خذ فلوسي وشل عليه !!!

[المحاميه]

السلام عليكم ورحمة الله وبركاته


ليش مافي أمانه في التعامل من بعض المحلات ..

ليش معروف إنك إذا سلمت المحل - الشركه - المقاول - الشخص الفلاني فلوسه كامله قبل لاتستلم البضاعه ف راح يطنشك ولا يهتم بالتسليم أو توفير طلبك

يعني لازم مادفع عشان احصل اللي ابيه؟ ولا النص بالنص

نفس ما عاملتك بأمانه وحطيت ثقتي فيك وعطيتك كامل حقك اشله ماتعطيني حقي؟

تكرر علي الموضوع أكثر من مره وأكيد تكرر عليكم .. باسرد لكم موقفين


الموقف الأول .. مكتب خدم .. بعد ماستلم كامل المبلغ وجاء التاريخ اللي المفروض تكون فيه الخدامه اوصلت وطاف ولا شفت أي تعبير او اتصال منهم وطافت المده اسبوع اسبوعين ثلاث .. شدعوه وين الخدامه؟ طبعاً سبب الاهمال معروف .. خلاص المكتب استلم كل فلوسه .. مب متفرغ يوفرلي الخدامه في التاريخ اللي اتفقنا عليه ..


الموقف الثاني .. شريت غرض من المحل الفلاني .. الغرض يحتاج بعض التعديلات .. طلبت من المحل يقومون فيها وحددوا لي تاريخ الاستلام .. مروا يومين ولا حد اتصل ولا عبرني .. قلت باتصل فيهم عشان مابي اطق واتعنى وهم ماخلصوا .. طبعاً نقعت عالخط 8 دقايق لانها راحت تدور الغرض وتشوفه جهز ولا لا واخرتها قالتلي عطيني رقمج بردلج خبر لان مادري وينه!؟! طبعاً شي متوقع لانهم مستلمين كامل فلوسهم ..



في الحاله الأولى تم استرداد كامل المبلغ غصباً عن خشم المكتب

في الحاله الثانيه .. مازلت ملتزمه بالصبر .. دام السالفه في بدايتها .. لكن اذا شفتهم يماطلون .. راح اسحب فلوسي واللي فيه خير يكلمني عاد


ساعات الواحد يتحسف اذا ثق في ناس مب كفو
وصدق من قال الفلوس تغير النفوس


شاركوني بمواقفكم ..

[همر]

اي حد يقولي عطني فلوس قبل الشغل اسحب عليه ...


محل تركيب حجر معروف يقولي عطني 50% مقدم

و 25% اذا بدينا الشغل .. بعد ثلاث شهور طبعاً ..

واخر دفعه اول مانخلص الطابق الاول ! :eek5:



قلت في خاطري والله مب منك ... من العالم اللي تسلمك

فلوس عمياني ولا تعرف شنو يعني مغفلين لين يوصلون

المحاكم ... عيل بتاخذ فلوسك كلها وتوك في نص الشغل ؟!!



يا زين الفيلا بدون حجر :(

[قطري 777]

المحاميه للاسف الناس البر ستيج وعندها فن في التعامل والتوقيت قلت بهزمن بدرجه كبيره فاحنى مش في عالم مثالي لازم نحتاط من الغرباء في التعامل ولغتهم الي يفهمونها الفلوس هل اجانب مالهم صديق و المشاريع الكبيره يبيلها عقود ومامنه نفسج للخروج في اي وقت باقل الخساير والله يرحم الزمن الي كانت في الكلمه تسوى الف عقد .

[أم محمد 90]

والله يا المحامية شتقولين انا ميته قهر واعصابي تعبانه .

