دفان الحوش

[][ Q6r ][]

السلام عليكم ورحمه الله وبركاته


ممكن رقم شخص عنده دفان للحوش رمل ( مغربل ) او وين موقعهم وكم سعر للتريله الواحده

[معماري قطري]

الله يوفقك عجبني اختيارك ابعد عن البودره

[عيد بن شاكر]

الله يوفقك عجبني اختيارك ابعد عن البودره

ليش اخوي؟ ممكن توضح لنا

يعطيك العافية

[معماري قطري]

ليش اخوي؟ ممكن توضح لنا

يعطيك العافية

الله يسلمك إِخوي عيد هذي البودرة فائض كسارات غير صالح لشيء وكانوا قبل يعطونه المقاولين ببلاش وألحين ينباع بسعر رخيص .. وهم بدورهم ينشرون ثقافة إِن الدفان قوي وزين ويبيعونه على الملاك يتربحون من وراه وما يهمهم الضرر اللي يجي عقب.

الضرر يتمثل في كون الدفان ناعم جداً ولو تخلله الماي أَو الرطوبة الخفيفة بعد ما ينشف يتنفخ ويرجع ينزل ويسبب تموجات .. وغير وهو الأَهم دفان فيه شوائب كثيرة وفيه نمل أَبيض وما يصلح حتى للداخل .. عندنا في مشاريع الحكومة ممنوع لكن ممكن بعض المهندسين الحديثين ينخدعون بالمسوقين له ويمشونه.

أَفضل شيء ناتج الحفر المغربل واللي فيه حجارة تقل عن 5 سم .. بس ممكن نتجاوز عن هذا الشرط بحيث نبدأَ بحجارة كبيرة ويتم الدفن بالتدريج حولها بحيث نضمن دخول الدفان في كل الفجوات .. ويبقى الشيء الأَهم نخلي الطبقة الأَخيرة خرسانة مقاومة للأَملاح ومعزولة ببلاستيك سميك من تحت بعد دك التربة وتحديد السلوبات للحوش .. وهذي الخرسانة تكون ضمان أَخير وتأَسيس للتبليط فوقها.

[بو راشد 1]

بعد اذن صاحب الموضوع، كم سعر تريب رمل البلاستر المغسول؟

[][ Q6r ][]

الله يوفقك عجبني اختيارك ابعد عن البودره

ويوفقك يارب ،،

[$الملياردير$]

اخوي معماري ... بعد إذن صاحب الموضوع الحين انا مدفون جزء من الحوش بالبودرة في بعض الأماكن عشان التسوية للحوش قبل ما بطلع مقاول العظم وخلها نفس المستوى مع الارض الطبيعية و انا الحين لازم ادفن الحوش كله هل استعمل الرمل المغسول وعلى كم دفعة وهل لازم يندك علما أني مرتفع عن الشارع ظ¢ظ* سم هو ظ* الحوش و عندي درجتين والثالثة مستوى مدخل الصالة . علل هل كيف :eek5: جزاك الله خير

[معماري قطري]

اخوي معماري ... بعد إذن صاحب الموضوع الحين انا مدفون جزء من الحوش بالبودرة في بعض الأماكن عشان التسوية للحوش قبل ما بطلع مقاول العظم وخلها نفس المستوى مع الارض الطبيعية و انا الحين لازم ادفن الحوش كله هل استعمل الرمل المغسول وعلى كم دفعة وهل لازم يندك علما أني مرتفع عن الشارع ظ¢ظ* سم هو ظ* الحوش و عندي درجتين والثالثة مستوى مدخل الصالة . علل هل كيف :eek5: جزاك الله خير

حي الله إِخوي بو غانم وجزاك الله بمادعيت

يا طويل العمر الرمل المغسول غالي ولإِستخدامات داخل البيت خصوصاً للمونة بين الطابوق ولتعبئة تحت بلاط الحمامات .. الحوش بما إِنه أَمر واقع عندك وصعب تغيره شوف لو تبي شغل مضمون إِشتر دواء الأَرضة وخل حد يرشه على الدفان .. وقبلها ممكن تجيب دفان عادي اللي هو ناتج الحفر ويكون مغربل وبدون حجارة كبيرة أَو شوائب من خشب وبلاستك وغيره .. الدفان تسوي به الأَرض ويسوي به سلوبات تتجه صوب الباب أَو أَي حفر للزراعة وتكون الميزانية بحديد يوضح تغير المستوى وتندك الأَرض زين .. الدك ممكن يكون كل 30 سم ولو عندك عمق كبير تقدر تستغل الحجارة الكبيرة وتطلب يصفونها تحت ويدفنون حولها بعناية بشرط الدفان يملأَ الفجوات كلها.

