محبي وخبراء تـــركـــــيــــا ،، لو تكرمتوا

[المهاجر]

السلام عليكم ورحمة الله وبركاته

ياحبي لهالبلد اللي لقيت فيها راحتي ومتعتي ووناستي انا والأهل

الصيف اللي فات كانت سفرتي لتركيا لأول مره اروح لها مع اني ماكنت افكر اروح لها ابد لكن سبحان الله

بعد إلحاح شديد من الأسره وافقت على ان تكون سفرتنا تركيا وقلت في نفسي يالله ما باليد حيله

وسافرنا وكانت المفاجأه

بكل أمانه استمتعت فيها استمتاع عجيب لقيت فيها اللي كنت ادوره

الهدوء والراحه النفسيه والمتعه بالمناظر الجميله انا ما اتكلم عن اسطنبول لاني ما سكنت باسطنبول

ولو كنت سكنت باسطنبول كان يمكن ما اقعد فيها اسبوع

وقعدنا هناك شهر ونص ما حسيت باي ملل ابد وبالعكس كان ودي اطول اكثر

المهم ما اطول عليكم واكيد في ناس كثيره مثلي حبت هالبلد ولقت فيها متعتها وراحتها

وانا هناك ومن كثر ما حبيت البلاد قررت اشتري فيلا وكان شغلي الشاغل هالشي

والحمد لله توفقت ولقيت فيلا عجبتني انا والاهل وتم الشراء بفضل الله سبحانه علينا

حالياً الفيلا تم تشطيبها لأنها فيلا جديده باقي بس اشياء بسيطه

اللي اطلبه من أصحاب الخبره

يدلوني على محلات الأثاث اللي يشوفون انها راقيه ومناسبه عشان أأثثها



ولكم كل الشكر والتقدير

[بو الجوري]

ما قد زرتهـا بس دخلت أسلم عليك يا طويل العمر ..

ومبروك الفيلا ، و أخيراً عرفنـا وين :shy:

إن شاء الله منزل مبارك ، وتعزمنـا على مشاوي هناك ..

[المهاجر]

ما قد زرتهـا بس دخلت أسلم عليك يا طويل العمر ..

ومبروك الفيلا ، و أخيراً عرفنـا وين :shy:

إن شاء الله منزل مبارك ، وتعزمنـا على مشاوي هناك ..

يعل ربي يسلمك من كل مكروه يالغالي ويطول بعمرك

انصحك تزورها

والله يبارك بعمرك وتشرفني وتنور المكان

وابشر بالمشاوي اللي تسرك

باذن الله بعد ما اخلص وأثثها باحط لكم تقرير كامل

:victory:

[ذيب ازغوى]

اخوي الفلا في وين خذيتها انا عايش في انقره وأثاث شقتي وشقق الربع اللي معاي كلها من شارع اسمه سوق الأثاث في كل مدينه بتحصل فيه قولي وين ساكن وبنشد لك الأتراك للعلم انا مانصحك الا بالأثاث التركي لان الضرائب عندهم 50% يعني عادي طقم كراسي يوصل 10الاف ليره بعكس الأثاث تركي بتحصل أرخص من 4 آلاف ليره

[المهاجر]

اخوي الفلا في وين خذيتها انا عايش في انقره وأثاث شقتي وشقق الربع اللي معاي كلها من شارع اسمه سوق الأثاث في كل مدينه بتحصل فيه قولي وين ساكن وبنشد لك الأتراك للعلم انا مانصحك الا بالأثاث التركي لان الضرائب عندهم 50% يعني عادي طقم كراسي يوصل 10الاف ليره بعكس الأثاث تركي بتحصل أرخص من 4 آلاف ليره

هلا فيك اخوي

الفيلا بــــ Silivri

انا ابي الاثاث التركي بس ابي شي راقي وحلو

وماتقصر اخوي وعساك سالم

[المهاجر]

اخوي ذيب زغوى

كم تحتاج مبلغ لتأثيثها اثاث حلو

الفبلا 7 غرف نوم وصالتين والله يعزكم 6 حمامات ومطبخ

المكيفات واداوت المطبخ والغسيل والاناره خلصت منهم

[هيلو كيتي]

مبرووووك يالمهاااجر تستاهل ...

