الاف من السيارات السكراب وسط الصحراء

[الدوحه1]

شفت الفيديو واستغربت ليش هالسيارات السكراب في وسط الصحراء؟
ليش مايتم بيعها او التخلص منها بطريقه حضاريه؟
وينكم يامسئولين البيئه؟؟؟

للعلم الفيديو معروض في احد المواقع الخاصه بالاجانب في قطر وعلى اليوتيوب.



http://www.youtube.com/watch?v=FKTUOJIZfmg

[توشيبا]

متاكد هاذي في قطر ؟

[JN000N]

كنت بسال نفس السوال
هاي صج ف قطر؟
وين هالمساحه الكبيره الي فيها سيارات!

[alrasee]

تصوير الفيديو روعة :victory:

[JN000N]

تصوير الفيديو روعة :victory:

هههههههه كلن في قلبه شقى اللي له


عجبتني هذي ابيها زين
بخليهم يشتغلون عليها
شلون يعني
http://i.imgur.com/f7d1lIp.png

[مشعل العطاوى]

من يقدر يجيبها سكراب .. وزبونها جاهز عندي

والطن مايقارب 850 ريال


واللى بالفديو ممكن تتعدي 6000 طن



( ولي السعي )

[الدوحه1]

متاكد هاذي في قطر ؟


حسب الموقع الاجنبي فان الموقع بين الوكير وابوسمره



Located on the way from wukair to abusamra

[وحيد-الشوق]

بعد الوكير هالمكان وقبل دوار النقيان الخراره صراحه منظر بايخ مادري ليش مخلين السيارات تصرفوا فيها طيب !!!

[شيخ الديرة]

تصوير الفيديو روعة :victory:

فعلا. مصورينه بالطائرة المسيطر بها عن بعد

[medic]

كنز في الصحراء

[شيخ الديرة]

هنا الموقع على خارطة قوقل
https://maps.google.com/maps?q=25.117110,+51.469271&hl=en&ll=25.117116,51.469274&spn=0.022732,0.042272&sll=25.115215,51.471219&sspn=0.022732,0.042272&t=h&z=15

[شيخ الديرة]

كنز في الصحراء

لماذا لا يعطوها هبه مجانية لقطر ستيل ؟؟

[PathFinder]

هل الموقع مفتوح للزيارة ؟

[برويقن]

انا ابي الجمس الأسود والنيسان الأبيض

[حمد 2002]

والأدهى من ذلك ..

شركات كبرى ووكالات بقطر يخزنون مواترهم بساحات فاضيه .. بدون تغطية السقف على الأقل والسياره تكون معرضه لعوامل التعريه والشمس ..


وشكرا

[باراكودا]

كنز في الصحراء

شفت موتري السدريك موديل 1986م عليه رقم مميز مجاني بعته بدون نقل ملكية أيام السهالات .

[عاشق العديد]

اوب الجمسسس مايحتاي والنيسان الابيض كذلك انا بمر علئ هذا الموقع الجغرافي المتميززز عجبني

[حسن]

الصراحه انا مهب مصدق

زين نبي نشلح منها ادور هبات لحق الكباين فيها ناطور ولا لا
ومسوح نشلح منه ولا لا

ويمكن هذه مودينها مصنع الحديد والصلب اذا صوب مسيعيد

والله اعلم

الصراحه باستفسر عنها نبي نشلح بقيمه ولا بشيمه

:)

[JN000N]

الجمس محد ياخذه :anger1:

[قطر love]

هذي فالخراره قبل المعسكر

وفيها حراسه وقروب فور وموظفين من الدوله ومدير من اهل قطر

وانا دخلت هذا الشبك حق البلديه كانو ماخذين موتر من قدام الكراج وودوه هناك طبعا السياره مدعومه من الصوبين ومحد يعوضك

والمصري هناك مصنف السيارات اقل من ست شهور حسب قدام المدخل يوقفون سنه الصف الثاني وهكذا وللاسف في سيارات جديده وكتابين عليها بالرش والصبغ ( اقساط - محكمه - مخالفه - بلديه ) باللون الاحمر والله عورني قلبي على المواتر بورشات وفراري ومرسيدسات وغيرهم وللاسف شبك شطول شعرض اطول من مد البصر وعليه حراسه ليل نهار عورني قلبي

[حسن]

مافي فايده عيل قلنا نبي نشلح الجمس بناخذ هوباته ورنقاته
سؤا بشيمه ولا بقيمه

دام عليه حراسه قروب 4 خلنا في السليم وعود على دبي فيها كل شي

:)

[بن كعلان]

با كل ها ها السيارات

[شيخ الديرة]

