* تجربتي العلاجية لحل مشكلة آلام المفاصل والعضلات *

[الجـــوديّ]

بسم الله الرحمن الرحيم






بتكلم في هذي التجربة عن الوسائل العلاجية اللي استخدمتها وشنهي أفضل الحلول ..
عل وعسى تفيدكم مثل ما فادتني من بعد معاناة طويلة انتهت بفضل الله.

كنت دايماً أعاني من آلام في جسمي ما أعرف أسبابها، أحس إني مريضة ومو مريضة .. كسل .. خمول .. فتور ..
تعبت وأنا اروح للدكاترة محد كان يعطيني تشخيص سليم علشان يعطيني دواء يناسب مشكلتي ..!
وأنا ما خليت شي ماقريته بهالخصوص فوصلت إلى الاحتمالات الأربعة لمسببات هذي الالام:

ممكن يكون نقص فيتامين د
ممكن يكون دهون على الكبد وقصور في وظائف الكبد
ممكن يكون زعل واسباب نفسية
ممكن يكون نقص البوتاسيوم في العضلات



وللعلاج ..
كنت آخذ ماسكادول يريحني ويخدرني شوي
جربت السباحة .. كانت مفيدة وانفعتني بس لازم تكون ضمن نظام يومي اما سباحة وإما مشي يعني المهم إني ما اقطع الروتين.
وقبلها جربت العلاج الطبيعي علشان تسترخي العضلات ... فكانت الاستجابة بطيئة وتاخذ وقت طويل !


ومن فترة .. صابني –الله يجيركم- ألم شديد في الجنب اليمين .. من رقبتي لين باطن القدم .. فكانت الالام قوية عطلت مجرى حياتي ان وقفت وايد تعبت وان مشيت فترة بعد تعبت وان قعدت يبس ظهري .. وان نمت .. مثل الفلفل يشب بمكان الالم ووهج وحرارة... فقالوا احتمال يكون عرق النسا :(

خذت المسكنات العادية ... فكان أثرها بسيط
فاضطريت اخذ فولتارين في العضل و بعد بؤرة الالام مازالت تندح علي ..
فعطوني مسكن في الوريد ريحني 12 ساعة وبعد مازالت بؤرة الالم تندح.
وعقبها استمريت على بنادول جوينت ريحني فترة
لين الله هداني وألهمني أجرب العلاج السحري الرخيص اللي مافي أرخص منه ..ومتوفر في بيوتنا كلنا!!!

اللي هو

http://forlivingstrong.com/wp-content/uploads/2012/07/lemon-wayer.jpg

بديت أشرب ماي فيه قطرات من الليمون طول اليوم ..
هي بس 24 ساعة واختفت كل الالام من العظام والعضلات اللي اشكي منها من سنين بالإضافة الى مشكلة جنبي اليمين الأخيرة !
هذا غير النشاط والحيوية وليونة العضلات بشكل مب طبيعي
ومن استمريت على هالماي الحمدلله أنا بخير .. جسدياً ذهنياً نفسياً :)



شرب الماي والليمون يعتبر من أحد وسائل نزع السموم من الجسم واذابة الدهون .. وفكرته الرئيسية تعتمد على شنو ؟

تعتمد على حامضية الماي (PH) اللي نشربه .. بمعنى
حامضية ماي الحنفية العادي تقريباً 7,5 = حمضي
ماي الصحة= المياه المعدنية تقريباً 7 = معتدل
ماي زمزم 8-8,5 = قلوي

وكلنا نعرف ان ماي زمزم فيه خاصية علاجية استشفائية
لذلك كل ما كان الماي قلوي عندنا كل ماكان أحسن وأصح للجسم علشان يخلي الدم أيضاً قلوي وهذي النقطة المفيدة
وكل ما كان الدم حمضي يعني الجسم مريض عافنا الله وإياكم.

المهم ... وحدة من أسهل الطرق اللي ممكن تخلي الدم قلوي هو بضع قطرات من الليمون في كاس الماي أو عصر ليمونه وحده بالكثير في جيك الماي وخلوا القشر في الجيك واشربوا منه طول اليوم ... وخففوه بالماي كل ماحسيتو ان حموضته زايدة ..
وللي يعانون من حموضة المعدة ممكن تشربون هالماي عادي لكن اكلوا شي بعده أو شربوا شي بسيط غيره على اساس مايخلي حموضة الليمون تبقى ووتتضاعف وعقب اتحسون بالحارق.

