لجنة العلاج بالخارج رفضوا طلبنا ,,, [الأرشيف] - منتديات شبكة الأسهم القطرية

مشاهدة النسخة كاملة : لجنة العلاج بالخارج رفضوا طلبنا ,,,

Seniorita

11-11-2014, 08:54 AM

السلام عليكم

انا و زوجي قدمنا على علاج بالخارج للانجاب , تقريبا لنا اكثر من سنتين متزوجين , وزوجي عنده انعدام بالحيوانات المنوية (العدد صفر) عمره 39 وانا 33
سوينا تجربه اطفال انابيب في مستشفى الولادة ومانجحت , وطبعا مستشفى حمد ماعندهم اي مشكله ان العمليه ماتنجح ولاسووا اي فحوصات ولادرسوا الاسباب ومارضوا يعطوني موعد الا بعد 6 شهور, لان هذا نظام المستشفى مرتين بالسنة لج مو اكثر
مايفتكرون عندك عيال والا لاء , او شنو وضعك الصحي. في حالة زوجي الشي مو مضمون اليوم يلقون حيوانات منوية بعد 6 شهور بعيد الشر ممكن تختفي.
ومارضوا يجمدون له حيوانات منوية
الصراحة ماافكر اعيدها في مستشفى حمد , المكان كلش مو مهيأ للعمليات , 20 عملية باليوم و 3 اسره فقط للافاقه وغرفة عمليات وحده فقط . ومافي مكان مخصص للرجال. في الحالات الي مثل زوجي لازم يسوي عمليه بتخدير كامل علشان يستخلصون الحيونات المنويه من الخصية والي يكون عددها قليل وغالبا تكون ضعيفه تحتاج عناية خاصه
المهم ان في هالغرفه الصغيره الي فيها 3 اسره , يحطوه الريال مع الحريم, ويوم كان يخربط من البنج , يحاولون يسكتوه لان الغرفه فيها حريم. وفي كل الحالات يخلونك تطلع من المستشفى انت للحين تحت تأثير البنج , علشان نترك السرير للمريض الي بعدنا
حتى غرف الفحص 3 غرف فقط ل 6 دكاتره , الدكتور الي يخلص مواعيده يجي الدكتور الثاني مكانه
وغرفه التصوير فقط جهااازين لمستشفى الولادة كامل سواء مريض عادي او اطفال انابيب الي يحتاج تصوير كل يوم , مش مثل الاماكن الخاصه لكل دكتور جهاز تصوير
كل موعد لازم تكون موجود من الساعه 6 الصبح في الانتظار, لين الساعه 12 او 1 لين تخلص موعدك

واخر شي اللجنة ترفض العلاج , وانا عارفه ان في حالات واااايد قاعده تتعالج عن الانجاب بالخارج, بس لاني قدمت بدون واسطه رفضوا طلبي

افيدووني شنو اسوي ؟؟ ارجع لمستشفى حمد ؟؟ ناخذ سلفه ونروح نتعالج برع على حسابنا والا نقدم تظلم للجنة ؟

qrt_trading

11-11-2014, 09:41 AM

الله يعينج اختي ويفتحها معاج ان شاء الله والله على الظالم:anger1:

مـراحـب

11-11-2014, 09:45 AM

عليك بالإستغفار

الله يرزقكم الذرية الصالحة عاجلا غير أجلا

بوفهيد

11-11-2014, 09:49 AM

الله يكون في عونكم ,, بس أنصحكم بعدم التسرع لعل وعسي واحد من ( الزلمات ) اللي في اللجنة الطبيه يحن قلبه عليكم ,,
ويعطيكم موافقه علاج في الخارج , مع الأسف صار الأجنبي أهو اللي يحدد مصير القطري في كل شي .

همر

11-11-2014, 09:52 AM

رجل يترقد بين الحريم ؟!!! :omg:

يا الهي !!!

اين نحن في بوركينا فاسو ؟!!!

هذا واحنا في المرتبه 44 عالمياً في النظام الصحي !!!

شلون لوكنا في المرتبه 45 !!! :(

الله يعينكم .. يمكن لانكم ماصار لكم فتره متزوجين ..

