وش الحل مع مديره المدرسه مب راضيه تعيد الامتحان !!

[دايموند]

السلام عليكم
حبيت انقل لكم مشكله جارتنا السعوديه


توفى ابوها الاسبوع الي طاف
فاضطرت تروح السعوديه وتاخذ عيالها معاها لان ماعندها اقارب في قطر نهائيا علشان تخلي عيالها معاهم


اكبر عيالها عمرها 11 سنه

راحت السعوديه لمده اسبوع كامل الاحد لين الخميس
وللاسف الاسبوع الي طاف صادف امتحانات عيالها

المهم الان لما رجعت من السعوديه كلمت مدرسه ولدها علشان يعيدون له الامتحانات ل5 ايام وماقصرت المدرسه وتفهمت الوضع وبيعيدون لولدها الامتحان

لكن مدرسه ابنتها (مدرسه ابتدائيه في الوكره) رفضت تعيد الامتحانات ل5 الايام الي طافوا واكتفت بوافقه الاعاده ل 3 ايام فقط اما المادتين المتبقيتين فلن تعيد لها الامتحان

حاولت الام مع مديره المدرسه وترجتها لكن مافي فايده
قالت لها العزاء. 3 ايام بس ماراح اقبل غير هال3 ايام

وجارتنا ماتعرف شتسوي احين ؟

شالحل علشان نقنع مديره المدرسه توافق ع اعاده 5 امتحانات بدال 3 ؟

[رهج السنابك]

عشان تعرفون الفرق بس بين الحريم والرياييل

الحريم مسوين فيها التزام والعزا ثلاث ايام بس - انزين يا ماما هالعزا مب في الدوحة في السعوديه تفهمين ماما ؟

اقترح يغيرون كل المديرات ويحطون رياييل بدالهم حتى لو بغرفه معزوله والتواصل عبر فتحة دريشه وايد ارحم

قولي لها ترفع كتاب شكوى للمجلس الاعلى

[aljaber1]

ماله علاقة المدير رجل او انثى
هذي قوانين المجلس الاعلى لتعليم
اعتقد مشكله مالها وليست بيد المديره

[ضوى]

للعلم اذا المديرة بنت حلال كل شي يصير لكن لين جات المديرة قاسيه ومافي قلبها رحمة هنا العوق

[MAZEN37]

معقول ما صدق
اكيد في احداث ثانيه
وين قاعدين باليابان 3 ايام بس
اصلا لو شتكت عليهم بالمجلس الاعلغŒ بيجبرون المديره

[العقل المدمر]

من اللي حدد وقال ان العزا 3 ايام وبس
شدعوه مافيه تقدير ترى ابوها المتوفي
الحل ان تروح تذبح ابوها وتشوفها متى بتداوم :eek5:

[القبطان سلفر]

المديره تصرفها قانوني وطبيعي طبقا للقانون . ولو تصرفت المديره غير هذا التصرف سوف يحسب عليها .

المفروض الان الاخت السعوديه تخاطب المجلس الاعلى للتعليم واعتقد نظرا لظروفها الانسانية والطارئه سوف يعيدون الامتحان .

[دايموند]

راح ابلغها باقتراحكم بالذهاب لمجلس الاعلى

للعلم مدرسه ولدها وافقوا يعيدون لولدها الامتحانات ال5 الي طافوا اسبوع الي طاف

بس مدرسه بنتها لا

[لاجل QT]

عشان تعرفون الفرق بس بين الحريم والرياييل

الحريم مسوين فيها التزام والعزا ثلاث ايام بس - انزين يا ماما هالعزا مب في الدوحة في السعوديه تفهمين ماما ؟

اقترح يغيرون كل المديرات ويحطون رياييل بدالهم حتى لو بغرفه معزوله والتواصل عبر فتحة دريشه وايد ارحم

قولي لها ترفع كتاب شكوى للمجلس الاعلى

هذا هو الحل لتفادي المشاكل

لاخير في قووم ولو امرهم امراءة ......مانقال هالحديث عبث


ماله علاقة المدير رجل او انثى
هذي قوانين المجلس الاعلى لتعليم
اعتقد مشكله مالها وليست بيد المديره

للاسف كل شي بيد المديرة

[مضارب دوسري]

هالناس حرااااام يكونون في التعليم
ارحموا من فالارض يرحمكم من فالسماء
لكن بعضهم وصل فيه الجبروت الى هذا الحد
هالاشكال حرام تكون في التعليم

