اللي حصل أمس في شارع الوعب .... مهزله واستهتار ؟؟

[قلم صادق]

السلام عليكم ..

امس وانا راجعه مع ولدي الساعه 11 الا ربع بالليل اشوف قدام محطه بترول الوعب بالضبط 4 اولاد من عمر 12 لين 14 تقريبا يلعبون كوره في وسط الشارع العام

ولين طفت الاشاره يرمون الكوره لين رصيف الشارع الثاني ويركضون في وسط الشارع يلعبون فيها ويستعرضون لدرجه ان بعض السيارات في الشارع الثاني يضربون

لهم هرن .. والخطر لو جا حد مسرع من شارع الخدمات دخل بسرعه لشارع الوعب بيدعمهم اكيد لانهم في وسط الشارع يلعبون ..... بصراحه أحتريت وتنرفزت من الاستهتار باعمارهم واعمار غيرهم من السائقين واتصلت على 999 ( للاسف ) .. لفينا لهم ووقفت عندهم وهاوشتهم وقلت لهم اللي يتحرك منكم يا ويله انا بلغت الدوريه وهي الحين جايه وانا صورتكم فيديو ( والفيديو موجود عندي وهم يلعبون في وسط الشارع ) ...

المهم يوم كلمت 999 رد على وقلت له الموضوع قال خليهم واقفين انا الحين ببعث دوريه .. وانطر عقب اشوي الا يتصل واحد ثاني ويقولي شالموضوع !!! وأعيد له الموضوع وقال نفس الشي الحين بطرش دوريه !!!! والعيال واقفين الا واحد اللي اكبرهم ضخم واسمه راشد ومبين عليه التمرد يعاند ويستعرض مره ثانيه بعد ما عرف اني بلغت عنهم يستعرض في وسط الشارع من غير ما يبالي ويروح للشارع الثاني ويرجع ومعاها الكوره لدرجه انه فيه سياره مرت جنبه وقعدت تضرب هرن له ورفيجه يصوت عليه ياراشد خلاص تعال وهو يسوي نفسه مب مهتم .., واتصل مره ثالثه للدوريه !!! ويقولي صكي التليفون الحين اكيد هم يتصلون عليج ... ومافي خبر ؟؟؟ لين العيال اللي كانوا خايفين وينتظرون الدوريه ردت لهم القوه وقاموا يركضون وقطعوا الشارع ووقفوا كروه وراحوا .

المهم مرت نص ساعه ولا حياه لمن تنادي ( لا دوريه ولا هم يحزنون ) وولدي يطنز يقول يمه يمكن صكوا مايدامون ..وقلت ييمكن يجون واعطيهم الفيديو بس !!! بعد هالنطره الا يتصل واحد ويقول اختي انا مريت خمس مرات وما في شي !!! قلت له سلامتك ما صار انا واقفه ومشغلين ليتات الخطر ومافي حد غيرنا الشارع فاضي والمكان واضح قدام بترول الوعب بالضبط ولا سياره دوريه مرت ...؟؟؟ ويقول ( لاحظوا ) المشكله انه العمليات توهم معطينا البلاغ بس ابي اعرف ايش الموضوع بالضبط ؟؟؟؟ قلت له توك تقول مار خمس مرات .. والعمليات توهم مبلغينكم يعني لو واحد ذابح شخص كان شرحه وخلص وانتوا ما ستلمتوا البلاغ .. ضحك وقعد يعتذر ويقول اسمحيلنا على التأخير .. قلت ايش الفايده اذا الواحد شاف الغلط وحب انه يصلحه بس للاسف مايلقى اي تجاوب من المفروض اللي هم يعدلون ويقومون الاغلاط وقلت له ترى ياخوي اليد الوحده ما تصفق ,, لو واحد دعم شخص منهم حطيتوا الغلط على اللي يسوق مب على ها لمستهترين بأعمارهم .. قال والله معاج حق

وانا واقفه ومعطله نفسي ومتأخره على بيتي لين الساعه 11 ونص .... بس للامانه كان جدا محترم ومؤدب ويعتذر بس ايش الفايده .

الخلاصه اني قلت لنفسي مالي دعوا بشي مره ثانيه . والحمدلله على كل حال

[aloosh]

هم اختي محد يجي الى لما تحدث كارثه بعدين يجون الرقابه غايبه في الشوارع معا الاسف

[راجي الْعفو]

وعليك و رحمة الله ..

يحبذ ان تكون الدوريات منتشره في أنحاء البلاد وتقسيم الأوقات في ذلك ، حتى تسهل عملية اتخاذ الإجراءات المناسبه ..

وجزاج الله خير على حرصج ..

مع التحية ..

[MAZEN37]

مع احترامي
مية رجال مر عليهم ما تصرف انا رأي انه تقدير هالامور يخص الرجال
الحريم يكبرون السالفه

[قلم صادق]

aloosh

للاسف معاك حق

[قلم صادق]

راجي الْعفو

والله ياخوي طول هالوقت ولا دوريه ولا شي مع انه شارع رئيسي وهام لازم تكون فيه دوريه رايحه وجايه .... وللاسف وانا واقفه اللي كرزر كله اسياخ يشكح الرصيف علشان يرجع الشارع يعني ماقدرت تنطر الاشاره تفتح .. غريبه

[قلم صادق]

مع احترامي
مية رجال مر عليهم ما تصرف انا رأي انه تقدير هالامور يخص الرجال
الحريم يكبرون السالفه

اي نعم مروا رجال بس لللاسف ولا واحد وقف وسأل .... واذا انت تعتقد اني كبرت بالسالفه على اي اساس تحكم الا اذا كنت تنظر للمرأه نظره دون المستوى .. والمرأه يا أخي لاتقل عن الرجل بشئ وللاسف في هذا الزمن اللي يكبر ويوسع في السالفه هو الرجل .....

والله يشهد انه كل اللي كتبته هو اللي صار بالضبط ....

