حد جرب شبكه ال 4g بلس [الأرشيف] - منتديات شبكة الأسهم القطرية

fzaa_qatar

05-12-2014, 04:43 PM

السلام عليكم .. انا شريت جهاز ماي فاي سرعه 300 ميجا وعلى كلام اوريدو راح توصل السرعه ل 225 ميجا وللاسف جربت الجهاز في الريان وبن عمران والسد ولاندمارك مول والشحانيه وطريق دخان ودخان واقصي سرعه وصلت لها ما تتعدا ال15 ميجا هاي اذا انت محظوظ.. وين المشكله مادري فالجهاز فالشبكه مادري .. حد منكم جرب ارسال الفور جي بلس او عنده جهاز غير الهواوي بحثت فالنت يمدحون الباندلوكس وجهاز ثاني نسيت اسمه .. وشكرا

Qa10

05-12-2014, 05:35 PM

الضغط الهائل على الشبكة هو السبب
السرعه المذكوره سرعه 3g تأكد من الاعدادات وانك شابك على 4g

بيض الخعفق

05-12-2014, 06:31 PM

شبكة 4g+ ماتغطي كل الدوحة
حسب اعلان اويدو المناطق اللي تتوفر فيها شبكة 4g+
كورنيش الدوحة،
بحيرة الخليج الغربي
كتارا
سوق واقف
الريان
الشحانية
سيلين

المفروض الريان والشحانية اوكي

fzaa_qatar

05-12-2014, 10:32 PM

شابك عالفور جي والارسال فل وتمت التجربه فالريان والشحانيه وسوق واقف وللاسف السرعه محبطه جدا

رجل الجزيرة

07-12-2014, 08:46 AM

عندي شريحة البرونابد وحاطه على الجالكسي تاب 12.2 وشفت السرعة وتفاجأت ب 101 ميجا.

توشيبا

07-12-2014, 02:32 PM

ياشباب الموضوع جهاز اللي تحط في الشريح كم سرعه استقباله من شيكه البرج ؟

اذا في احسن الحالات 2 ميقا بايت

ومن الجهاز للاب توب او اجهزه الجوال 150 ميقا بايت

بس شوف كم شخص شابك معاك في برج شبكه الاتصال وكم شخص شابك معك في جهازك واير لس

برج في منطقه يكفي 3000 استقبال واهل المنطقه جولاتهم فوق 20 الف

عادي مافي زحمه اصلا

متواصل

01-01-2015, 08:11 AM

وعليكم السلام ورحمة الله وبركاته

جربت الـ 4 جي بلس على جهاز هواوي موديل مختلف
سرعته زينه يوصل تقريبا 77
http://im56.gulfup.com/NTngEV.jpg
http://im84.gulfup.com/Ier32l.jpg

lion66

09-01-2015, 02:14 PM

ما تحتاج هالسرعة كلها

30 م ب/ثانيه يكون الوضع فوق المنتاز

][ Q6r ][

10-01-2015, 07:13 AM

الضغط الهائل على الشبكة هو السبب
السرعه المذكوره سرعه 3g تأكد من الاعدادات وانك شابك على 4g

هذه مشكله اريدو مب مشكلتنا
كيف ضغط على الشبكة !!
ليش ماتزيد شبكاتها وسيرفراتها !!
انا ادفع للخدمه والا استفيد من الخدمة هذا نصب على العملاء

fzaa_qatar

10-01-2015, 04:45 PM

بغض النظر ما احتاج الا سرعه معينه ولا لا انا ادفع عشان اشوف خدمه خلاص دام كيوتل مب قد سرعاتهم من الاساس ليش يعلنون عنها .. الفور جي العادي قالوا راح توصل سرعته ل125 ميجا وعمري ما شفتها وكل ثانيه الشبكه لها سرعه والفور جي بلس من اعلنوا عنه قالوا راح يغطي ع الفور جي العادي وراح توصل سرعته ل 225 مجيا .. اوووب عليهم رحت ثاني يوم شريت الجهاز اللي يدعم فور جي بلس خير شر ماتعدا ال10 ميجا فجميع مناطق قطر كلمتهم راستلهم مافي فايده الحين استخدم القديم .. شلون اغير ترددات الجهاز يمكن الارسال يضبط..