حتى لو كان العزا ف الدوحه المفروض يكون عندها قلب كيف الام بتدرس عيالها وابوها متوفي من 3 ايام

لو هالمديره انحطت في هالموقف كيف بيكون ردة فعلها

[الدبلوماسي]

عمري ماشفت حرمه ف وزاره او مؤسسه الا عقدت وعطلت معاملتي البلديه التخطيط كهرماء الجمارك وووو الخ غير عن الرجال اذا كان شي قانوني يمشيك بدون لف ودوران ورفعه خشم ع الفاضي طبعا اتكلم من وجهه نظري الشخصيه وطبعا في رياييل للاسف ماسكين مناصب حساسه من سنين طوييله مب فاهمين شغلهم الاصنام افيد منهم

[مضارب دوسري]

سواء كان هالمنصب ماسكه رجل او امرأه
بعضهم يخدمك بعيونه
وبعضهم والعياذ بالله

في كل ديره مقبره

[دايموند]

والله انا كاسره خاطري يكفي انها بغربه ولا لها اهل اهني في قطر المفروض المديره تعطف عليها وتراعي ظروفها

وهم ماتغربوا عن ديرتهم بكيفهم
شغل ريلها مرسلينهم لقطر مؤقت لمده 3 سنوات

[وحيد-الشوق]

الله يكون بعونها البعض يحب يعقد الموضوع ولايحب يسوي الخير حسبي الله ونعم الوكيل اقترح عليها تكلم المجلس الاعلى وان شاء الله يلقون لها حل

[برشلوني قطر]

الله يعينها..

قانون الموارد البشرية يعطي اجازة العزاء للمتوفي خارج الدوله مدة سبع ايام..



مادة( 114)
يمنح الموظف إجازة عزاء براتب إجمالي لمدة خمسة أيام في حالة وفاة أحد أقاربه من الدرجة الأولى ،
ولمدة ثلاثة أيام إذا آان المتوفى أحد أقاربه من الدرجة الثانية ، وتكون الإجازة لمدة سبعة أيام إذا اضطر
الموظف للسفر إلى الخارج.
ولا تحسب مدة إجازة العزاء من الإجازة الدورية إذا وقعت خلالها.


لاكن في حالة الطالب من الافضل تسأل المجلس الاعلى..

[حمد بن سعد]

قانون الموارد البشريه يقول

اذا العزا خارج قطر تكون الاجازه سبع ايام


الله يعينها ان شاء الله

[شيخ الديرة]

يعني هو أمتحان الدكتوراه؟ ظلم من المديرة وسوء تقدير للأمور

[R 7 A L]

المشكلة انه أمتحان منتصف فصل

بس بعض الناس بالفيت انه يمشي على القانون

وللأسف ( الاستثناء ) راح لغير مستحقينه

[حسن]

يعني هو أمتحان الدكتوراه؟ ظلم من المديرة وسوء تقدير للأمور

المديرات الكثير منهم قاسين مع المراه او وليه الامر وهذا من خلال تجاربي ومعقدين
لاسباب كثيره منها المشاكل الزوجيه والعنوسه
ولو حطيت استبيان لجميع الموظفات هل توافقين على مسؤلتك امراءه لرفضو بالاجماع
حقيقه
الرجل اهون منها بكثر وخصوصا عندنا بحكم صوره غير حقيقيه عن المراءه في السابق
فماهي الى انتقام للماضي الجميل

بس لما يتعامل معها الرجل الكثير منها توافق ام امرءاه مستحيل

قولي لها اطرش ريلها وبتنحل مشكلتها وبعد هي الله يهداها يعني وقت امتحانات وكان خبرت المدرسه
وعلى الاقل ماتجاوزت الثلاث ايام

الله يرحم والدها وعظم الله اجرها

ان شاء الله بتلقى الحل وخصوصا في هذا اليوم المبروك

والصباح الجميل

قولو امين


:)

[Super Cool]

المديره تصرفها قانوني وطبيعي طبقا للقانون . ولو تصرفت المديره غير هذا التصرف سوف يحسب عليها .

المفروض الان الاخت السعوديه تخاطب المجلس الاعلى للتعليم واعتقد نظرا لظروفها الانسانية والطارئه سوف يعيدون الامتحان .

