخيازرين ..

والام دورها انها بعد تساعد وتوعي الدريول بعد في عدم وجود الوالد تكون اهي العين الساهرة
وما ترخض لكل طلبات الصبيان لانه الام قلبها حنون وتلبي كل شيء .

ما قلنا لا تعطونه بس خلوه يبلغ السن القانوني ويكون واعي وفاهم

الله يحفظ عيالنا وعيالكم وعيال المسلمين آجمعين

[7llo]

من فتره كنت واقف على اشاره ايي موتر صالون ويدخل في الرمانه نزلت له اقولك فيك شي قالي لا شكله بزر قلت له عندك ليسن قالي لا قلت له زين دق على حد من ربعك ايجيك دق على ابوه وابوه المسكين جاه وغسل شراعه والمسكين ابوه تم يتاسف لي ويعتذر لي قلت له حصل خير يبا مادري شلون اولياء امورهم يعطون عيالهم سيارات وماعندهم لايسن

[شيخ الديرة]

لحد الأن كل المشاركات تقول يا أولياء الأمور خافو على عيالكم ولا تعطوهم سيارات وهم صغار ما يفهمون.

موقفي يختلف, اللي تارك عياله ما يدري عنهم, أو بعد يشجعهم ويعطيهم السيارات, بصراحة لا تتوقع أنه راح يجي يقرأ المنتدى او يسمع كلام صديقه أو حد ثاني, الأمر منتهين منه.

أنا أقول اللي يريد ينتحر عن طريق أستخدام سيارة, فله مايريد, ولكن خوفي على الأبرياء اللي يشاركوه بالطريق اللي مالهم ولا عليهم يجي واحد طائش ويقلب حياتهم رأس عقب بعد الحادثة.

[المحاميه]

اعتقد ان هذي حركات الشباب في سن المراهقه
صعب السيطره على تصرفاتهم وجنونهم
اكيد الوالدين لهم دور كبير
بس الهقوى ان اهاليهم خبر خير

[ya3coub]

طيب و الحل دام في والدين ما عندهم مانع و في اولياء امور عيالهم يسوقون من غير علمهم


ندري انه قطر و بعض الدول المجاورة من طفولة اليهال مفهوم الــ"قلاعه" الكول الصيه الي يستعرض و يسوق سيارات او عقالة على جنب.

لما يتغير هالمفهوم او القدوة او الصورة الي يبون يوصلون لها عقب نقدر نتكلم. عيالنا قبل ما يدخلون الروضه عندهم معرفه بالسيارات و انواعها.

و يكبرون جيل ورا جيل على هالشي.

ليش ما تكون دولة قطر اول دولة عاليا بالسياقه هالصغار اذا سمحتولهم يسوقون من سن مبكرة و بعلم الوالدين و بأوقات معينة و سوينا لهم برامج Auto cross>
Drift>
Stunts>
ممكن نخلي هاليهال يحبون السيارات اكثر او يقتنعون انها مضرة و يركزون على دراستهم.

و ايضاض الي يتولع بالسيارات يقدر يمارسها بطريقه معينة و يكمل دراسة و ايضا بدال ما يسوق و بس ينمي مهاراته القيادية و يسوي الي بخاطره بالحلبه و يدرس علشان يشتغل شغله عدله توفره المدخول لهالرياضة.

المشكلة مو بس من الوالدين لأن قد يكون الوالد او احد الأخوان الأكبر سنا مارسو نفس الشي و بعقل بس الأن في يوتيوب و غيره تلقى الياهل من 12 سنة كل انواع الأستعراض بتلفونه و متى مسموحله يسوق لما يكمل 18 يعني 6 سنين و اهو بخاطره هالشي.