بس للاسف انه في ناس لين الحين تفكر بهذا الاسلوب ..

[MirusS]

يعطيج العافيه :)

[(بوطلال)]

ياختي للاسف اهمال الشرطه زاد الفتره الاخير اول الشرطه منتشرين في الفرجان والشوارع واي بلاغ ماياخذ دقايق الا هم واصلين عندج الحين للاسف اهماااااال بكل معنى الكلمه .

بخصوص هالنوعيه من لعيال الشرهه على اهليهم الي للاسف هادينهم في الشوارع ولايدرون عنهم الام مشغوله بكلام فاضي والاب اكيد في الحسا دام الموضوع امس .

[Rosy]

نفس اللي صار مع اهلي بنفس المكان , بس الاهل شافوهم الاسبوع اللي راح تقريبا . كانو يركضون بين السياير وهي تحرك

[مخطط قطري]

اول شي بيض الله وجهج وجعل بطن جابك يحرم ع النار وهذا واجب كل مواطن الغريب انه مع التطور التكنولوجي والمتطور ماخدم 999 العمليات بشكل فعال ف السابق كانو اسرع ويوصلون بلمح البصر وبلادنا صغيره ومطوره والواجب الامن يكون يقظ ومايسمح بمثل هالاستهتار ... ف لندن اذكر من كم سنه هوشه بين هندي او باكستاني مع اسيوي وصراخ وكلام قذر في مظله انتظار الباصات واحنا ع الطرف الثاني في قهوه نشوفهم الله العالم صراخهم خذا اكثر من عشر دقايق وصوتهم واصل عندنا من ببدا اول واحد بمد يده والثاني لمخه بقس مامداه يرشه بالثاني الا الشرطه مكلبشته واللله ماعرف من وين اطلعو مع انه طول الوقت الشارع مايشير لا من قريب او بعيد بوجد الامن وهي لندن اكثر من 50 مليون نسمه ف هالعاصمه بس يليت ف قطر ييكون هشكل مايضطر المواطن حتى يتصل ف 999 للعلم في احد محطات البترول ع شارع عام احترقت وبعد اكثر من 22 دقيقه تم ابلاغ العمليات من قبل احد المارين بالشارع!!!

[ضوى]

انا لو منج اطرش لوزير الداخليه هالمشكلة واعلمه عن ظ©ظ©ظ© خدمة الطواري اشلون صايرة ، يعني لو واحد ذابح احد بالشارع وبلغتيهم ممكن القاتل يروح والميت يشبع مووت ياللا يتحركون ، غريب تصرف الطواري بالفعل غريب ،

[حسن]

ملاحضتك في مكانها

مره لقيت طفل على الشارع واقف وصغير واسمر استغربت لما طفته قلت شكله بيقطع الشارع كان اخذ الدوار ارجع له
واكلمه مايرد وقفت معاي مره اذكرها اردنيه جزاه الله خير كانت شافته ورجعت وانا سبقتها وخذته وركبته وقفت وركب
معاي
فابلغت العملبات قلت لهم شوفولي اقرب دوريه موجوده وبلغتهم بالموقع وبلاغ واضح
فاقالولي انتظرهم قلت انا واقف كان تقوم المره ودور في البيوت اللي جنوب ناد ي الغرافه قالت باشوف
يمكن القى هله قلت لها روحي وانا بانتظر الدوريه باسلمه لهم اذا جات
وخذ تلفونات من واحد الى واحد وكل واحد يقولي وصف مكانك
يعني الصراحه استغربت مره من التحريات ومره من النجده ومره مادري من من
انتظر اشوي الى اشوف ذاك الخال المصك كان يطوفني ويطالعني ويشوف الولد
كان يتكلم الولد دادي داي
:(

وقف لي وانزلت معاه وراح لبوه كان يطلع نيجيري مادري من وين
المهم قلت له انا شفته على الشارع وصغير يمكن حول 5 سنوات وبلغت الشرطه وزين انت طلعت
المهم بعد ماشكررني الا الاتصال الثالث مادري الرابع من البوليس انت وين قلت انت مين بعد
قلت على العموم خلاص لقيت ابوه وسلمت اياه كان يقولي ياريت تعطيني اسممه ورقم البطاقه والتلفون
:rolleyes2:

يقولي هل ابوه ولا لا قلت يارجال اللون راكب ميه في الميه ويوم شاف ابوه قال دادي دادي
:)

المهم قلمت بالواجب وكفيت البحث والتحري وانتهى الامر
السؤال مهب الكل يقدر يتصرف ويبلغ صح والاتصالات الكثيره كل شوي يتصلي رجل امن
بس حبيت اعرف اول مااتصلتي من كلمك ريال ولا مره

[حسن]

اول شي بيض الله وجهج وجعل بطن جابك يحرم ع النار وهذا واجب كل مواطن الغريب انه مع التطور التكنولوجي والمتطور ماخدم 999 العمليات بشكل فعال ف السابق كانو اسرع ويوصلون بلمح البصر وبلادنا صغيره ومطوره والواجب الامن يكون يقظ ومايسمح بمثل هالاستهتار ... ف لندن اذكر من كم سنه هوشه بين هندي او باكستاني مع اسيوي وصراخ وكلام قذر في مظله انتظار الباصات واحنا ع الطرف الثاني في قهوه نشوفهم الله العالم صراخهم خذا اكثر من عشر دقايق وصوتهم واصل عندنا من ببدا اول واحد بمد يده والثاني لمخه بقس مامداه يرشه بالثاني الا الشرطه مكلبشته واللله ماعرف من وين اطلعو مع انه طول الوقت الشارع مايشير لا من قريب او بعيد بوجد الامن وهي لندن اكثر من 50 مليون نسمه ف هالعاصمه بس يليت ف قطر ييكون هشكل مايضطر المواطن حتى يتصل ف 999 للعلم في احد محطات البترول ع شارع عام احترقت وبعد اكثر من 22 دقيقه تم ابلاغ العمليات من قبل احد المارين بالشارع!!!

