الخدامه لها الحق بالسكن خارج المنزل؟؟؟

[الدوحه1]

وزراء العمل في دول الخليج يوافقون على عقود جديده للخدم تحفظ حقوقهم!!
اهم هذه الحقوق:

1- اجازه اسبوعيه
2- لها الحق بالسكن خارج منزل العمل
3- تحديد ساعات العمل ب 6 ساعات يوميا واكثر من ذلك يعتبر عمل اضافي
4- من حق الخدامه السفر في اي وقت



A weekly day off, the right to live outside their employer’s home, a six-hour working day with paid overtime and the right to travel at any time are set to be part of a new domestic workers contract agreed to by GCC labor ministers, including Qatar’s.


اشرايكم؟؟؟؟

المصدر:
http://dohanews.co/gcc-labor-ministers-agree-unified-contract-defining-rights-maids/

[قسماً]

خلاص نجيبها تشتغل بالساعه ونفك عمرنا ولا ندفع للفيزا ولا لتسفيرها ونفتك من همها وخرابيطها

[qatari911]

ينقعون الحقوق في ماي ويشربونه
هذا ردي عليهم
لان الخدامة حقوقه من راحة وسكن وملبس علينا ماقلنا شي بس يوم اجازة تطلع فيه معصي بكره تجي حامل وتقول ولدكم والا ابوكم سوى كذا فيني
واجازة ناخذها معنا اذا طلعنا سباير او مجمع غير كذا معصي
عاجبها اهلا وسهلا مش عاجبها ترد بلادها

[شموخ دائم]

,

,


مرحبا

اخوي الكريم

هذي عقود واتفاقيات بين الدول

وممكن يصير اتفاق بين الشخص والخادمه اتفاق مختلف عن هذا العقد

الخادمه هي وظيفه وبالتالي الخادمه ( موظفه )

والموظفه لها عدد ساعات عمل محدد لا يختلف عليه ااثنان
والاجازه الاسبوعيه هذا من ابسط حقوق الموظفه
( ممكن تشتغل بالبيت ) وتاخذ ( مبلغ ) عن هذا اليوم
4 ايام بالشهر مبلغ 200 ريال على سبيل المثال
50 عن كل يوم
هذا احد الحلول للموضوع الاجازه

وممكن الي عنده خادمتين

ترتاح وحده يوم الجمعه
ووحده السبت


اما السكن في اكثر دول الخليج نوفر غرفه للسائق الموظف وللموظفه ايضا سكن

اتوقع في السنوات القادمه راح يكون التركيز على الخادمات المستاجرات

4 ساعات صباحا و4 ساعات مساء وتروح سكنها عند الشركه المسئوله عنها

,

,

اخوك

شموخ دائم

[w.qatar]

ينقعون الحقوق في ماي ويشربونه
ردي كذا
لان الخدامة حقوقه من راحة وسكن وملبس علينا ماقلنا شي بس يوم اجازة تطلع فيه معصي بكره تجي حامل وتقول ولدكم والا ابوكم سوى كذا فيني
واجازة ناخذها معنا اذا طلعنا سباير او مجمع غير كذا معصي
عاجبها اهلا وسهلا مش عاجبها ترد بلادها

:nice::nice::nice: +1

[ضوى]

ينقعون الحقوق في ماي ويشربونه
هذا ردي عليهم
لان الخدامة حقوقه من راحة وسكن وملبس علينا ماقلنا شي بس يوم اجازة تطلع فيه معصي بكره تجي حامل وتقول ولدكم والا ابوكم سوى كذا فيني
واجازة ناخذها معنا اذا طلعنا سباير او مجمع غير كذا معصي
عاجبها اهلا وسهلا مش عاجبها ترد بلادها

كفو عليك

هذا الرد يمثلني

[وليف الشوق]

سواء الخبر صحيح او غير صحيح !! اتمنى من الاخوان والاخوات والاعضاء بالرد اللائق وعدم كتابة او وضع المصطلحات الغير لائقة والذي لايليق بتلك الكلمات في هالمنتدى وقرارات دول الخليج ليست باجبار للمواطن ! اما ان تقوم بتنفيذ القرار او عدم عمل عقد مع خادمة لديك او حتى عامل
لكن اكرر عدم كتابة المصطلحات السوقيه او التعبير بردود غير لائقة
اما وجود نقاش هادف وراقي ووضع بعض السلبيات ان امكن او عدم الكتابة والاكتفاء بالقراءه فقط

