البنت تريد الدراسة في الخارج ؟ والاب يعيش العذاب

[سهم الشمال]

برجاء رايك في الموضوع ..

البنت تريد الدراسة المجستير في الخارج لندن اوغيرها , ووجود المحرم واجب , وتحتاج في الغالب فترة الدراسة 3 سنوات .

والاب و الامهم الاكثر الرفقة في السفر , يعيشون عذاب الفراغ لمدة 3 سنوات .

[ANONYMOUS]

الماجستير ف بريطانيا غالبا سنه وتحديدا 9 او 8 شهور - و 6 شهور البحث مب شرط وجود الطالب هناك

[Aaziz]

السلام عليكم

صياغة الموضوع مش واضحة

هل المقصود ان البنت بتروح تسافر و الاب و الام (ماعندهم مشكله في روحتها) ولكن راح يتعبون لفراق بنتهم طول فتره الدراسة
او
المقصود ان الاب و او الام بيكونون رفقة بنتهم في الخارج ولكنهم يعانون من الفراغ و الغربه وهم برى .

--------

جربت الغربه وهي فعلا عذاب ،، خصوصا للشخص الي عنده تحفظات و حدود و طباع معينة
الحل هو ان الشخص يلهي نفسه باي شيء ،،، يبحث عن اي شي موجود في البلد الي هو فيه و يخدم هوايته و ميوله .
و بالنسبه لكبار السن افضل شي لهم هو الاجتماع مع ناس من جيلهم

[Dana’1]

الأفضل انهم يحتسبون الأجر من الله وهذا كفيل يخفف عنهم العذاب بالأول والأخير بنتهم طالبه علم وهالشي نافع لها ولأمتها والله يكتب لهم ولها الأجر

[أخت الكل]

والله بنتي وعندها طموح وهي كفو اخليها تسافر واروح معها ما اخليها بروحها

[حمد 2002]

تبين رأيي بدون زعل ؟! لان رأيي صريح ومباشر مالف ولا ادور ؟! ..

[حسن]

هو صحيح انه مؤلم بس الدارسه بعد تتطلب غربه والحين عند الكثير اصبح عادي السفر
الناس صارت تروح بروحها وهذا واقع وماينكره حد
الله يعينهم سنوات وتمر مثل الهوا

بالتوفيق عقبال الدكتوراه ان شاء الله

[حمد 2002]

والله بنتي وعندها طموح وهي كفو اخليها تسافر واروح معها ما اخليها بروحها


ولو ضروفكم ماتسمح انكم اتروحون معاها !! اشلون تتصرفون وقتها ؟!

[حمد 2002]

هو صحيح انه مؤلم بس الدارسه بعد تتطلب غربه والحين عند الكثير اصبح عادي السفر
الناس صارت تروح بروحها وهذا واقع وماينكره حد
الله يعينهم سنوات وتمر مثل الهوا

بالتوفيق عقبال الدكتوراه ان شاء الله

عادي عندك البنت اتروح ابروحها للسفر بغرض الدراسه ؟!

[هبوب الكوس]

ولو ضروفكم ماتسمح انكم اتروحون معاها !! اشلون تتصرفون وقتها ؟!

تنثبر بالبيت

[حسن]

عادي عندك البنت اتروح ابروحها للسفر بغرض الدراسه ؟!

اسمع عبادي
زمان اول مهب الحين
ولا ياحمد انا عود من طرف حزمه بالنسبه لي ماارضى ولكن هل الناس كلها ترضى !!

لا طبعا

بس ياحمد انت تدري والكل يدري اصبح الحين عندنا السفر صار شي عادي والناس مهوسه به بشكل غير طبيعي

خلاص ياحمد التغير قادم ولا انا ولا انت نقدر نصده

صدقني

:victory:

[رهج السنابك]

انا ضد دراسه الماجستير بشكل عام
هالشهاده كماليه في اغلب التخصصات ماعدا الطبيه والعلميه
الي معاه ماستر مساوي للي معاه باجلر
في الوظيفه والدرجة وكل شي

ثانيا بخصوص لو هالبنت ذابحة عمرها على هالماستر الي مامنه فايده تاخذ حد من اهلها كمحرم وخلاص
ولا تنطر تتزوج وتشرط على المحروس يرافقها سنه