كلام سليم 100%

موقف المدرسة قانوني جداً

[R 7 A L]

كلام سليم 100%

موقف المدرسة قانوني جداً

زين لو راحت هالأم للمجلس وأشرحت لهم كل القصة وعطوها كتاب موجه للمديرة بأن تُعيد كل الامتحانات هل بترفض ؟
وفي حالة الموافقة هل تُعتبر هذة المُديرة خارجة عن القانون ؟

[JN000N]

مافي قلب
حصاه يمكن
ف اي حاله انسانيه بالذات الوفاه اضرب القانون عرض الحيط واحط نفسي مكان الشخص الي قدامي واساعده
الدنيا دواره لو يمر علي يوم احتاج مساعدتهم ف حاله انسانيه شبيكون موقفي لو قالولي قانون؟

اظنتي هذي من نوعية الي لو كلمها ريال وقالها خلي البنت تقدم الي طافهاً جان من الاول بتقول ان شاء الله
بس لان الي كلمتها مره لازم بتستقوي عليها

[شيخ الديرة]

كلام سليم 100%

موقف المدرسة قانوني جداً

أي قانوني؟

هل تتصور مدى كره هذا الطالب لهذه الكلمة لو قلتها له في هذه الأيام, وستنغرس في عقليته طول حياته؟؟

ما هو ذنب الطالب لكي ينطبق عليه هذا القانون؟

القانون له استثناءات ولو وافقت المديرة هل تتوقع المجلس سوف يعاقبها بسبب عدم تطبيق القانون؟

[Super Cool]

زين لو راحت هالأم للمجلس وأشرحت لهم كل القصة وعطوها كتاب موجه للمديرة بأن تُعيد كل الامتحانات هل بترفض ؟
وفي حالة الموافقة هل تُعتبر هذة المُديرة خارجة عن القانون ؟

لا كذلك الوضع قانوني

المطلوب من المديرة انها تطبق القانون كما هو و الإستثناء يجي من الجهة اللي اعدت و فرضت القانون
تطبق الأوامر اللي جاتها من المجلس و بس و اذا المجلس وافق على استثناء الحالة فموافقته تصبح
قانونية

[شيخ الديرة]

المديرات الكثير منهم قاسين مع المراه او وليه الامر وهذا من خلال تجاربي ومعقدين
لاسباب كثيره منها المشاكل الزوجيه والعنوسه
ولو حطيت استبيان لجميع الموظفات هل توافقين على مسؤلتك امراءه لرفضو بالاجماع
حقيقه
الرجل اهون منها بكثر وخصوصا عندنا بحكم صوره غير حقيقيه عن المراءه في السابق
فماهي الى انتقام للماضي الجميل


الى هذا المستوى بو علي؟

هل يستحق ان نغير الأسم من مدرسة الى ساحة انتقام مجتمعي؟

[Super Cool]

أي قانوني؟

هل تتصور مدى كره هذا الطالب لهذه الكلمة لو قلتها له في هذه الأيام, وستنغرس في عقليته طول حياته؟؟

ما هو ذنب الطالب لكي ينطبق عليه هذا القانون؟

القانون له استثناءات ولو وافقت المديرة هل تتوقع المجلس سوف يعاقبها بسبب عدم تطبيق القانون؟

أكرر الاستثناء يجي من المجلس مب من مديرة المدرسة...و بصراحة المفروض تعطي علم للمدرسة
قبل ما تسافر...ابلاغ المدرسة بعد الغياب يضعف موقفك...مثل الدوام...لازم تبلغ انك ما راح تجي بسبب
كذا و كذا

[Super Cool]

الله يعينها..

قانون الموارد البشرية يعطي اجازة العزاء للمتوفي خارج الدوله مدة سبع ايام..



مادة( 114)
يمنح الموظف إجازة عزاء براتب إجمالي لمدة خمسة أيام في حالة وفاة أحد أقاربه من الدرجة الأولى ،
ولمدة ثلاثة أيام إذا آان المتوفى أحد أقاربه من الدرجة الثانية ، وتكون الإجازة لمدة سبعة أيام إذا اضطر
الموظف للسفر إلى الخارج.
ولا تحسب مدة إجازة العزاء من الإجازة الدورية إذا وقعت خلالها.


لاكن في حالة الطالب من الافضل تسأل المجلس الاعلى..