[دايموند]

اوافق بشرط يكون راتبها مايتعدى ال 500 ريال
علشان اجيب خدامه ثانيه تشتغل في الشفت الثاني ب 500 ريال
وبالتال المجموع 1000 ريال للخدامتين

[وحيد-الشوق]

ههههههههه اهم شيء رقم 4 عسى ماشر تقدر تسافر اي وقت قلنا حقوق واحترام بس ربعنا فاهمين الموضوع غلط وايد خدم ماينفع معاهم الدلع عن تجربه ثنتين ماقصرنا معاهم في شيء بس بعد شردوا يعني مافي فايدة

[وليف الشوق]

,

,


مرحبا

اخوي الكريم

هذي عقود واتفاقيات بين الدول

وممكن يصير اتفاق بين الشخص والخادمه اتفاق مختلف عن هذا العقد

الخادمه هي وظيفه وبالتالي الخادمه ( موظفه )

والموظفه لها عدد ساعات عمل محدد لا يختلف عليه ااثنان
والاجازه الاسبوعيه هذا من ابسط حقوق الموظفه
( ممكن تشتغل بالبيت ) وتاخذ ( مبلغ ) عن هذا اليوم
4 ايام بالشهر مبلغ 200 ريال على سبيل المثال
50 عن كل يوم
هذا احد الحلول للموضوع الاجازه

وممكن الي عنده خادمتين

ترتاح وحده يوم الجمعه
ووحده السبت


اما السكن في اكثر دول الخليج نوفر غرفه للسائق الموظف وللموظفه ايضا سكن

اتوقع في السنوات القادمه راح يكون التركيز على الخادمات المستاجرات

4 ساعات صباحا و4 ساعات مساء وتروح سكنها عند الشركه المسئوله عنها

,

,

اخوك

شموخ دائم

كلام منطقي وواقعي من انسان نفتخر به وبفكرة وطرحه الراقي

[ziad1971]

ما اقول غير ربنا يغنيكم عن الخدامات

الخدامة تغادر البيت يوم مصيبة لانك ما تدري وين تروح وشنو تسوي
اتداوم اربع ساعات ليش يعني
اصلا هيه تشتغل ساعة وتريح ساعتين

بس الحق يقال والحق اقول
علىنا مراعاتهم وعدم اهانتهم ونشعر بهم اذا مرضوا او ارهقوا والتعامل معهم بالرأفة...

والله يوفقكم جميعاً

[يمامـة]

في السعودية للخادمة يوم اجازة حسب ما قرأت ولكن احترام عادات البلاد انها
يا تختار تطلع مع اهل البيت لو بيطلعون او تقعد في البيت من غير شغل..

فما في انها تطلع برع البيت..

[العنيده]

من حقهااا ترتاح يوم في البيت واذا بغت تطلع معانا شي عادي ..
بس ان سكن برع البيت .. في البيت والمشاكل مب واقفه استغفر الله لا و اي وقت تسافر :)

مع نظام الساعات ومع السلامه ارخص واوفر وابعد عن المشاكل ..

[العنيده]

في السعودية للخادمة يوم اجازة حسب ما قرأت ولكن احترام عادات البلاد انها
يا تختار تطلع مع اهل البيت لو بيطلعون او تقعد في البيت من غير شغل..

فما في انها تطلع برع البيت..

حبيت جمله احترام عادات البلد .. لانها اهم شي وصح لها يوم اجازه تسوي اللي تبيه بس داخل البيت

[يمامـة]

حبيت جمله احترام عادات البلد .. لانها اهم شي وصح لها يوم اجازه تسوي اللي تبيه بس داخل البيت

شكرا على التنبيه على جمالية الجملة

بالفعل اشوفها جميلة مرة عقب ما ركزتي عليها..

