جديد: شحن مباشر مجاني من أمازون

[PowerQ]

السلام عليكم،

تفاجئت من قبل فترة بسيطة بوجود خدمة شحن مباشر بكل مواقع أمازون لأكثر من 80% من المنتجات المتوفرة بالموقع.. وفوق هذا، في بعض الحالات، إذا تعدت مشترياتك 125 راح يشحنون اغراضك مجاناً..
نوع الشحن سريع مثل DHL و UPS ويوصل لك بيومين او اربع..

نصيحتي ان لاتضع بريدك كـ PO BOX، يعني لاتحط رقم بريد.. حط عنوان المنزل بس بدون رمز بريد وراح يطلع عليك الشحن ارخص..
واكتب عنوانك القطري في امازون اذا ماكنت كاتبه، ولازم يكون بهالطريقة، مثال:


Mohammad Abdulla -الإسم-

Omar bin Khattab st. -اسم الشارع-

Al Gharrafa -اسم الفريج-

Doha, Qatar 74353 -الرمز البريدي-

-رقم جوالك-

وعند الشراء، تختار عنوانك القطري ثم تختار AmazonGlobal Standard Shipping وبعدها بيعطيك خيار اذا تبي تجمع شحناتك مرة وحدة او لا، افضل انك تجمعهم حتى يجونك مع بعض ويطلع عليك ارخص بس بياخذ وقت (5-10 ايام)


ملاحظة: بعض المنتجات من امازون ماتقبل الشحن المباشر، وببعض الأحيان بيطلع عليك الشحن مباشر.. وبنسبة للبائعين العاديين على الموقع، فيه منهم بيشحن لك مباشر ومنهم لا.. انت وحظك


لاتنسوني من دعائكم.. اتمنى افادكم الموضوع

[monatee]

شكراً ،، معلوومه مفيده

[بو عمر]

أشكرك أخوي. جزاك الله خير.

[A bin M]

تسلم وما قصرت .. بالنسبه لي كله ارامكس وذابحنا بالاسعار ...

[النهار]

الله يجزاك خير ماقصرت على هذه المعلومه

[الســـهم]

يعطيك العافية على هذه المعلومة الطيبة ..

فعلا أمس كانت لي طلبية على موقع أمازون وكان فيها خيار الشحن المباشر لقطر , ولكن فضلت الشحن عن طريق بريد امريكي لسبب واحد بس وهو إن عادة الشحن المباشر يكون عن طريق usps (البريد الأمريكي) , ومن تعامل سابق الأغراض القابلة للكسر وصلتني متكسرة وحالتها يرثى لها عند استلامها من بريد قطر , وهالشغله تكررت معاي مرتين ولنفس القطع اللي طالبها , وغير هذا التأخير فالتسليم (طلبت قطعة بالمرة الثانية في شهر فبراير 2014 واستلمتها بشهر اكتوبر 2014) وكنت كل ما أروح البريد العام يقولون لي ماوصلك أي شي مع إن رقم الشحنة كان عندي بعد يومين من شراء القطعة , ومن طلعت من أمريكا ماقدرت اتتبعها ورحت البريد اكثر من 5 مرات لين دخلت قسم الوارد وقالولي رقم الشحنة موجود عالسيستم بس ماندري وين الطلبية ..

انصح اذا كان فيه خيارات الشحن تاخذون شركات الشحن المعروفة مثل ارامكس و dhl أو فديكس وغيرهم وتبتعدون عن الـ usps خصوصا للطلبيات القابلة للتلف والكسر ..

[PowerQ]

يعطيك العافية على هذه المعلومة الطيبة ..