انجوووووووووووووي بالجو الحلو :victory:

وانا بعد أبغي حماااام محشي في تركيا ينفع ؟؟؟؟:tease: هههههههههههههههههه

[المهاجر]

مبرووووك يالمهاااجر تستاهل ...

انجوووووووووووووي بالجو الحلو :victory:

وانا بعد أبغي حماااام محشي في تركيا ينفع ؟؟؟؟:tease: هههههههههههههههههه

الله يبارك فيج هيلو كيتي وتستاهلين الخير

كلج ذوق

انشهد الجو الحلو والمتعه والاهم الراحه النفسيه:shy:

افا عليج ينفع وينفع انتي تامرين امر

حمام محشي ومشوي ومسحب بعد :victory:

تسلمين على هالطله

[ذيب ازغوى]

انا اول مره اسمع عن هال مدينه انا أثثت شقتي غرفتين وصاله بمبلغ 10 الف ريال
طبعا محلات الأثاث وأيد والصناعه التركية وأيد وفي كل مدينه بتحصل محل أثاث والله يوفقك

[ماجد البدر]

وين ساكن وين خذت الفيلا
لان تركيا كبيره
وايد امدحوا لي شراء شقق في اسطنبول و في سبنجة وكلها زرتها و الحمد لله
لكني فضلت شمال تركيا طرزون وافكر اشتري شقه
لان طول السنة بارده
المهم الله يهنيك وين ما كنت
تلاقي محلات اسمها محل تاج مفارش اشتر وانسى انها تخرب والوان زاهيه و حلوه
taj
فيه لها فروع كثيره في مدن كثيره اعتقد علامتهم حمرا

[بو الجوري]

يعل ربي يسلمك من كل مكروه يالغالي ويطول بعمرك

انصحك تزورها

والله يبارك بعمرك وتشرفني وتنور المكان

وابشر بالمشاوي اللي تسرك

باذن الله بعد ما اخلص وأثثها باحط لكم تقرير كامل

:victory:

بشروك بالجنه ، وجعل عمرك طويل

موفق أخوي

[R 7 A L]

الف مبروك
الله يعطيك خيرها
نبي صور عن المنطقة الي رحت لها
نبي احد يشجعنا نسافر لتركيا

[ماجد البدر]

الفيلا بــــ Silivri

في اسطنبول وفي نفس الوقت بعيده عن العالم و المناطق المتعودين عليها
وقريبه البحر

دامك انك مقتنع فيها عليك بالعافيه
ولو انك استعجلت شوي بالمكان من وجهة نظري

روح جواهر مول وخذ لك لفه تحت الدور الارضي وشوف الاثاث و المفارش ودعي لي
وفي السوق المقوف بعض المحلات جدا راقيه
وبما انك سكنت اسال اسال كثير خاصة التجار واهل السوق وقارن وكاسر بسعر

بس اثاث كامل مش في بالي شي معين

[المهاجر]

انا اول مره اسمع عن هال مدينه انا أثثت شقتي غرفتين وصاله بمبلغ 10 الف ريال
طبعا محلات الأثاث وأيد والصناعه التركية وأيد وفي كل مدينه بتحصل محل أثاث والله يوفقك

تسلم اخوي وما قصرت

[المهاجر]

الفيلا بــــ Silivri

في اسطنبول وفي نفس الوقت بعيده عن العالم و المناطق المتعودين عليها
وقريبه البحر

دامك انك مقتنع فيها عليك بالعافيه
ولو انك استعجلت شوي بالمكان من وجهة نظري

روح جواهر مول وخذ لك لفه تحت الدور الارضي وشوف الاثاث و المفارش ودعي لي
وفي السوق المقوف بعض المحلات جدا راقيه
وبما انك سكنت اسال اسال كثير خاصة التجار واهل السوق وقارن وكاسر بسعر

بس اثاث كامل مش في بالي شي معين

هلا فيك اخوي ماجد

المدينه حلوه وماخذين فيها مجموعه من أهل قطر ومستانسين فيها ومستمتعين

واشوف الناس قامت تتجه صوبها

ليش استعجلت اخوي ماجد؟

وما قصرت على النصيحه بخصوص الأثاث

فعلاً جواهر مول فيه اشياء حلوه شفتها وبامر السوق المسقوف باشوفه بعد

والله يعافيك يالغالي

[ماجد البدر]