سنتين مب وايد .. انا اعرف ناس يتعالجون في الخارج

بس من بوعشر سنين زواج بدون عيال ..

الظاهر هذا هو معيار اللجنه ..

الله يعينكم .. باقي 8 سنين :(

R 7 A L

11-11-2014, 09:52 AM

قدموا تظلم للجنة

بن مفتاح

11-11-2014, 09:52 AM

وعليكم السلام والرحمة

اختي اعيدوا الكرة .. واذا تم الرفض مرة ثانية قدموا عن طريق الديوان .. والله ييسر امركم ويرزقكم الذرية الصالحة .. وكما قال لكِ اخوي مراحب اكثري من الاستغفار والصدقات .. واستمري في بذل الاسباب .. والله ييسر اموركم ..

رجل الجزيرة

11-11-2014, 09:53 AM

أسأل الله العظيم رب العرش الكريم أن يرزقكم الذرية الصالحة اللهم آمين يا رب العالمين.

SULTAN1

11-11-2014, 10:07 AM

الله يرزقكم الذريه الصالحة

نوفا91

11-11-2014, 10:07 AM

الله يرزقكم الذريه الصالحه اختي ،

عليج بالاستغفار والدعاء وقيام الليل والصدقه

همر

11-11-2014, 10:09 AM

وعليكم بالدعاء ... ربي لاتذرني فرداً وانت خير الوارثين ..

وحيد-الشوق

11-11-2014, 10:37 AM

اختي اصبري شوي قدمتي تظلم ؟ اذا لا قدمي تظلم وبيسمحون لكم تدخلون وتقابلون اللجنة وتشرحون لهم الاسباب انا عندي تجارب مع اللجنة الطبية اول مرة عشان علاج الوالدة رفضوا مرتين مع التظلم ثالث مرة الوزير رفض :( قلت ما اخليهم اتصلت في وطني الحبيب ونزلت موضوع في الجريدة عقب جانا رد من خدمة لبيه في الصحة للشكاوي ورفعوا موضوعي وقابلنا دكتور في حمد وعقبها طرش خطاب ان المريضة لازم تتعالج في الخارج وثاني مرة كذلك للعودة تلعوزنا بعد بس تيسرت الأمور بفضل رب العالمين

في شغلة مهمه جدا وهي التقرير لازم يكون تقرير الدكتور كاتبه بصيغه عدله وشارح فيه كل شيء

ربي ييسر لكم اموركم ادري اللجنة عوار راس ووايد ناس عندهم معارف وواسطات بس احنا عندنا رب العباد الي ماينسى حد ولاتستعجلون قدموا تظلم ودشي عليهم انتي وزوجج العلاج برا يكلف وايد وايد لأنه مواعيدهم بخصوص الانجاب في امريكا بعيده والعلاج احتمال يطول

برشلوني قطر

11-11-2014, 10:43 AM

الله يرزقكم الذرية الصالحه..

ومثل ماقال احد الاخوان قدمي ع الديوان عل وعسى تمشي امورج..

لاكن فكرة تاخذين سلفه وتروحين شليها من بالج لان العلاج مكلف جدا وال 200 الف ماراح تسوي لج شي..

والله يسخر لكم من يسهل اموركم..

وزارة الصحة العامة

11-11-2014, 10:49 AM

أختي الكريمة

يرجى التواصل مع مركز الاتصال الصحي الحكومي على الأرقام التالية :

44070233-44070270

مع تمنياتنا بالشفاء العاجل

حسن

11-11-2014, 10:53 AM

أختي الكريمة

يرجى التواصل مع مركز الاتصال الصحي الحكومي على الأرقام التالية :

44070233-44070270

مع تمنياتنا بالشفاء العاجل

ابشري

ان شاء الله جاك الفرج

قولو امين

:)

جوال 11

11-11-2014, 11:07 AM

اللجنة اغسلوا يدكم منهم قدموا على الديوان افضل لا تترجون منهم خير
مواطن قطري تعرض لظرف طبي في لندن مما استدعى اجراء عملية عاجلة له في المستشفى الملحق الطبي في بريطانيا رفض طلبه ولم يرسل طلبه للدوحة وعندما عاد للدوحة قدم للتعويض عن طريق اللجنة ورفض طلبه ايضا ومكاتب المسؤلين مقفلة .

