سؤال الى هيئة الأشغال العامة

[khaldoon]

على طول اتسال في نفسي هل يتم محاسبة الشخص اللي يسوي تصميم للطرق و الإشارات و المخارج او يقوم بمراجعته و النصح به و الموافقه عليه و تنفيذه و بعدين يثبت فشله و عدم جدواه و تقوم إدارة المرور بالترقيع عن طريق غلق المخرج او المدخل او لغي الاشاره او اعتماد وضع شرطي مرور كل يوم. ام ان نفس هذا الشخص مازال يكرر نفس الخطا و منازلنا بنفس الدوامه اللي ما راح تنتهي وما احد يدفع الثمن الا اللي أمه داعيه عليه و يستخدم الطريق متى نتوقف عن هذه الفوضى و نرى حلول مقنعه و ناجحة لتصميم مختلف انواع الطرق و الإشارات في الدولة. مخارج و مداخل و إشارات الدائري الرابع على سبيل المثال لا الحصر خير مثال على ما اقول. مجرد سؤال

[R 7 A L]

تصدق يا خلدون
حتى الي مايعرفون وش الطبخة متفقين على ان شغل اشغال غلط
انت تعال شوف دوار الصناعية سابقاً والطرق المؤديه اليه وش صار فيها
المداخل حارة تسع سيارة واحدة فقط مع ان المسافة من الشارع للبيوت كبيرة جداً
تعال شوف النفق تحت من اول ما افتتحوا المشروع وفيه تسريب ماء تخيل فوق ثلاث سنوات والتسريب موجود
وغيرة من الامور
الحين دافعين ثمانية مليار للمنطقة الصناعية تجديد شوارع وتجميل !

[الدوحه1]

ماسبب عدم وجود جسور للمشاه في الشوارع الرئيسيه ؟؟؟

مثال على ذلك:
شارع سلوي وهو شارع تم تجديده وتصميمه حديثا ويعتبر اهم شارع تجاري في الدوحه, عبور الشارع مشيا للجهه المقابله يعتبر مهمه انتحاريه!!!

[حسن]

غياب المواطن القطري الغيور والمسؤل هو السبب مالها علاقه ياخلودون
الدوله تضخ المليارات على المشاريع وعطتهم فلوس
لكن القطري المخلص مش موجود هذا هو السبب ؟؟

عمرك شفت قطري واقف على مشروع ولا شي كله اجانب من اوله الى اخره

حتى اللوحات الارشاديه مالت المرور كله اجانب وعمال ولا قطري واقف معاهم ويوجههم صح
تلقا حاط اشاره مرور وقدامها لو حه اعلام صورت الكثير من لاخطاء

الحل غياب القطري النزيه في العمل هذا هو السبب

[المحاميه]

ما شاء الله منزل موضوعين ورا بعض
ان شاء الله عالطول نشوفك ب هالنشاط

لكن هد أعصابك :victory:

[المحاميه]

غياب المواطن القطري الغيور والمسؤل هو السبب مالها علاقه ياخلودون
الدوله تضخ المليارات على المشاريع وعطتهم فلوس
لكن القطري المخلص مش موجود هذا هو السبب ؟؟

عمرك شفت قطري واقف على مشروع ولا شي كله اجانب من اوله الى اخره

حتى اللوحات الارشاديه مالت المرور كله اجانب وعمال ولا قطري واقف معاهم ويوجههم صح
تلقا حاط اشاره مرور وقدامها لو حه اعلام صورت الكثير من لاخطاء

الحل غياب القطري النزيه في العمل هذا هو السبب

السؤال

أعرف إن عندنا كفاءات قطريه جديره بالمناصب المرموقه

ولكن هل لدينا مثل الخبراء والمهندسين اللي يصممون المشاريع ويشرفون عليها ويتداركون الأخطاء ويتوقعون النتايج واذا صارت فجوه يعرفون الحل؟ حتى لو كان لو شعورهم سودا سئمنا من اللون الاشقر !!!

[حسن]

السؤال

أعرف إن عندنا كفاءات قطريه جديره بالمناصب المرموقه

ولكن هل لدينا مثل الخبراء والمهندسين اللي يصممون المشاريع ويشرفون عليها ويتداركون الأخطاء ويتوقعون النتايج واذا صارت فجوه يعرفون الحل؟ حتى لو كان لو شعورهم سودا سئمنا من اللون الاشقر !!!


