تنبيه للكل وربي يحفظ الجميع

[ام الحلوين]

حبيت انبه الجميع بالذات عن شقق لندن لاتدفعون للسماسرة من قطر لان حصل لي موقف بالمنتدى وطلبوا مني 18 الف ريال قطري حق شقه صورها فوق الخيال ومش موجودة اصلا بالشارع الي انذكرت فيه طبعا لاني اعرف لندن زين زين وانا سكت ومشيتها لهم كنت ابي اشوف النهايه
لو بتدفعون عربون شي بسيط وانا ماانصح بهالشي لين تروحون تشوفون الشقه
احجزوا يومين فندق وبعدها شوفوا الشقق المذكورة لكم من خلال السماسرة وتاكدوا قبل تسكنون من التدفئه لانه احنا بالشتاء والحمامات اكرمكم الله والصخانات لو شغاله وتاكدوا من خلال العقد الي بينكتب هل فعلا التاريخ المكتوب من اليوم الي سكنتوا فيه لانها طبعا حصلت لي دفعوني 4 ليالي زيادة لاني مانتبهت للتاريخ الزايد
والله من حبي للمنتدى واهلي هل قطر حبيت انبه الكل .. ربي يحفظكم من كل شر وسوء
اخواني واخواتي السماسرة اتقوا الله اتقوا الله اتقوا الله .. والمقصود يعرف نفسه..

[الجنوبي 11]

بارك الله فيك

[monatee]

مشكووره ،، بس اختي تعرفين من وين نجيب السماسره الثقه اذا نبي نحجز الشقق هناك ؟

ويعطيج العافيه

[captin]

شكرا على التنبيه

ونصيحة عامة تعاملوا مع اليهود ومع الأجانب ومع البوذيين ومع كافة ملل الأرض
إإإلاااااا العرب الحرامية النصابين

[Aaziz]

من العضو الي في المنتدى و حاول ينصب
بلغي الاداره عنه

[بـارود]

شكرا على التنبيه

ونصيحة عامة تعاملوا مع اليهود ومع الأجانب ومع البوذيين ومع كافة ملل الأرض
إإإلاااااا العرب الحرامية النصابين

لا تجمع أخوي !

[OM_OMAR_QATAR]

بارك الله بيك

[ام الحلوين]

بلغت اختي عنه الاداره

وربي يحفظ الجميع من كل شر

[ام الحلوين]

والله يااخي من خلال تجارب انصحك تروحين تجلسين يومين بفندق وترحين لمكاتب الاجار تشوفين شقه بعينك مستحيل تحصلين شقة عدله ونظيفه وانتي بقطر

وربي يوفقك ووتحصلون شقه زينه

[medic]

انزين اختي ترى ماهو سبق صحفي .ربي يحفظك وليه ماكملتي مع النصاب وعرفتي شلون بتحولين المبلغ ؟؟؟ ادا قالك على الويسترن يونين تأكدي انه نصاب ولكن ادا عنده شركه ومسجله وفيها فاتوره بالدفع حقك مايضيع .وسألتي عن الشركه والعنوان ولا لا ؟؟؟...يا اختي ترى الي يخافون الله بعدهم ماخلصوا ودعوه مظلوم في الليل مب شي سهل . وزين سويتي بلغتي الاداره خلهم يتأكدوا انه الشقه خيال اولا ويحققوا مع النصاب

[ام الحلوين]

انزين اختي ترى ماهو سبق صحفي .ربي يحفظك وليه ماكملتي مع النصاب وعرفتي شلون بتحولين المبلغ ؟؟؟ ادا قالك على الويسترن يونين تأكدي انه نصاب ولكن ادا عنده شركه ومسجله وفيها فاتوره بالدفع حقك مايضيع .وسألتي عن الشركه والعنوان ولا لا ؟؟؟...يا اختي ترى الي يخافون الله بعدهم ماخلصوا ودعوه مظلوم في الليل مب شي سهل . وزين سويتي بلغتي الاداره خلهم يتأكدوا انه الشقه خيال اولا ويحققوا مع النصاب

اولا مش سبق صحفي !!
ثانيا اهل بلادي لازم بنبههم والاخير مثل ماتفضلتي شركه وفواتير ووقعتها من قطر وين احصله بلندن؟؟

اختي كلنا نخاف الله عز وجل والتنبيه مش ظلم لشخص معين انا ذكرت اكثر من موقف حصل لي انا شخصيا
عموما التنبيه مايزعل احد من الافضل يشوفون الشقه بعينهم قبل الدفع سواء عربون او كامل نصيحتي ماعتقد تزعل احد

[قطري 777]

الله يكثر من امثالج الطيبه ويقلون ماتو الطيبين شلون يموتون وامثالج للحين موجوده
: ))

[ام الحلوين]

الله يكثر من امثالج الطيبه ويقلون ماتو الطيبين شلون يموتون وامثالج للحين موجوده
: ))

بيض الله وجهك ماعليك زود والحمدلله اهل قطر كلهم فيهم الخير والبركه والحمدلله احنا في بلد نحب بعض وكلن يخاف على الثاني

[مليونيرة مفلسة]

أشكرك على التحذير
ما فيه أحلى من الفنادق

[Q6RI-001]

مشكورة على المعلومات والتنبية يا ام الحلوين .. جزاك الله الف خير