R 7 A L

11-11-2014, 11:33 AM

أختي الكريمة

يرجى التواصل مع مركز الاتصال الصحي الحكومي على الأرقام التالية :

44070233-44070270

مع تمنياتنا بالشفاء العاجل

اسعدني جداً هذا الرد
نسأل الله لكم التوفيق

النظامي

11-11-2014, 01:09 PM

الله يرزقكم الذريه الصالحه اختي ،

مثل ما قالوا :

عليج بالاستغفار والدعاء وقيام الليل والصدقه

وقدموا على الديوان

وافرحني تواصل المجلس الاعلى للصحة ( وان شاء الله تسهل اموركم )

وننتظر منج الاخبار الجميله

همر

11-11-2014, 01:28 PM

أختي الكريمة

يرجى التواصل مع مركز الاتصال الصحي الحكومي على الأرقام التالية :

44070233-44070270

مع تمنياتنا بالشفاء العاجل

وحاطينكم رقم 44 على العالم ؟!! :(

ياخي انا اعطيكم رقم 1 بلا منازع :victory:

aloosh

11-11-2014, 03:22 PM

اعتقد والله اعلم امور الانجاب لا تندرج تحت العلاج بالخارج على الدوله
الى اذا فيه واسطه او للجنة هداها الله وعطوك

وحيد-الشوق

11-11-2014, 03:34 PM

اعتقد والله اعلم امور الانجاب لا تندرج تحت العلاج بالخارج على الدوله
الى اذا فيه واسطه او للجنة هداها الله وعطوك

ما اعتقد ناس وايد يروحون ويبعثونهم بلجيكا وامريكا

عيون الدوحة

11-11-2014, 03:46 PM

لجنة العلاج بالخارج الحالية عليها ظ،ظ*ظ* الف أستفهام بخصوص موضوع الإنجاب اللجنة القديمة برئاسة الشيخ حمد بن ثامر كانت تبعث الناس لغاية الإنجاب حاليا من تحمل الوحدة رجوعوها الدوحة ونسبت الخطر تكون أكثر على الام والجنين
سمو الأمير والدولة مش مقصرين بشي بس لما اللجنة تكون أغلبها مواضيع الناس في يد زلمات ماننتظر خير منها
وبخصوص مستشفى حمد أول شي لازم يعملون تجميد للزوج غريب أمرهم صار لهم كم سنه يرفضون موضوع تجميد الحيوانات المنوية بويضات الزوجة بعد التلقيح
ويتعمدون الي أعادة المحاولة كاملة للأنابيب يا ترى من المستفيد من هذا كله أكيد في نسبة من المال ياخذها الدكتور عند أجراء محاولة جديدة

وبالنسبة للمقيمين صارو يجيبون زوجاتهم زيارة للدوحة وخلال كم شهر يقدر يحصل فرصة لعمل العملية بأسعار جدا رمزية على حساب خواتنا القطريات وترحيل مواعيدهم لغاية ظ¦ ل ظ،ظ¢ شهر لإجراء المحاولة

والقسم جدا تعبان عجل في دكان في العالم لايوجد لديهم جهاز الترسوند ويعتمدون على غرفة وحدة فيها جهازين في اليوم أكثر من ظ¤ظ* مريضة

وبالنسبة للرجال عمليته تكون بنفس غرفة الإفاقة للنساء غرفة لا تتجاوز مساحتها ظ¥ في ظ¦ وعدد الاسرة من ظ£ لغاية ظ¤ أسرة وغرفة عمليات وحدة
والله عيب يكون هذا كله في مستشفى في الدوحة وتابع للدولة
أتمنى يتم تطوير وأنشاء قسم جديد مؤهل لهذا العمليات

وموضوع مشاركة الدكاترة لغرفة الفحص أكثر من دكتور على غرفة بالتناوب مايصير ياجماعة وين قاعدين

وأتمنى الي حط رقم التواصل للأخت يعمل لها شي مب بس تخدير للموضوع لان زهقنا الصراحة

توشيبا

11-11-2014, 04:40 PM

أختي الكريمة

يرجى التواصل مع مركز الاتصال الصحي الحكومي على الأرقام التالية :

44070233-44070270

مع تمنياتنا بالشفاء العاجل

طيب واذا اتصلت الاخت ؟

الارقام معروفه !