الماجستير موضه وبرستيج لا اكثر بلا عوار راس

[العقل المدمر]

تنثبر بالبيت

انزين ليش تنثبر ؟
ليش كل شي بالقوة ؟
ليش مب خلاص تقعد فالبيت ؟
لازم تطلعون عضلاتكم عالبنت في كل شي
ماتعرفون تناقشون وتقنعون

[رجل مثالي]

الموضوع مش واضح

[هبوب الكوس]

انزين ليش تنثبر ؟
ليش كل شي بالقوة ؟
ليش مب خلاص تقعد فالبيت ؟
لازم تطلعون عضلاتكم عالبنت في كل شي
ماتعرفون تناقشون وتقنعون

ولا تزعل تقعد مع ان المعنى واحد

بعدين ملقت محرم مب ملزومه تروح

[حمد 2002]

انا ضد دراسه الماجستير بشكل عام
هالشهاده كماليه في اغلب التخصصات ماعدا الطبيه والعلميه
الي معاه ماستر مساوي للي معاه باجلر
في الوظيفه والدرجة وكل شي

ثانيا بخصوص لو هالبنت ذابحة عمرها على هالماستر الي مامنه فايده تاخذ حد من اهلها كمحرم وخلاص
ولا تنطر تتزوج وتشرط على المحروس يرافقها سنه

الماجستير موضه وبرستيج لا اكثر بلا عوار راس

حتى العلم صار من المفوشر والكماليات ؟!

[حسن]

حتى العلم صار من المفوشر والكماليات ؟!

انت انتبهت ياحمد حتى انا استغربت من الرد اي صح ترا في البعض تفكيرهم جذا
والسبب الثاني اللي مهب متزوجات تقولك اروح اتعلم بدل مافي زوج وعيال خلني اشغل نفسي بالتعليم
صح موغلط ويمكن بعد الله يسوق لها نصيب
كل شي بقدر

حمد لا يفوتك الجو الجميل تعال نروح انا انت كرك مقانيص اللي في الرويس ونمر نتقهوه عند الربع هناك

ترا هذه فرصه عمر


:)

[ام الحلوين]

تبي تكمل بنتي لو ربي كتب لها زواج تروح مع زوجها او اخوها او ابوها معاها
اما قولة المحرم يروح ويرجع عن البنت لا الحين الجيل صعب ومتهور ولايخاف

[ودي أكون]

برجاء رايك في الموضوع ..

البنت تريد الدراسة المجستير في الخارج لندن اوغيرها , ووجود المحرم واجب , وتحتاج في الغالب فترة الدراسة 3 سنوات .

والاب و الامهم الاكثر الرفقة في السفر , يعيشون عذاب الفراغ لمدة 3 سنوات .

اعانهم الله .. نعم الغربه صعبه وشديدة على النفس .. والغربه هي غربة الوطن اكثر من غربة الاهل والناس ..
نعم في الغربه في ناس لطفاء وخاصه لندن شعبها جدا لطيف .. لكن غربة الوطن والحنين لها والشوق اليها اكبر من التحمل

ومع هذا من اجل العلا عليهم ان يتحملوا عناء الفراغ والشوق من اجل ابنتهم .. فالان الشهادة مهمه ولكي لا تعاني ابنتهم فالمستقبل عليهم تحمل الثلاث سنوات

والله المستعان

[غايه الطواش]

لو في بدائل تدرس بقطر فيها ماستر
ثاني شي المساتر بلندن 9 شهور
والبارت تايم سنتين كل شهرين تروح سبوع

[محمد أبوشيخة]

تنثبر بالبيت

:nice:

[محمد أبوشيخة]

انا ضد دراسه الماجستير بشكل عام
هالشهاده كماليه في اغلب التخصصات ماعدا الطبيه والعلميه
الي معاه ماستر مساوي للي معاه باجلر
في الوظيفه والدرجة وكل شي

ثانيا بخصوص لو هالبنت ذابحة عمرها على هالماستر الي مامنه فايده تاخذ حد من اهلها كمحرم وخلاص
ولا تنطر تتزوج وتشرط على المحروس يرافقها سنه

الماجستير موضه وبرستيج لا اكثر بلا عوار راس

والدولة ماقصرت وفتحت فروع أفضل وأرقى الجامعات بقطر.....ليش السفر والغربة وكل شىء متوفر عندنا