مسخرة الانتظار لعلاج الاسنان في مستشفى الرميله

[khaldoon]

القصه الاولى

سويت تحويل لابني من اجل عمل تقويم للاسنان في مستشفى الرميله من شهرين و جاتني مسج انه موضوع التحويل وصلهم و انه تحت الاجراء ....و للحين خبر خير..... سألت دكتور في الرميله عن الموضوع و متى بتصلون علي فقالي:
-توني مبتدي علاج و تقويم اسنان لناس تم تحويلها على الرميله من سنة و 3 شهور
-يعني لازم انتظر سنة او سنتين لحد ما تتصلون علي و اسوي تقويم اسنان لابني
-و يمكن اكثر
-ليش كل هالانتظار لمدة طويله
-ما في غير عشر دكاتره و المرضى بالمئات و قائمة الانتظار طويله
- و ليش ما يجيبون دكاتره ما يدفعون رواتب زينه تستقطب الدكاتره مثلا
- لا مب هالشكل ... هو في قصور باللوجستك بمستشفى الرميله و عاجزين عن توفير كادر طبي يخفف الضغط و الكل ينتظر لفترات طويله سواء قطريين او غير قطريين
- طيب تقدر تساعدني دكتور بهالشي و تسرع دور ابني
- جاتنا اوامر صارمه مؤخرا انه ممنوع لانه في ناس اخذت دور ناس و انظلم فيها مواطنين و مقيمين كثير
- يعني الحين ايش الحل
- الحل تروح طبيب خاص او تنتظر سنة و سنتين على الاقل ...حتى اللي معهم تأمين ومحولين على الخاص بعضهم يبون الرميله
- التأمين الصحي لا يغطي الاسنان ولا العمليات التجميليه
-الله يكون بعونك انتظر او سوي مثل ما قولت لك


طبعا هذه مب كل الحقيقه... ما قاله الدكتور هو جزء من الحقيقه فقط..... هو ما قالي انه مسموح لدكاترة الاسنان انهم يفتحون عيادة خاصة بشرط انهم ما يكونوا رؤساء اقسام و لهالسبب ما يستقبلون مرضى وايد و يصير عجز فوق العجز في تلبية حاجة المرضى لانه المستشفى يشتغل بطاقة استيعابيه اقل فعليا من عشر دكاتره (اقل فعليا من عددهم الحقيقي و كما هو متوقع منهم)

هو ما قالي انه هو و غيره يطلب من ادارته انه ما يستقبل اكثر من ست حالات في اليوم و يمكن اقل علشان يقدر يلحق على البزنس الخاص فيه لانه بالنهاية ممكن جدا يشتغل خلال ساعات الدوام الحكومي

هو ما قالي انه هو يشتغل مرات اووفر تايم و بالحقيقه يكون وقتها بعيادته الخاصه اوون كوول ... لو جاء مريض يطلب من الممرضه تصرفه و لو كان المريض نكدي بيضطر الكتور يحضر مكرها تجبنا لاي شكوى او مشاكل

طالما اننا عندنا عجز في عدد الاطباء اجل ليش نخليهم يشتغلون بعيادات خاصه فيهم؟..... و ليش قابلين بهالشي.... هل من المقبول انه دولة غنيه عدد سكانها مليونين و نص الناس تنتظر الدور للعلاج بعد سنة و سنتين .... طيب الدول الثانيه اللي فيها 90 و 300 مليون و مليار ونص ايش تسوي مثلا؟!!!!...... ولا حتى يفكروا في هالشي و يموتوا من غير علاج لانه الموت اسرع

لو كل الدول تشتغل بنفس الطريقه و تقدم نفس مدة هذه الخدمة نلاقي مصر اللي فيها 80 مليون مثلا.... بتستقبل المريض بعد 64 سنة ...سنة .... يعني بيجي دور الواحد بعد ما يموت .... و كل تأخيره و فيها خيره

[يمامـة]

عيادات الاسنان في رميلة امورهم غريبة عجيبة ومواعيد صعبة وامر يحتاج الى دراسة واكثر من مستشفى حكومي..