ماعندنا واللي عندنا السابقين مشوهم وقعدوهم في بيوتهم من زمان ليش ؟؟الله اعلم؟؟
ولمصلحه من ؟ الله اعلم؟
نتج عنه فوضى اداريه وتخبطات الى الان نعاني منها ومش خالصين
بالنسبه للشقر لما تجيبينهم واللي قدامه مش فاهم وش بيسوي اكيد بيلعب عليه
وعلى فكره بس حبيت اوصل هل المعلومه كثير من التظيف ذولا كله خرطي من انت يالطرطور ياللي مسوي نفسك مسؤل
تقيمه وتختبره ؟؟
انا لما اشوف مسؤل واقف على المشروع والشغل هني انا اقول نعم نتطور اما نفس الحال وكله المسؤل في الجتماع ومشموجود
انسي يتعدل الوضع
تصدقين لو انا كنت مسؤل لحاكمت كل من امر بوضع مطب
كلهم وحاسبتهم حساب عسير على دمير شوارعنا بهذه المطبات
شغل عشواءي

انا اقول المسؤل القطري مفقود عندنا مفقود

كله شو بس

[المحاميه]

ماعندنا واللي عندنا السابقين مشوهم وقعدوهم في بيوتهم من زمان ليش ؟؟الله اعلم؟؟
ولمصلحه من ؟ الله اعلم؟
نتج عنه فوضى اداريه وتخبطات الى الان نعاني منها ومش خالصين
بالنسبه للشقر لما تجيبينهم واللي قدامه مش فاهم وش بيسوي اكيد بيلعب عليه
وعلى فكره بس حبيت اوصل هل المعلومه كثير من التظيف ذولا كله خرطي من انت يالطرطور ياللي مسوي نفسك مسؤل
تقيمه وتختبره ؟؟
انا لما اشوف مسؤل واقف على المشروع والشغل هني انا اقول نعم نتطور اما نفس الحال وكله المسؤل في الجتماع ومشموجود
انسي يتعدل الوضع
تصدقين لو انا كنت مسؤل لحاكمت كل من امر بوضع مطب
كلهم وحاسبتهم حساب عسير على دمير شوارعنا بهذه المطبات
شغل عشواءي

انا اقول المسؤل القطري مفقود عندنا مفقود

كله شو بس


جزاك الله خير
اختصرت السالفه بأول كلمه :victory:

[معماري قطري]

خلها مستورة إِخوي خلدون واستسلم للواقع وقول الحياة جميلة وكل شيء زين

أَشغال مشكلتهم الكبرى إِنهم ناس مقيدين بتخصصات غير ومؤهلين في مجالات ثانية وفجأَة لقوا نفسهم يديرون مشاريع طرق كبرى .. كذلك الدور اللي بين المرور ومصمم الطرق وأَشغال غير محدد صح ويخالف قوانين الهندسة العالمية .. يعني حسب ما شفت وسمعت من ردود أَشخاص يديرون مشروع طرق بأَن متطلبات المرور تقول كذا وكذا .. ومتطلبات المرور هذي المفروض ما تتدخل في جزئيات السلامة المرورية اللي هي من واجب مهندس الطرق.

المشاكل الموجودة في إِدارة التصميم بأَنك تحصل مشروع بسيط يعقدونه ويعطونه عدة استشاريين بحيث يكون كل جزء له تصميم .. وتعال شوف كمية العقود والشغل والتنسيق وفي الغالب يكون مع مصممين حدهم فلل تحولوا فجأَة لمشروع طرق ودوار وجسر وتقاطع لازم يكون مدروس صح وبحسابات صح .. وبعدين يقطون الكوره في ملعب المرور بحيث هذي كانت متطلباتكم وانتوا وافقتوا على التصميم.

آخر شيء قهرني شفت الانترلوك الغرانيت اللي في طريق سلوى الحديث وبدأَ مغبر وفيه تعرجات وهبوطات بسبب وضعه على تربة وعدم التأَسيس صح له وهذا انترلوك غالي.

في النهاية لو عندك مال قارون وتعطيه ناس مب قد المسؤولية يديرون بناء مهم بتتورط بشغل بطيء وناقص من كل النواحي وبتحتد تسوي ترقيعات وصيانة على طول ولا بواصل للي تبيه من الأَساس .. شوف كمثال بسيط حماية الإِشارات والكاميرات الصلبة اللي تتسبب في اصطدام مباشر للسيارات وهو حل ترقيعي لحماية الاشارات.

حلو يجي موضوع مهم مثل ذيه منك مهندس خلدون والأَحلى هي ملاحظتك اللي في محلها

[حسن]

تصدق يامعماري لفت نظري بالنترلوك الجرانيت المغشوش اللي مركب توه

لا حظت عليه امام مدلرسه البيان كانه مرشوش ايل نخبر الارض اللي تنرش بالايل شلون تسير مع التراب والغبار
معقوله جرانيت زيت بهذه الطريقه توه ماكمل سنه

اتمنا ممن اشغال تبعث مهندسين قطريين للتاكد من كلامي ليش اصبح عليه طبقه مثل الايل وتغير لونه بشكل كبير

هناك شي غير طبيعي

امنى تشكل فريق والذهاب بنفسهم ولا اذا تبون صور اقدر ازودكم بها

جراينيت يطلع ايل اول مره اعرف لايكون هذا البترول الصغري اللي يقولون عنه

[Rider]