هذي فالخراره قبل المعسكر

وفيها حراسه وقروب فور وموظفين من الدوله ومدير من اهل قطر

وانا دخلت هذا الشبك حق البلديه كانو ماخذين موتر من قدام الكراج وودوه هناك طبعا السياره مدعومه من الصوبين ومحد يعوضك

والمصري هناك مصنف السيارات اقل من ست شهور حسب قدام المدخل يوقفون سنه الصف الثاني وهكذا وللاسف في سيارات جديده وكتابين عليها بالرش والصبغ ( اقساط - محكمه - مخالفه - بلديه ) باللون الاحمر والله عورني قلبي على المواتر بورشات وفراري ومرسيدسات وغيرهم وللاسف شبك شطول شعرض اطول من مد البصر وعليه حراسه ليل نهار عورني قلبي

وهذا اللي صور الفيديو كيف دخل ؟؟

[باراكودا]

وهذا اللي صور الفيديو كيف دخل ؟؟

بطيارة بدون طيار https://encrypted-tbn2.gstatic.com/images?q=tbn:ANd9GcSf1FSYkCZJM_eA6gcu7flNlzwGEHIgh EdW0f9vUw1KcLzl1kv3_A

[حسن]

وهذا اللي صور الفيديو كيف دخل ؟؟

هذا يصور بالطيارات الجديده اللعبه وتركب فيها كيمره
ماتذكر المحاميه نزلت موضوع عن هل الطيارات

اعتقد ذالك والله اعلم

[حمد 2002]

وهذا اللي صور الفيديو كيف دخل ؟؟

الأقمار الصناعية ..

الحين لو 2 يتكلمون مع بعض .. أمريكا اتعرف شيقولون من هالاقمار ..

[حسن]

الأقمار الصناعية ..

الحين لو 2 يتكلمون مع بعض .. أمريكا اتعرف شيقولون من هالاقمار ..

وين سمعت هل الخبر ولا كيف عرفت قولنا ياحمد ,,

[JN000N]

بطيارة بدون طيار https://encrypted-tbn2.gstatic.com/images?q=tbn:ANd9GcSf1FSYkCZJM_eA6gcu7flNlzwGEHIgh EdW0f9vUw1KcLzl1kv3_A

لا بس انتبه عالفيديو عدل في سياره اعتقد سيارة المصور مب من المصطفين

[قطر love]

وهذا اللي صور الفيديو كيف دخل ؟؟


مثل ما انا دخلت

او يمكن صاحب صديق بمعنى يمكن يكون رفيج مدير الشبك ولا ازيدك

يوم خذت الموتر خلونا انا والبريك دون بروحنا فالشبك وسكرو مكتب التسليم وماتمو الا حارس الامن وانا تميت احوط بين المواتر ادور موتري ف شي اكيد الحبيب استغل وصور

[حمد 2002]

وين سمعت هل الخبر ولا كيف عرفت قولنا ياحمد ,,

اشلون عرفت امريكا بمكان بن لادن ؟!

عن طريق هالاقمار الصناعيه ..


وأمريكا حذرت الكويت يوم حرب الخليج .. بتحرك القوات العراقيه نحو الكويت .. لاكن الكويت ماصادقت امريكا .. وصار الي صار .. هاي كله عن طريق هالاقمار ..

بوعلي العلم تطور واحنا يالسين أنفكر شنو بنتغدى بأجر مجبوس هامور ولا محمر صافي !! همنا الأكل بس !! ..

[قطر love]

اشلون عرفت امريكا بمكان بن لادن ؟!

عن طريق هالاقمار الصناعيه ..


وأمريكا حذرت الكويت يوم حرب الخليج .. بتحرك القوات العراقيه نحو الكويت .. لاكن الكويت ماصادقت امريكا .. وصار الي صار .. هاي كله عن طريق هالاقمار ..

بوعلي العلم تطور واحنا يالسين أنفكر شنو بنتغدى بأجر مجبوس هامور ولا محمر صافي !! همنا الأكل بس !! ..

والاقمار الصناعيه فاضيه تصور شبك وتسوي زوم وتصور جمس قديم ؟ شبك موجود من الله اعلم من متى لا والافضى انهم ينشروونه بالمواقع ؟!

[شيخ الديرة]

هذا يصور بالطيارات الجديده اللعبه وتركب فيها كيمره
ماتذكر المحاميه نزلت موضوع عن هل الطيارات

اعتقد ذالك والله اعلم

أبو علي, أنا أول مشاركتي قلت أنها بالطيارة المسيطرة عن بعد, يعني عندي علم بالموضوع. ولكن لا يمكن تصوير كل هذه اللقطات القريبة جدا والخروج من الباص من زجاجة السائق لا يمكن السيطرة عليها من خارج الموقع, وأنما عن طريق المراقبة المباشرة من مسافة قريبة. لا يمكن تصوير هذا الفيديو بدون الدخول الى الموقع.