هذا الماي بالليمون علاج لكثير من المشاكل والأمراض.
وفي يوتيوب الكثير من الفيديوهات اللي تتكلم عن هذا العلاج

هذي خلاصة تجربتي ... حبيت افيدكم بها يمكن حد يستفيد منها
واللي جرب فوايد الماي والليمون الصحية بدون آلام .. يفيدنا بها مشكوراً

أمنياتي لكم بموفور الصحة والعافية :)



روابط عديدة تتكلم عن فوائد الماي والليمون على اليوتيوب

http://www.youtube.com/results?search_query=%D8%B4%D8%B1%D8%A8+%D8%A7%D9% 84%D9%85%D8%A7%D8%A1+%D9%88%D8%A7%D9%84%D9%84%D9%8 A%D9%85%D9%88%D9%86 (اضغط هنــا)

[بصمة قطرية]

جزاج الله خير
و الحمدلله على السلامة ..
صار وعي عند الناس و الأغلبية صاروا يشربون الماي بالليمون ..
للأمانة جربته فتره و تركته ..
بوالعيال مستمر عليه ..
شجعتيني ارجع له ..

[383 STROKER]

الله يجزاك خير
ان شاءالله بجرب لان صار لي اكثر من سنتين اعاني من هذا الالم

[نوفا91]

تسلمين حبيبتي ، الحين البنات كله طايحين عليه بخصوص الدايت ويضعف !

[بصمة قطرية]

تسلمين حبيبتي ، الحين البنات كله طايحين عليه بخصوص الدايت ويضعف !

يذوب الدهون
و يخلص الجسم من السموم ..
جداً مفيد ..

[الجـــوديّ]

جزاج الله خير
و الحمدلله على السلامة ..
صار وعي عند الناس و الأغلبية صاروا يشربون الماي بالليمون ..
للأمانة جربته فتره و تركته ..
بوالعيال مستمر عليه ..
شجعتيني ارجع له ..

الله يسلمج من الشر .. عزيزتي
طبعاً هالماي صار موضة قديمة عند بعض الدول اللي اعتمدت الماي بالليمون الزنجبيل .. هو مشروبهم الطبيعي
محد يشرب الماي خالي الحين :shy:

[الجـــوديّ]

الله يجزاك خير
ان شاءالله بجرب لان صار لي اكثر من سنتين اعاني من هذا الالم


واياك أخوي
جرب وإن شاءالله تدعي لي:shy:

استمر عليه لأن جسم عن جسم يختلف ..
فيه واحد جرب وخف عنه الألم من اليوم الرابع..
و ماتشوف شر إن شاءالله

[الجـــوديّ]

يذوب الدهون
و يخلص الجسم من السموم ..
جداً مفيد ..


تسلمين حبيبتي ، الحين البنات كله طايحين عليه بخصوص الدايت ويضعف !

يسلمج ربي وينقلج إياه بالسلامة :o


والله شي حلو ... دليل الوعي حتى لو ماكانوا يدرون وشي فوايده الثانية
طبعا يشيل شوي من ضغوط الدراسة والامتحانات
موفقين :victory:

[نيساني]

بالنسبه لي اذا صادني احتقان على طول ليمون مع نعناع في ماي حار وبإذن الله يختفي الالم تدريجياً


شكراً على النصيحه والله يشفي جميع مرضا المسلمين

[قطري 777]

تجربه جميله نتمنى للكل دوام الصحه والعافيه .

[عثرة جواد]

انا الحمدلله مستمرة عليه

وبعد الماء مع الشرايح الخيار وواايد مفيده

جزاج الله خير

[معماري قطري]

تسلمين حبيبتي ، الحين البنات كله طايحين عليه بخصوص الدايت ويضعف !

ذكرتيني ببنتي الصغيرة .. كلش ما تحب المدرسة والدراسة مع أَول السنة الا اشوفها شايله مطارتين ماي بعلامات ديزني كاشخه بهم .. سئلتها شعندج قالت لي هذا عصير ليمون لي ولرفيجتي علشان يهدي أَعصابنا أَول يوم من الدوام.

[راجي الْعفو]

ذكرتيني ببنتي الصغيرة .. كلش ما تحب المدرسة والدراسة مع أَول السنة الا اشوفها شايله مطارتين ماي بعلامات ديزني كاشخه بهم .. سئلتها شعندج قالت لي هذا عصير ليمون لي ولرفيجتي علشان يهدي أَعصابنا أَول يوم من الدوام.

ضحكتني اضحك الله سنك ..

عيل الرضّع شيقولون !