للاسف حتى لو كان فيه قطريين ماعندهم استعداد ينزلون للمواقع قاعدين في المكاتب ومن لجنة الى الاخر وسفرات خارجية مهمة عمل !!!! المهندسة المخلص اختفى غير الحين اكثر الشباب الي يتخرجون من كلية الهندسة ماعنده استعداد يشتغل اهم شي عنده المسمى المهندس فلان

[أم محمد 90]

تصدق يا خلدون
حتى الي مايعرفون وش الطبخة متفقين على ان شغل اشغال غلط
انت تعال شوف دوار الصناعية سابقاً والطرق المؤديه اليه وش صار فيها
المداخل حارة تسع سيارة واحدة فقط مع ان المسافة من الشارع للبيوت كبيرة جداً
تعال شوف النفق تحت من اول ما افتتحوا المشروع وفيه تسريب ماء تخيل فوق ثلاث سنوات والتسريب موجود
وغيرة من الامور
الحين دافعين ثمانية مليار للمنطقة الصناعية تجديد شوارع وتجميل !

1 مليار للشارع
و 7 مني مناك
بعد مايصير وين تبي يبنون قصور ويركبون سيارات فخمه ويفتحون محلات؟

[معماري قطري]

تصدق يامعماري لفت نظري بالنترلوك الجرانيت المغشوش اللي مركب توه

لا حظت عليه امام مدلرسه البيان كانه مرشوش ايل نخبر الارض اللي تنرش بالايل شلون تسير مع التراب والغبار
معقوله جرانيت زيت بهذه الطريقه توه ماكمل سنه

اتمنا ممن اشغال تبعث مهندسين قطريين للتاكد من كلامي ليش اصبح عليه طبقه مثل الايل وتغير لونه بشكل كبير

هناك شي غير طبيعي

امنى تشكل فريق والذهاب بنفسهم ولا اذا تبون صور اقدر ازودكم بها

جراينيت يطلع ايل اول مره اعرف لايكون هذا البترول الصغري اللي يقولون عنه

حتى إِخوي حسن لو فيه نسبة تزييت وتشرب للماء هو وايد أَقوى من الانترلوك المغشوش وممكن سعره منافس .. مع إِني اشك في هالشيء .. لكن المشكلة في تركيبه وفي قص الرصيف اللي جاي بزاوية حادة لو طاح عليها واحد الله يشفيه ولو ضربتها سيارة الله يعين راعيها على تبديل التواير والرنقات بعد.

[المهندس عبدالعزيز]

على طول اتسال في نفسي هل يتم محاسبة الشخص اللي يسوي تصميم للطرق و الإشارات و المخارج او يقوم بمراجعته و النصح به و الموافقه عليه و تنفيذه و بعدين يثبت فشله و عدم جدواه و تقوم إدارة المرور بالترقيع عن طريق غلق المخرج او المدخل او لغي الاشاره او اعتماد وضع شرطي مرور كل يوم. ام ان نفس هذا الشخص مازال يكرر نفس الخطا و منازلنا بنفس الدوامه اللي ما راح تنتهي وما احد يدفع الثمن الا اللي أمه داعيه عليه و يستخدم الطريق متى نتوقف عن هذه الفوضى و نرى حلول مقنعه و ناجحة لتصميم مختلف انواع الطرق و الإشارات في الدولة. مخارج و مداخل و إشارات الدائري الرابع على سبيل المثال لا الحصر خير مثال على ما اقول. مجرد سؤال

الكلام بالعموميات او السرد الانشائي لا يجدي نفعا، أثبت أن التصميم مخالف للمواصفات بالادلة والبراهين وعبر تقرير وابعثه إلى رئيس هيئة الاشغال العامة عبر كتاب رسمي ، وستقوم هيئة الاشغال العامة بمحاسبة الشخص او الشركة المعنية ،والتصميم الهندسي كأي مجهود بشري به اخطاء وغير كامل، لا يخفى عليك ان هيئة الاشغال العامة تحتاج المناصحة والتطوير المستمر كأي مؤسسة حكومية.

[khaldoon]

تصدق يا خلدون
حتى الي مايعرفون وش الطبخة متفقين على ان شغل اشغال غلط
انت تعال شوف دوار الصناعية سابقاً والطرق المؤديه اليه وش صار فيها
المداخل حارة تسع سيارة واحدة فقط مع ان المسافة من الشارع للبيوت كبيرة جداً
تعال شوف النفق تحت من اول ما افتتحوا المشروع وفيه تسريب ماء تخيل فوق ثلاث سنوات والتسريب موجود
وغيرة من الامور
الحين دافعين ثمانية مليار للمنطقة الصناعية تجديد شوارع وتجميل !

ما اقدر أضيف على كلامك شي يا الغالي. كل الشكر على مرورك المميز مشكله لما يظل يسوون الرصيف عريض و بعدين يصغرونه على كذا مره و ليس من اول مره و تظل الحفريات في نفس الشارع لا تنتهي. متى نتعلم من غلطتنا السابقة ما اعرف.