[وطن]

يعني الخدم بيداومون اقل من دوامنا احنا الموظفين

:rolleyes2:

[حمد 2002]

الأفضل اننا انسميها عامله منزليه وليست خدامه لأن مسمى خدامه منافي لحقوق الإنسان حسب رأيي الشخصي ، وأنا مابرى نفسي ولست معصوم عن الخطأ ، فأنا كذلك أسميها خادمه وليست عامله وانا غلطان واعترف بهذا الأمر وسأحاول تغير هالامر بالمستقبل أن شاء الله ، أما بالنسبه للموضوع وهو هل يجب أن يسكنوا بالسكن خارج المنزل ، هنا على حسب العقد مابين صاحب المنزل والمكتب !! ، والعقد هنا الحكم !! . شكرا على الموضوع .

[بن غيث]

كلام غير منطقي .. ولا يمكن ان يكون صحيحا ..
ممكن .. بند الاجازة الاسبوعية يكون الوحيد القابل للنقاش ووضع حلول له

[كيلو حديد]

الحل تجهيز البيوت للإستغناء عن الخدم

شكرا شموخ دائم أنت مكسب كبير لنا وللمنتدى

الله يبارك فيك ولك وبك

[وحيد-الشوق]

الأفضل اننا انسميها عامله منزليه وليست خدامه لأن مسمى خدامه منافي لحقوق الإنسان حسب رأيي الشخصي ، وأنا مابرى نفسي ولست معصوم عن الخطأ ، فأنا كذلك أسميها خادمه وليست عامله وانا غلطان واعترف بهذا الأمر وسأحاول تغير هالامر بالمستقبل أن شاء الله ، أما بالنسبه للموضوع وهو هل يجب أن يسكنوا بالسكن خارج المنزل ، هنا على حسب العقد مابين صاحب المنزل والمكتب !! ، والعقد هنا الحكم !! . شكرا على الموضوع .

كلمة خادمة عادية جدا وليست بعيب لكن احنا من يستحقر قولها وتصغير المسمى انس بن مالك كان يسمى بخادم الرسول عليه الصلاة والسلام وكان يفتخر بذلك المسمى

[حمد 2002]

كلمة خادمة عادية جدا وليست بعيب لكن احنا من يستحقر قولها وتصغير المسمى انس بن مالك كان يسمى بخادم الرسول عليه الصلاة والسلام وكان يفتخر بذلك المسمى

كلامك وحجتك القويه ودليلك اقنعني الصراحه .


جزاك الله خير ..

[راجي الْعفو]

كلامك وحجتك القويه ودليلك اقنعني الصراحه .


جزاك الله خير ..

وانا اشكر الأخ وحيد عالاستدلال

وأشكرك يا حمد لانك تبنيت رايك و غيرته وفقا للدليل الشرعي

لا للهوى

بوركتم جميعا ..

[حمد 2002]

وانا اشكر الأخ وحيد عالاستدلال

وأشكرك يا حمد لانك تبنيت رايك و غيرته وفقا للدليل الشرعي

لا للهوى

بوركتم جميعا ..

الله يبارك فيك ..

[حسن]

بحكم اني استقرء الاحداث ذكرت ان وضع الخدم لم يتم مثل ماكان بالسابق
الحال لن يدوم ابدا
وذكرت ان هؤلاء صداع في راس الحكومات وايظا للكثير من البشر
فااعتقد السلوكيات يجب ان تتغير ويجب ان نعود كما السابق هو الاعتماد على النفس
وان نهئ انفسنا على ماهو قادم وان لا نتباكي على الماضي
المهم اللي يربط العلاقه بين الانين هو العقد
والعقد شريعه المتعاقدين
مافي شى يدوم على حاله هذه حقيقه للي يفهم واللي مايبي يفهم بكيفه

[رهج السنابك]

تشتغل بس ست ساعات؟؟؟ يعني من ست الصبح لين الظهر وبعدها خلاص ترقد
خوش احنا محد فكر فينا وقال اشتغلوا بس ست ساعات نكرف ثمان وتسع ساعات بالدوام ارحمونا نفسهم ولا ترا بنصير نطالب بالمساواه مع الخدم

[وحيد-الشوق]

كلامك وحجتك القويه ودليلك اقنعني الصراحه .


جزاك الله خير ..