فعلا أمس كانت لي طلبية على موقع أمازون وكان فيها خيار الشحن المباشر لقطر , ولكن فضلت الشحن عن طريق بريد امريكي لسبب واحد بس وهو إن عادة الشحن المباشر يكون عن طريق usps (البريد الأمريكي) , ومن تعامل سابق الأغراض القابلة للكسر وصلتني متكسرة وحالتها يرثى لها عند استلامها من بريد قطر , وهالشغله تكررت معاي مرتين ولنفس القطع اللي طالبها , وغير هذا التأخير فالتسليم (طلبت قطعة بالمرة الثانية في شهر فبراير 2014 واستلمتها بشهر اكتوبر 2014) وكنت كل ما أروح البريد العام يقولون لي ماوصلك أي شي مع إن رقم الشحنة كان عندي بعد يومين من شراء القطعة , ومن طلعت من أمريكا ماقدرت اتتبعها ورحت البريد اكثر من 5 مرات لين دخلت قسم الوارد وقالولي رقم الشحنة موجود عالسيستم بس ماندري وين الطلبية ..


اخي اذا انت طلبيتك عن طريق ups البريد العام مالهم شغل! ولازم تأمن الشحنة قبل لاتنشحن حتى اذا تكسرت يرجعون لك حقك وينتبهون للمرات الجايات + اذا مافي خيار تأمين شحنة عن طريق امازون فعليك تكلم امازون مباشرة تلقى هم مأمنين على الشحنة ويرجعون لك حقك..
انا شخصيا طلبت خلاط تاريخ 18 واليوم بيوصلني، كانوا بيتأخرون علي لين مادقيت وازعجتهم وماخليت احد بups وكلمته وماشين معاي سيدا الحين..

DHL بالسابق كانوا يسوون هالحركات ونفس الشيء صرت اعرف كل موظفينهم والسستم حقهم وماخليتهم، والحين مافي شحنة لي من dhl وتتأخر إلا لسبب مكتوب بشكل رسمي بالموقع..

ولكن انا معاك لو كان فيه خيارات اخرى، انك تبتعد عن ups

[لبيبة]

ملاحظة اخوي PowerQ، الاخ السهم يتكلم عن

USPS : United States Postal Service
https://www.usps.com/

يعني البريد العام الأمريكي، مثل البريد العام اللي عندنا، شعارهم الوانه ابيض وازرق

مب الشركة اللي اسمها UPS: United Parcel Service وشعارهم الوانه اسود واصفر
http://www.ups.com/

الكثير من الطرود تمر ب USPS وهم جدا مهملين ويعرضون الشحنات للتلف، وصلتني شحنات تالفة بسببهم

[المعنى88]

تسلم وما قصرت .. بالنسبه لي كله ارامكس وذابحنا بالاسعار ...

مادريت أطلعوا نصابين في 10 ريال على كل شحنة يسمونها رسوم أدارية بالأول قطوها على جمارك قطر .... وبالتالي أنكروا وقالوا غلطانين
أقروا أيميلهم اليوم توى واصل :
رحباً، تعقيبا لما ورد في الرسالة المرسلة الى زبائننا الكرام في تاريخ 4-11-2014 في ما يخص رسوم البيان. نود ان نحيطكم علما بأن مبلغ 10 ر.ق (عشرة ريالات قطرية) الذي تم اضافته من قبلنا سابقا على رسوم الشحن لجميع شحنات البريد السريع الواردة الى دولة قطر (بإستثناء المستندات) يمثل رسوم ادارية ( رسوم بيان ), ولا يمثل هذا المبلغ رسوم جمركية.

وكما ورد سابقا سوف يتم ادراج الرسم على إيصال الدفع.

doh@shopandship.com لأية استفسارات يرجى التواصل معنا على

​​​
شكراً،

فريق عمل شوب اند شيب- الدوحة

[PowerQ]

ملاحظة اخوي powerq، الاخ السهم يتكلم عن

usps : United states postal service
https://www.usps.com/

يعني البريد العام الأمريكي، مثل البريد العام اللي عندنا، شعارهم الوانه ابيض وازرق

مب الشركة اللي اسمها ups: United parcel service وشعارهم الوانه اسود واصفر
http://www.ups.com/

الكثير من الطرود تمر ب usps وهم جدا مهملين ويعرضون الشحنات للتلف، وصلتني شحنات تالفة بسببهم



السموحة، الله لايعمينا.. ما انتبهت
ماقد تعاملت مع usps، لكن اعتقد كل شحنة لازم يكون عليها تأمين..