[khaldoon]

ماسبب عدم وجود جسور للمشاه في الشوارع الرئيسيه ؟؟؟

مثال على ذلك:
شارع سلوي وهو شارع تم تجديده وتصميمه حديثا ويعتبر اهم شارع تجاري في الدوحه, عبور الشارع مشيا للجهه المقابله يعتبر مهمه انتحاريه!!!
. صراحة طرحت موضوع سابق عن جسور المشاة فقط و جاني الرد انها غير محبذه بي لا تسألني على العام ليش

[khaldoon]

غياب المواطن القطري الغيور والمسؤل هو السبب مالها علاقه ياخلودون
الدوله تضخ المليارات على المشاريع وعطتهم فلوس
لكن القطري المخلص مش موجود هذا هو السبب ؟؟

عمرك شفت قطري واقف على مشروع ولا شي كله اجانب من اوله الى اخره

حتى اللوحات الارشاديه مالت المرور كله اجانب وعمال ولا قطري واقف معاهم ويوجههم صح
تلقا حاط اشاره مرور وقدامها لو حه اعلام صورت الكثير من لاخطاء

الحل غياب القطري النزيه في العمل هذا هو السبب

والله يا الغالي انا مب ضد جنسيه معينه أسلط الضوء على تقصيرها انا ضد بقاء ناس افكارهم و تصاميمهم دايما غير مجديه و مازالوا مستمرين على راس عملهم طبيعة البلد و اقتصادها و توزيعها السكاني هي اللي أدت الى نزول من ينزل الى الشارع و بقاء من يبقى في الاداره و المكاتب مثل ما تفضلت. بس الإخلاص موجود عند الجميع و من هو غير مخلص فهو حالة فردية فقط

[khaldoon]

ما شاء الله منزل موضوعين ورا بعض
ان شاء الله عالطول نشوفك ب هالنشاط

لكن هد أعصابك :victory:

حياكي الله اختي و أشكرك على مرورك اللطيف. بس والله الاعصاب تعبانه من وضع الشوارع و الزحمة اليوميه و العذاب في استخدام الطرق كل يوم. و الله نكون في تحدي يومي كيف نوصل على الوقت صباحا و الله المستعان

[khaldoon]

السؤال

أعرف إن عندنا كفاءات قطريه جديره بالمناصب المرموقه

ولكن هل لدينا مثل الخبراء والمهندسين اللي يصممون المشاريع ويشرفون عليها ويتداركون الأخطاء ويتوقعون النتايج واذا صارت فجوه يعرفون الحل؟ حتى لو كان لو شعورهم سودا سئمنا من اللون الاشقر !!!

مازلنا في دولنا ألعربيه نعتقد انه الأجنبي الاشقر هو اكثر إنسان قادر على حل مشاكلنا و يدير حياتنا و كاننا نحتاج وصايته و الحمد لله انه في اشغال اثبتوا فشلهم و كل يوم ينسحب.جزء من صلاحياتهم ومهامهم لأنهم غير قادرين على إتمامها كما كان متوقع منهم

[khaldoon]

ماعندنا واللي عندنا السابقين مشوهم وقعدوهم في بيوتهم من زمان ليش ؟؟الله اعلم؟؟
ولمصلحه من ؟ الله اعلم؟
نتج عنه فوضى اداريه وتخبطات الى الان نعاني منها ومش خالصين
بالنسبه للشقر لما تجيبينهم واللي قدامه مش فاهم وش بيسوي اكيد بيلعب عليه
وعلى فكره بس حبيت اوصل هل المعلومه كثير من التظيف ذولا كله خرطي من انت يالطرطور ياللي مسوي نفسك مسؤل
تقيمه وتختبره ؟؟
انا لما اشوف مسؤل واقف على المشروع والشغل هني انا اقول نعم نتطور اما نفس الحال وكله المسؤل في الجتماع ومشموجود
انسي يتعدل الوضع
تصدقين لو انا كنت مسؤل لحاكمت كل من امر بوضع مطب
كلهم وحاسبتهم حساب عسير على دمير شوارعنا بهذه المطبات
شغل عشواءي

انا اقول المسؤل القطري مفقود عندنا مفقود

كله شو بس

لا تعليق.

[khaldoon]

خلها مستورة إِخوي خلدون واستسلم للواقع وقول الحياة جميلة وكل شيء زين

أَشغال مشكلتهم الكبرى إِنهم ناس مقيدين بتخصصات غير ومؤهلين في مجالات ثانية وفجأَة لقوا نفسهم يديرون مشاريع طرق كبرى .. كذلك الدور اللي بين المرور ومصمم الطرق وأَشغال غير محدد صح ويخالف قوانين الهندسة العالمية .. يعني حسب ما شفت وسمعت من ردود أَشخاص يديرون مشروع طرق بأَن متطلبات المرور تقول كذا وكذا .. ومتطلبات المرور هذي المفروض ما تتدخل في جزئيات السلامة المرورية اللي هي من واجب مهندس الطرق.

