خطوات بناء ملحق كيربي سندويج ؟!

[حمد 2002]

السلام عليكم ورحمه الله وبركاته

بغيت ابني مجلس كيربي سندويج .. وشهي خطوات البنيان للملحق الكيربي واحسن نوع القرميد .. ابي الخطوات بالترتيب علشان العمال ماينصبون علي ؟! http://up.arabseyes.com/uploads2013/06_12_14141785481058721.jpg (http://up.arabseyes.com/) العاب (http://games.arabseyes.com)


نفس هالصوره

[مضارب دوسري]

الصورة هذي مب بنيان
هذي بورت كابن ثابت نفس بعض المساجد الصغيره

[حمد 2002]

الصورة هذي مب بنيان
هذي بورت كابن ثابت نفس بعض المساجد الصغيره

ههههههه انزين ابي البنيان :anger1:

[شموخ دائم]

,

,


مرحبا


اخوي الكريم حمد

بناء الملحق الكيربي ما يختلف كثير عن البناء العادي
هو نفس القواعد والتاسيس ( ممكن نخفف من سماكه القواعد )
والاعمده ونفس الطابوق ونفس البلاستر
الفرق هو في (السقف ) يتم عمله بالحديد وتغطيتها بالكيربي
عن طريق ( حداد ) ومن ثم تغطيته بعازل خاص للكيربي
الفرق بيكون بالتكلفه بحدود 25% تقريبا

اكبر مشكله بهذا النوع من الشغل

يدخل حراره
ووقت المطر يسرب

لذلك تحتاج واحد عنده خبره بهذا النوع من الشغل

,

,

[captin]

أفضل مكان لعمل مثل هذه المباني بجودة وضمان

هي شركة قطر للمساكن السريعة
اتصل بالمهندس خالد

لهم مشاريع كثيرة مثل مجالس ومساجد ومكاتب

[اللوز]

وليش سندويتش
كمل احسانك واعمل هامبورجر

الكيربي علشان رخص السعر
ولكن اذا زدت المبلغ سو صبية افضل

[معماري قطري]

مسوي انا من فترة حول فوق السنتين لا سرب ماي ولا شيء .. بس سلوب واحد والمقاس 6 في 3 وصحيح عندنا الخبرات في الشغل لك عليها .. وبعدين السندويش بانل يجي داخله عازل قوي ويجي بعضه بسمك 7 سم صناعة قطر حتى المشي فوقه ممكن بدون صوت ينسمع تحت.

ممكن اللي يحب يسوي السقف سيده مثل الخرسانة ويركب عليه عازل مياه ويجي مخفي .. وممكن تثبيته على خشب أو حديد .. أَكيد للراس المحدب واللي بعده يجي الميلان حلول لعمل وصله تجمع القطعتين .. ممكن كذلك تركيب نوعيات قرميد عليه سواء صناعي بلاستيكي أَو عادي ولكل نوعية طريقة.

[Aaziz]

حمد تبي تقلل التكاليف يعني ؟

تقدر تسويه بدون اعمده خرسانيه ... الي في الطوفه (الافقيه الي من فوق لين تحت)
يسوون الاساس العادي الي صبيه خفيفه و طابوق بالعرض و تقوم عليه الطوفه من جميع الجهات بدون اعمده او جسور (فقط طابوق) و تجيب الحداد يحط الفريم على الطابوق دار مادار و يثبت بالطوفه و يسوي عليه الشكل الهرمي بالحديد
بعدين تجيب الشبك الحديد الي فتحاته تقريبا وسعها سانتي ، تحطه على الحديد المايل كامل
و عقب تجيب العازل الي كانه زوليه ،، الي من جهه اسفنج و من جهه قصدير ،، و تفرشه من فوق لين تحت
و عقب تحط الخشب الاسود (البليوت) و عقب القرميط .

الطريقه الي فوق سويناها لبيت شعر و ماخز و العزل الحراري ممتاز ،، بس بدون موضوع الخشب البليوت و بدون القرميط.

حمد نبي تصور لنا المشروع لانه عادي منزل الموضوع فضول بس :court:

[حمد 2002]

مضارب ،، شموخ ،، اللوز ،، كابتن ،، معماري ،، عزيز ،،


شكرا جزيلا لكم ،،