يليت توصل الموضوع حق المسؤولين عندك

غرفه عمليات وحدا في اكبر مستشفى في الدوله؟

ورجل مع حريم ؟

ويطلع المريض واهو تحت تاثير البنج للبيت؟

الاخت تبغي تتعالج برا الدوله ليشش ؟ وانتم موجدين؟ هذا يعتبر شنو فشل الاطباء والمستشفى بكبره؟

بصراحه لا تعليق عن الوضع في مستشفى حمد

عيون الدوحة

11-11-2014, 05:16 PM

نتمنى أحدى الصحفيين يثير الموضوع بلجرايد الرسمية

ANONYMOUS

11-11-2014, 05:48 PM

الله ييسر امركم ويرزقكم الذرية الصالحة

Seniorita

11-11-2014, 08:04 PM

عيون الدوحة

11-11-2014, 08:07 PM

أختي كل ماكان العلاج في سن صغير كانت النتائج أفظل وتقل بتقدم العمر
لاتسكتين عنهم وطلبي تظلم وعندج برنامج وطني الحبيب
وقدمي على الديوان

Seniorita

11-11-2014, 08:16 PM

مشكورين اخواني علغŒ الردود
وان شاء الله بكره بتواصل مع رقم الصحة وابشركم

والله انا ماعندي اي مانع اتعالح في بلادي بس انا شايفه الوضع الحالي لايوجد اهتمام . انا انسانه طبيعيه واتوقع طبقوا علي نفس علاج الي معاهم ضعف مبايض. جسمي انتج من علاجهم 28 بويضة في 10 ايام
عدد كبير جدا والي تلقح من ال 28 فقط 3 بويضات والنمو كان بطغŒء جدا
حيوانات زوجي المنوية المستخرجة كانت بحالة جيده توقعنا نتايح افضل لكن للاسف تم ترجيع جنين فقط من الدرجة الثانية

جفى الجوارح

12-11-2014, 10:13 AM

عليج بتقديم كتاب للديوان الاميري

Seniorita

23-11-2014, 09:46 AM

عليج بتقديم كتاب للديوان الاميري

هذا الي سويته , قدمنا طلب للديوان والله يعينا لما يجي الرد , لان حالتنا ماتعتبر من الحالات المستعجله فاحتمال تطول
اما الصحة وبعد التواصل مع الارقام طلبوا مني تقديم تظلم للجنة <<<< تحس انها مذله

عيون الدوحة

23-11-2014, 10:25 AM

الله يعينك ويسهل لكم أموركم ويرزقكم الذرية الصالحة

العنيده

23-11-2014, 11:00 AM

الله ييسر لكم ان شاء الله ويرزقكم بالذريه الصالحه عاجلا غير اجلا يارب ..
الصدقه والاستغفار بنية تسهيل الامور باذن الله تتيسر والله اعلم ..
وحاولوا عن طريق الديوان وان شاء الله تلاقون اللي يتسخر لكم ويساعدكم يارب ..