كل ما ساق الإبن بدري كل ما اوتعى بدري بس ايضا ضد انه احد الوالدين يخلي ولدة مع الدريول او يسوق بدون علم اهله.
الأب الي يعلم ابنائه السواقه و يكون معاهم و يخليهم يجربون بوجوده كل الي بخاطرهم للتجربه و ينصحهم بيوتعون و تلقى قيادتهم اقل تهور من الي تلعم يسوق بسرقه السيارة او عن طريق الدريول

[aloosh]

المفروض يمنعونهم حتى من سواقه كلش ويشدد الوالد على الدريول انه اذا خلاه يسوق يسفره يخوفه يعني

انا في شبابي شريت سياره عقب ما وصل عمر 21 من حر مالي وكنت احافظ عليها لان اقساطها وراي كل يومين في المغسله :)

يجب على الاباء ان لا يعطون اولادهم سيارات باقل من عمر 21 اذا انه خايف على ابنه ونسمع كل يوم حوادث شباب في عمر الزهور تقضي في حادث
انا استغرب من بعض الاباء وهماله وعدم متابعته لابنه في كل صغيره وكبيره


موضوع مهم اخوي وتسلم على التنبيه

[حسن]

بومحمد المطاوعه منزل موضوع عن الابناء يوم قلت له هذا الكلام
للخدامه والسواق
قالي وشدخلهم

:rolleyes2:

في كثير ونسبه لا يستهان فيها وبعدين الحين العالم كله مع سواقين
مره نفسك اشوف ولد صغير يسوق السياره والادريول في جنبه
شوف الدوله سنت قوانين للحمايه ولكن احس انها معطله
في ابناء يجب من الدوله هي تاؤويهم وتظمهم مثل الدول المتقدمه
ولا بكره بتقعد تدفع ضريبتها في المستقبل
هذه رويتي


واعقب عليك ياشبح الى سلعه ارخيصه
الطفل من يجي على الدنيا وهو يرمى في احظان الخدم لا في بريطانيا
ولا في امريكا ولا في المانيا ولا في الصين ولا في اليابان ولا في الهند
ولا في السنغال
الى عندنا ولا مهب منهم من الطفره والبطره والرواتب العاليه
اصبحت الحياه عند المثير فوضى

[شيخ الديرة]

.
.
.
.
واعقب عليك ياشبح الى سلعه ارخيصه
الطفل من يجي على الدنيا وهو يرمى في احظان الخدم لا في بريطانيا
ولا في امريكا ولا في المانيا ولا في الصين ولا في اليابان ولا في الهند
ولا في السنغال
الى عندنا ولا مهب منهم من الطفره والبطره والرواتب العاليه


سهمك جارح بو علي, عساه ما يخيب.

[مضارب دوسري]

توه من شوي ماسكين يهال الشرطه قدام كرك النعيمي اعمارهم حول ال 15 يسوقون بروحهم بعد
من فتره كان في كبسه زي الفل قدام وقت الشاي العزيزية كانت 4 او 5 سيارات لخويا حملوهم كلهم فيها وودوهم

المرور ولخويا مش مقصرين
واللي يمسكونه لو تشوفهم دموعهم اربع اربع

وين اولياء امورهم
المفروض الحبس والتعهد يكون لولي الامر
اذا هو مب قد المسؤوليه وبايع عياله
الناس وش ذنبهم اذا لا سمح الله دعم عايله وطشرهم

اولياء الامور المهملين هم السبب ولازم يكونون العقاب عليهم هم


من 4 سنوات طالع من بيتي ماكملت 100 متر
والسياره جديده ما مشت 1000
دش علي واحد من باب السايق والحمدلله ان الله ستر
ياهل كان عمره 12 سنه تخيل مخليه ابوه يسوق جمس 2500 hd
-الله يرحم ابوه توفى من فتره -

اتمنى تكون العقوبه للمره الاولى 60000 ريال
والمره الثانية 120 الف
والثالثه تحويل الولد لحقوق الطفل ورفع قضية على الاب لعدم كفاءته

[مضارب دوسري]

الحل يكون من المجتمع بعد
اذا دعمك ولد لا تخلي احد يجي يسوق بداله
اليهال صاروا معتمدين على هالشي واولياء امورهم نفس الشي
اذا دعم الولد يكلم ابوه ويكلمك يجيبك بالكلمه الطيبه عشان ما تبلغ عن ولده
لاااا
اذا دعمك ولد
لازم تكونون على قدر بالمسؤوليه وتشتكون عالولد
عشان يتعلم وابوه يتربى
لانه لما يتعرض لقرصة الاذن ماراح تلقونه يسوق الا عقب ما ياخذ الليسن
اما التساهل والطيبه خلتهم يزيدون اكثر