المشاكل الموجودة في إِدارة التصميم بأَنك تحصل مشروع بسيط يعقدونه ويعطونه عدة استشاريين بحيث يكون كل جزء له تصميم .. وتعال شوف كمية العقود والشغل والتنسيق وفي الغالب يكون مع مصممين حدهم فلل تحولوا فجأَة لمشروع طرق ودوار وجسر وتقاطع لازم يكون مدروس صح وبحسابات صح .. وبعدين يقطون الكوره في ملعب المرور بحيث هذي كانت متطلباتكم وانتوا وافقتوا على التصميم.

آخر شيء قهرني شفت الانترلوك الغرانيت اللي في طريق سلوى الحديث وبدأَ مغبر وفيه تعرجات وهبوطات بسبب وضعه على تربة وعدم التأَسيس صح له وهذا انترلوك غالي.

في النهاية لو عندك مال قارون وتعطيه ناس مب قد المسؤولية يديرون بناء مهم بتتورط بشغل بطيء وناقص من كل النواحي وبتحتد تسوي ترقيعات وصيانة على طول ولا بواصل للي تبيه من الأَساس .. شوف كمثال بسيط حماية الإِشارات والكاميرات الصلبة اللي تتسبب في اصطدام مباشر للسيارات وهو حل ترقيعي لحماية الاشارات.

حلو يجي موضوع مهم مثل ذيه منك مهندس خلدون والأَحلى هي ملاحظتك اللي في محلها

والله يا الغالي هي السالفة طويله يعني في غياب الناس المؤهلين لابد من انك تدفع اكثر من عشرين و ثلاثين الف للمهندس الوافد كرواتب لناس مؤهله فعلا بس لو سويت هالشي بيصير هجره لكل القطاعات الحكومية الاخرى و الكل بدور على الجهة الحكومية اللي تعطي راتب اعلى. فقاموا بتجربه وهي استقدام مكتب استشاري كله اجانب و اعطوهم رواتب خياليه كعقد كبير و مطلوب منهم تطوير مشاريع اشغال من حيث الجوده و الكفاءه و التصميم و التنفيذ و مدة العقد و الالتزام بها و النتائج و السلامه. بس هم اغلب همهم هو نظافة الموقع و تجنب الحوادث على مبدأ السلامه اولا بس فعليا لا يوجد شيء ثانيا. والله ما يدرون عن شي و ينلعب فيهم لعب و ما عادوا يقدرون يغطوا عجزهم لأنك تقدر تخدع الناس بعض الوقت ولكن لا تستطيع ان تخدعهم كل الوقت لهالسبب ظهرت النتائج عكس المتوقع وأقل مما هو متوقع منهم. و مثل ما قولت هو نقص في التنسيق و تلبية متطلبات المرور و انسيابيته ايضا ما ذكرت من تلف للمنشات العامة دليل على قصور في اداء كل الأطراف خلال التنفيذ يعني المقاول و المشرف و ممثل اشغال كل الشكر على شهادتك الرائعه من إنسان اروع و هذا الموضوع بعض ما عندكم

[khaldoon]

تصدق يامعماري لفت نظري بالنترلوك الجرانيت المغشوش اللي مركب توه

لا حظت عليه امام مدلرسه البيان كانه مرشوش ايل نخبر الارض اللي تنرش بالايل شلون تسير مع التراب والغبار
معقوله جرانيت زيت بهذه الطريقه توه ماكمل سنه

اتمنا ممن اشغال تبعث مهندسين قطريين للتاكد من كلامي ليش اصبح عليه طبقه مثل الايل وتغير لونه بشكل كبير

هناك شي غير طبيعي

امنى تشكل فريق والذهاب بنفسهم ولا اذا تبون صور اقدر ازودكم بها

جراينيت يطلع ايل اول مره اعرف لايكون هذا البترول الصغري اللي يقولون عنه

والله يا اخوي ما انتبهت لسالفة الانترلوك اللي عليه زيت بس اعتقد من كلامك انه امتص الزيت من طبقة الأسفلت و البرايم كوت اللي تحتها خلال التنفيذ و هذا دليل على رداءة النوع و امتصاصه الزايد للسواءل او انه غير مناسب لتركيبه كرصيف للشوارع. جميل انه نهتم بالامور الجماليه و نبهر الناس بنوعية المواد المكلفة المستخدمة في المشاريع و لكن الاجمل هو حسن اختيار المواد و تناسبها مع ما وضعت له علشان تحقق ما هو مطلوب منها يعني ما يكون الجرانيت على حساب الجوده فَلَو ركبوا كيربستون عادي تقليدي كان أفضل لهم من جرانيت مزيت و الله اعلم

[Qatar-Qa]

مشكور اخوي خلدون على الموضوع

على طاري التصميم والمواصفات والمقاييس

عندكم مثلا خط الشمال معظم مخارجه مكانها ووضعها وترتيبها خطا
نقدر نجيب المصمم او المنفذ ونحاسبه ؟؟
مستحيل طبعا لان هالشي انفرض عليه غصب مب بيده
عشان بس كل جسر لازم يطل عند بيت فلان او علان وخل الشعب كله يحترقون في شارع 5 متر ودوار !!