أم محمد 90

23-11-2014, 01:34 PM

roma27

23-11-2014, 06:11 PM

قدمي تظلم للجنة يا اختي والله ربي يعينج , وانقهر لما اشوف (القبيلة الفلانية) لاعبين لعبتهم والله ياخذون علاج طبيعي للخارج والله يشهد علي ان بس جي الالام مفاصل ممكن تتعالج هني لكن يروحون على امور ممكن ان يتعالجون عليها هني وفي ناس والله يكسرون الخاااااطر اذا مافي واسطة مايمشي موضوعج
جد جد جد عورني قلبي والله بدعي لج ’ حاولي لا تيئسين واذا تقدرين توصلين للديوان مب غلط بعد .
لان جد موضوع العلاج بالخارج والبعثات الدراسية ف المجلس محتلينها عيال العايلة الفلانية والله يشهد علي وابي منو كفو يجي ويمسح ردي لان جد مهزلة
ناس قطرين مايفرقون عنهم محتاجين ليش مايروحون
لازم ولد عمي الشخص الفلاني عشان اروح ؟
مصخوها لدرجة ان بعضهم يتوظفون ومايباشر يوووووم واحد وثاني يوم رايح لندن يدرس !!!!!!!!!
أختي انا ما شوف في تفرقه بين القبائل في قطر بالذات كل القبائل سوسيه ما في تفرقه حتى العيله الحاكمة في قطر أفرادها اغلبهم يراوحون علاج على حسابهم التفرقة مش في القبائل التفرق في الوساطات اذا كان عند حد تعرفه في اللجنة الطبيه حتى لو اجنبي يقدر يجيبلك تقرير طبي حتى لو فيك زكام الفساد الواسطة والرشاوي هي الي تمشي ما تقولين قابيل ما عندنا قبليه في قطر

الحياة الخالدة

23-11-2014, 06:37 PM

الله ييســـــر أموركم و يرزقكم الذرية الصالحـــــة

لبيبة

23-11-2014, 06:51 PM

أختي انا ما شوف في تفرقه بين القبائل في قطر بالذات كل القبائل سوسيه ما في تفرقه حتى العيله الحاكمة في قطر أفرادها اغلبهم يراوحون علاج على حسابهم التفرقة مش في القبائل التفرق في الوساطات اذا كان عند حد تعرفه في اللجنة الطبيه حتى لو اجنبي يقدر يجيبلك تقرير طبي حتى لو فيك زكام الفساد الواسطة والرشاوي هي الي تمشي ما تقولين قابيل ما عندنا قبليه في قطر

هذا صحيح، اللي عنده واسطة يمشي حاله

والله يرزق صاحبة الموضوع وزوجها الذرية الصالحة

عيون الدوحة

23-11-2014, 07:56 PM

عندهم شرط لجنة العلاج أنج تكونين مسوية في الدوحة على الأقل 3 محاولات غير ناجحة
3 محاولات يعني 3 سنوات هذا أذا عطوج موعد بعد
الله يعنكم ويرزقكم

ابوعلي

23-11-2014, 08:59 PM

أختي الكريمة

يرجى التواصل مع مركز الاتصال الصحي الحكومي على الأرقام التالية :

44070233-44070270

مع تمنياتنا بالشفاء العاجل

اسعدتنا مشاركتكم وتجاوبكم وان شاء الله نتمنى التواصل والتفاعل الدائم مع الاعضاء وايضا ايجاد الحلول المناسبة

وايضا نتمنى من الاعضاء ابداء الملاحظات وفي حالة وجود نقد نتمنى ان يكون نقد بناء لان الهدف للجميع الارتقاء بمستوى الخدمة الصحية بدولتنا الحبيبة

طبيب قطري

23-11-2014, 09:33 PM

اختي شصار معاكم؟ ردو عليكم المجلس الاعلى؟

الجـــوديّ

24-11-2014, 01:54 AM

لعله خير أختي ... من توكل على الله فهو حسبه ...

الله يسهل أموركم ويرزقكم الذرية الصالحة

Seniorita

24-11-2014, 11:06 AM

اختي شصار معاكم؟ ردو عليكم المجلس الاعلى؟

طلبوا منا نروح نتظلم ونقابل اللجنة
وصراحة الموضوع حساس بالنسبة لزوجي ان يروح يتظلم ويوقف جدامهم
فقدمنا للديوان , واخذت موعد في مستشفى حمد اذا ماردوا الديوان مضطرين نجرب مرة ثانية في حمد والله كريم
المشكله ان اعمارنا كبيره , تزوجنا متأخر , الحين زوجي 39 وانا 33 نحس العمر يمشى واحنا ماشفنا ذريتنا

الســـهم

24-11-2014, 11:27 AM

طلبوا منا نروح نتظلم ونقابل اللجنة
وصراحة الموضوع حساس بالنسبة لزوجي ان يروح يتظلم ويوقف جدامهم
فقدمنا للديوان , واخذت موعد في مستشفى حمد اذا ماردوا الديوان مضطرين نجرب مرة ثانية في حمد والله كريم
المشكله ان اعمارنا كبيره , تزوجنا متأخر , الحين زوجي 39 وانا 33 نحس العمر يمشى واحنا ماشفنا ذريتنا

السلام عليكم ورحمة الله وبركاته اختي سنيوريتا ..

