النميـمة , الهمـــز ، اللمـــز , إلى متى يا نساء ..؟

[أم محمد 90]

السلام عليكم ,

البعض لا يتحسس من العنوان واقروا الموضوع كامل يا معشر النساء ,

من فترة ودي أكتب عن هالشي لدرجة كان خاطري اشتغل مع ناس واسوي فيديو كارتوني كوميدي ,

الحريم ونظرات البحث الجنائي بالليزر الضوئي اللي يسوونها لكل شخص مار قدامهم ,

الاغلبية والله ما اعمم بس نسبة كبيييييرة !

سواء داخلين صالون
مطعم
سينما
محل
مجمع
شارع
مستشفى عيادة

ايييي مكان , ليش لما وحدة أو واحد يدخل لازم نظرات البحث من قمة الراس الين القاع ؟

طبعاً للي مايفهم ان الحريم نظراتهم عبارة عن بحث اول ماتبدا تطالع من فوق تشوف الهيئة وتبدا تحش

( ويي شوفي شلابسة , ويي جنه تشبه مريوم لا مب هي , وخيي هاي مكياج حد يحطه , شوفي شنطتها اشكره كوبي ، شوفي ريلها احلا منها ، عدال مب شارد ماسكة يده كلش الحب والغرام ، وععع امحق ويه شوفي شوفي ، جنه هاي امون بنت علي ولد خالة عمة يدت يد يدتي ؟ لا لا مب هي )

وينتهي البحث ! وتفر عينها وتخلص ويصير احد هالشيئين !

يا انها تنسى وجودها وتكمل اكل او طقطقة بالجوال !
او تتم تتطالع طول ما البنت قاعدة او الريال قاعد وتحش فيهم طووول الوقت !

لين ماتخلي الطرف الثاني مب قادر يتحملها ويمشي من المكان ؟

بنات جد , خلونا نكون واقعيات ! ترى الحش وايد عندنا ! وصار بزيادة ؟
ليش لما تطلعون تدققون فالعالم وتنسون نفسكم ؟

مشكله ان اللي قاعدة تحش ع وحدة متمكيجة هي اساسا متمكيجه !!!!
ولله افكر كم اثم ناخذ خلال يومنا ولذلك انا مااااحب اطلع مع بنات ف مكان عام لان جد اغلب القعدة حش ف الرايح والجاي !
النظرات الحشاشية النميمية لين متى ؟؟!

ليش مو كل وحدة تحط عينها بجوالها وخلاص ؟


:secret:

ارجو عدم الخروج عن محور الموضوع , ولحد يتحسس , ماقول الشباب مايحشون ولكن انا اتكلم عن ان نسبة النميمة عن البنات اكثر من الشباب .

ولا شرايكم ؟

[راجي الْعفو]

وعليك و رحمة الله ..

جزاج الله خير عالنصيحة و بيض الله وجهج ..

مع التحية ..

[شبح الصمت]

حمد لله على سلامتك ام محمد

منوره من جديد ومواضيعك القيمة


ما تكلمتي على شيء غريب

حتى ربعنا صارو جذيه ان دخل واحد مهب عاجبهم اشخلوووه شخال


الله يغفر لنا ويرحمنا برحمته

[نفسي عزيزه]

جزاج الله خير

[بوحارب]

قلة العقل والدين من اول الأسباب

احنا الشباب الحمدلله مانعرف هالأمور والكل مرحب به

كرك لجميع الشباب على حسابي ;)

[العنيده]

جزاج الله خير على التنبيه ..
بصراحه انا كانت فيني صفه اذا الشخص يمر لا ارادي افتكر بس مو القصد ضحك ولا شي ,
تفهي احيانا :shy:
بس تصرف لا اراداي حاليا الهي نفسي بالجوال وان شاء الله انها تنقطع :rolleyes2:

[sweet qatar]

القز منتشر عند الجنسين اووووفر

الله يعينا بس لا نعرف نمشي في مجمع من هالشباب
ولا ندخل صالون من هالبنات

[بوحارب]

القز منتشر عند الجنسين اووووفر

الله يعينا بس لا نعرف نمشي في مجمع من هالشباب
ولا ندخل صالون من هالبنات

اذا البنت في كامل حشمتها محد بيقزها

تحياتي الفخمه

[شبح الصمت]

اذا البنت في كامل حشمتها محد بيقزها

تحياتي الفخمه




مشكلة الحريم كم شيء اطلع في الوحده يوم تخززها


احنا يا زينا خفاف والعقار خفيف خفيف


ههههههههههههههههههاي

الا اهي عبايتها من المتحجبه والا من المصممات العالميات
وين شنطتها من ديور ولا مدري وين
مكياجها من حمد حميد تريم
جوتيها من سوق الديره لمحل الي فالزاوية الي يبيع فيه الهندي القرعه
الاساور من وين
الساعة الا من بانكونك كوووبي ون