[توشيبا]

كنت في المجلس وفتحت الموضوع للشباب

واحد علق قال شفت مقابله علي التلفزيون مع مسوول قطري عليهم

وانه عيب علي الشباب القطري ان محد يشتريها كوم حديد ويشتغل فيها

والسياره ب 500 ريال

ماحبيت اعلق علي كلامه لي ان مابيني وبينه ميانه

بس الحديد صار اغلى من الذهب الاحمر وعلي قولت العضو كنز في الصحراء

[شيخ الديرة]

الأقمار الصناعية ..

الحين لو 2 يتكلمون مع بعض .. أمريكا اتعرف شيقولون من هالاقمار ..

وأنا كذلك عندي جزيرة عائمة على كوكب المريخ

[حمد 2002]

والاقمار الصناعيه فاضيه تصور شبك وتسوي زوم وتصور جمس قديم ؟ شبك موجود من الله اعلم من متى لا والافضى انهم ينشروونه بالمواقع ؟!

الأقمار الصناعية أنواع ياخوك .. وتلقط الخضر واليابس ويمكن من الي لقطته هالشبك !! ..

[حسن]

أبو علي, أنا أول مشاركتي قلت أنها بالطيارة المسيطرة عن بعد, يعني عندي علم بالموضوع. ولكن لا يمكن تصوير كل هذه اللقطات القريبة جدا والخروج من الباص من زجاجة السائق لا يمكن السيطرة عليها من خارج الموقع, وأنما عن طريق المراقبة المباشرة من مسافة قريبة. لا يمكن تصوير هذا الفيديو بدون الدخول الى الموقع.

اها انا ماكملت الفيديو الى نهايته بس شفت السكراب شوي
الصراحه

ياريال الى سيارات منتهيه

[aloosh]

وين المكان ابي قطع غيار للسيارات قديمه عندي

وين روح

[MAZEN37]

قبل فتره شلوهم من الصناعيه والحين في مثلهم صار
الكل يغل بالصناعيه
انا خاطري المرور تفرض غرامات علي اصحاب السيارات المهمله

[كيلو حديد]

المصور رايح هناك ومصور أكيد بموافقه
في سياره بيضا نيسان باثفندر او اكستريل شكلها للمصور


التصوير عجيب

[الكواري 1972]

هذه السيارات شبه مباعه

وعندي رقم الرجال اللي يشتر منهم بالكميه طبعا

والسيارات المهمله كثيره والعدد بزدياد

[شيخ الديرة]

[FONT="Microsoft Sans Serif"][COLOR="Navy"][SIZE="5"][B]
مثل ما انا دخلت

او يمكن صاحب صديق بمعنى يمكن يكون رفيج مدير الشبك ولا ازيدك

يوم خذت الموتر خلونا انا والبريك دون بروحنا فالشبك وسكرو مكتب التسليم وماتمو الا حارس الامن وانا تميت احوط بين المواتر ادور موتري ف شي اكيد الحبيب استغل وصور

لا أدري لماذا مسحه صاحب الفيديو من اليوتيوب, هل لسؤالنا كيف دخل له علاقة؟؟

له فيديوات أخرى, وأكثر بداعه, هنا مثال

http://www.youtube.com/watch?v=ARy1Y6I7NNc

[رجل مثالي]

الحل عمل مزاد على
السيارات والمفروض
معرفة اصحاب السيارات هل
لها اصحاب موجودين ام لا

[بوحارب]

الفيديو ماشتغل ممكن رابط اخر !


الصراحه انا مهب مصدق

زين نبي نشلح منها ادور هبات لحق الكباين فيها ناطور ولا لا
ومسوح نشلح منه ولا لا

ويمكن هذه مودينها مصنع الحديد والصلب اذا صوب مسيعيد

والله اعلم

الصراحه باستفسر عنها نبي نشلح بقيمه ولا بشيمه

:)

اذا تبي ميكانيكي يشلح لك المواتر انا حاضر :)

[حسن]

الفيديو ماشتغل ممكن رابط اخر !



اذا تبي ميكانيكي يشلح لك المواتر انا حاضر :)

اي ميكانيكي يابوحارب

انت ماشفت الموتر عندي وش فيه كراج متحرك
المشكله القروب فور هناك بقتنصونه مثل البلاك ووتر
هاهاها