لو كان عندج خيار في دولة قريبة وعلاج مايكلف اكثر من 30 ألف ريال ممكن تروحين وتجربين ؟؟

الله يرزقكم الذرية الصالحة ولا يحرمكم من هذه النعمه بإذنه تعالى ..

R 7 A L

24-11-2014, 11:39 AM

طلبوا منا نروح نتظلم ونقابل اللجنة
وصراحة الموضوع حساس بالنسبة لزوجي ان يروح يتظلم ويوقف جدامهم
فقدمنا للديوان , واخذت موعد في مستشفى حمد اذا ماردوا الديوان مضطرين نجرب مرة ثانية في حمد والله كريم
المشكله ان اعمارنا كبيره , تزوجنا متأخر , الحين زوجي 39 وانا 33 نحس العمر يمشى واحنا ماشفنا ذريتنا

ليش حساس ؟

اختي مافيها شي
هم ما أسمحوا بـ ( التظلم ) الا لكي يقابلون المريض ويأخذون من رأسه ويتكلم قدامهم
ترا ماحد من اللجنة بدافع شي من جيبه
الدولة هي الي بتدفع

R 7 A L

24-11-2014, 11:41 AM

علاج الانجاب في الاردن وكذلك في السعودية ممتاز
من الخيارات الموجودة كذلك

حمد 2002

24-11-2014, 11:51 AM

الي عنده فلوس مايحتاج لا اللجنه ولا غيرها !! ..

Seniorita

24-11-2014, 12:29 PM

الفلوس مو مشكله , تتدبر الحمدلله نشتغل وظروفنا تسمح
المشكله في الاجازة والدوام, واذا صار حمل متى اقدر اسافر واركب طيارة على حسب الوضع الصحي

Seniorita

24-11-2014, 12:30 PM

ليش حساس ؟

اختي مافيها شي
هم ما أسمحوا بـ ( التظلم ) الا لكي يقابلون المريض ويأخذون من رأسه ويتكلم قدامهم
ترا ماحد من اللجنة بدافع شي من جيبه
الدولة هي الي بتدفع

الرجال يكون حساس اذا كان العيب في الانجاب منه

R 7 A L

24-11-2014, 12:32 PM

الرجال يكون حساس اذا كان العيب في الانجاب منه

لا اختي
لا احساس ولا شي
هذا امر الله

خليه يتوكل على الله ويقابل اللجنة
وان شاءالله ربي بيسخر لك كل خير

الســـهم

24-11-2014, 12:51 PM

الفلوس مو مشكله , تتدبر الحمدلله نشتغل وظروفنا تسمح
المشكله في الاجازة والدوام, واذا صار حمل متى اقدر اسافر واركب طيارة على حسب الوضع الصحي

اختي سنيوريتا ..

بإذن الله اذا نويتوا تتعالجون فالخارج وعلى حسابكم , الدولة اللي قلتلج عنها قريبة جدا وماراح تحتاجون اكثر من ويك اندين او ثلاث ان شاء الله ..

اذا محتاجه تفاصيل اكثر ممكن ارسلها لج عالخاص , مثل اسم المستشفى ورقمهم واسم الدكتور ..

الله يرزقكم ويرزق كل محروم ان شاء الله ..

قطريه ماركه

24-11-2014, 10:40 PM

لازم يكون مر على الزواج عشر سنوات بدون انجاب
هذا الشرط اللي اعرفه للعلاج بالخارج

عليج بالاستغفار و صلاة الليل و كثرة الدعااء و التصدق

عيون الدوحة

24-11-2014, 10:58 PM

ظلم ظلم ظلم أشدعوة بعد عشر سنوات قد الريال عمرة في الخمسين متى يربي أعيالة
المفروض هذي المواضيع ما تتأجل كلش مب من كثر الشعب القطري عشان يوقفون في طريقهم

عيون الدوحة

24-11-2014, 11:01 PM