لماذا لا تحمي أدارة حماية المستهلك من غلاء أسعار الخدم [الأرشيف]

رجل مثالي

25-11-2014, 12:31 AM

لماذا لا تحمي أدارة حماية المستهلك من غلاء أسعار الخدم

أسعار الخادمات من الفلبين وأندونيسيا
وصلت إلى 15000 ريال أو 16000 ريال
ورواتبهم وصلت 1500 ريال
من المسؤول عن حماية المواطنين
من هذه الأسعار الجنونية
والمواطن ما عنده بير بترول
في بيته وممكن محتاج الى
خادمتين أذا الوالدين كبار في
السن أو كان عنده ذوي الأحتياجات
الخاصة أو غير ذلك من الأمور
الهامة العائلية
نتمنى من الجهات المختصة
التدخل لحل هذه الأمور العامة
للمواطنين وعدم التلاعب
في أسعار الخدم وجعل
أسعار موافق عليها من قبل
المواطنين دون خسائر للمواطن
الذي عنده ألتزامات عائلية
كثيرة
نرجو الرد حول الموضوع دون
الخروج عن المتوافق عليه
في المنتدى العزيز

بصمة قطرية

25-11-2014, 12:41 AM

منقهرة من هالسالفة
تكاليف المكتب غالية
و الرواتب بصراحة مصخت 400. دولار
يعني 1460
نقول 1500
وايد وايد مصخوها في الرواتب ..!!
وصلوا 1200
مرة وحدة طاروا ..!!

ارحمونا من هالأسعار ..!!

شيخ الديرة

25-11-2014, 06:40 AM

لماذا لا تحمي أدارة حماية المستهلك من غلاء أسعار الخدم

أسعار الخادمات من الفلبين وأندونيسيا
وصلت إلى 15000 ريال أو 16000 ريال
ورواتبهم وصلت 1500 ريال
من المسؤول عن حماية المواطنين
من هذه الأسعار الجنونية
والمواطن ما عنده بير بترول
.
.
.
.

كيف يحموك من غلاء الأسعار؟ سفارتهم تتفق مع وزارة العمل على الرواتب, واذا ما يعجبهم الراتب يروحون بلدان مجاورة اللي يدفعون أكثر

همر

25-11-2014, 06:56 AM

اشفيهم البوسنيات ؟!!

ليش مب راضيين يفتحون الاستقدام

من شرق اوروبا ؟

ولا حريم المسؤولين مب راضيين !

بدال هالبقمبقا اللي معطينهم وجه

زياده عن اللازم ..

رجل مثالي

25-11-2014, 07:05 AM

كيف يحموك من غلاء الأسعار؟ سفارتهم تتفق مع وزارة العمل على الرواتب, واذا ما يعجبهم الراتب يروحون بلدان مجاورة اللي يدفعون أكثر

ليش الله يسلمك القطريين عندهم بترول
في البيوت كله ديون واقساط الله يسلمك

حسن

25-11-2014, 07:24 AM

ليش الله يسلمك القطريين عندهم بترول
في البيوت كله ديون واقساط الله يسلمك

لا دخلنا في شي ثاني يارجل مثالي
كيف حكمت على الجميع عليهم ديون الله يهداك القطري راتبه الاعلى في العالم والحمدلله عيشته القياده بنعيم
مايحلم به الغير والكل يتمنى ان يكون جوازه عنابي

هذه حقيقه

:victory:

لكن هناك الكثير من يحمله مهب حاس بنعمته ويرجع الى عده اسباب يطول سردها ومهب موضوعنا

المهم

شوف يالنسبه للخدام هو سوق عرض وطلب يعني يخضع للطلب العالمي
وخبرك الحين الرواتب العاليه لها ضريبه في كل شي
يعني البيت اللي فيه خادمه اصبح في عشر خدام هناك فرق
خل احنا نقنن العلمليه يعني المواطن يكتفي بواحده انا اضمن لك بيرخصون
شوي بس
خبرك مافي ثقافه محاربه الاغلاء عندنا والبركه في الرواتب العاليه
وبعدين ترا باقولك حقيقه

التكلفه في البحرين والسعوديه
ترا غاليه ويمكن اغلى بس شوف فرق الرواتب اوه راتب موظف ثانوي يمكن يعدي وكيل وزاره

وبعدين وش سالفه العالم اللي كل يوم مسفره خدم ود وجيب هذه انا لاحظتها كثيرا وخصوصا
ربات البيوت الحارات هذا عاد مالها الى الورد يه