بجد نعاني بجد نعاني بجد نعاني :(

شكرا لك خلدون

[MAZEN37]

انا انطر موعد لتقويم اسنان لبنتي من سنه واربع شهور وكل شهر اتصل فيهم

[MAZEN37]

بالنسبه للطبيب الخاص رحت لكن حالة بنتي مافي مركز خاص يعالج وعنده المعدات الخاصه لحالتها
يعني انجبرت علغŒ الرميله

[aloosh]

والله اتذكر شاب عمره في العشرينات اتصل بوطني الحبيب متحسر وخانقته العبره راح لهم عنده مشكله في اسنانه بنجوه يقول ما خلص الي ما فيني ولا ضرس يو سالهم ليش محد رد عليه في الاخير قالوا بنسوي لك طقم متحرك والله العظيم هذي السالفه سامعها بأذني في البرنامج

المكان مستشفى الرميله

[مخطط قطري]

روح لعيادات التامين الصحي ياكثرهم وانت واقف يسون اسنانك

[الصغيره]

معروووف الرميله للاسنان والتجميل للمقيمين

والتامين للاسنان شالين منا التقويم والتجميل يعني بالله ايش نسوي لا رحمة الرميله ولا رحمه التامين

[ita(10)lia]

مب غريبة
انا ولدي في قائمة الانتظار من سنة ونص
وتوهم متصلين قبل يومين
مع ان حالته كانت حرجة ويتطلب تخدير عام
والحمد لله لقيت له موعد في الاهلي وسوى العملية اول امس يعني في نفس يوم اللي اتصلوا فيه
طبعا الاهلي عطوني الموعد خلال ظ£ اشهر

[الحاقول]

الرميله للاسنان بحاجه الى مدير شخصيته قويه وعنده خبره في الاداره

[Charisma]

هو ما قالي انه مسموح لدكاترة الاسنان انهم يفتحون عيادة خاصة بشرط انهم ما يكونوا رؤساء اقسام
هو ما قالي انه هو يشتغل مرات اووفر تايم و بالحقيقه يكون وقتها بعيادته الخاصه اوون كوول


مرحبا اخوي خلدون ..

اللي ذكرته معلومه جديده .. على وزن مدرس في مدرسة يهمل في شرح بعض الدروس ويسّوق للدروس الخصوصيه .. واذا كان الكلام صحيح .. اتمنى منع الدكاتره في العيادات الحكوميه من اي نشاطات اخرى في عيادات خاصه ..

https://pbs.twimg.com/media/BjXaeA8CIAA5kYb.jpg

[مثير للجدل]

كان الله بعونك

[aloosh]

انا جني خالد النفيسي الله يرحمه الحين ولا حصلت عياده محترمه
في بريطانيا يسون لك فحص قبل اي شي يشفون لثه والعظمه قبل الزراعه اذا ما عندك مشاكل مثل سكري وضغط يبتدون تدريجيآ ويتابع المساعد والدكتور

هنا اجيه سدحك على طول ما يفحصك كلش وها اكبر خطاء فيه ناس ما تصلح لهم زراعه بسبب لثه او العظمه

[khaldoon]

عيادات الاسنان في رميلة امورهم غريبة عجيبة ومواعيد صعبة وامر يحتاج الى دراسة واكثر من مستشفى حكومي..

بجد نعاني بجد نعاني بجد نعاني :(

شكرا لك خلدون


الشكر لكي ستي ...امورهم غريبه لانها غير صحيحه و غير مقبوله للعقل و المنطق .... استني بس اقولك القصص الثانيه و بتشوفين المسخره الصح

[khaldoon]

انا انطر موعد لتقويم اسنان لبنتي من سنه واربع شهور وكل شهر اتصل فيهم

انا اقولك من الحين علشان تريح قلبك.... اللي يتعالجون الحين هم المرضى اللي قدموا تحويل بشهر اغسطس 2013.... شوف عاد انت قبل و الا بعد و بتعرف متى بيجيك الدور .... و بتعرف لو حدا طافك او لا

[khaldoon]

بالنسبه للطبيب الخاص رحت لكن حالة بنتي مافي مركز خاص يعالج وعنده المعدات الخاصه لحالتها
يعني انجبرت علغŒ الرميله

لا نشكك بعلاجهم بالرميله و مشكلتنا مع مواعيدهم غير المقبوله لانه السبب معروف... الله يشفي بنتك و يطمنك عليها يا رب

[khaldoon]

والله اتذكر شاب عمره في العشرينات اتصل بوطني الحبيب متحسر وخانقته العبره راح لهم عنده مشكله في اسنانه بنجوه يقول ما خلص الي ما فيني ولا ضرس يو سالهم ليش محد رد عليه في الاخير قالوا بنسوي لك طقم متحرك والله العظيم هذي السالفه سامعها بأذني في البرنامج

