المساعد الشخصي الرقمي

مشاهدة النسخة كاملة : استفسار بخصوص الفورد f150


أبوفايد
23-11-2014, 09:00 AM
سلام عليكم


يا اخوان شرايكم بفورد اف 150 بشكل عام من ناحية الاداء وقطع الغيار والخرابات

* هل فقط تصليحه في الوكاله او في له تصليح خارجي
* اسعار قطع الغيار بشكل عام
*هل انه موديل 2009 و 2010 فيهم خرابات ومشاكل

يا ريت الي جرب هالموتر يفيدني لاني حصلتلي واحد ممشاه تحت ال80

والسموحه عالاطاله
الســـهم
23-11-2014, 10:40 AM
سلام عليكم


يا اخوان شرايكم بفورد اف 150 بشكل عام من ناحية الاداء وقطع الغيار والخرابات

* هل فقط تصليحه في الوكاله او في له تصليح خارجي
* اسعار قطع الغيار بشكل عام
*هل انه موديل 2009 و 2010 فيهم خرابات ومشاكل

يا ريت الي جرب هالموتر يفيدني لاني حصلتلي واحد ممشاه تحت ال80

والسموحه عالاطاله

السلام عليكم ورحمة الله وبركاته ..

من ناحية الأداء :- السيارة فيها 360 حصان , شايلة نفسها ماشاء الله ولا كأنك تسوق بيك أب بالرغم من حجمه الكبير , وصرفية البترول ماتلقاها حتى بسيارات الـ 4 سلندر تبارك الرحمن , وإذا جيت لمتعة القيادة والثبات والريافة فتلقاها بلا مبالغة أفضل من منافسينها ..

من ناحية قطع الغيار :- مشكلة الفورد إنك ماتلقى قطع غياره إلا فالوكالة , وبعض المرات قطع غيار استهلاكية ماتلقاها بسبب الوكيل السيء , والأمر من هذا كله إن قطع الغيار ماعندهم غير فرع واحد موجود بوكالتهم فالصناعية وأي قطعة لو اختربت وهي عالضمان لازم تروح الصناعية علشان تبدلها (على سبيل المثال بطارية السيارة مع انها موجودة بالسيرفس مالهم اللي جنب اللاند مارك الا انهم ارفضوا يبدلونها الا فالصناعية ) ، والعكس تماما موجود بالسعودية (قطع غيار الفورد والصيانة موجودة بكل شارع) ..

من ناحية الإعتمادية :- الموتر قليل الأعطال ماشاء الله , وغير الصيانه الدورية مايحتاج أكثر , واشوف اسعار الصيانه مقاربه لأسعار الجمس والشفر ..

الموتر اللي تتكلم عنه ممشاه بسيط جدا ماشاء الله , عني انا عندي موديل 2013 وايضا 2012 عند صديق ولله الحمد ما اشتكينا من اي شي لحد الآن ..

وبالتوفيق اخوي العزيز ..
أبوفايد
23-11-2014, 11:34 AM
السلام عليكم ورحمة الله وبركاته ..

من ناحية الأداء :- السيارة فيها 360 حصان , شايلة نفسها ماشاء الله ولا كأنك تسوق بيك أب بالرغم من حجمه الكبير , وصرفية البترول ماتلقاها حتى بسيارات الـ 4 سلندر تبارك الرحمن , وإذا جيت لمتعة القيادة والثبات والريافة فتلقاها بلا مبالغة أفضل من منافسينها ..

من ناحية قطع الغيار :- مشكلة الفورد إنك ماتلقى قطع غياره إلا فالوكالة , وبعض المرات قطع غيار استهلاكية ماتلقاها بسبب الوكيل السيء , والأمر من هذا كله إن قطع الغيار ماعندهم غير فرع واحد موجود بوكالتهم فالصناعية وأي قطعة لو اختربت وهي عالضمان لازم تروح الصناعية علشان تبدلها (على سبيل المثال بطارية السيارة مع انها موجودة بالسيرفس مالهم اللي جنب اللاند مارك الا انهم ارفضوا يبدلونها الا فالصناعية ) ، والعكس تماما موجود بالسعودية (قطع غيار الفورد والصيانة موجودة بكل شارع) ..

من ناحية الإعتمادية :- الموتر قليل الأعطال ماشاء الله , وغير الصيانه الدورية مايحتاج أكثر , واشوف اسعار الصيانه مقاربه لأسعار الجمس والشفر ..