[خالد البلوشي]

مرحبا بالأخت الكريمة الجودي

شكرًا على طرح التجربة و نسأل الله لك السلامة و التمتع بموفور الصحة و العافية و لجميع المسلمين يا رب..

و هناك الكثير من العادات الصحية الجميلة التي لو عوّدنا أنفسنا عليها لتجنبنا الكثير من الأمراض بإذن وفضل من الله .. ومثلما يُقال : الوقاية خير من العلاج ..

تحياتي الطيبة ..

[خالد البلوشي]

ذكرتيني ببنتي الصغيرة .. كلش ما تحب المدرسة والدراسة مع أَول السنة الا اشوفها شايله مطارتين ماي بعلامات ديزني كاشخه بهم .. سئلتها شعندج قالت لي هذا عصير ليمون لي ولرفيجتي علشان يهدي أَعصابنا أَول يوم من الدوام.





ماشاءالله تبارك الله ..

الله يحفظهم و يبارك فيهم .. و الله يسعدك أستاذنا معماري قطري موقف جميل و ظريف جدا ..

دمت بحفظ الله ورعايته

[الجـــوديّ]

بالنسبه لي اذا صادني احتقان على طول ليمون مع نعناع في ماي حار وبإذن الله يختفي الالم تدريجياً


شكراً على النصيحه والله يشفي جميع مرضا المسلمين


آمين .. وشكراً على حضورك وتعليقك ..

الحين فيه بعد توجه نحو الاستشفاء بالماء الساخن ... وأنت جمعت 2 في 1 ... صحة و عافية :)

[الجـــوديّ]

تجربه جميله نتمنى للكل دوام الصحه والعافيه .

أبادلك الأمنيات بالتوفيق والسعادة .... والصحة والعافية :)



انا الحمدلله مستمرة عليه

وبعد الماء مع الشرايح الخيار وواايد مفيده

جزاج الله خير

وإياج عزيزتي ... :)

من الخيارات بعد ... الفراولة علشان ينكه الماي ولاحتواء الفراولة على مضادات الاكسدة


ذكرتيني ببنتي الصغيرة .. كلش ما تحب المدرسة والدراسة مع أَول السنة الا اشوفها شايله مطارتين ماي بعلامات ديزني كاشخه بهم .. سئلتها شعندج قالت لي هذا عصير ليمون لي ولرفيجتي علشان يهدي أَعصابنا أَول يوم من الدوام.

يحليلهم جيل الحين ... عيل وقت الامتحانات شيبسوون :o
الله يبارك فيهم ويوفقهم





مرحبا بالأخت الكريمة الجودي

شكرًا على طرح التجربة و نسأل الله لك السلامة و التمتع بموفور الصحة و العافية و لجميع المسلمين يا رب..

و هناك الكثير من العادات الصحية الجميلة التي لو عوّدنا أنفسنا عليها لتجنبنا الكثير من الأمراض بإذن وفضل من الله .. ومثلما يُقال : الوقاية خير من العلاج ..

تحياتي الطيبة ..



أهلا بك استاذ خالد ..

متعك الله بالصحة والعافية ... والقوة في الدين والبدن

من واحنا صغار يقولون لنا الوقاية خير من قنطار علاج ...

عاد شتقول في اللي مايسمعون الكلام :shy:

[يمامـة]

الله يتمم عليج بالشفاء والصحة والعافية..

جربته شهرين متواصلين وللامانة ما حسيت بأي تغيير في جسمي..
للعلم كنت اشرب يومين ما يعادل ثلاث لترات..
لان المشكلة من الاساس في نقص فيتامين دال..

ومع هذا الليمون صديقي بشكل عام ما استغنى عنه في أكلي..
ودايما و ابدا لازم عصير ليمون بالنعناع في البيت ..


وشكرا على التجربة يا الجودي..

[R 7 A L]

الي نعرف ان الحموضة تسبب تقرحات في المعده

[حمد 2002]

بس بعض الناس عندهم حساسيه من الليمون والبرتقال والحمضيات ؟ شالحل معاهم ؟

[رجل الجزيرة]

الي نعرف ان الحموضة تسبب تقرحات في المعده

الحموضة والله عندي ونصحني الدكتور بعدم أكل البرتقال والليمون والطماط.

[الجـــوديّ]

الله يتمم عليج بالشفاء والصحة والعافية..

جربته شهرين متواصلين وللامانة ما حسيت بأي تغيير في جسمي..
للعلم كنت اشرب يومين ما يعادل ثلاث لترات..
لان المشكلة من الاساس في نقص فيتامين دال..