ويجزاك بمثله


وانا اشكر الأخ وحيد عالاستدلال

وأشكرك يا حمد لانك تبنيت رايك و غيرته وفقا للدليل الشرعي

لا للهوى

بوركتم جميعا ..

العفو .. وفيك بارك الله

[ودي أكون]

كلمة خادمة عادية جدا وليست بعيب لكن احنا من يستحقر قولها وتصغير المسمى انس بن مالك كان يسمى بخادم الرسول عليه الصلاة والسلام وكان يفتخر بذلك المسمى

نعم كلمه عاديه اخوي وحيد ولكن كلمة خادم وخادم تفرق عن البعض

فالسابق كلمة خادم تعني من يقوم بالخدمه

اما الان كلمة خادم يعني شخص وضيع عند البعض عافانا الله واياكم .. يتم استحقار الخادمه

والله المستعان

[7llo]

بااااااااااااااااااااااااااااال الصراحه خبر صدمني

[nono80]

دايما القانون اللي حق الخدامات والدريوليه يكون في صالحهم مش في صالح المواطن خاطري اعرف شنو هالخوف عليهم الحمدلله ياكلون ويرقدون ويلبسون ومرتاحين وكل شي متوفر لهم وبعد يطالبون بالمستحيل اجازة وعمل اظافي وخرابيط بس اقول تستريح خلني انا اخذ عمل اظافي علشان اعطيهم خخخخخخخ

[الماريّة]

اشهدنهم بشيخون عدل

اذا هي القوانين من صالحهم

ماعرف ليش يقوونهم علينا واحنا مب مقصرين معهم ابد
ونخاف الله فيهم

[نورالهدى]

عادي كيفهم
وحنا بعد مالنا شغل بلبسهم ولا بمسكنهم ولا اكلهم ولا استقدامهم
ولا حتى يكونوا ع الكفاله
في هالحاله حياهم الله
يخلصو شغلهم وجزاهم الله خير

[حسن]

امس وانا عند دكتور الاسنان وهو هندي ومساعده باكستاني
ولا يقول لي طبقو قانون الكفاله فاتذكرت هذا الموضوع
هل الوافدين وخصوصا الاسويين يتابعون بشكل كبير
قلت له ولا سمعت به ولكن مااعلم به

الشاهد

ان الايام القادمه بتتغير طرق الكفاله فا استعدو للتغير من الان بدال البكاء على الاطلال

الصراحه زين والله يفكونا من سكنهم واكلهم خلهم برع اربطونو وذلولنا بقوانين منتهيه الصلاحيه
الا مانبي نسير كفلاء نهائيا ونخلي مسؤليتنا
العقد شريعه المتعاقدين

هذا المتفق عليه

اما تعال اكفل وتتحمل اقامتها ومصروفاتها واكلها وشربهاا وعلاجه وسكنها

حشى

هذه حقوق زوجه ماعاد بخادمه باقي حق المبيت

:)

[توشيبا]

امس وانا عند دكتور الاسنان وهو هندي ومساعده باكستاني
ولا يقول لي طبقو قانون الكفاله فاتذكرت هذا الموضوع
هل الوافدين وخصوصا الاسويين يتابعون بشكل كبير
قلت له ولا سمعت به ولكن مااعلم به

الشاهد

ان الايام القادمه بتتغير طرق الكفاله فا استعدو للتغير من الان بدال البكاء على الاطلال

الصراحه زين والله يفكونا من سكنهم واكلهم خلهم برع اربطونو وذلولنا بقوانين منتهيه الصلاحيه
الا مانبي نسير كفلاء نهائيا ونخلي مسؤليتنا
العقد شريعه المتعاقدين

هذا المتفق عليه

اما تعال اكفل وتتحمل اقامتها ومصروفاتها واكلها وشربهاا وعلاجه وسكنها

حشى

هذه حقوق زوجه ماعاد بخادمه باقي حق المبيت

:)