الجد يعتبر قريب من الدرجة الثانية بالنسبة للأحفاد
وعرفت هالشي من تجربة شخصية الله يرحمك يا جدي

[JN000N]

أكرر الاستثناء يجي من المجلس مب من مديرة المدرسة...و بصراحة المفروض تعطي علم للمدرسة
قبل ما تسافر...ابلاغ المدرسة بعد الغياب يضعف موقفك...مثل الدوام...لازم تبلغ انك ما راح تجي بسبب
كذا و كذا

ياهم مثلا الخبر وقت ويكند ومتاخر وشلت اغراضها وطارت بتفكر ف مدرسه وغيره!
هذي ابوها الي مات مب قطو
ولا بتكون فكار شي لين توصل عند اهلها
بعدين لما تجي وحده لمديره وتقولها حللتي كيت وكيت خلاص المديره تتصرف ع طول
ليش وافقت على 3 مواد ورفضت تعيد الباقي! يعني الثلاث غير

[شيخ الديرة]

أكرر الاستثناء يجي من المجلس مب من مديرة المدرسة...و بصراحة المفروض تعطي علم للمدرسة
قبل ما تسافر...ابلاغ المدرسة بعد الغياب يضعف موقفك...مثل الدوام...لازم تبلغ انك ما راح تجي بسبب
كذا و كذا

عزيزي, طالب مدرسة أبتدائي, يعني طفل, حرام نغرس فيه كره القانون اذا ضاعت عليه السنة

مادة 114 تنطبق على الموظف, الطالب شعليه

[Super Cool]

ياهم مثلا الخبر وقت ويكند ومتاخر وشلت اغراضها وطارت بتفكر ف مدرسه وغيره!
هذي ابوها الي مات مب قطو
ولا بتكون فكار شي لين توصل عند اهلها
بعدين لما تجي وحده لمديره وتقولها حللتي كيت وكيت خلاص المديره تتصرف ع طول
ليش وافقت على 3 مواد ورفضت تعيد الباقي! يعني الثلاث غير

اختي جنون انا اكتشفت هالشي في ظرف سيء للأسف...وفاة جدي الله يرحمه
و كانت أول وفاة للعايلة فموقف وايد صعب و كنت متوقع ان لي 5 أيام اجازة
اكتشفت ان الجد يعتبر قريب "درجة ثانية" و يحق لي 3 أيام بس

و اعتقد هذا اللي طبقته المديرة...3 أيام بـ 3 امتحانات

المفروض الأم تلجأ للمجلس و تطلب استثناء لأن العزا في بلد ثاني

بالنسبة للتبليغ يكون في أقرب فرصة بعد العزى بيوم يومين ثلاث
بعد اسبوع يعتبر تهاون الصراحة

[R 7 A L]

لا كذلك الوضع قانوني

المطلوب من المديرة انها تطبق القانون كما هو و الإستثناء يجي من الجهة اللي اعدت و فرضت القانون
تطبق الأوامر اللي جاتها من المجلس و بس و اذا المجلس وافق على استثناء الحالة فموافقته تصبح
قانونية



طيب


لو المديرة اسمحت بإعادة كل الامتحانات
و وصل الخبر للمجلس الاعلى للتعليم
ماهي العقوبة التي راح ينفذونها في حق هالمديرة ؟

[ولد شرق]

للأسف ماتت الرحمة في قلوب البعض

قانون كيو بي 3 ايام للدوحه واسبوع لخارج الدوحه وهذا هو المنطق

[sweet qatar]

عشان تعرفون الفرق بس بين الحريم والرياييل

الحريم مسوين فيها التزام والعزا ثلاث ايام بس - انزين يا ماما هالعزا مب في الدوحة في السعوديه تفهمين ماما ؟

اقترح يغيرون كل المديرات ويحطون رياييل بدالهم حتى لو بغرفه معزوله والتواصل عبر فتحة دريشه وايد ارحم

قولي لها ترفع كتاب شكوى للمجلس الاعلى

انتي مرة ومسؤولة .. ولا انتي غير ؟؟!


المديرات الكثير منهم قاسين مع المراه او وليه الامر وهذا من خلال تجاربي ومعقدين
لاسباب كثيره منها المشاكل الزوجيه والعنوسه
ولو حطيت استبيان لجميع الموظفات هل توافقين على مسؤلتك امراءه لرفضو بالاجماع
حقيقه


أنا ما راح أوافق علي هالمنطق العوي

من اشتغلت وانا مسؤوليني رجال .. مب كلهم نفس الشي ولا الي تساهلوا معاي في شي

انا بختار الأفضل .. الي فاهم شغله و كفؤ في الإدارة .. رجال ولا مرة مايهمني

وحدة من الموظفات مديرها مانعها من الإجازات لأنها الوحيدة الي تشتغل
لو حطت مشكلتها بتقولون الغلط من مديرها لكن عمركم ما بتحطون علي الرجال كلهم !!