:victory:

رجل الجزيرة

25-11-2014, 08:42 AM

لا دخلنا في شي ثاني يارجل مثالي
كيف حكمت على الجميع عليهم ديون الله يهداك القطري راتبه الاعلى في العالم والحمدلله عيشته القياده بنعيم
مايحلم به الغير والكل يتمنى ان يكون جوازه عنابي

هذه حقيقه

:victory:

لكن هناك الكثير من يحمله مهب حاس بنعمته ويرجع الى عده اسباب يطول سردها ومهب موضوعنا

المهم

شوف يالنسبه للخدام هو سوق عرض وطلب يعني يخضع للطلب العالمي
وخبرك الحين الرواتب العاليه لها ضريبه في كل شي
يعني البيت اللي فيه خادمه اصبح في عشر خدام هناك فرق
خل احنا نقنن العلمليه يعني المواطن يكتفي بواحده انا اضمن لك بيرخصون
شوي بس
خبرك مافي ثقافه محاربه الاغلاء عندنا والبركه في الرواتب العاليه
وبعدين ترا باقولك حقيقه

التكلفه في البحرين والسعوديه
ترا غاليه ويمكن اغلى بس شوف فرق الرواتب اوه راتب موظف ثانوي يمكن يعدي وكيل وزاره

وبعدين وش سالفه العالم اللي كل يوم مسفره خدم ود وجيب هذه انا لاحظتها كثيرا وخصوصا
ربات البيوت الحارات هذا عاد مالها الى الورد يه

:victory:

أشوفك تغلط يا أبو علي:

ومن قالت لك إن القطريين ما عليهم ديون، إلا عليهم ديون وتقريبا من المليون ريال وأكثر.
نسيت تكاليف الزواج وإلا تكاليف البيوت.
الله يسامحك يا أبو علي.

شيخ الديرة

25-11-2014, 08:44 AM

ليش الله يسلمك القطريين عندهم بترول
في البيوت كله ديون واقساط الله يسلمك

رد حسن كفى ووفى

لو فرضنا اليوم صار كلفة الخدامة 30 ألف أستقدام, وراتبها 3 ألاف بالشهر, تتوقع كم عائلة تقرر التخلي عن خدماتهم ويعتمدون على نفسهم كعائلة؟

أنت يا رجل مثالي, روح دردش مع العائلة, وقل لنا ما هي الكلفة التي تعتبر خط أحمر تضطر العائلة بعده ترتيب أمورها بدون خادمة

مرتبش

25-11-2014, 09:18 AM

زيادة تكلفة استقدام الخدم + زيادة رواتبهم = تقليل عددهم

واي شي يهون في سبيل تقليل عددهم

ضوى

25-11-2014, 09:29 AM

شخصيا لو يطلبون اللي بيطلبونه بعد باشتري راحتي وباجيبهم لو 30 الف ولو راتبهم 2000 ريال عادي ،عندي امور وايد اهم من الطبخ والنفخ والغسيل

Rider

25-11-2014, 09:34 AM

والله ياخوي تعبنا من هذا الموضوع

بصمة قطرية

25-11-2014, 02:39 PM

دايموند

25-11-2014, 03:12 PM

هل رواتبهم موحده مع جميع الدول وولا الزياده علينا احنا بس؟!!

حسن

25-11-2014, 03:21 PM

هل رواتبهم موحده مع جميع الدول وولا الزياده علينا احنا بس؟!!

على حسب علمي اليقين ان الزياده في كل دول الخليج
يعني
هناك طلب عالمي ومن حقهم يتشرطون دام في ناس بتدفع لو يطلبون وشو عادي الناس عنده خير وثروه
مايهمها تبي تشتري راحتها ومايشتريها الا اللي قادر
الوضع عندنا اصبح الخدم اكثر من عدد الاسر وهذه حقيقه
وغير ذالك ان دولنا تتهم من قبل المنظمات اللي تعني بحقوق الانسان وغيره
وضاغطه عليهم ضغط
يعني الخدام صداع مهب بس في راس الناس حتى الحكومات الخليجيه ماسلمت من الاتهام
وانا معاهم دام الوضع سايب كلن يجيب علشان قدرتهم الماليه الزايده واللي يتمتع بها المواطن
القطري بالذات عن باقي دول العالم
فيجب ان تعاد دراسه صرف او تخصيص الخدم في المنازل لخطوره الوضع على الاسر من جميع النواحي
التربيه للعيال ومن ثم المسؤليات ومن ثم اجرامهم ومشاكلهم الكثيره وغير السحر
المنتشر
انا اطالب بتقنينهم مثل قانون منع الرعي اللي الزم الجميع

هذا احسن حل وبعدين هذا يخضع لنظريه العرض والطلب والحاجه

وبعدين وايد مكبرين الموضوع تحسسوني كانها موديل سياره كل شوي وخدامه جديده

ولع هو ولا بس دلع ولا موظه

دايموند

25-11-2014, 03:25 PM

حسن افهم من كلامك ان الاسعار غير موحده !!!!

