جلسة تداول يوم الثلاثاء 25/11/2014

[غريب الدّار]

بسم الله الرحمن الرحيم

أصبحنا وأصبح الملك لله

على بركة الله نفتتح الجلسة

[ummuneera]

ربي .. أنت المُيسَر , وأنت المُسهَل , سهَل أمري , وحقق مطلبي , وسخر ليَ ماهو خيرً ليَ في كل أمري�

[الرايــق]

السلام عليكم
صبحكم الله بالخير

ماشالله عليك يا راعي الموضوع من الساعه 5 ونص عاد !
:)

[.:: القيصر ::.]

السلام عليكم صباح الخير

و بالتوفيق للجميع ان شاء الله

[atiq]

السلام عليكم جميعا

مشكور يا غريب الدار هلى الافتتاحية

[لـبـيـه]

السلام عليكم ورحمة الله وبركاته

[غريب الدّار]

السلام عليكم
صبحكم الله بالخير

ماشالله عليك يا راعي الموضوع من الساعه 5 ونص عاد !
:)
صباح النور
ايه والله من الساعة 5 ونص عاد
:)

[الريان76]

السلام عليكم ورحمه الله وبركاته

صبحكم الله بالخير :nice:

شوووووووو هالجوووو يبي له سحبه :shy:

[لـبـيـه]

السلام عليكم ورحمه الله وبركاته

صبحكم الله بالخير :nice:

شوووووووو هالجوووو يبي له سحبه :shy:

والشاي ؟؟؟

[الريان76]

والشاي ؟؟؟

برزت لهم الدلال:victory:

[غريب الدّار]

أتمنى تواجد الاخوة المحللين

خصوصا بداية التداول

[غريب الدّار]

اطلب طلب من كل من راح يشارك :

ارجو عدم الطعن في أي حد

النقاش مسموح

لا لتقديس المحللين
وفي نفس الوقت لا للتجريح فيهم


ندري كل شخص يخطئ ويصيب

ومن حقنا نناقش أي حد في أي راي يكتبه

الا اذا كان معصوم (وهذا مستحيل)

النقاش بدون تشكيك او استعراض او انحياز لأي طرف دون الآخر

[غريب الدّار]

نصائح عامة :

تابع سهمك

اذا اقتنعت بالربح بيع ولا تنطر احد

فوات الربح ولا خسارة راس المال او التعليقة


لاتطمع اذا كنت ربحان

ولا تخاف اذا كنت مضارب (قصدي اذا فكرت تضارب لازم تقوي قلبك شوي)
يمكن النصيحة الأخيرة صعبة علي بس هي الصح

[غريب الدّار]

الريان مطلوب ومعروض بسعر السوق

[غريب الدّار]

اللي عارض في صناعات على 191.10
طيب كان خليت السعر 191 احسن
ليش العشر دراهم؟


هالصفقة ان صارت لا سمح الله المؤشر ماراح ينزل
الا بيندفن

[غريب الدّار]

المصرف مطلوب بسعر السوق

[غريب الدّار]

نصايح عامة :

اذا بعت لاترجف وتذم السوق
واذا شريت لاتطبل

[غريب الدّار]

الاخوان :
بو الريم
لوفر
اضرب واشرد

أطالب بتواجدكم في الجلسة كلما امكن ذلك

[غريب الدّار]

سهم الصناعات حاليا مطلوب بسعر السوق

[لـبـيـه]

برزت لهم الدلال:victory:

كفو عليج خلاص مرخوصه

[لـبـيـه]

نصايح عامة :

اذا بعت لاترجف(لاترقل ) وتذم السوق
واذا شريت لاتطبل

صحيح :secret:

[غريب الدّار]

نصايح عامة :


بعض المرات متابعة السهم افضل من متابعة المؤشر

لان بعض الأسهم ممكن تحقق أهدافها والمؤشر نازل

[الريان76]

نصايح عامة :


بعض المرات متابعة السهم افضل من متابعة المؤشر
لان بعض الأسهم ممكن تحقق أهدافها والمؤشر نازل

يعطيك العافيه على هالنصايح المفيدة:victory:

[بوثاني الريان]

السلام عليكم ورحمه الله وبركاته

صبحكم الله بالخير

[بوثاني الريان]

صباح الورد والمطر والزعفران على الغالي غريـــبـــ

[غريب الدّار]

يعطيك العافيه على هالنصايح المفيدة:victory:
الله يعافيج يالشيخة

صباح الورد والمطر والزعفران على الغالي غريـــبـــ
هلا والله

صباح الفل والورد
هلا والله بو عسلة

تو مانوّرت الجلسة

[غريب الدّار]

المؤشر يفتتح مرتفعا بأكثر من ستين نقطة

[بوثاني الريان]

النور نورك الله يرحم والديك غريبــ

[غريب الدّار]

هبط المؤشر شوي ورجع ارتفع

مادري أي صفقة خلته ينزل تقريبا عشرين نقطة او اكثر بشوي

[غريب الدّار]

النور نورك الله يرحم والديك غريبــ

والدينا ووالديك

[بوثاني الريان]

الوضع مايطمن

[غريب الدّار]

المؤشر دخل في الأحمر مرة وحدة

اعتقد صناعات لها دور كبير في الموضوع

[.:: القيصر ::.]

ان شاء الله هبوط

:)

[غريب الدّار]

غريبة
ازدان وصناعات لونهم اخضر

أي سهم اللي داق المؤشر؟

[محروم البورصة 99]

هل مزايا سعرها مناسب للدخول

[غريب الدّار]

التكاقلي ولا صفقة لين الحين

أي صفقة بسعر العرض معناها اخضر
أي صفقة بسعر الطلب معناها احمر

أتكلم عن الوضع الحالي في هالدقيقة

[غريب الدّار]

يرجع الأخضر على خفيف
0.24 نقطة

[غريب الدّار]

الأخضر يزداد

[غريب الدّار]

سهم صناعات لما كان اخضر المؤشر كان احمر
ولما سهم صناعات صار احمر المؤشر صار اخضر

[بوثاني الريان]

ان شاء الله يكون يوم سعيد للجميع في البورصة يارب

[غريب الدّار]

ان شاء الله يكون يوم سعيد للجميع في البورصة يارب

الله يسمع منك يابو عسلة

بس اعتقد صعبة للجميع

اللي يبي يبيع واللي يبي يشتري
وهذا يتمنى عكس ذاك

وربك كريم

[غريب الدّار]

رجعنا للأحمر

تقريبا عشر نقاط

[رذاذ]

صباحكم خير جميعا َ

[غريب الدّار]

السيولة تقريبا اول ربع ساعة تقترب من ال 100 مليون
والمؤشر احمر 23 نقطة

[بوثاني الريان]

وينك يابوالريم تفائلت بتحليله 14000 الف نقطة يوم الثلاثاء ولكن للاسف

[.:: القيصر ::.]