هههههههههاي

حشى مب عين عليها اطلع كل هالاشياء ماشاء الله الاشعة تحت الحمراء


ههههههاي


تحياتي الفخمه لك يالفخم

الا تخبر نعالة السوبر جودو

[sweet qatar]

اذا البنت في كامل حشمتها محد بيقزها

تحياتي الفخمه

اخالفك الراي وعن تجربة

والله يهدي الجميع

[حسن]

الصراحه ياام ام محمد احيك على صراحتك وعلى شجاعتك في طرح مثل هذا الموضوع واللي يعتبر من المحرمات
بالنسبه لنا والخوض فيها او نكتب فيه
سوف نتهم منهمن باابشع الاتهام والكيل والمراقبه ويمكن يطبقون علينا اللاحاد ولا التشيع ولا الكفر
حيث نما الى علمي انتشار الحالات النفسيه بشكر خطير وكبير يستدعي التدخل السريع والفوري

جزاك الله خير على الموضوع الطيب وتشكرين عليه
والله يعينك على طوال اللسان منهن بس شوي بيدخولن عليك صبري


تحياتي لك

[R 7 A L]

صفة تعبانه في مجتمعاتنا للاسف

[يمامـة]

القز منتشر عند الجنسين اووووفر

الله يعينا بس لا نعرف نمشي في مجمع من هالشباب
ولا ندخل صالون من هالبنات

عند الجنسين وهذا صحيح...

لو كان القز متعلق بالنساء ما كان رب العزة والجلالة ذكر في كتابه الكريم
" قل للمومنين والمؤمنات ان يغضوا من ابصارهم"

ولا النميمة والحش مقترنين بالنساء فالجنسين سواء في هذا
خاصة لو كان الرجل عديم المروئة فيزيد على الحريم في الحش واللمز والغمز..

[حسن]

عند الجنسين وهذا صحيح...

لو كان القز متعلق بالنساء ما كان رب العزة والجلالة ذكر في كتابه الكريم
" قل للمومنين والمؤمنات ان يغضوا من ابصارهم"

ولا النميمة والحش مقترنين بالنساء فالجنسين سواء في هذا
خاصة لو كان الرجل عديم المروئة فيزيد على الحريم في الحش واللمز والغمز..

اختلف معاك ياليمامه مافي رجل عديم المرؤه ولا ماكان سموه رجل

زين

بس القز والهمز واللمز هذه صفه تتمتع فيها المراه اكثر
ومعروفه شي بديهي

بس مع الايام نقول يكبرون ويعقلون

منوره


تحياتي

[Locale]

في الاثنين هالصفه
عادي اذا وحده قزتني وماتشيل عينها شالمشكله يعني
يمكن مشبهه يمكن عندها نفس شنطتي يمكن شافت عبايتي في مكان
يعني لو اتم ساعه اتقز ولا تشيل عادي مايهمني
لاتحسسون ولا تحطون في بالكم ان تحش*

[يمامـة]

اختلف معاك ياليمامه مافي رجل عديم المرؤه ولا ماكان سموه رجل

زين

بس القز والهمز واللمز هذه صفه تتمتع فيها المراه اكثر
ومعروفه شي بديهي

بس مع الايام نقول يكبرون ويعقلون

منوره


تحياتي
النور نورك يا بوعلي
يحق لك تختلف يا بوعلي..

المروءة مب مقترنة بالرجل من دون المرأة



عديم المروءة لانه يتخلى عن صفات تكمل اخلاقه وتفسدها
شأنه شأن المرأة عندما تتخلى عن مروءتها..

ولكن مثل ما قلت انت ان النساء هم الاكثر تداولا للامور هذي
فالرجل الذي يتبع اسلوبها ماذا نسميه؟



http://www.youtube.com/watch?v=WEVRiS_t5sY

[يمامـة]

في الاثنين هالصفه
عادي اذا وحده قزتني وماتشيل عينها شالمشكله يعني
يمكن مشبهه يمكن عندها نفس شنطتي يمكن شافت عبايتي في مكان
يعني لو اتم ساعه اتقز ولا تشيل عادي مايهمني
لاتحسسون ولا تحطون في بالكم ان تحش*

هو بشكل عام مب حلوة هالتصرفات.. يعني القز والاطالة فيه حتى لو كانت من وحدة حق وحدة مب حلوة
الحركة يا لوكال...

[حسن]

النور نورك يا بوعلي
يحق لك تختلف يا بوعلي..

المروءة مب مقترنة بالرجل من دون المرأة



عديم المروءة لانه يتخلى عن صفات تكمل اخلاقه وتفسدها
شأنه شأن المرأة عندما تتخلى عن مروءتها..

