نريد حمايه من حمايه المستهلك !

[qatar.up]

طبعاً كتبت هالموضوع بعد ماضاقت بي خلاص ، انا عندي سياره فورد اكسبلورر 2013 اانا المالك الاول والسياره كل يوم والثاني في الوكاله بسبب عيب مصنعي حتى الوكاله مش عارفه شتسوي فيها والمشكله الله يسلمكم انه السياره الصبح ماتدق سلف تعطيك صوت انه مافي بطاريه طبعا السياره بطاريتها بدلناها والدينمه الشارج مافيها مشكله وكل مره عذر الوكاله انه الكمبيوتر لازم نسويله ريست ويسوون وترد المشكله نفس الشي اخر مره تمت في الوكاله شهر تبديل كمبيوتر كامل والكمبيوتر مش متوفر في البلد ! كلمت حمايه المستهلك وقلتلهم السياره لازم تتبدل لانها عيب مصنع وكل يوم وهي واقفه قالولي أبشر أمورك طيبه طبعاً حمايه المستهلك خبر خير ماتصلوا ! بعد اسبوعين يمكن اتصلت الوكاله قالولي كلشي تمام طبعاً لا حول ولا قوه رحنا خذنا السياره ، وبعد فتره اتصل واحد من حمايه المستهلك بكل بروود يقولي شالخبار عسى كل شي تمام طبعا ماطولتها معاه وسكر الخط ، اليوم السياره ردت اختربت مره ثانيه !!!!

ومب عارف شاسوي البلد لافيها حمايه مستهلك مثل الناس والوكاله الله بالخير وحتى فورد الشرق الأوسط مايردون عالناس !!!!!

[معماري قطري]

الفورد من أَحسن السيارات ما خربوها الا الزلمات اللي في وكالتها

واحد يذكر لي انهم عينك عينك يوم تهاوش معاهم شالوا قطعة من سيارة موقفة وركبوها له والله العالم من صاحب السيارة الموقفة

[captin]

الفورد من السيارات العريقة ولها تاريخ وسمعة كبيرة

انا عندي بيك اب f150 موديل 2009 والحمدلله من احسن ما يمكن
وهذا ما يمنع ان بعض السيارات تصير فيها عيوب مصنعية

بما انك طرقت كل الابواب باب الوكالة في الدوحة واتصلت مكتب الشرق الاوسط
في دبي ما ردوا عليك .

حاول محاولة أخيرة اكتب رسالة الى المصنع الام في امريكا عل وعسى انهم يردون عليك .

اذا ما لقيت نتيجة جرب تاخذ السيارة الى وكالة السعودية في الشرقية بما انهم وكلاء فورد اشرح لهم
المشكلة يمكن الفنيين عندهم مرت عليهم مشكلة مشابهة ويقدرون يحلون مشكلتك .

الله يوفقك .