شالأفضل ؟ تندرا - سييرا - فورد f-150 ؟

[Qa10]

السلام عليكم






اللي عنده خبره فالثلاث موديلات يعطينا شالأفضل من ناحية استعمال وكراف " استعمال عنيف " واعتمادية وقوة

[Rider]

تبغي نصيحة عليك بالفورد يمدحونه ريف والفول ابشن سعره تقريبا 145 الف ضمان 4 سنين عليك البترول والتواير

[abu m7md]

والله اخوي كلهم مواتر قويه ومتقاربه
طلعنى سيلين نسحب كباين وحمامات وانت بكرامه ومرينى على طعس لازم نطلعه
سلامي على التندرا ريف وماعليه خوف
الجمس عيبه اللحيه الي فالصدام تحك فالطعس
اما بخصوص الفورد قلصنا فيه طراد كبير صج انه قوي ولكن مايمدحونه فالبر


انصحك فالتندرا قطع غياره متوفره ورخيصه واكسسواراته امريكي


اتمنى من الاعظاء يشاركون

اخوك
ابومحمد

[qatarman8008]

اولا.. التندرا مكينته 5.7 قوية وصرفيته معقوله..
استخدامه مريح وحجمه معقول.. سعره غالي.. الجديد العادي 175 الف.. الفول ابشن 220 الف..
ثانيا الجمس.. مكينته مو بقوة التندرا وفي الرمول مايصلح كلش..
لكن فارض نفسه من ناحية البيع ولشراء وقطع الغيار والصيانة..
حجمه كبير تسوقه تحس انك تسوق شاحنة وليس بيك اب..
سعره مقبول العادي 145 الف والفل ب195 الف.. طبعا فيه دينالي 220 الف..
ثالثا الفورد.. افضل مما سبق.. قوة وراحة ومتانة واستخدام كانك تسوق كروزر..
لكن يطيح سعره بسرعة ومايخدم اكثر من خمس سنين..
سعره 145 الف وبعد 6 شهور 110 الف..
اذن لو انت تحب القوة والفخامة خذ تندرا وانت مغمض..
لو تحب تكون عملي خذ جمس..
لو تحب القوة والفخامة وتكون عملي لمدة خمس سنوات فقط خذ فورد..

[العتوي]

انا افضل الجمس
بس يعيبه انه اللحيه تحت
هاي بس عيبه ولا كل شي فيه ممتاز
موفق يالغالي

[Qa10]

شكرًا على النصائح
اللحية تنشال اعتقد فالسييرا

[بويعقوب]

تندرا , ومبرووك مقدما :)

[abu m7md]

شكرًا على النصائح
اللحية تنشال اعتقد فالسييرا

تنشال بس بتخرب شكل الجمس
والله يوفقك

[ساحر برشلونة]

تندرا اكيد بدون نقاش

[وحيد-الشوق]

روح شوف الفورد الفل اوبشن المعروضه في فرع المطار صدقني بتكره كل البياكم لين شفت داخلية الموتر ومواصفاته سعره ب170 الف تقريبا العيب بس ان الموتر السنة الجاية بيتغير شكله :(

[al-obaidly]

تندرا