اذا قدمت استقالتي وعلي قرض ... استفسار

[Alshoog84]

مرحبا اخواني وخواتي

بغيت استفسر اذا حد منكم له خلفية ويقدر يفيدني

اذا قدمت استقالتي من شغلي و علي قرض من البنك .. هل يجب سداده شهريا او على دفعات او شلون الاجراءات ؟

سمعت ان بعض البنوك تجمد القرض او تراكمها 6 شهور من غير ما يطالبونك فيها دام ماعندك وظيفه فالوقت الحالي


يرجى الافاده و جزاكم الله خير

[ضوى]

اصلا حسب علمي مايوافقون عالاستقالة الا اذا جبتي اخلاء طرف من البنك

[R 7 A L]

اصلا حسب علمي مايوافقون عالاستقالة الا اذا جبتي اخلاء طرف من البنك

لا مالها شغل




بنك عن بنك يفرق
بعض البنوك يسون جدوله جديدة للسداد

[المحاميه]

عادي تقدمين استقالتج

لكن البنك ماله شغل يبي القسط شهرياً بنفس الموعد عاد عن طريقج ولا أي حد يسدد عنج اللي هو


المهم الفلوس ترجع لهم

واعتقد يخلون حد يكفلج عشان اذا ماسددتي يسدد عنج :victory:

[العتوي]

اللي صار معاي
يوم طلعت وعلي سلفيه
جمدو لي حسابي
ولا اقدر اسحب منه ولا ريال
مع العلم اني كنت احط بالحساب فلوس بس يقولون لي انت طالع من شغلك ولازم نجمد حسابك
قلت لهم انا باحط فلوس وانتو اسحبو منه
يقولي لا ممايصير
لتهوني يومها
كرهت روحي والله
نصيحه اذا تبين تطلعين خلصي سداد السلفيه واطلعي بعدها

[R 7 A L]

اذا ماسددتي راح يمنعونج من الخروج من البلد بيعممون عليج

[توشيبا]

في حاله الاستقاله الحساب في البنك يتجمد

لو فيه مبالغ اكثر من السلفه نفسها او اقل

[monatee]

على حسب البنك ،،

فيه بنوك بتجمد وفيه بنوك بتسكت اذا شافت مبلغ القسط موجود كل نهايه شهر

بالنسبه لي بنك الدوحه ماكان يدري عني الا بعد فتره ،، وكنت احط مبلغ القسط شهرياً ،، لكن بعد 7 شهور

اتصلوا لي قالوا احنا نشوف ان ماينزلج راتب ، قلت لهم انا استقلت وماشتغل ،،وقالي ان قوانين البنك تفرض ان نطالبج بمبلغ السلفه كامل في هالحاله

وبعدها بكم يوم اشتغلت ورجع ينزلي راتب ، لكن ما ادري هل فعلا كانوا بيتخذون اجراء ضدي او بيتمون متغاضين

[حمد 2002]

سحبي فلوسج كلها من البنك وتالي استقيلي وخلي القرعه ترعى ..

[aloosh]

اول شي تذهب جميع مستحقاتك للبنك مثل الخدمه
اذا لم يغطي الغرض يتم كل شهر ما تدفعين فيه يحسب القرض وفائده واذا تراكمت طلع عليك مبلغ كبير
فنصيحتي لو تقدرين تسددين اول بأول

واذا انتي على بنك قطر الوطني تروحين فرع شارع حمد الكبير فيه قسم هناك مختص لمثل هذي المواضيع ترتبين معهم ويخففون القسط

[Aaziz]

اذكر كنت في بنك hsbc البنك البريطاني سابقا و كانت علي سلفيه .. قدمت استقالتي و اشتغلت في وظيفه ثانيه و فتحت حساب جديد في الدولي الاسلامي
بعد ايام من الاستقاله اتصلولي البنك البريطاني يستفسرون (يوصل البنك نسخه من كتاب استقاله الموظف) و حددو لي موعد مع شخص مسؤول عن هذي الحالات و قعدت معاه و قلت له be cool بسدد ان شاءالله
خذت قرض من الدولي و سددت قرض سيء الذكر البنك الربوي الله لايعيده .

[ضوى]

الظاهر هالانظمة جديدة ، لانه عندنا قبل الاستقالة لازم اخلاء طرف من كل مكان بما فيهم البنك

[رجل الجزيرة]

إييييه الأول كان الواحد يستقيل ولا أحد يدري عنه، الحين يمنع من السفر يا سبحان الله.

[بنـ ابوها ـت]

مايخص الغرض الاستقاله هم يختمون لج بس اهم شي انتي يكون عندج مبلغ القسط لان بعد ثلاث شهور تتحول قانونية

[باراكودا]

سحبي فلوسج كلها من البنك وتالي استقيلي وخلي القرعه ترعى ..

أحسنت ياحمد كل مشكله ولها حل ومايجوز تجميد حساب اى أنسان يقدم أستقالته ماعدا المدرسين .

[لما]

انا بقدم استقالتي وماخذه سلفيه من الدولي الاسلامي وناويه اسدد لهم من عندي شلون الوضع بيكون

[R 7 A L]

انا بقدم استقالتي وماخذه سلفيه من الدولي الاسلامي وناويه اسدد لهم من عندي شلون الوضع بيكون


تروحين لهم وبيسون لك جدولة جديدة او بيمشون على الجدولة القديمة

[لما]

شلون يعني اشرح أكثر
انا بسدد لهم نفس مبلغ القسط شهريا

[R 7 A L]

خلاص هذا الي يبونه