هل العاملين بالمنزل سلعه تباع وتشترى ؟!! [الأرشيف]

مشاهدة النسخة كاملة : هل العاملين بالمنزل سلعه تباع وتشترى ؟!!

حمد 2002

01-12-2014, 08:53 AM

السلام عليكم ورحمه الله وبركاته

هل العاملين بالمنزل سلعه تباع وتشترى ؟!!

المتردد على مكاتب الخدم يجد بأن صاحب المكتب يعرض اصور الشغالات والسائقين بدفاتر مع اصورهم ومواصفاتهم بالظبط !! .

هل انت او انتي اذا قدمتوا على وظيفه ترضون يعرضون اصوركم ومواصفاتكم بهالطريقه ؟

ولحد يقولي مافيه مجال للمقارنه بيننا وبينهم ..

ترى نحن بشر وهم بشر ..

ولولا الحاجه وكدح المعيشه ماحدتهم ضروفهم على ترك ابلادهم وعيالهم وازواجهم لمده سنتين حسب عقد العمل ويرون اطفالهم فلذات اكبادهم لمده شهرين فقط !! ..

نفذ الكلام الي عندي ولكم الرأي الان وفقا لقوانين المنتدى وسياسته العامه وبدون الخروج عن الإطار العام للموضوع ..

مع فائق تحياتي العطره الممزوجه بالورد والمسك والعطور ..

حسن

01-12-2014, 09:03 AM

والله ياحمد

كلامك في الكثير من الواقعيه فعلا وطرحت موضوع لم يتطرق لهاحد من قبل
دائما ولا زلت
انا اقول هذه الظاهره يجب ان تزول وصداع في راس الجميع
لن اغير راي

اتمنى اسمع الاجابه من الجنس الاخر

فعلا

انه استحقار لعرض الصور كانها سلعه هل ترضى ترضين ؟
اسمع الاجابه بعد الفاصل

:discuss:

Dana’1

01-12-2014, 09:13 AM

حمد 2002

01-12-2014, 09:15 AM

حمد 2002

01-12-2014, 09:18 AM

اغلب الوظايف اذا بتقدم عليها لازم السيره الذاتيه وفيها صور شخصيه
وتحتها تصف خبراتك الأكاديميه... وايش تجيد من لغات وايش مستوى هالإجاده وغيرها من المعلومات

واذا انقبلت خذو باقي المعلومات الصحيه من وإلى وحتى الديانه والمذهب مرات

هذا بالعموم

صحيح كلامج اختي ،،،

بس ترضين ايحطون صورتج ومعلوماتج الشخصيه وطولج ووزنج ووووو ، بدفتر ويعرضونها لكل الشركات بالدوله والناس ،، لو كنتي تبين وظيفه ؟

اخبر انا يوم قدمت على وزاره العمل يوم تخرجت من الجامعه وابي وظيفه ، كانوا يقولون لي تبي اي جهه تشتغل فيها !! قلت لهم ابي الجهه الفلانيه !! قاموا طرشوا فاكس للجهه الفلانيه وايميل فيه اسمي ومؤهلي فقط !! وهذا الصح ،،

مع الشكر الجزيل،،

شيخ الديرة

01-12-2014, 09:22 AM

لم أفهم أين المشكلة؟ يعني تريد تاخذ العامل بدون ما تعرف عنه شي؟

المعلومات اللي موجودة حاليا لا تفي بالغرض, مهارات اللغة, المهام الذي فعلا يتقنها العامل, وأهم شي عندي تأريخه الوظيفي والسلوكي. أود أن يكون هناك طريقة يمكنك الذهاب الى المكتب ومقابلة العامل الذي تحتاجه شخصيا, ويمكنني الأطلاع على تقييماته الرسمية السابقة ممن عمل عندهم , بدلا عن مفاجأت الطريقة الحالية...

شيخ الديرة

01-12-2014, 09:26 AM

صحيح والله ،،

هناك طرق ارقى لعرض تلك المعلومات على الراغبين باستقدام الايدي العامله ،،

ممكن تقول لنا ماهي تلك الطرق ؟؟ بالتفصيل الممل رجاءا

Dana’1

01-12-2014, 09:32 AM

صحيح كلامج اختي ،،،

بس ترضين ايحطون صورتج ومعلوماتج الشخصيه وطولج ووزنج ووووو ، بدفتر ويعرضونها لكل الشركات بالدوله والناس ،، لو كنتي تبين وظيفه ؟

اخبر انا يوم قدمت على وزاره العمل يوم تخرجت من الجامعه وابي وظيفه ، كانوا يقولون لي تبي اي جهه تشتغل فيها !! قلت لهم ابي الجهه الفلانيه !! قاموا طرشوا فاكس للجهه الفلانيه وايميل فيه اسمي ومؤهلي فقط !! وهذا الصح ،،

