ما رأيكم في ناس الي تقول واصل خارج المنتدى بالمبلغ الفلاني!

[بورصجي_جديد]

السلام عليكم والرحمة الله وبركاتة


في موضوع حاب اناقشه معاكم بخصوص في بعض من تجار او بعض من الناس الي حابيبين يبيعون شي عسبيل المثال ارقام هواتف سيارات او سيارات او غيره


يقولك واصل خارج المنتدى بسعر الفلاني طيب يا اخي يابايع السلعه وانا ايش عرفني انه واصل هسعر ممكن يكون انت علي كيفك حاط سعر بصراحه انا عن نفسي

اي شخص يحط يقول واصل خارج المنتدى او مسيوم رقم كذا كذا هذا ما اصدقه عطول اعطيه x يا اخوان حلو الواحد يتاجر وحلو الواحد يستفيد ولكن يتاجر با اخلاص

مب يتاجر من تحت لتحت وشكرا واحب اشوف ارائكم

[qtr qtr]

وانت شلون حكمت عليه انه مب صادق بكلامخ قد يكون انسام عبر وساائل كثيره خارج المنتدى

وبعدين كل شخص يقدر قيمة السلعه هل تسوى بهالقيمه او ماتسوى وهذا الشي يرجع لك بتقدير قيمة السلعه اذا يناسبك او ماتناسبك

وان كان غير صادق فهذا شي بينه وبين ربنا سبحانه وتعالى بصدق النيه

[qatari93]

انا نفسك ماصدق اللي يكتب مسويم بكذا ..

في بعض الحالات ..

مثلا رقم مايسوى يكتب لك مسيوم بكذا ( مبلغ خيالي ) مستحيل اصدقه شخصياً ..

لاكن يعتمد على حسب السلعه ..

[Super Cool]

بالعقل...واحد بيبيع شي واصل معاه السعر الفلاني خارج المنتدي بيجيبه هنيه ليش؟؟

كان باعه و خلص...إلا اذا كان من الأساس عيار

[همر]

مايبط جبدك الا اللي يكتب للبيع بـ250 الف

واصل 245 الف !!!!

تستهبل ؟!! :eek5:

قول السعر 250 غير قابل وخلاص

ولا تبي تقول انها واقفه معاك على خمسة الاف !!!

في اعلانات صراحه تدلك على غباء مدقع ...


( متعوب عليها مدقع )

[الزعفراني]

فعلا متعوب على مدقع

[ya3coub]

أخي لا تحط بذمتك إلا اذا تعرف الشخص البائع معرفه شخصية!!

الي يبيع او يعلن لأحد اقربائه او معارفه يستخدم المنتدى كوسيله من عدة وسائل لنشر الخبر او الإعلان لأكبر شريحه ممكنه و طبعا الهدف البيع السريع و الربح الاكبر.

لاتزال تقدر تحط سومتك حتى لو اقل من السعر و اذا الشخص تواصل معاك او وافق دليل على كذبه او ان شخص وعده بسعر معين و وقت الجد اختفى

ابعدو عن سوء الظن يل جماعه سوائا كبائع او كمشتري

[معماري قطري]

بالعكس اللي يحدد سعر أَو يكتب واصل سواءً وصل أَو هو يتمناه يوصل هذا أَفضل عاجبك السعر ساومه ولا انسى موضوعه .. أَما اللي مايحط سعر وكله يرسل لكل واحد على الخاص هذا اللي صج عيار كبير .. ولا اللي يبيع شيء ويقول باقي قطعتين وبعد شوي يقول وصلت دفعة جديدة وبعدها يقول باقي قطعة .. ههههههههه يذكرني بموقع بوكنغ التعيس

[ماجد]

سالفة سام او مسيوم ماتدخل المخ واحس انها موضة قديمة

فرضا عندي غرض وجا واحد وسامه بمية الف الحين اللي سام راح في حال سبيلة ويمكن اصلا مش جاد

يعني مايصير اخلي سلعتي مرهونة بسومة هذا الشخص ولا ابيع اقل من السومة

انا يعجبني الشخص الدايركت اللي يحط سعرة واذا فيه مجال ممكن تكلمة وينزل او يكتب نهائي وخلصنا

بلا سام وسيم وواير ولحسة مخ

[aloosh]

كل واحد حر في سلعته ولا تدخلون في ذمم الناس

اما ادع له بالتوفيق او اصمت

[نفسي عزيزه]

صدقت ..

[ابوالعبد]

انا اتفق مع راعي الموضوع فعلا في ناس يقولك مسيوم مادري كم طيب ليش مابعت دام مسيوم؟؟ خلك دايركت عطول قول للبيع بسعر الفلاني لاتقول مسيوم مامسيوم تلعبون عناس هل انا مثلا مركب رادار بعرف

انه خارج المنتدى واحد سام بسعر معين هههههههههه غريبه بعض الناس

[انتر ميلان]

من الأفضل وضع السعر النهائي واذا الشخص جاد بالشراء بيشتري واذا بس استهبال يمكن يحط سعر خيالي للسلعه ويروح

[Qt.1]

مايبط جبدك الا اللي يكتب للبيع بـ250 الف

واصل 245 الف !!!!

تستهبل ؟!! :eek5:

قول السعر 250 غير قابل وخلاص

ولا تبي تقول انها واقفه معاك على خمسة الاف !!!

في اعلانات صراحه تدلك على غباء مدقع ...


( متعوب عليها مدقع )



اتفق معاك كلام فاضي 100% ايقولك والله وصل لي الموتر هالسعر بس عييت مابعت , زين يابوشباب يعني اللحين وصل مبلغ قريب للمبلغ الي انت عارضه ليش اتعطل نفسك وتنطر بعد خلص وبيع ماجات الاا الف والا الفين , يعني صار السوق فيه ناس اتحسها تستغفل الشخص بطريقه غبيه مايدري انه يلعب على نفسه ومصدق الدور , وفعلا في ناس صادقه .

[حسن]

الكثير من السلع مبالغ فيها
وخصوصا شغلات ارقام وما ارقام
تشوف ارقام ملخبطه يقولك هذا رباعي شنهو التميز اللي فيه رقمين مثل مثل مافيه
رواتب خياليه وشعب بطران يدفع ولا يفتكر

[فيصل99]

حركة قديمه والقليل تحصله صادق

[Dana’1]

ممكن يكون صادق وممكن لا ليش يعني كلهم سوا
مرات الواحد يبغى يوصل سعر معين لبضاعته*ماصارله نصيب برا بيعرضه بالمنتدى
وين الغلط بالموضوع*؟!

[متواصل]

صحيح ان هناك الصادق
وهناك الكاذب

لكن الأمر من هذا كله
لو كان صادق وجاب لك رابط الموقع اللي وصلت فيها بضاعته مثلا 550 وهو طالب زود 600 ولا 700
يجيك شخص يقول تبيع بـ 300 صامل وفلوسي كاش
هذا اطم مما ذكر سابقا كله

[q6ri_vip]

انا عن نفسي ماحب أسوم ع العام كله ع الخاص او مسج ع الجوال وأحط سعري سواء في المنتدى ولا غيره