هناك اكثر الناس تمشي وعالم ووسط العاصمه وقطارارت يعني اكتضاض بشري مهب مثل هني
وعندهم كيمرات مراقبه وغير رجال المن المتخفين باللبس المدني وبالهبل ولكن انت ماتعرفهم
علشان اللون العسكري يثير الذعر للناس لما تشوف كثاقه شرطه
وتعرف بلاد سياحيه يعني لما يشوف السايح يخافون مايحسون بان البلد فيها امن

فابالبس المدني محد يعرفهم فايبلغون على طول

هذه معلومه اقولها لكم يمكن الكثير مايعرفها فا مايشفون شرطه باللبس يقول البلاد امان
مايدرون ان الاللف الشرطه يتمشون وياهم

هاهاها

[medic]

هناك اكثر الناس تمشي وعالم ووسط العاصمه وقطارارت يعني اكتضاض بشري مهب مثل هني
وعندهم كيمرات مراقبه وغير رجال المن المتخفين باللبس المدني وبالهبل ولكن انت ماتعرفهم
علشان اللون العسكري يثير الذعر للناس لما تشوف كثاقه شرطه
وتعرف بلاد سياحيه يعني لما يشوف السايح يخافون مايحسون بان البلد فيها امن

فابالبس المدني محد يعرفهم فايبلغون على طول

هذه معلومه اقولها لكم يمكن الكثير مايعرفها فا مايشفون شرطه باللبس يقول البلاد امان
مايدرون ان الاللف الشرطه يتمشون وياهم

هاهاها
كلامك صحيح اخوي .....عندنا شرطه بلباس مدني ومساعدين شرطه بلباس مدني وعندنا مخابرات بلبس مدني .

[عاشق العديد]

والله انا ما اللوم الاطفال ولا الشرطه عندهم امور اهم من بزران يلعبون بشارع

الاهل وين الي هادين عيالهم لين 11 انا ع ايامي 9 لو ما اتعشا باالبيت واكون علئ فراشي هاي قضيه الله يعينا عليهم والله يقوي حماة الوطن

[Aaziz]

السلام عليكم ..

الخلاصه اني قلت لنفسي مالي دعوا بشي مره ثانيه . والحمدلله على كل حال


عليكم السلام ورحمة الله


اخر سطر هو كان قراري الشخصي بعد تجربه البارحه مع 999
انقهرت قهر مضاعف ... و راح اكتب الي صار عل و عسا انه حد يقراه وويتصرف ،، ولا انا من البارحه غسلت يدي منهم .

الي صار كنت طالع من مدينه مسيعيد متجه الى الوكره ،،، شفت قدامي تريله طلع من الشارع و نزل في البر على سرعته و عفس الدنيا غبار و حصا ،، و فجئه رجع من البر الى الخط السريع مباشره ... مسكت بريك و تاخرت عنه خفت ينقلب .. قلت يمكن انه سكران ولا شخص يتعبث بالتلفون و ارتبش و ماعرف يتصرف بعد ما فقد السيطره على السياره .
تجاوزته و بعد مسافه اشوف في المرايه الناس الي ورااي يكبسون بليتاتهم ؟
دريت انه سوى شي ثاني ... اتصلت على 999 قلت لهم السالفه ،، قالولي كم رقم التريله ،، قلت له ماخذته بصراحه ،، المهم تصرفو لا يسوي مصيبه .
استمر تكبيس الليتات وراي ،، وقفت على يمين الطريق اخذت رقمه و ارديت ابلغهم بالرقم ،، و فعلا هذا الي صار بعد ما كلمت 999 مره ثانيه .
دخلنا اول دوار في الوكره و راعي التريله كان يدخل الدوار بسرعه و لف علي يوم تجاوزته ،، و يوم وصلنا محطه البترول الي على اليمين شغل الدينجر و صف يمين مقابل المحطه ،، كملت طريقي باتجاه طريق الشمال .
و يوم وصلت النفق الي قبل السفاره الامريكيه تفاجئت باتصال من مركز امن الجنوب يسئلني عن الموضوع وهو ماعنده اي معلومه غير وجود بلاغ عن تريله .
قلت له ياخوي وين انا الحين متعدي نفق مدماك وانتو توكم تكلموني قال لي خلاص بتصرف .
سكرت و بدون مبالغه انصدمت باتصال ثاني من شخص من مركز الوكره يقولي شسالفه ؟
قلت له ابد سلامتك ،، راعي التريله الي بلغت عليه لانه خطر في الشارع يمديه وصل بيته و رقد الحين .
تخيلو اخر اتصال صار و انا بالظبط معدي معسكر دحيل الي على خط الشمال ،،، مع مراعات اني بلغتهم في بدايه الموضوع و انا على خط امسيعيد .

ندري انه عليهم ضغط و نعذرهم ،، بس وين الدوريات ،، ليش مافيه دوريات ثابته او متحركه خصوصا في ويك اند و منطقه مثل مسيعيد اكيد راح يصير فيها مايستدعي تدخل الشرطه في اسرع وقت .

[الجـــوديّ]

جزاج الله خير أختي وارحم الله والديج ...
سويتي اللي عليج وماقصرتي ...

مادري هل هي صحيحة ملاحظة واحد من الأعضاء هنيه ..
ان ضباط الجيل الجديد مو متحملين مسؤولية بشكل جيد
ومافيه استجابة فورية منهم على البلاغات اللي تجيهم؟!

اذكر مرة انحشرنا في منطقة من الزحمة تأخر علينا الوقت واحنا في الشارع
والشارع ما يمشي..!!
ساعة وربع احنا بس واقفين في الشارع مايتحرك
نتصل عليهم 999 كل واحد يحولنا للثاني
مع العلم اتصلنا اكثر من مرة ... ويردون علينا بنفس الجواب في كل مرة ..
الحين بتجيكم دورية والحين بتجيكم دورية !
عقب ساعة جات الدورية وحركت الشارع !!
هل هذا يعقل ؟!