يعني احنا ندفع راتب 1500 ريال للفلبينيه

هل البحرين والسعوديه يدفعون نفسنا؟

حسن

25-11-2014, 03:27 PM

كالعادة
الموضوع عن رسوم المكاتب
و البعض لازم يدخل و يقول اعلى رواتب في قطر
و هل قطر ما عليهم ديون و سلفيات ..!!
حسن ..
اذا انت ما عليك ديون و سلفيات احمد ربك
و لا تعكس معيشتك و صرفك على غيرك
دايماً في كل موضوع لازم ردك ضد القطري
هل بإعتقادك ان الخدم مجرد كماليات
و ما لهم حاجة بس خساير فلوس ..!!
و الله اللي تفكيرة جذي ما بيهمه كم يدفع
المهم يجيب الخدامة و بس ..

اختنا الكبيره بصمه

الزياده مثل ماذكرت في جمميع الدول ترا مهب بس احنا
وبعدين مثل ماذكرت الحكومه ماتستطيع ان تحدد سعرهم هناك دول تحمي رعاياها في الخارج
وبعدين يعتبرون الخدم مهب سلعه اساسيه للمواطن
هذه تعبر من الكماليات والرفاهيه
فالشخص هو اللي يحدد مصيره في الحياه ياابيض يااسود

قولي انتي ولا غيرك

شنهو تشوفونه الحل المنطقي من وجهه نظركم

اين الحلول ؟بدال نقعد نولول ؟

بالنسبه لي وضعت حلول وذكرتها في ردي على دايموند
واعتبره حل مؤقت فقط
لان انتي ماتبين غيرك يدفع ويشيل

هذه هي القصه عرض وطلب

حسن

25-11-2014, 03:33 PM

حسن افهم من كلامك ان الاسعار غير موحده !!!!

يعني احنا ندفع راتب 1500 ريال للفلبينيه

هل البحرين والسعوديه يدفعون نفسنا؟

الله اعرف شخص قريب يوم كان في البحرين ان يدفع راتب السواق 2000 ريال
يعني عندنا ارخص واستغربت والله
ونفس الشي بعد هم يدفعون ويشتكون من رفع الاسعار ولكن شنسوي الحل والله وثم والله يعود
على الزبون نفسه
هذا انا اشوفه من راي او هناك اجماع خليجي موحد مهب بس احنا نحارب وغيري يدفع

جذي بنقعد بدون حل

وبعدين هناك مسؤليه على المكتب وفتره اختبار يعني في صالح الزبون
بالنسبه لي الحمدلله وبفضل الله كل اللي جبتهم ابدا
بالنسبه للهنديه سنوات والى اليوم والبنقال نفس الشي معمرين
اما الاندنوسيه والفلبينيه هذولا يكمل العقد ويروحون

حتى الحين الهنديات حكوماتهم مايكطلعونهم الى بعقود وسنداره وعوار راس
الحل القانون القادم اتوقع انه بيكون حل مؤقت وبيقضى على السمسره
حسب ماعرفت من بعض النافذين
والله اعلم

ماعرف ليش تم السكوت عنه الى الان ولم يصدر

بصمة قطرية

25-11-2014, 03:39 PM

اختنا الكبيره بصمه

الزياده مثل ماذكرت في جمميع الدول ترا مهب بس احنا
وبعدين مثل ماذكرت الحكومه ماتستطيع ان تحدد سعرهم هناك دول تحمي رعاياها في الخارج
وبعدين يعتبرون الخدم مهب سلعه اساسيه للمواطن
هذه تعبر من الكماليات والرفاهيه
فالشخص هو اللي يحدد مصيره في الحياه ياابيض يااسود

قولي انتي ولا غيرك

شنهو تشوفونه الحل المنطقي من وجهه نظركم

اين الحلول ؟بدال نقعد نولول ؟

بالنسبه لي وضعت حلول وذكرتها في ردي على دايموند
واعتبره حل مؤقت فقط
لان انتي ماتبين غيرك يدفع ويشيل