لما جينا نبني البيت ولاني الكبيرة امي وابوي قالوا انتي نقي وسوي واحنا ندفع
قعدنا كلنا مع المقاول صممنا البيت ودفعنا دفعة اولى 250 الف
بدا بالدور الثاني وبعدين راح الصين
وشنو دار راسي تواصلت وياه طول الوقت نقيييت كل شي
مكيفات بلاط ثريات اضاءات اغراض الحمام الله يعزكم المطبخ البيبان كل شي كل شي صج انهكني الموضوع
ولما رجع عطيناه 350 الف

ولما بدا شكل البيت يبين لاحظت ان واجهة البيت على اليسار مافيها دريشة ؟؟

يعني شكل البيت بايخ مو نفس التصميم اللي اتفقنا عليه

ف النص بلكونه وع اليمين واليسار درايش الغرفتين

فلما كلمناه قال والله احنا سوينا الحمام الله يعزكم هالصوب ف لازم بيكون مافي دريشة لان الحمام مافيه دريشة كبيرة ؟

قلنا له مب مشكلتنا احنا اتفقنا معاك ع شي ونبيه تم مناحس يقول تبون اشيل الحمام اوديه الصوب اثاني وافتح دريشة ادفعو لي 5 الاف ؟

احنا قلنا اوكي ع مضض نبيه يخلص بس ابوي حالف قال والله ماعطيه 5 لان مش غلطتنا غلطته هو .

يعني مادري ليش مافي التزام فالشغل .

[المحاميه]

الله المستعان

احر ماعندج
ابرد ماعندهم

ام محمد زين خذتي فكره يابش مهندسه عيل اي استفسار بنرجعلج :nice:

[المحاميه]

انا اسكت اطوف امشي بكيفي

لكن توصل لحد الاستغفال والاستغلال وعبالهم هم صح وانا غلط لا اهني الويه الثاني يطلع :)

[بصمة قطرية]

عندي قاعدة اللي يطلب المبلغ كامل مش واثق في شغله أبداً ..
و عارف بعد ما يخلص ما راح يستلم الباقي ..
الشخص الواثق يستلم عربون او نص المبلغ ..

لا تدفعين المبلغ كامل ما عليج منهم ..
عطني الشغل اللي ابيه اعطيك باقي فلوسك
لكن يستلم المبلغ كامل ويسحب عليج
تعالي دوريه حزتها ..

تدرين حتى التاجرات اللي تطلب مني المبلغ كامل
اقول لها النص والنص الثاني وقت التسليم
رضت اوكي ما رضت في غيرها كثير ..
ياختي الحرامية كثروا والواحد لازم يضمن حقه ..

[حمد 2002]

وين شطارتج كمحاميه ؟

[حمد 2002]

عندي قاعدة اللي يطلب المبلغ كامل مش واثق في شغله أبداً ..
و عارف بعد ما يخلص ما راح يستلم الباقي ..
الشخص الواثق يستلم عربون او نص المبلغ ..

لا تدفعين المبلغ كامل ما عليج منهم ..
عطني الشغل اللي ابيه اعطيك باقي فلوسك
لكن يستلم المبلغ كامل ويسحب عليج
تعالي دوريه حزتها ..

تدرين حتى التاجرات اللي تطلب مني المبلغ كامل
اقول لها النص والنص الثاني وقت التسليم
رضت اوكي ما رضت في غيرها كثير ..
ياختي الحرامية كثروا والواحد لازم يضمن حقه ..

احياننا تنجبرين تدفعين المبلغ كامل قبل الاستلام وانتي تضحكين بعد ، على حسب نوع البضاعه والمحل ،،

وفي سلع ماتقدرين تستغنين عنها نهائيا ،،

[حمد 2002]

وبعض المحلات اتحط اعلان قبل الشراء وبالفتاوره مسجل هالشيء !!

البضاعه المباعه لاترد ولا تستبدل !!

اشلون بتبدلونها ولا بتاخذون فلوسكم يالمحاميه ويابصمه ؟

[للصبر اخر]

راح اتكلم على قدي
كنا بعرس والفرقه حسب الاتفاق بتاخذ جزء من الملبغ ولين خلص العرس نعطيها الباقي
الاخ مارضى قال دفعوه كامل والاتفاق يبدا من 9 لين 2
الاخ بدى 9 و12 ونص طلع وسكر التلفونات ولامن درا عنه
وانا طالعه سمعته يغني بالعرس الثاني
وعقبها ب 5 ايام كلمته قال انتو ياتكم زياده ومارضيتو تدفعون لي سعري اللي رفعته
قلت ارفع بالمعقول من 6000 لين 25 الف ليش
وانا اتفقت معاك قبل الزياده

