وين اسوي الخرائط ..

[بومحمد المطاوعه]

السلام عليكم ورحمه الله وبركاته

شخباركم
عساكم طيبين


الله يجزاكم خير

انا ان شاءالله مقبل على بناء بيت العمر
واسأل الله ان يوفقني ويوفقكم لكل خير

ولكن محتار
في تصميم الفلا
من ناحيه الخرائط

ومساحه ارضي 910

ولا ادري كم ابني لمساحه البناء

احتاج نصيحتكم وارائكم
وتجاربكم

وأسأل الله ان يعيني ويوفقني و يوفقكم للخير كله يارب

اخوكم بومحمد المطاوعه

[الـخـور]

السلام عليكم ورحمة الله

لابد اخي الكريم قبل ان تذهب لمكتب استشاري وتعمل خرائط تكون جالس مع نفسك لتعرف انت محتاج ايش بالضبط في بيت العمر
يعني مثلا
كم غرفة تحتاج؟ هل كل غرفه بحمام والا حمام مشترك؟
هل تحتاج غرفة ملابس مع كل غرفة
هل تحتاج مجلس خارجي
غرفة سائق ؟.. الخ
هل محتاج اصنصير؟

احتياك هو الي راح يعطي للاستشاري فكرة عن توزيعات الفلا

عقب ماتكون جمعت كل الافكار الي عندك
روح مكتب استشاري وراح يعطيك اسكتش مبدئي يوضح لك تقسيمات الداخليه للفلا
اغلب المكاتب يعطونك هالاسكتش المبدئي مجانا بحيث لو عجبك يبد المفاصله في السعر

اتمنى لك التوفيق وانا حاظر لاي استفسار اخر

[معماري قطري]

910 مساحة كافية لبيت مريح

ومثل ما ذكر اخوي الخور حدد احتياجك ولتبخل على نفسك ولا تبالغ .. لأَن المجهود واحد في البنيان الكبير ولا الصغير .. لكن البنيان المعقد يشيب الراس ويفلس الواحد .. لذلك ركز تكون طلباتك شاملة ومعقولة .. والبنيان توافيق وبداية التوفيق تتوفق في استشاري زين .. شفت تصاميم شقول لك عنها ما تسوى نهائياً ولو فيه نظام ورقابة صح من الجهات المختصة ما تحصل هالمكاتب ممشية دجلها .. وانا تركيزي على المعماري وعلى الانشائي والخافي أَكيد أَعظم.

لا تتعامل الا مع مكتب مكتمل بكامل تخصصات المهندسين حتى لو كلف شوي بيريحك وبيتابع شغلك صح وبيوفر عليك كميات خرسانات وحديد ومجهود ووقت .. صدقني ما اسوي دعاية حق مكتب عندي والله يشهد بس انقل لك وللكل اللي شايفه .. شفت مكاتب تسوي تصاميم هواة وكل شغلهم قطاعي وعن طريق مهندسين خارجيين بأَرخص ما يمكن .. والتخطيط لهم متطلباتهم وما عليهم من كميات الخرسانات ولا عمود طالع وسط الغرفة ولا غيره.

دوم للبداية اعطي لستة مكاتب عن سمعة عارف عنهم وبعضهم عن تجربة لكن مسؤولية اختيار المكتب هي مسؤولية المالك ومثل ما قلت مهم المكتب مكتمل التخصصات .. يعني فيه معماري شاطر وانشائي وميكانيكي وتكييف وكهرباء .. وفيه طاقم اشراف متكامل ومختص في كل شيء .. وطبعاً العقد ولو محتاج حساب كميات لتسهيل الدفعات ولدقة حساب العمل في الموقع مع التكلفة تحتاج طاقم سكرتاريا شاطر وهذا غير موجود في كل مكتب.

خل يكون تركيزك في الاتفاق مع المكتب على ادارة البناء من التصميم - للموافقات - للمناقصة - لإِدارة التفاوض والعقد - للإِشراف وتنسيق الأَعمال - للإِستلام ومتابعة الصيانة وهذي الأَخيرة تكون بدون مقابل لطواريء ما بعد الإِستلام ولأَن الاستشاري يكون نقطة الوصل .. وطبعاً حسب عقدك المفروض تكون ماسك مبلغ للصيانة يقدر ما بين 5 - 10% من قيمة العقد.