الموتر اللي تتكلم عنه ممشاه بسيط جدا ماشاء الله , عني انا عندي موديل 2013 وايضا 2012 عند صديق ولله الحمد ما اشتكينا من اي شي لحد الآن ..

وبالتوفيق اخوي العزيز ..

اشكرك على الرد اخوي السهم ويطول بعمرك
بخصوص السيرفس اخوي مثل تبديل الفلاتر والزيوت حصرا في الوكاله ولا اي مكان مثل التيسير ووقود ممكن يغير زيوت؟
وشاكرلك على الرد مره ثانيه
sos 12
23-11-2014, 01:20 PM
اشكرك على الرد اخوي السهم ويطول بعمرك
بخصوص السيرفس اخوي مثل تبديل الفلاتر والزيوت حصرا في الوكاله ولا اي مكان مثل التيسير ووقود ممكن يغير زيوت؟
وشاكرلك على الرد مره ثانيه

ممكن تشتري الاغراض من الوكاله وتروح تبدل في اي مكان ماعندك اي مشكله ... وفاتحين فرع في الاند مارك للسيرفس السريع ممكن تشتري من عندهم الاغراض .... ويجون البيت عندك بعد اذا تبي اتسوي سيرفس ب 100 ريال + السيرفس .
أبوفايد
23-11-2014, 01:51 PM
ممكن تشتري الاغراض من الوكاله وتروح تبدل في اي مكان ماعندك اي مشكله ... وفاتحين فرع في الاند مارك للسيرفس السريع ممكن تشتري من عندهم الاغراض .... ويجون البيت عندك بعد اذا تبي اتسوي سيرفس ب 100 ريال + السيرفس .

بيض الله وجهك اخوي...... لكن انهم يجون البيت للسيرفس هذي حركه عجيبه..

شاكر ردودكم ونتوكل على الله
الســـهم
23-11-2014, 01:53 PM
ممكن تشتري الاغراض من الوكاله وتروح تبدل في اي مكان ماعندك اي مشكله ... وفاتحين فرع في الاند مارك للسيرفس السريع ممكن تشتري من عندهم الاغراض .... ويجون البيت عندك بعد اذا تبي اتسوي سيرفس ب 100 ريال + السيرفس .

اشكر اخوي sos 12 عالاضافة ..

المشكلة انك راح تضطر بكل الاحوال انك تشتري الزيت والفلتر من الشركة لانه مخصوص للفورد , وفهالحالة افضل انك تروح للسيرفس السريع جنب اللاند مارك او انك تطلبهم موبايل سيرفس (خدمة فالمنزل) وتدفع 100 ريال رسوم اضافيه على سعر السيرفس مثل ماقال اخوي sos 12 ..
وحيد-الشوق
24-11-2014, 03:28 PM
هالموتر غير نظرتي للفورد خصوصا الفل اوبشن رحت شفته في الوكالة مواصفات لايعلى عليها ليتات زينون ديم وفل وداخلية تفتح النفس شاشة ونافي وقير ارضي وكراسي جلد مع ذاكرة وفخامة ووسع موتر كامل والكمال لله رب العالمين
الســـهم
25-11-2014, 10:30 AM
هالموتر غير نظرتي للفورد خصوصا الفل اوبشن رحت شفته في الوكالة مواصفات لايعلى عليها ليتات زينون ديم وفل وداخلية تفتح النفس شاشة ونافي وقير ارضي وكراسي جلد مع ذاكرة وفخامة ووسع موتر كامل والكمال لله رب العالمين

واذا الله راد وخذته ان شاء الله اخوي وحيد-الشوق (طبعا 2015 وخل عنك الشكل الحالي بما انه بيتغير كليا) صدقني لأنك بتستمتع بسواقته ولا بتحس بحجمه الا فالمواقف الضيقة جدا نفس سوق واقف ..

من الآخر الموتر ثابت وريف وفوق هذا خفيف فالدعسة ثقيل عالارض ..

اتوقع النوع اللي تقصده هو الـ لاريات بناء عالمواصفات اللي ذكرتها , وهذي الفئة هي الأعلى مبيعا في أمريكا ..
فقط قطر
25-11-2014, 02:49 PM
وش لك بالبحر وأهواله ورزق الله على السيف.....
ويقولك: ماتعرف قديري إلا إذا جربت غيري..
لا الدوج ولا الفورد..
لا وكاله عدله ولا هم يحزنون..
خلك على الجمس...ابرك لك