[بصمة قطرية]

احياننا تنجبرين تدفعين المبلغ كامل قبل الاستلام وانتي تضحكين بعد ، على حسب نوع البضاعه والمحل ،،

وفي سلع ماتقدرين تستغنين عنها نهائيا ،،

الحمدلله لحد الحين ما انحطيت في هالمواقف
واللي اضطريت ادفع لهم مواعيدهم صحيحة
و شغلهم مضبوط ..
يعني لما اطلب من تاجرة من الخليج مجبورة ادفع المبلغ كامل
و الحمدلله البضاعة توصلني في الوقت المحدد و مثل ما ابيها
و ما اطلب الا من وحدة حد مجربها مستحيل أجازف ..

[مرتبش]

هذي تصرفات تعودنا عليها وصرنا نحسبها صحيحة والطريقة المثلى للتعامل .. شوفي اختي المحامية راي الاخ حمد .. الكثيرين يعتقدون ان المحل يجوز له عمل اي شي في خاطره مادام انه ذاكر البضاعة لاترد ولاتستبدل علما بان وزارة الاقتصاد تقول "" متى يحق للمستهلك أرجاع أو استبدال السلعة؟

يحق للمستهلك أرجاع أو أستبدال أو اصلاح السلعه بدون مقابل في حالة أكتشاف عيب فيها أو كانت غير مطابقة للمواصفات القياسية أو الغرض الذي تم التعاقد عليها من أجله.


* (المزود ): هو كل من يتقدم الخدمة أو يصنع السلعة أو يوزعها أو يتاجر بها أو يصدرها أو يستوردها أو يتدخل في إنشائها أو تداولها ، وذلك بهدف تقديمها للمستهلك أو التعامل أو التعاقد معه عليها بأي طريقة من الطرق .""
http://www.mec.gov.qa/Arabic/Consumer/Pages/FAQ.aspx

[بصمة قطرية]

وبعض المحلات اتحط اعلان قبل الشراء وبالفتاوره مسجل هالشيء !!

البضاعه المباعه لاترد ولا تستبدل !!

اشلون بتبدلونها ولا بتاخذون فلوسكم يالمحاميه ويابصمه ؟


البضاعه المباعه لا ترد و لا تستبدل
ماله دخل بالموضوع حمد ..
هاي شرط خاص بالمحل و من حقه
و المفررض قبل لا اطلع من المحل أتأكد من اللي باخذه ..

[حسن]

العقد شريعه المتعاقدين هذه قاعده قانونيه وتعرفينها يالمحاميه زين

:)

والقانون لا يحمي المغفلين

:deal:

اعتقد ينقصنا الكثير من العقود او يجب تطبيقها الزامي في التعامل بالبيع والشراء والصفقات

فا
مادري اذا موجوده او لا او لا تطبق من قبل بعض التجار

هناك بعض التجار وخصوصا الكبار تلقى الشروط في الورقه بالنسبه للبيع والشراء
وايظا هناك عقود العمل وعقود البناء

مشكلتنا الكثير منا مقصرين في قراءه العقود وقعه ويالله

بس هناك حمايه المستهلك ماتقصر في كثير من الامور

وواضع حد للكثير من التجار من يسمع حمايه المستهلك
يحل في قلوبهم الرعب

الصراحه يشكرون عليه وجزاهم الله خير جميعا من مديرئهم الى اصغر موظف


الحل لك

ارفعي عليه دعوى مدنيه وانتي محاميه وطالبه عن الضرر الادبي والمعنوي وخصوصا النفسسي مهم جدا

بالتوفيق وشكرا على الموضوع

:victory:

[Aaziz]

الثقه مش مكانها مثل هذا النوع من التعاملات
القانون و حقوق الزبون وواجبات التاجر هي من يحل محل الثقه في مثل هذه التعاملات.