لا تتفق الا مع مقاول قادر يخلص لك الشغل كامل والحاجات اللي تحتاج مقاولين متخصصين حدد علاقتهم في العقد مع المقاول الرئيسي .. مثل التكييف ومثل النجارة ومثل الأَلمنيوم .. أَما باقي الامور من بناء وتبليط وكهرباء وسباكة خلها على مقاول واحد أَفضل لك فيكون هو مسؤول المشروع ويساعد في حماية المكان وتسهيل شغل الباقيين.

شوف موضوع العقود الهندسية في توقيعي بيفيدك وايد.

[Aaziz]

لي عوده للقراءه ،، موفق بومحمد

[بومحمد المطاوعه]

الله يجزاكم خيررر

وان شاءالله ياخوي معماري
وياخوي الخور

ماقصرتو
بأذن الله براسلكم

[ابوعلي]

الله يوفقك اخووووي

واصحاب الخبرة بالمنتدى ما راح يقصرون معاك ان شاء الله

ونصيحتي لك لا تستعجل خاصة بمرحلة تصميم الخرايط

راعي مكتب تصميم الخرايط يبي يخلص اموره بسرعه ويقبض فلوسه ولكن خذ الامور بركادة وحدد احتياجاتك واسأل اصحاب التجارب والخبرة حتى تتفادى الاخطاء

وموفق خير اخوي

[مضارب دوسري]

عليك بمكتب المنصوري
والله للاسف ناسي اسم المكتب
بس اللي سمعته عنه انه ماشاء الله تبارك الرحمن يعطيك افكار ويحسب لك التكلفه التقريبيه حسب ميزانيتك

اكيد الاخوان معماري قطري وشموخ دائم يعرفون اسم المكتب لاني سمعت انه قديم

[مضارب دوسري]

والله يوفقك وييسر امورك
ونصيحتي لك
اذا انت ناوي تخلص امورك كامله من تشطيب وبنيان بقيمة القرض مليون وميتين الف
ف عليك انك تبني الفيلا والملاحق بمساحة بين 500 و 550 متر
واي زياده احسب تكلفة المتر ب 1500الى 1700

سعر البنيان عظم بلاستر مع تمديدات الكهربا والمكيفات
يتراوح بين 950الى 1150اي شحص يعطيك زياده او اقل ابعد عنهم

واوصيييك فالبنيان عليك بالهندي او الباكستاني
وبالتوفيق ان شاء الله
اهم مرحلة تحديد كم الميزانيه عشان ما تكون مثل بعض الشباب الله يهديهم يهايط وفالاخير يتم 5سنوات بيته واقف على دور ارضي وماعنده سيولة يكمل


حدد كم ناوي تزيد على القرض او اذا تبني على القرض تماما او اذا انت ناوي توفر من القرض

والله يسهل امورك ان شاء الله

[الدبلوماسي]

والله يوفقك وييسر امورك
ونصيحتي لك
اذا انت ناوي تخلص امورك كامله من تشطيب وبنيان بقيمة القرض مليون وميتين الف
ف عليك انك تبني الفيلا والملاحق بمساحة بين 500 و 550 متر
واي زياده احسب تكلفة المتر ب 1500الى 1700

سعر البنيان عظم بلاستر مع تمديدات الكهربا والمكيفات
يتراوح بين 950الى 1150اي شحص يعطيك زياده او اقل ابعد عنهم

واوصيييك فالبنيان عليك بالهندي او الباكستاني
وبالتوفيق ان شاء الله
اهم مرحلة تحديد كم الميزانيه عشان ما تكون مثل بعض الشباب الله يهديهم يهايط وفالاخير يتم 5سنوات بيته واقف على دور ارضي وماعنده سيولة يكمل


حدد كم ناوي تزيد على القرض او اذا تبني على القرض تماما او اذا انت ناوي توفر من القرض

والله يسهل امورك ان شاء الله

اقل مقاول يعطي 1000ريال للمتر عظم بلاستر !! اذا عندك حد يعطي اسعار مثل ماذكرتها مع تمديدات الكهربه طرش لي اياه

[الدبلوماسي]

عليك بمكتب المنصوري
والله للاسف ناسي اسم المكتب
بس اللي سمعته عنه انه ماشاء الله تبارك الرحمن يعطيك افكار ويحسب لك التكلفه التقريبيه حسب ميزانيتك