نجي للطبقة قبل الأَخيرة ونصب خرسانة على قطع بلاستيك وتكون مقاومة للأَملاح ومقواه بفايبر .. أَفضل وايد من الحديد وأَرخص .. والإِسم موجود في موضوع العقود اللي في توقيعي وأَكيد فيه نوعيات ثانية الحين تمنع تكسر الخرسانة .. وتحتاج 10 سم سمك وتنعمل فواصل تمدد تتسكر بحبل خاص وتنحط فوقه مادة الماستك .. والماستك نوعيات ومنها القوي اللي يعمر معاك 20 سنة ومنها ما يحتاج لتجديد من وقت لوقت .. فواصل التمدد تسويها مكان الإِنتقال من مساحة صغيرة لمساحة كبيرة أَو كل 10 متر لو عندك 10 سم سمك .. طبعاً الصبية النهائية تاخذ شكل الدفان تحتها والسلوبات نفسها وفوقها يجي التشطيب اللي تبيه .. وفي بعض الدول هذي تخشن شوي بمشط خاص وتمشي عليها السيارة .. وبعضها تنعمل عليها تشكيلات حجر أَو بلاط أَو هندسية وممكن ينخلط صبغ خاص معاها وتكون صبغتها منها وفيها .. ولو بتحط بلاط شعبي النوع السميك أَو انترلوك أَو غيره كله يمشي وتفتك من أَي هبوط مستقبلي ومن النمل ومن تجمع الماي .. واللي يحب يشوف تبليط مسويه بهذي الطريقة من فوق 10 سنين وللحين ما فيه أَي هبوط حياه.

[$الملياردير$]

الله يحيك اكثر يالغالي وجزاك الله خير على سعة صدرك و كلامك الطيب وشرحك الوافي جعل والديك في الجنة

[sis]

مواضيعك مفيدة معماري قطر الله يجزيك كل خير

[معماري قطري]

مواضيعك مفيدة معماري قطر الله يجزيك كل خير

هذا من طيبك إِخوي الغالي .. وكل ما اذكره هو نتاج تجارب ودراسات سابقة ومحاولة لتوضيح الأَفضل وقد تكون هناك طرق أُخرى أَفضل وأَرخص لا أَعلمها .. وفي النهاية البنيان توافيق من رب العالمين

[Azizuk]

سؤال عن دفان البيت من الداخل قبل التبليط

في من ينصح بالبودره بعدين رش الماي ودكه وتكون صلبه زي الصبيه

وفي من يقول الدفان برمل بلاستر وبعدين صبيه سمنت في حدود 4 سنتيمتر

وفي من يقول اذا عندك القدره تحط رمل مغسول يكون احسن

والله الواحد يضيع بين كلامهم

ممكن حد يشرح لنا مراحل وخطوات الدفان الداخلي

وحتى الله يعزكم الحمامات الأرضية والحمامات الفوقية

لان الحمامات الفوقية ينحط لها عازل مائي

[معماري قطري]

إِخوي عزيز يو كي انا رديت على هالاستفسار مرات عديدة ورايي معروف وبعيده

الله يسلمك البعض ينصح بالبودرة لرؤيته لها بعد الدك وكيف هي صلبة ورخيصة في السعر ولا يفكر في عواقبها بعد فترة .. وقد تمر فترة طويلة بدون حصول أَي شيء ملحوظ لكن ببساطة مشاكلها في الانتفاخ من وصول أَي رطوبة وفي وجود الأَرضة فيها والشوائب الأُخرى .. طبعاً الانتفاخ يسبب تعرج في سطح البلاط أَو انتفاخ في جهة وعارف بعدين النتائج .. عدم تصريف الماء بسهولة وقد يعيق فتح الباب ومنظر قبيح وقد ينفتح البلاط أَو تستوي شقوق بين بلاطة وبلاطة أَو يتكسر .. والكلام ينطبق على باقي البيت وصادفتني حالات كثيرة من هالنوع.

والصبية الاسمنت في حدود 4 سم ما تفيد ولا حتى الدفان برمل أَو بودرة .. الأَفضل دفان بناتج الحفر ويكون مغربل ومشيولة منه الحجارة الكبيرة - فوق 5 سم تنشال وممكن تستخدم الحجارة الكبيرة تحت وتدفن حولها بعناية بس تكون مغطاة بدون فراغات تسبب هبوط مستقبلي .. بعد الدفان والدك ورش مبيد الأَرضة كاحتياط وحقنه داخل التربة حسب الطريقة المنصوح بها نجي للصبية اللي البعض يسويها بحديد والبعض يسويها بخلطة فايبر وخلطة الفايبر أَرخص والصبية تكون في حدود 10 سم وتكون على بلاستيك سميك وقوي ويكون في الأَطراف البورد القابل للانضغاط حتى يسمح بتمدد الصبية بدون ضغط على الحوائط الجانبية.