[technical]

بسم الله الرحمن الرحيم ، أتصور سبب عدم حضور المرور رخص قيمة الحياة البشرية عندهم ، أتصور الذي استلم البلاغ قال آيه ممكن يصير اذا ركض مراهق او طفل في الشارع ؟ سيارة تدهسه مع احتمال كسور متعددة مع فرصة الوفاه او الشلل ! عادي.
لكن أتصور اذا قال المبلغ ان الذين يلعبون عمال ! يمكن الإحساس يتحرك عنده نتيجه الحملة المستعرة على قطر من فتره ولا زالت. لكن لان المعنيين الان ليسو عمال ، الإحساس بقيمة الحياة البشرية عنده ما اشتغل والسلام.

[السفير العربي]

للأسف الحالة الأمنية عندنا بدأت في التردي ولا وجود لدوريات الشرطة في الشارع ، نظرة إلى الفوضى المرورية العارمة التي تحدث في الشوارع مبعثها غياب الدوريات ، يعني لازم يحدث عندنا زلزال لكي تفوق وزارة الداخلية من سبات غفلتها ؟

[شيخ الديرة]

[SIZE=5]السلام عليكم ..

امس وانا راجعه مع ولدي الساعه 11 الا ربع بالليل اشوف قدام محطه بترول الوعب بالضبط 4 اولاد من عمر 12 لين 14 تقريبا يلعبون كوره في وسط الشارع العام
.
.
.
.


ما قمت به شئ جيد. ولكن في النهاية النجاة والبقاء لمن يستخدم عقله, وعنده أهل يؤدبوه. وحتى لو منعتهم الدورية اليوم, بعد يوم يومين يرجعون, عقلهم مخربط, وهم يعرضون أنفسهم للخطر, ليس لها حل.

[همر]

ملاحضتك في مكانها

مره لقيت طفل على الشارع واقف وصغير واسمر استغربت لما طفته قلت شكله بيقطع الشارع كان اخذ الدوار ارجع له
واكلمه مايرد وقفت معاي مره اذكرها اردنيه جزاه الله خير كانت شافته ورجعت وانا سبقتها وخذته وركبته وقفت وركب
معاي
فابلغت العملبات قلت لهم شوفولي اقرب دوريه موجوده وبلغتهم بالموقع وبلاغ واضح
فاقالولي انتظرهم قلت انا واقف كان تقوم المره ودور في البيوت اللي جنوب ناد ي الغرافه قالت باشوف
يمكن القى هله قلت لها روحي وانا بانتظر الدوريه باسلمه لهم اذا جات
وخذ تلفونات من واحد الى واحد وكل واحد يقولي وصف مكانك
يعني الصراحه استغربت مره من التحريات ومره من النجده ومره مادري من من
انتظر اشوي الى اشوف ذاك الخال المصك كان يطوفني ويطالعني ويشوف الولد
كان يتكلم الولد دادي داي
:(

وقف لي وانزلت معاه وراح لبوه كان يطلع نيجيري مادري من وين
المهم قلت له انا شفته على الشارع وصغير يمكن حول 5 سنوات وبلغت الشرطه وزين انت طلعت
المهم بعد ماشكررني الا الاتصال الثالث مادري الرابع من البوليس انت وين قلت انت مين بعد
قلت على العموم خلاص لقيت ابوه وسلمت اياه كان يقولي ياريت تعطيني اسممه ورقم البطاقه والتلفون
:rolleyes2:

يقولي هل ابوه ولا لا قلت يارجال اللون راكب ميه في الميه ويوم شاف ابوه قال دادي دادي
:)

المهم قلمت بالواجب وكفيت البحث والتحري وانتهى الامر
السؤال مهب الكل يقدر يتصرف ويبلغ صح والاتصالات الكثيره كل شوي يتصلي رجل امن
بس حبيت اعرف اول مااتصلتي من كلمك ريال ولا مره



ههههههههه

الله يقطع سوالفاتك يابوعلي .. انت متأكد انه ولد ولا قطو ؟!! :tease:




موضوع البلاغات يا اخوان اتوقع انه شي لازال

من الزمن الغابر ولم تطله رياح التغيير

او اتوقع انه تم تطويره بشكل غير مدروس ..



الملاحظ من القصص المسروده ان العمليات بعد تلقيهم

للشكوى يحولونها الى المركز المختص او الى مركز

الشرطه التابع للمنطقه القريبه من الشكوى ...


المركز يتلقى الشكوى بصوره مقتضبه ويرسلها

الى احدى دورياته بصوره اكثر اقتضاباً ...


مايوصل الموضوع للشرطي الا هو برشامه من اصل

بلاغ طويل عريض كامل التفاصيل !



انها بقايا البيروقراطيه يا ساده :(

[حمد 2002]

المفروض نتحول وانصير نفس الاجانب الانجليز حتى لو جافوا واحد واحد ميت بالشارع يمشون عنه وكأنهم ماجافوه ، واحسن شيء الواحد اذا جاف مشكله بالشارع ولا بأي مكان ثاني ، مايتدخل ،، وانصح الجميع بتطبيق هالمثل (( لا ارى لا اسمع لا اتكلم )) ((وروح سالم وتعال سالم )) ،،،

وشؤكرا ،،

[monatee]

انتي لو قايله ان اليهال اللي يلعبون اجانب شعورهم شقر وعيونهم خضره

جان ثواني وجفتي الدوريه عندج ،،

ولد البلد روحه رخيصه ،، لكن الامريكي ولا البريطاني والي على شاكلتهم دمهم غالي

[بن كعلان]

لاحول ولاقوة الا بالله

[ابوالعبد]

هههههههههه للحين في جذي انا احسب انقرضوا ياجماعه ماشوف احد في فريجنا صار يلعب كوره او يسوق سيكل هههه يهالنا تتطوروا الله علي زمنا كلنه نلعب كوره يوميا ونلعب بسياكل

هههههههه والاحين مافي في فريجنا :(

[ضوى]

ههههههههه

الله يقطع سوالفاتك يابوعلي .. انت متأكد انه ولد ولا قطو ؟!! :tease:




موضوع البلاغات يا اخوان اتوقع انه شي لازال

من الزمن الغابر ولم تطله رياح التغيير

او اتوقع انه تم تطويره بشكل غير مدروس ..