اكيد الاخوان معماري قطري وشموخ دائم يعرفون اسم المكتب لاني سمعت انه قديم

اي شموخ قالي عنه distance studio consultants مكتب الفن والهندسه سابقا وحاليا اتعامل معاه فوق الممتاز تعاملت مع مكاتب وايد ف قطر بس مثل حرفيه واتقان هالمكتب ماشفت

[مضارب دوسري]

اقل مقاول يعطي 1000ريال للمتر عظم بلاستر !! اذا عندك حد يعطي اسعار مثل ماذكرتها مع تمديدات الكهربه طرش لي اياه

تمديدات الكهربا القصد منها البايبات الاولية وليس كهرباء البيت

اما كهرباء البيت كامله الى حد تسليم الكارت

فان سعرها يكون المتر من 100 الى 130 ريال
حسبه تقريبية
يعني بيت مساحته 550متر مربع*
يعني الكهرباء للبيت بين 55000 و الى 71000
مع العلم بعضهم يعطي اسعار فالسما كله عشان يحصل مبالغ اضافيه
بعضهم يقنع ب 10000مربح وبعضهم ما يقنعه اقل من 30000 وبعضهم يطمع بال 50000



وكلهم يستخدمون مقولة الا الكهرباء لا تتساهل فيها
انا ركبت اعلى المواصفات ما عدا السوكتات اخترتهم تن بي ابيض
طلع علي البيت كسعر للمتر ب 115 ريال

[مضارب دوسري]

اي شموخ قالي عنه distance studio consultants مكتب الفن والهندسه سابقا وحاليا اتعامل معاه فوق الممتاز تعاملت مع مكاتب وايد ف قطر بس مثل حرفيه واتقان هالمكتب ماشفت

بالتوفييييق ان شاء الله

[بومحمد المطاوعه]

الله يجزاكم خير

ارفع الموضوع للفائده
وراجع للجميع ان شاءالله

[ameeer3]

من واقع تجربة شخصيه لي ، مكتب سكيتش للأستشارات الهندسيه (مكتبهم في بن عمران) ، ولديهم أفكاااار جداً مميزه ومدروسه فنياً وأنشائياً.

[بومحمد المطاوعه]

من واقع تجربة شخصيه لي ، مكتب سكيتش للأستشارات الهندسيه (مكتبهم في بن عمران) ، ولديهم أفكاااار جداً مميزه ومدروسه فنياً وأنشائياً.

طرش لي رقمه ماعليك امر
وجزاك الله خيرر

[ameeer3]

أبشر طال عمرك ، ويجزاك مثله أخوي

44877269
وهذا رقم المهندس وجدي الي تعاملت معاه 55727734

[بومحمد المطاوعه]

أبشر طال عمرك ، ويجزاك مثله أخوي

44877269
وهذا رقم المهندس وجدي الي تعاملت معاه 55727734

تبشر بالجنه
بارك الله فيك
ماقصرت

[معماري قطري]

طرش لي رقمه ماعليك امر
وجزاك الله خيرر

الله يعينك عليهم .. انا كشفت لهم أَساليب ولعب غير نظيف ونصحت أَحد الاخوان بعدم التعامل معاهم ما طاع وتعبوه .. بتصادفك امور كثيرة معاهم ما انتهت وعلشان تفصلها وتنهيها تدفع لهم وللمقاول .. عقد واحد كان 4ملايين طلع دافع فوق الخمس ملايين.

ما انكر إِن عندهم معماري جيد لكن الإِنشائي كله مبالغات وادارتهم للبناء والاشراف كلها لعب على مستوى عالي.

[بومحمد المطاوعه]

الله يعينك عليهم .. انا كشفت لهم أَساليب ولعب غير نظيف ونصحت أَحد الاخوان بعدم التعامل معاهم ما طاع وتعبوه .. بتصادفك امور كثيرة معاهم ما انتهت وعلشان تفصلها وتنهيها تدفع لهم وللمقاول .. عقد واحد كان 4ملايين طلع دافع فوق الخمس ملايين.

ما انكر إِن عندهم معماري جيد لكن الإِنشائي كله مبالغات وادارتهم للبناء والاشراف كلها لعب على مستوى عالي.


