استفسااار عااجل اخواني وخواتي

[قطرية كشخه]

السلام عليكم اخواني وخواتي ..

ياريت تفيدوني اذا تعرفون مهندسين في المباني الخضراء او المباني الذكية بليز عطوني اسماء مكاتب اواشخاص
غير مؤسسة قطر خضراء

شااااكرة لكم تعاونكم :shy:

[معماري قطري]

ما لج الا تتعاملين مع مكاتب قوية ومختصة مثل مونسيل وهذا مكتب عالمي بريطاني المنشأَ وغيره حتى اتحاد قطر للتخطيط عندهم الخبرات الكافية واشتغلوا في مثل هذي المشاريع .. ولا تنسين بروه بنوا مباني خضراء على قولتهم والعلم عند الله ولازم عندهم خبرات وجهات معينة يدلونج عليها.

[قطرية كشخه]

ما لج الا تتعاملين مع مكاتب قوية ومختصة مثل مونسيل وهذا مكتب عالمي بريطاني المنشأَ وغيره حتى اتحاد قطر للتخطيط عندهم الخبرات الكافية واشتغلوا في مثل هذي المشاريع .. ولا تنسين بروه بنوا مباني خضراء على قولتهم والعلم عند الله ولازم عندهم خبرات وجهات معينة يدلونج عليها.

شكرا اخوي ماا قصرت :nice:

[الـخـور]

لاتعبين حالج وتخسرين .. سوي الطريقة الخظراء الي تريحج

يعني مثلا
سويلج عزل خارجي مضبوط .. وتكيف مركزي راح يصير المبنى جاهز ليكون من المباني الخضراء
وخلي مثلا ماي المكيف يصب في الزراعة او الحديقة

جيبي كم حاوية... خلي وحده خاصة بالفضلات الورقية .. ووحده خاصة بالبلاستك .. ووحدة خاصة بالزجاج
يعني شي من هالقبيل

[معماري قطري]

لو تبين تسوين هالتحسينات لبنيان عادي أَهم شيء العزل الحراري صحيح ولكل البيت سواءً هيكل خرساني أَو طابوق وعمل مناور سقفية .. وهذي فايدتها للنور الطبيعي وللتبادل الحراري مع الخارج لأَن حرارة البيت ترتفع لأَعلى ولو منعنا الحرارة من الجوانب بالعزل بيكون فيه عندنا متنفس للحرارة من خلال المناور السقفية.

كذلك استخدام الزراعة السقفية والزراعة العمودية على الجدران وطريقة الري وحفظ الزائد من الماي .. وهذي بتفيدج فيها شركات التصميم الزراعي واللاندسكيبنغ مثل شركة الثلاثي وغيرها .. تبقى الطاقة الشمسية والحكومة شغالة على مشروع عملاق لإِنتاج الأَلواح الشمسية ولإِنتاج الطاقة الشمسية ومؤكد كلنا بنستفيد منه في النهاية.