متواصل

10-01-2015, 05:19 PM

ياخوي جيب جهازك البلس
اشوف شفيه يمكن الاقي لك حل

عندي البلس يوصل 77 بالوكرة

fzaa_qatar

10-01-2015, 11:28 PM

ياخوي جيب جهازك البلس
اشوف شفيه يمكن الاقي لك حل

عندي البلس يوصل 77 بالوكرة

يعطيك العافيه الشيخ .. الجهاز الاول رجعته لستارنك وبدلوه بواحد ثاني ماتغير شي الا اذا اجهزه ستارلنك مضروبه هاي شي ثاني .. عموما قاعد اشوف شلون اغير ترددات الشبكه واذا مافيه فايده برجعه لهم

متواصل

10-01-2015, 11:58 PM

اذا كنت تقصد ترددات الشبكة 2600 و 800 تبع اوريدو
فمالك مجال

اما اذا تقصد
من 4جي
الى
3جي

فهذا سهل لكن ماتستفيد من الجهاز

fzaa_qatar

11-01-2015, 12:33 PM

ابشركم وصلت سرعه النت فمدينة دخان ل 84 ميجا بعد تغيير اعدادات واي فاي الجهاز واتوقع فالدوحه توصل ل 200 ميجا

متواصل

11-01-2015, 01:11 PM

مبروك ,,, عسى عرفت المشكلة وين ؟؟؟

رجل الجزيرة

12-01-2015, 08:45 AM

سؤال ولا عليكم أمر:

الشريحة نفسها إلي عليها الفور جي أسويها أب قريد من أوريدوا من إلا من نفسها تصير فور جي بلس؟

متواصل

12-01-2015, 09:11 AM

ولا تسوي شي
بس تركب شريحة الفورجي في جهاز الفورجي +
تلاقيه شغال باذن الله
انا مجرب على جهاز عندي

رجل الجزيرة

12-01-2015, 10:37 AM

ولا تسوي شي
بس تركب شريحة الفورجي في جهاز الفورجي +
تلاقيه شغال باذن الله
انا مجرب على جهاز عندي

أقصد طال عمرك هو يحتاج تفعيل وإلا ما يحتاج ويطلع عليه شعار + ؟ وإلا ويش عرفك؟ وفيه سؤال ثاني وهو هل هو نفس السعر وإلا السعر غير؟

متواصل

12-01-2015, 01:17 PM

لا مايحتاج تفعيل ولا حاجة
مثل ماقلت لك شغال على طول
اما ظهور الشعار لحظات وحط لك الصور باذن الله
السعر انا ادفع شهري ثابت للفورجي
ولم احصل على اشعار لزيادة السعر لاستخدام شبكة الفورجي +
ولم اطلب تفعيل خدمة من اصل

متواصل

12-01-2015, 01:25 PM

http://store1.up-00.com/2015-01/1421058289821.jpg

رجل الجزيرة

12-01-2015, 04:21 PM

رجل الجزيرة

12-01-2015, 04:23 PM

سامحني لين الحين وانا ما إستوعبت.
:)

رجل الجزيرة

12-01-2015, 04:54 PM

ويش نوع الشريحة؟

متواصل

12-01-2015, 05:02 PM

ارسلت لك على الخاص

monatee

12-01-2015, 08:36 PM

سامحني لين الحين وانا ما إستوعبت.
:)

اخوي مايحتاج اشتراك ولا شي ،، مجرد تاخذ الجهاز اللي يدعم +4g وتكون متواجد بالمكان اللي فيه تغطيه

وراح يشتغل عندك تلقائي على شريحتك القديمه ،،
الجهاز موجود عند اوريدوو اللي ب 999 ريال وجهاز سامسونج الفا ،،
حاليا هالجهازين تبيعهم اوريدو شغال عليهم +4g

المشكله ان اوريدو ماوضحت اشمعنى هالجهازين اللي شغال عليهم +4g ،، هل يعملون بتردد مختلف ؟
اذا اي بنفسنا بشنوف اجهزه ثانيه بمكان ثاني ،، ومو شرط ناخذ اللي عندهم

lion66

14-01-2015, 07:25 AM

شبكة فاشلة جدا ....

