ايش رايكم في عرض الجمس البيك اب الجديد

[QATAR 77]

يقولون ادفع 66 الف و استرجع 33 الف ما فهمت عليهم

[ثابت]

مافهمت والله !!!

[BoFahed]

يمكن خدمة ضمان الشراء بعد البيع

موجودة من زمان

[رذاذ]

وين قريت الاعلان!

[aabdulla1]

اللي فهمته انك تدفع 66000 اي 50% من قيمة السيارة و تسترجع 33000 قيمة 25% (33الف/ 132000) من قيمة السيارة كاستعمال لمدة سنة (كايجار) و لكن بضمان اعادة الشراء من الوكالة

[aabdulla1]

اشوف عرض المرسيدس للglk أفضل 1919 شهريا لمدة ثلاث سنوات إيجار

[بنـ ابوها ـت]

تدفع نص المبلغ والنص الاخر بعد سنة اذا ماتبغي الموتر بعد سنه ترجعه ويرجعون لك نصف المبلغ اللي دفعته والاعلان فالانستغرام شفته وكلمتهم

[aabdulla1]

فكرة حلوة بدل ما تشتري سيارة مستعملة و تطيح بجبدك و رايح جاي على الكراجات ! (للي ما عندهم سيولة!!)

[قطر love]

العرض اول ما تسمعه حلو ومغري بس اول شي ماحاطين الا السيارات الغاليه

قالي بيك اب ب 164000 يعني تدفع كاش اول مره 82000 الف وما تدفع ولا ريال الا بعد سنه المبلغ الي باقي وهو 82000 بس الموتر بيكون مرهون طول السنه للوكاله اول شي ثاني شي لازم تدفع المبلغ الباقي بالكامل بعد سنه مافي اقساط ولا كل شهر واذا ما دفعت بيسحبون منك الموتر وييرجعون لك نص الي دفعته ونص ال 82000 = 41000 ومب السالفه هات وخذ يدخلون الموتر فحص اسمه فحص المئه نقطه يجيكون على كل شي ويزلون السعر كل شوي يعني عادي تطلع ب 30000 / 25000 الف توقع كل شي

هذا العرض زين للي عنده كاش ويقدر يشتري ويدفع اي وقت

[ya3coub]

العرض اول ما تسمعه حلو ومغري بس اول شي ماحاطين الا السيارات الغاليه

قالي بيك اب ب 164000 يعني تدفع كاش اول مره 82000 الف وما تدفع ولا ريال الا بعد سنه المبلغ الي باقي وهو 82000 بس الموتر بيكون مرهون طول السنه للوكاله اول شي ثاني شي لازم تدفع المبلغ الباقي بالكامل بعد سنه مافي اقساط ولا كل شهر واذا ما دفعت بيسحبون منك الموتر وييرجعون لك نص الي دفعته ونص ال 82000 = 41000 ومب السالفه هات وخذ يدخلون الموتر فحص اسمه فحص المئه نقطه يجيكون على كل شي ويزلون السعر كل شوي يعني عادي تطلع ب 30000 / 25000 الف توقع كل شي

هذا العرض زين للي عنده كاش ويقدر يشتري ويدفع اي وقت

صحيح كلامك أخوي

اخبر العام سوو نفس الشي على جمس سييرا و كنت ناوي عليه لأن بالنسبة لي عرض حلو

و توكلت على الله و اكتشفت انه السيارة نفس ما تفظلت مرهونه للوكالة و ليس البنك <<< كلام السنة الي طافت

ممنوع تسافر فيها أغلب اهل قطر يحبون سفر البر و لازم ما تتعدى رقم معين من الكيلومترات اتوقع كان 50 الف

شروط لأغلب من يسافر و يودي اهله بالسيارة ما تنفعه ولا بستفيد منه و ايضا نقطة الفحص

و هل يسوى لنفرض اجار جمس بيك اب 30 الف بالسنة ؟؟ او بمقل حالتك أخوي 41 ألف !!!

اتمنى انهم عدلو على شروط و بنود العرض عن السنة الي فاتت لأ، غيري كثير ايضا ما عجبهم العرض بسبة تحديد عدد الكلومترات و رهن السيارة و عدم السفر

[Bo jassim 33]

ان شاء الله يكون العرض حلو