عليك بالعافيه بخصوص الصيف تكون حاره الا ان تكون فوق مرتفع كبير
خبرك اسطنبول في الصيف حاره خاصة شهر 8 اكيد مش مثل جونا لكنها حاره في النهار و الواحد يدور البراد

على كل حال اكيد وناسه و المكان شرح دام انكم في ابراج وعليها حراسه ومجمع سكني

[المهاجر]

بشروك بالجنه ، وجعل عمرك طويل

موفق أخوي

وياك اخوي ،، واللهم آمين


الف مبروك
الله يعطيك خيرها
نبي صور عن المنطقة الي رحت لها
نبي احد يشجعنا نسافر لتركيا

الله يبارك فيك اخوي رحال

باذن الله باحط لكم صور وبصراحه البلاد روعه وممتعه

[المهاجر]

عليك بالعافيه بخصوص الصيف تكون حاره الا ان تكون فوق مرتفع كبير
خبرك اسطنبول في الصيف حاره خاصة شهر 8 اكيد مش مثل جونا لكنها حاره في النهار و الواحد يدور البراد

على كل حال اكيد وناسه و المكان شرح دام انكم في ابراج وعليها حراسه ومجمع سكني

مش في اسطنبول تبعد عن اسطنبول حوالي ساعه

قريبه من اوروبا

بالعكس اخوي الجو جداً ممتاز وروعه انا كنت هناك من نص رمضان لي آخر شهر ثمانيه

والجو كان حلو وايد

هي مش شقه اخوي فيلا مستقله داخل مجمع فلل وعليها سيكورتي

والمكان روعه اخوي وعلى مرتفع

والله يعافيك اخوي

بارد عليك بالخاص باذن الله بس بعد ما اخلص شغلي

[ماجد البدر]

اها شفتها في الخريطة عرفت مكانها الحين مكانها روعه بشكل عام طبعا تحتاج معاينه
والله اهم شي ان المكان بارد شهر 8 لانه عز الحر عندهم زهق في اسطنبول وهي حاره

[المهاجر]

اها شفتها في الخريطة عرفت مكانها الحين مكانها روعه بشكل عام طبعا تحتاج معاينه
والله اهم شي ان المكان بارد شهر 8 لانه عز الحر عندهم زهق في اسطنبول وهي حاره

:nice::nice:

لا وين اسطنبول ما تنطاق وما احب اروح لها واطول فيها

هالمنطقه انا حبيتها كثير ومثل ما قلت لك بالصيف الجو جلو وروعه وابرد من سبانجا :victory:

[ماجد البدر]

لو نفس الي في الخارطة تعتبر من ضواحي اسطنبول الاوربية
ولو انها بعيده
يمكن اكون غلطان يصير :nice:

[المهاجر]

صحيح اخوي

[عقرب]

الله يجعله منزل مبارك يالمهاجر ويهنيكم ويحفظكم من كل شر

بس وين التقرير والصور نبغي نشوف المكان والفيلا :)

[المهاجر]

الله يجعله منزل مبارك يالمهاجر ويهنيكم ويحفظكم من كل شر

بس وين التقرير والصور نبغي نشوف المكان والفيلا :)

اللهم آمين ويبارك فيك اخوي العزيز

ان شاء الله باحط التقرير كامل من بداية الاختيار والتشطيب لين التأثيث

الحمد لله شريت الاثاث والحين يجهزونه

باذن الله افرش البيت بشهر خمسه وبعدها بانزل التقرير كامل ان الله راد ولنا عمر

تسلم اخوي وجزاك الله خير

[عقرب]

اللهم آمين ويبارك فيك اخوي العزيز

ان شاء الله باحط التقرير كامل من بداية الاختيار والتشطيب لين التأثيث

الحمد لله شريت الاثاث والحين يجهزونه

باذن الله افرش البيت بشهر خمسه وبعدها بانزل التقرير كامل ان الله راد ولنا عمر

تسلم اخوي وجزاك الله خير

الله يوفقك وييسر أمرك

[المهاجر]

وياك اخوي

جزاك الله خير

[وحيد-الشوق]

مبروك اخوي المهاجر وعسى ربي يهنيك فيه

[Class - Qtr]

السلام عليكم

منزل مبارك يااخوي المهاجر الله يبارك لك ونتمني التوفيق

لك في التشطيب وشراء الاثاث بالتوفيق ان شاء الله