ولكن مثل ما قلت انت ان النساء هم الاكثر تداولا للامور هذي
فالرجل الذي يتبع اسلوبها ماذا نسميه؟



http://www.youtube.com/watch?v=WEVRiS_t5sY

والله ياليمامه للي يقلد النسوان سميه اي اسم خداي مخدي رزيل سفيه تعبان مهب رجل

والافضل انها مهب رجال هذا التسميه اللي احنا اعتدنا عليها اي تصرف منه


وشكرا

[يمامـة]

والله ياليمامه للي يقلد النسوان سميه اي اسم خداي مخدي رزيل سفيه تعبان مهب رجل

والافضل انها مهب رجال هذا التسميه اللي احنا اعتدنا عليها اي تصرف منه


وشكرا

في الاخير ناقص مروئة ومسماه رجل

شكرا لك

[حسن]

في الاخير ناقص مروئة ومسماه رجل

شكرا لك

لا عندي مااسميه رجل اسميه باسمه فقط والرجوله صفه

ويمكن اقول عنه مهب رجل

[يمامـة]

لا عندي مااسميه رجل اسميه باسمه فقط والرجوله صفه

ويمكن اقول عنه مهب رجل

و الله يا بوعلي عاد ضيعتني انت الله يهداك...

مب رجل لكنه محسوب في خانتهم وفي الاخير رجل ناقص مرودة :"(

تهت وضعت النجدة :"(

[نوفا91]

موضوعج يا ام امحمد يبيلج دلة كرك عليه

بصراحه الوضع صاير لا يطااااق حش عيني عينك ، مره كنت اتحنى فالصالون وعيد وزحمه وتخيلي الا بنتين حذاي وتسولف مع اللي معاها وتأشر علي تقولها تقصدين هذي ، ياتني صدمه شفيها ذي حذاها وتأشر هالشكل ، وتخز ، عاد انا خليت التلفون ولفيت صوبها قلت شفيج شتحسين فيه اضحكت قالت لا نتكلم عن شنطتج من وين !

عيارتها سامعه الحش من اول ماقعدت ،
اي بنت تطالع فيج طالعيها بنفس النظره اذا مب معاها ريال طبعا يا بتلف والا بتم تقز وانتي تقزين لين الله يفرجها

[رهج السنابك]

انا ماعرف منو تحش ومنو تخز لاني ببساطه امشي بشموخ ولا التفت للناس ولا اهتم اذا يطالعون او لا صح احس لكن ما التفت
مابقدر اصكر عيون الناس : )


وعيشوا الدنيا بحلاوتها وسكرها انها ايام لن تعود <اشعندها ام المواعظ

[aloosh]

أدلة تحريم النميمة:

قال الله تعالى: {هَمَّازٍ مَشَّاءٍ بِنَمِيمٍ} [سورة القلم: 11].

وقال تعالى: {مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ} [سورة قّ: 18]. وقال جل وعلا: {وَيْلٌ لِكُلِّ هُمَزَةٍ لُمَزَةٍ} [سورة الهمزة: 1]. قيل الهمزة: النمام.

وقال تعالى: {حَمَّالَةَ الْحَطَبِ} [سورة المسد: من الآية 4]. قيل: كانت نمامة حمالة للحديث إفسادا بين النّاس، وسميت حطبا لأنّها تنشر العداوة والبغضاء بين النّاس كما أنّ الحطب ينشر النّاس، والنميمة من الأذى الذي يلحق المؤمنين ويُفسد بينهم.

قال تعالى: {وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَاناً وَإِثْماً مُبِيناً} [سورة الأحزاب: 58].

وعن حذيفة رضي الله عنه قال: قال رسول الله صلى الله عليه وسلم: «لا يدخل الجنة نمام» [متفق عليه].

وقد ذكر صلى الله عليه وسلم أنّه لا يدخل الجنة نمام، فإذا لم يدخل الجنة لم يكن مأواه إلاّ النار، لأنّه ليس هناك إلاّ الجنة أو النار، فإذا ثبت أنّه لا يدخل الجنة ثبت أن مأواه النار.

وقال صلى الله عليه وسلم: «ألا أخبركم بشراركم؟» قالوا: بلى. قال: «المشاؤن بالنميمة، المفسدون بين الأحبة، الباغون للبراء العيب».

ولنتأمل قول الرسول صلى الله عليه وسلم: «من أشاع على مسلم كلمةً يشينه بها بغير حق شانه الله بها في النار يوم القيامة».

هذا جزاؤه يوم القيامة وقبل ذلك عذاب القبر. فعن ابن عباس رضي الله عنهما أنّ رسول الله صلى الله عليه وسلم مر بقبرين فقال: «إنهما ليعذبان، وما يعذبان في كبير، بلى إنه كبير، أما أحدهما فكان يمشي بالنميمة وأما الآخر فكان لا يستتر من بوله».