[الســـهم]

السموحة، الله لايعمينا.. ما انتبهت
ماقد تعاملت مع usps، لكن اعتقد كل شحنة لازم يكون عليها تأمين..

المشكلة انهم عوضوني بقطع جديدة بعد ما ارسلت الصور للبايع وكيف اوصلتني الاغراض ..

الصدمة ان القطع البديلة وصلت متكسرة نفس اللي قبلها , والسبب كان من شركة الشحن usps واضطريت ارقع فيها ولا انتظر كثر ما انتظرت ..

والتجربة الثانية كانت امر منها تأخير 8 شهور هل منهم او من بريد قطر الله وأعلم , ولكن عاهدت نفسي انها تكون اخر مرة اتعامل فيها بالشحن عن طريق هالبريد حتى لو مافي بديل ..

[_yousuf_]

شكزا على المعلومه الحين بسجل عنواني القطري وبجرب ..

[السحابة]

اخوي شكرا علي المعلومة بس حبيت استفسر ماالفرق بين هذه الجملة القادمة

نصيحتي ان لاتضع بريدك كـ PO BOX، يعني لاتحط رقم بريد.. حط عنوان المنزل بس بدون رمز بريد وراح يطلع عليك الشحن ارخص
وهذه الجملة

Doha, Qatar 74353 -الرمز البريدي-
ما الفرق بين box والرمز البريدي

[captin]

اخوي شكرا علي المعلومة بس حبيت استفسر ماالفرق بين هذه الجملة القادمة

نصيحتي ان لاتضع بريدك كـ PO BOX، يعني لاتحط رقم بريد.. حط عنوان المنزل بس بدون رمز بريد وراح يطلع عليك الشحن ارخص
وهذه الجملة

Doha, Qatar 74353 -الرمز البريدي-
ما الفرق بين box والرمز البريدي


المقصود بالعنوان بدون ذكر صندوق البريد هو العنوان اللي يسمونه
بالانجليزي Physical Address العنوان الفعلي .

يعني اللي فيه بيانات العقار المطلوب التوصيل له وهذا هو المتبع في معظم
دول العالم لان ما عندهم صناديق بريد مثلنا البريد يوصلهم لين بيوتهم.

وهذا العنوان يتكون من الاتي :

رقم العقار سواء منزل او بناية او مكتب او شقة
أسم الشارع
اسم المنطقة
اسم المدينة
اسم الدولة
رقم الهاتف

مثال بالانجليزي
Building no 67
Khalid Ibn Al Waleed st
Danfa
Doha
Qatar
phone : 00974 444xx555



في هاذي الحالة يتم ارسال الشحنة من خلال شركات الشحن المعروفة
في الدوحة مثل دي اتش ال او فيدكس او تي ان تي ولما توصلهم
الشحنة يتصلون بصاحب العلاقة على رقم التلفون المبين ويتم توصيل الشحنة
الى العنوان المبين.

انا من سنوات طويلة استخدم العنوان الفعلي في معظم الطلبيات ويتم الاتصال فيني
من قبل شركات الشحن لما توصل الشحنة واوصف لهم الموقع ويوصلونه الى البيت .

بالتوفيق ان شاء الله

[المبرمج صلاح]

كلامك صحيح اخوي ولكنه ليس مجاني ولكن شركة امازون تضيف تكلفة الشحن لفاتورة المشتريات
التكلفة تقريبا قريبة من شركات الشحن الاخرى الميزة انها تكون مباشرة من امازون الي بيتك

[لبيبة]

كلامك صحيح اخوي ولكنه ليس مجاني ولكن شركة امازون تضيف تكلفة الشحن لفاتورة المشتريات
التكلفة تقريبا قريبة من شركات الشحن الاخرى الميزة انها تكون مباشرة من امازون الي بيتك




صحيح، وأحيانا التكلفة تتجاوز سعر البضاعة نفسها، ما يسوى الواحد يشحنها مباشرة، وتصير شركات الشحن في هالحالة أرخص من الشحن الدولي المباشر