هذه هي القصه عرض وطلب
العرض و الطلب مقيدنا بأسعار خرافية ..!!
يعني انا ما عندي خيارات
انا مقيدة بالأسعار اللي قدامي ..!!
المشكلة كل فترة ترتفع الأسعار ..!!!
طيب ليش ..
من 800 طاروا لين 1500
يعني اللي عنده خدامتين بيدفع 3000
كماليات ضرورية يا حسن ..
ممكن تكون رفاهية عند البعض فقط ..
يعني لما اجيب خدامة تساعدني هل هالشي يعتبر رفاهية ..!!
ما جبتها لطفل و لا جبتها بدون حاجة ..
لازم يشوفون حل لهالأسعار
ليش ارتفعت ..!!
و ليش المكاتب اسعارها تختلف مش ثابته ..
و في مكاتب ممكن تجيب لك الخدامة على الراتب القديم ..

حسن

25-11-2014, 03:44 PM

يابصمه هي مهب بضاعه يشوفون فواتيرها لو في حل كان حلتها الدول الباقيه
قلت لك نفس الارتفاع انا جالس مع ناس ونفس الشي

شوفي اذا انتي تبين قولي لي اخبر اخوي عنده طريقه يجيبهم فيه ورخيصه
ومش عن طريق المكاتب
بس على الخاص

بصمة قطرية

25-11-2014, 03:53 PM

aloosh

25-11-2014, 04:00 PM

المواطن القطري بكبره يبي حمايه قام ينطق ويسب من الوافدين جات على مكتب الخدم

abu m7md

25-11-2014, 04:12 PM

انا اطالب برفع سعر الخدم الى 50 الف الاستقدام والراتب يصل الى 5000 ريال شهريا

شيخ الديرة

25-11-2014, 04:41 PM

العرض و الطلب مقيدنا بأسعار خرافية ..!!
.
.
.
.
من 800 طاروا لين 1500
.
.
.
.
ليش ارتفعت ..!!

يعني ال 1500 كثيرة لما تجي على راتب أنسانة مشتغلة بالغربة حتى تعيش عائلة فقيرة ببلادها, لكن لما نشتري كيكة عيد ميلاد ب 250 ريال عادي جدا, ولما نحجز لها تذكرة حتى تروح ويانا يومين الى دبي ب 900 ريال عادي جدا

أعادة تقييم أولويات الصرف كل ستة أشهر ضروري جدا لتفادي النفقات غير الضرورية

رجل مثالي

25-11-2014, 06:07 PM

انا اطالب برفع سعر الخدم الى 50 الف الاستقدام والراتب يصل الى 5000 ريال شهريا

الله يسلمك لأنك تاجر عادي بالنسبة لك
أذا كان هذا الأمر مكلف عندك جان كلامك كان شئ آخر

رجل مثالي

25-11-2014, 06:09 PM

ع

يعني ال 1500 كثيرة لما تجي على راتب أنسانة مشتغلة بالغربة حتى تعيش عائلة فقيرة ببلادها, لكن لما نشتري كيكة عيد ميلاد ب 250 ريال عادي جدا, ولما نحجز لها تذكرة حتى تروح ويانا يومين الى دبي ب 900 ريال عادي جدا

أعادة تقييم أولويات الصرف كل ستة أشهر ضروري جدا لتفادي النفقات غير الضرورية

الله يسلمك أصابع اليد مختلفة والناس كذلك
فهناك ألتزامات كثيرة يجب العمل بها من رب الاسرة
غير مسألة موضوع الصرف على جلب الخدم
من ديون بناء وديون كثيرة والتزامات عائلية

بن غيث

25-11-2014, 06:19 PM

اول مره اشوف سفارة دولة مصدرة للعمالة اقوى من وزارة او جهة حكومية ..
وكلامها يمشي ..
وبكرة بنشوف سفارة النيبال وسيريلانكا تصدر بعد اوامر لوزارة العمل ..

رجل مثالي

25-11-2014, 06:34 PM

اول مره اشوف سفارة دولة مصدرة للعمالة اقوى من وزارة او جهة حكومية ..
وكلامها يمشي ..
وبكرة بنشوف سفارة النيبال وسيريلانكا تصدر بعد اوامر لوزارة العمل ..