بارك الله فيك ياخوي

ان شاءالله بكلمك وبرد عليك فالخاص

تحياتي

[معماري قطري]

إِخواني ما ودي اذم في مكتب ولا امدح مكتب لكن هذا واقع شفته وعايشته

أَكيد ناس كثيرين ما يلاحظون وتمشي عليهم أُمور كثيرة لكن نصيحتي للجميع الإِنتباه ولو يكلف نفسه شوي يشوف حد يدقق الرسومات والعقد .. المكاتب لهم اسلوب غريب في المبالغة في الخرسانات والحديد لدرجة توصل 100% يعني لو يخفض النص بعد المبنى بيكون قوي كفاية وبيعيش عمر أَكثر من التصميم الثقيل اللي يتأَثر بصدأَ الحديد الزايد والوزن وتبدأَ عليه أَعراض الشيخوخة المبكرة .. وبعدها يدخلون للمالك شركة من عندهم والمالك يركض يدور شركات وكلها تسعر حسب الخرايط وتسعيرها يكون غالي لأَن المكتب مجهز مقاول يتعامل معاه وضامن ربحه اللي بيتقاسمه مع المكتب ويسعر بسعر نازل حول 10% عن أَقل واحد للعظم .. وأَثناء التنفيذ يتم تغيير الخرائط الانشائية بتخفيض الكميات كثير مما يعطي المقاول ربح كبير يتقاسمه مع المكتب أَو مباشرة مع المهندس المشرف .. واللعب يمشي في باقي المواصفات وبعدها يتورط المالك .. شركة عزل يتفقون مع ناس يتعلمون وبمواد رخيصة .. مواد كهربية تكون من أَرخص المواد في السوق .. شغل خرسانات تعشيش ومن ردي مكس رخيص وقوتها ضعيفة .. طريقة بناء كلها شورت كت وطريقة بدائية مثل بنيان الطابوق وبعدين صب خرسانة العمدان ومثل الدفان المدكوك وتركيب البورسلان والسيراميك مثل البلاط الشعبي وحتى بمونة اسمنت أَبيض.

يا ناس ملايين تتصدر برا والسبب هذي الغفلة ونظامنا القضائي وقوانينا البالية والنتيجة مباني وبيوت الله يعين ملاكها .. كلمني من فترة مقاول يبيني حق محاضرات توعية للملاك ودخلت في نقاش معاه .. وقال لي ان مشاكلهم كلها من الملاك والملاك ما يفهمون .. قلت له بالعكس المشاكل من نظام البناء ككل والقوانين المرتبطة به والملاك أَكثر وعي وفهم للبناء، ولا عجبه كلامي وشكله سحب علي وانا حتى ما تعجبني هالنوعية من المحاضرات الدعائية ويعجبني التثقيف الصحيح ولا لي خاطر في الارتباط بجهة معينة والحمد لله هالمنتدى مؤدي الغرض التثقيفي وأَكثر.

[بومحمد المطاوعه]

إِخواني ما ودي اذم في مكتب ولا امدح مكتب لكن هذا واقع شفته وعايشته

أَكيد ناس كثيرين ما يلاحظون وتمشي عليهم أُمور كثيرة لكن نصيحتي للجميع الإِنتباه ولو يكلف نفسه شوي يشوف حد يدقق الرسومات والعقد .. المكاتب لهم اسلوب غريب في المبالغة في الخرسانات والحديد لدرجة توصل 100% يعني لو يخفض النص بعد المبنى بيكون قوي كفاية وبيعيش عمر أَكثر من التصميم الثقيل اللي يتأَثر بصدأَ الحديد الزايد والوزن وتبدأَ عليه أَعراض الشيخوخة المبكرة .. وبعدها يدخلون للمالك شركة من عندهم والمالك يركض يدور شركات وكلها تسعر حسب الخرايط وتسعيرها يكون غالي لأَن المكتب مجهز مقاول يتعامل معاه وضامن ربحه اللي بيتقاسمه مع المكتب ويسعر بسعر نازل حول 10% عن أَقل واحد للعظم .. وأَثناء التنفيذ يتم تغيير الخرائط الانشائية بتخفيض الكميات كثير مما يعطي المقاول ربح كبير يتقاسمه مع المكتب أَو مباشرة مع المهندس المشرف .. واللعب يمشي في باقي المواصفات وبعدها يتورط المالك .. شركة عزل يتفقون مع ناس يتعلمون وبمواد رخيصة .. مواد كهربية تكون من أَرخص المواد في السوق .. شغل خرسانات تعشيش ومن ردي مكس رخيص وقوتها ضعيفة .. طريقة بناء كلها شورت كت وطريقة بدائية مثل بنيان الطابوق وبعدين صب خرسانة العمدان ومثل الدفان المدكوك وتركيب البورسلان والسيراميك مثل البلاط الشعبي وحتى بمونة اسمنت أَبيض.

