قسم المخاطر في بنك قطر الوطني

[مزعله النساء]

السلام عليكم ورحمة الله وبركاته
تعرضت لموقف سرقه من بطاقتي الائتمانيه وانا بالدوحه
من شهر تقريبا وكلمت البنك في نفس اليوم ووقفو البطاقه وقالي قسم المخاطر الائتمانيه بيكلمج بعد شوي ولاكلموني ونفس الشي ثاني يوم ولاحد كلمني ويوم كلمتهم ماعندهم رد للعمليه الي تمت مره يقولون اني انا سويتها مع ان العمليه تمت في ايطاليا وانا ماكنت هناك ومره يقولون حساب فندق في الصيف جلسنا به وللعلم حساب فندق الي جلسنا به في شهر 8 نخصم مباشره من الحساب والمسج الي جاني للعمليه المسروقه من روما في شهر 10 وانا ماكنت هناك اصلا
وكل موضف يحول على موظف اخر لين مرينا على نصف موظفين بنك قطر الوطني ولا فيه رد شافي من عندهم
وهذا احنا من الاوئل

[ask_and_get]

هههه مرحباُ بك فالوطني :)

[الزجاجي]

لك لغاية 90 يوم من تاريخ العملية وبعدها مالك حق تطالب بحقك !
العمليه المشبوهه تكون ظاهرة للبنك بعد 45 يوم فقط وبعدها البنك يبتدي يكذب عليك نفس ما صار لي مع بنك اسلامي للاسف

صارت عمليه مشبوهه لي وقالي راجعنا بعد 90 يوم ولاني غشيم قلت لهم اوكي وبعد 90 يوم يحذفوني من موظف الين موظف وبعد 6 شهور عطاني اياها كاش مالك شي !

نصيحه لك ولكل شخص اي بنك يماطل معاه يقدم شكوى لخدمة العملاء في مصرف قطر المركزي الي بالمنتزة بشرط مايتاخر

[معماري قطري]

انا كتبت شيك وأَودعته في حسابي والشيك باسمي ومن حسابي في بنك في أَمريكا وبمبلغ 23000 دولار وهذا من شهر 9 اللي راح وتم سحب المبلغ من حسابي في 1 / 10 وللحين ما دخل حسابي في قطر مع انهم قايلين لي 45 يوم ويوصل الحساب .. اتصلت اسئل قالوا لي خذ الوصل وروح الفرع اللي تعاملت معاه وحاول تشوف نفس الموظف أَكيد بيبين مسار الشيك عنده .. تأَخير الحين حول 60 يوم ما ادري ليش؟

[][ الوحيد ][]

انا كتبت شيك وأَودعته في حسابي والشيك باسمي ومن حسابي في بنك في أَمريكا وبمبلغ 23000 دولار وهذا من شهر 9 اللي راح وتم سحب المبلغ من حسابي في 1 / 10 وللحين ما دخل حسابي في قطر مع انهم قايلين لي 45 يوم ويوصل الحساب .. اتصلت اسئل قالوا لي خذ الوصل وروح الفرع اللي تعاملت معاه وحاول تشوف نفس الموظف أَكيد بيبين مسار الشيك عنده .. تأَخير الحين حول 60 يوم ما ادري ليش؟

صار لي نفس موضوعك بالضبط ..
الشيك يتأخر واااايد و هالشي معروف عشان جذي كان يفضل انك تحول دايركت من حسابك الامريكي لين القطري ..
الشيك ياخذ 45 يوم عمل يعني اذا انسحب تاريخ 1/10 يوصلك تقريبا تاريخ 4/12

[مزعله النساء]

وين اشتكي عليهم

[eXpert*]

أختي راجعي قسم البطاقات في فرع نادي قطر الباب اللي علي اليمين ..

تعبين طلب و بيطلبون جوازك علشان يصورون كل الصفحات وتأشيرات الدخول.

صار لي نفس الموقف من شهر 4 أعتقد وإلى الأن ننتظر الفرج :(

[بوسنافي]

صارلي نفس الموضوع معاهم من ظ£ سنين.....الحل هو اتكلمين مدير الاداره وعلى طول بيخلصك (لازم موظف تعرفينه يعطيج الرقم ) ..الحل الثاني تروحين لمصرف قطر المركزي وتشتكين عليهم قبل لاتخلص المده

[مليونيرة مفلسة]

مشاكلكم البنكية ما رح تنحل بالكتابة في المنتديات. اتصلوا بمدير البنك أو راسلوا صفحة تويتر الخاصة ببنك قطر الوطني و بيردون عليكم بنفس اليوم.

[رجل الجزيرة]

وين اشتكي عليهم

يقدم شكوى لخدمة العملاء في مصرف قطر المركزي الي بالمنتزة بشرط مايتاخر.

[كازانوفا]

اصبح غيري البنك وربي يعوضك خيرررر

[عطر]

مرحبا اختي

انا صار معاي نفس الشي في بنك الدوحة انسحب مبلغ كبير من بطاقة الائتمان والبنك بنفسهم اتصلوا لي ووقفو البطاقه وعطلوني 4 شهور
وبعدها رحت اشتكيت في المصرف المركز الي في المنتزة ورجعوا لي المبلغ في خلال 3 ايام ونصحوني اطلع من البنك وطلعت

بس ترى نصيحه البنك بيماطلونج مره بيقولون 45 يوم وعقبها 90 يوم وعقبها قالي 105 ايام وانا كنت انتظر
بس في الاخير لما اشتكيت سبحان الله الموضوع انحل في خلال 3 ايام المفروض هم يتحملون نتيجة انظمتهم العقيمه مش العميل

الله يعينج عليهم