ليش نوفر قليل في مكان صبية مهم ونصرف الكثير في الأَساسات والأَعمدة وباقي الصبيات؟ لازم نوازن ونزيد في مكان الضعف ونقلل في مكان القوة وهنا يجي دور الاستشاري الانشائي الشاطر.

بالنسبة للحمامات الفوقية بعد العازل نحط رمل مغسول ونقي وممكن يمشي رمل البلاستر بشرط يكون مغسول لكن الرمل الخشن هو الأَفضل .. وطبعاً فوق الدفان نسوي صبية بلاستر خفيفة بسمك 4 سم ولو خلطناها بمادة الفايبر السائلة اللي تجي في عبوات بالغلن بتكون أَقوى وأَفضل .. بس مهم الصبية تكون بسلوبات مدروسة وبسيطة بإِتجاه الصرف وتكون مغطية وواصلة لتحت سيراميك الحوائط بحيث تخفي الخط الفاصل بين الصبية والسيراميك .. ثم يتم تركيب بلاط الأَرضية بحيث يغطي جزء بسيط من سيراميك الحائط ويكون القراوت ( المونة اللي بين الفواصل ) مغطي أَي فراغ يسبب دخول الماء لتحت.

يعني للحمامات العلوية بعد عمل الصرف الصحي - عندنا العازل ونسوي له زاوية اسمنت 45 درجة في الأَطراف حتى ما ينكسر وقت الثني وندخله في شق أَعلى شوي من مستوى بلاط الحائط وبعدها نركب آخر بلاطة بحيث تغطي أَعلى مستوى العازل - ونسوي الصبية بحيث تغطي تحت مستوى بلاط الحائط ونركب بلاط الأَرضية بعد التأَكد من السلوبات في الصبية .. ممكن عند مكان الباب نكون مركبين الفريم الأَساسي اللي في الغالب يجي مارين بلايوود ويكون التبليط حوله ونترك فراغ بسيط لحاجز رخامي أَو قرانيتي خاص يجي بعد تركيب الفريم بحيث يمنع وصول الماء لداخل الغرفة .. هذا تكون زواياه مشطوفة أَو دائرية وممكن يتركب قبل الفريم أَو بعده بس لازم يتركب بعد الفريم الأَساسي.

طبعاً هذي الطريقة الأَسلم والأَصح وكثير من أَشباه المقاولين يسون شورت كت لفايدتهم ولسهولة الشغل.

[MAZEN37]

وين منطقتك?

[Azizuk]

الشكر الجزيل للأخ معماري قطر على الشرح الوافي وماقصرت

وانت دوم ما تقصر مع اي شخص يسألك

انا عندي المقاول حط النايلون حط دفان مغربل نظيف مع حجارة صغيرة وحط في الزاوية ومحيط البيت من داخل فوق وتحت كله الماده الفاصله اسمها سلوتير ( زي البليوت بس ماده مكبوسه تشبه البسكويت ) قالي عشان تمدد الخرسانه وحط شبك من حديد وصب الصبية 10 سنتيمتر

الحين انا في مرحلة التبليط

جاني مبلط وقالي تحتاج دفان 20 سنتمتر بعدين جاني واحد ثاني قالي لا بس يكفيك 15 سنتمير 20 دفان وايد وسالت كذا شخص قالي بين 10 و 15 يكفي

انا أوزان المستوى لان الله يعزك المراحيض عندي المعلق ولازم أوازن المستوى مع ارتفاع المرحاض

واتفق المبلط مع السباك على ان يعمل حسابه المراحيض البيت كله يرتفع برتفاع بمستوى 15 سنتمتر

يعني هو خذ مستوى الباب 15 بعدين خذ له متر واحد بعدين ارتفع 43 ارتفاع المرحاض من مقياس المتر

عشان بعد الانتهاء من تبليط الحمام يكون عندي ارتفاع النهائي للمرحاض 45 سنتمتر من الارض

وإلا اذا لم يأخذ المستوى الصحيح للفيلا المراحض عندي يا راح يكون نازل او مرتفع

وأخذنا مستوى الفيلا على مستوى الشارع الرئيسي ومدخل البيت مستوى 15

والسباك قالي لان عندي بعض الاماكن المستوى مختلف فيها 19 - 18 - 16 -15 بعد مأخذ مستوى البيت بهوز الماي عشان جذي هو حدد مستوى الدفان يكون 20

بس المبلط قال 15 يكفي وعلى مسؤولية المبلط

والسباك قالي إذ آخذة على مستوى 15 احتمال يطلع عندك الدرج في اخر دور عالي

والله المستعان انا اول بيت لي وما عندي فكره بس اجتهاد شخصي ومتابعتي لهذا القسم استفدة وتفاديت اخطاء كثيرة

ومشكورين :victory:

[معماري قطري]

الله يعينك يا اخوي ووين استشاريك مخلينك ضايع بين هذا وذاك .. لازم فيه استشاري مشرف يرتب لك كل شيء .. ومكان الكرسي مهم تحديده بدقة وحسب خرائط التركيب من الصانع حتى ما يكون مرتفع ولا نازل ولو شوية سنتيمترات.