يا ناس ملايين تتصدر برا والسبب هذي الغفلة ونظامنا القضائي وقوانينا البالية والنتيجة مباني وبيوت الله يعين ملاكها .. كلمني من فترة مقاول يبيني حق محاضرات توعية للملاك ودخلت في نقاش معاه .. وقال لي ان مشاكلهم كلها من الملاك والملاك ما يفهمون .. قلت له بالعكس المشاكل من نظام البناء ككل والقوانين المرتبطة به والملاك أَكثر وعي وفهم للبناء، ولا عجبه كلامي وشكله سحب علي وانا حتى ما تعجبني هالنوعية من المحاضرات الدعائية ويعجبني التثقيف الصحيح ولا لي خاطر في الارتباط بجهة معينة والحمد لله هالمنتدى مؤدي الغرض التثقيفي وأَكثر.

الله يجزاك خير ياخوي
وبيض الله وجهك

تحياتي لك



الله يوفقني ويوفق الجميع يارب

[بن مفتاح]

جزاكم الله خير جميع .. صاحب الموضوع .. ومن فادنا بمعلومات مفيدة ..

ويا ليت تفيدونا اكثر .. فأنا أيضاً في صدد البدء في البناء والله يعين وييسر ..

[معماري قطري]

الله يجزاك خير ياخوي
وبيض الله وجهك

تحياتي لك

الله يوفقك ويرزقك ببناء مريح وتبنيه وانت ضامن حقك وموفي للي يبني لك حقه

ودوم أَذكرك وأَذكر باقي الإِخوان إِن البنيان يحتاج لتصميم متقن يغطي كل جوانبه .. وهذا التصميم خطة تحتاج لتنفيذها ناس مختصين يمثلهم المكتب الاستشاري المرخص من الدولة واللي عليه واجبات المفروض يؤديها بتفاني.

الله يوفقني ويوفق الجميع يارب


جزاكم الله خير جميع .. صاحب الموضوع .. ومن فادنا بمعلومات مفيدة ..

ويا ليت تفيدونا اكثر .. فأنا أيضاً في صدد البدء في البناء والله يعين وييسر ..

انا دوم تمر علي مواقف اتعلم منها خصوصاً من مقابلة استشاريين ومقاولين ومن النقاش معاهم .. اليوم رحت اشوف استشاري اناقشه في بعض النقاط في تصميم لقريب لي .. وانا واقف انتظره حتى ندخل عند الاستشاري شفت محل يبيع سيراميك وبعض البائعين فيهم جهل غريب عن المادة اللي يبيعونها ويحاولون يزينون السيء من المواد بطريقة خاطئة .. شفت عنده بورسلان يبين لي إِنه رديء قال لي هذا صيني بس نوع راقي جداً وسعره 45 ريال وطبقة الطلاء اللي عليه طبعة ليزر ومن الكلام اللي انا عارفه .. وغيري ممكن يغتش لكن انا عارف إِن الطبعة تبهت وتنكحت حتى بدوس القدم وفي فترة سريعة .. يعني العجينة عجينة بورسلان والطلاء سيراميك قشرة رفيعة جداً ونوعية رخيصة.