الملاحظ من القصص المسروده ان العمليات بعد تلقيهم

للشكوى يحولونها الى المركز المختص او الى مركز

الشرطه التابع للمنطقه القريبه من الشكوى ...


المركز يتلقى الشكوى بصوره مقتضبه ويرسلها

الى احدى دورياته بصوره اكثر اقتضاباً ...


مايوصل الموضوع للشرطي الا هو برشامه من اصل

بلاغ طويل عريض كامل التفاصيل !



انها بقايا البيروقراطيه يا ساده :(



بنقبل البيروقراطية بكل مكان الا بوزارة الداخلية اللي نضرب فيها المثل في الدقة والالتزام والتطوير

[بومحمد المطاوعه]

بارك الله فيج وجزاكي الله خير

ماقصرتي بأي شي
واشكرج على جهدج

ولكن العتب والعيب على بعض
الضباط الي مب كفو ماسكين اقسام

للأسف نشوف اطفال عليهم نجوم ومب قد هالنجمه

حسافه والله فيهم كلمه ضابط


الله يهديهم ويصلح حالهم

[R 7 A L]

بنقبل البيروقراطية بكل مكان الا بوزارة الداخلية اللي نضرب فيها المثل في الدقة والالتزام والتطوير



الكمال لله تعالى

مافيه شي كامل
حتى لو امتدحنا وزارة الداخلية يبقى عندهم مفص
اليس ( المرور ) تابع لوزارة الداخلية ؟!


انا مرة حصل قدامي حادث وبلغت
ندمت اني بلغت من كثر الاتصالات الي جاتني

[ضوى]

الكمال لله تعالى

مافيه شي كامل
حتى لو امتدحنا وزارة الداخلية يبقى عندهم مفص
اليس ( المرور ) تابع لوزارة الداخلية ؟!


انا مرة حصل قدامي حادث وبلغت
ندمت اني بلغت من كثر الاتصالات الي جاتني

طبعا يا رحال

لكل شي اذا ماتم نقصان

لكن لما تكون الداخلية هي الوزراة المثالية لنا واللي تخلينا نقول الدنيا للحين بخير فهنا المشكلة اللي تعور القلب

[عاشق العديد]

المفروض نتحول وانصير نفس الاجانب الانجليز حتى لو جافوا واحد واحد ميت بالشارع يمشون عنه وكأنهم ماجافوه ، واحسن شيء الواحد اذا جاف مشكله بالشارع ولا بأي مكان ثاني ، مايتدخل ،، وانصح الجميع بتطبيق هالمثل (( لا ارى لا اسمع لا اتكلم )) ((وروح سالم وتعال سالم )) ،،،

وشؤكرا ،،

انت تناقض نفسك ياحمد ..

يعني لو شفت بزر ماله من العلم اي شي يسوق سيكل ويفكر انه سياره ويتمشى بتخليه يندعم ويموت .؟

ولا بتروح تمسكه وتوقفه ولا توقف سير عشانه ..

ياخي انا لو امشي بسرعة 200 واشوف شايب واقف يبي يمر اوقفله لاني ارحم ضعفه ووقفته المسكين ومحد من هالهنود يبي يوقف له ..

حمد راجع نفسك .. وتقول زمن الجاهليه هاي زمن الجاهليه الي انت عايش فيه ..

[عاشق العديد]

انتي لو قايله ان اليهال اللي يلعبون اجانب شعورهم شقر وعيونهم خضره

جان ثواني وجفتي الدوريه عندج ،،

ولد البلد روحه رخيصه ،، لكن الامريكي ولا البريطاني والي على شاكلتهم دمهم غالي

لا ياخوي الضليمه شينه ..
والله العظيم انه يبذلون قصارى جهدهم ..
ولو احنا الي ندوام بدالهم والله مانكفي الي هم يسونه ..
الافراد يشتغلون اب كفائه وحتى الظباط .. وكل مكان فيه الصالح وفيه الطالح ..

لكن للعلم افضل وزارة من جميع الوزارات وزارة الداخليه .. الي مسهله كل الامور للناس .. لدرجه وانت قاعد بالبيت تخلص كل امورك ..
وما اتوقع ياخوي انه هم تفكيرهم بهالطريقه انه لو الولد اجنبي احنا بنجي لو قطري خله يموت ..
يعني ولد البلد صار مايحن على اخوه .؟

[العلياا]

بصراحة احييج على شجاعتج
والله يجزاج خير على حرصج وخوفج

اما الطوارئ فعلا الفترة الاخيرة تدهور حالهم
صرنا نادر نشوف دوريات وعذرهم انهم متواجدين لكن بزي مدني !!

[متواصل]

اكتبوا مواقفكم في تويتر وزارة الداخلية
وراح يتغيَر الوضع باذن الله

[حسن]

بصراحة احييج على شجاعتج
والله يجزاج خير على حرصج وخوفج

اما الطوارئ فعلا الفترة الاخيرة تدهور حالهم
صرنا نادر نشوف دوريات وعذرهم انهم متواجدين لكن بزي مدني !!