ومع هذا الليمون صديقي بشكل عام ما استغنى عنه في أكلي..
ودايما و ابدا لازم عصير ليمون بالنعناع في البيت ..


وشكرا على التجربة يا الجودي..

آمين .. وشكراً على حضورج والتعليق

أنا بعد أشكي من نقص فيتامين د الحاد ...
ومن الملاحظات ان فاعلية العضلات عندي زادت مع ماي الليمون
.. وأكيد أن الأجسام تختلف في استجابتها.

[راجي الْعفو]

ماشاء الله ..

من خلال تجربتج يالجودي ..

كم مر تنصحين بشربه في اليوم ..

وايش الاوقات المناسبه ..

وكم قلاص ..

مع التحية ..

[الجـــوديّ]

الي نعرف ان الحموضة تسبب تقرحات في المعده


بس بعض الناس عندهم حساسيه من الليمون والبرتقال والحمضيات ؟ شالحل معاهم ؟



الحموضة والله عندي ونصحني الدكتور بعدم أكل البرتقال والليمون والطماط.



حتى أنا عندي حموضة .. وأخاف من أكل الحمضيات بأنواعها بس لما جربت اشرب ماي الليمون وبعده أكل شي خفيف أو اشرب شي ثاني .. مثل فنجال قهوة .. أو أي شي ثاني .. ماتصير حموضة

وفيه أحد الفيديوهات ذكر الطبيب ان هالماي اذا تم استخدامه بشكل صحيح يزيل التهاب المعدة ..
مع التأكيد ان نسبة الليمون فيه خفيفه جداً وتؤدي إلى قلوية الدم.

ماتشوفون شر

[الجـــوديّ]

ماشاء الله ..

من خلال تجربتج يالجودي ..

كم مر تنصحين بشربه في اليوم ..

وايش الاوقات المناسبه ..

وكم قلاص ..

مع التحية ..


طول اليوم ...

تفتح به ريقك لين قبل النوم

[kitmat]

مافهمت شلون يكون قلوي واحنا حاطين ليمون يعني الماي يصير حامضي
انا شربت بس قلاصين وضربت علي كليتي لان الدكتور مانعني من الليمون والبرتقال لانها تسوي املاح في البول والكلى
انشاء الله الباقي يستفيدون

[بشائر]

الله يجزيج الجنة ياغالية
موضوعج جااااء في وقته
عندي الوالدة تعاني من بعض الأعراض اللي ذكرتيها وعلى طووول عطيتها هالوصفة ..

لك مني أرق التحايا ..

[فااارس قطر]

ماتشوفون شر جميعا

انا لاحظت ان أكثركم ذكر انه يعاني من الحموضة

عن تجربه ، استخدموا نيكسيوم 20 او 40 مل

حبه وحده الصبح طول اليوم وراح تمنع الحموضة ، ويمكن استخدامها باستمرار

انا صار لي فترة استخدمها ، كل ما أتخلص علبه أوقف اسبوع او أسبوعين وارجع

الاستمرار عليها مافيه ضرر

وشكرا

[الجـــوديّ]

مافهمت شلون يكون قلوي واحنا حاطين ليمون يعني الماي يصير حامضي
انا شربت بس قلاصين وضربت علي كليتي لان الدكتور مانعني من الليمون والبرتقال لانها تسوي املاح في البول والكلى
انشاء الله الباقي يستفيدون

سلامتج أختي ومأجورة خير ...
أهم شي كلام طبيبج المعالج
والله يشفيح ويعافيج

:



الليمون حمضي فعلا لكن لما يدخل الجسم يخلي الدم قلوي.


http://safeshare.tv/w/hHjVFsISIH

فيديو وايد مهم

[الجـــوديّ]

الله يجزيج الجنة ياغالية
موضوعج جااااء في وقته
عندي الوالدة تعاني من بعض الأعراض اللي ذكرتيها وعلى طووول عطيتها هالوصفة ..

لك مني أرق التحايا ..

واياج يالغــــلا

الله يعطيها الصحة والعافية وإن شاءالله يتوافق واياها ماي الليمون

وماتشوف شر ،،

[الجـــوديّ]

ماتشوفون شر جميعا

انا لاحظت ان أكثركم ذكر انه يعاني من الحموضة

عن تجربه ، استخدموا نيكسيوم 20 او 40 مل

حبه وحده الصبح طول اليوم وراح تمنع الحموضة ، ويمكن استخدامها باستمرار

انا صار لي فترة استخدمها ، كل ما أتخلص علبه أوقف اسبوع او أسبوعين وارجع

الاستمرار عليها مافيه ضرر

وشكرا

الله يجيرك من الشر أوي .. وشكراً على الإفادة والنصيحة

أخوي حتى لو لقينا الدواء الكيميائي في الأخير هي سموم ولها مضاعفات على المدى البعيد
كل ما كان البديل طبيعي كل ما كان أفضل .