قال العلماء في معنى «وما يعذبان في كبير»: "أي في زعمهما وقيل: كبير تركه عليهما".

ويقال: "أنّ ثلث عذاب القبر من النميمة".

ولقد حرم الله جل وعلا المشي بالنميمة لما فيها من إيقاع العداوة والبغضاء بين المسلمين ورخص في الكذب في الإصلاح بين الناس ورغب في الإصلاح بين المسلمين. قال تعالى: {فَاتَّقُوا اللَّهَ وَأَصْلِحُوا ذَاتَ بَيْنِكُمْ} [سورة الأنفال: من الآية 1].

وعن النبي صلى الله عليه وسلم قال: «ألا أخبركم بأفضل من درجة الصلاة والصيام والصدقة؟» قالوا: بلى يا رسول الله. قال: «إصلاح ذات البين، فإن فساد ذات البين هي الحالقة».


اللهم يا رب العالمين إجعلنا ممن يقول الحق و يتبع أحسنه

اللهم كما حسنت خلْقَنا فحسن خُلُقنا

اللهم إنا نوليك أنفسنا و زكها أنت خير من زكاها

اللهم آمين يا رب العالمين

[أم محمد 90]

وعليك و رحمة الله ..

جزاج الله خير عالنصيحة و بيض الله وجهج ..

مع التحية ..

الله يجزاك بمثله شاكره لك مرورك


حمد لله على سلامتك ام محمد

منوره من جديد ومواضيعك القيمة


ما تكلمتي على شيء غريب

حتى ربعنا صارو جذيه ان دخل واحد مهب عاجبهم اشخلوووه شخال


الله يغفر لنا ويرحمنا برحمته

المنتدى منور باهله والله ، ادري هالشي زايد عند الشباب ، الظاهر القطو العدوى من خواتهم وحريمهم .


قلة العقل والدين من اول الأسباب

احنا الشباب الحمدلله مانعرف هالأمور والكل مرحب به

كرك لجميع الشباب على حسابي ;)


اتفق وياك , والتربيه لها دور ..
عند الاجانب يعتبر من قلة التربية انك تطيل النظر في شخص .



جزاج الله خير على التنبيه ..
بصراحه انا كانت فيني صفه اذا الشخص يمر لا ارادي افتكر بس مو القصد ضحك ولا شي ,
تفهي احيانا :shy:
بس تصرف لا اراداي حاليا الهي نفسي بالجوال وان شاء الله انها تنقطع :rolleyes2:

تحملي اصيدج تطالعيني هههههه ترى صرت اكاسرهم واتهاوش وياهم .


القز منتشر عند الجنسين اووووفر

الله يعينا بس لا نعرف نمشي في مجمع من هالشباب
ولا ندخل صالون من هالبنات

اوفر وبس ؟؟
الا صار الواحد يرجف من كثر الخز !
والله من كم يوم عند الكافتيريا احط لي سلطة الا شلة البنات فالدوام يخزوووني ويحششون يبين اشكره من كثر مايطالعون بدت يدي ترجف وطيحت صحن السلطة :rolleyes2:

اذا الريال مايطالع جي انتو شلون جي تطالعون !؟





اذا البنت في كامل حشمتها محد بيقزها

تحياتي الفخمه

حتى المحتشمة يعيبون عليها
مرة دخلت محل ملابس داخلية وفيه وحده محتشمة حيل نقاب قفازات وعباه واسعه وتشتري اشيا حلوة
المهم ودخلوا بنات تكركر وتضحك ويعيبون ع الاشيا ف المحل وطنازة لما المرة خلصت وادفعت وطلعت
قالو هاي شتبي داشه هني منكر منكر (قصدهم انها محتشمة وشاريه ملابس داخليه مادري منو قالهم ان المحتشمات مايلبسون ؟)

قلت ف قلبي يلا زيدتو ميزان حسانتها ونقصتو ميزانكم .

[أم محمد 90]

مشكلة الحريم كم شيء اطلع في الوحده يوم تخززها


احنا يا زينا خفاف والعقار خفيف خفيف


ههههههههههههههههههاي

الا اهي عبايتها من المتحجبه والا من المصممات العالميات
وين شنطتها من ديور ولا مدري وين
مكياجها من حمد حميد تريم
جوتيها من سوق الديره لمحل الي فالزاوية الي يبيع فيه الهندي القرعه
الاساور من وين
الساعة الا من بانكونك كوووبي ون


هههههههههاي

حشى مب عين عليها اطلع كل هالاشياء ماشاء الله الاشعة تحت الحمراء


ههههههاي


تحياتي الفخمه لك يالفخم

الا تخبر نعالة السوبر جودو



ايييي صدقت والله العظيم يسون كشف ليزر حتى عادي من ورا العباية بهالعيييين يعرفون البنت وشو لابسة !!!