حبيت اسئله عن طريقة التركيب قال حط بودرة ودكها زين .. تذكرت اننا في سوق الدوحة وفيه كثير من الدجل حتى عند كبار المختصين مثل الدكتور اللي ذكر إِن كائنات غريبة تاكل أَسفلت الطرق .. كملت نقاشي معاه وقلت له انت تنصحني بطريقة تركيب البلاط الشعبي حق بورسلان يفترض إِنه غالي ويسوى وهو صراحة ممكن تناسبه هذي الطريقة والمفروض ينباع بنص السعر .. أَكملنا مهمتنا للاستشاري وكان ما شاء الله عليه متفهم لكل الملاحظات ووعد بتعديلها ومع تدقيق الرسومات اشوف نواقص واختلافات جديدة ما لاحظتها قبل وهو يرد على ملاحظاتي .. لين وصلت لل site plan وشفت مستوى الصفر جدام درج البيت ولا فيه توضيح لصفر الشارع ولا سلوبات الحوش وكلمته فيها بأَن هذي تسبب خلاف بين المقاول والمالك بعدين على الدفان .. قال لا هذا المطلوب منا للتخطيط والمفروض مستوى الحوش يكون نفس مستوى الشارع .. عارضته لأَني متأَكد من كلامي وصراحة بين لي مدى جهل التخطيط في تدقيق الخرائط والموافقة عليها بنواقص تضر المالك لاحقاً وجهل الاستشاريين بتفصيل الخرائط صح حتى مايتعرض المالك لدفع مبالغ زائدة.

[ameeer3]

الله يعينك عليهم .. انا كشفت لهم أَساليب ولعب غير نظيف ونصحت أَحد الاخوان بعدم التعامل معاهم ما طاع وتعبوه .. بتصادفك امور كثيرة معاهم ما انتهت وعلشان تفصلها وتنهيها تدفع لهم وللمقاول .. عقد واحد كان 4ملايين طلع دافع فوق الخمس ملايين.

ما انكر إِن عندهم معماري جيد لكن الإِنشائي كله مبالغات وادارتهم للبناء والاشراف كلها لعب على مستوى عالي.

مع أحترامي لك شخصياً يا معماري قطر ، ان ما شكك في كلامك لأنك أنت مدرسة في الهندسة المعمارية ، لكــــــــــــــن من واقـــــــــــــــــــع تجربتي شخصيـــــــــــــــاً الحمد لله (الف مره) توفقت مع سكيتش من ناحية التصميم والأشراف ، والي صمم لي الفيلا (المهندس أشرف ) والي استلم أشراف البيت ( المهندس ياسر بدر) ، والمقاول ألي نفذ لي المشروع الي هو عبارة عن فيلا بحجم (1372) شركة جيرمن للتجارة والمقاولات ، وسبحان الله جاء الاختيار للشركات المذكورة عن طريق الأستخارة برب العالمين ، واتمنى انك تشرفني بزيارة إلى بيتى اذا تسنى لك الأمر وتعطينا رايك واثبت لك كلامي ، والتوافيق طال عمرك من رب العالمين

[معماري قطري]

مع أحترامي لك شخصياً يا معماري قطر ، ان ما شكك في كلامك لأنك أنت مدرسة في الهندسة المعمارية ، لكــــــــــــــن من واقـــــــــــــــــــع تجربتي شخصيـــــــــــــــاً الحمد لله (الف مره) توفقت مع سكيتش من ناحية التصميم والأشراف ، والي صمم لي الفيلا (المهندس أشرف ) والي استلم أشراف البيت ( المهندس ياسر بدر) ، والمقاول ألي نفذ لي المشروع الي هو عبارة عن فيلا بحجم (1372) شركة جيرمن للتجارة والمقاولات ، وسبحان الله جاء الاختيار للشركات المذكورة عن طريق الأستخارة برب العالمين ، واتمنى انك تشرفني بزيارة إلى بيتى اذا تسنى لك الأمر وتعطينا رايك واثبت لك كلامي ، والتوافيق طال عمرك من رب العالمين

الحمد لله إِخوي أَمير النتيجة ممكن ما نختلف عليها .. شغل جيد لكن انا اختلافي على طريق الوصول للنتيجة وانا كنت متابع 4 مشاريع مع أَحد الإِخوان وهو كان شبه مسحور بسكتش ولا لي قدرة على تغيير رايه فيهم لكن ملاحظتي ذكرتها له وطلعت تحسينات كثيرة على التصاميم وتعديلات لتناقض بعض الرسومات وفي الإِشراف طلعت أُمور كثيرة تطلبت ميزانية اضافية تعادل 20% زيادة .. وصراحة دوم المالك يتذكر كلامي ونصيحتي له بأَن يشوف استشاري ثاني.