بالنسبة للموضوع الحل عند المجلس الأعلي .. و مديرة المدرسة حتي وان كان تصرفها قانوني فبعيد كل البعد عن الإنسانية

مافي إحساس !!

لاحول ولا قوة الا بالله

[Super Cool]

طيب


لو المديرة اسمحت بإعادة كل الامتحانات
و وصل الخبر للمجلس الاعلى للتعليم
ماهي العقوبة التي راح ينفذونها في حق هالمديرة ؟

رسمياً ماعرف العقوبة لكن هناك عقوبة بلا شك...لو شخص رحيم بيخفف العقوبة إلا تحذير
لكن مافي اي شك ان هناك عقوبة و عقوبة مخالفة القانون توصل لين سحب الرخصة

[R 7 A L]

رسمياً ماعرف العقوبة لكن هناك عقوبة بلا شك...لو شخص رحيم بيخفف العقوبة إلا تحذير
لكن مافي اي شك ان هناك عقوبة و عقوبة مخالفة القانون توصل لين سحب الرخصة

زين ( استثناء ) هل هي متواجدة في نص القوانين
ومتى تنفذ ؟

[Super Cool]

زين ( استثناء ) هل هي متواجدة في نص القوانين
ومتى تنفذ ؟

موجودة رسمياً

بصيغة تشابه "يحق للمجلس استثناء أي من القوانين حسب ما تقتصيه الحاجة أو لدواعي انسانية"

كانت عندي نسخة العام الماضي مادري وينها الحين بس اتذكر كنت اتناقش مع رضيعتي فالموضوع

و ان هالبند ثغرة

[العنيده]

غريبه وان شاء الله المجلس الاعلى يقدر يساعدهم ..
ويحنن قلب مديرتها ان شاء الله على البنت :)

[R 7 A L]

موجودة رسمياً

بصيغة تشابه "يحق للمجلس استثناء أي من القوانين حسب ما تقتصيه الحاجة أو لدواعي انسانية"

كانت عندي نسخة العام الماضي مادري وينها الحين بس اتذكر كنت اتناقش مع رضيعتي فالموضوع

و ان هالبند ثغرة



تدري وين المشكلة
ان ( استثناء ) استفادوا منه ناس غير مستحقين له

[ابوالعبد]

للاسف هالمديره متجبره كان بسهوله بحكم روح العطف انه تعيد الامتحان وهذا مب صعب لكنها حابه تسوي فيهااا فالله يعين مالج الا المجلس الاعلى

[كلام ساخر]

الي عنده نص اللائحة يا ليت يفيدنا
نحتاج نفهم القانون من مصدره
اكثر حقوقنا ضائعة بسبب جهلنا بالقانون

[دايموند]

تم حل المشكله بعد ما كلم ولي امر الطالبه مديره المدرسه

يعني لازم ابوالبنت يتكلم علشان الاخت التوافق!!

[لاجل QT]

تم حل المشكله بعد ما كلم ولي امر الطالبه مديره المدرسه

يعني لازم ابوالبنت يتكلم علشان الاخت التوافق!!

ههههه حريم يمة منهم

[حسن]

تم حل المشكله بعد ما كلم ولي امر الطالبه مديره المدرسه

يعني لازم ابوالبنت يتكلم علشان الاخت التوافق!!


رجاء تحسب لي انا ذكرت خلي الزوج يروح المراءه مع المراءه ماتنفع

وانا ذكرت بحكم خبرتي

واعتب على سويت يوم قالت شال الكلام العوي

وشكرا

[بشائر]

تم حل المشكله بعد ما كلم ولي امر الطالبه مديره المدرسه

يعني لازم ابوالبنت يتكلم علشان الاخت التوافق!!

ههههههه طيب الحمد لله إن المشكلة انحلت بسلام ..

كفووو جابها حسن وكانت ضايعة

الظاهر إن جارتج المسكينة كانت متأثرة بوفاة والدها الله يرحمه وحصل نوع من المشاداة بينها وبين المديرة
والزوج كان أكثر هدوء و لباقة .. والله أعلم

وحتى لو ماقبلت المديرة تعيد الامتحان للمادتين المتبقيتين ترا الموضوع سهل ماهو إلا تقرير أول وقدامها التقرير
الثاني والثالث والفاينل تقدر تشد حيلها وما يأثر كثير ..

