الين الياباني 120 ين لكل دولار

[QATAR 77]

سعر الكروزر في اليابان 208 الف ريال قطر و ينباع في الدوحة 310 الف ريال قطري

يعني مربح 100 الف ريال قطري فقط لا غير في كل سيارة

مصدر السعر


https://m.youtube.com/watch?v=zGWJCHwZubU

[MAZEN37]

هذه فايدة الوكيل
لا تعليق

[Q ابو تركي Q]

مسموح نستورد كروزر من اليابان ؟

[Dana’1]

الي اعرفه وسمعته ان شركة مازدا هي الوحيده الي رابطه سعرها بالين
وعلى اساسه ترتفع وتنزل بالقيمه

[aloosh]

المازدا هي السياره الوحيده في اليابان اللي كل برغي فيها ياباني وغير مسموح بتصنيعها خارج اليابان

[السفير العربي]

عندما يكفــــل القانون التجاري حريـــة المنافسة حينئذ لن يكون للأسعار الإحتكارية موطئ قدم .

[هبوب الكوس]

اذا ما في شركة ثانيه تنافسه انسا

[technical]

بسم الله الرحمن الرحيم ، لا اعتقد من العدل مطالبة الوكيل تخفيظ السعر لطلبيات قد تم دفع سعرها وسعر الصرف مرتفع.

لكن ان يستمر السعر على ما هو عليه على دفعة السيارات الجديده غير مقبول. أين دور وزارة التجارة في الحفاظ على مقدرات الوطن والمواطن. أين دور الجهات الاخرى التي لا تكترث لخسارة المواطن ، لكن الا تألم لخسارة الدولة في أسعار مناقصات جاحفة في السعر والمواصفات بحجة سعر الصرف؟

[عنيــــد]

اذا ارتفع الين زادت الاسعار و عمرها ما تنزل*

حتى لو نزل الين ..

هذا اللي نعرفه و جربناه مع عبدالغني للاسف ..

[الدولي]

السلام عليكم
أصلا الدولار بدا بالارتفاع مقابل الين اكثر من سنتين ،انا شريت سنة 2008 الجديد لما سألتم تعللو بسعر الصرف وكان تقريباً في ذاك الوقت الدولار يساوي 79 ين ،
ولكن ماينفع معاهم الا الوحد يجيب من الدول الثانية ، انا مشتري السنة ذي من البحرين gx 163000 وفي الدوحة نفسه 200000

[معماري قطري]

واللي شروا اللكزس 2012 بسعر 400 وشوي كان وقتها الدولار يساوي 75 ين والحين 120 يعني نسبة وتناسب المفروض يكون سعرها 250 أَلف .

كان فيه شغل على الوكالات من الشيخ حمد بن جاسم رئيس مجلس الوزراء ما تم المفروض يكتمل أَلحين وتنفتح الوكالات للعالم.

[معماري قطري]

بسم الله الرحمن الرحيم ، لا اعتقد من العدل مطالبة الوكيل تخفيظ السعر لطلبيات قد تم دفع سعرها وسعر الصرف مرتفع.

لكن ان يستمر السعر على ما هو عليه على دفعة السيارات الجديده غير مقبول. أين دور وزارة التجارة في الحفاظ على مقدرات الوطن والمواطن. أين دور الجهات الاخرى التي لا تكترث لخسارة المواطن ، لكن الا تألم لخسارة الدولة في أسعار مناقصات جاحفة في السعر والمواصفات بحجة سعر الصرف؟

السعر كان ينزل بالتدريج وعلى مدى سنتين وفوق .. زين اللي بيطلب سيارة الحين كم بتطلع عليه؟ زنفترض انتاجها بعد من شهر يعني ما يمدي الوكيل يجيبها.

[technical]

السعر كان ينزل بالتدريج وعلى مدى سنتين وفوق .. زين اللي بيطلب سيارة الحين كم بتطلع عليه؟ زنفترض انتاجها بعد من شهر يعني ما يمدي الوكيل يجيبها.

بسم الله الرحمن الرحيم ، اذا بيطلب الوكيل السيارة يوم الاثنين 8-ديسمبر ، المفروض يعكس سعر الصرف الجديد تغير إيجابي نظراٌ لارتفاع الدولار امام الين. لماذا لا يوجد قانون من الدولة يحكم هذه العلاقة ، لان الوكيل يكذب ويحتال على المشتري الذي يقال له سعر الصرف مرتفع.