الخليج الدولية

[ابو عبد الرحمن]

ان شاء الله يكون يوم سعيد للجميع في البورصة يارب

يا رب

[غريب الدّار]

وينك يابوالريم تفائلت بتحليله 14000 الف نقطة يوم الثلاثاء ولكن للاسف

انا أقول عساه ماينزل زيادة هالمؤشر

وربك كريم يابو عسلة

[غريب الدّار]

الخليج الدولية

وش بلاها؟

[ashraf2014]

ايش فيها الخليج الدولية

[ahmed saleh]

دا سوووق مش نافع معاه اي حاجه خااالص

[.:: القيصر ::.]

وش بلاها؟

شوف شبلاها

[H H]

مثل ماتوقعت ومثل ماتوقع مضارب رفع المؤشر نهاية تداول امس كان لاستكمال التصريف اليوم , الله لايخسر مسلم

[roma27]

السلام عليكم النزول اكيد بيع الافراد القطرين

[الرايــق]

خاطري افهم اختراق ال 14000 نقطة كيف تم تحليلة على اساس يوم الثلاثاء
:(

[ashraf2014]

السينما سحبت المؤشر لتحت نازله 7%

[H H]

خاطري افهم اختراق ال 14000 نقطة كيف تم تحليلة على اساس يوم الثلاثاء
:(

يعطيك العافيه سؤالك جميل جداً جداً والاجمل اذا المحلل عطاك الشارت وقالك حللته على اساس كيت وكيت وكيت.

[ahmed saleh]

المحافظ الاجنبيه بتدمر في الخليج الدوليه
بيع بشراهه

[الرايــق]

يعطيك العافيه سؤالك جميل جداً جداً والاجمل اذا المحلل عطاك الشارت وقالك حللته على اساس كيت وكيت وكيت.

:shy:

[محروم البورصة 99]

شباب تنصحون بدخول مزايا والمخازن

[roma27]

المحافظ الاجنبيه بتدمر في الخليج الدوليه
بيع بشراهه
يعني القصف جاي من الاجانب الله يستر

[H H]

شباب تنصحون بدخول مزايا والمخازن

لاتمسك السكين وهي ساقطه
لاتمسك السكين وهي ساقطه
لاتمسك السكين وهي ساقطه
لاتمسك السكين وهي ساقطه


من اهم النصايح في عالم الاسهم والي انصحك فيها وبشده

[roma27]

شباب تنصحون بدخول مزايا والمخازن
انتظر لين الشوف وين يستقر السوق

[adell]

انصحك بمزايا

[adell]

لكن اذا عندك استعداد تصبر لشهرين تقريبا

[الرايــق]

السوق باختصار

هههههههههههههههههههههههههههههههههههههه

[ahmed saleh]

دعم 100 مهم جدا في الملاااااحه

[الجسراوي]

يا حي اللي يمتلك الكاش والصبر احلى للمستثمر

قرار ال 5% هو السبب

واذا عرف السبب بطل العجب

لا للتخويف والارجاف وممنوع التطبيل

اللي يمتلك اسهم لا تبيع
اللي متعلق لا تبيع
اللي بيشتري انتظر

ان مع العسر يسرا . ان مع العسر يسرا .
الاحسن سكر الشاشه وعيش حياتك لين يفرجها ربك
وبالتوفيق

[ابو عبد الرحمن]

أكثروا من الإستغفار والصلاة والسلام على رسول الله

[atiq]

السيولة 233 مليون في أول نص ساعة

[.:: القيصر ::.]

المحافظ الاجنبيه بتدمر في الخليج الدوليه
بيع بشراهه

ابشر باللي يشتري بشرااااااها

[H H]

تصريف عيني عينك

[غريب الدّار]

انا اعتقد قريت مرة عن شمعة اسمها شمعة البلاعة

اعتقد السوق غرقان فيها حاليا

:)

[roma27]

تصريف عيني عينك
ان شاء الله يتغير الوضع صعب نبيع على احمر

[بوثاني الريان]

لاحول ولاقوة الا بالله

[roma27]

انا اعتقد قريت مرة عن شمعة اسمها شمعة البلاعة

اعتقد السوق غرقان فيها حاليا

:)
أي بلاعه ما جنا مطر كثر وغرق بعد

[غريب الدّار]

أي بلاعه ما جنا مطر كثر وغرق بعد

السوق غرق

[لـبـيـه]

يوم صناعات تكبس ويوم الوطني والكوره من ؟؟ هههههههههههه

[.:: القيصر ::.]

و تبدء حرب الخليج الدولية

[roma27]

السوق غرق

وين السباح الي بينقذه

[atiq]

يوم صناعات تكبس ويوم الوطني والكوره من ؟؟ هههههههههههه

المفروض يوم ازدان الحين :tease:

[غريب الدّار]

ثلاث شركات مرتفعة

والباقي طبعا سباحة ومب قادرين

غرقوا

[غريب الدّار]

وين السباح الي بينقذه

غرق بعد

[.:: القيصر ::.]

عفستنا المحافظ الاجنبية في الخليج الدولية

شنو هالبيع

:rolleyes2: :eek5:

[ahmed saleh]

المحلل ابراهيم الفيلكاوي
السوق القطري كسر 13600 خروووج حاي العوده فوقه مره اخري
انا للحين مازلت في السوق بسهم ملاحه علشان محد يقول بيرجف
ثانياا الكسرر بيكون بالاغلاق تحت الرقم
ربنا يستررر

[غريب الدّار]

عفستنا المحافظ الاجنبية في الخليج الدولية

شنو هالبيع

:rolleyes2: :eek5:

زين اني ماتابعتها لما قلت لي
:)

مع ان ماشريت ولا سهم في الشركة

[Purple]

خاطري افهم اختراق ال 14000 نقطة كيف تم تحليلة على اساس يوم الثلاثاء
:(

من الي قال يوم الثلاثاء؟

[roma27]

غرق بعد
ابشر بالخضار بعد الحيا

[غريب الدّار]

من الي قال يوم الثلاثاء؟

اخونا المحلل بو الريم
وطبوا في بطنه

وغيره لما كان يخرف يمين ويسار كانوا يطبلون له
:)

يالله ماعلينا

السوق وين وصل؟

:)

[H H]

ان شاء الله يتغير الوضع صعب نبيع على احمر

نصيحه لوجه الله , اذا وصلت لنقطة وقف الخساره بيع ولاتتعلق بامال حتى لو كانت صحيحه! بيع عند نقطة وقف الخساره الي انت محددها من قبل
واذا نزل السوق تقدري تشتري من تحت وتعوض خسارتك وفوقها ربح باذن الله

[بوثاني الريان]

الصراحة الي يصير غير متوقع ابدا نزول عنيف

[أبو لين]

السلام عليكم ورحمة الله وبركاته

صبحكم الله بالخير

شو الحكاية السوق

[بوثاني الريان]

هل نشوف هجمة مرتدة للاخضر

[غريب الدّار]

السلام عليكم ورحمة الله وبركاته

صبحكم الله بالخير

شو الحكاية السوق
وعليكم السلام

هلا حمودة

السوق حكايته حكاية

[غريب الدّار]

هل نشوف هجمة مرتدة للاخضر

ان شاء الله نشوفها اليوم في السوق

بس مانشوفها بكرة في الملعب
:)

[غريب الدّار]

ياجماعة كل واحد يهدي اعصابه ويتذكر شي واحد :

بعد بكرة الخميس
:)

[.:: القيصر ::.]

و احلى انتفاظه في الدولية

[غريب الدّار]

و احلى انتفاظه في الدولية

انتفاضة بالضاد

[بوثاني الريان]

ياجماعة كل واحد يهدي اعصابه ويتذكر شي واحد :

بعد بكرة الخميس
:)



غريبـــــ اقول الله يحفظك يارب دنيا واخرة

[roma27]

السلام عليكم ورحمة الله وبركاته

صبحكم الله بالخير

شو الحكاية السوق
هو انت جيت خليك نايم احسن لك البقيه بحياتك

[غريب الدّار]

غريبـــــ اقول الله يحفظك يارب دنيا واخرة

وياك يابو عسلة

[.:: القيصر ::.]

انتفاضة بالضاد

مب مهم التصحيح الإملائي

الحين اهم شي

تصحيح المال في المحفظة


و شكرا على التصحيح

***** ممتاز

[roma27]

غريب كلنا مع الاخضر البورصي

[غريب الدّار]

مب مهم التصحيح الإملائي

الحين اهم شي

تصحيح المال في المحفظة


و شكرا على التصحيح

***** ممتاز
كنت خايف انك تكتب محفظة بالضاد

لكنك جبتها صح

***** ممتاز

[غريب الدّار]

غريب كلنا مع الاخضر البورصي

يعيش يعيش بريش
يعيش الأخضر بريش

[ashraf2014]

الخليج الدولية بدأت ترتد وبسرعه

[roma27]

الاسلاميه تعمل حركات تغيييظ

[.:: القيصر ::.]

كنت خايف انك تكتب محفظة بالضاد

لكنك جبتها صح

***** ممتاز

لا تخاف كلمة محفظة ماتنكتب غلط :victory:

[ashraf2014]

الاسلاميه القابضة ليها رجالا

[ابو عبد الرحمن]

وعقبال الرعاية تلحقها يا رب

[بوثاني الريان]

هجوم للاخضر من اليمين

[غريب الدّار]

لا تخاف كلمة محفظة ماتنكتب غلط :victory:
لانها اهم شي
:)

مالنا الا هي من بعد الله سبحانه

يالله تحفظ محافظنا

:)

[بوثاني الريان]

هجوم على التكافلي

[بوثاني الريان]

الاخضر يهاجم حتى حارس المرمى معاهم

[مهندس_قطري]

السلام عليكم ورحمة الله وبركاته

صبحكم الله بالخير والربح الوفير :)

[مهندس_قطري]

ارتداد جميل لبروة من 49.70 ،،،هالسهم ما عليه خوف ان شاء الله وابشروا يا مستثمرين هالسهم ال فلّــــه :)

[غريب الدّار]

انا اعتقد السيولة جدا عالية الى الآن

قربنا ال 450 مليون
الساعة عشر ونص تقريبا

[ashraf2014]

كان فيه بيع مخفي في مزايا على 22.40 واتباع كل الكميه

[السد العالمي]

السلام عليكم ورحمة الله وبركاته

صباح الخير ع الجميع

السوق من واقع التحليل الفني حسب تحليل أخواني المحللين الكرام سلبي

ولكن من واقع خبرتي هو تجميع وتخويف للصغار

من يملك كاش يتوكل على الله ويدخل

ومن يملك اسهم أنصحه بالصبر وعدم البيع بخسارة

المستثمر أموره تمام

[غريب الدّار]

السوق يقلص من النزول

بس وش ناوي عليه؟

يمكن نزول اكثر

يمكن استقرار

يمكن يصير اخضر


شرايكم في التحليل بس؟

[ابو عبد الرحمن]

بصراحة هو اريح شيء الإستثمار

[roma27]

السلام عليكم ورحمة الله وبركاته

صباح الخير ع الجميع

السوق من واقع التحليل الفني حسب تحليل أخواني المحللين الكرام سلبي

ولكن من واقع خبرتي هو تجميع وتخويف للصغار

من يملك كاش يتوكل على الله ويدخل

ومن يملك اسهم أنصحه بالصبر وعدم البيع بخسارة

المستثمر أموره تمام
يعني الاخضر بفوز

[السد العالمي]

الاسلاميه القابضة ليها رجالا

والله والنعم فيهم وفي محللهم المبارك

[غريب الدّار]

السلام عليكم ورحمة الله وبركاته

صباح الخير ع الجميع

السوق من واقع التحليل الفني حسب تحليل أخواني المحللين الكرام سلبي

ولكن من واقع خبرتي هو تجميع وتخويف للصغار

من يملك كاش يتوكل على الله ويدخل

ومن يملك اسهم أنصحه بالصبر وعدم البيع بخسارة

المستثمر أموره تمام
وعليكم السلام

اخوي بيض الله ويهك على النصيحة وجزاك الله خير

بس اخوي انت عاكست كل آراء المحللين

هل في سند لرايك اخوي؟

[ashraf2014]

موضوع ال 5% هي السبب في نزول السوق بعد تسوية حسابات اصحاب ال 5% بيرتفع وبقوة

[السد العالمي]

يعني الاخضر بفوز

الفوز للأدعم إن شاءالله والكأس بتشوفه في كورنيش الدوحة

عطنا رأيكم في كلامي

[غريب الدّار]

وعلى فكرة يالسد العالمي :

مع احترامي لكلامك وكلام كل المحللين المعتمدين

كقاعدة عامة :
ليس كل هبوط هو تجميع وتخويف للمستثمرين

انا أتكلم كقاعدة عامة

[غريب الدّار]

موضوع ال 5% هي السبب في نزول السوق بعد تسوية حسابات اصحاب ال 5% بيرتفع وبقوة
هالكلام محتاج تأكيد
لان الكل يقول نفس الكلام بدون أي ادلة



الفوز للأدعم إن شاءالله والكأس بتشوفه في كورنيش الدوحة

عطنا رأيكم في كلامي
الله يسمع منك اخوي

الله كريم

قولوا وراي :
والكاس عنابي
عنابي

[بوثاني الريان]

الفوز للأدعم إن شاءالله والكأس بتشوفه في كورنيش الدوحة

عطنا رأيكم في كلامي

ان شاء الله الادعم

حنا نتكلم بس عن الاخضر البورصي :nice:

[السد العالمي]

وعليكم السلام

اخوي بيض الله ويهك على النصيحة وجزاك الله خير

بس اخوي انت عاكست كل آراء المحللين

هل في سند لرايك اخوي؟

أنا أعتذر أخوي العزيز والتصحيح

بعض المحللين

هناك بعض الأخوة من المحللين قالوا بأن كسر 13613 سلبي وخروج

[غريب الدّار]

للتوضيح :


انا أتمنى الأخضر يفوز في البورصة

ويخسر في الملعب

الصراحة راحة

[بوثاني الريان]

تبديل في الاخضر ودخول الكابتن ماجد

[roma27]

الفوز للأدعم إن شاءالله والكأس بتشوفه في كورنيش الدوحة

عطنا رأيكم في كلامي
ان شاء الله لدعم يا رب بس القصد الاخضر في ساحه البورصه

[<اضرب واشرد>]

ممكن نوصل اليوم 3-2.5 مليار ريال (مع سيولة مورغان)

[غريب الدّار]

الى الىن والسوق يقلص النزول


انا اطلب الله يصدق تحليل اخونا بو الريم

مب ان السوق يوصل 14 الف نقطة اليوم لاني اعتقد(مجرد اعتقاد) انها صعبة


بس ان السوق يصعد شوي ومايكسر الترند الصاعد الرئيسي

[بوثاني الريان]

والله والنعم فيهم وفي محللهم المبارك


والسبع تنعام والله انه شنب

[غريب الدّار]

هبوط قوي بتقريبا ثلاثين نقطة مادري أي سهم اللي قاد الهبوط

[السد العالمي]

موضوع ال 5% هي السبب في نزول السوق بعد تسوية حسابات اصحاب ال 5% بيرتفع وبقوة

طيب ممكن نعرف شنو المشكلة لو أملك 5% في أي شركة ؟؟؟؟

[ahmed saleh]

ازدان طيحت المؤشر تاااني

[بوثاني الريان]

تبديل في الاخضر ودخول رعد والاخوين شوقي ومازن وحميدو شامل بعد روح يالاخضر

[Anas_G]

حرب طاحنة في الخليج الدولية

[بوثاني الريان]

طيب ممكن نعرف شنو المشكلة لو أملك 5% في أي شركة ؟؟؟؟


معناته booooooooooooooooom بيصكوك عين نار وشرار وخل وقتها 5% تنفعك هذا حديث المجالس

[السد العالمي]

وعلى فكرة يالسد العالمي :

مع احترامي لكلامك وكلام كل المحللين المعتمدين

كقاعدة عامة :
ليس كل هبوط هو تجميع وتخويف للمستثمرين

انا أتكلم كقاعدة عامة

لك كل الإحترام والتقدير وأنا أتفق مع كلامك ولكن هل هناك سبب قوي لنزول السوق بهذه القوة

[غريب الدّار]

لك كل الإحترام والتقدير وأنا أتفق مع كلامك ولكن هناك سبب قوي لنزول السوق بهذه القوة
تقصد أسعار النفط واجتماع اوبك؟

[roma27]

شفت يا السد فهمتنا غلط انا قطري انا قطري:victory::victory::victory: ان شاء الله لدعم يرفع راسنا

[غريب الدّار]

السوق رد للاحمر وقاعد يغطس فيه غطس

[ahmed saleh]

هاامور كبيررر او محفظه واقفه في الملاحه حائط صد
تقول علي جثتي كسرر 100:nice:

[غريب الدّار]

أقول يالربع

كني قريت سيولة مورغان

من هو مورغان هذا؟

وش يبي في البورصة؟

[غريب الدّار]

هاامور كبيررر او محفظه واقفه في الملاحه حائط صد
تقول علي جثتي كسرر 100:nice:

اكثر شي اكرهه بصراحة اللي يطبل حق السهم اللي هو شاريه

يالله
الله يوفق الجميع

[السد العالمي]

تقصد أسعار النفط واجتماع اوبك؟

الغريب أننا ما كنا نسمع أي كلام عن النفط لما كان فوق 100 ريال

أنا أتوقع بأن أسعار النفط راح يرتفع بعد الإجتماع لأن نزول سعر النفط أكثر من سعره الحالي ليس في مصلحة الدول

[غريب الدّار]

الغريب أننا ما كنا نسمع أي كلام عن النفط لما كان فوق 100 ريال

أنا أتوقع بأن أسعار النفط راح يرتفع بعد الإجتماع لأن نزول سعر النفط أكثر من سعره الحالي ليس في مصلحة الدول
الله يكتب اللي فيه الخير يارب

[بوثاني الريان]

امسك سهمك احسن لك ولا تبيعه بخسارة مرده السوق يصعد

[roma27]

الاسلاميه ما شا الله عليها من اسهم شركات الشيخ ثاني بن عبدالله انا اشهد انه شيخ كريم

[غريب الدّار]

اطلب الله يالربع في هالساعة اللي يارب تكون ساعة إجابة انه يفرحكم كلكم واحد واحد ولا حد يخسر
والخسران يعوض خسارته

انه ولي ذلك والقادر عليه

[atiq]

اليوم في تداولات المطلعين شفت شي ضحكني :)


مطلعين ازدان شروا 1000 سهم :tease:

[بوثاني الريان]

أقول يالربع

كني قريت سيولة مورغان

من هو مورغان هذا؟

وش يبي في البورصة؟


مورغان ذي يبيع حب شمسي

[بوثاني الريان]

الاسلاميه ما شا الله عليها من اسهم شركات الشيخ ثاني بن عبدالله انا اشهد انه شيخ كريم


بيض الله وجه الصانع وحفظ الشركة من كل شيطان وهامة ومن كل عين لامة

[غريب الدّار]

مورغان ذي يبيع حب شمسي

معانا البورصة داخل صارت كنها استاد خليفة قبل أيام المباريات

[ahmed saleh]

اكثر شي اكرهه بصراحة اللي يطبل حق السهم اللي هو شاريه

يالله
الله يوفق الجميع

الله يهديك ياخ غررريب مش هرد عليك
انا من شويه نبهت وحزرت من كسر دعم السوق هل كدا واحد بيطبل؟؟!
وعموما مش اول مره تهاجم عضو من الاعضاء
وادخل شوف الشراء في ملاحه علي سعر 100
والحمد لله بنحاول نفيد الناس ونستفيد ونعرف وننقل التحاليل
لكن انته بتاع المصرف ب 400 شوو تسووي
الله يرحم ايام الي كنت تعمله لما كنت شاري ازدان

[<اضرب واشرد>]

واضح أننا راجعين للأخضر والإغلاق برتقالي حول الصفر%

[غريب الدّار]

الله يهديك ياخ غررريب مش هرد عليك
انا من شويه نبهت وحزرت من كسر دعم السوق هل كدا واحد بيطبل؟؟!
وعموما مش اول مره تهاجم عضو من الاعضاء
وادخل شوف الشراء في ملاحه علي سعر 100
والحمد لله بنحاول نفيد الناس ونستفيد ونعرف وننقل التحاليل
لكن انته بتاع المصرف ب 400 شوو تسووي
الله يرحم ايام الي كنت تعمله لما كنت شاري ازدان

انت كاتب مش هرد ولا يتراوى لي
:)

حياك الله
ولا تطبل لسهمك كثير

[<اضرب واشرد>]

ويمكن الاغلاق أخضر خفيف ويمكن أحمر خفيف ويمكن أصفر

[غريب الدّار]

السوق يقلص من الأحمر

تحليلي وهذا تحليل اكيد مليون في المية ولحد يسمع كلام أي محلل :

السوق يمكن يقلب اخضر
ويمكن يزيد في الأحمر

[غريب الدّار]

ويمكن الاغلاق أخضر خفيف ويمكن أحمر خفيف ويمكن أصفر

في كل الأحوال يااخوي اضرب واشرد شرايك؟

قصدي اذا سكر اخضر

او احمر

او اصفر


(إشارة مرور مب مؤشر)

[غريب الدّار]

السوق يقلص الأحمر

قلصه قلص

من عنده تيدر يالربع؟

[بوثاني الريان]

التكافلي نجم النجوم ماشاء الله

[غريب الدّار]

التكافلي نجم النجوم ماشاء الله

عساك من ملاكه يابو عسلة

[بوثاني الريان]

السوق يقلص الأحمر

قلصه قلص

من عنده تيدر يالربع؟

الكابتن ماجد بيسدد ضربه مخلب النمر للمؤشر وشوف النتيجة

[بوثاني الريان]

عساك من ملاكه يابو عسلة


والله ما املك فيه ولاسهم بس احب التكافلي احس ملاكه ربي بيوفقهم قريب

[غريب الدّار]

ماشاء الله السيولة قوية جدا

[<اضرب واشرد>]

في كل الأحوال يااخوي اضرب واشرد شرايك؟
قصدي اذا سكر اخضر
او احمر
او اصفر
(إشارة مرور مب مؤشر)

واضح من السيولة القوية أن كلام أحمد ماهر صحيح .. مراكز مورغان ناوية تشتري كميات معينة من بعض الأسهم مهما كان السعر

أهم شيء حاليا اجتماع اوبك (الخميس) لو اتفقوا على تقليص الانتاج بيكون القرار داعم لأسواق الخليج

[ahmed saleh]

انت كاتب مش هرد ولا يتراوى لي
:)

حياك الله
معاك حق معزور بررضووو
انته مشوفتش ردودي علي الغلط فيااا
علشان كدا مفكرر دا ررد :victory:
حياك الله

[H H]

اضرب واشرد شلونك ياغالي, تنصح بالدخول والا البقاء في المدرجات ؟

[roma27]

الحمد لله ما بعت بخساره

[غريب الدّار]

واضح من السيولة القوية أن كلام أحمد ماهر صحيح .. مراكز مورغان ناوية تشتري كميات معينة من بعض الأسهم مهما كان السعر

أهم شيء حاليا اجتماع اوبك (الخميس) لو اتفقوا على تقليص الانتاج بيكون القرار داعم لأسواق الخليج

هل تقصد ان السوق ممكن يظل بهالاداء الى مابعد الاجتماع؟
وهل اذا تم الاتفاق على تقليص الإنتاج ممكن السوق يتجاوز القمة السابقة ؟

طيب سؤال أخير اضرب واشرد :
هل من المتوقع أصلا ان يتم الاتفاق على خفض الانتاج؟

[<اضرب واشرد>]

اضرب واشرد شلونك ياغالي, تنصح بالدخول والا البقاء في المدرجات ؟

هلا اخوي شحالك .. ليش أنت طلعت ؟

[H H]

اي والله يخوك لانها كسرت الدعم الي انت حطيته فطلعت امس

[غريب الدّار]

الحمد لله ما بعت بخساره

يعني سمعت نصيحة اخونا بو الريم ؟


الله يوفقك اخوي

ويوفق الجميع

[(بوطلال)]

اضرب واشرد شلونك ياغالي, تنصح بالدخول والا البقاء في المدرجات ؟

استغفر الله العظيم. صارلك ساعه تنصح العالم يبيعون ولاتمسك السكينه وهي ساقطه ومن هالكلام وفي الاخير تسئل اضرب وشرد ادخل ولا لا ؟

عيل على اي اساس خوفت العالم ؟

[.:: القيصر ::.]

الخليج الدولية

الآن

سهمي سهمي

[<اضرب واشرد>]

طيب سؤال أخير اضرب واشرد :
هل من المتوقع أصلا ان يتم الاتفاق على خفض الانتاج؟

الله أعلم .. خبراء النفط منقسمين نصهم يتوقع تقليص نصهم لا ..

لكن هالخبر يزيد احتمال التقليص:


"أوبك" تدرس إعفاء 3 دول من أي تخفيضات محتملة في الإنتاج

أرقام - 25/11/2014

تدرس منظمة الدول المصدرة للبترول "أوبك" إعفاء ثلاث دول من أي تخفيضات محتملة في إنتاج النفط، وذلك وفقاً لما ذكرته وكالة "بلومبرج" نقلاً عن مصدرين على دراية بذلك المقترح.

وقال أحد المصادر: لن تضطر العراق، إيران وليبيا لخفض الإمدادات في حال اتفق الدول الأعضاء في "أوبك" على خفض الإنتاج خلال اجتماعهم القادم الذي سيعقد في فيينا.

[غريب الدّار]

استغفر الله العظيم. صارلك ساعه تنصح العالم يبيعون ولاتمسك السكينه وهي ساقطه ومن هالكلام وفي الاخير تسئل اضرب وشرد ادخل ولا لا ؟

عيل على اي اساس خوفت العالم ؟

والله انك تعجبني يابو طلال

بيض الله وجهك

[الجسراوي]

ممكن نوصل اليوم 3-2.5 مليار ريال (مع سيولة مورغان)

:omg:

[غريب الدّار]

الخليج الدولية

الآن

سهمي سهمي



قول آمين

عساك تشوف السهم لمت اب لمدة أسبوع
وتبيع انت في نهاية الاسبوع

[غريب الدّار]

:omg:

مرحبا الجسراوي

شنهي آخر تحليلاتك حق السوق؟

لين الحين تقريبا ضابطة وياك

عسى الله يوفقك

[الجسراوي]

مرحبا الجسراوي

شنهي آخر تحليلاتك حق السوق؟

لين الحين تقريبا ضابطة وياك

عسى الله يوفقك

الافراد اللي طلعوا 5% راح تدخل سيولتهم في مراكز غير ..... والله اعلم واعلى

ترا السيوله داخليه لا تحسبوها مورجان ولا عنبر .....خخخخخخخخ

[.:: القيصر ::.]

قول آمين

عساك تشوف السهم لمت اب لمدة أسبوع
وتبيع انت في نهاية الاسبوع

اللهم آمين

[بوثاني الريان]

الافراد اللي طلعوا 5% راح تدخل سيولتهم في مراكز غير ..... والله اعلم واعلى

ترا السيوله داخليه لا تحسبوها مورجان ولا عنبر .....خخخخخخخخ


عنبر ههههههههههههههههههههههههه مال الجزيرة للاطفال مقطع عجيب

[الجسراوي]

السوق نزل كله من السينما :tease:

[لـبـيـه]

السيوله ممتازه

[<اضرب واشرد>]

اي والله يخوك لانها كسرت الدعم الي انت حطيته فطلعت امس

تمام أخوي قول الحمدلله ربحان .. السهم تداولاته ضعيفه ممكن يكسر الدعم بكميات قليلة .. لازلت أتوقع عوده فوق 55 .. عموما دامك كيشت انتظر شوي حاول تصيد سهم ثاني للمضاربة .. لاتستعجل تقدر تصبر ليوم الأحد ..

[السد العالمي]

السوق نزل كله من السينما :tease:

الجسراوي ودنا اليوم على سينما علشان يرتفع أرباحهم

[H H]

استغفر الله العظيم. صارلك ساعه تنصح العالم يبيعون ولاتمسك السكينه وهي ساقطه ومن هالكلام وفي الاخير تسئل اضرب وشرد ادخل ولا لا ؟

عيل على اي اساس خوفت العالم ؟


هلا اخوي حياك

اول شي , يوم قلت لاتمسك السكين وهي ساقطه المؤشر كان نازل فوق المية نقطه وكل الاسهم كانت برخص التراب والمؤشر كان مكمل نزول.
ثاني شي نصيحة لاتمسك السكين وهي ساقطه مافي محلل فالعالم ماقالها وانا قلت للي سال انها من اهم النصايح في سوق الاسهم يعني وضحت له انها ميب نصيحتي
ثالث شي سؤالي لاضرب واشرد بعد ماتقلصت النقاط من نزول فوق المية نقطه لنزول 11 نقطه فقط! واغلب الاسهم ارتدت والامور بدت تتحسن.
رابع شي اضرب واشرد محلل فني! يعني نظرته للامور اوسع وافضل واشمل من الي يتابع السوق فقط,
خامس شي في ردي على الرجال قلتله (حتى لو شفت ان الاسعار ارتفعت) يعني هالشي وارد ونصيحتي كانت عن الاستراتيجيه فقط.

روق الله يرضى عليك شفيك زعلان

[الجسراوي]

الجسراوي ودنا اليوم على سينما علشان يرتفع أرباحهم

مادري عاد الخميس بينزلون فلم اكشن حلو يبي لنا نروح

[.:: القيصر ::.]

السيولة محترمة

[غريب الدّار]

صناعات تمشي بكل قوة

[غريب الدّار]

وفي هذه اللحظات اعزائي المشاهدين السوق يرد على المرجفين والمطبلين ويدخل الأخضر

[<اضرب واشرد>]

تمام أخوي قول الحمدلله ربحان .. السهم تداولاته ضعيفه ممكن يكسر الدعم بكميات قليلة .. لازلت أتوقع عوده فوق 55 .. عموما دامك كيشت انتظر شوي حاول تصيد سهم ثاني للمضاربة .. لاتستعجل تقدر تصبر ليوم الأحد ..

شرايك بالميرة 218 ؟

فنيا له ارتدادة حلوة

[H H]

استغفر الله العظيم. صارلك ساعه تنصح العالم يبيعون ولاتمسك السكينه وهي ساقطه ومن هالكلام وفي الاخير تسئل اضرب وشرد ادخل ولا لا ؟

عيل على اي اساس خوفت العالم ؟


تمام أخوي قول الحمدلله ربحان .. السهم تداولاته ضعيفه ممكن يكسر الدعم بكميات قليلة .. لازلت أتوقع عوده فوق 55 .. عموما دامك كيشت انتظر شوي حاول تصيد سهم ثاني للمضاربة .. لاتستعجل تقدر تصبر ليوم الأحد ..

وهذا الي بيصير ان شالله , بننتظر وش بيتمخض عن اجتماع الاوبك بكره وربك يسهلها

[H H]

شرايك بالميرة 218 ؟

فنيا له ارتدادة حلوة

مممم ماتشوف الانتظار افضل؟ اخاف بكره يطلعون من الاجتماع بمصيبه ويرفعون الانتاج او يخلونه مثل ماهو ونتوهق!
والميره اليوم كان ينعرض على 214 بس للاسف الوضع ماكان يسمح ابدا :(

[<اضرب واشرد>]

جماعة الميرة السهم تقريبا أنهى الهبوط وكون القاع آخر 3 أيام حسب الشموع. عودة لـ 243 ثم 274 وعند 274 هروب مضاربين.

[<اضرب واشرد>]

مممم ماتشوف الانتظار افضل؟ اخاف بكره يطلعون من الاجتماع بمصيبه ويرفعون الانتاج او يخلونه مثل ماهو ونتوهق!
والميره اليوم كان ينعرض على 214 بس للاسف الوضع ماكان يسمح ابدا :(

السهم حدّه 212 حتى لو نزل النفط 60 والمؤشر 12500

[<اضرب واشرد>]

ودام من أكثر الأسهم ثباتا آخر 4 أيام .. أدنى سعر 69 آخر 4 جلسات.

[Anas_G]

اخوي اضرب واشرد ممكن رايك فالخليج الدولية بهالسعر

[<اضرب واشرد>]

اخوي اضرب واشرد ممكن رايك فالخليج الدولية بهالسعر

لازال السهم سلبي ويستهدف 109 ثم 100

[ahmed saleh]

صعود المؤشرر بقيادة الوطني وصناعات والتجاري
نشووف باقي الاسهم كيف تتصررف

[ابو عبد الرحمن]

اخوي اضرب واشرد ممكن رايك في الرعاية بارك الله فيك

[Anas_G]

لازال السهم سلبي ويستهدف 109 ثم 100

بس اخوي المحافظ شرت كميات كبيرة اليوم على 113 - 114 هل راح تسمح له بالهبوط

[الجسراوي]

مبروكين الاخضر وان شاء الله تكحلون عويناتكم بال 14000 قريبا وربي يوفقكم

[roma27]

قلتها الأخضر البورصي بفوز

[<اضرب واشرد>]

بس اخوي المحافظ شرت كميات كبيرة اليوم على 113 - 114 هل راح تسمح له بالهبوط

هذي أخوي محافظ مورغان ودخولها اليوم فقط. السهم تعرض لبيع قوي الأيام السابقة .. حتى جماعة مورغان اليوم ماقدروا يرفعونه للأخضر .. عموما اجتماع اوبك الأحد له علاقة بالسهم. انتظر عليه جلستين ثلاث ..


أخوي بوعبدالرحمن الرعاية ايجابية لكن لازالت في تصحيح (استقرار) ما أدري متى ترتفع حسب السيولة ويمكن قبل اعلان الربع الرابع ..

[roma27]

اضرب وتشرد رأيك في مزيا بتنزل زياده

[غريب الدّار]

أقول
وين اللي رد على بو الريم امس واتهمه انه جا آخر التداول؟

وينه مايبين لما السوق خوضر؟؟؟؟

[H H]

فودافون شكله بيكسر ال18 :(

[غريب الدّار]

صناعات تمشي بقدم من حديد

[ahmed saleh]

فودافون الله يعين الملااااك

[غريب الدّار]

وينهم أصحاب السجاجين؟(السكاكين)


ابي يعطونا آراءهم

مثل ماكنت اطلب آراء المحللين

[ابو عبد الرحمن]

هذي أخوي محافظ مورغان ودخولها اليوم فقط. السهم تعرض لبيع قوي الأيام السابقة .. حتى جماعة مورغان اليوم ماقدروا يرفعونه للأخضر .. عموما اجتماع اوبك الأحد له علاقة بالسهم. انتظر عليه جلستين ثلاث ..


أخوي بوعبدالرحمن الرعاية ايجابية لكن لازالت في تصحيح (استقرار) ما أدري متى ترتفع حسب السيولة ويمكن قبل اعلان الربع الرابع ..

جزاك الله خير اخوي اضرب واشرد
بس على حد خبرتك كم ممكن توصل له هذا العام بارك الله فيك

[غريب الدّار]

كل شي جايز في السوق

يمكن يطلع
ويمكن ينزل

لكن مافي داعي اللي شاري يهاجم اللي يقول السوق نازل
ولا اللي بايع يهاجم اللي يقول السوق بيطلع

[حوت الأسهم]

السلام عليكم ورحمة الله وبركاتة

[غريب الدّار]

سهم صناعات يقود السوق ويحري بها

للأمانة ماعندي ولا سهم
في صناعات


للاسف

[غريب الدّار]

السلام عليكم ورحمة الله وبركاتة

وعليكم السلاااااااااااااااااااام


ارررررررررررررحب
هلا والله لوفر

وين وين يابن الحلال


من طول الغيبات

[<اضرب واشرد>]

اضرب وتشرد رأيك في مزيا بتنزل زياده

دعم السهم 22.6 إذا أغلق تحته عنده 21.5 دعم فجوة يغلقها

[<اضرب واشرد>]

جزاك الله خير اخوي اضرب واشرد
بس على حد خبرتك كم ممكن توصل له هذا العام بارك الله فيك

بجاوب وقت لاحق في القسم الفني إن شاء الله

عليكم السلام اخوي لوفر

[غريب الدّار]

اخوي اضرب واشرد

هل نقدر نقول ان اتجاه السوق لازال غامض الى نرى قرارات اجتماع أعضاء اوبك؟

[غريب الدّار]

ماشاء الله صناعات على سعره العالي شغالين فيه شفط

[ashraf2014]

لولا السيولة العالية جدا وهي الان 1,402,484,015 لكان النتيجة 10% داون

[غريب الدّار]

هل تتوقعون سهم صناعات يوصل 200؟؟؟

ماشاء الله

الله يبارك لملاكه

الله يبارك لملاكه

[<اضرب واشرد>]

ياخي مورغان ارفع صناعات فوق 200 ملينا

[غريب الدّار]

صناعات 200



الف الف مبروك لكل من يملك السهم


قوي بكل معنى الكلمة

[<اضرب واشرد>]

عن اذنكم شوي

[غريب الدّار]

ياخي مورغان ارفع صناعات فوق 200 ملينا

والله اذا مورغان يقدر يشيل المعروض فهذا سوبر مورغان

[Anas_G]

الميرة تحمي

[غريب الدّار]

عن اذنكم شوي

شكلك تبي تحط امر بيع صناعات ها :)


اذنك وياك يالشيخ بس لاتطول الغيبة

[حوت الأسهم]

وعليكم السلاااااااااااااااااااام


ارررررررررررررحب
هلا والله لوفر

وين وين يابن الحلال


من طول الغيبات

هلا والله الذيييب :victory:


انشغلت شوي اخوي ها شخبار السوق

[غريب الدّار]

سهم صناعات يواجه مقاومة جبارة عند سعر 200 ريال كما هو واضح

[غريب الدّار]

هلا والله الذيييب :victory:


انشغلت شوي اخوي ها شخبار السوق

والله السوق شوفة عينك يالوفر


الاخبار عندك

هل هاذي الشمعة الانعكاسية اللي تكلمت عنها من يومين يالوفر؟


وبعدين شنهي نظرتك للسوق حاليا ؟

[غريب الدّار]

اعتقد يجب ان يصدر قرار بخصم راتب بو الريم لمدة يومين

غايب بدون عذر

[حوت الأسهم]

ثلاث الاسهم ( الخليج الدولية ,الصناعات , الوطني ) السيولة فوق المليار

وباقي الاسهم 400 مليون

[مضارب دوسري]

السلام عليكم

[H H]

وعليكم السلام ارحب يالوفر ويامضارب

[حوت الأسهم]

والله السوق شوفة عينك يالوفر


الاخبار عندك

هل هاذي الشمعة الانعكاسية اللي تكلمت عنها من يومين يالوفر؟


وبعدين شنهي نظرتك للسوق حاليا ؟

تقصد الشمعة الانعكاسية اول امس صحيح ؟؟

كانت علي فريم صغيير كنت اتكلم عن المضارب ان بيكون في ارتفاع ثاني يوم وامس حصل ارتفاع قرابة 100 نقطة بداية التداول ومن ثم نزول مرة اخري

[ahmed saleh]

رررررررش في فودافوون
دعم 18 مهم الحفااظ عليه

[غريب الدّار]

سهم صناعات يتراجع بعد ان بيضها واصطدم بمقاومة قوية

[أبو لين]

اللي قاعد يصير في الفودافون حرام مش معقول كمية البيع شو الشركة راح تسكر ولا شو

[حوت الأسهم]

السلام عليكم

وعليكم السلام ورحمة الله وبركاتة

هلا بالصانع

[مضارب دوسري]

مرحب باقي
اسواق المنطقه جميعها حمراء ما عدا سوقنا
السوق اليوم عباره عن 3 شركات فقط وباقي الشركات تكملة عدد

[غريب الدّار]

تقصد الشمعة الانعكاسية اول امس صحيح ؟؟

كانت علي فريم صغيير كنت اتكلم عن المضارب ان بيكون في ارتفاع ثاني يوم وامس حصل ارتفاع قرابة 100 نقطة بداية التداول ومن ثم نزول مرة اخري

مشكور على التوضيح


بس ماقلت لي رايك الحين؟

قصدي شنهي وجهة نظرك؟

[مضارب دوسري]

اتوقع اخر السوق والله اعلم
اما ارتفاع جنوني للصناعات والوطني
للضغط عالمؤشر مستقبلا

او هبوط اضطراري للسهمين

[غريب الدّار]

تقلص الأخضر كثيرا
وشكلنا بندخل في الأحمر


لكن وانا اكتب هالكلام المؤشر نقز 14 نقطة مرة وحدة
مادري بسبة من