مب عييين مب عيييين يا مال الضعفة :eek5:

[أم محمد 90]

انا ماعرف منو تحش ومنو تخز لاني ببساطه امشي بشموخ ولا التفت للناس ولا اهتم اذا يطالعون او لا صح احس لكن ما التفت
مابقدر اصكر عيون الناس : )


وعيشوا الدنيا بحلاوتها وسكرها انها ايام لن تعود <اشعندها ام المواعظ

لا ليش؟ اوكي انا واثقة من نفسي بس ليش اشوف وحدة قاعدة تتغدا فيني مع اللي وياها واسكت ؟

[أم محمد 90]

الصراحه ياام ام محمد احيك على صراحتك وعلى شجاعتك في طرح مثل هذا الموضوع واللي يعتبر من المحرمات
بالنسبه لنا والخوض فيها او نكتب فيه
سوف نتهم منهمن باابشع الاتهام والكيل والمراقبه ويمكن يطبقون علينا اللاحاد ولا التشيع ولا الكفر
حيث نما الى علمي انتشار الحالات النفسيه بشكر خطير وكبير يستدعي التدخل السريع والفوري

جزاك الله خير على الموضوع الطيب وتشكرين عليه
والله يعينك على طوال اللسان منهن بس شوي بيدخولن عليك صبري


تحياتي لك

الحل ان اي حد يطيل النظر فيك ويبين انه قاعد يحش تفشله . مافي الا جي .
واشكر لك مرورك


صفة تعبانه في مجتمعاتنا للاسف

صفة تقهر تقهر تقهررر والله


عند الجنسين وهذا صحيح...

لو كان القز متعلق بالنساء ما كان رب العزة والجلالة ذكر في كتابه الكريم
" قل للمومنين والمؤمنات ان يغضوا من ابصارهم"

ولا النميمة والحش مقترنين بالنساء فالجنسين سواء في هذا
خاصة لو كان الرجل عديم المروئة فيزيد على الحريم في الحش واللمز والغمز..


نورتي يمامة , كلامج صحيح بس نلاحظ ان الحريم يسونه اكثر من الشباب .

[أم محمد 90]

موضوعج يا ام امحمد يبيلج دلة كرك عليه

بصراحه الوضع صاير لا يطااااق حش عيني عينك ، مره كنت اتحنى فالصالون وعيد وزحمه وتخيلي الا بنتين حذاي وتسولف مع اللي معاها وتأشر علي تقولها تقصدين هذي ، ياتني صدمه شفيها ذي حذاها وتأشر هالشكل ، وتخز ، عاد انا خليت التلفون ولفيت صوبها قلت شفيج شتحسين فيه اضحكت قالت لا نتكلم عن شنطتج من وين !

عيارتها سامعه الحش من اول ماقعدت ،
اي بنت تطالع فيج طالعيها بنفس النظره اذا مب معاها ريال طبعا يا بتلف والا بتم تقز وانتي تقزين لين الله يفرجها


ايي ,

زين سويتي لا تنحرجين فشليها قدام الكل ,

انا اخر مرة رحت افصل نظارة في مغربي لاني بسوي ليزر والدكتور مانعني البس عدسات ولا ف حياتي لبست نظارة
وبروحي ومب عارفه اختار ف كنت اصور واطرش لاهلي

المهم المحل مافي الا الفلبينية وثنتين بنات يشترون عدسات , وانا من المنظرة اشوفهم يطالعوني ويتكلمون
وارد الف اسال الفلبينية عن سعر النظارة ومرة ثانية يطالعوني ويتكلمون
وتميت جربت كذا نظارة واخر شي قلت لها !! نعم شتطالعين ؟؟
قالت انا !! بقت ععينها قلت اي ! اعرفج تعرفيني مشبهه ؟ قالت لا شدخل من كلمج انتي
قلت لها خلج ف حالج وقبل لا تطالعين حد طالعي نفسج اول
واعطيها ظهري تنرفزت واطلعت من المحل , :omen2:

[راجي الْعفو]

الله يجزاك بمثله شاكره لك مرورك



المنتدى منور باهله والله ، ادري هالشي زايد عند الشباب ، الظاهر القطو العدوى من خواتهم وحريمهم .




اتفق وياك , والتربيه لها دور ..
عند الاجانب يعتبر من قلة التربية انك تطيل النظر في شخص .




تحملي اصيدج تطالعيني هههههه ترى صرت اكاسرهم واتهاوش وياهم .