المفروض يتم فتح سوق الاتصالات و من غير احتكار من اوريدو و فودا فون

رجل الجزيرة

14-01-2015, 10:28 AM

اخوي مايحتاج اشتراك ولا شي ،، مجرد تاخذ الجهاز اللي يدعم +4g وتكون متواجد بالمكان اللي فيه تغطيه

وراح يشتغل عندك تلقائي على شريحتك القديمه ،،
الجهاز موجود عند اوريدوو اللي ب 999 ريال وجهاز سامسونج الفا ،،
حاليا هالجهازين تبيعهم اوريدو شغال عليهم +4g

المشكله ان اوريدو ماوضحت اشمعنى هالجهازين اللي شغال عليهم +4g ،، هل يعملون بتردد مختلف ؟
اذا اي بنفسنا بشنوف اجهزه ثانيه بمكان ثاني ،، ومو شرط ناخذ اللي عندهم

شريت الجهاز ورحت للدوحة على إني ساكن بعيد عن الشبكة وجربته ولا حتى تعدى 4 ميجا.

monatee

14-01-2015, 10:53 AM

شريت الجهاز ورحت للدوحة على إني ساكن بعيد عن الشبكة وجربته ولا حتى تعدى 4 ميجا.

ماستغرب منهم ،، ومن متى كانت سرعه النت جيدة عندنا ،، هالفتره انا اعاني من من الفورجي العادي في البيت وفي الدوام يادوب يوصل 20 ميغا وقبل يوصل في البيت 35 وفي الدوام قريب ال 50 الحين كلش الشبكه تعبانه

وبخصوص البلاس الصوره توضح اماكن التغطيه حالياً

واوريدو اضافت جوالين جداد عندها يشتغل عليهم البلاس
Huawei Ascend Mate7 و Samsung Galaxy Note Edge

كالعاده العالم لازالت تشتكي من السرعه ،، لا فورجي عادي ولا فورجي بلاس سرعتهم مرضيه

رجل الجزيرة

14-01-2015, 12:41 PM

شريت لي جهاز من نوع هواوي من موقع أي بي الخاص بالبروندباند لسرعة 150 ميجا معاه أريلين وحطيته في المجلس بمنطقتنا في السيلية فتفاجأت السرعة 90 ميجا والآن ما بين ال 70 لين فوق ال 85 ميجا.

chevelle-ss

15-01-2015, 07:38 AM

انا اليوم جربت السرعة على الفور جي العادي
المكان الدحيل
وبدون وصله وخرابيط
الtestكان من تلفوني نوت فور بس ياليت تعلموني وين مكان الفورجي بلس
علشان اشوف الجديد91646

monatee

15-01-2015, 12:17 PM

انا اليوم جربت السرعة على الفور جي العادي
المكان الدحيل
وبدون وصله وخرابيط
الtestكان من تلفوني نوت فور بس ياليت تعلموني وين مكان الفورجي بلس
علشان اشوف الجديد91646

خطيييره السرعه ،، وأول مره اجوفها بقطر ،، اتمنى تجرب يكون وقت عادي مثل العصر او المغرب

لان اشوف ان التجربه كانت الساعه 1:55 الفجر

وبالنسبه لشبكة البلاس النوت فور مش شغال عليه ،، واماكن التغطيه موجوده بردي السابق

==================

وهاي سرعتي حالياً في المرخيه ،، الله كريم :)

chevelle-ss

16-01-2015, 12:47 PM

خطيييره السرعه ،، وأول مره اجوفها بقطر ،، اتمنى تجرب يكون وقت عادي مثل العصر او المغرب

