أستفسار بخصوص برشلونة وباريس وجنيف .. ضروري لأهل الخبره

[Abdullah_89]

السلام عليكم جميعا ..
يعطيكم ألف عافيه ..

ان شاء الله ناويين نسافر انا والاهل في عطلة الربيع تاريخ 26 يناير وجدول رحلتنا كالتالي :

دوحة - برشلونة ( على الخطوط القطرية )
برشلونة - باريس ( على الخطوط الفرنسية او بالقطار)
باريس - جنيف ( بالقطار )
جنيف دوحة ( الخطوط القطريه)

الأيام المقترحة للرحلة :

برشلونة 4 ليالي 5 أيام
باريس 4 ليالي 5 أيام ( يوم او يومين منها في ديزني لاند)
جنيف ليلتين 3 أيام

عدد المسافرين 5 ( منهم طفلين تحت ال18 سنة )


اللي عنده فنادق نظيفة ورخيصه او شقق ياريت يفيدني ..

بالنسبة للأماكن السياحية اللي عنده جدول حلو للأطفال او اماكن ترفيهيه غير ديزني لاند يفيدني ..

ولكم جزيل الشكر

[monatee]

من رايي تزيد عدد الايام في باريس و برشلونه وتشيل جنيف من بالك لانها ماتسوى ،
الناس تروحها كعبور لـ انترلاكن ، وبتكون ممله جدا للاطفال

دزني لاند تقدر تروحها الصبح وترجع فليل ،، مش ضروري تسكن عندها

الذهاب من برشلونه الى باريس بالطياره ( ساعتين ) ، بالقطار ( 6 ساعات ونص )

بخصوص برشلونه يفضل السكن في فندق ، لقله الشقق النظيفه والمناسبه لنا ،
و راجع هالموضوع / بتلقى ردودي ورد باقي الاعضاء ، بيفيدك :
http://www.qatarshares.com/vb/showthread.php?589443-%C7%D3%CA%DD%D3%C7%D1-%DA%E4-%C7%D3%C8%C7%E4%ED%C7

بالنسبه للسكن في باريس افضل مكان قريب الشانز ،، والفنادق كثيره وفيه السعر الزين وفيه الغالي ،، اما بالنسبه للشقق حالياً ماعندي فكره عنها ، ببحث برجع افيدك هنا

[للصبر اخر]

اخوي ماقدر افيدك بالنسبه لبرشلونه مازرتها
بس باريس دام معاك اطفال يفضل السكن بوالت ديزني
لان باريس مافيها شي
محلات وماركات خصوصا الشانز
عندي جدول فيه اهم الاماكن بس ماعرف كيف ابعثه لك
اما بخصوص جنيف مافيها الا البحيرة المكان صح جميل جدا ويرد الروح بس حق يومين يكفيها اذا ماكنت تبي شوبنج
لان شوي غاليه والاغلب ماركات

[للصبر اخر]

نرجع حق باريس وعن تجربه
السنه ماسكنا بوالت ديزني لان ماحصلنا فندق وكانت رحلتنا يوم واحد
بس جدا كانت متعبه
ماقدرنا نلعب بالالعاب زحمه واااايد
وماقدرنا نشوف عرض الالعاب الناريه لانه متاخر وتعبنا شفنا الاوبريد العرض اللي ستمشون فيه برا وطلعنا
بالنسبه للاماكن السياحيه في باريس
عندك برج ايفل
وعندك متحف الشمع
وفي موضوع لمشرف الاستراحه فيه اجوبه واستفسارات لفرنسا ممكن يفيدك
بالنسبه للفندق في باريس في شقق في الشانز عند الماريوت بس مايحضرني الاسم
ولو حاب تسكن بعيد عن الزحمه والازعاج منطقة الاوبرا مكان مناسب باعتقادي
راح اشوف طريقه انزل فيها الملف pdf ان امكن
اما والت ديزني
عندك 3 فنادق
فندق والت ديزني وماراح تلاقي حجز كله زحمه وانا شخصيا حسبته عادي جدا
عندك فندق نيويورك ونيوبورت
سكنت بالاثنين ونيويورك الخدمه فيه جدا ممتازه مقارنة بالاخر
وعندك منتجع الماريوت
واغلب الفنادق عندها خدمة توصيل مجانيه لمنطقة الفيليج القريبه من والت ديزني