انا ضد هالقرار

بالاخص سكن خارج المنزل

بس ماعتقد ان خدامه راح تتنازل عن سكن في البيت عشان تسكن برا وتدفع اجار + مواصلات

الا اذا كان الكفيل يتحمل السكن والمواصلات


وملاحظ شغله اكثر البيوت عدد الاشخاص خمسه مع عيالهم والخدامات ثلاث او اربع

يعني لو الوحده اشتغلت في اليوم ساعتين كانو خلو البيت يلمع لمع من النظافه


بس انا ضد البيت اللي فيه عشرين شخص وخدامه وحده من الفجر لين عشر الليل واهي تكرف كرف طول ايام الاسبوع


صدقوني بيت مافيه خادمه الكبت مايبلع الاغراض < اي شي تقوله للخدامه وين السواره او الساعه او اي شي حطيته في الكبت من يومين تقول مافي معلوم سبحان الله الكبت ياكل الاشياء

[حسن]

انا ضد هالقرار

بالاخص سكن خارج المنزل

بس ماعتقد ان خدامه راح تتنازل عن سكن في البيت عشان تسكن برا وتدفع اجار + مواصلات

الا اذا كان الكفيل يتحمل السكن والمواصلات


وملاحظ شغله اكثر البيوت عدد الاشخاص خمسه مع عيالهم والخدامات ثلاث او اربع

يعني لو الوحده اشتغلت في اليوم ساعتين كانو خلو البيت يلمع لمع من النظافه


بس انا ضد البيت اللي فيه عشرين شخص وخدامه وحده من الفجر لين عشر الليل واهي تكرف كرف طول ايام الاسبوع


صدقوني بيت مافيه خادمه الكبت مايبلع الاغراض < اي شي تقوله للخدامه وين السواره او الساعه او اي شي حطيته في الكبت من يومين تقول مافي معلوم سبحان الله الكبت ياكل الاشياء

والله ياتوشيبا

انا اتوقع ان الكثير وخصوصا الخدم مهب بيتقبلون هذه الفكره لان هم بسطاء ويبون يعيشون
وفقراء
فا يبون السكن والمواصلات وبعدين هذه طبقه كادحه واميه
بس عاد الفلبينيه غيرماتاخذ الى بعد العشاء ماره عليك
ومرصصه بالبنطلون والشعر مهتوت وتقولك توال الله عمرك سير توشيبا تبي شي انا يروح حق صديق مال انا

هاهاهاها

عاد هذه مالها دواؤ

والله يااخي نبي كل شي على كيفنا ولكن مايحصل لنا وعدين الى متى واحنا نعتمد بشكل كبير
على هذه العماله الى متى
ليش مانفكر في وضع حلول بدال نتحندى
كل الشعوب الاوربيه المتطوره وسابقينا في كل شي ماشفت عندهم مثلنا خدم مستحيل
الا احنا نشبين الحكومه ومعورين راسها صبح وليل اشردو ارفعو الاسعار
شيسون وياكم الدوله بكيفها في رعايا الاخرين

ياااخي هناك حلول تعبت وانا اطرحها القوم يبون يرحون ديزني لا نج يبون يشوقفون شلالات نياجرا بدال
وادي المايده والجلته

الناس تطورو ولكن في الخدم ابن عمك اصمخ

خلهم لين وقت الصج بنقعد على الحيطه وبنسمع الزيطا هني وهناك عند العمري


:victory:

[عثرة جواد]

ينقعون الحقوق في ماي ويشربونه
هذا ردي عليهم
لان الخدامة حقوقه من راحة وسكن وملبس علينا ماقلنا شي بس يوم اجازة تطلع فيه معصي بكره تجي حامل وتقول ولدكم والا ابوكم سوى كذا فيني
واجازة ناخذها معنا اذا طلعنا سباير او مجمع غير كذا معصي
عاجبها اهلا وسهلا مش عاجبها ترد بلادها

كفؤؤؤ هااي الرد الي يجيهم غيرة ماعندنا

ولو ع الحقوق خل يشوفون اشلون يعيشون ف بلادهم

او يجيبون لنا متعلمات وماخذات دورات ف كل شي ع شان تستاهل هااي كله

[توشيبا]

كفؤؤؤ هااي الرد الي يجيهم غيرة ماعندنا

ولو ع الحقوق خل يشوفون اشلون يعيشون ف بلادهم

او يجيبون لنا متعلمات وماخذات دورات ف كل شي ع شان تستاهل هااي كله

انا مسكين علي قد حالي بشتغل في البترول علي شاني مسكين بيعطوني الف ريال اطقطق فيها ؟!