[R 7 A L]

كلامك صح ولكن مب من حقه يخلي عياله يذبح العالم اللي ماسك طريقه

ترى والله ان ابوهم وامهم ما يدرون بالسالفه عن ولدهم وين يروح ويش قاعد يسوي .. كل واحد فيهم لااهي بدنياااه وقاطين الهم والتربيه على الدريواال والخدم

اللوم كله على اولياء الامور
بس من يقدر يكلمهم
نتمنى تدخل سريع من جهات الاختصاص وتنفيذ اشد العقوبات

[حسن]

توه من شوي ماسكين يهال الشرطه قدام كرك النعيمي اعمارهم حول ال 15 يسوقون بروحهم بعد
من فتره كان في كبسه زي الفل قدام وقت الشاي العزيزية كانت 4 او 5 سيارات لخويا حملوهم كلهم فيها وودوهم

المرور ولخويا مش مقصرين
واللي يمسكونه لو تشوفهم دموعهم اربع اربع

وين اولياء امورهم
المفروض الحبس والتعهد يكون لولي الامر
اذا هو مب قد المسؤوليه وبايع عياله
الناس وش ذنبهم اذا لا سمح الله دعم عايله وطشرهم

اولياء الامور المهملين هم السبب ولازم يكونون العقاب عليهم هم


من 4 سنوات طالع من بيتي ماكملت 100 متر
والسياره جديده ما مشت 1000
دش علي واحد من باب السايق والحمدلله ان الله ستر
ياهل كان عمره 12 سنه تخيل مخليه ابوه يسوق جمس 2500 hd
-الله يرحم ابوه توفى من فتره -

اتمنى تكون العقوبه للمره الاولى 60000 ريال
والمره الثانية 120 الف
والثالثه تحويل الولد لحقوق الطفل ورفع قضية على الاب لعدم كفاءته


مادري يامضارب

اصبحت العقوبات الماليه ماتنفع وغير مجديه
هو صحيح يجب الرجوع الى الاساس والتربيه ولكن نحن نشوف عيال الهمل كل مالهم في ازدياد
الغارمات اصبحت شي تافه والكثير مايفتكر
يارجل ناس تكد على المرور ناس تكد على كيوتل
شاب مراهق مخالفاته فوق 100 الف شدعوه
والله شي مهب طبيعي
ويدفع هو ولا ابوه ومهب متعض ولا مفتكر
هناك خلل ما اصاب الكثير في المجتمع
ويجب دارسته ووضع الحلول ومن اين نبدا العلاج
وسن قوانين مثل الدول المتقدمه
ولازلت اقول الوفره الماليه لما تستغل بشكل خاطى لها تبعيات مدمره
تدفع ضريبتهها الاجيال القادمه

انا اشوف اي واحد يضبط يعمل له بحث حاله اما المخالفات ماعاد تجيب نتيجه
الثقافه هي الاهم

[حسن]

اللوم كله على اولياء الامور
بس من يقدر يكلمهم
نتمنى تدخل سريع من جهات الاختصاص وتنفيذ اشد العقوبات


جهات الاختصاص

يجب تشكيل لجنه عليه من الداخليه ومركز الاسره والطب النفسي
والملجلس لااعلى وغيره حسب الاختصاص
ودراسه كل حاله لسن قوانين صارمه ومراكز ايواء خاصه تاؤويهم وتاهلهم
سواؤ للمراهق او ولي الامر
وبصفه قانونيه وعقوبه

تذكر يارحال اني طالبت باستخدام باصات المدارس
لاني اشوف شي قادم انتو ماتشوفونه

:victory:

[مضارب دوسري]

هذا غير بعض البيوت اللي يكون الاب اساسا طرطنقي
والسكان والريموت والقرارات بيد الام
الاب يقول لا
والام تقول اي

والولد ينفذ اوامر الام

[حسن]

هذا غير بعض البيوت اللي يكون الاب اساسا طرطنقي
والسكان والريموت والقرارات بيد الام
الاب يقول لا
والام تقول اي