[Azizuk]

الحمدالله اتضحت الصورة بخصوص دفان داخل البيت

جاري في مرحلة التبليط وشفت مسوول التبليط وشفتهم يدفنون برمل بلاستر بمقدار 8 سنتمتر بعد تركيب وتمديد بيبات الكهرباء بعدين راح تجئ صبيه 4 سنتمتر وبعدها مادة الصق ومن بعدها عاد يا بورسلان او رخام على حسب اختيارك

وعلى طارئ الاستشاري مافي واحد الا واشتكى من الاستشاري ان مايتابع البيت بس وقت الصب الخراسانة وإذا انت جئت قلت له وقف المقاول او تشتكي على المقاول يعني بيعور قلبك

الاستشاري يبي واحد تاجر واحد عنده واسطه واحد يخاف منه عنده منصب

في واحد من ربعي حاط له استشاري مكلفة إشراف بس ومتاعبه ب 100 الف

وشخص ثاني طالب مهندس المشروع يكون موجود في الفيلا ومكلفة كل شهر 5 آلاف ريال

وانا انصح اي واحد يبني يجيب له فورمن شاطر ويخليه في الموقع يشرف على كل خطوه

والله يعين كل واحد يبني

[معماري قطري]

شيء يحزن .. العيب يا اخوي من القوانين المطاطة .. إِذا توهم ناويين يلزمون المقاولين بالمواصفات القطرية وينكم يا مهندسين من زمان؟

في موزمبيق وفي أَدغال أَفريقيا يبنون بقوانين ومواصفات محددة لكل بلد عندنا توهم يفكرون.

في الإِمارات وعلى ما اعتقد السعودية الاستشاري المشرف عليه اشراف عام من الحكومة ولو قصر بشيء بهدلوه .. إِحنا عندنا لا تاركين القرعة ترعى واللعب وسرقة الأَموال عينك عينك من أَي شخص يبني سمة الاستشاريين وبالتواطؤ مع قليلي الذمة من المقاولين .. وهنا ما اقصد المكتب ككل اقصد مهندس بعينه وفورمان المقاول .. أَما صاحب العمل والمدير المسؤول صعب يكشف هذي التجاوزات.

ليش انا اقول اشراف عام من الحكومة؟ وتدقيق العقود الهندسية وتضمينها بنود ضرورية لمصلحة المالك بواسطة جهة حكومية كالتخطيط؟ لأَن المالك إِنسان عادي غير ملم بالحيثيات البسيطة في البناء والتصميم والاشراف ولا في العقود .. لذلك واجب الحكومة كبير وخصوصاً للتنمية المستدامة المنشودة.

تنمية مستدامة والبيت متشلخ بعد سنة شالفايدة؟

وإِخوي عزيز وباقي الاخوان .. أَسهل المراحل الصب والغالبية ما يحضرون من الاستشاريين .. والبعض يرسل فورمان مب مهندس مختص .. الأَهم باقي المراحل وترك المالك ضايع بين المتردية والنطيحة .. ومعرض للجهل اللي ما ينفعه في شيء .. شفت بيت ينبني مره وعمال تبليط مصريين يشتغلون شغل هوي هوي كل غرفة يمكن مخترعين لها مستوى ارتفاع معين للبلاط ويوم وصلوا لنقطة التلاقي اكتشفوا الخطأ.

تحديد المستوى من أَسهل الأُمور والمفروض نبدأَ من عتبات الدرج ونحاول تكون متساوية الارتفاع ما تجي الأَخيرة نص درجة أَو درجتين مدمجين في بعض .. بعدها بالليزر أَو بالخيط يحدد المستوى ومنه يحدد مستوى بلاط أَرضية الحمام .. لكن بيت ما فيه فورمان صح ولا استشاري الكل بيفتي فيه والله يعينك يا عزيز .. إِنت من الشباب الفعالين في الكهرباء ومحزني الوضع اللي تمر فيه ومتمني لك الستر وأَرسل لي رقمك خاص بحاول أَمر بنيانك الجمعة أَو السبت لو حبيت.

[Azizuk]

تم إرسال رقم الجوال وموقع الفيلا على الخاص