انا قلتها في ردي السابق ضد القرار وضد الخادمه تطلع بس مب ضد يكون عندها يوم اجازه

ووضحت ان اكثر البيوت فيها اكثر من خادمه وعدد افراد الاسره قليل لو تشتغل كل وحده فيهم ساعتين في اليوم كان البيت بيتم يلمع من النظافه



لاكن ضد وضد وضد الاستعباد

وين اهم هالخدم قبل وين احنا قبل

انا وانت وانتي وكلنا احنا اللي ذكرنا رسوال الله عليه الصلاه والسلام وهذا شرف لنا

ان بنكون من علامات الساعه

شوف العجب احنا نكون من علامات الساعه في شنو تطاول البنيان

احنا

الحفاه العراه العاله رعاء الشاء


كان ماعندنا نعال نلبسها


واما اذا صار هالقرار وصار للخادمه يوم اجازه وسكن برا البيت كلكم بتوافقون وتجيون خادمات وهذا الواقع

لي ان مافي خدامه الا لازم توافق علي الشروط

وردي هذا ماقصد حد في المنتدى لي انكم اعضاء ماتحبون الصدق والواقع
والسلام عليكم ورحمه الله وبركاته

[اخر العنقود]

عسى مااااااااااااااشر

[توشيبا]

عسى مااااااااااااااشر

خير ان شاء الله

http://www.qahtaan.com/works/up/get.php?hash=780diknrvx1227041392

[Abdulraman]

انا مع الاجازه الاسبوعيه للخدامه ولكن ضد ان تسكن خارج المنزل لان اذا طبقوا القرار بتصير بلاوي وخاصتا من الفلبينيات وغيرهم

[عنيــــد]

اصلاً ما لقينا من نظام الكفالة غير وجع الراس ،،

و بصراحه انا من زمان متفق مع رأي الاخ حسن في مسألة الاعتماد على النفس و الاستعداد للتخلي و لو كان جزئياً عن الخدم ..

على الاقل نبدأ في تعويد ابنائنا بدال الكسل و الاعتماد على الغير حتى في ابسط امور الحياه ..

هذا احنا درسنا برا خمس سنوات و كل شي نسويه بنفسنا من غسيل و كوي و تنظيف و طبخ و الحياه ماشيه .. كل اسبوع كنا نطلب خادمة تنظف البيت مرتين ساعتين كل مرة و تلمع لنا الشقة كاملة ..

امور بسيطه نقدر نحطها في البيت و نتعود على خدمة انفسنا و بعض الأسر ما شاء الله بدء تطبيقها على ابناءه و اهنئهم على هالخطوه :
ما يطلع الابن او البنت الا مرتب غرفته و حاط ملابسه اللي تحتاج الغسل في سلة الغسيل.
الخدم ما يدخلون غرفة الابناء و البنات من الاساس و كل واحد مسؤول عن غرفته.
غسالة صحون تنحط في المطبخ الداخلي و اللي يخلص من الاكل يحط الصحون في المكان الصحيح في الغسالة.
كثير من الجيل الجديد صار يحط مكينة نيسبرسو في المكتب و البيت و يسوي قهوته بنفسه و يستمتع في هالشي.

الخدم المفترض ما يتجاوز دورهم شغلات اساسية و معينة فقط مثل غسيل الارضيات و الكوي و الغسيل و ممكن نستغني عن الخدم و نجيب العاملة المنزلية بالساعه . حتى الغسيل ما فيه اسهل منه المكينه اوتماتيك و لا يبي لها الا ضغطة زر و افصل الملابس البيضا عن السودا ..

اما الطبخ جيب لك طباخ و استريح و لو اخذ اجازه و نام برا البيت ما يهم لانه ما يدخل البيت و شغلته ساعات محدده فقط .

الدولة تتعرض لضغوطات كثيرة من عدة منظمات بسبب نظام الكفالة و العمالة المنزلية ،، بامكاننا مساعدة الدولة و تقليل الاعتماد على الخدم و الاعتماد اكثر على النفس.