مع الشكر الجزيل،،

أنت اشرت لهم على جهة حكوميه
هم بيأشرون على من؟ اي بيت؟
هم يختارون الدوله الي يبغونها ويقولون الوظيفة الي يرغبون فيها وخبراتهم (مربيه معلمه مدبرة منزل طباخه اوموظفات صالون
تكتب رغبتها والاعمال الي تجيدها
ماتقول ابغى بيت فلان المكتب يرسلها له لان ماعندها فكره

انا اذا فيه شي فعلا يمس انسانيتهم هو تعامل بعض هالمكاتب معهم
من ناحيه الأكل والجلوس المؤقت عندهم والتحرشات فيهن
وهذي قالتها لي اكثر من خامه من الجنسيه الفلبينيه
واخذ مبالغ طائله منهن ومنا

اما البيانات والمعلومات العامه عنها يمكن حتى هي ماتفكر فيها كثر الأمور الثانيه

قطري 777

01-12-2014, 09:45 AM

بس لاحظت في مكاتب الخدم وقت مايعطيك الموظف الملفات الي فيها صور الخدم اشوفهم يسون حركات تقول منزله فيديو كلب ولا كاست جديد الي مشكبه ايدها وحاطتها على خدها وحركات يعني بعدين مافيها شي لازم تعرف طولها وزنها على اساس تشوف هل هي تصلح تغير المبه ولا تحتاج درج يعني لها حسابات ..
: ))

ودي أكون

01-12-2014, 10:42 AM

مافيها شيء اخوي حمد ..

ومافيها مقارنه بينا وبينهم ..

اولاً هم من الاساس كاشفات والصور مافيها شيء خادش للحياء .. هذا اولاً

وثانياً .. انت بتستقدم خادمه برع البلاد بالطلب .. يعني مو موجوده عشان اتسوي لها مقابله فيس توفيس نفسنا احنا يطلب الامر قدمونا شخصيا لمكان العمل ..

فالموضوع بسيط مو محتاجه حقوق الانسان :)

7llo

01-12-2014, 10:47 AM

حمد حالتك صعبه هههه , للعلم ترا انت لما تقدم في مكان اكيد بتكون حاط في السي في صورتك او بترفق معاها صورتك بتقولي لا بقولك اكثر الاماكن يطلبون صوره مع السيفي انا شغال في موارد بشريه في موسسه حكوميه ولازم الصوره تكون مع الاوراق لما تقدم طلب توظيف واوراقك تمر على كذا واحد في التوظيف من الي يفرز الاوراق والي يدخلهم بالسستم والقسم الي بتروح له الاوراق يعني عادي مافيها شي الصوره مادري ليش معقد الامور

توشيبا

01-12-2014, 10:47 AM

كنت من لجنه توظيف

ناقص ناخذ مقاس سروال اللي ماخذين مقابله معه

وين المشكله !

عندك العسكريه يفصخونك تفصخ مب لابس الا سروال عشان يشيكون عليك وان مافيك عيوب

حالهم من حالنا

Rider

01-12-2014, 10:52 AM

موضوع غريب يعني تبغي تفهمني ماعندكم خدم في البيت وتبغي تقولنا انك ماشفت صورهم ولا تعرف معلومات عنهم قبل ماتاخذهم من المكتب ياخي هذي انسانه بتشغل عندك في البيت لازم تعرف عنها بعض الملعومات وقولي بعد الخادمات عندكم في البيت متغشيات ولا تشوف منها شي اذكر ربك ياحمد

Riku3

01-12-2014, 11:03 AM

لما تتقدم لبعض الوظايف يطلبون الطول والوزن ويسألون عن صحتك ويطلبون صور شخصية ومعلومات كثيرة .. ونفس الفكرة للعمال او الخدم .. ترى لازم نعرف هالمعلومات لان شغلهم يتطلب مجهود والطول والوزن والصحة والثقافه تفرق عندك ..

بس الي يحز في خاطري والي لاحظته في الاندونيسيات ان صور جوازاتهم بدون حجاب !! .. انا مستغرب هل هم يجبرونهم على هالشي او هم يسوونه من نفسهم .

technical

01-12-2014, 12:19 PM

بسم الله الرحمن الرحيم , الاخ الكريم طرح موضوع الكرامة للعامل المنزلي من طريقة عرض الصوره الشخصيه والسيره الذاتيه من خلال ملف في مكتب الاستقدام .

غيرته عليهم مشكور عليها , لكن الناظر الى مواقع الكترونيه تعرض نفس معلومة طالب الوظيفه في الخليج او الغرب , يجد اغلب المعلومات التي تعرضها مكاتب مساعدين البيوت هي ذاتها التي تعرض في مواقع تطلب موظفين او مدراء !