خلاصه الموضوع ان مب كل شي بيد المصمم او منفذ المشروع
في اشياء في بعض المشاريع تنفرض عليه من اللي عطوه المشروع حتى لو كانت خطأ او مب سيفتي او مب مطابقه للمواصفات والمعايير
قانونيا أي نعم هو المسؤول لكن مايقولون له شي لان هم فارضين عليه امور وترتيبات معينه على اهوائهم ومزاجهم

[khaldoon]

للاسف حتى لو كان فيه قطريين ماعندهم استعداد ينزلون للمواقع قاعدين في المكاتب ومن لجنة الى الاخر وسفرات خارجية مهمة عمل !!!! المهندسة المخلص اختفى غير الحين اكثر الشباب الي يتخرجون من كلية الهندسة ماعنده استعداد يشتغل اهم شي عنده المسمى المهندس فلان


1 مليار للشارع
و 7 مني مناك
بعد مايصير وين تبي يبنون قصور ويركبون سيارات فخمه ويفتحون محلات؟

ما اقدر اقول شي او اعلق ... اشكركم على مروركم

[khaldoon]

حتى إِخوي حسن لو فيه نسبة تزييت وتشرب للماء هو وايد أَقوى من الانترلوك المغشوش وممكن سعره منافس .. مع إِني اشك في هالشيء .. لكن المشكلة في تركيبه وفي قص الرصيف اللي جاي بزاوية حادة لو طاح عليها واحد الله يشفيه ولو ضربتها سيارة الله يعين راعيها على تبديل التواير والرنقات بعد.

والله الصراحه احسه مب مناسب انه يكون كيربستون لرصيف ....بس الهدف هو حشو المنشات و الطرق و المباني باغلى المواد مع سوء التناسق بينها مع بعض ومع مكان وجودها و تناسبها و عدم تحقيقها الغرض اللي وضعت من اجله ...اشكرك على مرورك الجميل

[khaldoon]

الكلام بالعموميات او السرد الانشائي لا يجدي نفعا، أثبت أن التصميم مخالف للمواصفات بالادلة والبراهين وعبر تقرير وابعثه إلى رئيس هيئة الاشغال العامة عبر كتاب رسمي ، وستقوم هيئة الاشغال العامة بمحاسبة الشخص او الشركة المعنية ،والتصميم الهندسي كأي مجهود بشري به اخطاء وغير كامل، لا يخفى عليك ان هيئة الاشغال العامة تحتاج المناصحة والتطوير المستمر كأي مؤسسة حكومية.

هدي اعصابك يا اخوي و ارجوك اقرأ موضوعي و قولي انا وين قولت انه التصميم مخالف للمواصفات .. انا قولت التصميم اثبت عدم جدواه و عدم قدرته على توفير ما وضع من اجله ولا قدر يحل ازمه او يخفف زحام..... انا اتكلم عن اشاره وضعت و تم لغيها للابد... شوف الاشارات اللي على الدائري الرابع اللي تودي على طول على فيلاجيو و حياة بلازا و معيذر... او بعض الاشارات في شارع الهندسة او حتى على طريق فيلاجيو على سبيل المثال لا الحصر.... انا اتكلم عن مخارج من طرق فرعيه لرئيسيه تم لغيها و اغلاقها...... شوف المخرج اللي عند اللولو و ازدان مول

اما بخصوص مخالفة المواصفات فهذا موضوع ثاني ما له علاقه بموضوعي بس لا يعني انه غير موجود و ان شاء الله لو لقيت شي مخالف غير تصاميم مواقف السيارات او انظمة الصرف الصحي للطرق و الدواوير و اللي تصب على الدوار و تسوي برك حوله كالعاده او النهر اللي صار السنه الماضيه في انفاق الطريق المؤدي للصناعيه/طريق سلوى فبحطلك موضوع ....الحين من كلام بعض الاخوة انه في اشياء تفرض على المصمم.... هالكلام غير مقبول من المصمم..... يعني الحين لو مالك قالي كمهندس ابيك تسوي شي غلط ومخالف للمواصفات اقوله حاضر؟!!... اجل هو ليش جابني اصلا و قالي ادفعلك وايد ....علشان ادله على الصح والا اشتغل الغلط اللي يبيه بموافقتني و اعتمادي انا كمهندس استشاري ومصمم ...... مثل النكته اللي تقول واحد في مقابله سألوه ايش ناتج 5+4 قالهم انتوا تبونها كام

[شيخ الديرة]

الكلام بالعموميات او السرد الانشائي لا يجدي نفعا، أثبت أن التصميم مخالف للمواصفات بالادلة والبراهين وعبر تقرير وابعثه إلى رئيس هيئة الاشغال العامة عبر كتاب رسمي ، وستقوم هيئة الاشغال العامة بمحاسبة الشخص او الشركة المعنية ،والتصميم الهندسي كأي مجهود بشري به اخطاء وغير كامل، لا يخفى عليك ان هيئة الاشغال العامة تحتاج المناصحة والتطوير المستمر كأي مؤسسة حكومية.