لان اشوف ان التجربه كانت الساعه 1:55 الفجر

وبالنسبه لشبكة البلاس النوت فور مش شغال عليه ،، واماكن التغطيه موجوده بردي السابق

==================

وهاي سرعتي حالياً في المرخيه ،، الله كريم :)
السلام عليكم ورحمة الله وبركاته
موهذا اللي قاهرني انه النوت فور مايشتغل على4gبلس عيل لو يشتغل على البلس كم بيوصل!!!
ملاحظه الوقت كان4:55 الفجر
لأن الوقت اللي في برنامج سبيد تيست بتوقيت غرينتش
لكن بجرب اليوم العصر او المغرب إن شاء الله وبشوف كم توصل وبصور لك

fzaa_qatar

17-01-2015, 02:35 PM

مبروك ,,, عسى عرفت المشكلة وين ؟؟؟

الله يبارك فيكك .. نزلت برنامج خاص فراوترات هواوي من الماركت وعدلت اعدادات الواي فاي من 2.4 الى 5 وطارت السرعه الحين عندي السرعه فدخان ثابته ع 110 ميجا .. طبعا هاذي سرعه الفور جي العادي مب بلس .. اللي عنده نفس الجهاز يعدل الاعدادت لاني جربت الجهاز اللي قبله ماتقدر تعدل عالواي فاي

رجل الجزيرة

17-01-2015, 06:16 PM

الله يبارك فيكك .. نزلت برنامج خاص فراوترات هواوي من الماركت وعدلت اعدادات الواي فاي من 2.4 الى 5 وطارت السرعه الحين عندي السرعه فدخان ثابته ع 110 ميجا .. طبعا هاذي سرعه الفور جي العادي مب بلس .. اللي عنده نفس الجهاز يعدل الاعدادت لاني جربت الجهاز اللي قبله ماتقدر تعدل عالواي فاي

طيب علمنا الطريقة بارك الله فيك.

fzaa_qatar

18-01-2015, 05:28 PM

طيب علمنا الطريقة بارك الله فيك.

شوف طال عمرك تنزل برنامجhuawei hilink وراح يشبك ع الوصله وتروح للاعدادت وتختار wifi mode تغيره من 2.4 هيرتز ل 5 هيرتز وطبعا فيه اعدادت ثانيه اذا حاب الجهاز بس يشبك عالفور جي تقدر تختاره . وتقدؤ تحط المشغل يدوي مايشبك ع شبكه فودافون ولا باتلكو. واي شي حاضرين

بنت المدينا

20-01-2015, 08:40 PM

سبحان الله وبحمده

شبيه الريح

01-02-2015, 09:21 AM

عبد الحميد

21-03-2015, 12:59 AM

صبحكم الله بالخير
قابلت مهندس اتصالات وسالته عن 4g+ و 4g قالي هي نفسها ولكن كل شبكه لها ترددين واوريدو ماخذه التردد الاقوى ومخليه التردد الاقل لفودافون

يعني 4g و 4g بلص نفسها ولكن بالتردد الاقوى

و5g مازالت تحت التجربة وفي كوريا فقط

هذا من كلام المهندس ونقلته لكم

مع كامل احترامي لكلام المهندس فهو غير دقيق ابدا...

لان يوجد فرق في السرعة بين ال 4g و 4g+...سرعة 4g+ هي اعلى 3 مرات من سعر ال 4g وهي اسرع من 9 الى 12 مرة من ال 3g...

وهناك فرق ايضا في التردد بين ال 4g و 4g+...والا لكنا شاهدنا 4g+...موجودة في كل قطر...كما هو حال ال 4g...

المارونـــي

22-03-2015, 06:52 AM

الي عنده وصلة 4+ هل تطلع في الشاشه 4+ لاني من خذت الوصله و هي 4 بس مافيها +

عبد الحميد

25-03-2015, 11:24 PM

الي عنده وصلة 4+ هل تطلع في الشاشه 4+ لاني من خذت الوصله و هي 4 بس مافيها +

تطلع علامة 4G+ على الجهاز، لكن اغلب الظن الشيخ انك موجود في مكان ما فيه تغطية للخدمة...