وكل الجهات تطلب مقابل هذه الوساطه , فتلك تطلب مئة الف والاخرى تطلب عشرة الاف او اقل , والسلام.

دايموند

01-12-2014, 12:46 PM

الوزن مطلوب علشان اعرف اذا هي مربربه عيل ماتصلح للشغل تصلح لليهال اكثر
والعمر بعد يهمني مابي خدامات صغار حق الخرابيط ولا ابي كبار عيايز ابي عمر متوسط

يعني بالاصح كل معلومه في سيفيها يهمني

همر

01-12-2014, 12:51 PM

الحين سؤالك لنا ولا لاصحاب المكاتب ؟!!

اصحاب المكاتب اللي يعرضون احنا اشدخلنا !!

وعقب تقول ماترضون حد يحط صوركم في كتالوج ...

اذا بيدفعون لي 15 الف عشان بس يشغلوني

عندهم بعطيهم صورتي بشورت سباحه اقحواني :(

بصمة قطرية

01-12-2014, 01:07 PM

يعني اعتراضك على الطريقة ..!!
الحين يرسلون لك الطببات على الإيميل ..
ما اشوف في شي غلط في طريقة العرض
قدامي ملف فيه طلبات أشوف و أختار اللي يناسبني ..
عادي جداً
ليش مهول من الموضوع .. !!
من وعينا على الدنيا و هاذي طريقة المكاتب في العرض ..
ورقة و فيها كل المعلومات ..

مب عاجبتك الطريقة
عطني طريقة بديلة
شلون تبي العرض ..!

بوحارب

01-12-2014, 01:34 PM

انا لو يعطوني 300 ريال بعطيهم حسابي فالانستقرام كامل ههههههه

لا تعليق بالنسبة للموضوع

ولكن الله يعين هالخدم تاركين بلادهم وعيالهم وجايين يدورون لقمة العيش هنا

وفوق هذا تلاقي صراخ وهواش من راعية البيت اذا كانت نفسية !

shanks

01-12-2014, 01:41 PM

99% من البيوت عندهم خدم وهذا هو سبب الردود الدفاعيه والعنيفه
انا اشوف انه المفروض الانسان يخدم نفسه
احنا مستفيدين من العماله الرخيصه يعني مثلا ارخص لك تجيب حلاق من بلاده وتحطه فبيتك ,
من انك تروح الحلاق مره فالاسبوع
انا اتوقع انه القوانين راح تتغير وبيصير في حد ادنى للراتب ولازم توفر له مسكن مناسب
يعني مايصير بيت شعبي فيه 4 خدم متراصصين

دايموند

01-12-2014, 02:39 PM

Shanks

اشك انك اقطري

للعلم ع قولتك اذا. مب عاجبتك سالفه 4 خدم متراصين في غرفه وحده

ترى احنا سابقا ايام التسعينات وبدايه ال2000 اكثر من عايله كانت تخلي او تخصص اكثر من 3 افرد و 4 افراد ينامون بغرفه وحده
مافيها مشكله !!

يمامـة

04-12-2014, 09:07 AM

ما ادري ليش ابي اكتب واعبر.. بس في الوقت نفسه شي يقول لي سكتي..

يمكن لأن كلامك يلامس الواقع بشكل كبير.. :(

Super Cool

04-12-2014, 09:51 AM

اي والله صادق

ذكروني باللي يروحون يشترون خرفان يرفعونها يشوفونها سمينة و الا لا!!!

اش لك بطولها و عرضا و مساحتها انت جاي تدور خدامة و لا جاي تحسب نصف القطر؟؟

ههههههههههه

يمامـة

04-12-2014, 09:54 AM

اي والله صادق

ذكروني باللي يروحون يشترون خرفان يرفعونها يشوفونها سمينة و الا لا!!!

اش لك بطولها و عرضا و مساحتها انت جاي تدور خدامة و لا جاي تحسب نصف القطر؟؟

ههههههههههه

الطول مهم وخاصة لو مثلا بتكون خادمة في المطبخ.. امي ياتها خدامة تبي كرسي علشان اتطال المغسلة..
ووحدة تساعدها علشان تشل الجدر عنها.. هذي بروحها يبي لها خدامة تخدمها..
فالطول والعمر و الوزن مهمين جدا عند استقدام الخادمات..

حمد بن خالد

04-12-2014, 10:03 AM

اي عادي

مافيها شي

حمد 2002

07-12-2014, 10:15 AM

الله يعطيكم العافيه شباب وبنات على المشاركات الجميله ،،

ماقصرتوا ،،