مشروع ثاني كانت فيه مبالغات كبيرة في نظام الاطفاء تم الغاؤه وتوفير حول 600 الف ريال من مبلغ 2.1 مليون تكلفة المشروع بس ما قصر فينا وفي المقاول اللي فرضناه عليه عطل المشروع وعقد الامور كثير بسبب انه كان يفضل مقاول ثاني يحاول يمسكه المبنى .. حتى خرائط الإِنشائي غيرها وقت التوقيع لخرائط غير ومبالغ فيها .. وكان شيء محرج لي لأَن المقاول سعر على خرائط معينة ووقع على غيرها بدون ما يدقق .. عارف إِن قطر فيها كثير استشاريين مثل هذا ويربحون من هذي التعاملات ربح حرام وفي ذمتهم والله يعين الملاك وخصوصاً اللي تهمهم النتيجة وما يهمهم الطريق للنتيجة.

بيني وبينك انا بعد اللي شفته كرهت هالنوعية من الاستشاريين.

حادثة ثانية مرت علي في السابق .. كانت عندنا مشاريع كثيرة حكومية وكبيرة على مستوى حتى التصميم بأَسعار عالية وتجينا لستة الترخيص من البلدية على أَيام قبل التخطيط العمراني .. وطبعاً نختار الفئات حسب التصنيف وكنا أَوقات نختار مكاتب عالمية .. وفئة المكاتب العالمية خصوصاً المصرية إِكتشفت فيها اكتشاف شخصي إِن يسجلون المكتب في قطر ويجيبون مهندسين بعدد يأَهلهم يكونون مكتب عالمي مختص درجة اولى في كذا وكذا .. ويسون اقامات للمهندسين وبعدها يالله ارجعوا بلادكم اشتغلوا هناك .. يعني المكتب يكون شبه خالي الا من عدد بسيط يمشي الحال.

في النهاية لو نظام رقابة المكاتب يكون قوي ويتم تطبيق معايير صحيحة ورقابة مالية على المكاتب ومدخولها بيتم كشف الخافي وبسهولة لكن محد يحب هالشيء والضحية الملاك .. ببساطة مهندس راتبه 15000 بتحصله يحول شهرياً معدل 50000 وعنده استثمارات في البورصة وعايش مرتاح والله يزيده بس " من أَين له هذا "

[معماري قطري]

في المقابل تعاملت مع استشاريين حقانيين وعمليين وما عندهم لف ودوران .. إِجتماعات رسمية بمحضر اجتماعات ومراسلات رسمية بفاكسات وملف مشروع متكامل وبدون وجع راس .. ياخذ حقه ويعطيك حقك ومشروعك يمشي بسلاسة وبدون أَي تعقيد.

ودوم اذكر الكل بأَن عالم الاستشارات أَما يخسرك ويتعبك إِن كان ضعيف أَو ينفعك وترتاح معاه لعمله تصميم مناسب واقتصادي ولإِدارته عملية البناء بمهنية وجودة عالية مردودها يبين واضح في النهاية .. والإِستشاري الزين يبين من المقابلة الشخصية ومن عرضه لمشاريع رئيسية سواها والخبيث وهو أَخطرهم يسوي لك شيء زين بس بمجهود بسيط منه ويدفعك أَكثر من اللي متفق عليه ويطلع قدامك بأَنه بطل وهذا يعيش ويربح وايد بس ما اشوفه ربح حلال .. والاخير هو الضعيف اللي ما يعيش ويسكر بسرعة.

استوت معاملات كثير من الاستشاريين مع المقاولين تبيني امشي شغلك ادفع لي وانا مرتاح في مكتبي وانت حر تلعب في حلال المالك على كيفك .. وبعضهم يسون حركه أَول البناء بحيث يوقفون المقاول لسبب معين وبعدها خلاص ما تسمع لهم حس ولا تحصلهم في الموقع الا إِنت تطلبه قبلها .. والمفروض هالوقت مع تكنولوجيا التصوير بالتلفون وامكانية ارسال تقارير مصورة ومسجلة كلامياً سهلة جداً المفروض كل مالك يطلب هالشيء من الاستشاري بصفة دورية مرة اسبوعياً أَو حسب مواعيد الأَحداث الرئيسية .. كالصب مثلاً والفحص والمعاينة قبل الصب وتركيب الطابوق وعمل التمديدات ومتابعة كل الأَحداث.

[بومحمد المطاوعه]

بارك الله فيكم
وجزاكم الله خير


الله يرزقنا الحلال الطيب يارب