المصيبه في نقاط معينه منها:

1- عدم المام الزبون بكامل حقوقه و هذا ناتج من قله الوعي نتيجه لتقصير الجهات المختصه في نشر الاخبار و تثقيف الزبون المحلي في وسائل الاعلام .. جرايد اذاعه تلفزيون
2- التاجر لايفصح عن كامل التزاماته كتابياً و يكتفي بالتعامل الشفهي و الوعود
3- عدم توفر اليه تدخل مباشر من الجهات الرقابيه حتى لو كان هاتفيا على رقم مشهور و متعارف عليه عند الجميع .
4- وجود قوانين تجاريه محليه مرتبطه ببضائه تباع عالميا ،،، كمثال ،، شركه تواير شهيره (عالميه) الضمان عليها 5 سنوات من المصنع ،، و التاجر في الدوحه يعطي الزبون 6 شهور فقط ؟ طبعا لمصلحته و هذا الضمان التافه نتيجه ان التاجر لا يخزن التواير في مخزن تتوفر فيه شروط التخزين الصحيحه من درجه حراره و ر طوبه و شمس .

النقاط كثيرها و هذا مايحضرني الان

[معماري قطري]

اي حد يقولي عطني فلوس قبل الشغل اسحب عليه ...


محل تركيب حجر معروف يقولي عطني 50% مقدم

و 25% اذا بدينا الشغل .. بعد ثلاث شهور طبعاً ..

واخر دفعه اول مانخلص الطابق الاول ! :eek5:



قلت في خاطري والله مب منك ... من العالم اللي تسلمك

فلوس عمياني ولا تعرف شنو يعني مغفلين لين يوصلون

المحاكم ... عيل بتاخذ فلوسك كلها وتوك في نص الشغل ؟!!



يا زين الفيلا بدون حجر :(





:nice: وين ابصم

[نوفا91]

ذكرتيني يالمحاميه يوم فصلت فستاني عطيته عربون 4000 والقطعه من عندي المهم تهاوشت معاه لان ماضبط الموديل وخربه واعترف انه ماعرف ، رجع لي العربون وقلت ابي فلوس القطعه انت مخربها والقطعه غاليه ، قال اقدر اعوضج ب 300 ريال قلت القطعه شاريتها ب3000 واتقول 300 رايحه اتغدى انا !

المهم خليت اخوي يتفاهم معاه لان المحل كان ززززحمه وريال يتفاهم معاه احسن يمكن يخاف اخرتها عطاني 2000


والله قبل يستغفلوني وكنت اسكت الحين قاعدة لهم
:)

[لاجل QT]

عالم بلا اخلاء بلا زوء

[R 7 A L]

كل المواقع العالمية ادفع اولاً

[حليتان*]

هاي نفس واحد كلمته عشان جهاز ارسال وقلت له اذا جيت الدوحه بكلمك بحكم اني ساكن بعيد ثاني يوم اتصلي الشيخ تبي الجهاز استحيت منه ورحت له على طول خذت من عنده الجهاز وتمت اغراض الجهاز عنده عطيته فلوسه وقالي باجيب لك الاغراض باجر وحياتج الحين شهرين ماشفت ويهه اتصلت له كذا مره مارد انجبرت اروح اشتري الاغراض الناقصه هو لو قايل لي الجهاز بدون اريل وسماعه بقوله اوك مب مشكله بس مب ينطرني ع الفاضي لاني اصلا ابي هالجهاز وماحصلته فالدوحه

[المحاميه]

وين شطارتج كمحاميه ؟


احياننا تنجبرين تدفعين المبلغ كامل قبل الاستلام وانتي تضحكين بعد ، على حسب نوع البضاعه والمحل ،،

وفي سلع ماتقدرين تستغنين عنها نهائيا ،،


لا حول ولا قوة الا بالله ياحمد

تسأل وتجاوب ش هالتناقض العجيب


وبعدين تقولي وين شطارتج كمحاميه


شفتني فالموضوع طرحت حالتين وكتبت شنو الحل معاهم صح ولا لا؟


وبعدين انا طارحه الموضوع ابي اشوف تجاربكم
ارائكم حول البعض اللي من يستلمون المبلغ مايوفرونلك الخدمه المطلوبه وفي المقابل لو ماتسلموا المبلغ جان شفت العكس
ما قلت شنو الحل :)

[المحاميه]

هذي تصرفات تعودنا عليها وصرنا نحسبها صحيحة والطريقة المثلى للتعامل .. شوفي اختي المحامية راي الاخ حمد .. الكثيرين يعتقدون ان المحل يجوز له عمل اي شي في خاطره مادام انه ذاكر البضاعة لاترد ولاتستبدل علما بان وزارة الاقتصاد تقول "" متى يحق للمستهلك أرجاع أو استبدال السلعة؟

يحق للمستهلك أرجاع أو أستبدال أو اصلاح السلعه بدون مقابل في حالة أكتشاف عيب فيها أو كانت غير مطابقة للمواصفات القياسية أو الغرض الذي تم التعاقد عليها من أجله.