وشله الدوريات انتي عاجبك منظرهم كنتشرين شدعوه حاله حرب
لا يبا

يسون مثل الدول المتقدمه امنيا كيمرات ودوريات مدنيه

وبعدين انا سئلت ولم يرد على سؤالي من يستقبل المكالمه رجل او امراءه

هناك فرق في التعامل والخبر

دور العمليات هو الدور الاساسي انا اعتبره من صارت بداله الدااخليه بنات
ونشدها عن الظابط الفلاني تقولك ماعرفه

:rolleyes2:

الالول غير غير ومن تتصل على طول رنه ويرد علىيك الجميل داخليه
اما الحين مايذكرون اسماء الوزارات

اذكر اني طرحت موضوع بهذا لاساسا وربطتها بتقدم الدول وتتطورها انظر لحال بدالاتهم
مادري باروح اشوفه
وذكرت لما اتصلنا بضابط في مطار الشارقه ولما طلبنا ضابط في الجيش الكويتي

الصراحه

فرق السماء والارض ثواني ولا الربع يكلمونا واحنا تتصل لها عطيني العميد قلان هو وين في الموارد
بينك وبينه مكتبين وتقولين في الموارد

كلامي صحيح ولا لا ياللي هناك

:victory:

[PowerQ]

ألاحظ وزارة الداخلية في طريقها للإنحدار، ماهم جالسين يستوعبون انه التعداد كل ماله يزيد وبالتالي يجب زيادة عدد افراد الشرطة..
وانا من تجربتي لهالسنة، مستحيل المرور/الشرطة يجونك بأقل من ساعة.. يعني لو طاب عليك مجرم وبلغتهم، أمداه ذبحك وطبخك وسرقك..

[حسن]

ألاحظ وزارة الداخلية في طريقها للإنحدار، ماهم جالسين يستوعبون انه التعداد كل ماله يزيد وبالتالي يجب زيادة عدد افراد الشرطة..
وانا من تجربتي لهالسنة، مستحيل المرور/الشرطة يجونك بأقل من ساعة.. يعني لو طاب عليك مجرم وبلغتهم، أمداه ذبحك وطبخك وسرقك..

غلطان هناك زياده يارجل ماشفتها ماخلو مكان مااستقبلو فيه طلبات التوظيف
مشكلتنا في قطر مثل ماذكرت الاول كان الكثير منهم قطريين الحين مافي حد يبي يشتغل
ارفعو الرواتب من قبل وبعد وبعد مايتقدمون
فااابن البلد الاصيل غير غير وما نكران او جحود بالغير ولكن هذه حقيقه من خلال تجربه لي
وشى تربينا وزرع فينا من قبل ابوي وامي الاميين في التعليم تالله يرحمهم
وبعدين كل موطن ومقيم هو مسؤل ويقدم دعم يعني المشاركه من الجميع مهب بس نقط علمسؤليه علىهم
ليش تسيرون مواطنين سلبيين
انا افضل نشر منهج تعلمي امني ومروي وتنتحقيقي يتغير مع المراحل العمريه
ولو يكون هناك تدريب صيفي من خللا المراكز القريبه
والله انا مستعد ادفع للداخليه مرتب شهري لهم لو لدي اذا يدربونه في مراكز الشرطه
في الصيف

انا اللي بادفع لهم وباقولهم جزاكم الله خير

[عثرة جواد]

هههههههههههه

ضحكتيني اختي نفس الشي صار معاي بس موضوع مختلف وتميت ساعة

واخرشي اتصلت وقلت لها اختي ف دوريات والا كلهم ف الكرك قالت يمكن رايحين بربك

ههههههههههههه

[العنيده]

الله يجزاج خير اختي ان شاء الله .. يمكن ماوصلت الدوريه بس انتي باذن الله قطعتي عليهم شي ممكن كان يضرهم ..
صار لي موقف مشابه استعراض على بطابط على الدوار وصغار ماقدرت اااكمل لين رجعت لهم ..
نعتب على اولياء الامور ماسالوا عنهم .. الاولاد نعمه عطوهم دلعوهم بس علموهم القوانين والسلامه ..

وبالنسبه لتاخر الدوريات .. ياريت يكون في دوريات بكل مكان في اشياء اهم من المخالفات والله :omen2:

[PowerQ]

غلطان هناك زياده يارجل ماشفتها ماخلو مكان مااستقبلو فيه طلبات التوظيف
مشكلتنا في قطر مثل ماذكرت الاول كان الكثير منهم قطريين الحين مافي حد يبي يشتغل
ارفعو الرواتب من قبل وبعد وبعد مايتقدمون
فااابن البلد الاصيل غير غير وما نكران او جحود بالغير ولكن هذه حقيقه من خلال تجربه لي
وشى تربينا وزرع فينا من قبل ابوي وامي الاميين في التعليم تالله يرحمهم
وبعدين كل موطن ومقيم هو مسؤل ويقدم دعم يعني المشاركه من الجميع مهب بس نقط علمسؤليه علىهم
ليش تسيرون مواطنين سلبيين
انا افضل نشر منهج تعلمي امني ومروي وتنتحقيقي يتغير مع المراحل العمريه
ولو يكون هناك تدريب صيفي من خللا المراكز القريبه
والله انا مستعد ادفع للداخليه مرتب شهري لهم لو لدي اذا يدربونه في مراكز الشرطه
في الصيف

سؤالي واضح، ليش اعداد الدوريات قليلة؟ وإذا قلتلي فيه دوريات كثير.. إذاً اين هم؟
ثانياً قعدت تقول "ليش نسير مواطنين سلبيين" ، شكلك فاهم غلط! فيه اجرائات قانونية مايصّح انك تنفذها ضد طرف اخر في مثل هذه الحالات، لازم شرطي..
نحن جالسين نتكلم عن واجبات أساسية وبديهية للداخلية.. تبينا نمسك شغلهم عنهم بعد؟ عجيب

[Riku3]

انا للحين عندي امل فيهم وترى في منهم المهتم وفي منهم الغير ملتزم وما نقدر نعمم .. والله يجزاهم خير على تفاعلهم وترى لو صار حادث خطير او حريق للامانه يتواجدون في وقت قياسي الله يقويهم ..

انا صارلي 3 مواقف سلبية بذكرهم بشكل مختصر ..