المكان مستشفى الرميله


لا حول ولا قوة الا بالله .... تقويم متحرك مثل الشيبان وهو توه بالعشرينات..لابد من الزراعه لهالمسكين

[khaldoon]

معروووف الرميله للاسنان والتجميل للمقيمين

والتامين للاسنان شالين منا التقويم والتجميل يعني بالله ايش نسوي لا رحمة الرميله ولا رحمه التامين


مب اي مؤسسه او شركه تعطي تأمين على علاج الاسنان....و حتى لو اعطت يمكن تعطي لثلاث اشخاص بس بالعائله الواحده و بمبلغ معين لا يجب تجاوزه

اكيد احنا مع الغاء التامين على العمليات التجميليه على اساس انها غير ضرورويه و من الكماليات و لكن بعض الععمليات التجميليه ضروريه لمحي التشوهات الخلقيه او الحوادث و الاسنان العوجه على الاخر بسبب اخطاء و مشاكل في طريقة نموها عند الاطفال

[khaldoon]

روح لعيادات التامين الصحي ياكثرهم وانت واقف يسون اسنانك

مشكلة علاج الاسنان مكلف جدا بدون تامين يا اخوي

[khaldoon]

مب غريبة
انا ولدي في قائمة الانتظار من سنة ونص
وتوهم متصلين قبل يومين
مع ان حالته كانت حرجة ويتطلب تخدير عام
والحمد لله لقيت له موعد في الاهلي وسوى العملية اول امس يعني في نفس يوم اللي اتصلوا فيه
طبعا الاهلي عطوني الموعد خلال ظ£ اشهر

انا سويت هالعمليهة لبنتي و هي في الثاني ابتدائي و انتظرت وقتها سنة و ثلاث شهور على الاقل .... المشكله يوم جا دورها قالولي الدكتوره اللي معينه لها في اجازة و لهالسبب تأخرت !!!

[khaldoon]

الرميله للاسنان بحاجه الى مدير شخصيته قويه وعنده خبره في الاداره

لا تعليق

[khaldoon]

مرحبا اخوي خلدون ..

اللي ذكرته معلومه جديده .. على وزن مدرس في مدرسة يهمل في شرح بعض الدروس ويسّوق للدروس الخصوصيه .. واذا كان الكلام صحيح .. اتمنى منع الدكاتره في العيادات الحكوميه من اي نشاطات اخرى في عيادات خاصه ..

https://pbs.twimg.com/media/BjXaeA8CIAA5kYb.jpg

هالكلام اللي انا ذكرته صحيح ميه بالميه و المنع بس لرؤوساء الاقسام و المدراء فقط... اعتقد تم المنع لهم من عشر سنوات تقريبا خيروهم بللمدراء ين الخاص و العام .... تقدر تتأكد بنفسك من المعلومه

باختصار في عجز و نقص بعدد اطباء الاسنان و في بنفس الوقت السماح لهم انهم يشتغلوا بعيادات خاصة

[khaldoon]

كان الله بعونك

و في عون الجميع ان شاء الله

بارك الله فيك و اشكرك على ردك الجميل

[khaldoon]

القصه الثانيه

بيوم من الايام كان عندي موعد اسنان بالرميله مساء ... رحت على الموعد الساعه خمسه و انا مروح من الداوم... قالت لي الموظفه انه موعدي الساعه سبعه و ليس خمسه مثل ما انا فاهم بالغلط.... يعني انا كنت اظنه الساعه خمسه

قولت لها طالما انا صرت جاي خلني احاول مع الدكتور يمكن يتعطف علي و يقبل يشوفني بدل اني اروح و ارجع مع الزحمة ...
- بس الطبيب اصلا مش موجود الحين!!!
-وين هو الحين يعني مب مداوم!!
- بيحضر الساعه سبعه الحين محد!!!