نعم أخوي الله يستر يجب التدخل لحل
هذا الموضوع من ذوي الاختصاص
لعدم تفاقم الوضع أكثر
من جميع البلدان علينا
في موضوع الخدم تكون كارثة على المواطنين

رجل مثالي

25-11-2014, 07:12 PM

عمل إدارة حماية المستهلك

استمرار العمل في مراقبة حركة الأسعار والعمل على الحد من ارتفاعها. القيام بنظام مراقبة حركة الأسعار الكترونياً. إعداد العديد من الدراسات منها (دراسات التحليل المالي والاقتصادي للأسعار -إعداد دراسات تم تحديدها وفق الخطة الإستراتيجية للإدارة- إعداد تقارير دورية). تلقي شكاوي المستهلكين والتعامل معها وحلها.

رجل مثالي

25-11-2014, 09:10 PM

منقهرة من هالسالفة
تكاليف المكتب غالية
و الرواتب بصراحة مصخت 400. دولار
يعني 1460
نقول 1500
وايد وايد مصخوها في الرواتب ..!!
وصلوا 1200
مرة وحدة طاروا ..!!

ارحمونا من هالأسعار ..!!

أختي كلامج ممتاز أفضل من بعض
الردود التي تؤيد الغلاء
على حساب الغير ممكن في
ناس عندها ألتزامات عائلية كبيرة
والبعض لا فيجب القضاء
على الغلاء الفاحش لأن هناك
ألتزامات أخرى كثيرة عند العائلات
ورب الأسر من بناء وديون وعيال
ومصاريف كثيرة لرب الاسرة
فيجب تدخل حماية المستهلك

رجل مثالي

25-11-2014, 09:16 PM

يعني ال 1500 كثيرة لما تجي على راتب أنسانة مشتغلة بالغربة حتى تعيش عائلة فقيرة ببلادها, لكن لما نشتري كيكة عيد ميلاد ب 250 ريال عادي جدا, ولما نحجز لها تذكرة حتى تروح ويانا يومين الى دبي ب 900 ريال عادي جدا

أعادة تقييم أولويات الصرف كل ستة أشهر ضروري جدا لتفادي النفقات غير الضرورية

أخوي الراتب عندهم يعمل لهم
الشئ الكثير في بلدانهم مب أحنا
كله صرف على أمور كثيرة

حسن

25-11-2014, 09:28 PM

أختي كلامج ممتاز أفضل من بعض
الردود التي تؤيد الغلاء
على حساب الغير ممكن في
ناس عندها ألتزامات عائلية كبيرة
والبعض لا فيجب القضاء
على الغلاء الفاحش لأن هناك
ألتزامات أخرى كثيرة عند العائلات
ورب الأسر من بناء وديون وعيال
ومصاريف كثيرة لرب الاسرة
فيجب تدخل حماية المستهلك

اوكي

انا معاك بس حمايه المستهلك تهقى دورها بعد في رواتب الخدم
معقوله بس ماعاد وراها هل البلاوي
وانت تفتكر ان حمايه المستهلك قاعدين بطالي انت لو تعرف وش يسون كان بتنصدم
انا اقترح عليك زياره مديرهم وخل يرويك نشره الاسعار بينا وبين الدول المجاوره
وبعدين ليش ماقلت وين ثقافه المستهلك ليش عندنا في الزيرو
سايرين شهوب مستهلكه هل مستحيل نغير من سلوكياتنا
شي صعب يعني

ماشفت الدول المتقدمه عندها خدم وشوف اوروبا كلها
كل شي نبي الدوله تعالي زين واحنا ايش نسوي
بس ناكل ونسافر ونبي خدم علشان نجدد شهر العسل ولا نبي نسافر كل ويكند
محد يمسك عيالنا
اتمنى لو كان موضوعك كيف نحد من ظاهره الخدم وعمليه الاستغلال

كان انا اول من ايدك

روح شوف من ماسك العيال في الحدايق والمجمعات والمدارس
شي يخوف الصراحه
حتى الرياضه تعالي معاي يالخدامه حتى الشغل افتحيلي الباب ونزلي لي الشنطه
الصراحه مناظر مقززه والله واخجل من مشاهدتها تذكرني
بابيام كونتا كونتي

:(

رجل مثالي

25-11-2014, 09:29 PM

رد حسن كفى ووفى

لو فرضنا اليوم صار كلفة الخدامة 30 ألف أستقدام, وراتبها 3 ألاف بالشهر, تتوقع كم عائلة تقرر التخلي عن خدماتهم ويعتمدون على نفسهم كعائلة؟

