استفسار عن شركة قطر للبترول اللي عنده معلوات يفيدني

[Asmar Omani]

السلام عليكم اخوتي:

محصل وظيفة في قطر للبترول واحتاج بعض المعلومات عن الشركة من ايجابيات وسلبيات

لو سمحتو اللي عنده لا يبخل علينا

:nice:

[R 7 A L]

الاجازة السنوية قصيرة ماتصلح لك
مايمديك تروح لعمان وترجع

[Asmar Omani]

الاجازة السنوية قصيرة ماتصلح لك
مايمديك تروح لعمان وترجع

تسلم اخ r7al على المعلومه بس اللي قالوه لي شهر الاجازه

[aziz4z]

السلام عليكم أخوي
العمل في قطر للبترول رائع و تحدي ممتاز
بس يعتمد على طبيعة عملك و أي مكان , و الدرجة الوظيفية
بشكل عام إحدى الشركات الرائعة

[QATAR 77]

كثير من الاخوة العمانين شغالين في قطر للبترول خصوصاً في قسم الامن

[aloosh]

تبي نصيحتي اذا مو على درجه سنير ما انصحك بقطر للبترول انا مجربهم

[Asmar Omani]

تبي نصيحتي اذا مو على درجه سنير ما انصحك بقطر للبترول انا مجربهم

كيف اعرف سنير والا لا جريد 9 سنير والا لا مكان العمل في دخان قسم التخطيط صيانه
اللي اريد اعرفه:
نظام الدوام كيف رسمي والا شفت ؟
وقت العمل من الساعه كم لين الساعه كم؟
طبيعة الحياه مع العايله في دخان ممتازه والا متوسطه؟
معدل الرواتب من كم يبدء في جريد 9؟
وكم ساعة تبعد عن المركز الحدودي؟

واللي عنده معلومات زياده يفيدنا....

[المحاميه]

السلبيات الدوام طويل - كراف - يحاسبون وفيه تشدد

الايجابيات راتب قوي - تطلع منهم بخبره حلوه

انا اقول جرب ليش ترفض دام جاك عرض

جرب مب خسران شي :nice:


بالتوفيق

[المحاميه]

كيف اعرف سنير والا لا جريد 9 سنير والا لا مكان العمل في دخان قسم التخطيط صيانه
اللي اريد اعرفه:
نظام الدوام كيف رسمي والا شفت ؟
وقت العمل من الساعه كم لين الساعه كم؟
طبيعة الحياه مع العايله في دخان ممتازه والا متوسطه؟
معدل الرواتب من كم يبدء في جريد 9؟
وكم ساعة تبعد عن المركز الحدودي؟

واللي عنده معلومات زياده يفيدنا....

ماعرف نظامهم شلون

بس اللي اعرفه 9 مش سنير

شكله دوامك شفتات

دخان زينه بس هي بعيده عن الدوحه وفيها مصانع الخ
بس الحلو فيها انها بعيده عن ازعاج وسط المدينه + فيها بحر حلو وقريبه من خط بوسمره ههه اذا تبي تسافر يعني.. تبعد حول نص ساعه يمكن

معلوماتي مضروبه

اخوي الافضل تطرش ايميل للمسؤول وتستفسر وغالبا المسؤول هو اللي ماسك قسم التوظيف او التدريب يعني الموارد البشريه .. بالتوفيق

[العربية نت]

كيف اعرف سنير والا لا جريد 9 سنير والا لا مكان العمل في دخان قسم التخطيط صيانه

صباح الخير
درجة سنير تُمنح للموظف المواطن فقط وهي لمن شهادة مهندس واعلى


اللي اريد اعرفه:
نظام الدوام كيف رسمي والا شفت ؟

في الغالب شفتات ودوام الشفتات 8 ساعات
وقت العمل من الساعه كم لين الساعه كم؟

يتم تحديده عند التعاقد

طبيعة الحياه مع العايله في دخان ممتازه والا متوسطه؟
الله اعلم

معدل الرواتب من كم يبدء في جريد 9؟

يتم تعيينك على عقود الاجانب والرواتب تختلف حسب الاتفاق

وكم ساعة تبعد عن المركز الحدودي؟

تقريباً ساعة تزيد تنقص وهي تقع غرب الدوحة


واللي عنده معلومات زياده يفيدنا....

وحيا الله اخوانا العمانيين :)

[Asmar Omani]

مشكوره المحاميه على المعلومات ( سلامتش ما تشوفي شر)

[Asmar Omani]

العربيه نت تسلم على الرد ( الله يحياكم اهل قطر ونحن شعبين اخوه)

[مشعل العطاوى]

الف مبروك

والله يوفقك ..


ممكن اخوي تقول لنا كيف المقابله .. هل بالهاتف او حضرت لهم وكيف كانت درجة صعوبتها

[Asmar Omani]

الف مبروك

والله يوفقك ..


ممكن اخوي تقول لنا كيف المقابله .. هل بالهاتف او حضرت لهم وكيف كانت درجة صعوبتها



الله يبارك فيك اخي مشعل الحمدلله المقابله كانت بالهاتف بس فيها بعض الصعوبه لان بعض الاسئلة دقيقه في التخصص لكن نحمد الله نخطينا الصعب وباقي الصعب

[مشعل العطاوى]

الله يوفقك ... بزعجك شوي :)

لغة المقابله عربي او انجليزي ؟؟ وهل هى من التوظيف او من نفس مقر عملك


اسئلتى لها هدف .. فربما اعمل مقابله قريباً ان شاء الله

[Asmar Omani]

المقابلة بالانجليزي ومدير القسم مقر العمل هو اللي مسولي المقابله

[مشعل العطاوى]

شكرا لك اخى الكريم