وفقك الله ..

[شيخ الديرة]

تم حل المشكله بعد ما كلم ولي امر الطالبه مديره المدرسه

يعني لازم ابوالبنت يتكلم علشان الاخت التوافق!!

الحمد لله أنحلت المشكلة. لكن ما حدث يثير قلقي, لماذا صاحبة المشكلة لم تطلب أصلا من الأب النظر في الموضوع؟؟

[دايموند]

اشكر لكل من تفاعل للموضوع

اخوي شيخ الديره

الام كلمت المديره كونهم الاثنين من الجنس الناعم وترجتها لكن ما وافقت وبعد ما استشرتكم وقلتوا لي اخبرها تروح مجلس الاعلى
اتصل الاب ع المديره وخبرها ان اذا لم تتفاعل معاهم راح يروح لمجلس الاعلى للتفاهم معاهم
وبعد مناقشات وافقت المديره !!

[انتر ميلان]

الحمدالله ان المشكلة انحلت

بس أنا مب عارف سبب انعدام التعامل والاسلوب من ( اغلب) مديرات المدارس !!!؟

[راشد محمد]

العزا خارج الدوله يعطون أسبوع أجازه

[حسن]

الحمدالله ان المشكلة انحلت

بس أنا مب عارف سبب انعدام التعامل والاسلوب من ( اغلب) مديرات المدارس !!!؟

ارجع لدي السابق وصفت الحاله واسبابها وذكرت الحل ايضا والحمد لله بعد الاخذ به تم حل المشكله
واذابه الجبل الجليدي وانتهاء مشكله القرن

اعرف فك رموز البشر وطريقه التعامل معها


وانا من راي هل الموضوع يقفل لا تدري المديره عنا ويمكن حد يقط كلمه مني ولا مناك
وتعفس الدنيا ترا الهرمونات ماتعوق تتغير عند السلك النسائي

وشكرا

[sweet qatar]

رجاء تحسب لي انا ذكرت خلي الزوج يروح المراءه مع المراءه ماتنفع

وانا ذكرت بحكم خبرتي

واعتب على سويت يوم قالت شال الكلام العوي

وشكرا

لك الاحترام والحشيمة أخوي حسن

انا قصدت منطق الحريم الي يفضلون المسؤول الرجل لمجرد انه رجل
مب لأنه أفضل

انا موظفة و شفت الكثير بس ماحب اتكلم في ما لاينفع


شي معروف ان المرة عندنا تستحي تعايي الرجال و تلين اذا كلمها ولي الأمر

الحمدلله ان الموضوع عدا علي خير

والله يرحم المتوفي ويوفق العيال في اختباراتهم

[sweet qatar]

ارجع لدي السابق وصفت الحاله واسبابها وذكرت الحل ايضا والحمد لله بعد الاخذ به تم حل المشكله
واذابه الجبل الجليدي وانتهاء مشكله القرن

اعرف فك رموز البشر وطريقه التعامل معها


وانا من راي هل الموضوع يقفل لا تدري المديره عنا ويمكن حد يقط كلمه مني ولا مناك
وتعفس الدنيا ترا الهرمونات ماتعوق تتغير عند السلك النسائي

وشكرا

عشان تعرف ان هالامور مالها مقياس معين

اتعس مديرة مادري صاحبة ترخيص .. متزوجة

و زوجها vvip

عشان جذي محد قدر يوقفها عند حدها

[R 7 A L]

ارجع لدي السابق وصفت الحاله واسبابها وذكرت الحل ايضا والحمد لله بعد الاخذ به تم حل المشكله
واذابه الجبل الجليدي وانتهاء مشكله القرن

اعرف فك رموز البشر وطريقه التعامل معها


وانا من راي هل الموضوع يقفل لا تدري المديره عنا ويمكن حد يقط كلمه مني ولا مناك
وتعفس الدنيا ترا الهرمونات ماتعوق تتغير عند السلك النسائي

وشكرا




لا لا مانبيه ينقفل
نبي المديرة تشوفة
على شأن تستفيد في المستقبل
ان مثل هالامور الصغيرة ماتحتاج الى كل هالتعنت والتشديد
وهي في النهاية راح تعيد الامحتانات كلها طيب غصب

[دايموند]

ع قوله رحال خل المديره تشوف الموضوع وتتعظ والمديرات الثانيات بعد