استفسار فني من أهل الخبرة

[أم وضحى]

هل استطيع عمل اصنصير في بيتي بعد السكن
وذلك بالاستغناء عن غرفة الملابس في الدور الأرضي مع غرفة الملابس في الدور الثاني اللي بتكون فوقها مباشرة
يعني يصير يفتحون لي السقف ؟ :shy:

وهل فتح السقف ما يأثر على البيت ؟

لان الدور الثاني عندي الصاله في الوسط وحولها من جميع الجهات غرف النوم :weeping:



في انتظار ردودكم وخبرتكم

[بوحارب]

اليوم جاتني شركة اصنصير البيت

اذا تبين رقمهم وتستفسرين منهم احسن

بس اتوقع صعبة يكسرون الصبية

ننتظر اهل الخبرة

واللي يبغي الرقم يتواصل معاي عالخاص

[MAZEN37]

خل غرفة المصعد من برع الفلا والباب الداخلي من الداخل اذا في مجال
المفروض مختص يشوف علغŒ الطبيعه

[معماري قطري]

إِذا غرفة ملابس صغيرة حول 2 في 2 واللي تكون مثل الممر لتكرمين الحمام وحولها أَبيام تحمل السقف بيكون القص للخرسانة ممكن وسهل .. بشرط شركة متخصصة ويستعملون منشار كهربي أَما تكسير بيأَثر على الجدران حول المكان .. بعدين لازم تندرس المنطقة من حيث تغذية الكهرباء والتحوط أَثناء العمل من وجود تمديدات كهرباء أَو تصريف مياه تكييف في المنطقة.

فيه شركات مختصة عندها حلول حتى لقص وسط الصالة مع وضع تدعيم خاص للسقف والتدعيم هذا يكون جزء من حوايط المصعد وممكن يكون هيكل حديدي مع بليت حديد كقاعدة .. شركة اتش بي كي شركة قوية مثلاً في هذا المجال .. بس يبي لكم اخلاء للبيت وصبر .. والمفروض شغلة كهذي يديرها استشاري والله يوفقكم.

[معماري قطري]

خل غرفة المصعد من برع الفلا والباب الداخلي من الداخل اذا في مجال
المفروض مختص يشوف علغŒ الطبيعه

حل أَسهل بكثير من التكسير أَو القص بس يعتمد على تصميم البيت

[Bozizoo]

كل شي ممكن يصير في عالم الهندسه

[أم وضحى]

بيض الله وجيهكم جميعاً على الرد


فعلا المشكلة عندي تعتمد على تصميم البيت , لان الدور الثاني كامل غرف نوم رئيسيه من جميع الجهات .
والمكان الوحيد اللي اقدر استغني عنه هي غرفة لدريسنغ روم مقاس 2*2 اللي تحت واللي فوق .
بس خفت من موضوع ان البنيان يتأثر اذا قصوا لي السقف .

وما ابي اوضح لبو وضحى اني كبرت على صعود الدرج :nop:



وحبيت استفسر هل حد صادفته هذي المشكلة ؟
وهل يوجد حل لها ؟


وتسلمون كلكم على تجاوبكم معاي :shy: