جولات جوية لمشاهدة معالم قطر...............................

[مستثمر رشيد]

أعلنت الهيئة العامة للسياحة عن إطلاق مشروعها السياحي الجديد "سمانا"، وذلك خلال حفل عقد أمس في مقر شركة هليكوبتر الخليج.

وتعتمد فكرة المشروع السياحي الجديد على تنظيم جولات جوية بواسطة الطائرات العمودية "الهليكوبتر" لمشاهدة معالم دولة قطر. وقد قامت الهيئة العامة للسياحة بابتكار هذا المنتج السياحي الجديد، ثم طورت الفكرة بدعم من وزارة المواصلات والقوات المسلحة وباعتماد طائرات شركة هليكوبتر الخليج، كما عملت الهيئة على الاتفاق مع شركة ريجنسي للسياحة التي أبدت استعدادها لتكون هي نقطة لعرض وبيع هذا المنتج من خلال مكاتبها.

يساهم مشروع "سمانا" على زيادة عدد القادمين إلى قطر بغرض الترفيه، وهو ما يدعم استراتيجية قطر الوطنية لقطاع السياحة لعام 2030 والتي تسعى من خلالها إلى رفع نسبة الزائرين إلى البلاد بغرض الترفيه من 27% في الفترة الحالية إلى 60% في العام 2030).

ستكون تجربة فريدة من نوعها ومدهشة لمن سيعيشها خلال مدة الجولة والتي تبلغ 30 دقيقة، حيث سيتاح للسياح والمواطنين والمقيمين في قطر القيام برحلات جوية حول مدينة الدوحة.

الرحلات ستُنظم خلال عطلة نهاية الأسبوع يومي الجمعة والسبت، وتبدأ الرحلات الجوية خلال الفترة الصباحية من الساعة التاسعة صباحاً وحتى الساعة الثانية عشرة ظهراً، وخلال الفترة المسائية من الساعة الثالثة عصراً وحتى الساعة السادسة مساءً، مشيراً إلى أن أسعار الجولات السياحية عبر "سمانا" تبدأ من 3300 ريال قطري.

وستتم الرحلات على متن الطائرات العامودية من طراز ghc، والمعروفة باسم بيل 206l3، التي تتسع لأربعة أشخاص، وهي واحدة من أكثر الطائرات العامودية نجاحاً في العالم، والتي تستخدم للأغراض المدنية. وتتمتع هذه الطائرات بدرجة عالية من الأمان والفخامة.

[بوحارب]

المهم في الموضوع كم قيمة الجولة ؟؟؟؟؟؟

هل قيمتها سعر معقول
او بقيمة الجولة اروح دبي مع سكن خمس نجوم ;)

[همر]

مشروع ناجح مثل الباص المكشوف اللي من

زود نجاحه والزحمه عليه الناس تطيح من الطابق

الثاني .. :whistling:

[سـ ع ـود]

المهم في الموضوع كم قيمة الجولة ؟؟؟؟؟؟

هل قيمتها سعر معقول
او بقيمة الجولة اروح دبي مع سكن خمس نجوم ;)

بقيمة الجولة تروح دبي مع سكن خمس نجوم
الاسعار تبدأ من 3300 <<< ركز انها تبدأ ، نوط ينطح نوط حق لفة ام 20 دقيقة ويقولون لك انزل
اللحين بيجونك بعض الاعضاء بيقولون لك مايعجبكم العجب ولا الصيام في رجب
:)

[monatee]

استانست وقلت بجرب جفت السعر وهونت

:thumbdown:

[aloosh]

طيارات الخليج اخبرها متهالكه يوم كنا نروح فيها حالول تصدع من الصوت
تبي تسوي مشروع جيب طيارات لهذا الغرض مريحه وتشرب كاس كوفي وانت تلف فيها فيه طيارات صوت ما تسمعه وانت داخل فيها يستخدمها رجال الاعمال في امريكا
وكانت معروضه في معرض دبي للطائرات

[نمر بن عدوان]

السعر ممتاز لانه اجار للطائره كامله يعني اطلع انا وأي عدد معاي سواء عائله او اصدقاء

[حمد بن سعد]

مشروع ناجح مثل الباص المكشوف اللي من

زود نجاحه والزحمه عليه الناس تطيح من الطابق

الثاني .. :whistling:




اف اسكت كنت بدعس واحد بالسياره من كثرهم مب ملحقين معالم وايد

[همر]

السعر ممتاز لانه اجار للطائره كامله يعني اطلع انا وأي عدد معاي سواء عائله او اصدقاء



انت متأكد ان السعر للرحله ؟!!

اللي فهمنا ان السعر للشخص !


شزي يتغير الحشي ..

اذا ساعه على يخت بألفين ريال..



زين دامك بتطير بالهلكبتر ماعندك غير

هالشوارع وتعد السيارات

ليش مايطلعونا في هلكبتر المرور مجاناً ؟!!

دامهم طالعين طالعين ورايحين جايين على

هالشوارع يعتبرونها رحلات تثقيفيه

توعويه للجمهور :nice:



احرجتهم صح :shy:

[نوفا91]

مشروع ناجح مثل الباص المكشوف اللي من

زود نجاحه والزحمه عليه الناس تطيح من الطابق

الثاني .. :whistling:



هههههههههههههههههههههههههههه

[رجل الجزيرة]

البارحة سمعتهم يقول إن الأسعار رمزية بس ما حددوا كم السعر؟

[العلياا]

ليش هالمخاسير !!

اللي يبي يشوف قطر يروح برج الشعلة الدور السبعة واربعين بيشوف كل شي :)

[نمر بن عدوان]

ليش هالمخاسير !!

اللي يبي يشوف قطر يروح برج الشعلة الدور السبعة واربعين بيشوف كل شي :)

نكته بايخه فعلا ومستورده من حاقدين على قطر.

[للصبر اخر]

دبي شخصين ب 4000
لفه ب 20 دقيقه

[العلياا]

نكته بايخه فعلا ومستورده من حاقدين على قطر.


ما طلبت رأيك :)

[نمر بن عدوان]

ما طلبت رأيك :)

هذا مب راي في شي يخصج هذا توضيح ورد على كلام واسائه لقطر وهالشي مرفوض واذا كنتي قطريه المفروض تمسحين كلامج اما اذا كنتي اجنبيه فالامر يختلف

[العلياا]

هذا مب راي في شي يخصج هذا توضيح ورد على كلام واسائه لقطر وهالشي مرفوض واذا كنتي قطريه المفروض تمسحين كلامج اما اذا كنتي اجنبيه فالامر يختلف


لا حول ولا قوة الا بالله
القصد من كلامي ان في مشاريع تحتاج راعيه واهتمام اكثر من هالمشروع اللي شفنا شي مشابهه له وما لقى أي اقبال

واذا ضايقك الكلام آسفين وحقك علي :)

[Rider]

ادفع 3300 حق لفه ليش اروح العمره فيها ابرك

[ameeer3]

ادفع 3300 حق لفه ليش اروح العمره فيها ابرك

كلام من ذهب

[توشيبا]

الدوله صغيره مب كبيره عشان اركب طياره

الحمدالله كل شخص عنده سيارته والبترول خمسين ريال يكفي تفر كل معالم قطر

نبغي تطور شي مميز يجذب المواطنين قبل المقيمين

[توشيبا]

ادفع 3300 حق لفه ليش اروح العمره فيها ابرك

الله يكتب لك عمره وحجه ويتقبلها

[الجـــوديّ]

عاد أنا طايح في خاطري أروح أزور معالمنا البحرية .... ممكن ياهيئة السياحة ؟!:shy:

[العنيده]

حلووووووووووووووووووووووووه الفكره وايد ..
بس السعر :eek5:

عشان تربح لازم توزان في الاسعار يعني بنص السعر اركب اكثر واربح زوار اكثر .. وبالتدريج الواحد يغير على حسب الموسم بالاسعار كيفهم
وعلى حسب السوق :shy:..
اذا السعر يبتدي من هالمبلغ عيل في المناسبات اتوقع شي طيب :)


المهم انها حلووه الفكره وايد ويعطيهم العافيه ..

[أين الحل ؟]

3300 ههههههههههه ليش عسى ماشر شو نوع الوجبة الى راح تقدم هرفي مثلا .
احجز تذكرة على البحرين جنب الشباك 800 ريال ,اشوف معالم دولتين من فوق .

[حمد بن خالد]

السعر اذا للشخص الواحد غالي

اما لو كان للهيلكوبتر كامله عادي

لان في (( نيويورك )) الشخص بـ 244$ والهيلكوبتر تشل اربع اشخاص واحنا اربعه وعليكم الحساب

[MAZEN37]

يسون تلفريك علغŒ ونشات من الوكره لين الخور ابرك
ذكرتني بالمطعم الطائر الي كان طاوله ورافعه ونش
العام في حديقة الفن الاسلامي

[الحاقول]

خدمة سمانا . خدمه سياحيه تشاهد فيها الدوحه وانت بطائرة الهليكوبتر
شئ جميل ولكن السعر مبالغ فيه جداً 30 دقيقه بسعر 3300 ريال
هذا المبلغ تسافر فيه الى اوروبا . وتشاهد المناظر الطبيعيه وانت بالطائره لمدة 7 ساعات

[abu m7md]

اذا يسمحون القفز الحر بدفع 5000 ريال على القفزه الواحده

[بوحارب]

بقيمة الجولة تروح دبي مع سكن خمس نجوم
الاسعار تبدأ من 3300 <<< ركز انها تبدأ ، نوط ينطح نوط حق لفة ام 20 دقيقة ويقولون لك انزل
اللحين بيجونك بعض الاعضاء بيقولون لك مايعجبكم العجب ولا الصيام في رجب
:)

عجبني ردك هههههه

هذي مشكلة الأسعار عندنا في قطر كلها ضوو ومافيه شي سعره معقول

عالعموم الهدد ما يقصر يوديني العديد والغارية وبروق والنقيان

وهذا كله ب 150 ريال مع دلة كرك

من يخاويني ;)

[وحيد-الشوق]

ربعنا متى يسوون شيء رمزي صالخينا بالاسعار في كل شيء مطاعم سيارات فنادق حتى السياحة في قطر خلوها اسواق فقط لاغير !! مافي ملاهي مافي مدن ترفهية مافي تسليه :(

3300 شنو بشوف !!! مب اسائه لدولتي العزيزة لكن مافي مناظر طبيعية اروح فيها العمرة مثل ماذكر الاخ تذكره ب2000 مع يومين في الفيرمونت تقريبا مع خصومات المكاتب السياحية السعودية ب1600 مع اطلاله على الكعبة تسوى الدنيا ومافيها

ولاتنسون عندنا مواتر ولله الحمد خذ موترك ولف الدوحة كلها الا اذا خلوها 200 ريال اوكي :)

[(بوطلال)]

مشروع سياحي ناجح

[بن لادن]

وستتم الرحلات على متن الطائرات العامودية من طراز ghc، والمعروفة باسم بيل 206l3، التي تتسع لأربعة أشخاص، وهي واحدة من أكثر الطائرات العامودية نجاحاً في العالم، والتي تستخدم للأغراض المدنية. وتتمتع هذه الطائرات بدرجة عالية من الأمان والفخامة.

الطائرة موديل 1968 ، اشتروها سنة 1987 مستعملة !!

الطائرة تعتبر جيدة للاستعمال الشخصي او تجاري لايتعلق بالركاب ، وخصوصا ان فيها محرك واحد فقط ..

لكن كاستعمال سياحي يجب ان تكون طائرة حديثه على الاقل تمثل قطر في السياحة

الاسعار مقارنة بالدول المجاورة مبالغ فيها جدا وخصوصا ان الدوله المجاورة تستعمل طائرة جديده

في نظري ان الموضوع تجاري وليس سياحي

مصدر المعلومات عن الطائرة :
http://www.helis.com/database/cn/32619/

[الحاقول]

الطائرة موديل 1968 ، اشتروها سنة 1987 مستعملة !!

الطائرة تعتبر جيدة للاستعمال الشخصي او تجاري لايتعلق بالركاب ، وخصوصا ان فيها محرك واحد فقط ..

لكن كاستعمال سياحي يجب ان تكون طائرة حديثه على الاقل تمثل قطر في السياحة

الاسعار مقارنة بالدول المجاورة مبالغ فيها جدا وخصوصا ان الدوله المجاورة تستعمل طائرة جديده

في نظري ان الموضوع تجاري وليس سياحي

مصدر المعلومات عن الطائرة :
http://www.helis.com/database/cn/32619/


عمر الطائره 46 سنه !!! هذي غير صالحه للاستخدام حتى في بلاد الوقواق

[نمر بن عدوان]

الطائرة موديل 1968 ، اشتروها سنة 1987 مستعملة !!

الطائرة تعتبر جيدة للاستعمال الشخصي او تجاري لايتعلق بالركاب ، وخصوصا ان فيها محرك واحد فقط ..

لكن كاستعمال سياحي يجب ان تكون طائرة حديثه على الاقل تمثل قطر في السياحة

الاسعار مقارنة بالدول المجاورة مبالغ فيها جدا وخصوصا ان الدوله المجاورة تستعمل طائرة جديده

في نظري ان الموضوع تجاري وليس سياحي

مصدر المعلومات عن الطائرة :
http://www.helis.com/database/cn/32619/

هل الطائره الي في الرابط نفسها الي مذكوره في الموضوع لا اسئل عن الاسم والموديل لكن اسئل عن الطائره نفسها ؟ يعني شلون حكمت انها نفس الطياره و ليش ماتكون الطائره نفس النوع لكن موديل جديد وليست قديمه؟

[رآعي موآجيب]

بنص هالسعر خذينا طياره خاصه في النمسا وشفنا الخضار والشلالات والبحيرات المعلقه والثلوج على قمم الجبال لين دخلنا المانيا
اما هالسعر كله في هلكوبتر يوم تشتغل بإشتراك ويوم ينتعونها علشان اشوف زحمة الشوارع من فوق !!
اقول لو يشوفون حلول لشارع 22 فبراير ويعدلون دوار الفروسيه المعوق ابرك لهم ولنا

[بن لادن]

هل الطائره الي في الرابط نفسها الي مذكوره في الموضوع لا اسئل عن الاسم والموديل لكن اسئل عن الطائره نفسها ؟ يعني شلون حكمت انها نفس الطياره و ليش ماتكون الطائره نفس النوع لكن موديل جديد وليست قديمه؟


لأنها الطائرة الوحيده التي تملكها الشركة من طراز 206 :)

تفضل كشف بأنواع الطائرات التي تملكها الشركة :)

http://www.helis.com/database/org/qa_gulf_helicopters/

[شيخ الديرة]

المستهدف من المشروع هم المؤسسات وليس الأفراد, والمؤسسات لا يهمها الكلفة, المهم الكومشن.