اوفر وبس ؟؟
الا صار الواحد يرجف من كثر الخز !
والله من كم يوم عند الكافتيريا احط لي سلطة الا شلة البنات فالدوام يخزوووني ويحششون يبين اشكره من كثر مايطالعون بدت يدي ترجف وطيحت صحن السلطة :rolleyes2:

اذا الريال مايطالع جي انتو شلون جي تطالعون !؟




حتى المحتشمة يعيبون عليها
مرة دخلت محل ملابس داخلية وفيه وحده محتشمة حيل نقاب قفازات وعباه واسعه وتشتري اشيا حلوة
المهم ودخلوا بنات تكركر وتضحك ويعيبون ع الاشيا ف المحل وطنازة لما المرة خلصت وادفعت وطلعت
قالو هاي شتبي داشه هني منكر منكر (قصدهم انها محتشمة وشاريه ملابس داخليه مادري منو قالهم ان المحتشمات مايلبسون ؟)

قلت ف قلبي يلا زيدتو ميزان حسانتها ونقصتو ميزانكم .

ليتج رديتي عليهم : ماعرفنا المنكر الا من أشكالكم المحتشمه !

[بومحمد المطاوعه]

يعطيج العافيه يا ام محمد

كفو عليج
والكلام الي قلتيه كله صح

ونسبه النميمه معروفه عند البنات اكثر

والحش لعبته بعض النساء

اذا ماحشت فالناس ماتعيش ويمكن تنجلط في هاليوم

اعوذ بالله من هالناس


تحياتي لج على هالموضوع القيم

[مهرة]

..

وعليكم السلام ام محمد حللتي أهلاً ووطئتي سهلاً .. وش هالقطاعة .!!

شوفي يامخلصة البشرية من الفساد والعبودية الشي هذا موجود في طبيعة البشر كلهم وبالأخص الناقصين مرة لو رجال ..!

وسلووك طبيعي متواجد بينا وحوالينا ويكاد يكون بين الأشقاء في نفس البيت ..!

بس الأدهى والأمر (المرة الناقصة) ليش تقز الرجال من وإلى :rolleyes2: الثقة وعرفنا من وين جايبينها بس الجرأة القاتلة وعين بعين من وين يبيعونها ؟؟

اشوف الكل يشتري ؟؟؟؟

[بومحمد المطاوعه]

ام محمد
موضوعج شرد بعض الناس من المشاركه
اشهد انج ضربتي هالموضوع ف قلوبهم

نسأل الله الهدايه لي ولج وللجميع يارب

[ضوى]

احسن حل اطنش يام محمد ، اذا باقعد اخوزز باللي خزني وابي اعرف شيبي مب خالصين ، خليهم يعطوني حسنات محتاجين احنا هالحسنات ، ويتحملون هم اوزراهم ووزري فوقهم الله يهدينا واياهم
اللهم احفظني في عليين واحفظ لساني عن العالمين

[حسن]

ام محمد
موضوعج شرد بعض الناس من المشاركه
اشهد انج ضربتي هالموضوع ف قلوبهم

نسأل الله الهدايه لي ولج وللجميع يارب

تقولي شردهم مالهم ويه يتكلمون شي في دمهم
بس تصدق هل هذه موجوده عندنا احنا بس مااعتقد هل الاجانب فاضين مثل ذي السوالف
هني فرق الثقافه العاليه
التفاهه عند المكسيكان اكثر

هذا الشي يجري في العروق منذ الصغر حتى السفرات الى اوربا معلمتهم الادب والتطور والثقافه
وباء من الامراض النفسيه

الله هم عافهم مما ابتلى هم

[نوفا91]

حسن وبومحمد عليكم بنفسكم ودعوا الخلق للخالق ، ماشاركوا لان فيهم والا شردوا !

وش يضركم يعني والا بيفيدكم بشنو !

:)

[يمامـة]

حسن وبومحمد عليكم بنفسكم ودعوا الخلق للخالق ، ماشاركوا لان فيهم والا شردوا !

وش يضركم يعني والا بيفيدكم بشنو !

:)


تبين الصراحة.. مب عارفة شسالفة...

مب عارفة اشلون بعض العرب ومع احترامي الكبير لاخوي حسن
اشلون وهم قاعدين في بيوتهم ومن خلف الشاشات عرفوا ان في ناس اشردوا
وناس يتراقلون من الموضوع!!!

علامات استفهام كبيرة احطها بعد اذنج في الموضوع هذا و أي موضوع
ثاني نحس فيه وجود ادعاء قدرات خارقة بحيث انهم يكشفون ما خلف الستار..

اعتقد هناك تراكمات من مواقف كثيرة في المنتدى وصارت تنعكس بشكل سلبي
على المشاركات ................> بوعلي ما اخبرك جذيه!!

[حسن]

حسن وبومحمد عليكم بنفسكم ودعوا الخلق للخالق ، ماشاركوا لان فيهم والا شردوا !