هل تقصد ان الأخوان المدراء في هيئة أشغال راضين عن المواصفات اللي ينجزها أشغال؟ أجزم بعدم ذلك. ولكن يبدو لي أنهم صلاحياتهم مقيدة في مؤسسة كبيرة جدا وثقيلة لا يمكن تغيير وجهتها بين يوم وليلة.

عندي رأي السائق الذي يستخدم الشارع وحكمه على مواصفات الشارع أهم من مليون مهندس

[حسن]

والله يا اخوي ما انتبهت لسالفة الانترلوك اللي عليه زيت بس اعتقد من كلامك انه امتص الزيت من طبقة الأسفلت و البرايم كوت اللي تحتها خلال التنفيذ و هذا دليل على رداءة النوع و امتصاصه الزايد للسواءل او انه غير مناسب لتركيبه كرصيف للشوارع. جميل انه نهتم بالامور الجماليه و نبهر الناس بنوعية المواد المكلفة المستخدمة في المشاريع و لكن الاجمل هو حسن اختيار المواد و تناسبها مع ما وضعت له علشان تحقق ما هو مطلوب منها يعني ما يكون الجرانيت على حساب الجوده فَلَو ركبوا كيربستون عادي تقليدي كان أفضل لهم من جرانيت مزيت و الله اعلم

ياخلدون ههم مركبين ممشى جرانيت يعني بين الرصيف والجدارن اول ماركبوه شكله جميل والحين تقول صاب عليه ايل
ورمل تغير 180 درجه الانتر لوك افضل منه
وبعدين هم ركبوه تحته رمل انا اذكر نفس الانتر لوك وقطعه صغار مثل النتر لوك ولونه الرصاصي
بس تغير الحين اقولك صاير كانه الزيت الصخري الجديد
هو جميل بس ليش تغير وسار بشع جدا

[مرتبش]

الموضوع تحور وتشعب شوي.
تساؤل الموضوع كان عن التغييرات اللي تحصل في الشوارع بعد انجازها مثل اغلاق لفة او اشارة.. في نظري الجواب الواقعي هو غياب المعلومات عن المهندسين والمدة الطويلة لتصميم وطرح وتنفيذ اي مناقصة.. يعني الشارع اللي يخلص اليوم يمكن مصممينه من سنوات والوضع يتغير في قطر بطريقة سريعة خارجة عن سيطرة جهة تنفيذية مثل اشغال.

والسالفة اكبر من شارع..الشارع يتنفذ باحسن طريقة لكن الصحة تقرر انشاء مركز صحي والاوقاف تقرر بناء جامع على هذا الشارع .. والتعليم يقررون بناء عدة مدارس في نفس المنطقة .. اشياء قد تحتاج مداخل ومخارج واشارات ضوئية.. الخ من تغييرات .

[khaldoon]

مشكور اخوي خلدون على الموضوع

على طاري التصميم والمواصفات والمقاييس

عندكم مثلا خط الشمال معظم مخارجه مكانها ووضعها وترتيبها خطا
نقدر نجيب المصمم او المنفذ ونحاسبه ؟؟
مستحيل طبعا لان هالشي انفرض عليه غصب مب بيده
عشان بس كل جسر لازم يطل عند بيت فلان او علان وخل الشعب كله يحترقون في شارع 5 متر ودوار !!

خلاصه الموضوع ان مب كل شي بيد المصمم او منفذ المشروع
في اشياء في بعض المشاريع تنفرض عليه من اللي عطوه المشروع حتى لو كانت خطأ او مب سيفتي او مب مطابقه للمواصفات والمعايير
قانونيا أي نعم هو المسؤول لكن مايقولون له شي لان هم فارضين عليه امور وترتيبات معينه على اهوائهم ومزاجهم

اشكرك على مداخلتك القيمه....ما اقدر ارد الا مثل ما قولت لاخونا المهندس عبدالعزيز بخصوص فرض شروط على المصمم تجبره على القيام بأخطاء هندسية غير مقبوله وما تحقق المطلوب فعلا من اجل مصالح شخصيه او لقلة من الناس

[khaldoon]

هل تقصد ان الأخوان المدراء في هيئة أشغال راضين عن المواصفات اللي ينجزها أشغال؟ أجزم بعدم ذلك. ولكن يبدو لي أنهم صلاحياتهم مقيدة في مؤسسة كبيرة جدا وثقيلة لا يمكن تغيير وجهتها بين يوم وليلة.