* (المزود ): هو كل من يتقدم الخدمة أو يصنع السلعة أو يوزعها أو يتاجر بها أو يصدرها أو يستوردها أو يتدخل في إنشائها أو تداولها ، وذلك بهدف تقديمها للمستهلك أو التعامل أو التعاقد معه عليها بأي طريقة من الطرق .""
http://www.mec.gov.qa/Arabic/Consumer/Pages/FAQ.aspx


كلام قانوني سليم


لكن باقولك نقطه

فيه حاله تقولك المفروض انك عاينت القطعه وشفت انها خاليه من العيوب وخذتها وبناء عليه مالك حق تحتج لان خلاص كأنك شفت القطعه والعيب اللي فيها ورضيت الا اذا كان العيب خفي ماتقدر تشوفه كونك شخص طبيعي


او غير مطابقه للمواصفات .. يعني مثلا انا اتفقت معاه على سلعه بلون وشكل معين ولما وفرها لي كانت غير عن الاتفاق اهني يحقلي احتج لكن اني داشه محل وشفتها وخذتها ولما وصلت البيت قلت لا مب مطابقه للمواصفات فهذا لا يدخل في نطاق ماتم ذكره

[المحاميه]

العقد شريعه المتعاقدين هذه قاعده قانونيه وتعرفينها يالمحاميه زين

:)

والقانون لا يحمي المغفلين

:deal:

اعتقد ينقصنا الكثير من العقود او يجب تطبيقها الزامي في التعامل بالبيع والشراء والصفقات

فا
مادري اذا موجوده او لا او لا تطبق من قبل بعض التجار

هناك بعض التجار وخصوصا الكبار تلقى الشروط في الورقه بالنسبه للبيع والشراء
وايظا هناك عقود العمل وعقود البناء

مشكلتنا الكثير منا مقصرين في قراءه العقود وقعه ويالله

بس هناك حمايه المستهلك ماتقصر في كثير من الامور

وواضع حد للكثير من التجار من يسمع حمايه المستهلك
يحل في قلوبهم الرعب

الصراحه يشكرون عليه وجزاهم الله خير جميعا من مديرئهم الى اصغر موظف


الحل لك

ارفعي عليه دعوى مدنيه وانتي محاميه وطالبه عن الضرر الادبي والمعنوي وخصوصا النفسسي مهم جدا

بالتوفيق وشكرا على الموضوع

:victory:


العقود تكون في الامور الكبيره مثل عقد بناء او عقد شراء سياره

انا مجرد دخلت محل اخترت قطعه شريتها مع اضافة تعديلات عليها


والامر مايحتاج اروح ارفع قضيه لاني اعرف اشلون اتوجه للمحل واقابل المسؤول الموجود واسترجع فلوسي والخساره عليهم مب علي


:victory:

والحمدلله مافي ضرر ادبي ولا مادي ولا جان قلبت عليهم الدنيا


وياخوي لابد اولاً من حل النزاع بالطرق السلميه والوديه واذا ماستجاب الطرف الآخر عقب ممكن نروح نرفع قضيه
لانزاحم المحاكم بقضايا تافهه مع احترامي للجميع

[المحاميه]

ذكرتيني يالمحاميه يوم فصلت فستاني عطيته عربون 4000 والقطعه من عندي المهم تهاوشت معاه لان ماضبط الموديل وخربه واعترف انه ماعرف ، رجع لي العربون وقلت ابي فلوس القطعه انت مخربها والقطعه غاليه ، قال اقدر اعوضج ب 300 ريال قلت القطعه شاريتها ب3000 واتقول 300 رايحه اتغدى انا !