وش يضركم يعني والا بيفيدكم بشنو !

:)


راجعي مشاركتك الوليه يانوفا ودله الكرك

:victory:

الشبرمي يقول لا عاد ترمون العرب بحجاره

:omen2:


وانا ارد على بومحمد ولي راي وتعليق قبل تعليقك السابق اللي نشبت البينت في حالها


:telephone:

[نوفا91]

حسن شفيه ردي ، بالعكس انا أيدت الموضوع لان صرنا نشوف القز وااااايد ، وذكرت موقف لي بس !


لكن احط بذمتي واقول ما شاركوا واشردوا ،لان فيهم ومن هالكلام ! يا رجل القدرات الخارق واللي تعرف بكل شي


على اي اساس انت تقول هالكلام!

[حسن]

تبين الصراحة.. مب عارفة شسالفة...

مب عارفة اشلون بعض العرب ومع احترامي الكبير لاخوي حسن
اشلون وهم قاعدين في بيوتهم ومن خلف الشاشات عرفوا ان في ناس اشردوا
وناس يتراقلون من الموضوع!!!

علامات استفهام كبيرة احطها بعد اذنج في الموضوع هذا و أي موضوع
ثاني نحس فيه وجود ادعاء قدرات خارقة بحيث انهم يكشفون ما خلف الستار..

اعتقد هناك تراكمات من مواقف كثيرة في المنتدى وصارت تنعكس بشكل سلبي
على المشاركات ................> بوعلي ما اخبرك جذيه!!

طول عمرك مبدعه ياليمامه والله لايجب النحاسه ودعي التشائم

:)

واختلاف الراي لايفسد للود قضيه

وانتي تامرين وسيد العارفين ان كان هناك ملاحظه فانا اتقبلها بصدر رحب منك
العين ماتعللى على الحاجب

:)

[يمامـة]

طول عمرك مبدعه ياليمامه والله لايجب النحاسه ودعي التشائم

:)

واختلاف الراي لايفسد للود قضيه

وانتي تامرين وسيد العارفين ان كان هناك ملاحظه فانا اتقبلها بصدر رحب منك
العين ماتعللى على الحاجب

:)

جزاك الله خير يا اخوي حسن وكثر الله من امثالك..........> اخجلتنا بتواضعك الكبير..

وبجد احنا مب محتاجين الا نستمتع بالمناقشات والمشاركات وقراءة اراء بعض
اما غير ذلك.. خلوننا بعيد عنه .......> تستاهل كنافة بالقشطة..

[بومحمد المطاوعه]

حسن وبومحمد عليكم بنفسكم ودعوا الخلق للخالق ، ماشاركوا لان فيهم والا شردوا !

وش يضركم يعني والا بيفيدكم بشنو !

:)

كلمه دع الخلق للخالق هذي ماورد عليها فالاسلام ولا بين اهل السنه
الله اعلم من وين اطلعت

وبعدين انا تكلمت ان البعض شردو
وماقلت فيهم هالشي

ليش الواحد يشك ف عمره لهالدرجه الواحد مافيه ثقه ف نفسه

[بومحمد المطاوعه]

حسن شفيه ردي ، بالعكس انا أيدت الموضوع لان صرنا نشوف القز وااااايد ، وذكرت موقف لي بس !


لكن احط بذمتي واقول ما شاركوا واشردوا ،لان فيهم ومن هالكلام ! يا رجل القدرات الخارق واللي تعرف بكل شي


على اي اساس انت تقول هالكلام!

محد حط ف ذمته ولا اتهم
ولا ذكرت اسم فلان ولا فلانه

القصد من كلامي واضح
ان بعض الاقلام مانشوفها تشارك في المواضيع الهادفه والمفيده
بس في المواضيع الحش والكلام والتأليف
اما المواضيع مثل هذي يتشردون

نتمنى مشاركاتهم*
في هذي المواضيع

[نوفا91]

بومحمد ، محد قال ان ( دعوا الخلق للخالق ) من القران والا السنه

كلامي واضح مب لك انت ولحسن بس حتى بموضوع ودي اكون التنبيهات قالوا بعض الاعضاء ليش البنات مايدشون اكيد ماعجبهم !!!!!

نعم ! ومن تكون انت عشان تحكم على غيرك ، وفالاخير محد كامل ،
تسلم على سعة الصدر ، على الاقل مب ،حسن اللي يرد على الكلام اللي يعجبه بس ، واللي ماعنده رد يتجاوز عنه
:)

[حسن]

بومحمد ، محد قال ان ( دعوا الخلق للخالق ) من القران والا السنه

كلامي واضح مب لك انت ولحسن بس حتى بموضوع ودي اكون التنبيهات قالوا بعض الاعضاء ليش البنات مايدشون اكيد ماعجبهم !!!!!