طلعت اتاكد بنفسي لقيت غرفته مغلقه تماما

جيت الساعه سبعه مساء و انتظرت الدكتور امام غرفته والا لقيته يجي الساعه سبعه و عشره و فتح غرفته قدامي و اضاء مصباح الغرفه و جلست و شافني عشر دقائق كاستشاره فنيه لحالتي من غير اي علاج ولا شي و بس

ممكن احد يقولي اشلون يجي دكتور مداوم في مستشفى حكومي على دوامه الساعه سبعه مساء و متى بيمشي و كيف ساعات الدوام في عيادة الاسنان بالرميله!!... وكم مريض استقبل في ذاك اليوم!!!...مجرد اسئله بريئه

[عابر سبيل]

ما تطرحه يا خلدون ..امر جدا مهم..
فمسألة علاج امراض اللثة و الاسنان في قطر..
تعاني من عدم تنظيم..
لا في المستشفيات الحكومية..و لا العيادات الخاصة..
((إلا ما رحم ربي)))

و سؤالك عن سبب "اختلاق" حالة من التكدس و الازدحام
و من عدة أعوام..
سؤال في محله..

فالتكدس لعلاج الاسنان..
لا يضاهيه..
او ربمى هو يضاهي و يتفوق
على زحمة و اختناقات الشوارع
في اول و آخر ساعات الدوام!


العيادت الخاصة..فيها من الاجرام..ما لا يعلمه الا الله..

و المستهلك: المريض/المراجع..

ليس له سند حقيقي او جهة رقابية من الدولة..
تحميه من خداع او جشع بعض تلك العيادات..

و بالتالي..نضطر اضطرارا الى تحمل التأخير غير المبرر
للحصول على موعد في الرميله..

فنحن في مسألة علاج الاسنان..
ما بين الحكومي و الخاص..

((كالمستجير من الرمضاء بالنار))!!

[khaldoon]

ما تطرحه يا خلدون ..امر جدا مهم..
فمسألة علاج امراض اللثة و الاسنان في قطر..
تعاني من عدم تنظيم..
لا في المستشفيات الحكومية..و لا العيادات الخاصة..
((إلا ما رحم ربي)))

و سؤالك عن سبب "اختلاق" حالة من التكدس و الازدحام
و من عدة أعوام..
سؤال في محله..

فالتكدس لعلاج الاسنان..
لا يضاهيه..
او ربمى هو يضاهي و يتفوق
على زحمة و اختناقات الشوارع
في اول و آخر ساعات الدوام!


العيادت الخاصة..فيها من الاجرام..ما لا يعلمه الا الله..

و المستهلك: المريض/المراجع..

ليس له سند حقيقي او جهة رقابية من الدولة..
تحميه من خداع او جشع بعض تلك العيادات..

و بالتالي..نضطر اضطرارا الى تحمل التأخير غير المبرر
للحصول على موعد في الرميله..

فنحن في مسألة علاج الاسنان..
ما بين الحكومي و الخاص..

((كالمستجير من الرمضاء بالنار))!!

جزاك الله كل خير يا الغالي على مرورك الجميل....طيب هم ليش ساكتين على هذه المسخره وما يطورون خدماتهم ...الى متى يعني بتستمر المعاناة و لمصلحة من الوضع القائم؟

[khaldoon]

القصه الثالثه

في يوم من ايام منتصف ابريل من كم سنه رحت على المركز الصحي لعلاج سني و اعطاني تحويل لعلاج العصب في مستشفى الرميله...... اشار علي احد الاصدقاء اني اروح على طوارئ المستشفى بدل من اني اروح على قسم الاستقبال مباشره و اقدم لهم التحويل على اساس انه بيجي دوري بشكل اسرع وما انتظر كثير.

بالفعل سويت بالنصيحه و رحت الطوارئ و معي التحويل..... اعطتني الدكتوره بروفين لتخفيف الالم و قالت لي روح على قسم الاستقبال علشان تاخذ موعد لعلاج العصب....قالت لي موظفة الاستقبال للحين ما فتحت المواعيد و تعال اخر شهر ابريل علشان تسوي موعد!!!

جيت اخر شهر ابريل فقالت لي تعال منتصف مايو لانه المواعيد لسه ما فتحت!!!!
و في منتصف مايو قالت لي تعال اخر مايو علشان تسوي موعد لانه جدول المواعيد للحين ما فتح....و نفس الحال تكرر حتى اخر شهر يونيو...... !!!!!!