والولد ينفذ اوامر الام


حكم القوى على الضعيف

:weeping:

لكل دوله نساء ورجال


:)

[R 7 A L]

جهات الاختصاص

يجب تشكيل لجنه عليه من الداخليه ومركز الاسره والطب النفسي
والملجلس لااعلى وغيره حسب الاختصاص
ودراسه كل حاله لسن قوانين صارمه ومراكز ايواء خاصه تاؤويهم وتاهلهم
سواؤ للمراهق او ولي الامر
وبصفه قانونيه وعقوبه

تذكر يارحال اني طالبت باستخدام باصات المدارس
لاني اشوف شي قادم انتو ماتشوفونه

:victory:



انا معك في باصات المدارس


المفروض
هالهيئات والمؤسسات الاسرة والطفل
نشوف لهم بصمة
للاسف ماشفنا ولا سمعنا لهم اي بصمة
مع العلم ان كلهم اهل اختصاص وثقات وكل شي موفر لهم
بس محتاجين الي تغيير استراتيجية العمل لديهم

[راجي الْعفو]

السلام عليكم ورحمة الله وبركاته ،،

الموضوع اليوم عن الابناء وبالتحديد الشباب الصغار جيل المستقبل الي كل أب وأم بنو عليهم آمالهم في الحياة وبالذرة الصالحة الي راح نخرجها للمجتمع ..


موقف شدني وآلمني صراحة لانه واضح انه بعلم الوالدين ...


كنت رايح مع رفيجي ناخذ اغراض لسياراته محل تزويد .

وصلنا وقفت شدني على يميني موتر واقف كروزر فاتحين بانته وقاعدين يركبون له فلتر ريس

فلتر الريس عبارة عن قطعة تركب فالمكينه تعطي باور اشوي للسيارة واطلع صوت ..
اطالع احسب اني راح اشوف واحد كبير اشوي الا اشوف راس صبي عمره ما تجاوز الـ 15 سنه اتوقع ويالس يطالعني وخايف اشوي اشوف نزل من الموتر دريول .. !!! :eek5:

والله انه الدريول يتحلطم اقوله شنو يسوي يقولي مافي معلوم ويآشر بيده يعني مهب عاجبه الووووضع كلش

شافني البزر اكلمه قام وتشجع وتبسم ناديته قله لت له حركات فلتر ريس وبوالين عندك ليسن قالي لا قلت له اشله مركب هالسوالف بيجرونك مع الدريول ..

قال لا لا انا اصلا باخذ تست فالموتر بجربه عقب بخلي الدريول يسووووق !!!


اشدعوه يالاب واشدعوة يالام لهدرجة الولد رخيص عندكم وعااادي ..

وامثله كثيرة
صوب الغرافة يهال على لكزس فرويل الجديدة بوالين مريوس ويدعم موتر ما فيه احد يهالوووه بعد ما طافو الـ 15 سنة

ييبون يحركون ودق لهم هرن وقفوا نزل واحد قلت له حد فيكم عنده ليسن قالووا لا قلت وموتر الرجال اش موضوعه قال بخلي الدريول قلت له لا تحركون واتصلوا للدريول خلووه يجي ترى في ذمتكم وانتم اشلون تسوووقون ..


لا تقولون لي دور المرور الله يخليكم هالدور كله على الوالدين الاب والام الي لاهين ولا يدرون عنهم..

ولا بس هياط ولدي اخليه يسوووق وتوه ما طلع من بذرته

وعقب لي صادهم شيء تقعد تصيح ولدي راح وولدي راح

خافو على عيالكم تحملوا فيهم تراهم امانة ..

الله يغفر لنا ويرحمنا ويقدرنا على تربيتهم التربية الصالحة ..

امين ..

وعليك و رحمة الله ..

اهلا اشبيح ..

ياخوي قلوبنا تتألم جدا بسبب فقدنا لكثير من الشباب في عمر الزهور .. والسبب التساهل في تسليمهم هذه السيارات .. بروحنا محتاجين زيادة الكثافة السكانية ، ثم نتفاجئ بالوفيّات !