اتمنى اني افدتك بخصوص استفسارك

[للصبر اخر]

90830

اتمنى يفتح الملف

[monatee]

90830

اتمنى يفتح الملف

مشكوووره وايد ع الملف ،، الصراحه صج كنت احتاجه
رحت باريس العيد الي طاف سريع سريع ، ومارحنا الا الشانز واللي حوله ومادلين ودنزني لاند ولافييت
الشهر الياي بنرجع نروح ، والملف اللي حطيتيه الصراحه بفيدني وايد هالمره
وشكراً مره ثانيه

[للصبر اخر]

العفوو
حاضرين
واي استفسار اقدر اساعدج فيه انا حاظررره

[qatari93]

جنيف مافيها شي ليلتين تكفي ..

سفره سعيده ../

[للصبر اخر]

واذا عندك ميزانيه
نسيت اقول لك
فيه خدمة التوكتوك
تاخذك لفه لاهم الاماكن
جدا ممتعة
وجسر العشاق مكان رائع ايضاا
التوكتوك ياخذك كل الاماكن ويختمها ببرج ايفل

[Abdullah_89]

ألله سيعطيكم العافيه جميعا ماقصرتوا

والله ارتحت بالملف الخاص بباريس جزاك الله كل خير

لكن أكون طماع لو طلبت منكم اسماء فنادق سعرها معقول في باريس ولكم جزيل الشكر جميعا وعساكم عالقوه

[للصبر اخر]

ماقدر افيدك بالفنادق
لان ماني عارفه انت وين تبي بالضبط
يعني باريس وين بتسكن في الشانز او الاوبرا او في منطقة الـ ليديفانس او ديزني
حدد المكان وابشر

[Abdullah_89]

ماقدر افيدك بالفنادق
لان ماني عارفه انت وين تبي بالضبط
يعني باريس وين بتسكن في الشانز او الاوبرا او في منطقة الـ ليديفانس او ديزني
حدد المكان وابشر

مكان يكون قريب من المطاعم والاماكن وحلو حق التمشاية بالليل مع الأهل

أفضل الابتعاد عن الشانز لان احس ان تمركز العرب كله هناك وكل شي غالي بيكون عالفاضي ؟؟

[للصبر اخر]

اخوي كل شي يصير قريب بالقطار
منطقة الاوبرا اسمع عنها كلام جدا جميل بس ماسكنت فيها فماراح اقدر افيدك
انا دوم اكون في الشانزليزيه
وفعلا هالسنه كان الوضع لايطاق من الزحمه
فلو تبي رأي انا افضل السكن بوالت ديزني وانزل باريس يوم وارجع
مجرد رأي اخوي
لو حاب شوف بين منطقة الأوبرا ومنطقة اللي دي فانس
بالنسبه للمطاعم عندك مطعم نوره والعجمي ( مطاعم عربية)
المطعم الايراني بس انصح للغدا بس في اللي يكون ملهى
وعندك قهوة المجلس يسوي شاي وكرك خطيييير وشيشه وبعد ما انصح فيه للعوايل
عندك مطعم البيتزا هم مطعمين في الشانز الثنين اكلهم حلو

[سالم 2014]

سلام عليكم

لا ازيد على اخواني اللي سبقوني

ولكن شيلي من جنيف يوم وخليها ليله وحده بس عشان الراحه قبل المطار

جنيف حسب رأيي ماتستاهل ترا وغلاء فاحش وغير زحمة السيارات

والاخوان فيهم البركه انشالله يفيدوني ويفيدونكم