وقتها عصبت و قلت للموظفه ابي اقابل احد مسؤول ... و بالفعل قابلت موظفه و اعطتني موعدين لعلاج العصب في 09 اغسطس و 16 اغسطس و كان وقتها رمضان..... قولت لا حول ولا قوة الا بالله بفطرونا علشان نعالج العصب...منهم لله

معروف انه السن اللي لازم نعالج عصبه بيكون فيه بكتريا و احيانا تنشط و احيانا تكون نايمه و خامله و بالتالي الوجع بيروح و بيجي كل فتره و انا اخذ بروفين وما شابهه طوال هالفتره لما يجي الوجع.

بالفعل جاء موعدي الاول في 09 اغسطس و كانت اول جلسة علاج.... المشكله انه يوم 16 اغسطس وهو الموعد الثاني كان اول يوم اجازة العيد في شهر رمضان يعني الغلطه غلطتهم مش غلطتي انا.... قالي الدكتور ان شاءالله بنتصل عليك لتحديد موعدك الثاني في اسرع وقت ممكن.

انتظرت بعد العيد و خبر خير... و ظليت انتظر لحد شهر ديسمبر وخلال هالمده يقولون بنتصل عليك لما اراجعهم!!!

في ديسمبر زاد الوجع لانه السن ما اكتمل علاجه و رحت وقتها مستشر الساعه سبعه صباحا و قالي الدكتور اتصلنا عليك باكتوبر و انت وافقت انك تيجي وما جيت......قولت له انا مب فاقد الذاكره و انتظرعلاجك بفارغ الصبر و هالشي ما صار ولا معي خبر ولا احد كلمني.......قالي ارجع الساعه 12 ظهرا و انا بسويلك العلاج النهائي و فعلا جيت و خلصت علاج السن في 8 شهور... هذه مب مسخره منهم و الا انا غلطان؟؟!!!

[حمد 2002]

مب بس ارميله عنده تأخير الحين مع التأمين الصحي حتى بعض المراكز الخاصه للاسنان الحين لازم تاخذ موعد وتنتظر لين ايي دورك . قبل التأمين أدفع وادخل بنفس اليوم .

بالتوفيق ..

[بصمة قطرية]

بالنسبه للطبيب الخاص رحت لكن حالة بنتي مافي مركز خاص يعالج وعنده المعدات الخاصه لحالتها
يعني انجبرت علغŒ الرميله
جربت تروح للدكتور علي في مجمع الشفاء الطبي
ممتاز للتقويم ..
عنده حالات كثيرة و صعبة ..
عيالي عنده ..

[بصمة قطرية]

من وعيت على الدنيا و مواعيد رميلة بعيدة ..
من كنت صغيرة أتعالج هناك
بين كل موعد و الثاني أقل شي ست شهور
يعني يكون الضرس خلاص انتهى
مأساة بمعنى الكلمة ..
مادري لي متى راح يظلون جذي
مواعيد بعيدة ..!!
الحمدلله عندنا تأمين
خلصت أسناني و إرتحت الحمدلله
و لا ناخذ منة رميلة ..

[خزامئ]

انا ولدي ينطر موعد تقويم اسنان من سنتين

[حمد 2002]

هل تقويم الاسنان يدخل من ضمن برنامج التأمين الصحي المجاني _ صحه _ ولا ؟

وشكرا

[عطر]

السلام عليكم

اسفه على المداخله ولكن عندي اضافه

ولدي عمره 3 سنوات عنده خراج بالاربع اسنان الاماميه وسن واحد من الطواحين ايضا مسوس وفيه خراج وديته عياده خاصه قالوا مانقدر نسوي له شي لازم رميله
ورحت المركز الصحي وقالت لي نفس الكلام مانقدر نسوي له شي بس بنعطيح مسكن ومضاد وتحويل ايرجنت على رميله عشان يسوون له تخدير عام وتنطيف ورحت رميله
وقالوا لي الموعد بعد سنه !!!!
طيب الولد يصرخ من الالم واسنانه فعلا ملتهبه وفيها خراج مافي موعد لو على الاقل بعد شهر قالوا مااااافي ابدا وانصحوني اروح اسوي له في الدوحه او الاهلي
وطبعا التأمين مايغطي هالمصاريف كلها .. المشكله مش في الفلوس ماعندي مشكله بدفع علشان صحة الطفل لكن معقوله مافي مواعيد حتى لو الحاله ضروريه ؟؟؟

الله يعطيهم الصحه والعافيه وان شاء الله يقدرون يحلون هالازمه

[موظف ((حكومي]

لاتعليــــــــــــــــــــــــــــــــــــــــــــ ـــــق