الواجب مثل ما ذكرت تكثيف جرعات التربية و الرعاية و الاهتمام و اختيار البيئة المناسبة لهم ..

لأن هالزمن مب نفس الزمن السالف .. الحياة تطورت و أصبحت أكثر صعوبة من ذي قبل من حيث السيطرة ..

فلا نغلب جانب الحب و العطف ، على جانب المصلحة ..

لك التحية عاى هالالتفاته الطيبه ..

[شبح الصمت]

اشكر الجميع على آثراء الموضوع المهم فرداً فرداً

واعتذر عن عدم الرد لانه فيني كسل غير طبيعي .

هههاي

اتمنى انه نساعد ادارة المرور لمساعدة وانقاذ هؤلاء الابناء من مخاطر السرعه وعدم الوعي ..

وان يتم معاقبة الاب والابن حتى يتم ردعهم عن السياقة دون تجاوز السن القانوني مما يؤدي إلى تعريض حياتهم للخطر ..


اتمنى الكل يكون مراقب ومحاسب ومن خوفنا عليهم لا اكثر ولا اقل

ربي يحفظ ابنائنا وابنائكم وابناء المسلمين والمسلمات آجمعين

[العلياا]

الحل يكون من المجتمع بعد
اذا دعمك ولد لا تخلي احد يجي يسوق بداله
اليهال صاروا معتمدين على هالشي واولياء امورهم نفس الشي
اذا دعم الولد يكلم ابوه ويكلمك يجيبك بالكلمه الطيبه عشان ما تبلغ عن ولده
لاااا
اذا دعمك ولد
لازم تكونون على قدر بالمسؤوليه وتشتكون عالولد
عشان يتعلم وابوه يتربى
لانه لما يتعرض لقرصة الاذن ماراح تلقونه يسوق الا عقب ما ياخذ الليسن
اما التساهل والطيبه خلتهم يزيدون اكثر

السلام عليكم

من شهر تقريبا وفي الفريج انا ماسكه الخط وفي مداخل كثيره على هالشارع
وبعض شبابنا الله يحفظهم عندهم قانون (سيارته فيها بريك) من مبدأ انا الجميع عنده سرعه البديهه
المهم
وانا امشي شوي اللي في سيارة كبيرة داشه بسرعة على الخط وادعمتني
طبعا السيارة من قدام تكنسلت ، نزلت الجامه الا اللي يسوق شكله بو طعش سنة
قلت له يبه بتكلم الشرطة والا انا اتصل لهم
ما وعيت الا امه انزلت جاتني لي الباب تقول يمه سامحيه ترى ما انتبه لج
وهو ما عنده ليسن وقولي ان ابوه اللي كان يسوق !!

في هالحالة ما كان بيدي الا اقول لها على امر يمه ومشيت :)

[شبح الصمت]

السلام عليكم

من شهر تقريبا وفي الفريج انا ماسكه الخط وفي مداخل كثيره على هالشارع
وبعض شبابنا الله يحفظهم عندهم قانون (سيارته فيها بريك) من مبدأ انا الجميع عنده سرعه البديهه
المهم
وانا امشي شوي اللي في سيارة كبيرة داشه بسرعة على الخط وادعمتني
طبعا السيارة من قدام تكنسلت ، نزلت الجامه الا اللي يسوق شكله بو طعش سنة
قلت له يبه بتكلم الشرطة والا انا اتصل لهم
ما وعيت الا امه انزلت جاتني لي الباب تقول يمه سامحيه ترى ما انتبه لج
وهو ما عنده ليسن وقولي ان ابوه اللي كان يسوق !!

في هالحالة ما كان بيدي الا اقول لها على امر يمه ومشيت :)




التشيم الي طاغي علينا ولو صار وقالوا لنا قولوا ما شفنا الي دعم بعد بنقول

ههههههاي

استغفر الله العظيم

والحل اختي العليا مفروض ما نتهاون وقلتي كاهي الام موجوده اهي قاعده تساعد بعد
وبعدين لي راح من جيسة هله قالووا راح الغالي راح الغالي ..