نعم ! ومن تكون انت عشان تحكم على غيرك ، وفالاخير محد كامل ،
تسلم على سعة الصدر ، على الاقل مب ،حسن اللي يرد على الكلام اللي يعجبه بس ، واللي ماعنده رد يتجاوز عنه
:)


نعم

تجاوز عن السىئ قدر الامكان واتجاوز عن الردود اللي مالها داعي على حسب المواضيع
وحتى هذا الرد كنت ناوي اتجاوز عنه ولكن كررتي اسمي في كل كانك تقولين لي تعال الى ساحه الوغى

يابنت الحلال لي نظره ثاقبه في الحياه قد تكون صحيحه وقد تكون خاطئه

وش استفيد اقعد ارد عليك كل شوي وبدون هدف الى ثرثره على النيل

خذي مني اللي تبين وتركي الباقي

مااحب الجدل العقيم وانا اضرب في الصميم

انا اتفقت مع راي بومحمد وبس وايد كلامه شنهي المشكله

ترا السكوت اهون ولا الشكوى لظالم


:(

عزيزه وغاليه يونوفا انتي وش تامرين عليه


:)

[بومحمد المطاوعه]

بومحمد ، محد قال ان ( دعوا الخلق للخالق ) من القران والا السنه

كلامي واضح مب لك انت ولحسن بس حتى بموضوع ودي اكون التنبيهات قالوا بعض الاعضاء ليش البنات مايدشون اكيد ماعجبهم !!!!!

نعم ! ومن تكون انت عشان تحكم على غيرك ، وفالاخير محد كامل ،
تسلم على سعة الصدر ، على الاقل مب ،حسن اللي يرد على الكلام اللي يعجبه بس ، واللي ماعنده رد يتجاوز عنه
:)


بارك الله فيج
لو لي انا بتقبل الموضوع
وحلو الواحد يتوب لله ويستغفر
ولكن كلامي كان للموضوع قيم ويجب المشاركه
بدال المواضيع الي تجر للفتن والكلام والاشاعات في اعراض الناس

هالموضوع وايد قيم والمفروض نشوف المشاركه الطيبه فيه مثل مانشوف في بعض المواضيع الساقطه

تحياتي لج

[بومحمد المطاوعه]

نعم

تجاوز عن السىئ قدر الامكان واتجاوز عن الردود اللي مالها داعي على حسب المواضيع
وحتى هذا الرد كنت ناوي اتجاوز عنه ولكن كررتي اسمي في كل كانك تقولين لي تعال الى ساحه الوغى

يابنت الحلال لي نظره ثاقبه في الحياه قد تكون صحيحه وقد تكون خاطئه

وش استفيد اقعد ارد عليك كل شوي وبدون هدف الى ثرثره على النيل

خذي مني اللي تبين وتركي الباقي

مااحب الجدل العقيم وانا اضرب في الصميم

انا اتفقت مع راي بومحمد وبس وايد كلامه شنهي المشكله

ترا السكوت اهون ولا الشكوى لظالم


:(

عزيزه وغاليه يونوفا انتي وش تامرين عليه


:)

يعطيك العافيه يالغالي
وجزاك الله خير

رحم الله والديك

[نوفا91]

نعم

تجاوز عن السىئ قدر الامكان واتجاوز عن الردود اللي مالها داعي على حسب المواضيع
وحتى هذا الرد كنت ناوي اتجاوز عنه ولكن كررتي اسمي في كل كانك تقولين لي تعال الى ساحه الوغى

يابنت الحلال لي نظره ثاقبه في الحياه قد تكون صحيحه وقد تكون خاطئه

وش استفيد اقعد ارد عليك كل شوي وبدون هدف الى ثرثره على النيل

خذي مني اللي تبين وتركي الباقي

مااحب الجدل العقيم وانا اضرب في الصميم

انا اتفقت مع راي بومحمد وبس وايد كلامه شنهي المشكله

ترا السكوت اهون ولا الشكوى لظالم


:(

عزيزه وغاليه يونوفا انتي وش تامرين عليه


:)

اولا يا اخوي حسن الرد والمشاركه مافيها شي سئ ،
وبما انه مافيها شي سئ ، انت قلت تتقبل النصيحه في ردك حق اختي يمامه ،
وسالفة ماتشوف فيها فايده انك ترد هذا شي راجع لك حتى وان ذكر اسمك ، يعني وش فايدة ردك حق اخت يمامه ! على الاقل انا ابي اعرف مصدر الثقه بكلامك من وين !
وطال عمرك تقول ان لك نظرة ثاقبه ارد اعيد واكرر مالك حق تقول ليش ماشاركوا !

والسموحه على الاطاله اخوي الكبير حسن ،