لاصق ذوي الاحتياجات الخاصه للمواقف

[حمد 2002]

السلام عليكم ورحمه الله وبركاته

لاصق ذوي الاحتياجات الخاصه للمواقف

البعض ممكن صحيح عنده أحد أفراد أسرته معاق وعنده هالاصق .. بس احياننا كثيره أجوف سيارات اتصف بمواقف المعاقين وعندها هالاصق بس كلهم يتحركون وبكامل قواهم ولا عندهم شخص معاق !!

لماذا لايتواجد رجل مروري أمام المواقف مالت المعاقين ليرى اذا كان الشخص الي انصرف له هالاصق موجود بالموتر أو لا ؟!

وهل هناك عقوبه على احتيال البعض على القانون بتلك الطريقة ؟!

وماريكم بالشخص الي ايطلع هالاصق لأحد أراد أسرته . وهو يستخدم هالاصق بدون تواجد الشخص المعاق بالموتر ؟!


وشكرا ..

[عبدالرحمن1]

أعوذ بالله تصدق انا سياره أخوي فيها لازق
ومستحيل أصف في موقف معاقين صراحه
أخاف الله يبلاني با أعاقه حتا اذا جيت للمول
ومستعجل وناوي اخالف أصف في موقف الشرطه
ولا موقف المعاقين مستحيل لو مايبقى الا هو المفروض
اللي يصف في موقف معاقين أقل شي يتصادر موتره

[بصمة قطرية]

يمكن يا حمد في شخص من ذوي الاحتياجات الخاصة في البيت
مب شرط يكون طالع هالوقت في السيارة ..
او يمكن موجود في المجمع ..
خلنا نحسن الظن ..
المفروض الشخص السليم ما يصف في مواقف ذوي الاحتياجات الخاصة ..
يعتبر تعدي على حقوقهم ..

[Dana’1]

مو شرط إن كل شخص تبان عليه الإعاقه خصوصا مع تطور الطب وتفصيل اطراف صناعيه او حتى اخذيه خاصه تقلل من ظهور هذي الإعاقه وتسهل عالشخص الحركه وزوجي أحد هالأشخاص ولله الحمد والمنه

[ya3coub]

حمد اللاصق افشل حل موجود

ليش تربط هالشخص بسيارة وحدة سيارة الدريول اذا ما كان يسوق ؟؟؟

ياما ذوي احتياجات خاصة يركبون سيارات ربعهم و يتخالفون فقط لأنه وقف لإنزال الشخص و الشرطي يقوله روح امسحها من المرور مالي خص

بدول ثانية مجاورة و بعيدة تقدر توقف بأي سيارة عليها او ما عليها ملصق و تحط بطاقه ذوي الإحتياجات الخاصه عالطبلون.

بقطر تراويهم البطاقه و يشوفون الشخص على كرسي و ما يقدر يوقف و مع ذلك يقولك ما عندك ستر ممنوع توقف و تنزل احد, و بنفس الوقت ما اقدر اوقف جدام باب المول و اعطر و اخذ مسافة علشان الكرسي بالإنزال و الركوب


بالنسبة للي صاحي و يستغل هالشي القانون ما يمنعه بس للأسف تصرف غير مرغوب بس ايضا قد يكون اب اخ او صديق لأحد ذوي الإحتياجات الخاصه الي متواجد بالمول و بعدها بيطلون مع بعض

[Dana’1]

حمد اللاصق افشل حل موجود

ليش تربط هالشخص بسيارة وحدة سيارة الدريول اذا ما كان يسوق ؟؟؟

ياما ذوي احتياجات خاصة يركبون سيارات ربعهم و يتخالفون فقط لأنه وقف لإنزال الشخص و الشرطي يقوله روح امسحها من المرور مالي خص

بدول ثانية مجاورة و بعيدة تقدر توقف بأي سيارة عليها او ما عليها ملصق و تحط بطاقه ذوي الإحتياجات الخاصه عالطبلون.

بقطر تراويهم البطاقه و يشوفون الشخص على كرسي و ما يقدر يوقف و مع ذلك يقولك ما عندك ستر ممنوع توقف و تنزل احد, و بنفس الوقت ما اقدر اوقف جدام باب المول و اعطر و اخذ مسافة علشان الكرسي بالإنزال و الركوب


بالنسبة للي صاحي و يستغل هالشي القانون ما يمنعه بس للأسف تصرف غير مرغوب بس ايضا قد يكون اب اخ او صديق لأحد ذوي الإحتياجات الخاصه الي متواجد بالمول و بعدها بيطلون مع بعض

يمكن تصير اذا الشرطي الموجود نفسيه ومو فاهم شغله .. بس لاهو قانون ولاشي
لأن إذا عارف شغله وعارف إن الدوله تأمر بتذليل الصعاب لحامل كرت ذوي احتياجات الخاصه على طول يفتح البوابه ويقول صف السياره بمحل ذوي الإحتياجات الخاصه
وهالشي صار لنا كم مره زوحي يخلي كرته عالطبلون والأمور سهالات

[aloosh]

هل دخلت قلوب ها الاشخاص المعاقين انت مفهموك للمعاق انه مشلول او ما يتحرك او لازم يعرج فيه اعقات سمع نطق ظهر شلل بسيط في الاطراف
يمكن صف وله احد في الداخل
طهرو قلوبكم حتى اتجاه اهل ذوي الاحتيجات الخاصه

ويقلون ليش وقف المطر

[Qa10]

السلام عليكم ورحمه الله وبركاته

لاصق ذوي الاحتياجات الخاصه للمواقف

البعض ممكن صحيح عنده أحد أفراد أسرته معاق وعنده هالاصق .. بس احياننا كثيره أجوف سيارات اتصف بمواقف المعاقين وعندها هالاصق بس كلهم يتحركون وبكامل قواهم ولا عندهم شخص معاق !!

