تم شراء ليتات من بروة

[BO.ABDULLA]

السلام عليكم ياشباب
عندي استفسار ( تم شراء ليتات من قرية بروة وتم دفع المبلغ عن طرق بطاقة البنك وطلعت الليتاب ماتركب عندي بسبب الحجم ، وحبيت استرجع المبلغ وراعي المحل يقول مايصير استرجاع المبلغ لانك دفعت عن طرق بطاقة البنك )
هل هذا الكلام صحيح
وشكراً

[HSN_QTR]

المفروض ان يرجع لك المبلغ فحسابك بعد 21 يوم من تقديم الطلب

[ضوى]

طبعا يصير يرد المبلغ عادي جدا

صارت لي اكثر من مرة وبمبالغ بسيطة بعد وعقب اسبوعين نزل المبلغ في حسابي

[طموحي عالي]

كلام الرجال صحيح بس بترجع لك بعد21 يوم بالكثير

[بونووف]

ترجع الفلوس لكن مب كاش لازم عن طريق البطاقه ,.

[jassim_007]

21 يوم ليش!!

خلال 3 إلى 4 أيام بالكثير لازم يرجع لك : )

[بوNasser]

السلام عليكم ياشباب
عندي استفسار ( تم شراء ليتات من قرية بروة وتم دفع المبلغ عن طرق بطاقة البنك وطلعت الليتاب ماتركب عندي بسبب الحجم ، وحبيت استرجع المبلغ وراعي المحل يقول مايصير استرجاع المبلغ لانك دفعت عن طرق بطاقة البنك )
هل هذا الكلام صحيح
وشكراً

السلام عليكم ورحمة الله

المحلات المحترمة تتعامل مع الزبون حسب طريقة الدفع

ان دفع كاش فالإسترجاع يكون كاش

وان دفع بالبطاقة فيرجعون المبلغ في البطاقة، وهذي الطريقة تعتمد على البنك، ومتى ينزل المبلغ فعليا في حسابك.

بعض المحلات ما ترجع المبلغ الكاش (كامل) لو شريت بالبطاقة بحجة ان شركة الفيزا (او مزود خدمة الدفع) تاخذ عليهم نسبة مئوية (خمسة ،او اثنين ونص بالمية) عن كل معاملة بالبطاقة.

عاد انت وحظك وشطارتك مع هالتجار اللي يبدون مصلحتهم على مصلحة الزبون.

[بصمة قطرية]

21 نفس نظام الفنادق العالمية
إذا حجزوا مبلغ
يرجع في الحساب بعد 21 يوم
وهالشي من البنك ..

[قطر love]

قوله يصير ولو قالك مافي روح حمايه المستهلك