عندي رأي السائق الذي يستخدم الشارع وحكمه على مواصفات الشارع أهم من مليون مهندس

متفق تماما معاك .... كل الشكر على مرورك الطيب

[khaldoon]

ياخلدون ههم مركبين ممشى جرانيت يعني بين الرصيف والجدارن اول ماركبوه شكله جميل والحين تقول صاب عليه ايل
ورمل تغير 180 درجه الانتر لوك افضل منه
وبعدين هم ركبوه تحته رمل انا اذكر نفس الانتر لوك وقطعه صغار مثل النتر لوك ولونه الرصاصي
بس تغير الحين اقولك صاير كانه الزيت الصخري الجديد
هو جميل بس ليش تغير وسار بشع جدا
مثل ما قولتك يا الغالي امتص البيتومين من الاسفلت خاصة انه مركب على رمل ما حضرتك و ذكرت بالاعلى ..... راجع ردي السابق ...تحياتي

[khaldoon]

الموضوع تحور وتشعب شوي.
تساؤل الموضوع كان عن التغييرات اللي تحصل في الشوارع بعد انجازها مثل اغلاق لفة او اشارة.. في نظري الجواب الواقعي هو غياب المعلومات عن المهندسين والمدة الطويلة لتصميم وطرح وتنفيذ اي مناقصة.. يعني الشارع اللي يخلص اليوم يمكن مصممينه من سنوات والوضع يتغير في قطر بطريقة سريعة خارجة عن سيطرة جهة تنفيذية مثل اشغال.

والسالفة اكبر من شارع..الشارع يتنفذ باحسن طريقة لكن الصحة تقرر انشاء مركز صحي والاوقاف تقرر بناء جامع على هذا الشارع .. والتعليم يقررون بناء عدة مدارس في نفس المنطقة .. اشياء قد تحتاج مداخل ومخارج واشارات ضوئية.. الخ من تغييرات .

اخي الغالي مرتبش.... مستحيل تكون المعلومه غايبه عن المهندس المصمم الا لو هو ما يعرف اشلون يصمم...تدري ليش..... لانه لما الدوله تقرر انها تعطي مشروع...أي مشروع لمكتب هندسي استشاري يصمم لها المشروع و بعد ما تبين للمكتب كل احتياجاتها و ايش تبي من المشروع و ايش بيخدم .... يقوم المكتب الاستشاري بمخاطبة جميع الجهات الحكوميه في الدوله من التخطيط العمراني و كهرماء و اووريدو و فودافون و المواصلات و الريل و الدفاع المدني و قود.....الخ .... و تخبرهم انهم بنفذون المشروع الفلاني على الارض الفلانيه و تحدد لهم مكانها بالاحداثيات و تطلب من جميع هذه الجهات انها تعطيهم خططها المستقبليه لكل الشوارع والمناطق المحيطه بالمشروع وايش ناويين يسوون فيها علشان مثلا ما يسوون مشروع مطل على شارع و في نية عند أي جهة حكوميه انها تلغيه او تسكره او تسوي شي يكون عائق للمشروع ...يعني ما يكون في غياب للتنسيق خاصة انه في بعض المشاريع او المنشات ما يصير تكون بجانب بعضها البعض او مكرره من غير داعي .....يعني لو غاب التنسيق بين كل الجهات بتكون كارثه فعلا..... ممكن الارض يمر فيها الريل مثلا او فيها خطوط كهرباء و ماء حيه لا يمكن تحويلها و هكذا .... باختصار المعلومه يجب انها تكون متوفره والا المصمم ما يعرف ايش شغله و غير مؤهل انه يقوم بالتصميم

[مرتبش]

نظريا كلامك صحيح..واقعيا بعيد كل البعد عن الصحة
لا التخطيط عارفين ولا الوزارات والهيئات عندهم تصور ابعد من بكرة.. بعدين دورة المشروع من ينطرح كفكرة ثم يتصمم الى ان يتنفذ ويفتتح ! كم تاخذ من وقت

[khaldoon]

نظريا كلامك صحيح..واقعيا بعيد كل البعد عن الصحة
لا التخطيط عارفين ولا الوزارات والهيئات عندهم تصور ابعد من بكرة.. بعدين دورة المشروع من ينطرح كفكرة ثم يتصمم الى ان يتنفذ ويفتتح ! كم تاخذ من وقت

والله يا اخوي اذا هالكلام نظري بس معناته الشغل بتم بطريقه خاطئه وغير بروفيشنال و غير صحيحه جملة و تفصيلا لانه هالكلام هو اساس الشغل و التنسيق بين الجميع ....اشلون نتكلم عن قطر 2030 و احنا ما عنا تصور ابعد من بكره ....المشروع كفكره و حتى اتمام بناء قد ياخد خمس سنوات حسب حجمه و هالمدة مب طويله على مؤسسات تعرف ايش تبي توفر و تخدم كبنيه تحتيه لعشرات السنوات