الخدمة تغطي اجزاء محدودة جدا من دولة قطر...

لمعرفة اماكن تغطية الخدمة...الرجاء الضغط عالرابط ادناه...

http://www.ooredoo.qa/ar/4G-coverage

الصورة في الاسفل توضح لك اماكن التغطية لخدمة ال 4G+...

92373

بالتوفيق :)

Hamad_qa

30-03-2015, 09:07 AM

خدمة تعيسة من اوريدو

نصب و خداع

انا خذيت جهاز ماي فأي 4g+
واعلئ سرعة حصلتها في أحسن الحالات كانت 7 م/ث
اغلب الوقت 4 م/ث
كلام فاضي و استغفال للعالم

رجل الجزيرة

30-03-2015, 10:30 AM

خدمة تعيسة من اوريدو

نصب و خداع

انا خذيت جهاز ماي فأي 4g+
واعلئ سرعة حصلتها في أحسن الحالات كانت 7 م/ث
اغلب الوقت 4 م/ث
كلام فاضي و استغفال للعالم

الله يصلحهم بس وين مكانك بارك الله فيك.

باكابوو

01-04-2015, 08:51 PM

اصلا مب وقته هاي البلس للحين .. يبيله وقت لين ما تتغطى الدوحه .. اذا الفور جي تو الناس عليه

Hamad_qa

02-04-2015, 03:29 PM

الله يصلحهم بس وين مكانك بارك الله فيك.

انا طال عمرك في منطقة الوعب .. جربت القطعة في أماكن واجد و اكثر سرعة حصلتها كانت 13 Mbps

وديت القطعه ستارلنك وقولوا الجهاز اوكي .. و شيكت عندهم على جهاز ثاني و كان قريب لسرعة الاول .. الهندي عقب قالي المشكلة في الشبكة و اوريدو يحتاجون أسبوع لتحديثها وزيادة قدرة استيعابها

جرس الإغلاق

06-04-2015, 10:48 AM

حاليا ف الكورنيش

السرعه ثلاثه ونص للداونلود
و خمسه ابلود

الله كريم

والجهاز فور جي بلاس للبيع اذا جاب سعر مثل الناس

جرس الإغلاق

06-04-2015, 11:03 AM

اعتذر كنت داخل المبنى

برا المبنى 17

بـن عدوان

07-04-2015, 04:46 AM

الله يبارك فيكك .. نزلت برنامج خاص فراوترات هواوي من الماركت وعدلت اعدادات الواي فاي من 2.4 الى 5 وطارت السرعه الحين عندي السرعه فدخان ثابته ع 110 ميجا .. طبعا هاذي سرعه الفور جي العادي مب بلس .. اللي عنده نفس الجهاز يعدل الاعدادت لاني جربت الجهاز اللي قبله ماتقدر تعدل عالواي فاي

اخوي نزلت البرنامج انا بس ماطلع الخيار عشان اغير

ياليت لو تشرح اكثر

Hamad_qa

07-04-2015, 11:34 AM

عدلنا و غيرنا الى 5 GHz و زاد شوي .. من 7 الى 9 !! استغرب اللي يقولون يوصل معهم 70 و 80 و 110

متواصل

07-04-2015, 11:39 AM

5 GHz
و 2.4 GHz
مالها علاقة بسرعة النت
هذا لنظام الوايرلس فقط
يعطيك تدفق للبيانات بصورة اكبر عن طريق الوايرلس
سواء البيانات من النت او من ملفات مشتركة
سرعة النت لها علاقة بقوة الاشارة من جهة
وهناك مشكلة يغفل عنها البعض الا وهي
البرنامج اللي يعمل سبيد تست من الجوال
يجب ضبطه على الدوحة اوريدو
بعض المرات يشبك على سيرفر الدمام ولا المنامة
يعطيك سرعة اقل