الاولى لقينا ناطور عندنا مضروب وسارقين منه "خمور" كان يخشها عنده .. مباشرة تحركت للمكان ومسكنا العمال واتصلنا على تسعات وبعد ساعه ونص من المكالمات الوارده لنا وكل واحد يسأل شالسالفة ؟؟ .. ما جاتني دورية واخر واحد قالي تعال قدم بلاغ .. حليت المشكلة بتسفير العمال .

الثانية رحت لملك خاص وقالولي العمال ان في عامل منخش في غرفة اللفت ومعاه بنت فلبينية .. نفس الشي اتصلت على تسعات وبعد ساعه ما جاني حد وقالولي تعال قدم بلاغ .. وهنا رحت اقدم بلاغ وكان الضابط المناوب سلبي معاي وقالي روح قدم في الامن الوقائي مالنا حق ندخل عقار !! .. اقوله العقار ملك وشقق والشخص على كفالتنا والفلبينية معاه في غرفة اللفت انا اعطيك الصلاحية الكاملة تدخل وتكسر اي باب تبي بصلحه على حسابي .. قال لا روح الامن الوقائي هم يراقبون المكان .. تحركت من عندهم واتصلي ضابط ثاني هاجري الله يجزاه خير يسأل شصار في الموضوع وقتله الي صار معاي في المركز وزعل وتضايق واعتذر مني وهو ما شاء الله عليه اتصلي كذا مره من بداية البلاغ كان مهتم ويحاول يرسلي دورية بس ما قدر ..

الثالثة كنت احاول تأجير عقار وجاني واحد مصري يبي العقار كامل بشيكات اجله الدفع بإسم شيخ وجابلي كل الاوراق الثبوتية ودفتر شيكات .... بعد ما سويت تحرياتي اكتشفت ان الشيخ الله يرحمه متوفي ... رحت بكامل الاوراق لمركز العاصمه ودخلوني على الضابط وايضاً كان سلبي معاي ويقولي شدراك ان متوفي ؟ .. وبعد نقاش يقولي لو صار بينكم شغل ونصب عليك عقب قدم شكوى !!! ..

طبعاً كل هالمواقف بين 2008 الى 2012 .. ومن عقبها ما اذكر اني اتصلت الا لبلاغات عادية مثل تلف اشاره مرور او بلاغ حريق كان جنبي بادي وما كنت طرف في الشكوى فما ادري شصار عقب .

[أم محمد 90]

جان نزلتي بزختيهم وايييي حرررروني
يبيلهم الخدامة الافريقية اللي ضربت الياهل فالفيديو

[سـ ع ـود]

جان نزلتي بزختيهم وايييي حرررروني
يبيلهم الخدامة الافريقية اللي ضربت الياهل فالفيديو

ههههههههههههههههههههههه


انا صارلي موقف وحيد وسلبي مع 999 كنت في سوق العلي وجاتني وحده من جنسية عربية اطر ، قلتلها الله يعطيج تمت تلحقني لين افقدت الامل وقامت اتسب لاني ماعطيتها فلوس ، اتصلت 999 رد علي واحد يتكلم عربي مكسر ، شرحت له الموضوع وقالي اللحين بنرسل لك دوريه ، ساعه ونص الله وكيلكم ماشفت ولا شميت ريحة دوريه ، كل ربع ساعة واحد متصلي يستفسر منهم عن الموضوع، لين فقت الامل قلتلهم خلاص مشكورين مابي منكم شي ولحد يتصلي مره ثانية ، انا الغلطان متصل.
:)

[bus3od]

من الردود طرى على بالي سؤالين :

الأول تونا مليونين و نص اذا صرنا 6 مليون هل الشرطه بتلحق تستجيب لجميع البلاغات ؟

الثاني هل شعار ( الشرطة في خدمة الشعب ) سيستمر مع التزايد السكاني أم انه اختفى أساسا؟

[حسن]

المسئله مهب زياده عدد افراد امسئله توزيع العمل والاداور بالعكس انا اشوف العدد شي غير طبيعي
ولكن مافي ترتيب ومافي رقابه يعني عمل يقوم به واحد تلقى 3 افراد وهو في السابق يؤديه واحد وعلى اكل وجه
هي مسئله التوزيع فقط وبتلقى فائض من الموارد البشريه

[mersal]

انتي لو قايله ان اليهال اللي يلعبون اجانب شعورهم شقر وعيونهم خضره

جان ثواني وجفتي الدوريه عندج ،،

ولد البلد روحه رخيصه ،، لكن الامريكي ولا البريطاني والي على شاكلتهم دمهم غالي

حتى في هذه صار فيه اجنبي وابن بلد،،،

يسيدي اطمن الاجنبي ما بعمل هاي التصرفات شو رايك

[bus3od]

حتى في هذه صار فيه اجنبي وابن بلد،،،

يسيدي اطمن الاجنبي ما بعمل هاي التصرفات شو رايك

و لووو يا زلمه بيعمل أكتر من هيك كمااان
شوووو ما بتابع باب الحاره ؟

[كلام ساخر]

مشكورة اختي على الاهتمام والحرص
وان دل فانما يدل على روح المسؤولية الي تتحلين فيها
والغريب فعلا رجال ما عندهم حس المسؤولية
وهالشي واجب ع الجميع
ولو هالمراهقين شافو رجال نزل من سيارته بيتغير تصرفهم
لكن للاسف شافوا محد كلف ع نفسه وبادر
ولذلك تمادوا
اما بخصوص الدوريات
يمكن الاخ راح اشارة ثانية
وما عرف المكان

[قطري 777]

الظاهر انها اول مره واخر مره تبلغين ههههههاي
على العموم الشباب متاثرين بكاس الخليج ويازون المنتخب ويعبرون عن شعورهم صحيح غلط بس تاكدي 48 ساعه وتنتهي البطوله ومارح يلعبون بشا رع .