أنت يا رجل مثالي, روح دردش مع العائلة, وقل لنا ما هي الكلفة التي تعتبر خط أحمر تضطر العائلة بعده ترتيب أمورها بدون خادمة

أخوي الله يسلمك هذا الوقت ممكن الاسرة عندها ظروف كثيرة من ظروف علاج وظروف وألتزامات كثيرة للاسرة كيف يمنع على أسرته من جلب خدم ممكن الزوجة عندها علاجات ومواعيد مشفى وامور البيت الكثيرة كيف لا يكون فيه خادمة وغيرة عند الأسر

رجل مثالي

25-11-2014, 09:33 PM

اوكي

انا معاك بس حمايه المستهلك تهقى دورها بعد في رواتب الخدم
معقوله بس ماعاد وراها هل البلاوي
وانت تفتكر ان حمايه المستهلك قاعدين بطالي انت لو تعرف وش يسون كان بتنصدم
انا اقترح عليك زياره مديرهم وخل يرويك نشره الاسعار بينا وبين الدول المجاوره
وبعدين ليش ماقلت وين ثقافه المستهلك ليش عندنا في الزيرو
سايرين شهوب مستهلكه هل مستحيل نغير من سلوكياتنا
شي صعب يعني

ماشفت الدول المتقدمه عندها خدم وشوف اوروبا كلها
كل شي نبي الدوله تعالي زين واحنا ايش نسوي
بس ناكل ونسافر ونبي خدم علشان نجدد شهر العسل ولا نبي نسافر كل ويكند
محد يمسك عيالنا
اتمنى لو كان موضوعك كيف نحد من ظاهره الخدم وعمليه الاستغلال

كان انا اول من ايدك

روح شوف من ماسك العيال في الحدايق والمجمعات والمدارس
شي يخوف الصراحه
حتى الرياضه تعالي معاي يالخدامه حتى الشغل افتحيلي الباب ونزلي لي الشنطه
الصراحه مناظر مقززه والله واخجل من مشاهدتها تذكرني
بابيام كونتا كونتي

:(

الله يسلمك حتى في الدول الأوروبية عندهم خدم ماسكين عيالهم في كل مكان وعندهم جالسات او حاضنات للاطفال
وامور كثيرة وعندهم خادمات وغيرة مش بس عندنا الله يسلمك
وهناك بعد عندهم مال امور مساج ورياضة وتدليك هاي الأشياء الحمدلله لا توجد عندنا

abu m7md

26-11-2014, 02:00 PM

الله يسلمك لأنك تاجر عادي بالنسبة لك
أذا كان هذا الأمر مكلف عندك جان كلامك كان شئ آخر

مرحبا اخوي رجل مثالي
فهمتني غلط وانا اخوك
نبي بعض البنات يقرون فبيوتهم ويحفظونه ويصونونه
كثرت الخدمه وتوكليهم مهامهم المنزليه والتربويه
خلت البعض تتهرب من المسؤليه
اتمنى اني وضحت لك وجهت نظري :)
تقبل مروري

يمامـة

26-11-2014, 02:26 PM

هل حتى نقلل من وجود الخدم في البيت نترك العنان لارتفاع اسعارهم في الدولة؟

منطق غير مقبول ابدا..

احنا بحاجة الى اضافة حماية المواطنين من ارتفاع الاسعار الى قسم حماية المستهلك..

هذا ابسط مطلب للمستهلك ومع هذا حماية المستهلك مالها خص فيه..

رجل مثالي

26-11-2014, 03:49 PM

جوال 11

26-11-2014, 06:05 PM

كيف يحموك من غلاء الأسعار؟ سفارتهم تتفق مع وزارة العمل على الرواتب, واذا ما يعجبهم الراتب يروحون بلدان مجاورة اللي يدفعون أكثر

طلب الخادمة من الفلبين مباشرة بستة الاف ريال 6000 ريال فقطوفي قطر المكاتب تضع السعر الذي يناسبهم ولا يلتفتون لاحد

رجل مثالي

26-11-2014, 06:19 PM

طلب الخادمة من الفلبين مباشرة بستة الاف ريال 6000 ريال فقطوفي قطر المكاتب تضع السعر الذي يناسبهم ولا يلتفتون لاحد

شكرآ على مشاركتك وفكرة
حلوة الطلب المباشرت
ولكن أخوي في حالة
هروبها تخسر المبلغ لانه بدون ضمان ممكن