لا حول ولا قوة الا بالله

مفروض نضرب بيد من حديد نبلغ ويجون ويجرونه ياخذ تعهد والاب يتحاسب او الام غرامة حجز موتر اهم شيء يكون في رادع يرده عن انه يرتكب الخطأ مره ثانية لهم ويكون عبره لغيره ..

[العلياا]

بعد ما باليد حيلة ياخوي اذا اهاليهم هالشكل
وحتى لو قلت لها لا لازم ولدج يتعلم مستحيل انا اتصل فالشرطة ولا اروح مركز

نعم محتاجين رادع ومحتاجين ناس تبلغ عن الغلط
والله يهدي هالامهات والاباء ويصلح اعيالهم

[شبح الصمت]

بعد ما باليد حيلة ياخوي اذا اهاليهم هالشكل
وحتى لو قلت لها لا لازم ولدج يتعلم مستحيل انا اتصل فالشرطة ولا اروح مركز

نعم محتاجين رادع ومحتاجين ناس تبلغ عن الغلط
والله يهدي هالامهات والاباء ويصلح اعيالهم


اللهم آمين

ترى قلوبنا تقطع عليهم يوم نشوفهم جذيه لا حسيب ولا رقيب
والمشكلة الدريوليه قاموا يخافون او نفس ما قلت لج مضبط معاه اشلون وكيف ما يندرى لاجل يسكت
او يكون بدراية الوالدين ..

هل تتوقعين التهرب من مسئوليتهم واعطائهم كافة الحرية من الوالدين لاجل كل واحد يهتم في اموره ويخلون مسئوليتهم من هالبزران لاجل السنداره يقولون نخليهم يستانسون ونعطيهم ..

[بنت الجزيرة]

’

شي مؤلم بصراحة
ونحتاج قوانين رادعة وقوية
في حال الوالدين مب منتبهين على عيالهم أو مب قادرين عليهم

والمشكلة مب في اللي ما عندهم لياسن بس
المشكلة في اللي توهم ماخذين اللياسن
العام خلصوا الثانوية العامة
بعضهم سافروا يدرسون ربي يحفظهم ويوفقهم
والبعض قبل لا يبدأ مشوار حياته قطع قلب أمه وابوه وصار مصيره تحت الأرض الله يعف عنهم ويغفر لهم

احيانآ القوانين الصارمة من الدولة هي اللي ممكن تنفع مع المراهقين أو قليلي العقل

واكيد المراهق اللي يطلع مع السايق مشاوير ’ بياخذ منه السيارة وبيعطيه غرشتين كوكاكولا عشان ما يعلم ’
فالحل : نخفف من هالظاهرة شوي
والأب يصاحب ولده ويحتويه
واذا امنعته الظروف يحط كاميرات مراقبة ف السيارة
يشوف له حل قبل لا تضيع حياة ولده

[شبح الصمت]

’

شي مؤلم بصراحة
ونحتاج قوانين رادعة وقوية
في حال الوالدين مب منتبهين على عيالهم أو مب قادرين عليهم

والمشكلة مب في اللي ما عندهم لياسن بس
المشكلة في اللي توهم ماخذين اللياسن
العام خلصوا الثانوية العامة
بعضهم سافروا يدرسون ربي يحفظهم ويوفقهم
والبعض قبل لا يبدأ مشوار حياته قطع قلب أمه وابوه وصار مصيره تحت الأرض الله يعف عنهم ويغفر لهم

احيانآ القوانين الصارمة من الدولة هي اللي ممكن تنفع مع المراهقين أو قليلي العقل

واكيد المراهق اللي يطلع مع السايق مشاوير ’ بياخذ منه السيارة وبيعطيه غرشتين كوكاكولا عشان ما يعلم ’
فالحل : نخفف من هالظاهرة شوي
والأب يصاحب ولده ويحتويه
واذا امنعته الظروف يحط كاميرات مراقبة ف السيارة
يشوف له حل قبل لا تضيع حياة ولده


الله يجزاج خير اختي وكلامج صحيح

الرداع من قبل جهة المرور سيفي بالالتزام والخوف من تجاوز الابناء وتهاون الاباء ..

الله يحفظ الجميع يارب