لاحظت من قراءتي ومن ملاحظة طبيعة حياتنا (الأغلبية) أن احنا مش مستمتعين بصحتنا بشكل جيد ولا مستمتعين بحياتنا
بسبب هالسموم ... اللي ناخذها وتتراكم في الكبد .. ومن أحد اسبابها الادوية حتى لو كان بنادول.

أمنياتي لك وللجميع أن يمتعكم الله بالصحة والعافية والحياة السعيدة ،،

[هيلو كيتي]

أجر وعافيه الغاليه.
ومشكورة على نقل تجربتج الي أكيد الكل بيستفيد منها :)

وجربي اتسوين تنظيف الداتا ,, واقري عن شيفرة هذا المرض علشان تتخلصين منه للأبد باذن الله .

[حمد 2002]

وهل الطب الشعبي اختي الجودي والتجارب الشخصيه تغنينا عن الطب والأدويه ؟

طبعا لا !! ،،

يجب تناول الادويه بجانب الطب الشعبي ،،


مع الشكر الجزيل ..

[كازانوفا]

جزاك الله خيرا

[الجـــوديّ]

وهل الطب الشعبي اختي الجودي والتجارب الشخصيه تغنينا عن الطب والأدويه ؟

طبعا لا !! ،،

يجب تناول الادويه بجانب الطب الشعبي ،،


مع الشكر الجزيل ..

أشكرك على هالسؤال الجوهري أخوي حمد ...



فحوى الموضوع مجرد تجربة شخصية ... ومش تجربة بسيطة .. لا ..
تخيل معظم سنين عمري كنت أعاني من آلام ماعرف شنو سببها
ومخليتني بين حالتين المرض واللا مرض الله يجيركم.

حبيت أذكر تجربتي لأني لين اليوم الصبح متغمضة على عمري اللي راح وأنا أتألم
وماعشت حياتي ولا استمتعت فيها كأي إنسان عادي ..
ولين اليوم قاعدة أشوف أثر هالماي على حالتي الصحية ولله الحمد للأحسن ..
ومستغربة أنا ويني عن مثل هالعلاجات البسيطة ؟!

من هالتجربة ومن تجارب سابقة .. أنا مو بس أطالب بالعلاجات الطبيعية
إلا أطالب بوزارة جديدة للطب البديل ...
مثل الهند اللي أقرت وزارة جديدة لليوجا والطب الشعبي والطب البديل:)


قد نكون مضطرين لأخذ أدوية كيميائية لكن كل ماقلت كل ما كان أحسن ..
وما يمنع إنا ناخذ البديل الطبيعي اللي ما منه مضرة أذا كان متوفر وفي متناول اليد.
ولأني أحب أجرب أشياء جديدة وأحب أقرا عن أساليب الحياة الصحية وأخوض بعض التجارب فيها
لقيت أن الهموم والغموم والأحزان مرات يكون سببها أسلوبنا المعيشي غير الصحيح
اللي يأثر علينا وعلى نمط حياتنا وعلى تقبلنا للأخبار أو أمور الحياة بشكل عام

من مجرد أكل طبيعي تقدر تكون في قمة السعادة والانسجام والتناغم
ولو تجي أكبر مصيبة ماتهز الانسان المتمكن من جسمه ومن صحته وهالشي أقوله لك عن تجربه ..


ويبقى بالأخير في مثل هالأمور .. القرار شخصي .. كلن يعيش بالأسلوب اللي يحبه ويبيه ..
ومش غلط إنا نقرا تجارب الناس وننشر تجاربنا sharing is good :)

[الجـــوديّ]

أجر وعافيه الغاليه.
ومشكورة على نقل تجربتج الي أكيد الكل بيستفيد منها :)

وجربي اتسوين تنظيف الداتا ,, واقري عن شيفرة هذا المرض علشان تتخلصين منه للأبد باذن الله .

يعافيج ويسلمج عزيزتي .. :)

امممم قريت عنه .. مالقيت الطريقة بوضوح .. اذا ممكن تشرحينها لي هنيه أو على الخاص
أكون شاكرة لج .