لماذا لايتواجد رجل مروري أمام المواقف مالت المعاقين ليرى اذا كان الشخص الي انصرف له هالاصق موجود بالموتر أو لا ؟!

وهل هناك عقوبه على احتيال البعض على القانون بتلك الطريقة ؟!

وماريكم بالشخص الي ايطلع هالاصق لأحد أراد أسرته . وهو يستخدم هالاصق بدون تواجد الشخص المعاق بالموتر ؟!


وشكرا ..


في أمراض عصبيه مستعصيه ماتدري متى تعثر وماتدري متى بتمشي وتأثر على النظر وتسبب ارهاق وتعب فالمشي
اسمهم ذوي الاحتياجات الخاصه وليس "معاقين"


اللي تشوفه يمشي ماتدري شعلته
واذا سألت انت اللي بتنحرج

الله يشفيهم ويشفي المسلمين

[Qa10]

اذا بتكتب اكتب عن اللي يصف في ثلاث مواقف ذوي احتياجات "بالعرض" ومحد يخالفه ولاحاط ستيكر

[العلياا]

وعليكم السلام ورحمة الله

بما ان الوالد كبير فالسن عنده بطاقة معاق وليس لاصق لان ممكن يركب اي سيارة فالبيت
واحيانا انا اوديه اي مكان يبي اوقات انزله عند الباب واروح اصف فالموقف واوقات يكون فالمكان الفلاني
وانا اجي اخذه من هناك وانا انسانه سليمة ف موضوع ليش انسان سليم يوقف فالموقف هذي ما عندي معاه مشكلة


المشكلة الفعليه والعقلية الغريبة
اللي يجي ويشوف باركنق المعاقين مليان ويدخل سيارته ويوقفها فالنص
عرقل حركة سيارتين بصراحة استفزني جدا

[جوال 11]

عند المساجد بعض الناس ما يحترم الانظمة ويوقف في مواقف ذوي الاحتياجات الخاصة ولما تذكره بانه موقفه خطا يرد ما خدتش بالي من العلامة ولكن اصوره وارسل لمطراش 2

[كلام ساخر]

كلامك صحيح من ناحية عملية
الحين المعاق ما يركب غير سياره وحدة؟
حرام عليكم
مره بيوديه الدريول
مره ابوه
مره اخوه
شدعوه بس سيارة وحدة
يكون مع المعاق بطاقه يحطها على طبلون السيارة
حمد افكارك منتازة

[Mohammed2]

انا من رايي ان ملصق المعاقين يعطى فقط للشخص اللي يسوق ويكون هو نفسه من ذوي الاحتياجات الخاصه
اذا كان مايسوق وحد ثاني اللي يوصله ممكن يوقف عند الباب وينزله او يوقف في موقف عادي ويساعد اللي معاه فالنزول
شخص سليم يسوق ويوقف مكان المعاقين غلط

[حمد 2002]

اشكركم كلن بأسمه فرد فرد :)

[برشلوني قطر]

انا من رايي ان ملصق المعاقين يعطى فقط للشخص اللي يسوق ويكون هو نفسه من ذوي الاحتياجات الخاصه
اذا كان مايسوق وحد ثاني اللي يوصله ممكن يوقف عند الباب وينزله او يوقف في موقف عادي ويساعد اللي معاه فالنزول
شخص سليم يسوق ويوقف مكان المعاقين غلط

ياخوي اشلون يخلي ولد صغير ابروحه ويروح يدور موقف ...؟؟

ياخوي الناس تبي تسهل عليهم وانت تبي تسكرها والله لا يبلاك ف عزيز عليك

[حياة]

موب شرط ياحمد يكون ذوي الاحتياجات ع كرسي
انا عندي تقرير اصرف بطاقه المواقف لذوي الاحتياجات
وانا سليمه الحمد لله وامشي بس لان سويت عمليه في ظهري
براغي ودعامات بلاتينيوم
والمشي الطويل يتعبني .. فلاتحكم على الظاهر فقط

[Mohammed2]

ياخوي اشلون يخلي ولد صغير ابروحه ويروح يدور موقف ...؟؟

ياخوي الناس تبي تسهل عليهم وانت تبي تسكرها والله لا يبلاك ف عزيز عليك

انا ماقلت ينزل ولد صغير
اقصد ان لو كان اللي يسوق دريول مثلا، بينزل اللي معاه رجل على سبيل المثال ومعاق عند الباب ويروح السواق يوقف اي موقف عادي
واذا ولد يكون معاه شخص كبير ابوه مثلا ويوقف اي مكان ويساعده ابوه
اذا على المسافه ممكن يوقف عند مجمع ويلفون المجمع كله مشي وعادي
جات على المسافه من الموقف الى الباب

[ALKASER]

انا ماقلت ينزل ولد صغير
اقصد ان لو كان اللي يسوق دريول مثلا، بينزل اللي معاه رجل على سبيل المثال ومعاق عند الباب ويروح السواق يوقف اي موقف عادي
واذا ولد يكون معاه شخص كبير ابوه مثلا ويوقف اي مكان ويساعده ابوه
اذا على المسافه ممكن يوقف عند مجمع ويلفون المجمع كله مشي وعادي
جات على المسافه من الموقف الى الباب

لا اسمحلي مب عادي... انت ما جربت الصعوبات عشان تتكلم في الموضوع... الله لا يبلاك ولا يبلا عزيز عليك!

استغقر الله من الناس الي ما ترحم ولا تبي رحمة الله تنزل على العباد!!!

الله يهديني ووياك للحق وين ما كان.