المهم خليت اخوي يتفاهم معاه لان المحل كان ززززحمه وريال يتفاهم معاه احسن يمكن يخاف اخرتها عطاني 2000


والله قبل يستغفلوني وكنت اسكت الحين قاعدة لهم
:)


هههه

ايه هذا هو العين الحمرا لازم ياختي


انا عندي الحق حق

اذا لي حق مستحيل اسكت

واذا اشوف نفسي غلطانه ممكن امشي الموضوع واسكت


فيه محل من المحلات الله يستر عليه

كنت ماخذه جوتي الله يعزج ولما رحت مره ثانيه عشان اغير السايز وخذت كمن غرض بعد الكاشير دفعني فلوس الجوتي مره ثانيه!!
الزين في السالفه اني كنت منتبهه حق أسعار الأغراض اليديده يعني عارفه كم بادفع فلما راجعت الفاتوره عرفت سالفة النصب
وكنت معصبه وايد قام مادري شيخربط ويقول انتي ماعطيتيني ورقه لونها مادري شنو قلتله اخلص علي وهذي غلطتك مب غلطتي شوي الا مرجعلي البملغ كاش
مابي اظن في الريال لان المحل كان زحمه ويمكن ارتبش مع العالم

[المحاميه]

هاي نفس واحد كلمته عشان جهاز ارسال وقلت له اذا جيت الدوحه بكلمك بحكم اني ساكن بعيد ثاني يوم اتصلي الشيخ تبي الجهاز استحيت منه ورحت له على طول خذت من عنده الجهاز وتمت اغراض الجهاز عنده عطيته فلوسه وقالي باجيب لك الاغراض باجر وحياتج الحين شهرين ماشفت ويهه اتصلت له كذا مره مارد انجبرت اروح اشتري الاغراض الناقصه هو لو قايل لي الجهاز بدون اريل وسماعه بقوله اوك مب مشكله بس مب ينطرني ع الفاضي لاني اصلا ابي هالجهاز وماحصلته فالدوحه

لا ياخوي هالسوالف مافيها مستحى اسمحلي
يعني دفعت قيمة الاغراض مرتين ولا ايش؟

الحين انت استحيت منه ورحت خذت الجهاز وهو ماستحى وماوفرلك الاغراض؟


:nono:

[حسن]

اليوم جميل وحلو ومتوقع امطار خفيفه

ادعو في هذا اليوم الجميل واستهدو بالله

:)

[حسن]

سبحان الله

[مرتبش]

في امريكا طريقة شراء تسمى الدفع بعد التوصيل. يبعثون الغرض بالبريد وتدفع لما تستلمه.. الزبون دايما على حق.
عندنا الزبون يبي يخدعك.. تغدى فيه قبل لا يتعشى فيك.. هذي طبايعنا

[المحاميه]

في امريكا طريقة شراء تسمى الدفع بعد التوصيل. يبعثون الغرض بالبريد وتدفع لما تستلمه.. الزبون دايما على حق.
عندنا الزبون يبي يخدعك.. تغدى فيه قبل لا يتعشى فيك.. هذي طبايعنا

اعجبتني
صدقت

[بوحارب]

الكاش غير متوفر حاليا

[شبح الصمت]

اشوى انه في ناس وراي تهديني يوم اعصب على مثل هالشغلات والا الحين مؤبد بيعطوني


وصدقتي في كل كلمة المحامية في ناس ما تنعطى وجه ولا مفروض نسلمها فلوسها كاملة


لانه من النوع الي اذا استلم الفلوس حتى غبرته ما تشوفينها


ههههههههههههههههههههههاي

تيربوا قردي اكبر حجم عليه

هههههههههههههههاي

[الأسبانية للمصاعد]

اهم شي العميل أتكون له صلة مباشرة مع المورد الأصلي الخارجي لأي منتج بالاضافة الى الموزع او الوكيل وذلك ليضمن وضعه في حالة الاخفاق في تلبية متطلباته محليا

نصيحة وثق كل شي بالحرف وأخذ صورة بطاقة صاحب المحل القطري ولا تحاتي