[qtr qtr]

وكالة النيسان بعد رافعين اسعارهم لمو\يلات 2015 اللي كان سعر نيسان اس اي مخمل شاشه فتحه ب193 الف 2014الحين 200 الف 2015 ومافي شي تغير فيه

دام دام اعضاء غرفة التجاره وصناعة قطر هم نفسهم الوكلاء المحتكرين فشي طبيعي ماراح يخفضون الاسعار .. الا من قبل صاحب السمو الامير الشيخ تميم بن حمد ال ثاني والشيخ عبدالله بن ناصر ال ثاني رئيس مجلس الوزراء باصدار قرار بخفض الاسعار عند انخفاض العمله

[معماري قطري]

وكالة النيسان بعد رافعين اسعارهم لمو\يلات 2015 اللي كان سعر نيسان اس اي مخمل شاشه فتحه ب193 الف 2014الحين 200 الف 2015 ومافي شي تغير فيه

دام دام اعضاء غرفة التجاره وصناعة قطر هم نفسهم الوكلاء المحتكرين فشي طبيعي ماراح يخفضون الاسعار .. الا من قبل صاحب السمو الامير الشيخ تميم بن حمد ال ثاني والشيخ عبدالله بن ناصر ال ثاني رئيس مجلس الوزراء باصدار قرار بخض الاسعا عند انخفاض العمله

إِن شاء الله صوتنا يسمع .. المنتدى يعكس رأَي الشارع وصراحة الغلاء في كل شيء

[][ الوحيد ][]

هل السياره تتصنع كامله فاليابان ؟

هاي السؤال اللي بيوضح كل شي

[يمامـة]

الاحتاكر يرفع السعر حتى لو نزلت قيمة الصرف..

[][ الوحيد ][]

السلام عليكم

بالنسبه حق موضوع الارتباط بالعمله ..

خل اقول شي صار لي و يمكن يكون له دخل بهالموضوع ..

ماركه ساعات من الماركات المعروفه .. عندهم ساعه في سنه 2008 كان سعرها 60الف تقريبا
الحين احنا في سنه 2014 سعر الساعه نفسها من الوكاله 94الف تقريبا ..

كل شي يعتمد على وين مكان الصناعه .. لو مثلا الساعه صناعه سوسيرا
لو نزل الفرانك السويسري يرتفع سعر الساعه .. مايقل سعر الساعه ..

الارتفاع يكون تدريجي مب في يوم واحد ..
عشان جذي سألت لو السياره صناعه يابانيه بالكامل ولا لا ..
لان لو صناعه يابانيه و الين الياباني نزل .. قيمه السياره ترتفع ..


اتمنى وضحت الفكره

[حمد بن سعد]

مجبور تشتري مافي حد يحميك من الغش والتلاعب

لو مطعم مرمرة اسطنبول كان خمسو فيه القاع

[يمامـة]

الاحتاكر يرفع السعر حتى لو نزلت قيمة الصرف..

اوبيه

اقصد الاحتكار مب الاحتاكر....................> شكرا لي:shy:

[technical]

[ الوحيد ][;9866131']هل السياره تتصنع كامله فاليابان ؟

هاي السؤال اللي بيوضح كل شي

بسم الله الرحمن الرحيم , اخي الكريم عندك سيارتين اكيد انهم من دول عملتها انخفضت امام الدولار . الا وهي اليورو والين . وان السيارات المستوردة مصونعة في تلك البلاد. اول سيارة هي البي ام الفئه السابعة والسيارة الثانية هي الكروزر المعروف.

وكلامي هنا ليس عن الاكس 5 او الام ل المصنوع كذلك في امريكا ومع ذلك يحسبون على قطر اسعار اوروبا !
لماذا اذا لا تنخفض اسعار السيارات المحسوبه على اسعار اوروبا ما دام انخفض اليورو امام الدولار.

هذه الوكالات , وكالات تكذب على الناس وتحتال عليهم بقول ان سعر الصرف ارتفع امام الدولار ولا تخفض السعر عندما يرتفع الدولار !

اللهم وكالة البنتلي بيض الله وجيهم دنيا واخره.

يجب على الدولة ان تضع قانون يحكم هذه العلاقة ويحمي المواطن من هكذا ممارسات احتيالية, والسلام.

[وحيد-الشوق]

لو مافي احتكار في قطر كنا شفنا اسعار السيارات تنزل اما كل عايلة تتوارث الوكالة سنوات قدام عمرنا مابنشوف شيء ينزل

[QTR TV]

الي ماعندوش ,,,,,,,,,,,,,,, ماكنتوش ههههههههه

[captin]

Qatar = Monopoly

[مشاكل]

لاحظت من مدّة انه في ركود في معارض السيارات

[باراكودا]

أنا أستفدت من الهبوط وشريت حق موتري فلاتر زيت وسفايف لمدة سنة جدام .