:victory:

[المحاميه]

ماعندي تعليق


اظاهر ربعنا متمللين



:)

المهم ياختي سويتي اللي يمليه عليج ضميرج


يعطيكم العافيه

[السفير العربي]

غلطان هناك زياده يارجل ماشفتها ماخلو مكان مااستقبلو فيه طلبات التوظيف
مشكلتنا في قطر مثل ماذكرت الاول كان الكثير منهم قطريين الحين مافي حد يبي يشتغل
ارفعو الرواتب من قبل وبعد وبعد مايتقدمون
فااابن البلد الاصيل غير غير وما نكران او جحود بالغير ولكن هذه حقيقه من خلال تجربه لي
وشى تربينا وزرع فينا من قبل ابوي وامي الاميين في التعليم تالله يرحمهم
وبعدين كل موطن ومقيم هو مسؤل ويقدم دعم يعني المشاركه من الجميع مهب بس نقط علمسؤليه علىهم
ليش تسيرون مواطنين سلبيين
انا افضل نشر منهج تعلمي امني ومروي وتنتحقيقي يتغير مع المراحل العمريه
ولو يكون هناك تدريب صيفي من خللا المراكز القريبه
والله انا مستعد ادفع للداخليه مرتب شهري لهم لو لدي اذا يدربونه في مراكز الشرطه
في الصيف

انا اللي بادفع لهم وباقولهم جزاكم الله خير

القضية ليست في قلة العدد ، وإنما القضية في مركزية الوزير وعدد الوظائف التي يشغلها ، فتسبب في وجود فجوة أخلت بالأداء العام في وزارة الداخلية ، الوزارة تحتاج الى وزير متفرغ لها يعاونه وكيل وزارة فعال ، أما بهذا الشكل الواقعي سوف نرى ضعف الآداء العام وأول لبناته الفوضى المرورية التي عمت الطرق .

[ya3coub]

رحم الله والديج و زين ما سويتي

للأسف بمثل هالحالات بدال ما يقولون مو شغلنا يوعدونج بانهم يرسلون دورية و بس

روح الأمومة و المواطنة و اهم شي تفكيرج بالناس الي متأذية و بحالة الحوادث اهم بيتضررون "سائقين المركبات"

الواحد اول شي يبلغ و اذا مافي تجاوب يحاول يصلح بنفسه نفس ما سويتي و بعدها يرجع يبلغ و يوصل الشي الي لقاه او اصلحه للمسؤولين مو لأنه اصلح بل لإصلاح و تنبيه الي من واجبهم التفاعل اسرع و دورهم و وظيفتهم حماية المجتمع و الحفائ على امن و استقرار الماكن العامة حتى لو كانت من هالصغار.

اذا بعمر 12-14 سنة ما يحترمج و يعاند بكرة لما يصير 18-20 شنهي التصرفات الي بتطلع منه تتوقعون ؟؟

[معماري قطري]

في كثير من الدول القانون يجرم الدخول في طريق عام من قبل المشاة .. وهناك حواجز قوية لا يستطيع الماشي تجاوزها بسهولة في الطرق السريعة .. وهناك معابر محددة للمشاة في بعض الشوارع الداخلية .. عندنا العمال يتنططون من جهة لجهة حول شارع مثل شارع سلوى سريع وحديث وناقص في التصميم .. ولو مات عامل تندفع ديته والمفروض ورثته يصلحون سيارة المسكين اللي دعمه غصب عليه.

تطوير الأَنظمة شيء مهم ووضع قوانين لمثل هذي الحالات يتعاملون معاها الشرطة ببوضوح وسرعة شيء مهم.

ودوم فيه شيء مهم مفقود في كثير من الادارات عندنا اللي هو اجراءات التطبيق لكل وضع وسيناريو .. فهي اجراءات محددة ويجب أَن تكون مدروسة ومحفوظة لدى جميع المتعاملين بها

[مضارب دوسري]

ملاحضتك في مكانها

مره لقيت طفل على الشارع واقف وصغير واسمر استغربت لما طفته قلت شكله بيقطع الشارع كان اخذ الدوار ارجع له
واكلمه مايرد وقفت معاي مره اذكرها اردنيه جزاه الله خير كانت شافته ورجعت وانا سبقتها وخذته وركبته وقفت وركب
معاي
فابلغت العملبات قلت لهم شوفولي اقرب دوريه موجوده وبلغتهم بالموقع وبلاغ واضح
فاقالولي انتظرهم قلت انا واقف كان تقوم المره ودور في البيوت اللي جنوب ناد ي الغرافه قالت باشوف
يمكن القى هله قلت لها روحي وانا بانتظر الدوريه باسلمه لهم اذا جات
وخذ تلفونات من واحد الى واحد وكل واحد يقولي وصف مكانك
يعني الصراحه استغربت مره من التحريات ومره من النجده ومره مادري من من
انتظر اشوي الى اشوف ذاك الخال المصك كان يطوفني ويطالعني ويشوف الولد
كان يتكلم الولد دادي داي
:(

وقف لي وانزلت معاه وراح لبوه كان يطلع نيجيري مادري من وين
المهم قلت له انا شفته على الشارع وصغير يمكن حول 5 سنوات وبلغت الشرطه وزين انت طلعت
المهم بعد ماشكررني الا الاتصال الثالث مادري الرابع من البوليس انت وين قلت انت مين بعد
قلت على العموم خلاص لقيت ابوه وسلمت اياه كان يقولي ياريت تعطيني اسممه ورقم البطاقه والتلفون
:rolleyes2:

يقولي هل ابوه ولا لا قلت يارجال اللون راكب ميه في الميه ويوم شاف ابوه قال دادي دادي
:)

المهم قلمت بالواجب وكفيت البحث والتحري وانتهى الامر
السؤال مهب الكل يقدر يتصرف ويبلغ صح والاتصالات الكثيره كل شوي يتصلي رجل امن
بس حبيت اعرف اول مااتصلتي من كلمك ريال ولا مره

كان يبي رقم البطاقه والرقم عشان ينسب هالانجاز لنفسه